اللي يدير البركوكش بالحليب يتفضل

[hakim3148]

صباح الخير اخواتي انا من الغرب البركوكس كيما قالت الاخت خلود نعملوه بالدجاج ونفوروه ثم نرجعوه للمرقة حوالي 5ديلا كان مفتول جديد فقط2د ويلا كان مجفف دار عليه العام يطيب حوالي5د ومن جهة اخرى نطيبوا صوص حمراء مرقة خاثرة بكرات اللحم المرحي نجملوا بها الصحن من فوق ونزيدوا نسقوا شوية لان بنتها تجي مفوحة مليح وهو البنة تاعوا في المعدنوس والثوم وراس الحانوت اما البركوكس بالحليب نفوروه عادي ثم نطيبوه في الحليب اما المحمصة وحدها تباع مثل الشربة في اكياس 500غ وكاين اللي يفتلها في الصيف اه نسيت كاين اللي يعمر الداجة اللي نطيبوها مع البركوكس ولما تطيب نفتح التعمار فوق البركوكسمن فوق