الأخت yarasmin. 26 ترد على تساؤلاتكم هنا

[*أم كوثر*]

السلام عليكم و رحمة الله و بركاته
أسعد الله مساؤكم
الاخت الكريمة في خدمتكم
اللي عندها اي استفسار في الحلويات اوتبحث عن اي وصفة باستطاعتها كتابة طلبها في هدا الموضوع و ستتفضل الاخت بنفسها للاجابة عنه
هكدا نسهل عليها ومانقلقوهاش هههههه
و يبقى الموضوع مرجع دائم ادا احتجتوه تلقاوه
لكن ملاااحظة هااامة
اللي تكتب موضوع طلب او استفسار موجه للاخت الكريمة خارج هدا الموضوع يحذف دون ذكر السبب
أتمنى تتقيدوا بهدا لتسهلوا على اختنا الاجابة على تساؤلاتكم
بانتظار تشريفها و اللي عندها اي سؤال تطرحه هنا لحين دخولها

[goumar]

مشكووره كثيرا اخت ام كوثر هذا هو الصح و نبذا انا على بركة الله طلبي الى الاخت حنا عند نا الميلفاي يديرولو كريمه تجي بيضاء مايله للزروقه واكيد مافيهاش البيض الله اعلم فيها الماء و المايزينه الاخت تفيدنا بيها ان امكن انا مانحبش كريم بتيسيار

[linat]

yarite madili la pate feilliti kifehe dirouha

[yarasmin.26]

مكانش كريمة مايلة لزروقة هذيك كريمة مشي مخدومة امليح باه الميلفاي كريمتو اجيك روعة المذاق ديري مزج بين كرام بيضاء بدون بيض+كرام انجليزية وهذا باضافة قطع الزبدة اعليها او كريمة بيضاء+ كرام شانتي الملفاي ايجيك خفيف الصح راه في الكريمة لانه كي يتشمخ يرجع ثقيل او محروق انقلي كريمة بدون بيض الي راني قدمتها وراكي تنجحي فيها وفي الملفاي ملاحظة اذا صبتي كريمة زرقاء ماتكليش الميلفاي ويمكن كذلك وضعلها ملون وانا اشك

[remadna]

مشكووره كثيرا اخت ام كوثر هذا هو الصح و نبذا انا على بركة الله طلبي الى الاخت حنا عند نا الميلفاي يديرولو كريمه تجي بيضاء مايله للزروقه واكيد مافيهاش البيض الله اعلم فيها الماء و المايزينه الاخت تفيدنا بيها ان امكن انا مانحبش كريم بتيسيار

بيضاء شفافة مائلة للزروقية لانها بالحليب المايه ( ربما 1 لتر + 1 م ص حليب لحظة) + نشاء ( حليب خفيف+ سكر) لا زبدة لا والو
حتى هنا تباع عندنا بثمن بخس والتي كريمة تاعها بيضاء كالثلج فيها حليب مليح+ نشاء
آسفة على التدخل

[goumar]

مكانش كريمة مايلة لزروقة هذيك كريمة مشي مخدومة امليح باه الميلفاي كريمتو اجيك روعة المذاق ديري مزج بين كرام بيضاء بدون بيض+كرام انجليزية وهذا باضافة قطع الزبدة اعليها او كريمة بيضاء+ كرام شانتي الملفاي ايجيك خفيف الصح راه في الكريمة لانه كي يتشمخ يرجع ثقيل او محروق انقلي كريمة بدون بيض الي راني قدمتها وراكي تنجحي فيها وفي الملفاي ملاحظة اذا صبتي كريمة زرقاء ماتكليش الميلفاي ويمكن كذلك وضعلها ملون وانا اشك

ربي يحفظك و يشافيك شفاءا لا يغادره سقما راني شكيت بلي هي جعله الله في ميزان حسناتك

[yarasmin.26]

العجينة الي راكي تحوسي اعليها فيها شرح مطول ونعطيك كمية كبيرة وانت تقسمي المقادير

[goumar]

بيضاء شفافة مائلة للزروقية لانها بالحليب المايه ( ربما 1 لتر + 1 م ص حليب لحظة) + نشاء ( حليب خفيف+ سكر) لا زبدة لا والو
حتى هنا تباع عندنا بثمن بخس والتي كريمة تاعها بيضاء كالثلج فيها حليب مليح+ نشاء
آسفة على التدخل

مشكوره كثيرا اخت رمادنه ربي يفرحك في دنيتك و اخرتك

[الفراشة الرومانسية]

شكرا أختي على المبادرة ...أنا عندي استفسار لطالما حيرني..وينها نوع الشوكولا قلاصاج لي تستعمليها و يستعملوها البنات تخرج لامعة في الصابلي خاصة.... ماتقوليليش choko luxe ماتعجبنيش ..
أرجو الرد أختي
و شكرااااااااااااااااااااااااااااااااااااااااا

[yarasmin.26]

الشكولاطة تلمع من اضافة قليل من الزبدة ومن غالي ثمن اقوى جودة كل ولاية من تسترد السلعة الي عندكم مشي كيما حنا في الماركات المهم المقادير:بياض البيض يضرب+
السكر قلاصي+ الشكولاطة سوداء على حمام مائي مضاف اليها الزيت وخلطي وفي الاخير فوندا ذائب وهذا القلاصاج خاص بحلويات الافراح

[miri_27]

السلام عليكم و بارك الله فيكم على الموضوع المفيد اطلب منك عزيزتي ياسمين موسكوتشو الحلواني تجي خفيفة مثل الريشة اظنها تصنع مايزينة و يضعون فوقها سيرو اي شاربات تسقى بها وشكرا مرة اخرى

[yarasmin.26]

هي عجينة الجينواز اقسميها طبقات راني قدمتها تحت عنوان جينواز حقيقة من محل الحلويات خفيفة ولذيذة وسقيها بالسيرو منكه باه ماجيش مشمخة وكاين وصفة بيسكوي سافواغ يستعمل لتارت الكبار وهو من عائلة الجينواز عن قريب راني رايحة انقدمو انشاء الله باسراره

[hamida2012]

السلام عليكم من فصلك اختي ياسمين وصفة le pain foure يتباع خاصة في رمضان و لكريمة لي جي داخله وجزاك الله كل خير

[yarasmin.26]

وضحي اكثر خبز الفرن من حيث الشكل ونقلك اذا نعرفو ولا لالا

[meimeifati]

مساء الخير أختي مشكورة على المجهود و ممكن نفسريلي أكثر على الشوكولا اللي قلتي نعملو فيها البياض هل انتي مجربتها و ادا امكن المقادير مضبوطة وعلاخاطر عندي مشكل مع الشكولا و ع العلم اني نستعمل نوعية جيدة لكم تصبح باهتة فوق الحلوى ممكن تساعديني باش الشكولا تكون فوق القاطو شكلها جميل

[miri_27]

هي عجينة الجينواز اقسميها طبقات راني قدمتها تحت عنوان جينواز حقيقة من محل الحلويات خفيفة ولذيذة وسقيها بالسيرو منكه باه ماجيش مشمخة وكاين وصفة بيسكوي سافواغ يستعمل لتارت الكبار وهو من عائلة الجينواز عن قريب راني رايحة انقدمو انشاء الله باسراره

لا عزيزتي هي ليست جينواز و انما موسكوتشو التي نعملها في قالب دائري مفتوح في الوسط و تجي خفيفة و من الفوق تسقى

[sajdaa]

يا اختي ارجوكي علميني كيف اعمل تورتة لعيد ميلاد ابنتي من الألف لالياء لأني مبتدئة وراهي شهاتني التورتات اللي عادو يعملوها في المحلات

[remadna]

بنات عندي 1 سا وانا نحبث على قاطو رابي من فوق و من تحت عجينة و في الوسط معجون و يطيب في بلاطو و من ثم يتقص
احتاجه اليوم
http://dc01.arabsh.com/i/00063/urkooqrelx1t.gif

[sissi123]

بالنسبة للكرام فراش الأحسن لي تكون سائلة أو العاقدة ؟

[aziza05]

s.v.p. j vous comment décorer une tarte s;t;p;

[snowiman]

جزاكم الله خيرا على الموضوع وحدة كيما انا راني نتعلم بشويييي
1-بعض المرات كي ندير قاطو ولا موسكوتشو تجيني فيه شوية حرارة (حار يحرق في الرقبة ) :confused::confused: مانيش عارفة منين exact
نشالله نلقى الحل
2-نحتاج 4 انواع قاطو اعراس دبرو عليا وش ندير
وشكرا ايييكم :1::1::24:

[yarasmin.26]

خذي 2 بياض البيض +1/2 كوب سكر اقلاصي+ شكولاطة سوداء بني حامق على حمام مائي حتى ايذوب الخليط اضيفي الزيت غيرشوية وخلطي وفي الاخير اضيفي 1 مك 2 مك فوندا ذائب هذا القلاصاج يندار على حبات الحلوة ليروشي او البنيون ملاحظة الزيت يضاف فقط في الشاء باه القلاصاج مايجيش يابس ,

[yarasmin.26]

سموه لي بابا عندي شعال من وصفة نعطيك واحدة احنا في المحل مناش انديروه يدي الوقت انتضر الرد

[hamida2012]

اختي هو بريوش على شكل ضفيرة وبعد ما يطيب محشي بلاكرام

[yarasmin.26]

حبيبتي حميدة انا نعرف pain swise هو الي راكي تحوسي اعليه انضريني غدوة نعطيك الوصفة

[sasafede]

السلام اختي اريد منكي وصفة الميرانغ باسراره ان امكن

[yarasmin.26]

حبيبتي رمضانة نعطيك هذه الوصفة تاع المسكوتشة المسكرفج والوسط معجون شابة: 4 بيض+200 سكر+250 غ زبدة ذايبة+2 مك خمارة +ا2 كوب فرينة خلطي كل المقادي والزبدة تكون ذايبة وباردة نقصي شوية منالعجينة وتوكيها بجهة اغطسي يدك في الزيت وسوي العجينة منبعد طبقة من المعجون ماتقويش ثم سكرفجي العجينة مدة الطهي 20 د

[أم ياسين الزهراء]

بنات عندي 1 سا وانا نحبث على قاطو رابي من فوق و من تحت عجينة و في الوسط معجون و يطيب في بلاطو و من ثم يتقص
احتاجه اليوم
http://dc01.arabsh.com/i/00063/urkooqrelx1t.gif


اختي ان شاء الله نفيدك

4 بيض + 1كاس سكر + فاني ضربيهم مليح منبعد زيدي 1كاس زيت + 2 خميرة + وشوي بيكربونات +الفرينة وماتنسايش زاست تاع القارص والبرتقال اقسمي العجينة على 2 الاول اكثر من الثاني حلي العجينة انتاعك في البلاتو وديري المعجون انا نزيد عصير البرتقال فيه يعطيلو طعمة روعة ومنبعد الطرف الاخر تاع العجينة انا نزيدلو شوي فرينة ونحكم لاراب ونرابي من الفوق ونحط في الفور بصحتك

[أم ياسين الزهراء]

حبيت نسقسيك اختي في رمضان كاين لامونة تجي مضفورة وفيها كريمة هايلة حبيت تعطياي الوصفة تاع لامونة والكريمة وحقى كاين فاني وشكو تعيشي

[yarasmin.26]

حبيبتي صفاد الميرانق4 بياض البيض+ 1 كوب سكر سكر قلاصي+1/2 م ص خل ابيض ابيض+1/2 عطر لفاني هذه الميرانق خاة بالحلويات ام الميرانق الي تنباع بالحبة وجي ملونة اضيفي ملون+عطر+3 مك مايزينة ضعيها في كيس حلواني وشكلي كما تردين

[yarasmin.26]

سمو خبز سويس لامون سويسرية منبعد انقدمولكم

[yarasmin.26]

كرام فراش ماتخفيش منه سائل او جامد الائل يستعمل الاكثرية لطواجن والجامد يطلع بلخف كرام شانتي

[liliane24]

أختي من فضلك بالنسبة لوصفة الكيك عندي استفسار، أختي نستعمل ملعقة العشاء العادية، راني جربته من قبل قدمته الأخت لينا72 ، بصح جاني ثقيل شؤية، لأني استعملت ملعقة العشاء و عمرتها بزاف على ما أظن.
أختي هل لديك الوصفة بالميزان لأني في البيت عندي ملاعق كبيرة و أخرى أقل لذلك لا أ عرف أي ملعقة أستعمل و خصوصا لم ينجح لي في المرة السابقة.

سامحيني أختي على كثرة الأسئلة جزاك الله خيرا، أما المادلين فقد جربته و خرج هشيش يسخف يعطيك الصحة.

[yarasmin.26]

استعملي ملعقة العشاء والفرينة ماتعمريهاش بزاف ثقي في نفسك وجربيه راني متاكدة بلي تنجحي واذاسبتي العجينة ثقيلة قبل الطهي اضيفي 1 م ك ماء وخلطي ايجيك روعة اي استفسار راني هنا

[yarasmin.26]

حبيبتي صفاد التارت ايطول الشرح كيفاش انفهمك اعطيني الحل وانا في الخدمة وتكوني ماهرة فيها

[عزتي في ديني]

السلام عليكم و رحمة الله و بركاته،جزاك الله خيرا و بارك الله فيك على هذه الوصفات السرية و المضمونة ،ياما جربنا وصفات مختلفة لعلنا نصل لمستوى المحلات و لا فائدة ، وكم سألنا مقربين من أصحاب محلات يقولونا سر المهنة و كاين مواد مستوردة خاصة بالمحل فقط......المهم عزيزتي ياراسمين ممكن نعرف عن كريمة الكراميل تجي سائلة و يزينوا بيها الجينواز تعطيه ذوق روعة عوض كريمة الزبدة.

[yakout01]

بارك الله فيك من فضلك اريد عجينة تاع les tartelettes و شكرا

[sasafede]

حبيبتي صفاد الميرانق4 بياض البيض+ 1 كوب سكر سكر قلاصي+1/2 م ص خل ابيض ابيض+1/2 عطر لفاني هذه الميرانق خاة بالحلويات ام الميرانق الي تنباع بالحبة وجي ملونة اضيفي ملون+عطر+3 مك مايزينة ضعيها في كيس حلواني وشكلي كما تردين

لكن اختي ممكن طريقة طهيها اختي ممكن الطريقة يعني اندير كل المقادير و نستنا ختى يطلع البيض ام ماذا

[الدنيا]

بنات عندي 1 سا وانا نحبث على قاطو رابي من فوق و من تحت عجينة و في الوسط معجون و يطيب في بلاطو و من ثم يتقص
احتاجه اليوم
http://dc01.arabsh.com/i/00063/urkooqrelx1t.gif

تقصدي هذا اختي ؟
http://www.djelfa.info/vb/showthread.php?p=9140698#post9140698

كاس مخلط زيت و زبدة و كاس سكر و كاس نشاء و 5 بيض
و 2 نوفا و قشور ليمون و فرينة
تخلطيهم مع بعض حتى تولي عجينة لينة نقسموها على 2 القسم الاول نحلوه و نديروه في مول مدهون انا
استعملت مول مربع و كبير و انت عينك ميزانك و تديري علبة مربي تمسحيها فوق العجين ثم القسم الثاني
ترابيه بالسكرفاج من الفوق و تدخليه الفرن حتى يحمار تقطعيه مستطيلات او مربعات

[الملتزمة بدينها]

السلام عليكي أختي yarasmin.26 صحيتي على كامل واش راكي تقدمي فيه ربي يجازيك أختي عندي شويا أسئلة في محلات بيع الحلويات نشوفو وحد الديسار يتباع في أكواب شفافة جي فيه طبقات من الكريمة مع الفواكه نتمنى تقوليلي كيفاش يخدموهم أيضا يعجبني وحد القاطو يجي خفيف ويتباع بالميزان أكون لكي شاكرة أختي لوكان تعطيني الوصفة نتاعو
أختي أنا مبتدئة في الحلويات ومنعرفش هذوك العبار مثلا 30 غ أو 70 غ مذبيك تقولينا العبار بالمغرف في كل وصفة تقدميهانا و أيضا بالنسبة للسوائل 200 ملل ... راني كثرت عليك اختي yarasmin.26 وربي يحفظك ويجعل كل ما تقدمينه في ميزان حسناتك

[الدنيا]

السلام عليكي أختي yarasmin.26 صحيتي على كامل واش راكي تقدمي فيه ربي يجازيك أختي عندي شويا أسئلة في محلات بيع الحلويات نشوفو وحد الديسار يتباع في أكواب شفافة جي فيه طبقات من الكريمة مع الفواكه نتمنى تقوليلي كيفاش يخدموهم أيضا يعجبني وحد القاطو يجي خفيف ويتباع بالميزان أكون لكي شاكرة أختي لوكان تعطيني الوصفة نتاعو
أختي أنا مبتدئة في الحلويات ومنعرفش هذوك العبار مثلا 30 غ أو 70 غ مذبيك تقولينا العبار بالمغرف في كل وصفة تقدميهانا و أيضا بالنسبة للسوائل 200 ملل ... راني كثرت عليك اختي yarasmin.26 وربي يحفظك ويجعل كل ما تقدمينه في ميزان حسناتك

ااختي كاضافة فقط اللي يتباع في الكيسان هذاك اومباسادور هو بقايا الباتيسري و طبقات كرام شانتيي و سيرو عاقد
و القاطو الخفيف ارجو ان توصفي لنا شكله علنا نستطيع مساعدتكي
و اترك الباقي للاخت ياسمين

[البنت السوفية]

الشكولاطة تلمع من اضافة قليل من الزبدة ومن غالي ثمن اقوى جودة كل ولاية من تسترد السلعة الي عندكم مشي كيما حنا في الماركات المهم المقادير:بياض البيض يضرب+
السكر قلاصي+ الشكولاطة سوداء على حمام مائي مضاف اليها الزيت وخلطي وفي الاخير فوندا ذائب وهذا القلاصاج خاص بحلويات الافراح

ارجوا منكي المقادير بالقياس بالضبط

[البنت السوفية]

السلام عليكم عزيزتي اطلب منكي وصفة الدزيريات راهي ما تجينيش كيما الي تتباع في دزاير العاصمة راني حسيت بلي الحشو يزيدولو كشما قاطو مهروس لأنو الحشو كي يطيب ينوض تقول فيه الخميرة

[aicha3357]

arjouki orid wasfat croissant

[remadna]

السلام عليكم عزيزتي اطلب منكي وصفة الدزيريات راهي ما تجينيش كيما الي تتباع في دزاير العاصمة راني حسيت بلي الحشو يزيدولو كشما قاطو مهروس لأنو الحشو كي يطيب ينوض تقول فيه الخميرة

صح عند الحق
ماشي لوز وحده معاه حاجة اخرى يزكو بها الكمية
انتظر معك الإفادة

[remadna]

تقصدي هذا اختي ؟
http://www.djelfa.info/vb/showthread.php?p=9140698#post9140698

كاس مخلط زيت و زبدة و كاس سكر و كاس نشاء و 5 بيض
و 2 نوفا و قشور ليمون و فرينة
تخلطيهم مع بعض حتى تولي عجينة لينة نقسموها على 2 القسم الاول نحلوه و نديروه في مول مدهون انا
استعملت مول مربع و كبير و انت عينك ميزانك و تديري علبة مربي تمسحيها فوق العجين ثم القسم الثاني
ترابيه بالسكرفاج من الفوق و تدخليه الفرن حتى يحمار تقطعيه مستطيلات او مربعات

يعطيك الصحة
لقيت الوصفة تاعك بعدما بحثت في google
كنت بحثت في قسم الحلويات لهذه لم اجدها و انت حطيتها في قسم التطبيقات
طبقتها و كملت و من ثم لقيت و وصفة ياسمين

[fatiha1902]

السلام عليكم
من فضلك أختي أريد وصفة قاطو النيستلي

[kokotg]

صباح الورد
حبت نسقسيك على الجنواز تضراب البيض والسكر 30دقيقة خفت لا تهبطلي نقدر نطلعها10د
علابالي راني كثرت عليك والله شهيتيني في الوصفات كامل

[sinati]

شكرا اختي اريد وصفة العرايش الهشة التي تدوب في الفم

[yarasmin.26]

السلام عليكم و رحمة الله و بركاته،جزاك الله خيرا و بارك الله فيك على هذه الوصفات السرية و المضمونة ،ياما جربنا وصفات مختلفة لعلنا نصل لمستوى المحلات و لا فائدة ، وكم سألنا مقربين من أصحاب محلات يقولونا سر المهنة و كاين مواد مستوردة خاصة بالمحل فقط......المهم عزيزتي ياراسمين ممكن نعرف عن كريمة الكراميل تجي سائلة و يزينوا بيها الجينواز تعطيه ذوق روعة عوض كريمة الزبدة.


صباح الخيراختي:كراميل الي توضع على الجينواز هي عبارة عن قارورة تباع عند محل الحلويات اجي كبيرة وتستعمل كذالك لتزينles glace في الصيف اي استفسار راني هنا اوماتتقلقيش كيما ردتش بسرعة لانه نخدم

[yarasmin.26]

بارك الله فيك من فضلك اريد عجينة تاع les tartelettes و شكرا

صباح الورد: عجينة التارتولات الخاصة بالتارتات ام حلوة التارتولات انتضر الرد تحياتي

[yarasmin.26]

لكن اختي ممكن طريقة طهيها اختي ممكن الطريقة يعني اندير كل المقادير و نستنا ختى يطلع البيض ام ماذا
صباح الخير حبيبتي الحلوة:ضربي بياض البيض مليح كالثلج+ سكر قلاصي غير بالشوية وبقي تضربي ماتحبسيش+الخل الابيض لازم وبقي تضربي+ معطر وبقي تضربي حتى كي ترفدي بملعقة مايطيحش تبقى جامدة ضعيها في كيس حلواني وزيني التارت وشعلي علها من فوق باه تحمار فقط اما تارت الميرانق الى تكون القاعدة انتاعها ميرانق انضيفو المايزينة وبقي بنفس التحضيراو ديري حلوة الميرانق اضيفي المايزينة
وديريها في الكيس الحلواني وشكلي ورود وطيبيها فرن ساخن كي تشوفي القاعدة حمارت اعرفي راهي جاهزة حتى ولو ماطابتش مليح من فوق هي لازم اجي شوية خظراء وتنشف من الهواء اي استفسار راني اهنا تحياتي

[yarasmin.26]

ارجوا منكي المقادير بالقياس بالضبط
صباح الانوار يابنت السوفية:اذا كانت عندك كمية صغيرة ديري 2 بياض البيض+150 غ سكر قلاصي +100 غ شكولاطةnoir تنباع عند محل الحلويات+50 مل زيت+من 1 الى2 م ك فوندا مذاب جربي حبة اذا نشفة فيه براكة واذا ما نشفتش اضيفي الفوندا ذائب فقط تحياتي

[linat]

من فضلك اختي ياريت تقوليلي كيفاه يديرو العجينة المورقة في محل الحلويات مع ذكر البعض منها وشكرا

[yarasmin.26]

السلام عليكم عز}يزتي اطلب منكي وصفة الدزيريات راهي ما تجينيش كيما الي تتباع في دزاير العاصمة راني حسيت بلي الحشو يزيدولو كشما قاطو مهروس لأنو الحشو كي يطيب ينوض تقول فيه الخميرة
صباحو:المقادير المضبوطة اجو التقيد بيها: 3 عبار فرينة ولي هي{200 غ} فقط فرينة+1/2 عبرزبدة ذايبة ولي هي{75 غ} فقط+ قرصة ملح+لفاني +ماء الزهر
العقدة:500 غ لوز+300غ سكر+رشة خمارة الحلوى+ قلاصي+عصير الليمون+ البيض مضرب من2 الى 3 حبات لازم العجينة اتفوت في الة البقلاوة على رقم 5 ثم 7 وقطعيهم دوائروضعي الحشوة في الوسط وطلي كامل الجوانب ببياض البيض مضرب+ قليل من ماء الزهروطلعي الحواف بي منظف الاسنانcurdant وتروكيها ترتاح منبعد طيبيها وعسليها في عسل خفيف وشكرا

[yarasmin.26]

ااختي كاضافة فقط اللي يتباع في الكيسان هذاك اومباسادور هو بقايا الباتيسري و طبقات كرام شانتيي و سيرو عاقد
و القاطو الخفيف ارجو ان توصفي لنا شكله علنا نستطيع مساعدتكي
و اترك الباقي للاخت ياسمين
صباح البحروتحياتي لناس الغرب :انتضري غدا نقدم كرام ديسار من محل الحلويات وجربيه انا انموت اعليه ايشهيني بزاف

[aicha3357]

arjouki okhti jawbini ana nentadir rabi yhanik

[yarasmin.26]

من فضلك اختي ياريت تقوليلي كيفاه يديرو العجينة المورقة في محل الحلويات مع ذكر البعض منها وشكرا
صباح الفلول والياسمين"كمية كبيرة وانت نقسي في المقادير:1.500 غ فرينة+كوب زيت+40 غ ملح+عصير ليمونة وهذا هو السر {لنزع الرطوبة من الفرينة}رونيها بماء عادي في الشتاء والصيف من الثلجة كي تترون ترجع 3 كلغ ادلكيها بكف اليد حتى تصبح لينة وتروكيها ترتاح حليها بالحلال ضعي الزبدة التوريق750 غ{السر2 :اضربي الزبدة بالحلال حتى تولي بيضاء} من بعد بكف اليد حتى تصبح بيضاء وطرية ضعيها في الوسط غلقي اعليها منبعد اقلبيها اليكي وحليها بطول+ العرض ثم اعيدي الطريقة مرة اخرى وتروكيها ترتاح بداي التطبيق 1 و2 بنفس الطريقة ثم ترتاح ثم 3و4 ثم ترتاح والاخيرة5 ثم اتروكيها ترتاح ثم حليها وشكليها على سمك2 سم ملاحظة كي تشكليها اتروكيها ترتاح باه ماتتكمش منبعد شهية طيبة

[linat]

صباح الفلول والياسمين"كمية كبيرة وانت نقسي في المقادير:1.500 غ فرينة+كوب زيت+40 غ ملح+عصير ليمونة وهذا هو السر {لنزع الرطوبة من الفرينة}رونيها بماء عادي في الشتاء والصيف من الثلجة كي تترون ترجع 3 كلغ ادلكيها بكف اليد حتى تصبح لينة وتروكيها ترتاح حليها بالحلال ضعي الزبدة التوريق{السر2 :اضربي الزبدة بالحلال حتى تولي بيضاء}وضعيها في الوسط غلقي اعليها منبعد اقلبيها اليكي وحليها بطول+ العرض ثم اعيدي الطريقة مرة اخرى وتروكيها ترتاح بداي التطبيق 1 و2 بنفس الطريقة ثم ترتاح ثم 3و4 ثم ترتاح والاخيرة5 ثم اتروكيها ترتاح ثم حليها وشكليها على سمك2 سم ملاحظة كي تشكليها اتروكيها ترتاح باه ماتتكمش منبعد شهية طيبة
mercie rabi yahafdak:1::1:

[مليكة01]

صباح الخيرات


الحمد لله ريحت راك ناشطة اكثر من قبل
عين الحسود فيها عود

كنت نحوس على مقادير البقلاوة

انا نخدمها و لكن حبيت نعرف مقادير الي تصنع عند الخباز تجي مقرمشة


و بالنسبة للقريوشة انتي اي مقادير تستعملي ؟

وصحيتي وقيلا نبدلوا كامل الصنعة و نفتحوا حوانيت قاطو


المراة عموما فضولية وتحب تخدم حاجة مليحة و زينة


ما تبخليش علينا باسرار الحلويات

[مليكة01]

البقلاوة نحوس على عبر السنيوة نتاع 1 م

شحال لازم فيها تكاليف

العسل شحال نزيدلو ماء زهر

نستعملوا السمن وحدو والا الزبدة معاه خير

[yarasmin.26]

البقلاوة نحوس على عبر السنيوة نتاع 1 م

شحال لازم فيها تكاليف

العسل شحال نزيدلو ماء زهر

نستعملوا السمن وحدو والا الزبدة معاه خير
احنا انديرو كمية كبيرة يعني الباقي منها نستعملوه لحلويات اخرى مانقدرش نعطيك الكمية ديري بصحن الشوربة الكبير وليدام ديري الزبدة فقط وتروكيها ترتاح مليح وحليها بمايزينة في الة رقم3ثم 5ثم الرقم الاخير اما بين الطبقات ديري السمن والزبدة باه اجيك خفيفة اذا عندك اي سؤال رانا هنا

[مليكة01]

اذا ممكن اعطيني المقادير الكبيرة ما عليهش

[yarasmin.26]

لا عزيزتي هي ليست جينواز و انما موسكوتشو التي نعملها في قالب دائري مفتوح في الوسط و تجي خفيفة و من الفوق
صباح الخير : اسمها les baba المقادير"25 غ سكر+ 5 غ ملح+ 100 مل ماء+12 غ خميرة الخبز+2 بيض+225 غ الى300 غ فرينة+50 غ زبدة الشاربات:1 لترماء+1 كلغ سكر+ عصير اليمون
الخميرة+1 مك سكر + ماء دافي في قصعةالفرينة+ملح+ بيض+ الخميرة اعجنيها مدة 5 د ثم ارفدي وخبطي حتى تطرى يضاف الزبدة في النهاية وتواصلي الرفد مع الخبط ضعيها في قالب المسكوتشة المحلولة في الوسط وتترك تختمر في مكان رطب ودافي كي تخمر طيبيها في فرن درجة الحرارة400 درجة من 15 الى20 د كي تدفئ انزعي الطبقة الفوفانية اذا اردتي وتوضع عدة مرات في الشاربات حتى تتشرب اذا مافمتيش حاجة في هذه الوصفة قوليليل لانه ايليقلها24 سا وهي تتشرب امليح باه تنتكل

[الدنيا]

يعطيك الصحة
لقيت الوصفة تاعك بعدما بحثت في google
كنت بحثت في قسم الحلويات لهذه لم اجدها و انت حطيتها في قسم التطبيقات
طبقتها و كملت و من ثم لقيت و وصفة ياسمين

مزية لقيتيها انا درتها في قسم التطبيقات لانها ليست لي
انا طبقتها عن احدى الاخوات لكن نسيت من تكون

[yarasmin.26]

[quote=مليكة01;9340195]اذا ممكن اعطيني المقادير الكبيرة ما عليهش[/quot
ياحبيبتي كي نعطيك كمية 10كلغ فرينة انت واش راكي رايحة اديري بيها راني سهلت اعليك وقتلك عبري بالغرفيةالكبيرة تاع الشوربة تاع العرس اجيك اعبر{اسموه الشلادي}

[مليكة01]

ماعليهش

انا حابة نعرف واش يخصها الي نصنعها

بصح اعطيني المقادير كاملة حتى العسل


تعبتك راني عارفة

[مليكة01]

مرة في عرس صنعت 2 سنيوة نتاع 1 م

نحب نعرف المقادير الكبيرة

[أم ياسين الزهراء]

حبيت نسقسيك اختي في رمضان كاين لامونة تجي مضفورة وفيها كريمة هايلة حبيت تعطياي الوصفة تاع لامونة والكريمة وحقى كاين فاني وشكو تعيشي


وقيلة نسيتيني تعيشي راني في الانتظار ربي يعاونك

[yarasmin.26]

وقيلة نسيتيني تعيشي راني في الانتظار ربي يعاونك
متنسيتكش اليوم نعطيهولك انتضريني

[nadiem]

ختي شكرا لك,حبيتك تعطيني وصفة البريوش لي يبيعوه في رمضان لي يكون حجم عائلي كبير ومرشوش بسكر ناعم ويجي خفيييف،،ووصفة الكريمة البيضاء لي محشي بيها تكون قريب شفافة وخفيفة وهي نفسها يحشيو بيها لي زيكلير

[طالبة التقى]

بارك الله فيك وجعلها الله في ميزان حسناتك وبارك لكي في اهلك وصحتك امين اني حابة نسالك على الفلان للي يديره في المحلات وتحتو عجينة التارت سيت وصفة وضحك عليها زوجي واله غير حشمت وكذللك المخبز الي يجي معسل واشكرك مسبقا

[الملتزمة بدينها]

السلام عليكي أختي yarasmin.26 صحيتي على كامل واش راكي تقدمي فيه ربي يجازيك أختي عندي شويا أسئلة في محلات بيع الحلويات نشوفو وحد الديسار يتباع في أكواب شفافة جي فيه طبقات من الكريمة مع الفواكه نتمنى تقوليلي كيفاش يخدموهم أيضا يعجبني وحد القاطو يجي خفيف ويتباع بالميزان أكون لكي شاكرة أختي لوكان تعطيني الوصفة نتاعو
أختي أنا مبتدئة في الحلويات ومنعرفش هذوك العبار مثلا 30 غ أو 70 غ مذبيك تقولينا العبار بالمغرف في كل وصفة تقدميهانا و أيضا بالنسبة للسوائل 200 ملل ... راني كثرت عليك اختي yarasmin.26 وربي يحفظك ويجعل كل ما تقدمينه في ميزان حسناتك

أختي مزال مجوبتنيش أرجوكي وبالخصوص حاولي تعطينا المقادير بالمغرف

[zina213]

salam 3alaikoum w choukarne lik oukhti 3la les infos wallah raki fedtina
svp je veux la recette des croissons si c possible rabi yjazik
merciiiiiiiiiiiiiiiiiiiiiiiiiiiii

[yarasmin.26]

بارك الله فيك وجعلها الله في ميزان حسناتك وبارك لكي في اهلك وصحتك امين اني حابة نسالك على الفلان للي يديره في المحلات وتحتو عجينة التارت سيت وصفة وضحك عليها زوجي واله غير حشمت وكذللك المخبز الي يجي معسل واشكرك مسبقا
راني قدمتها ولكن مكانش مشكل غدوة نعطيهالك او اليوم انتضريني اسمحيلي ذروك راه اعليا ضغط

[yarasmin.26]

أختي مزال مجوبتنيش أرجوكي وبالخصوص حاولي تعطينا المقادير بالمغرف

مانعرفش بالملعقة ولكن كرام ديسار قدمتو اليوم وقالولي منقول في قسم التحليات وانا كل يوم ناكلو في المحل اما قاطو الميزان راه تحت عنوان gateaux sec من محل الحلويات

[*أم كوثر*]

مانعرفش بالملعقة ولكن كرام ديسار قدمتو اليوم وقالولي منقول وانا كل يوم ناكلو في المحل اما قاطو الميزان راه تحت عنوان gateaux sec من محل الحلويات


يا اخت يارا ماقلتش منقول بل نقلته للقسم المناسب لانو عبارة عن تحلية
ارجو ان تتفهمي الامر

[*أم كوثر*]

اخواتي العضوات نظرا لتواضع الاخت يراسمين ورغبتها في المساعدة و نيتها الخالصة في الاجابة عن تساؤلاتكن وافقت ان يكون لها موضوع مخصص تجيبكن عن كل التساؤلات
لكن يحب ان لا ننسى ان لديها مسؤوليات اخرى فهي عاملة بمحل للحلويات ومسؤولة كدلك عن بيت
لهدا وجب علينا احترام مسؤولياتها
اللي عندها طلب تكتبه هنا وتصبر شوية على الاخت حتى ترد بمعنى اخر لما يكون لديها متسع من الوقت مش رح تبخل عليكم بالردو ارجو ان تكون الطلبات معقولة حتى لا تمل منا اختنا و تهرب ههههههههه
ولا تنسوها من صالح الدعاء على جهدها و تعبها
ارجو التفهم دون تأويل

[mimi53]

احب اولا ان اشكركي جزيل الشكر اختي وحبيبتي ياشمين على كل شيء وخاصة على الكيك التي وضعته لنا راني جربته وخرجلي روعة في المداق يعتيك الصحة
لي طلب من عندكي ياريت قدميلي طريقتكي في صنع البتي فور والكروكي كيما الي يتباع في المحلات سييت حال من وصفة لكن مخرجلي كيما الي يتباع ارجو منكي افادتي وشكرا لكي على كل شيء وجعله الله في ميزان حسناتك

[نصيرة أمي الحبيبة]

حبيبتي ميمي راهي حطت الأخت ياسمين الوصفات

هذي قاتو ساك
http://www.djelfa.info/vb/showthread.php?t=906712

وهذا كروكي
http://www.djelfa.info/vb/showthread.php?t=898178

[mimi53]

مكورة حنونتي ربي يخليك هدا وين شوفتهم سافي gâteaux sec هو بتي فور مرسي حبيبتي راني فهمت دورك

[yakout01]

شكرا اختى ولكن ابحت عن عجينة les tartelettes الخاصة بالتارتات

[محاربة الصحراء 19]

السلام عليكم
شكرا اللاخت ياسمين ربي يجعلها في ميزان حسناتك
فضلا منك اعطيني وصفة الكاستيل
مشكورة مسبقا

[sasafede]

اخواتي من اجل هذا الفرع ايكون منظم لازم اخواني نسالوها سال واحد في اليوم ا منبعد منعاودوش السؤال مرار وتكرار ا ختى تجاوبك باش تسئلي اسئلة اخرى هاكذا باش منتعبوش الاخت
هذا رايي

[saida08]

شكرا اختي ام كوثر على فتح هدا الركن
للاجابة على استفسارات و طلبات الاعضاء.

[latifa98]

صباح الفلول والياسمين"كمية كبيرة وانت نقسي في المقادير:1.500 غ فرينة+كوب زيت+40 غ ملح+عصير ليمونة وهذا هو السر {لنزع الرطوبة من الفرينة}رونيها بماء عادي في الشتاء والصيف من الثلجة كي تترون ترجع 3 كلغ ادلكيها بكف اليد حتى تصبح لينة وتروكيها ترتاح حليها بالحلال ضعي الزبدة التوريق{السر2 :اضربي الزبدة بالحلال حتى تولي بيضاء}وضعيها في الوسط غلقي اعليها منبعد اقلبيها اليكي وحليها بطول+ العرض ثم اعيدي الطريقة مرة اخرى وتروكيها ترتاح بداي التطبيق 1 و2 بنفس الطريقة ثم ترتاح ثم 3و4 ثم ترتاح والاخيرة5 ثم اتروكيها ترتاح ثم حليها وشكليها على سمك2 سم ملاحظة كي تشكليها اتروكيها ترتاح باه ماتتكمش منبعد شهية طيبة

السلام عليكم و رحمة الله و بركاته،جزاك الله خيرا و بارك الله فيك على هذه الوصفات
ممكن اختي كمية الزبدة الخاصة بالتوريق
شكرا اختي ام كوثر على فتح هدا الركن

[yarasmin.26]

السلام عليكم و رحمة الله و بركاته،جزاك الله خيرا و بارك الله فيك على هذه الوصفات
ممكن اختي كمية الزبدة الخاصة بالتوريق
شكرا اختي ام كوثر على فتح هدا الركن
اسمحيلي انسيت مامديتولكش كنت غصبانة 750 غ اخدميها مليح بالحلال ثم كف اليد حتى تولي بيضاء تحياتي

[latifa98]

بارك الله فيك والله يسترها معاك دنيا واخرة

[yarasmin.26]

صباح الخيرات


الحمد لله ريحت راك ناشطة اكثر من قبل
عين الحسود فيها عود

كنت نحوس على مقادير البقلاوة

انا نخدمها و لكن حبيت نعرف مقادير الي تصنع عند الخباز تجي مقرمشة


و بالنسبة للقريوشة انتي اي مقادير تستعملي ؟

وصحيتي وقيلا نبدلوا كامل الصنعة و نفتحوا حوانيت قاطو


المراة عموما فضولية وتحب تخدم حاجة مليحة و زينة


ما تبخليش علينا باسرار الحلويات
يسعد صباحك والله ماريحة راني من3 صباحا وانا نجبد ونزيد ندخل على12 زوالا راني عيانة بزاف مانيش نقدر اركزاورجعت ننسى المهم عجينة البقلاوة فرينة+ زبدة ذوبيها كي تبرد انزعي منها الحليب او الماء الي فيها +ماء+ ماء الزهر+رشة ملح+لفاني وتروكيها ترتاح ليلة كاملة في الثلاجة غدوة من ذاك حليها بالحلال ثم الة البقلاوة ونثري المايزينة وطلي بين الطبقات الزبدة مع شوية زيت اما القريوشة اندير 3 عبار فرينة+ 1/2عبر زبدة التوريق+رشة ملح+ لفاني+1خمارة
الحلوى+ ماءدافي مع ماء الزهرونتروكها ترتاح في الثلاجة مليح انحلها بالمايزينة المهم ترتاح باه ماتتقطعش في الالة رقم3 ثم 5 وشكليها كما تريدين اجيك لذوب في الفم لانه خفيفة ومليحى لنساء الكبار وتستعمل في الوليمة جربي بكاس قازوز ايدلك كمية كبيرة كي تنجحي كبري المقادير
تحياتي لكي حبيبتي:mh31:

[yarasmin.26]

ختي شكرا لك,حبيتك تعطيني وصفة البريوش لي يبيعوه في رمضان لي يكون حجم عائلي كبير ومرشوش بسكر ناعم ويجي خفيييف،،ووصفة الكريمة البيضاء لي محشي بيها تكون قريب شفافة وخفيفة وهي نفسها يحشيو بيها لي زيكلير
صباح الخير: البريوش ايجي ثقيل وناشف شوية اما لامونة اجي خفيفة والكريمة هي كريمة بدون بيض الي راني قدمتها وكي اطيب اطليها بناباج او2 م كماء+ 1 مك معجون مخلطين وديري طبقة لماعة وذرذري سكر قلاصي من فوق هذي الي راكي تحوسي اعليها

[yarasmin.26]

salam 3alaikoum w choukarne lik oukhti 3la les infos wallah raki fedtina
svp je veux la recette des croissons si c possible rabi yjazik
merciiiiiiiiiiiiiiiiiiiiiiiiiiiii
صباح الخير: وصفةالكرواسون صعيبة في التطبيق
مليئة بااسرار المهم في ذالك اذا مكانش عندك الة التخمير ماينجحش100 / 100الي متوفرة فقط في محلات.

[imadwlidi]

ربي يكون في عونك و الله لي نقولوه قليل فيك و ربي يخلينا big heart
حبيت برك نقولك بلي راكي ممديتيش لعبر تاع البقلاوة
وتانيك حبيت نسقسيك وشمن ماركة تاع الفرينة و الماركة تاع الزبدة و إذا تستعملو الزبدة الحقانية و لا المنغارين
و ربي يحفضك ويجازيك

[yarasmin.26]

ربي يكون في عونك و الله لي نقولوه قليل فيك و ربي يخلينا big heart
حبيت برك نقولك بلي راكي ممديتيش لعبر تاع البقلاوة
وتانيك حبيت نسقسيك وشمن ماركة تاع الفرينة و الماركة تاع الزبدة و إذا تستعملو الزبدة الحقانية و لا المنغارين
و ربي يحفضك ويجازيك
راني مديتو 3 عبار + 1 عبر زبدة+ ملح+ لفاني ولميها بماء+ ماء الزهر وتروكيها ترتاح في الثلاجة اما بنسبة لفرينة صراحة حمامة هي الخيرة وفيها نوعين يتشابه انت وزهرك اما الزبدة ona ou blatt صفيها كي تذوبيها من الماء هو الي ايخسر الحلوى

[sasafede]

السلام عليكم اختي هل مكن وصفة حلوة الصابلي les tartelate

[sasafede]

اختي هذي الحلوى اذا معرفتيهاش
http://2.bp.blogspot.com/_FM0lSYcV1W0/TDCDc8VgidI/AAAAAAAAC_4/tG5UWKKs4iI/s400/124.jpg

[yarasmin.26]

السلام عليكم اختي هل مكن وصفة حلوة الصابلي les tartelate
هي:500 غ زبدة مخدومة+ كوب ناقص 2 اصابع سكر قلاصي+ لفاني واخدميهم امليح حتى تولي كريمة اضيفي عطر لفاني +5 صفار بيض + 1 كاملة وغير بشوية واحدة تلو الاخرى حتى الانسجام من بعد لميها بالفرينة+ رشة خمارة حتى تصبح عجينة خفيفة وطرية انثري الفرينة على الطاولة وحلي العجينة قطعيها بالقالب انتاعها واحدة مثقوبة في الوسط والاخرى لا وطيبيهم طي يبردو لصقيهم بالمعجون اما انا طريقتي انقطع دوائر بقالب التارتولات واحدة منهم نثقبها بالبشون تاع ايفري ونعاود نضعهم فوق بعض ونضغط اعليهم شوية ونعاود نرشمهم بالقالب انتاعهم انزع الزواد ويجو قاع عبر واحد ونثقب في الوسط بالعود باه ماتخمرش كي ايطيبو اجي حبة لصقة فيها2 اطليهم بمعجون المشماش في السطح ثم رمدي طبقة المعجون بالكوكاو محمر ومقلي ومطحون اقل شوية على تاع البقلاوة ثم فرغي 1 م ص معجون المشماش في الوسط هذه الوصفة في قمة الروعة جربيها واذا مافهمتيش رديلي الخبر

[sasafede]

هي:500 غ زبدة مخدومة+ كوب ناقص 2 اصابع سكر قلاصي+ لفاني واخدميهم امليح حتى تولي كريمة اضيفي عطر لفاني +5 صفار بيض + 1 كاملة وغير بشوية واحدة تلو الاخرى حتى الانسجام من بعد لميها بالفرينة+ رشة خمارة حتى تصبح عجينة خفيفة وطرية انثري الفرينة على الطاولة وحلي العجينة قطعيها بالقالب انتاعها واحدة مثقوبة في الوسط والاخرى لا وطيبيهم طي يبردو لصقيهم بالمعجون اما انا طريقتي انقطع دوائر بقالب التارتولات واحدة منهم نثقبها بالبشون تاع ايفري ونعاود نضعهم فوق بعض ونضغط اعليهم شوية ونعاود نرشمهم بالقالب انتاعهم انزع الزواد ويجو قاع عبر واحد ونثقب في الوسط بالعود باه ماتخمرش كي ايطيبو اجي حبة لصقة فيها2 اطليهم بمعجون المشماش في السطح ثم رمدي طبقة المعجون بالكوكاو محمر ومقلي ومطحون اقل شوية على تاع البقلاوة ثم فرغي 1 م ص معجون المشماش في الوسط هذه الوصفة في قمة الروعة جربيها واذا مافهمتيش رديلي الخبر

شكرا لك اختي على الوصفة لكن مافهمتش طريقتك الخاصة اذا ماكنش مشكل ممكن تعاودي تشرحيلي

[yakout01]

شكرا اختى ولكن ابحت عن عجينة les tartelettes الخاصة بالتارتات

[khadidja82]

ماشاء الله عليك اختي الحبيبة ماكانش وحدة و مارديتيش عليها ربي يخليك لينا و يرزقك من نعيموا ان شاء الله .
نتمنى انا ثاتي تقدري تجاوبي على سؤالي الي راه مشيبنى بزاف.وهو لاجولي الي بحطوه اصحاب المحلات فوق الفواكه لي فوق لي تارت
انا نشريه جاهز في باطة ولما نجي نعمل بيه نلقاه كتل صغيرة و مايصلحليش .جربت وشحال من مركة وبقى نفس المشكل .درت سؤال في النت وجاوبتني وحدة
وقاتلي ضربيه بالباتور وبقى نفس المشكل .ارجوكي جاوبيني وقليلي كيفاش نعمل .هل المشكل في الطريقة ام المشكل فيه هو .
هل تشروه انتوما غبرة ولا كيما نشروه احنا .ارجوك جاوبينى .

[sasafede]

انا نشري الناباج و نذوبو في حمام مائي

[محاربة الصحراء 19]

السلام عليكم
شكرا اللاخت ياسمين ربي يجعلها في ميزان حسناتك
فضلا منك اعطيني وصفة الكاستيل
مشكورة مسبقا

[nadiem]

صباح الخير: البريوش ايجي ثقيل وناشف شوية اما لامونة اجي خفيفة والكريمة هي كريمة بدون بيض الي راني قدمتها وكي اطيب اطليها بناباج او2 م كماء+ 1 مك معجون مخلطين وديري طبقة لماعة وذرذري سكر قلاصي من فوق هذي الي راكي تحوسي اعليها


شكرا على الرد, صح البريوش هو بذاتو كيما وصفتيه ياريت تعطيني الوصفة ،والكريمة تجي خفيفة وتقريبا شفافة وكلّي فيها نقط صغييييرة بيضاء ,هكدا تجي الكريمة لي قدمتيها؟ام هي احدة اخرى،،،،شكرا لك:1:

[البنت السوفية]

صباحو:المقادير المضبوطة اجو التقيد بيها: 3 عبار فرينة ولي هي{200 غ} فقط فرينة+1/2 عبرزبدة ذايبة ولي هي{75 غ} فقط+ قرصة ملح+لفاني +ماء الزهر
العقدة:500 غ لوز+300غ سكر+رشة خمارة الحلوى+ قلاصي+عصير الليمون+ البيض مضرب من2 الى 3 حبات لازم العجينة اتفوت في الة البقلاوة على رقم 5 ثم 7 وقطعيهم دوائروضعي الحشوة في الوسط وطلي كامل الجوانب ببياض البيض مضرب+ قليل من ماء الزهروطلعي الحواف بي منظف الاسنانcurdant وتروكيها ترتاح منبعد طيبيها وعسليها في عسل خفيف وشكرا

مشكورة حبيبتي الله يخليك

[فوزية1975]

شكرا لكي بزاف اريد ان اعرف هل عجينة البقلاوة و القريو ش تتعجن او تلميها فقط

[oum ali khalifa]

اختي سؤالي عن الكرام فراش كي نخفقها كيفاش نعرف بلي راني وصلت لقوامها الصحيح

[yarasmin.26]

شكرا لك اختي على الوصفة لكن مافهمتش طريقتك الخاصة اذا ماكنش مشكل ممكن تعاودي تشرحيلي
نعاود نشرحلكالطريقة" حلي العجينة بالحلال رقيقة شوية على سمك0.5 سم اشري قالب حلو التارتولات ايجو فيها 2 دوائر واحدة مغلوقة واحدة مثقوبة في الوسط اطبعي العجينة انتاعك عادي واذا ماحبتش العجينة تترفد ارفديها من تحت بالسكين المهم ضعي حبة شكل دائري مغلق من الاسفل وضعي فوقها دائرة الثقوبة من الفوق ماتقلبيش العجينة كيما راهي في الصورة الي راكي دايرتها الطبق السفليةيعني الي توشاتها النار معنتها خليها كيما راهي وضعي يدك فوق الحبة التارتولات وضغطي اعليها شوية بالكف فقط قدما تلصق انزعي يدك وخذي قالب التارتولات الدائرة المغلوقة يعني الي مافيهاش دائرة في الوسط صغيرة عاودي شكلي الحبة وانزعي الزوائد من العجينة واحكمي عود اسنان او اي شيئ ارشقي ثقب في وسط الدائرة الصغيرة والحبة راهي جاهزة باقيلها غير الطياب واطيب عادي منبعد كي تبرد اطلي الدائرة الي راهي من فوق غير بشوية معجون ورمديها في نواة كوكو او الكوكاو احسن ومحمر ومرحي اقل من تاع البقلاوة ثم فرغي 1 م ص معجون المشماش الي لون انتاعو اصفر في وسط الدائرة الصغيرة واذا مافهمتيش اي جزء قوليلي ماتحشميش لانه قاع الناس ايسقسوني على طريقة تحضيرها

[salima14]

سلام عليكم ربي يخليك أختي تعبناك ربي يجزيك كل خير
أنا نحب les petites foures ووين نسكن ماكانش
خدمتهم شحال من مرة و مايجينيش خفيف إذا تعرفي
المقادير والطريقة ربي يعطيك ما تتمناي

[yarasmin.26]

اختي سؤالي عن الكرام فراش كي نخفقها كيفاش نعرف بلي راني وصلت لقوامها الصحيح
صباح الخير كي تشوفي الكريمة اتشكلت وماطيحش من الملعقة وما طوليش في الضرب بالباتوغ غير قدما تتشكل فقط باه ماتخسرش

[yarasmin.26]

سلام عليكم ربي يخليك أختي تعبناك ربي يجزيك كل خير
أنا نحب les petites foures ووين نسكن ماكانش
خدمتهم شحال من مرة و مايجينيش خفيف إذا تعرفي
المقادير والطريقة ربي يعطيك ما تتمناي
les petites foure راهم قاوين راكي مقصودك تاع الميزان الاهو راني قدمتو تحت عنوان gateaux sec من محل الحلويات واذا راكي على نوع اخر اعطيني الشكل انتاعو

[yarasmin.26]

شكرا اختى ولكن ابحت عن عجينة les tartelettes الخاصة بالتارتات
يسعد صباحك" نعطيك مقادير تاع سنيوى كبيرة شوية ودائرية الشكل وانت اقسمي العبر اذا كانت عندك سنوى صغيرة300 غ فرينة+125 غ سكر+رشة ملح+لفاني+125 غ زبدة+2 الى 3 بيض فقط في اناء او احسن طريقة اذا كان عندك الروبو ديريالفرينة+ الملح+الزبدة طرية واطحني حتى ترجع الزبدة غبرة كيما لحظة ورونيها بالبيض مضربة قدما تنتلم ديريها في كيس في الثلاجة وتروكيها ترتاح كي تشكلي العجينة انتاعك في السنوى عاودي رجعيها في الثلاجة باه ماتهبطش كي اطيب وجيك خفيفة مليحة باكثرية لناس الكبار تحياتي

[yarasmin.26]

ماشاء الله عليك اختي الحبيبة ماكانش وحدة و مارديتيش عليها ربي يخليك لينا و يرزقك من نعيموا ان شاء الله .
نتمنى انا ثاتي تقدري تجاوبي على سؤالي الي راه مشيبنى بزاف.وهو لاجولي الي بحطوه اصحاب المحلات فوق الفواكه لي فوق لي تارت
انا نشريه جاهز في باطة ولما نجي نعمل بيه نلقاه كتل صغيرة و مايصلحليش .جربت وشحال من مركة وبقى نفس المشكل .درت سؤال في النت وجاوبتني وحدة
وقاتلي ضربيه بالباتور وبقى نفس المشكل .ارجوكي جاوبيني وقليلي كيفاش نعمل .هل المشكل في الطريقة ام المشكل فيه هو .
هل تشروه انتوما غبرة ولا كيما نشروه احنا .ارجوك جاوبينى .


صباح الانوار" نشروه غبرة انديرو مقدار منها+ سكر+ الماء واذا حبيتي اديريه في الدار ديري1 لتر ماء+250 غ سكر+ قشور ليمونة مشي مسكرفجة شرائح حتى يغلي مثل الشاربات وهي ثقيلة

[نصيرة أمي الحبيبة]

حبيبتي ممكن تقوليلي الباتيسري هذيك الي جي حبات جي مشمخة مليح انا جربتها بالسيرو بصح ماجتنيش كيما تاع برا
وقوليلي واحد كريم ليمون ماشي كيما الي نديروها في تارت مرة شريت بوتي فور مدور ومن فوقو كريمة ديرينها بالبوش كيما نديرو شانتي قوامها محكوم كيما الشيكولة الي نزينو بيها التارت ان شاء الله تكوني فهمتيني

[لوزة2011]

السلام عليكم اريد معرفة ضفر القريوش نتاع السيدة بن بريم

[yarasmin.26]

السلام عليكم
شكرا اللاخت ياسمين ربي يجعلها في ميزان حسناتك
فضلا منك اعطيني وصفة الكاستيل
مشكورة مسبقا

راكي تقصدي كرام بتسيار

[yarasmin.26]

شكرا على الرد, صح البريوش هو بذاتو كيما وصفتيه ياريت تعطيني الوصفة ،والكريمة تجي خفيفة وتقريبا شفافة وكلّي فيها نقط صغييييرة بيضاء ,هكدا تجي الكريمة لي قدمتيها؟ام هي احدة اخرى،،،،شكرا لك:1:
وصفة البريوش بالكريمة:2 بيض+2 م ك+1/2 زبدة ذايبة+1 خمارة الحلوى+1 مص خميرة الخبز+2 م ك سكر عادي+350 فرينة
الكريمة"هذيك الي راني قدمتها هي الي تندار اما الحبيبات الي راكي تهدري اعليهم كي تكون الكريمة مهياش مخدومة مليح ممكن اديري4 كيسان حليب+3 م ك مايزينةمملوئين+ معطر لفاني+3 م ك سكر عادي وخلطي كل شئ بارد في بارد فوق النار حتى تثقل ودير فوقعات اعرفيها راهي جاهزة
خمارة الخبز حليهافي2 م ك ماء الزهر دافي وطريقة العجن عادي ولميها بماء دافي او ماء الزهر التخمير2 مرات وشكليها وطليها بالبيض وطيب كي تبرداقسميها على2 واحشيها كريمة واطليها من الفوق بالعسل مخففوساخن اودافي وذرذي اعليها سكر قلاصي تحياتي

[yarasmin.26]

حبيبتي ممكن تقوليلي الباتيسري هذيك الي جي حبات جي مشمخة مليح انا جربتها بالسيرو بصح ماجتنيش كيما تاع برا
وقوليلي واحد كريم ليمون ماشي كيما الي نديروها في تارت مرة شريت بوتي فور مدور ومن فوقو كريمة ديرينها بالبوش كيما نديرو شانتي قوامها محكوم كيما الشيكولة الي نزينو بيها التارت ان شاء الله تكوني فهمتيني
يسعد صباحك: البتيسري المشمخ مافهمت والو
ام الثانية هي عبارة عن كرام بتسيار عادية + مبشور ليمونة+ عصيرها وضربي بالباتوغ حتى الانسجام وضعيها في البوش وزيني بيها كماتريدين تحياتي

[yarasmin.26]

السلام عليكم اريد معرفة ضفر القريوش نتاع السيدة بن بريم
صباح الخير: اشري كتاب سيدة بن بريم تعرفي الطريقة نبحث اعليه ونردلك الخبر

[ام شيمو]

اهلا اختي وبارك الله فيك

انا كنت حابة غير مقادير الصحيحة نتاع الزلابية وسورتو سورتو زلابية البنان انا عايشة في فرنسا ومكانش هنايا

ربي يعطيك ما تتمناي اختي الغالية

[نصيرة أمي الحبيبة]

ماشي هذا الي راني نحوس

[nadiem]

وصفة البريوش بالكريمة:2 بيض+2 م ك+1/2 زبدة ذايبة+1 خمارة الحلوى+1 مص خميرة الخبز+2 م ك سكر عادي+350 فرينة
الكريمة"هذيك الي راني قدمتها هي الي تندار اما الحبيبات الي راكي تهدري اعليهم كي تكون الكريمة مهياش مخدومة مليح ممكن اديري4 كيسان حليب+3 م ك مايزينةمملوئين+ معطر لفاني+3 م ك سكر عادي وخلطي كل شئ بارد في بارد فوق النار حتى تثقل ودير فوقعات اعرفيها راهي جاهزة
خمارة الخبز حليهافي2 م ك ماء الزهر دافي وطريقة العجن عادي ولميها بماء دافي او ماء الزهر التخمير2 مرات وشكليها وطليها بالبيض وطيب كي تبرداقسميها على2 واحشيها كريمة واطليها من الفوق بالعسل مخففوساخن اودافي وذرذي اعليها سكر قلاصي تحياتي


شكرا لك،:19::19:

[yarasmin.26]

[quote=نصيرة أمي الحبيبة;9372548]ماشي هذا الي راني نحوس[/quote


العجينة الي راكي اتحوسي اعليها تاع الباتيسري القاعدة انتاعو هو بسكوي سافواغ ابجي خفيف وكي اديري السيرو ويبات الباتيسري باه يتشمخ امليح اما هذه الكريمة الي راكي اتقوليلي اعليها ممكن اتصوري باه نفهم امليح

[ندى سالي]

ربي باركلك ان شاء الله
من فضلك مقادير عجينة بيتزا المحلات

[ام فريال]

اولا اشكركي جزيل الشكر على الوصفات التي تقدميها حابة نسقسيك على اسهل طرييقة لصنع كريمة الزبدة او اي كريمة التي نستعملوها في الجينواز او لتاغتولات و شكرا

[yarasmin.26]

اهلا اختي وبارك الله فيك

انا كنت حابة غير مقادير الصحيحة نتاع الزلابية وسورتو سورتو زلابية البنان انا عايشة في فرنسا ومكانش هنايا

ربي يعطيك ما تتمناي اختي الغالية
*خاطيني الزلابية سقسي السفانجي ام زلابية البنان عندي وصفة عراقية تشبه انتاعنا بصح مانيش مجربتها

[yarasmin.26]

ربي باركلك ان شاء الله
من فضلك مقادير عجينة بيتزا المحلات
كاين انواع من عجينة وقاع يصنعو بيهم البيتزا المثل يقوم كل الطرق تؤدي الى روما اي نوع اتحوسي الي جات نعطيهالك

[yarasmin.26]

اولا اشكركي جزيل الشكر على الوصفات التي تقدميها حابة نسقسيك على اسهل طرييقة لصنع كريمة الزبدة او اي كريمة التي نستعملوها في الجينواز او لتاغتولات و شكرا
راني قدمت كريمة الزبدة تحت عنوان كريمة الزبدة من محل الحلويات لذيذة جيدا جربيها

[محاربة الصحراء 19]

راكي تقصدي كرام بتسيار
لالا حنونتي:mh31: نقصد قاطو الكاستيل الي يجي بالكوكاو :19:

[بنت الطيب]

بارك الله فيك أختي على الوصفات القيمة

[ندى سالي]

شكرا اختي على اهتمامك
عجينة بيتزا من يديك اكيد بنينة

[yarasmin.26]

لالا حنونتي:mh31: نقصد قاطو الكاستيل الي يجي بالكوكاو :19:
انا احسبتك راكي اتحوسي اعلى الكاستر ولكن الوصفة راهي قدماتو السيدة الفاضلة ام كوثر في الدرس 8 شوفيه هذاك الي راكي تحوسي اعليه ولاتحوسي على كريمة مغايرة ام ماذا انتضر منكي حبيبتي الرد

[yarasmin.26]

شكرا اختي على اهتمامك
عجينة بيتزا من يديك اكيد بنينة
غدوة نعطيك حاجة شابة لانه انموت عالى ناس عنابة سلميلي كامل اعليهم من عائلتك حتىكل الحدود المجاورة لعنابة

[محاربة الصحراء 19]

انا احسبتك راكي اتحوسي اعلى الكاستر ولكن الوصفة راهي قدماتو السيدة الفاضلة ام كوثر في الدرس 8 شوفيه هذاك الي راكي تحوسي اعليه ولاتحوسي على كريمة مغايرة ام ماذا انتضر منكي حبيبتي الرد
ايه حبيبتي شفتو :Dولكن حابة المقادير تاع محل الحلويات :19:
اذا على لكريمات راكي كفيتي ووفيتي:) ونقدر نختار من لكريمات الي حطيتيهم
ولكن نظن الكريمة الي تصلح لهاذ النوع هي كريمة الزيدة وش رايك يا لعزيزة :rolleyes:

[ندى سالي]

سلامك يوصل يالكريمة
عنابة وناسها يسلمو عليك
ربي يمدلك على قد نيتك و تعبك

[فوزية1975]

اختي لم تجيبيني على سؤالي هل عجينة البقلاوة و القريوش تعجن او نلموها فقط
اريدد منكي عجينة البسكوي رولي و البسكوي اللذي نعمل بهles tartes d'anniversaires

[فوزية1975]

تعبناك معانا ربي يجازيك
من فضلكي لريد وصفةبسكوي سافواغ

[yarasmin.26]

اختي لم تجيبيني على سؤالي هل عجينة البقلاوة و القريوش تعجن او نلموها فقط
اريدد منكي عجينة البسكوي رولي و البسكوي اللذي نعمل بهles tartes d'anniversaires
اسمحيلي تاخرة اعليك احنا عندنا مانعجنوهاش كي البقلاوة والقريوش تنخدم غير شوية باش تتداخل فيما بعضها والقريوشات كي اطيبيها ماتعسليهاش فم فم حتى كي تبرد باه اجيك شابة عكس البقلاوة تحياتي

[yarasmin.26]

ايه حبيبتي شفتو :dولكن حابة المقادير تاع محل الحلويات :19:
اذا على لكريمات راكي كفيتي ووفيتي:) ونقدر نختار من لكريمات الي حطيتيهم
ولكن نظن الكريمة الي تصلح لهاذ النوع هي كريمة الزيدة وش رايك يا لعزيزة :rolleyes:
مانخدموهش في المحلات ولكن عندي وصفة الكاستيل اليكي المقادير ربما تفيدك" الكاستيل بالشكولاطة"500 غ زبدة احسن ديري la belle امليح للحلويات 1 كوب+ نصفه من سكر اقلاصي+2 كوب كاوكاو مرحي+لفاني او من الاحسن عطر الشكولاطة+1 خمارة كميائية+ 2 او3 م ك كاكاو حسب اللون حامق او بارد ولميها بالفرينة ثم ترتاح حلي العجينة بسمك 1.5 ونجيب كاس ونقص اما دوائر او مربعات وطيب في الفرن منبعد انشكلوها طبقات بالكريمة و العجينة وفي النهاية الكريمة ونديروها في الثلاجة اتشدروحها وزينيها بحبة كرز او اي شيئ تحياتي

[yarasmin.26]

تعبناك معانا ربي يجازيك
من فضلكي لريد وصفةبسكوي سافواغ
صباح الخير عن قريب راني رايحة انحط الوصفة بالشرح المفصل ولما تستعمل لكل منهما تحياتي

[yarasmin.26]

سلامك يوصل يالكريمة
عنابة وناسها يسلمو عليك
ربي يمدلك على قد نيتك و تعبك
البيتزا"1 كغ فرينة+1 م ك خمارة خلطيهم امليح في اناء1 بيض+ فنجان لحظة+فنجان زيت+فنجان سكر+1 م ص ملح اذا امكن 1 م ك زبدة ولميها بماء دافي وعجنيها وتروكيها تخمر 2 مرات ومسحي اعليها بالزيت وضعيها في كيس بلاستيكي فقط
الصوص"3 طماطم+1 بصل مسكرفج+2 ثوم+زيت+ملخ+ حرور+1 رند+1 طماطم معجونة اذا اردتي اطيب مدة ثم انزعي الرند وميكسي كل شئ ثم اضيفي الزعيترة
حلي العجينةرقيقة ثم الصوص ثم التزين اللحم+ زيتون.......الخ واطلي الحواف بالزيت مخلط مع الماء وكي اطيب اضيفي جبن شيدار او جبن احمر مسكرفج+ المايوناز+ قطرات من الزيت فقط راكي جواعتيني مع الصباح

[أم هنيدة]

جزاك الله خيرا على هذه الخدمة وجعلها ربي في موازين حسناتك

أختي أريد سؤالك عن نوع من كريمة الزبدة تجي خفيفة بزاف أكثر من كريمة الزبدة العادية هل يضاف لها كرام شانتليي؟

وأي نوع من الزبدة تنصحين باستعمالها لان بعض الكريمات تظهر فيها بنة الزبدة قاوية

وبارك الله فيك ورزقك الصحة والعافية

[hanouna2011]

صباح الخير اختي الغالية شكرا علي هدا الموضوغ بارك الله فيك
لدي اسئلة لك يا غالية
اولا اطلب منك غاليتي ان تغيري نوع كتابتك لاني لاافهم جيدل مواضيعك مثلا موضوع اسرار تحتحق الكتابة والحفظ لم افهم الكثير من الكلمات خاصة تاع الفرينة والنشاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا موضوع الكروكي تاع الباتيسري لاحظت ان الوصفة كثييييير مكلفة يعني الباتيسري ادا خدمها خكداك مايخرج فيها راح يخسر؟؟؟؟؟؟؟؟؟ مع العلم الكيلو ب 250دج والمقادير تاعك تعدي هدا المبلغ؟؟؟؟؟
ثالثا ادا ممكن يا غالية وصفة الدزيريات والقنيدلات ؟؟؟؟؟؟
ربي يحفظك
تحياتي يا غالية
موفقة

[الامينة دائما]

صباح الخير
شكرا جزيلا لمجهوداتك جعلها الله في ميزان حسناتك
اختي اريد ان اسال عن المقادير الصحيحة للميرانغ و كيفية الطهو لانو ماحبش يصلحلي

[yarasmin.26]

جزاك الله خيرا على هذه الخدمة وجعلها ربي في موازين حسناتك

أختي أريد سؤالك عن نوع من كريمة الزبدة تجي خفيفة بزاف أكثر من كريمة الزبدة العادية هل يضاف لها كرام شانتليي؟

وأي نوع من الزبدة تنصحين باستعمالها لان بعض الكريمات تظهر فيها بنة الزبدة قاوية

وبارك الله فيك ورزقك الصحة والعافية
دير كرام شانتي واحدها بالعطر ام اذا درتي الزبدة وفيها البنة قوي من عطر لفاني واحسن زبدة للكريمات هي زبدة لابال تحياتي

[yarasmin.26]

صباح الخير اختي الغالية شكرا علي هدا الموضوغ بارك الله فيك
لدي اسئلة لك يا غالية
اولا اطلب منك غاليتي ان تغيري نوع كتابتك لاني لاافهم جيدل مواضيعك مثلا موضوع اسرار تحتحق الكتابة والحفظ لم افهم الكثير من الكلمات خاصة تاع الفرينة والنشاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا موضوع الكروكي تاع الباتيسري لاحظت ان الوصفة كثييييير مكلفة يعني الباتيسري ادا خدمها خكداك مايخرج فيها راح يخسر؟؟؟؟؟؟؟؟؟ مع العلم الكيلو ب 250دج والمقادير تاعك تعدي هدا المبلغ؟؟؟؟؟
ثالثا ادا ممكن يا غالية وصفة الدزيريات والقنيدلات ؟؟؟؟؟؟
ربي يحفظك
تحياتي يا غالية
موفقة
الفرينة والمايزينة اعطيتك الطريقة الي تعرفي بيها اذا كانت جيدة ام لا وهل تصلح للحلويات والعجن ام لا
2 -وهل في ميزك مول المحل مايخدمش بالخسارة خطرات يستحملها باه مايخسرش المشتري والكروكي ينباع بالحبة25 د الى30 دينار حسب الحجم
اما الدزيريات راني قمت الوصفة لزميلتكي ابحثي اعليها في هذو الصفحات تحياتي لكي حبيبتي واذا جاتك المقادير كبيرة نقصي في المكيال وكل شي ساهل حنونة

[yarasmin.26]

صباح الخير
شكرا جزيلا لمجهوداتك جعلها الله في ميزان حسناتك
اختي اريد ان اسال عن المقادير الصحيحة للميرانغ و كيفية الطهو لانو ماحبش يصلحلي
راني قدمتها احدى العضوات طلبتها شوفي في هذو الصفحات واذا ماصتيهاش انعاودها لاختي بالتفصيل المملل مكانش مشكل انشاء الله ووضحيلي كي ؤاكي اديريها تهبط ولا واش يسرا باه نعالجو المشكل تحياتي

[zina213]

صباح الخير: وصفةالكرواسون صعيبة في التطبيق
مليئة بااسرار المهم في ذالك اذا مكانش عندك الة التخمير ماينجحش100 / 100الي متوفرة فقط في محلات.




شكرا ليك أختي على الرد
صح ماعنديش ألة التخمير لكن راني حابة نجربو مام ماينجحش 100% ب %100 اذا مافيهاش تعب
ربي يجازيك راهم كامل سخفانين عليه حابين يذوقو تاع الدار
شكرا على المجهودات

[hanouna2011]

الفرينة والمايزينة اعطيتك الطريقة الي تعرفي بيها اذا كانت جيدة ام لا وهل تصلح للحلويات والعجن ام لا
2 -وهل في ميزك مول المحل مايخدمش بالخسارة خطرات يستحملها باه مايخسرش المشتري والكروكي ينباع بالحبة25 د الى30 دينار حسب الحجم
اما الدزيريات راني قمت الوصفة لزميلتكي ابحثي اعليها في هذو الصفحات تحياتي لكي حبيبتي واذا جاتك المقادير كبيرة نقصي في المكيال وكل شي ساهل حنونة



شكرا جزيلا اختي الغالية علي الاجوبة فقط للتوضيح
فهمت الموضوع الي يحكي علي اسرار معرفة الفرينة والنشاء ادا كان صالحين فقط بعض الكلمات لم افهمها ودالك من نوع الكتابة التي استعملتيها
اما بخصوص وصفة الكروكي احنا يتباع عندنا ب 250 دج للكيلو والمقادير لما حسبتهم يطلعو 350 دج لدالك قلت لك لااظن ان الحلواني يخسر علي جال الزابون ههه مالا جايح يخدم بالخسارة غير يبطل وخلاص في رأيي
سابحث علي وصفة الدزيريات
شكرا جزيلا لك اختي

[الامينة دائما]

صباح الخير حبيبتي الحلوة:ضربي بياض البيض مليح كالثلج+ سكر قلاصي غير بالشوية وبقي تضربي ماتحبسيش+الخل الابيض لازم وبقي تضربي+ معطر وبقي تضربي حتى كي ترفدي بملعقة مايطيحش تبقى جامدة ضعيها في كيس حلواني وزيني التارت وشعلي علها من فوق باه تحمار فقط اما تارت الميرانق الى تكون القاعدة انتاعها ميرانق انضيفو المايزينة وبقي بنفس التحضيراو ديري حلوة الميرانق اضيفي المايزينة
وديريها في الكيس الحلواني وشكلي ورود وطيبيها فرن ساخن كي تشوفي القاعدة حمارت اعرفي راهي جاهزة حتى ولو ماطابتش مليح من فوق هي لازم اجي شوية خظراء وتنشف من الهواء اي استفسار راني اهنا تحياتي

شكرا جزيلا بارك الله فيك
راح نجربها و نرجعلك الخبر شكرا مرة اخرة

[meimeifati]

مساء الخير أختي و الف شكر على المجهود اللي راكي تبدليه هع الاخوات راني كتبت كل حرف قمتي انتي بكتابته
المهم حبيت نسألك على قاطو كيليتومن محل ما باتيسري حبات قاطو يعني متل صابلي لكن فقط مستطيل من صابلي فوقه مستطيل من كوكاو او لوز مقطع بنفس القطاعةو الكل عاملين فوقة شكولا حاولت نفهمك بقا في خاطري باش نديرو هايل يعني لما قطعت منو طبقة عجين متل صابلي و فوقه حشو و الكل مغطي بالشكولا يعني مستطيل واحد ارجو ان اكون وفقت في شرحه لك

[yarasmin.26]

شكرا جزيلا اختي الغالية علي الاجوبة فقط للتوضيح
فهمت الموضوع الي يحكي علي اسرار معرفة الفرينة والنشاء ادا كان صالحين فقط بعض الكلمات لم افهمها ودالك من نوع الكتابة التي استعملتيها
اما بخصوص وصفة الكروكي احنا يتباع عندنا ب 250 دج للكيلو والمقادير لما حسبتهم يطلعو 350 دج لدالك قلت لك لااظن ان الحلواني يخسر علي جال الزابون ههه مالا جايح يخدم بالخسارة غير يبطل وخلاص في رأيي
سابحث علي وصفة الدزيريات
شكرا جزيلا لك اختي
لاتعليق عليكي كفيتي ووفيتي شكرا لكي

[yarasmin.26]

[QUOTE=meimeifati;9386667]مساء الخير أختي و الف شكر على المجهود اللي راكي تبدليه هع الاخوات راني كتبت كل حرف قمتي انتي بكتابته
المهم حبيت نسألك على قاطو كيليتومن محل ما باتيسري حبات قاطو يعني متل صابلي لكن فقط مستطيل من صابلي فوقه مستطيل من كوكاو او لوز مقطع بنفس القطاعةو الكل عاملين فوقة شكولا حاولت نفهمك بقا في خاطري باش نديرو هايل يعني لما قطعت منو طبقة عجين متل صابلي و فوقه حشو و الكل مغطي بالشكولا يعني مستطيل واحد ارجو ان اكون وفقت في شرحه لك[/QUOTE
يسعد مساكي" هذاك هو العجينة صابلي والتزين فقط باللوز والشكولاطة ويمكن تغير التزين كيما حبيتي الصح في الصابلي غدوة نعطيهولك اكيد وبالتوفيق انشاء الله

[ندى سالي]

البيتزا"1 كغ فرينة+1 م ك خمارة خلطيهم امليح في اناء1 بيض+ فنجان لحظة+فنجان زيت+فنجان سكر+1 م ص ملح اذا امكن 1 م ك زبدة ولميها بماء دافي وعجنيها وتروكيها تخمر 2 مرات ومسحي اعليها بالزيت وضعيها في كيس بلاستيكي فقط
الصوص"3 طماطم+1 بصل مسكرفج+2 ثوم+زيت+ملخ+ حرور+1 رند+1 طماطم معجونة اذا اردتي اطيب مدة ثم انزعي الرند وميكسي كل شئ ثم اضيفي الزعيترة
حلي العجينةرقيقة ثم الصوص ثم التزين اللحم+ زيتون.......الخ واطلي الحواف بالزيت مخلط مع الماء وكي اطيب اضيفي جبن شيدار او جبن احمر مسكرفج+ المايوناز+ قطرات من الزيت فقط راكي جواعتيني مع الصباح

اسال الله عزوجل ان يبارك في صحتك وعائلتك و مالك
صديقني ان جميع دعوات الاخوات خالصة من القلب
لانك تعطينا من قلبك
حفظك الله وادام كرمك

[الفارسية]

حابة نسقسي على القلاصاج تاع الشكولا إذا امكن
ومشكورة على المجهود

[yarasmin.26]

حابة نسقسي على القلاصاج تاع الشكولا إذا امكن
ومشكورة على المجهود
القلاصاج تاع الحلويات راني قدموتو حبيبتى شوفي في هذو الصفحات اتصيبيه بالشرح الممل تحياتي لكي وبالتوفيق واذا مافهمتيش اي شئ فيه قوليلي

[فوزية1975]

فرينة+1 م ك خمارة خلطيهم امليح في اناء1 بيض+ فنجان لحظة+فنجان زيت+فنجان سكر+1 م ص ملح اذا امكن 1 م ك زبدة ولميها بماء دافي وعجنيها وتروكيها تخمر 2 مرات ومسحي اعليها بالزيت وضعيها في كيس بلاستيكي فقط
الصوص"3 طماطم+1 بصل مسكرفج+2 ثوم+زيت+ملخ+ حرور+1 رند+1 طماطم معجونة اذا اردتي اطيب مدة ثم انزعي الرند وميكسي كل شئ ثم اضيفي الزعيترة
حلي العجينةرقيقة ثم الصوص ثم التزين اللحم+ زيتون.......الخ واطلي الحواف بالزيت مخلط مع الماء وكي اطيب اضيفي جبن شيدار او جبن احمر مسكرفج+ المايوناز+ قطرات من الزيت فقط راكي جواعتيني مع الصباح
اختي هل خميرة الحلويات او خميرة الخبز

[yarasmin.26]

فرينة+1 م ك خمارة خلطيهم امليح في اناء1 بيض+ فنجان لحظة+فنجان زيت+فنجان سكر+1 م ص ملح اذا امكن 1 م ك زبدة ولميها بماء دافي وعجنيها وتروكيها تخمر 2 مرات ومسحي اعليها بالزيت وضعيها في كيس بلاستيكي فقط
الصوص"3 طماطم+1 بصل مسكرفج+2 ثوم+زيت+ملخ+ حرور+1 رند+1 طماطم معجونة اذا اردتي اطيب مدة ثم انزعي الرند وميكسي كل شئ ثم اضيفي الزعيترة
حلي العجينةرقيقة ثم الصوص ثم التزين اللحم+ زيتون.......الخ واطلي الحواف بالزيت مخلط مع الماء وكي اطيب اضيفي جبن شيدار او جبن احمر مسكرفج+ المايوناز+ قطرات من الزيت فقط راكي جواعتيني مع الصباح
اختي هل خميرة الحلويات او خميرة الخبز
خمارة الخبز

[ahlem_22]

الأخت yarasmin.26 ممكن تعطيني وصفة التارت بالفلان..........و مشكروة
على المجهود;)

[salima14]

http://up.djelfa.info/uploads/13241386702.jpg
سلام أختي ياسمين سقسيتك على هذا القاطو لقيت الأخت
ميري حطاتوا بصح معليش أعطيني أنتي المقادير
ونسييهم بزوج وشكرا مسبقا أختي الله يعطيك
ماتتمناي

[yarasmin.26]

الأخت yarasmin.26 ممكن تعطيني وصفة التارت بالفلان..........و مشكروة
على المجهود;)
عن قريب جيدا جيدا نعطيك الوصفة بصح راني حابتك اجربيها حبيبتي

[yarasmin.26]

http://up.djelfa.info/uploads/13241386702.jpg
سلام أختي ياسمين سقسيتك على هذا القاطو لقيت الأخت
ميري حطاتوا بصح معليش أعطيني أنتي المقادير
ونسييهم بزوج وشكرا مسبقا أختي الله يعطيك
ماتتمناي
هذا نوع قاتو ساك يعني بوتي فور

[*أم كوثر*]

بارك الله فيك اختي
رانا كلنا نستناو تارت الفلان:d

[ahlem_22]

أكييييييييد راح نجربوا ان شاء الله حنونة
وتحياتي

[prettywoman]

شكرا حبيبتي yarasmin على كل ما تقدمينه من حسناتك انشاء الله حبيت نسقسيك على السوفلي لي حطيتي الوصفة تعو جربتو جتني كمية الزيت كتيرة يعني كاس شاي مع 3 أكواب فرينة جاتني فيها ليدام كتير هل هذا هو المقدار الصحيح أو أين هو الخطأ وحبيت نطلب منك وصفة القلب اللوز تع المحل لاني جربت الوصفات كثيرة نجحولي والحمد لله لكن المذاق مش مثل لي في المحلات ووصفة خبز الباي أو خبز تونس لاني كليتو في محل كان مذاقه رهيب ألف شكر حبيبتي ربي يحفظك

[فوزية1975]

اختي اريد ان اعرف كيفية تقطيع الباتيسري لان محل الحلويات التقطيع نتاعو مايجيش مشرشف

[sinati]

اخت ياسمين طلبت منك وصفة العرايش ما رديتش عليا

[yarasmin.26]

شكرا حبيبتي yarasmin على كل ما تقدمينه من حسناتك انشاء الله حبيت نسقسيك على السوفلي لي حطيتي الوصفة تعو جربتو جتني كمية الزيت كتيرة يعني كاس شاي مع 3 أكواب فرينة جاتني فيها ليدام كتير هل هذا هو المقدار الصحيح أو أين هو الخطأ وحبيت نطلب منك وصفة القلب اللوز تع المحل لاني جربت الوصفات كثيرة نجحولي والحمد لله لكن المذاق مش مثل لي في المحلات ووصفة خبز الباي أو خبز تونس لاني كليتو في محل كان مذاقه رهيب ألف شكر حبيبتي ربي يحفظك
صباح الخير" المشكلة انتاعك في الفرينة ماتشربش ليدام زيدي شوية فرينة 1/2 كوب زيادة وبقي محافظة على نفس المقاديرالباقية
القلب اللوز راكي تقصدي ريحتوماء الزهر ذات القارورة الصغيرة معطر طولها اقل من الاصبع ودير100 دينار ام البنة في السمن معطر بالفنيلا
اما خبز الباي مانديروهش نخدمو les russe تحياتي

[yarasmin.26]

اهلا اختي يوجد نوع من الكريم ديسار موجود عند الحلواني يباع في كأس لكن ليس كالذي قدمتيه من قبل يعني لاتوجد فيه جينواز و انما على ما اعتقد فلان بالوان و تسلمي اختي وبارك الله فيك على المجهود ، حبى نسقسيك هل تصنعين الحلويات للاعراس لان عرسي قريب كذلك اين تسكنين ؟ ان لم يكن هناك اي مانع
اختى الحبيبة هذا كرام ديسار مشي شباب عبارة عن كريمة الفلان بالالوان
مانقدرش نعطيك مكان الاقامة ولكن الحلويات ديري وصفة حلوة الوردة+ البقلاوة+حاجة ناشفة مثل مقروط اللوز او شئ اخر الناس قاع راهي ترجع للحلويات القديمة زاكية او ماتيبسش بلخف

[yarasmin.26]

اختي اريد ان اعرف كيفية تقطيع الباتيسري لان محل الحلويات التقطيع نتاعو مايجيش مشرشف
صباح الخير: يباع سكين حاد عند محل الحلويات روحي عندو اشريه وهو غالي نوع ما

[yarasmin.26]

اخت ياسمين طلبت منك وصفة العرايش ما رديتش عليا
صباح الخير: اسمحيلي الوقت خطرات مايسعدنيش
المقادير"3 عبار فرينة+ عبر زبدة ذايبة ومصفية من الماء +2 م ك سكر اقلاصي + معطر و رونيها ماء+ ماء الزهردافي وتروكيها ترتاح امليح ثم شكليها عرايش بصح كي تحبي تلصق الجوانب لصقيهم بالبياض البيض+ قليل من ماء الزهر باه ماينحلوش وخلي العجينة ترتاح امليح باه اتشد روحها ثم طيبيها عادي

[nadiem]

الفرينة والمايزينة اعطيتك الطريقة الي تعرفي بيها اذا كانت جيدة ام لا وهل تصلح للحلويات والعجن ام لا
2 -وهل في ميزك مول المحل مايخدمش بالخسارة خطرات يستحملها باه مايخسرش المشتري والكروكي ينباع بالحبة25 د الى30 دينار حسب الحجم
اما الدزيريات راني قمت الوصفة لزميلتكي ابحثي اعليها في هذو الصفحات تحياتي لكي حبيبتي واذا جاتك المقادير كبيرة نقصي في المكيال وكل شي ساهل حنونة



:dj_17:راكم تبيعو بالغلى حنا قداما لحبة ب5او10دج ,,وصح لاحظت انا ثاني بلّي الوصفات مكلفة قليلا مثلا استعمال الحليب البودرة بدل السائل راكم محل 5نجوم ،:19::19::19::19::19::19::19::19:
،بالاك كي تشرو بالجملة تجي ارخص:1::1:
،شكرا لك علىالوصفات وبالوفيق;)

[mounafam]

جزاك الله كل خير وجعلها في ميزان حسناتك حبيت نسقسيك شفت وصفة تاع الجينواز وقلت كأس سكر وفرينة ومايزينة اذا ممكن تقوليلي الكأس شحال يرفد لانني عندي كؤوس ماء كبيرة وأخرى أصغر وهل نفس الكأس اللي نستعملوه في السكر والفرينة والمايزينة

[yarasmin.26]

جزاك الله كل خير وجعلها في ميزان حسناتك حبيت نسقسيك شفت وصفة تاع الجينواز وقلت كأس سكر وفرينة ومايزينة اذا ممكن تقوليلي الكأس شحال يرفد لانني عندي كؤوس ماء كبيرة وأخرى أصغر وهل نفس الكأس اللي نستعملوه في السكر والفرينة والمايزينة
ديري بكاس وسط لانه 6 بيض ترفدها اذا نقصتي في البيض صغري في الكاس ودائما السكر+ الفرينة +المايزينة نفس الكوب عبري بيهم ماتخافيش اتقولي ناشفة لانه السيرو ايزيد اطريها وجيك بيضاء مشي كيما الجينواز الي اديروها في البيت هذه القاعدة الاساسية في السرتاع المحلات الحلويات تحياتي حبيبتي

[sasafede]

صباح الخير اعليكم
اختي انا نصنع الميلفاي مي كينجي انقطعو لاكرام تبدا تخرج يعني متثبتش
ممكن اتقوليلي وعلاه

[yarasmin.26]

صباح الخير اعليكم
اختي انا نصنع الميلفاي مي كينجي انقطعو لاكرام تبدا تخرج يعني متثبتش
ممكن اتقوليلي وعلاه
اصباح الانوار"لانه راكي تكثري في لكرام هي اجي طبقة رقيقة شوية وكي لتكملي الطباقات كامل اضغطي من فوق تخرج الزوائد منبعد قطعي الحواشي ثم قطعي في الوسط ترجع 2 قطع وكل قطعة اقسميها على 2 منبعد اقسميهم طرونشات

[أم هنيدة]

أختي ياسمين ربي يحفظك عندي أسئلة بالنسبة للجينواز :

هل نسخن الفرن من قبل ؟

وإذا ممكن تعطيني مقدار الشاربات لي تسقي بيها الجينواز؟

ومقدار الفرينة والنشاء بالغرام لأن الكؤوس تختلف ونخاف عند تجربتها لا تنجح

وجزاك الله خيرا

[mimi53]

okheti yarasmine habite nssakssik soufli eli meditih chehal tkoun daradjet al harara nta3 four w bache lazem nedhanhoum bzite w eau wela ghir b ssafar el bidhe w ya3tik alf saha w 3afia habibeti w rabi yfarhak denia w akhera

[بنت عين وسارة]

اختى حبيت نسقسيك على لى مول سيليكون زعمة ميتحرقوش و يتحطو فى سنيويا ولا هكاك و تدهنيهوم ولا لالا شكرا

[البوسعادية]

يعيطك الصحة اختي وربي يحفظك..
حبيت نسقسيك سؤال فقط:
الطريقة لي قدمتيها على الشكلاطه (في الصفحة 3 او 4 على ما اعتقد) هل هي قلاساج نحطوه فوق القاطو انتع الشكولاطه ولا كيفاش ...
ومفهمتش واش معناها فوندا؟؟..

وربي يجازيك

[حسناء القمر]

بالنسبه للاحت التي تشكو من المذاق الحارللقاطو السبب انك كثرت الخميره

[miri_27]

اختى الحبيبة هذا كرام ديسار مشي شباب عبارة عن كريمة الفلان بالالوان
مانقدرش نعطيك مكان الاقامة ولكن الحلويات ديري وصفة حلوة الوردة+ البقلاوة+حاجة ناشفة مثل مقروط اللوز او شئ اخر الناس قاع راهي ترجع للحلويات القديمة زاكية او ماتيبسش بلخف


والله يااختي طلبت منك العنوان بقصد ان اشتري من عندكم الحلويات فقط ليس إلا و بما انك لاتريدين هذا شئ يخصك

[faizarbh]

مساء الخير اختي ياراسمين و اختي ام كوثر انا حابة تعطيني وصفة الفلان هاذاك اللي يبعوه في محل الحلويات راه بابا هبلني عليه و قالي قولي لصحاباتك اللي في المنتدى يعطوهولك ههههههههههه حتى بابا و راه يعرفكم ربي يخليكم لينا

[yakout01]

يسعد صباحك" نعطيك مقادير تاع سنيوى كبيرة شوية ودائرية الشكل وانت اقسمي العبر اذا كانت عندك سنوى صغيرة300 غ فرينة+125 غ سكر+رشة ملح+لفاني+125 غ زبدة+2 الى 3 بيض فقط في اناء او احسن طريقة اذا كان عندك الروبو ديريالفرينة+ الملح+الزبدة طرية واطحني حتى ترجع الزبدة غبرة كيما لحظة ورونيها بالبيض مضربة قدما تنتلم ديريها في كيس في الثلاجة وتروكيها ترتاح كي تشكلي العجينة انتاعك في السنوى عاودي رجعيها في الثلاجة باه ماتهبطش كي اطيب وجيك خفيفة مليحة باكثرية لناس الكبار تحياتي

merci beaucoup

[ام فريال]

شكرا على المجهود لتقومي بيه
حبيت نسقسيك الكريمة لتجي في وسط ليبابا وينا كريمة؟ كريمة زبدة أو كريمة موسلين
ممكن تحطيلي مقادير تاعها لو سمحتي .

[saida08]

اريد الطريقة الصحيحة للمخبز بحيت يكون يدوب في الفم
و طريقة قلب اللوز
شكرا مسبقا

[yarasmin.26]

[QUOTE=faizarbh;9406147]مساء الخير اختي ياراسمين و اختي ام كوثر انا حابة تعطيني وصفة الفلان هاذاك اللي يبعوه في محل الحلويات راه بابا هبلني عليه و قالي قولي لصحاباتك اللي في المنتدى يعطوهولك ههههههههههه حتى بابا و راه يعرفكم ربي يخليكم لينا[/QUOTE
صباح الخير راني قدمت الطريقة انظري في المواضيع تحت عنوان تارت الفلان باه تعرفي الطريقة منبعد نعطيك المقادير وجربيها ونشوفوها

[yarasmin.26]

اريد الطريقة الصحيحة للمخبز بحيت يكون يدوب في الفم
و طريقة قلب اللوز
شكرا مسبقا
راكي اتحوسي المخبز تاع العجينة ولاتاع العقدة ديري في بالك تاع العقدة اجي شوية ثقيل والعجينة ايجي خفيف انتظر الرد

[sasafede]

اختي ياسمين لاروسات تاع صابلي كيفاش ايجي ايذوب فالفم و لالا ماذا لانني رحت ضفت اسبتهم دايرين والصابلي هايل مازال حد الان في عقلي

[yarasmin.26]

شكرا على المجهود لتقومي بيه
حبيت نسقسيك الكريمة لتجي في وسط ليبابا وينا كريمة؟ كريمة زبدة أو كريمة موسلين
ممكن تحطيلي مقادير تاعها لو سمحتي .
هي كرام شانتي فقط البيضاء ولاتستعمل غيرها كي تتعبي اتعبي على الصح مشي على اي كريمة ديريها وقاع ينباهرو بالتزين

[yarasmin.26]

اختي ياسمين لاروسات تاع صابلي كيفاش ايجي ايذوب فالفم و لالا ماذا لانني رحت ضفت اسبتهم دايرين والصابلي هايل مازال حد الان في عقلي
هي من صفار البيض هو الي خلي الحلوة اتذوب في الفم على فكرة شوفي تارت الفلان والتارت الفواكه وكرام ديسار وقوليلي رايك

[أم هنيدة]

أختي ياسمين ربي يحفظك عندي أسئلة بالنسبة للجينواز :

هل نسخن الفرن من قبل ؟

وإذا ممكن تعطيني مقدار الشاربات لي تسقي بيها الجينواز؟

ومقدار الفرينة والنشاء بالغرام لأن الكؤوس تختلف ونخاف عند تجربتها لا تنجح

وجزاك الله خيرا

[faizarbh]

ايه هاداك هوا اختي ياسمين ممكن اتمديلي الوصفة

[saida08]

هناك نوعية من العطر تسمى العطر الذهبي حسب تجربتي هو احسن انواع العطر
حبيت نسقسيك شكون خير عطر اللوز المر او عطر اللوز الحلو.

[yarasmin.26]

هناك نوعية من العطر تسمى العطر الذهبي حسب تجربتي هو احسن انواع العطر
حبيت نسقسيك شكون خير عطر اللوز المر او عطر اللوز الحلو.
عطر اللوز اللحلو لانه عطر اللوز المر كي اديريه في الكريمات البنة ماجيش شابة اجي ريحة نواة المشمش

[sisii]

شكرا ام كوثر علي كل ما قدمته وين راهو البيسكوت غولي نتاع البارح...........................................

[أم هنيدة]

أختي ياسمين ربي يحفظك عندي أسئلة بالنسبة للجينواز :

هل نسخن الفرن من قبل ؟

وإذا ممكن تعطيني مقدار الشاربات لي تسقي بيها الجينواز؟

ومقدار الفرينة والنشاء بالغرام لأن الكؤوس تختلف ونخاف عند تجربتها لا تنجح

وجزاك الله خيرا

أختي ياسمين في انتظار اجابتك لأني أريد تجربة الجينواز

[yarasmin.26]

أختي ياسمين ربي يحفظك عندي أسئلة بالنسبة للجينواز :

هل نسخن الفرن من قبل ؟

وإذا ممكن تعطيني مقدار الشاربات لي تسقي بيها الجينواز؟

ومقدار الفرينة والنشاء بالغرام لأن الكؤوس تختلف ونخاف عند تجربتها لا تنجح

وجزاك الله خيرا

الفرن سخنيه من قبل ومنبعد نقصي لنار باه ماتنحرقش الشاربات عادي 1 كوب ماء+1/2 كوب سكر الكوؤس تختلف انا اندير بكاس القازوز واذا شفتي العجينة راهي اثقيلة بعد الي تخلطي اضيفي1 م ك ماء فقط هو ايعدلها ماتخافيش تنجحلك وراني واثقة فيك ازدمي كي تشوفيها قدامك تفرحي بصح ماتقسميها ش حتى كي تبرد امليح و لازم ايكون عندك سكين المنشار لازم الي قطعو بيه الخبز

[sisii]

اريد طريقة تحضير بيسكوت غولي يا ام كوثر .

[*سماح 94*]

اختي ياسمين ادجا بالامكان اعطيني طريق صنع اقماع المثلجات ' يعني الكورنيات ) انا نحوس على العجينة الصحيحة من مدة

[nokia111]

السلام عليكم من فصلك اختي ياسمين انا لحد الان لم استطع معرفة متى يكون نسلي طايب مرات نخليه في الكيكوطا 1سا ولكن عند مانخرجو نحس بلي مازال ماطابش كي نعرف بلي خلاص هدا هو

[yarasmin.26]

اختي ياسمين ادجا بالامكان اعطيني طريق صنع اقماع المثلجات ' يعني الكورنيات ) انا نحوس على العجينة الصحيحة من مدة
مانعرفش نصنعهم يصنعون في المصانع المخصصة نعرف نصنع القوالب قوفري اذا حبيتيهم خليلي شوية وقت انحوس على الوصفة بلاك انصيبهالك انا فان راني حابة انديرهم راه جاي الصيف ونخلعوبيهم الضياف انتظر الرد

[yarasmin.26]

[QUOTE=nokia111;9412853]السلام عليكم من فصلك اختي ياسمين انا لحد الان لم استطع معرفة متى يكون نسلي طايب مرات نخليه في الكيكوطا 1سا ولكن عند مانخرجو نحس بلي مازال ماطابش كي نعرف بلي خلاص هدا هو[/QUOTE
انا نصنع الكراميل هكذا نحرق السكر كراميل ذهبي نبعد انضيف شوية حليب ايكون ساخن لازم ونخلط حتى الانسجام ونفرغ 1 م ك مايزينة ونخلط بالسرعة ونوخرها اعلى النار ونتركها تبرد ترجع ثقيلة
انا نعرف النيسلي يقعد في االكيكوطة 1 سا+ 15 د وهو ايطيب
اصنعي ثقب صغير وخليه في ماء3/4 العمق يعني مشي معمركي يحكم 1 سا سيليه وشوفي اذا صبتيه مزال اتركيه ايكمل الطياب

[*سماح 94*]

مانعرفش نصنعهم يصنعون في المصانع المخصصة نعرف نصنع القوالب قوفري اذا حبيتيهم خليلي شوية وقت انحوس على الوصفة بلاك انصيبهالك انا فان راني حابة انديرهم راه جاي الصيف ونخلعوبيهم الضياف انتظر الرد

شكرا اختي اعطينا طريقة القوفري حتى هي تفي بالغرض
اما الكورنيات انا شفت كورنيات منزلية يعني بعجينة وتخدميهم دواور وتطيبيهم وهوما سخونين تحطيهم على الحاجةلي راكي حابة يحكموا شكلها
لكن المشكل انا ماعنديش فكرة علىهاديك العجينة واش فيها
وكيما قلتي والله انا كانت في نيتي نخلع بيهم الضياف في الصيف هههههههه نحب الهدات الجديدة
شكراااااااااااااااااااااااااا

[yarasmin.26]

[QUOTE=nokia2007dz;9412990]شكرا اختي اعطينا طريقة القوفري حتى هي تفي بالغرض
اما الكورنيات انا شفت كورنيات منزلية يعني بعجينة وتخدميهم دواور وتطيبيهم وهوما سخونين تحطيهم على الحاجةلي راكي حابة يحكموا شكلها
لكن المشكل انا ماعنديش فكرة علىهاديك العجينة واش فيها
وكيما قلتي والله انا كانت في نيتي نخلع بيهم الضياف في الصيف هههههههه نحب الهدات الجديدة
شكراااااااااااااااااااااااااا[/QUOTE
هذوك هما القوفري"200 غ زبدة+1 كوب سكر+4 بيض+2+1/2 كوب فرينة+لفاني+1 كوب+1/2 ماءاو 1 كوب+3/4 ماء حسب الفرينة اذا تشرب الماء خلطيهم امليح تصبح عجينة حليها وشكليها دوائر كبار شوية وضعيهم في كؤس مقلوبة و كرفسيهم باه ايجوك قد وطيبيهم حتى يحمارو وتركيهم يبردوفي كؤس شهية طيبة جبتينا الجوع والسخانة

[saida08]

يعطيك الصحة الف شكر اختي
بالنسبة ل طبقة عطر التوت البري يباع في قارورة كبيرة
هل هو احسن او عطر الفريز حتى هو يباع في قارورة كبيرة
ياريت تعطيني احسن ماركة لعطر التوت لان هناك ماركات كثيرة
و ادا عندك صورته يكون افضل.



واش رايك في سوبير كريم supercreme

[yarasmin.26]

[QUOTE=saida08;9414695]يعطيك الصحة الف شكر اختي
بالنسبة ل طبقة عطر التوت البري يباع في قارورة كبيرة
هل هو احسن او عطر الفريز حتى هو يباع في قارورة كبيرة
ياريت تعطيني احسن ماركة لعطر التوت لان هناك ماركات كثيرة
و ادا عندك صورته يكون افضل.



واش رايك في سوبير كريم supercreme




ديري عطر التوت البري هو احسن عطري يعطي ذوق خيال في التارت اوالقلاصاج ام الماركات مانتبعهمش خطارات تصيبي ماركة عالية والجودة ضئيلة تبعي الشم توصلي بانفك لاحسن ماركة عودي انفك اعليها يبداو الماركات مايغيبوهالكش اما سوبر كرام مليحة من حيث الجودة

[*سماح 94*]

[QUOTE=nokia2007dz;9412990]شكرا اختي اعطينا طريقة القوفري حتى هي تفي بالغرض
اما الكورنيات انا شفت كورنيات منزلية يعني بعجينة وتخدميهم دواور وتطيبيهم وهوما سخونين تحطيهم على الحاجةلي راكي حابة يحكموا شكلها
لكن المشكل انا ماعنديش فكرة علىهاديك العجينة واش فيها
وكيما قلتي والله انا كانت في نيتي نخلع بيهم الضياف في الصيف هههههههه نحب الهدات الجديدة
شكراااااااااااااااااااااااااا[/QUOTE
هذوك هما القوفري"200 غ زبدة+1 كوب سكر+4 بيض+2+1/2 كوب فرينة+لفاني+1 كوب+1/2 ماءاو 1 كوب+3/4 ماء حسب الفرينة اذا تشرب الماء خلطيهم امليح تصبح عجينة حليها وشكليها دوائر كبار شوية وضعيهم في كؤس مقلوبة و كرفسيهم باه ايجوك قد وطيبيهم حتى يحمارو وتركيهم يبردوفي كؤس شهية طيبة جبتينا الجوع والسخانة

شكرا اختي بارك الله فيك
معليش نسقسيك العجينة ما تكونش جارية يعني مليحة برك و بعدما نشكلها فوق
الكاس نهزها منو طول ونطيبها مايروحش الشكل يعني ولا نطيبها فوق كاش حاجة
اسسسسسفة علىالازعاج

[*أم كوثر*]

للافادة فقط هنا طريقة تحضير الاقماع تع الايس كريم

http://www.djelfa.info/vb/showthread.php?t=582042

[yakout01]

مشكووره كثيرا اخت ام كوثر

[*سماح 94*]

للافادة فقط هنا طريقة تحضير الاقماع تع الايس كريم

http://www.djelfa.info/vb/showthread.php?t=582042

بااااااااااارك الله فيك اختي ام كوثر
ماشاء الله موضوع روعة
لكن على واش طيبتيهم .مابانتليش مليح
وشكراااااااا

[nokia111]

بااااااااااارك الله فيك اختي ياسمين وياريت تكملي جميلك فيا وتعطيني المقادير يلا حبيتي وواتمنى من الله ان يجازيك خير الجزاء

[prettywoman]

صباح الخير" المشكلة انتاعك في الفرينة ماتشربش ليدام زيدي شوية فرينة 1/2 كوب زيادة وبقي محافظة على نفس المقاديرالباقية
القلب اللوز راكي تقصدي ريحتوماء الزهر ذات القارورة الصغيرة معطر طولها اقل من الاصبع ودير100 دينار ام البنة في السمن معطر بالفنيلا
اما خبز الباي مانديروهش نخدمو les russe تحياتي

شكرا على الأجابة حبيبتي لكان أعطيتني وصفة القلب اللوز لديريها نتي معليش
وحبيت نطلب منك طلب اعطيني وصفة الغريبية تع المحلات جي كبيرة ومشقوقة وتذوب في الفم وشكرا لكي ربي يحفظك

[YACINE soso]

ارجوكي اريد وصفة هذه الحلوة انا دورت عليها كثير وما لقيت
مركز تحميل الملفات (http://www.gulfup.com/)http://im28.gulfup.com/2012-03-30/133313426951.jpg (http://www.gulfup.com/show/X105ztoz33y4tr)

[yarasmin.26]

بااااااااااارك الله فيك اختي ياسمين وياريت تكملي جميلك فيا وتعطيني المقادير يلا حبيتي وواتمنى من الله ان يجازيك خير الجزاء
انتاعه المقادير ذكريني ننسى انتضر الرد

[yarasmin.26]

بااااااااااارك الله فيك اختي ام كوثر
ماشاء الله موضوع روعة
لكن على واش طيبتيهم .مابانتليش مليح
وشكراااااااا
الاخت يراسمين ترد اعليك" ايه اطيب ديري سنيوى فيها الاليمينيوم وشكلي دوائر كبيرة بالسائل وطيبيه قدما يحمارو وخرجيهم شكليهم وهما سخونين دريهم على اكواب باه يدي الشكل ولا لويهم مثل الكورنيات
كاينة وصفة اخرى بصح ايطيبو على الة القوفري بصحتك

[بنت عين وسارة]

اختى حبيت نسقسيك على لى مول سيليكون زعمة ميتحرقوش و يتحطو فى سنيويا ولا هكاك و تدهنيهوم ولا لالا شكرا
اين الاجابة

[yarasmin.26]

اين الاجابة
ديريهم هكاك اذا كانو النوع الاول اما النوع الثاني ادهنيهم شوية ماينحرقوش اطيب هكاك

[yarasmin.26]

ارجوكي اريد وصفة هذه الحلوة انا دورت عليها كثير وما لقيت
مركز تحميل الملفات (http://www.gulfup.com/)http://im28.gulfup.com/2012-03-30/133313426951.jpg (http://www.gulfup.com/show/x105ztoz33y4tr)
عندي هذي الوصفة بصح مهياش مزيتا كيما في الصورة
4 صفار بيض+200 غ سكر قلاصي+200 غ زبدة مخدومة+لفاني+100 غ مايزينة+1 خمارة الحلوى+250 غ فرينة + شوية معجون مشماش
اخدمي الزبدة والسكروالصفار بيض بالخلاط الكهربائي ثم لفاني+المايزينة+ الفرينة مع الخمارة حتى تتماسك العجينة شكليها كويرات ضعيها في قوالب القنيدلات وقرصيها في الجوانب وضعي شوية معجون في الوسط ويمكن استغناء على التقراص ورمديهم في اللوز ايفيلي مدة الطهي 25 الى30 د وعسليهم من بعد اذا بغيتي

[بنت عين وسارة]

ديريهم هكاك اذا كانو النوع الاول اما النوع الثاني ادهنيهم شوية ماينحرقوش اطيب هكاك

شكرااااااااااااااااااااااااااااااااااااااااااااااا اااا

[أم ياسين الزهراء]

اختي العزيزة هذا السؤال شحال وانا نحوس على الاجابة وكل وحدة واش قالتلي وحبيت نشوف ردك حنونة وهو انا ندير قلب اللوز ويجي فور والحمد لله مشكلتي كينسقيه ويبرد نلقاه تنفخ مافهمتش علاه ياريت تقوليلي رايك ماتنساينيش حنونة

[mme bard]

السلام عليكم اخوتي

وحدة من عائلتي راهي تحوس على قاطو الفيريروروشي لي يجي بالنستلي
من فضلكم حطوهولي

واذا ما عندكمش حطولي وصفة لي تجي بالنستلي و مايطيبش

و ارجو ان تكون الوصفة مجربة
وجزاكم الله خيراااا

نستناكم في اقرب وققققت من فضلكن
تحياتي

[sisii]

عزيزتي ام كوثر عاوديلي البيسكوت غولي وربي يجازيك خير .................................................. ......؟

[yarasmin.26]

اختي العزيزة هذا السؤال شحال وانا نحوس على الاجابة وكل وحدة واش قالتلي وحبيت نشوف ردك حنونة وهو انا ندير قلب اللوز ويجي فور والحمد لله مشكلتي كينسقيه ويبرد نلقاه تنفخ مافهمتش علاه ياريت تقوليلي رايك ماتنساينيش حنونة
هذيك من الشاربات انتفخ بزاف قويتيلها نقصي في نوعية السميد ديري اقل من الخشين باه كي يشرب ايجيك اعبر تحياتي

[imane khaled]

أريد وصفة الماكارون من فضلك
وشكرا على كل المجهودات ربي يحفظك نشالله

[imane khaled]

و وصفة البسكوي رولي أنا كي نجي نلويه يتشقق الله يخليك ما هي الوصفة نتاع محلات الباتيسري شكرا لك

[yarasmin.26]

السلام عليكم اخوتي

وحدة من عائلتي راهي تحوس على قاطو الفيريروروشي لي يجي بالنستلي
من فضلكم حطوهولي

واذا ما عندكمش حطولي وصفة لي تجي بالنستلي و مايطيبش

و ارجو ان تكون الوصفة مجربة
وجزاكم الله خيراااا

نستناكم في اقرب وققققت من فضلكن
تحياتي


كاين بعض العضوات قدمو وصفة فيريرو روشي ارجعي للمواضيع وبحثي تجدين الوصفة

[imadwlidi]

sltp si possible la recette du creme patissier dialek
merci pour tt tes recette

[yarasmin.26]

و وصفة البسكوي رولي أنا كي نجي نلويه يتشقق الله يخليك ما هي الوصفة نتاع محلات الباتيسري شكرا لك
كي تقلبي العجينة انزعي الورق عليها ثم لويها ثم حليها واحتفضي بالورق عليها ولويها
والعجينة الي لم يكن عليها الورق هي الي ديري اعليها الكريمة
اما التشقق ايجي من العجينة مادرتيلهاش طرشونة مندية ولويتيه اعليها انتظري عن قريب رايحة اندير موضوع بالشرح الممل وانشاء الله ايفيدك وتصحي الاخطاء انتاوعك

[yarasmin.26]

sltp si possible la recette du creme patissier dialek
merci pour tt tes recette
1/2 لتر حليب+4 صفار بيض+100 غ سكر عادي+50 او 60 غ مايزينة+ معطر واذا حبيتيها خفيفة وشابة بعدما تبرد اضيفي كرام شانتي مطلعة وخلطيهم انا هكذا انديرها اجيك شابة واذا حبيتي كرام وحدها ماتزيديش شانتي

[*سماح 94*]

الاخت يراسمين ترد اعليك" ايه اطيب ديري سنيوى فيها الاليمينيوم وشكلي دوائر كبيرة بالسائل وطيبيه قدما يحمارو وخرجيهم شكليهم وهما سخونين دريهم على اكواب باه يدي الشكل ولا لويهم مثل الكورنيات
كاينة وصفة اخرى بصح ايطيبو على الة القوفري بصحتك


بااااااااارك الله فيك ختي
ربي يديمك ويجعلها في ميزان حسناتك

[mimi53]

اختي يارا ياسمين اشكركي جزيلا على الوصفة نتاع السوفلي ونتاع الكيك راني جربتهم في 2 وجاوني روعة مشكورة
طلبت منكي تقوليلي الفرن شحال لازم يكون درجة نتاعو في صنع السوفلي ولازم يدهن بالاصفر نتاع البيض ولا بالزيت والماء
سؤال اخر ادا لم يكن هناك ازعاج اريد وصفة هده الحلوة ادا تعرفيها
http://hh7.an3m1.com/Sep/an3m1.com_e458e190071.jpg (http://hh7.an3m1.com/)
راني سقسيت اختي ام كوثر ادا تعرفيه نتي قوليلي عليها وكرا لكي ولاختي وحبيبتي ام كوثر وبارك الله فيكم

[yarasmin.26]

[QUOTE=mimi53;9430188]اختي يارا ياسمين اشكركي جزيلا على الوصفة نتاع السوفلي ونتاع الكيك راني جربتهم في 2 وجاوني روعة مشكورة
طلبت منكي تقوليلي الفرن شحال لازم يكون درجة نتاعو في صنع السوفلي ولازم يدهن بالاصفر نتاع البيض ولا بالزيت والماء
سؤال اخر ادا لم يكن هناك ازعاج اريد وصفة هده الحلوة ادا تعرفيها
http://hh7.an3m1.com/Sep/an3m1.com_e458e190071.jpg (http://hh7.an3m1.com/)
راني سقسيت اختي ام كوثر ادا تعرفيه نتي قوليلي عليها وكرا لكي ولاختي وحبيبتي ام كوثر وبارك الله فيكم[/QUOTE

لالا اختي السوفلى بل ماء+ الزيت مايديروش البيض باه يبقى دائما خفيف
ام هذه الحلوى سموها لي ماكغون
نعطيك الوصفة بصح مانيش مجربتها ولكن اكيد تنجح وعندي وصفة شابة قاوي تشبهها تندار في افخم المحلات الحلويات وسموها les russe اذا تحبي نعطيهملك في2 فرن سخن من قبل ومن فوق خصو ايزيد يتحمر شوية لانه ايجى ذهبي محمر

[mazalag]

السلام عليكم
اريد طريقة قلاصاج الشوكولا لندروها لصابلي:sdf:
ولكي مني الشكر

[yarasmin.26]

السلام عليكم
اريد طريقة قلاصاج الشوكولا لندروها لصابلي:sdf:
ولكي مني الشكر
تقدري تذوبي الشكولاطة وديريها عادي ام تاع المحلات انديروسكر قلاصي من فوق وشوية معجون
ملاحظة راكي اعلى صابلي تاع المحلات ولا اي صابلي فهميني

[mazalag]

راني على صابلي تاع البيمو, و الشوكولا لنذوبها كيما تاع بوجدير جاتني ثقيلة بزاف

[البوسعادية]

السلام عليك اختي..
اعلم انك مرتبطة بعدة امور غير المنتدى ولكن ارجوا الرد على سؤالي فانا بحاجه للجواب..
لاني درت بزاف قلاساج انتع شكولاطه ومصلحوليش مليح...
وزيدي اختي قوليلي ربي يحفظك الا نقدر ندير هذا القلاساج انا مجربتوش ولكن ربما تعودي تعرفيه لقيتو في احد المنتديات
علبة شكولاطة
شوية حليب
شوية زيت
مغرفة صغيرة كاكاو
ذوبي الشكولاطة على حمام ماري كي ذوب زيدي شوية حليب +كاكاو +زيت
وهكذا القلاصاج واجد ...
شكرا وربي يجازيك

[yarasmin.26]

[quote=البوسعادية;9431538]السلام عليك اختي..
اعلم انك مرتبطة بعدة امور غير المنتدى ولكن ارجوا الرد على سؤالي فانا بحاجه للجواب..
لاني درت بزاف قلاساج انتع شكولاطه ومصلحوليش مليح...
وزيدي اختي قوليلي ربي يحفظك الا نقدر ندير هذا القلاساج انا مجربتوش ولكن ربما تعودي تعرفيه لقيتو في احد المنتديات
علبة شكولاطة
شوية حليب
شوية زيت
مغرفة صغيرة كاكاو
ذوبي الشكولاطة على حمام ماري كي ذوب زيدي شوية حليب +كاكاو +زيت
وهكذا القلاصاج واجد ...
شكرا وربي يجازيك[/

ديري هذا القلاصاج امليح الكاكاو زيديه اذا كانت الشيكولا ماهياش حامقة واذا كانت noire مديريش الكاكاو

[yarasmin.26]

راني على صابلي تاع البيمو, و الشوكولا لنذوبها كيما تاع بوجدير جاتني ثقيلة بزاف

الشكوطة دريلها شوية حليب+ شوية زيت اجيك مليحة واذا شفتها ثقيلة اضيفي الحليب وخلطيها مليح

[meimeifati]

مسىء الانوار اختي راكي نسيتني في الصابلي اللي قلتلك فوقه عقدة كوكاو او لوز و الكل مغلف بالشكولاطة ارجوك حابة نجربة و مشكورة اختي

[nokia111]

اقتباس:
المشاركة الأصلية كتبت بواسطة nokia111
بااااااااااارك الله فيك اختي ياسمين وياريت تكملي جميلك فيا وتعطيني المقادير يلا حبيتي وواتمنى من الله ان يجازيك خير الجزاء
انتاعه المقادير ذكريني ننسى انتضر الرد
تاع الكرمال واسفة لان الانترنت هدا وين جات وشكرا مسبقا

[حـــــــــــــــــوِيتَة]

السلام عليكم
ربي يحفظكم
ممكن اعرف طريقة عمل هذا الشكل للقريوش ؟؟
وجدته في احد المنتديات بصح الله غالب راسي خشين مافهمتش:1:
الله يعاونكم اختكم ريتاج
http://share.muslmah.net/up/11/1241/41328793160.gif

[mimi53]

مدا بيك حبيبتي ادا مكان ازعاج وشكرا على الرد بارك الله فيكي وجعله الله في ميزان حسناتك

[قطرة الربيع]

:sdf:شكرا أختي على سعة قلبك وجازاك الله كل خير :mh92::dj_17:
:mh31::mh31:باه نسقصيك أنا حاب نتعلم فنيات صنع جميع انواع الخبز ان شاء الله فأرجو منك اعطائي بعض المواقع او او كتب للتحميل :confused::confused::confused:اتمنى منك مساعدتي وشكررررررررررررررررررررررررررامسبقا واعطابي الله ما تتمني امين:34::34::34:

[yarasmin.26]

السلام عليكم
ربي يحفظكم
ممكن اعرف طريقة عمل هذا الشكل للقريوش ؟؟
وجدته في احد المنتديات بصح الله غالب راسي خشين مافهمتش:1:
الله يعاونكم اختكم ريتاج
http://share.muslmah.net/up/11/1241/41328793160.gif

يسعد صباحك" هذا القريوش منقول من كتاب طبخ لالة وفيه مراحل ولطريقة يباع في المكتبات95 د فقطولا الي ايبيعو الكتب في الشارع تحت عنوان حلويلت المنزل بشرح المفصل لهذه الوصفة وهي كاغلاف للكتاب حوسي اعليه اتمنى اني افدتكي

[yarasmin.26]

:sdf:شكرا أختي على سعة قلبك وجازاك الله كل خير :mh92::dj_17:
:mh31::mh31:باه نسقصيك أنا حاب نتعلم فنيات صنع جميع انواع الخبز ان شاء الله فأرجو منك اعطائي بعض المواقع او او كتب للتحميل :confused::confused::confused:اتمنى منك مساعدتي وشكررررررررررررررررررررررررررامسبقا واعطابي الله ما تتمني امين:34::34::34:
نعرف 2 وصفات خبز وانت زينيه بالطريقة الي حبيتي معنتها انا نعطيك القاعدة الي تبداي بيها والابداع والتخيل من عندك اما المواقع حتى نبحث ونقولك

[yarasmin.26]

مدا بيك حبيبتي ادا مكان ازعاج وشكرا على الرد بارك الله فيكي وجعله الله في ميزان حسناتك
وصفة الماكغون:60 غ لوز غبرة60 غ بندق غبرة150 غ سكر قلاصي 4 بياض البيض+ سكر عادي
ضربي بياض البيض+ سكر مثل الميرانق ثم باقي المقادير ضعي الخليط في كيس حلواني وشكلي دوائر على ورق زيتي وتركيها ترتاح1/2 سا ثم طيبيها في الفرن 160 د مدة 12 د فقط قدما ينشف مبعد ديري الكريمة في الوسط ولصقي 2 حبات مع بعض .

وصفة 2" 3/4 بول bolبياض البيض+1.500 غ كوكاو مرحي غبرة+800 غ سكر عادي
اطحني الكوكاو مع السكر يرجعو غبرة وضربي بياض البيض وطلعي معاه الكوكاو مرحي مخلط ديري في كيس حلواني الخليط خذي سنوي ادهنيها بالزيت ورشيها بالفرينة وشكلي دوائر كبيرة شوية وطريقة الطهي كيما الوصفة الاولى منبعد كي تبرد شكلها 3طبقات وفي الوسط الكريمة وطلي الجوانب بالكريمة ورمديهافي اللوز ايفيلي محمر شوية وهذه سموها وصفة les russe تحياتي وبالتوفيق
في هذه الوصفة راني اطيتك كمية كبيرة وانت نقصي

[yarasmin.26]

مسىء الانوار اختي راكي نسيتني في الصابلي اللي قلتلك فوقه عقدة كوكاو او لوز و الكل مغلف بالشكولاطة ارجوك حابة نجربة و مشكورة اختي
كاين انواع من الصابلي القرص الدائري الكبير ام الكرة الصغيرة فهميني باه نعطيك الوصفة

[yarasmin.26]

اقتباس:
المشاركة الأصلية كتبت بواسطة nokia111
بااااااااااارك الله فيك اختي ياسمين وياريت تكملي جميلك فيا وتعطيني المقادير يلا حبيتي وواتمنى من الله ان يجازيك خير الجزاء
انتاعه المقادير ذكريني ننسى انتضر الرد
تاع الكرمال واسفة لان الانترنت هدا وين جات وشكرا مسبقا
راني اعطيتك وصفة الكراميل وجاوبتك شوفي في الصفحات الاخيرة تجدين الرد

[جومانة09]

السلامـ عليكمـ ورحمة الله وبركاتهـ
شكـرا جزيلا على هـــذه الوصفــات الــرائعة والمميزة
فعلا موضــوع يستحق كل التقدير والإحتـرام
واصل / ي تميزك وإبداعك في منتدانا الرائع
منتـــدى الجلفة لكل الجزائريين و العرب
بارك الله فيك
وفي إنتظار جديـــدك
تحيآتـــي

[أم هنيدة]

وصفة الماكغون:60 غ لوز غبرة60 غ بندق غبرة150 غ سكر قلاصي 4 بياض البيض+ سكر عادي
ضربي بياض البيض+ سكر مثل الميرانق ثم باقي المقادير ضعي الخليط في كيس حلواني وشكلي دوائر على ورق زيتي وتركيها ترتاح1/2 سا ثم طيبيها في الفرن 160 د مدة 12 د فقط قدما ينشف مبعد ديري الكريمة في الوسط ولصقي 2 حبات مع بعض .

وصفة 2" 3/4 بول bolبياض البيض+1.500 غ كوكاو مرحي غبرة+800 غ سكر عادي
اطحني الكوكاو مع السكر يرجعو غبرة وضربي بياض البيض وطلعي معاه الكوكاو مرحي مخلط ديري في كيس حلواني الخليط خذي سنوي ادهنيها بالزيت ورشيها بالفرينة وشكلي دوائر كبيرة شوية وطريقة الطهي كيما الوصفة الاولى منبعد كي تبرد شكلها 3طبقات وفي الوسط الكريمة وطلي الجوانب بالكريمة ورمديهافي اللوز ايفيلي محمر شوية وهذه سموها وصفة lesrusse تحياتي وبالتوفيق
في هذه الوصفة راني اطيتك كمية كبيرة وانت نقصي


بارك الله فيك اختي ياسمين ما هي الكريمة لي نلصقوا بها ؟

[yarasmin.26]

بارك الله فيك اختي ياسمين ما هي الكريمة لي نلصقوا بها ؟
الكريمة:100 غ شكولاطة+30 غ بندق+80غ كريم فراش+20 غ زبدة+35غ سكر
السكر ينحرق كراميل+كرام فراش+زبدة على نارهادية
كسري الشكولاطة+ البندق في صحن ثم اضيفي الخليط الىالخليط1 الي راه على النار وخلطي حتى الانسجام وديريه في البوش وعمري بيها . تحياتي القلبية