الأخت yarasmin. 26 ترد على تساؤلاتكم هنا [الأرشيف] - الصفحة 2 - منتديات الجلفة لكل الجزائريين و العرب

أم هنيدة

2012-04-01, 12:59

الكريمة:100 غ شكولاطة+30 غ بندق+80غ كريم فراش+20 غ زبدة+35غ سكر
السكر ينحرق كراميل+كرام فراش+زبدة على نارهادية
كسري الشكولاطة+ البندق في صحن ثم اضيفي الخليط الىالخليط1 الي راه على النار وخلطي حتى الانسجام وديريه في البوش وعمري بيها . تحياتي القلبية

جزاك الله خيرا وربي يفتح عليك دنيا وآخرة

ام انس5

2012-04-01, 13:10

بارك الله فيك اختي ياسمين على كل الوصفات الرائعة وجعلها الله في ميزان حسناتك ان شاء الله .
اختي عندي طلب نتمنى تلبيهولي هوالبسكوي غولي جربتو مرتين وما نجحليش مادابيك تعطيني الوصفة اللي اديريها .
دعواتي لك القلبية وربي يعطيك ما تتمناي .اختي .

snowiman

2012-04-01, 13:21

جزاكم الله خيرا على الموضوع وحدة كيما انا راني نتعلم بشويييي
1-بعض المرات كي ندير قاطو ولا موسكوتشو تجيني فيه شوية حرارة (حار يحرق في الرقبة ) :confused::confused: مانيش عارفة منين exact
نشالله نلقى الحل
2-نحتاج 4 انواع قاطو اعراس دبرو عليا وش ندير
وشكرا ايييكم :1::1::24:
ارجو الاجابة راكي ما رديتيش عليا المرة الاولى بليييييز

taha007

2012-04-01, 13:30

شكرا حبيبتى على المساعدة في هدا المجال الواسع وجعله الله في ميزان حسناتك اختي راني شفت في محل الحلويا ت نوع من لقريوش على شكل نجم مورق على شكل طبقات وفي الوسط حبة طيب باه كي يتقلى يشدالشكل نتاعه هكدا قالولي رانى ملي شفته هبلت عليه ساعدينى اختى في دلك صناعة الشكلوو المقادير

ام خيرو

2012-04-01, 14:32

من فضلك
اختى ان تعطيني
طريقه صنع خبز الباقت
والقائدة الاساسية لصنع كل ا نوااع الخبز

ايمن14

2012-04-01, 14:39

من فضلك
اختى ان تعطيني
طريقه صنع خبز الباقت
والقائدة الاساسية لصنع كل ا نوااع الخبز

و هل محسن الخبز له اضرار
و هل محسن الخبز يستعمل للحلويات

yarasmin.26

2012-04-01, 15:16

و هل محسن الخبز له اضرار
و هل محسن الخبز يستعمل للحلويات
ماعندو حتى اضرار محسن الخبز لونه ابيض لاستعمال الكرواسون او لامونة او البريوش المعجنات التى نستعمل فيها الخمارة فهو مساعد ومعدل التخمير ملاحظة الخبز الي راكي تاكلي فيه من عند الخباز كشما صرالك ياك راكي مليحة

yarasmin.26

2012-04-01, 15:20

بارك الله فيك اختي ياسمين على كل الوصفات الرائعة وجعلها الله في ميزان حسناتك ان شاء الله .
اختي عندي طلب نتمنى تلبيهولي هوالبسكوي غولي جربتو مرتين وما نجحليش مادابيك تعطيني الوصفة اللي اديريها .
دعواتي لك القلبية وربي يعطيك ما تتمناي .اختي .
لكثرة الطلب عليه راني رايحة اندير الوصفة الحقيقية انتاعو عن قريب مانقدرش كل واحد نعطيلو الوصفة لانها طويلة وانا نخدم انتضري عن قريب وجربيه واكيد رايح ينجحلك وتعرفي الاخطاء الي كنت اديريهم تحياتي

yarasmin.26

2012-04-01, 15:24

جزاكم الله خيرا على الموضوع وحدة كيما انا راني نتعلم بشويييي
1-بعض المرات كي ندير قاطو ولا موسكوتشو تجيني فيه شوية حرارة (حار يحرق في الرقبة ) :confused::confused: مانيش عارفة منين exact
نشالله نلقى الحل
2-نحتاج 4 انواع قاطو اعراس دبرو عليا وش ندير
وشكرا ايييكم :1::1::24:
ارجو الاجابة راكي ما رديتيش عليا المرة الاولى بليييييز
الحرورة الي راهي اجيك من الخمارة مهياش امليحة وراكي اتقوي منها ويحرق في العنق مشي في الرقبة انواع الحلويات : ديري البقلاوة او العرايش معسلة+ حاجة مسكرة وحاجة ناشفة بالشكلاط اوالمشوك بالصنوبر تحياتي

yarasmin.26

2012-04-01, 15:28

شكرا حبيبتى على المساعدة في هدا المجال الواسع وجعله الله في ميزان حسناتك اختي راني شفت في محل الحلويا ت نوع من لقريوش على شكل نجم مورق على شكل طبقات وفي الوسط حبة طيب باه كي يتقلى يشدالشكل نتاعه هكدا قالولي رانى ملي شفته هبلت عليه ساعدينى اختى في دلك صناعة الشكلوو المقادير
راهي عندي هذه الوصفة بصح ماسيتهاش انتضريني عن قريب نمدلك الوصفة لانه الطلب على الوصفات كثيرة وانا نخدم وعد مني الجواب قبل 4 ايام

ام خيرو

2012-04-01, 15:38

من فضلك
اختى ان تعطيني
طريقه صنع خبز الباقت
والقائدة الاساسية لصنع كل ا نوااع الخبز

أم شيماءْ

2012-04-01, 16:07

السلام عليكم اريد طريقة صنع العجينة المورقة للعلم انني
مبتدئة :o
والف شكر لكم

أم شيماءْ

2012-04-01, 16:23

السلام عليكم عندي سؤال :confused:
هل يمكن ان استعمل مارغرين لابال في عجينة التوريق
والف شكر

sasafede

2012-04-01, 17:03

السلام عليكم عندي سؤال :confused:
هل يمكن ان استعمل مارغرين لابال في عجينة التوريق
والف شكر

اختي غير ماكله راكي رايح اتخسري العجينة اعلاجال الزبدة تاع لابال اتذوب بلخف و اذا الزبدة خخرجت من العجينة تخسر
انا خترات انخرجها من الثلاجة ديجا اتكون طرية ماقلا تخدمي بها حيا كيما هاك حساسة
هذا مجرد راي

nokia111

2012-04-01, 17:15

[QUOTE=nokia111;9412853]السلام عليكم من فصلك اختي ياسمين انا لحد الان لم استطع معرفة متى يكون نسلي طايب مرات نخليه في الكيكوطا 1سا ولكن عند مانخرجو نحس بلي مازال ماطابش كي نعرف بلي خلاص هدا هو[/QUOTE
انا نصنع الكراميل هكذا نحرق السكر كراميل ذهبي نبعد انضيف شوية حليب ايكون ساخن لازم ونخلط حتى الانسجام ونفرغ 1 م ك مايزينة ونخلط بالسرعة ونوخرها اعلى النار ونتركها تبرد ترجع ثقيلة
انا نعرف النيسلي يقعد في االكيكوطة 1 سا+ 15 د وهو ايطيب
اصنعي ثقب صغير وخليه في ماء3/4 العمق يعني مشي معمركي يحكم 1 سا سيليه وشوفي اذا صبتيه مزال اتركيه ايكمل الطياب
سلام عليكم هدا هو الجواب الله يعطيك الصحة بصح معرفتش شحال سكر وشحال حليب وهل استطيع وضعو في القاطو لي يجي بالكبريس واسفة جدا على الازعاج اختي

mimi53

2012-04-01, 17:31

وصفة الماكغون:60 غ لوز غبرة60 غ بندق غبرة150 غ سكر قلاصي 4 بياض البيض+ سكر عادي
ضربي بياض البيض+ سكر مثل الميرانق ثم باقي المقادير ضعي الخليط في كيس حلواني وشكلي دوائر على ورق زيتي وتركيها ترتاح1/2 سا ثم طيبيها في الفرن 160 د مدة 12 د فقط قدما ينشف مبعد ديري الكريمة في الوسط ولصقي 2 حبات مع بعض .

وصفة 2" 3/4 بول bolبياض البيض+1.500 غ كوكاو مرحي غبرة+800 غ سكر عادي
اطحني الكوكاو مع السكر يرجعو غبرة وضربي بياض البيض وطلعي معاه الكوكاو مرحي مخلط ديري في كيس حلواني الخليط خذي سنوي ادهنيها بالزيت ورشيها بالفرينة وشكلي دوائر كبيرة شوية وطريقة الطهي كيما الوصفة الاولى منبعد كي تبرد شكلها 3طبقات وفي الوسط الكريمة وطلي الجوانب بالكريمة ورمديهافي اللوز ايفيلي محمر شوية وهذه سموها وصفة lesrusse تحياتي وبالتوفيق
في هذه الوصفة راني اطيتك كمية كبيرة وانت نقصي

يعتيك الصحة وبارك الله فيكي ربي يجازيك كل خير

أمير الهوى

2012-04-01, 18:53

اختي مالقيت مانقولك بارك الله فيك بارك الله فيك ربي يعطيك واش تتمني ويسقملك سعدك ويسهلك درب أنا من محبي الحلويات حبيت نسقسيك على عجينة لابات شو الوصفة هزيتها على حورية المطبخة كلش مليح عندي مشكل واحد كي أطيب تبقى معجنة من الداخل ماعرفتش علاه وكريمة الزبدة كيما نخدمها تبقى بنة الزبدة

prettywoman

2012-04-01, 22:54

شكرا على الأجابة حبيبتي لكان أعطيتني وصفة القلب اللوز لديريها نتي معليش
وحبيت نطلب منك طلب اعطيني وصفة الغريبية تع المحلات جي كبيرة ومشقوقة وتذوب في الفم وشكرا لكي ربي يحفظك

الأخت yrasmin وقيل ما شفتيش سؤالي:o نعتذر على الازعاج نشا الله تجاوبيني وشكرا على كل ما تقدمينه :19:

ليلى العلمية

2012-04-02, 07:53

سلام
حبيت نعرف المدة الي تطهى فيها الجنواز الي عملتيها
ثانيا طريقة الكوكا
وشكرا

yarasmin.26

2012-04-02, 09:39

شكرا حبيبتى على المساعدة في هدا المجال الواسع وجعله الله في ميزان حسناتك اختي راني شفت في محل الحلويا ت نوع من لقريوش على شكل نجم مورق على شكل طبقات وفي الوسط حبة طيب باه كي يتقلى يشدالشكل نتاعه هكدا قالولي رانى ملي شفته هبلت عليه ساعدينى اختى في دلك صناعة الشكلوو المقادير
صباح الخير: هذه الوصفة منقولة مشي انتاعي تحياتي لصاحبة الوصفة.
1 كغ فرينة+250 زبدة ذايبة+1 بيض+ملح+ ماء الزهر+ماء دافي+ لفاني+ القرنفل +مايزينة
خلطي كل شيئ ولميها بماء+ الماء الزهر مثل عجينة البقلاوة حليها دائرة رقيقةترتاح 5 د ضعيها فوق الطاجين الحديد على نار حتى تنشف انزعيها ولويها على نفسها وقطعيها بالسكين اوحاجة مبرجة خطوط مائلة وفي كل حبة 5 خطوط وحليهم شوية مثل النجمة ورشقي حبة قرنفل في الوسط اقليهم وعسليهم
ملاحظة "العجينة كي تلويها لصقيها ببياض البيض باه متنحلش كي تقليها والزيت اضيفي له قليل من الخل قبل مايسخن باش اطيب الحلوى ذهبية وشكرا تاكليها بالصحة

yarasmin.26

2012-04-02, 09:42

[QUOTE=yarasmin.26;9412982]
سلام عليكم هدا هو الجواب الله يعطيك الصحة بصح معرفتش شحال سكر وشحال حليب وهل استطيع وضعو في القاطو لي يجي بالكبريس واسفة جدا على الازعاج اختي
السكر كيما حبيتي والحليب ماتقويش وتروكيها تبرد اذا استعملتيها في الحلوي ماتيبسش الكراميل تبق طرية وسائلة شوية

yarasmin.26

2012-04-02, 09:44

السلام عليكم اريد طريقة صنع العجينة المورقة للعلم انني
مبتدئة :o
والف شكر لكم
راهم دايرين وصفة العجينة المورقة للمبتدئات كي تنجحي فيها نعطيك وصفة المحلات

yarasmin.26

2012-04-02, 09:46

السلام عليكم عندي سؤال :confused:
هل يمكن ان استعمل مارغرين لابال في عجينة التوريق
والف شكر
لالا استعملي الزبدة المورقة الخاصة بالكرواسون تباع في المحلات كي تتعلمي اتعلمي على الصح ماتقديش تلعبي

yarasmin.26

2012-04-02, 09:47

من فضلك
اختى ان تعطيني
طريقه صنع خبز الباقت
والقائدة الاساسية لصنع كل ا نوااع الخبز

عن قريب جيد نعطيك الوصفة وجربيها

yarasmin.26

2012-04-02, 09:52

اختي مالقيت مانقولك بارك الله فيك بارك الله فيك ربي يعطيك واش تتمني ويسقملك سعدك ويسهلك درب أنا من محبي الحلويات حبيت نسقسيك على عجينة لابات شو الوصفة هزيتها على حورية المطبخة كلش مليح عندي مشكل واحد كي أطيب تبقى معجنة من الداخل ماعرفتش علاه وكريمة الزبدة كيما نخدمها تبقى بنة الزبدة
المشكل 1:اخدم العجينة امليح
2 :ديرها في الكيس الحلواني وشكلها بدون تكديس في العجينة يعني ماتعمرهاش راهي كي تنتفخ ماتصيبش وين تخرج تبقى معجنة من الداخل
3: نقص للفرن باه اطيب على مهلها
4: الزبدة عطرها وغير نوع الزبدة ودير لابال هي الخاصة بالكريمات
تحياتي القلبية

yarasmin.26

2012-04-02, 09:56

الأخت yrasmin وقيل ما شفتيش سؤالي:o نعتذر على الازعاج نشا الله تجاوبيني وشكرا على كل ما تقدمينه :19:
اسفة : راني قدمت وصفة الغريبية شوفي الصفحات ام التشقق ايجي كي ديري العجينة اضيفي في المقادير شوية خمارة نوارة
اما القلب اللوز: عن قريب انقدمو اعذريني وعد مني عن قريب انقدمو كا موضوع

yarasmin.26

2012-04-02, 09:59

سلام
حبيت نعرف المدة الي تطهى فيها الجنواز الي عملتيها
ثانيا طريقة الكوكا
وشكرا
وقت الجينواز على حسب الفرن كي ادخلي سكين فيها وتخرج ناشفة ارفي بلي طابت اما الكوكا هي عجينة المورق وشكليها دوائر وطليها من جانب واحد بشوية بيض وديري الصوص ولصقيها واطهيها.

ام احمد وصال

2012-04-02, 13:22

السلام عليكم اريد طريقة صنع العجينة المورقة للعلم انني
مبتدئة :o
والف شكر لكم
مساء الخير اختي اسمك اثار انتباهي هل انت من الاوريسيا انا ثاني متزوجة فيها

linat

2012-04-02, 13:45

اختي عندي سؤال بالنسبة للعجينة المورقة .عندما نحل العجينة في كل مرة هل نرشها بالفرينة ولا لا .ياريت تفهميني .راهي في كل مرة نديرها متتورقليش مليح .ياريت تفهميني وشكرا

meimeifati

2012-04-02, 14:06

كاين انواع من الصابلي القرص الدائري الكبير ام الكرة الصغيرة فهميني باه نعطيك الوصفة

مساء الانوار مشكورة أختي على الإهتمام
هاد القاطو القاعدة عجينة صابلي مقطع مستطيلات و فوقه طبقة من حشو لوز و الكل مغطي بشكولا حبيت نعرف ادا هاد الحشو طايب مع الصابلي او لاصق منبعدو حبيت نعرف مقاديرالوصفة لانه هايل
ومشكورة على الكراميل اللي قدمتي طريقتو راني جربته و خرجلي هايل هل ممكن نستعمله عادي مكان الكراميل المصنوع بالنيسلي في الحشو ما يفسدش القاطو
و شكرا على المجهود

أم شيماءْ

2012-04-02, 15:50

مساء الخير اختي اسمك اثار انتباهي هل انت من الاوريسيا انا ثاني متزوجة فيها

مساء الخير اختي نعم انا من الاوريسيا:mh92:

حسيبة2010

2012-04-02, 16:43

الكريمة:100 غ شكولاطة+30 غ بندق+80غ كريم فراش+20 غ زبدة+35غ سكر
السكر ينحرق كراميل+كرام فراش+زبدة على نارهادية
كسري الشكولاطة+ البندق في صحن ثم اضيفي الخليط الىالخليط1 الي راه على النار وخلطي حتى الانسجام وديريه في البوش وعمري بيها . تحياتي القلبية

السلام عليكم.............مشكورة على الوصفات و الأجوبة
سؤالي عن هذه الكريمة .عجبتني بزاف هل نستطيع استعمالها في حلويات اخرى من غير les macarons
.أعطينا امثلة.... وربي يعاونك

أمير الهوى

2012-04-02, 17:37

يرحم الله والديك ويعطيك الصحة كي تسمحلي الظروف راح نجربها ونردلك لخبر

"راجية الجنة"

2012-04-02, 18:11

سلام عليكم

شكرا على الموضوع

اختي ممكن تعطني لا روسات نتع غناش بالشكولا وهل ممكن نعوض الكريمة المخفوقة بالحليب وشكرا :)

yarasmin.26

2012-04-03, 10:14

السلام عليكم.............مشكورة على الوصفات و الأجوبة
سؤالي عن هذه الكريمة .عجبتني بزاف هل نستطيع استعمالها في حلويات اخرى من غير les macarons
.أعطينا امثلة.... وربي يعاونك
تقدري تستعمليها لحشو حلويات مثل الفسدق او اللوزة او عجينة قنيدلات معمرة بالكريمة وزينيها

yarasmin.26

2012-04-03, 10:17

سلام عليكم

شكرا على الموضوع

اختي ممكن تعطني لا روسات نتع غناش بالشكولا وهل ممكن نعوض الكريمة المخفوقة بالحليب وشكرا :)
راني قدمت وصفة القناش بالشكولاطة ارجعي الى هذه الصفحات اما الاستبدال راكي تقصدي بالحليب كرام فراش اما ماذ لانه اذا كانت كريمة قشدية اما الحليب ماتفكريش خلاص في هذه الفكرة

yarasmin.26

2012-04-03, 10:26

مساء الانوار مشكورة أختي على الإهتمام
هاد القاطو القاعدة عجينة صابلي مقطع مستطيلات و فوقه طبقة من حشو لوز و الكل مغطي بشكولا حبيت نعرف ادا هاد الحشو طايب مع الصابلي او لاصق منبعدو حبيت نعرف مقاديرالوصفة لانه هايل
ومشكورة على الكراميل اللي قدمتي طريقتو راني جربته و خرجلي هايل هل ممكن نستعمله عادي مكان الكراميل المصنوع بالنيسلي في الحشو ما يفسدش القاطو
و شكرا على المجهود
الحشو اكيد ايطيب امعاه وديري اي عجينة صابلي تفي بالغرض وروني بصفار لبيض باه ايجيك اطري اما هذه الوصفة الشخص ابدع فقط في التزين هذا مكان ديري زبدة + لفاني + سكر قلاصي+ صفار بيض +1 كاملة ولمي بالفرينة والعجينة تبقى طرية وشكليها كما تريدين
500 غ مارغرين+500 غ سكر قلاصي+3 صفار بيض+4 بيض كامين+ لفاني+1/2 كيس خمارة الحلوى+800 الى850 غ فرينة لميها وشكليها ودير الحشو النتاعك كيما تحبي كوكاو او اللوز وزينيها بالشكولاطة
انا اعطيتك القاعدة الاساسية والي هي الوصفة الحقيقية لصابلي وانت شكلي كيما شفتيها تحياتي وتمنياتي اكي بالنجاح والتوفيق

"راجية الجنة"

2012-04-03, 10:33

راني قدمت وصفة القناش بالشكولاطة ارجعي الى هذه الصفحات اما الاستبدال راكي تقصدي بالحليب كرام فراش اما ماذ لانه اذا كانت كريمة قشدية اما الحليب ماتفكريش خلاص في هذه الفكرة

:mh31:

شكرا اختي اني شفت لا روسات في واحدة من اعمالك هنا وام كوثر جابوتني في موضوع مستقل

يعطيك الصحة

سلام

nokia111

2012-04-03, 13:01

:21::21::21::21:لسلام عليكم.............مشكورة على الوصفات و الأجوبة بارك الله فيك

أم كوثر1

2012-04-03, 14:13

السلام عليكم و رحمة الله و بركاته أنا عضو جديد في المنتدى أرجو الترحاب
الأخت ياراسمين من فضللك و جزاك الله خيرا أعيدي لنا وصفة غريبية المحلات لأني بحثت عنها كثيرا في الصفحات و لم أجدها جزاك الله خيرا

meimeifati

2012-04-03, 14:38

الحشو اكيد ايطيب امعاه وديري اي عجينة صابلي تفي بالغرض وروني بصفار لبيض باه ايجيك اطري اما هذه الوصفة الشخص ابدع فقط في التزين هذا مكان ديري زبدة + لفاني + سكر قلاصي+ صفار بيض +1 كاملة ولمي بالفرينة والعجينة تبقى طرية وشكليها كما تريدين

مشكورة اختي على الرد ممكن مقادير الحشو يعني واش نزيدو للوز او الكوكاو
و فيما يخص اكراميل اللي قلتينا عليه راني جربنو هل يصلح نعمر بيه اي نوع حلوى

linat

2012-04-03, 17:35

اختي عندي سؤال بالنسبة للعجينة المورقة .عندما نحل العجينة في كل مرة هل نرشها بالفرينة ولا لا .ياريت تفهميني .راهي في كل مرة نديرها متتورقليش مليح .ياريت تفهميني وشكرا

الفرعون goku

2012-04-03, 20:30

شكرا لكم ارجوكم اخولتي في الله أنا أختكم أم بدر الدين اريد تعلم حلويات المناسبات يجعلها الله في ميزان حسناتكم

yarasmin.26

2012-04-04, 09:41

السلام عليكم و رحمة الله و بركاته أنا عضو جديد في المنتدى أرجو الترحاب
الأخت ياراسمين من فضللك و جزاك الله خيرا أعيدي لنا وصفة غريبية المحلات لأني بحثت عنها كثيرا في الصفحات و لم أجدها جزاك الله خيرا
:اولا راني جاوبت اخت طلبت الوصفة لوكان راجعتي في صفحات يارسمين ترد على التساؤلات لوكان صبتيها معليش انعاودها
1 عبر زبدة ذايبة+ 1 عبر ناقص2 اصابع سكر قلاصي+ لفاني اخدميهم امليح حتى تصبح الكريمة اضيفي الفرينة+ 1 خمارة نوارة ولمي العجينة وشكليها وديري القرفة من الفوق وطيبيها وتكليها بصحة والراحة تحياتي

yarasmin.26

2012-04-04, 09:45

[QUOTE=الفرعون goku;9468987]شكرا لكم ارجوكم اخولتي في الله أنا أختكم أم بدر الدين اريد تعلم حلويات المناسبات يجعلها الله في ميزان حسناتكم[/
صباح الخير: اولا سيدتي باه تتعلمي حلويات الاعراس لازملك كتب الي فيها الصور مع التطبيق كي يدك اتسر على الوصفة غيري القاعدة لانه خطرات الوصفات اتكون القاعدة انتاعهم الي هي العجينة مشي صح المهم تعرفي تصنعي الحلويلت ولالالا باه نعرفو كيفاش انعالجو المشكل انتضر الردQUOTE

yarasmin.26

2012-04-04, 09:47

اختي عندي سؤال بالنسبة للعجينة المورقة .عندما نحل العجينة في كل مرة هل نرشها بالفرينة ولا لا .ياريت تفهميني .راهي في كل مرة نديرها متتورقليش مليح .ياريت تفهميني وشكرا

تقدري تنثري الفرينة في كل مرة نثر فقط مشي تقوي لانه فيها حساب باه ماجيكش ثقيلة بالتوفيق تحياتي

mounafam

2012-04-04, 11:36

بارك الله فيك ختي وجعلها الله في ميزان حسناتك حبيت نسقسيك على الكيك انا كل مرة نطيبو أو نطيب موسكوشو يتحرق من برا وما يطيبش من الداخل وما يتنفخش مليح قالولي لازم ما تسخنيش الفون من قبل يعني شعليه وحطي الكيك في الفرن ما رأيك وجزاك الله كل خير

saida08

2012-04-04, 12:12

السلام عليكم
اريد وصفة حلوة تشبه قاطو الطابع نتاع زمان بصح يجي كبير و فيه نكهة خاصة يباع في المحلات
كدلك اريد وصفة الكعك ل في الصورة
http://i14.tinypic.com/2ebtyy8.jpg

yarasmin.26

2012-04-04, 12:17

بارك الله فيك ختي وجعلها الله في ميزان حسناتك حبيت نسقسيك على الكيك انا كل مرة نطيبو أو نطيب موسكوشو يتحرق من برا وما يطيبش من الداخل وما يتنفخش مليح قالولي لازم ما تسخنيش الفون من قبل يعني شعليه وحطي الكيك في الفرن ما رأيك وجزاك الله كل خير
1- راكي لتقوي النار اعلاههكذاك ينحرق اومايطيبش
2- الخمارة مهياش امليحة ديري نوارة في الكيك او المسكوتشة .......الخ
3- كي تسخنى الفرن وديري الحلوى انتاعك نقصي لنار باه ايطيب غير بشوية
4-طريقتك في خلط العجين يمكن مهياش صحيحة كي ديري الفرينة مع الخمارة خلطي من الاسفل الى الاعلى حتى تتداخل مليح وفرغيها في القالب وماتمسحيش بالملعقة فقط ارفدي القالب وخبطيه بشوية وهو يتسوى وحدو
عاودي جربي الحلوى انتاعك بهذو النصائح تنجحي وعرضينا نشربو القهوة بالحلوى من يديك الزنين

yarasmin.26

2012-04-04, 12:26

السلام عليكم
اريد وصفة حلوة تشبه قاطو الطابع نتاع زمان بصح يجي كبير و فيه نكهة خاصة يباع في المحلات
كدلك اريد وصفة الكعك ل في الصورة
http://i14.tinypic.com/2ebtyy8.jpg
احنا في المحل مانبيعوش حلوة الطابع ولكن منبعد نعطيك الوصفة الي نديرها انا وكذلك الكعك بصح احنا نديروه منسم بزريعة البسباس+ الجلجلان+ الشنان منيش عارفة اذا عندكم الشنان ولا لالالا
ام حلوة الطابع كاينة بالزبدة وكاين بالزيت وين هي الي راكي حبتها ودرك حلوة الطابع راهم ايديرولها القلاصاج ويبقى مايفسدش وجي طري ولذيذ شوفي شتى خصك وقوليلي وهذه المرة سيه بالقلاصاج الي نعطيهولك وقوليلي من بعد واش رايك تحياتي

saida08

2012-04-04, 12:29

احنا في المحل مانبيعوش حلوة الطابع ولكن منبعد نعطيك الوصفة الي نديرها انا وكذلك الكعك بصح احنا نديروه منسم بزريعة البسباس+ الجلجلان+ الشنان منيش عارفة اذا عندكم الشنان ولا لالالا
ام حلوة الطابع كاينة بالزبدة وكاين بالزيت وين هي الي راكي حبتها ودرك حلوة الطابع راهم ايديرولها القلاصاج ويبقى مايفسدش وجي طري ولذيذ شوفي شتى خصك وقوليلي وهذه المرة سيه بالقلاصاج الي نعطيهولك وقوليلي من بعد واش رايك تحياتي

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.

yarasmin.26

2012-04-04, 12:32

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.
مايديروش خمارة الخبز
اما الطابع الاكثرية ايديرو تاع الزبدة باه كي يقعد مايبسش ومايطلقش ليدام

yarasmin.26

2012-04-04, 12:40

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.
مايديروش خمارة الخبز
اما الطابع الاكثرية ايديرو تاع الزبدة باه كي يقعد مايبسش ومايطلقش ليدام

أم كوثر1

2012-04-04, 13:03

بارك الله فيك اخت ياراسمين و جعل ما تقدميه في ميزان حسناتك شكرا على وصفة الغريبية

meimeifati

2012-04-04, 14:32

مساء الخير اختي مشكورة على مقادير الصابلي ممكن تعطيني مقادير الحشو هل نلمو الكوكاو او اللوز بالبيض او مازهر مع اني مالقيتش فيه دوق مازهر و مشكورة

imadwlidi

2012-04-04, 16:17

من فضلك إذا أمكن recette تاع شيز كيك
وربي يجازيك راني سيت les recette دياولك (بيتزا، شوصن، كريمة الزبدة البيضاء ،الكيك) و خرجو رووووووعة خاصة البيتزا وشوصن راني حبيت نحهم مي معرفش للبورتابل لكن وعد نحطهم des possible

manothebest

2012-04-04, 18:12

ياراسمين شكراااااااا على مبادراتك ربي يحفظك
==================================
نتمنى أن تعطيلي وصفة النوقا
كنت نسمع في الاذاعة فاتتني مقادير عجينة ووصلت ليها كي قال هذي العجينة ضرك حطوها في المقلى بعد ماتتقلى و تيبس دقوها ناعمة و زيدولها العسيلة و الزبدة و الكوكاو المرحي خشين وديروها في بلا حتان تشد روحها منبعد قطعوها
====================================
يعني في الحقيقة جاتني غريبة هذي الوصفة خصوصا كي قالت أقلو العجينة بعدها أرحوها
نتمنى تفيديني بهذي و إذا ماقدرتيش أعطيلي وصفة مجربة منك
و ألف شكر
في ميزان حسناتك

yasminbrenda

2012-04-04, 18:23

ya3tik el saha haba tgoulilna kifache nakhedmou makrout 3ouche el nahla sma3te bi chebka wa lekat est ce que juste ne chekrek bezaf 3ala el mahoudat eli tkadmiha:)

oprah

2012-04-04, 22:50

السلام عليكم
عندي سؤال محيرني بزاااف و لي تلقالي الحل ربي يعطيها واش تتمنى
المهم عندي مشكل مع قاكو الي يتعسل ديما يخرجلي ياااابس
متلا كيما الدزيريات
العجينه ندير فيها تلات عبار فرينة مع نص عبر دهان المدينة و نلمهم مع ماء الزهر مضاف اليه الماء
و كي يطيب نعسلو مع العسل الممزوج بالماء يعني عسل مخفف و الي يتخدم كي التالي كيلو عسل نزيدلو كأس ماء و كأس ماء الزهر و كي نعسلهم لازم العسل يكون سخون
وين الغلط؟ ولا كلش غالط؟
دبرو علي

yarasmin.26

2012-04-05, 09:50

مساء الخير اختي مشكورة على مقادير الصابلي ممكن تعطيني مقادير الحشو هل نلمو الكوكاو او اللوز بالبيض او مازهر مع اني مالقيتش فيه دوق مازهر و مشكورة
صباح الخير: كي تشكلي الصابلي انتاعك مستطيل او هلال .....الخ الجهة الفوقانية اغطسيها في بياض البيض ورمديها في الكوكاو او لوز مدشش وتروكيها اطيب منبعد كي تبرد اغطسي الجهة الفوقانية في الشكولاطة تحياتي

yarasmin.26

2012-04-05, 09:53

من فضلك إذا أمكن recette تاع شيز كيك
وربي يجازيك راني سيت les recette دياولك (بيتزا، شوصن، كريمة الزبدة البيضاء ،الكيك) و خرجو رووووووعة خاصة البيتزا وشوصن راني حبيت نحهم مي معرفش للبورتابل لكن وعد نحطهم des possible
مانيش نخدم دوك تشيز كيك ولكن عندي وصفة فرنسية بصح مازال مسيتهاش نظرا لضيق الوقت عندي

yarasmin.26

2012-04-05, 09:59

السلام عليكم
عندي سؤال محيرني بزاااف و لي تلقالي الحل ربي يعطيها واش تتمنى
المهم عندي مشكل مع قاكو الي يتعسل ديما يخرجلي ياااابس
متلا كيما الدزيريات
العجينه ندير فيها تلات عبار فرينة مع نص عبر دهان المدينة و نلمهم مع ماء الزهر مضاف اليه الماء
و كي يطيب نعسلو مع العسل الممزوج بالماء يعني عسل مخفف و الي يتخدم كي التالي كيلو عسل نزيدلو كأس ماء و كأس ماء الزهر و كي نعسلهم لازم العسل يكون سخون
وين الغلط؟ ولا كلش غالط؟
دبرو علي
مشكلتك راهي صعيبة لازم اتعالجي العجينة 1 المقادير الي راهي عندك مشي صح ابحثي في صفحات يراسمين ترد على التساؤلات تصيبي وصفة الحقيقية لدزريات راني جاوبت اخت طلبت الوصفة والعسل لازم ايكون خفيف {العسل مخلط مع الماء الزهر او الشاربات ثقيلة مع الماء الزهر والعقدة ديري رشة خفيفة خمارة الحلوى باه ماجيكش ثقيلة شفتى اخطائك شعال تحياتي بالتوفيق

yarasmin.26

2012-04-05, 10:08

ياراسمين شكراااااااا على مبادراتك ربي يحفظك
==================================
نتمنى أن تعطيلي وصفة النوقا
كنت نسمع في الاذاعة فاتتني مقادير عجينة ووصلت ليها كي قال هذي العجينة ضرك حطوها في المقلى بعد ماتتقلى و تيبس دقوها ناعمة و زيدولها العسيلة و الزبدة و الكوكاو المرحي خشين وديروها في بلا حتان تشد روحها منبعد قطعوها
====================================
يعني في الحقيقة جاتني غريبة هذي الوصفة خصوصا كي قالت أقلو العجينة بعدها أرحوها
نتمنى تفيديني بهذي و إذا ماقدرتيش أعطيلي وصفة مجربة منك
و ألف شكر
في ميزان حسناتك
صباح الخير: هذه الوصفة عمري ماسمعت بيها نعطيك وصفة فرنسية
ضربي بياض البيض حسب الكمية الي راكي حابة وطلعي معاها بالسكر قلاصي مثل الميرانق عادي لازم كي تقلبي الخليط مايطيحش
ومن جهة اخرى ديري العسل يسخن والشاربات كذالك تسخن كي يبداو يغلو فرغي خليط العسل مع الشاربات في وقت واحد على الميرانق{لازم ايكون شخص اخر ايعاونك} وبق اتضربي متحبسيش الخلط حتى يبرد الخليط تماما اضيفي المكسرات محمرة وخلطي بملعقة العود ثم احكمى سنوى ديري غلفيها بالبلاستيك وفرغي الخليط وسويه وتروكيه يبرد منبعد قطعيها كيما تحبي وشهية طيبة

بشرى2008

2012-04-05, 10:23

صح عند الحق
ماشي لوز وحده معاه حاجة اخرى يزكو بها الكمية
انتظر معك الإفادة

واحد راهو معانا يخدم بيسري قالنا نزيدولو الفرينة وخطراك الخبز اليابس

yarasmin.26

2012-04-05, 10:45

واحد راهو معانا يخدم بيسري قالنا نزيدولو الفرينة وخطراك الخبز اليابس
هذا اي نوع من الحلوى اذا راكي تقصدي الدزريات اسمحيلي هذا يخدم في محل عيان يخدعو المشتاري ويقولولو هذا كوكاو ولا لوز اما الخفوفية الحلوى كاين بزاف حلول مشي الحاجة الي تسمعو بيها اطبقوها تحياتي

nokia111

2012-04-05, 10:53

السلام عليكم اخت ياسمين وبارك الله فيك انا حبيت نسقسيك على كرام شانتي لي تتباع برا معرفتش كيش نديرلها ولا عندك وصفة تاعها في البيت ياريت تفيديني وكدلكسمعت بلي راهم يبيعو كرام بتيسيار ارجو ان تفيديني وجزاك الله خيرا واسفة على كترة الاسئلة

بشرى2008

2012-04-05, 11:07

هذا اي نوع من الحلوى اذا راكي تقصدي الدزريات اسمحيلي هذا يخدم في محل عيان يخدعو المشتاري ويقولولو هذا كوكاو ولا لوز اما الخفوفية الحلوى كاين بزاف حلول مشي الحاجة الي تسمعو بيها اطبقوها تحياتي

نعم هو كان ضد الفكرة نعم الدزيريات وقالنا هادا غش

*ام رامي*

2012-04-05, 11:22

ياراسمين شكراااااااا على مبادراتك ربي يحفظك
==================================
نتمنى أن تعطيلي وصفة النوقا
كنت نسمع في الاذاعة فاتتني مقادير عجينة ووصلت ليها كي قال هذي العجينة ضرك حطوها في المقلى بعد ماتتقلى و تيبس دقوها ناعمة و زيدولها العسيلة و الزبدة و الكوكاو المرحي خشين وديروها في بلا حتان تشد روحها منبعد قطعوها
====================================
يعني في الحقيقة جاتني غريبة هذي الوصفة خصوصا كي قالت أقلو العجينة بعدها أرحوها
نتمنى تفيديني بهذي و إذا ماقدرتيش أعطيلي وصفة مجربة منك
و ألف شكر
في ميزان حسناتك

على حسب ماقلت العجينة تتقلى وتلم بالعسل والمكسرات هذه وصفة البجاوية شوفيها في هذا الرابط

http://www.djelfa.info/vb/showthread.php?t=878449

شكرا ياراسمين على اهتمامك بتساؤلات العضوات
جعلها الله في ميزان حسناتك

manothebest

2012-04-05, 11:42

شكرااااااااااااااا ياسمين في العطلة نجربها و نردلك لأني راني في 2 ثانوي نقرا ماعنديش وقت ياسر
================================================== ======================================
شكرا أم رامي ربي يحفظلك الحلو رامي من كل سوء
================================================== =====================================
هذي الوصفة اللي فاتتني سمعتها في إذاعة الجلفة نهار الاثنين الأخير تاع العطلة تاع الربيع

yakout01

2012-04-05, 11:45

صباح الخير عليكم من فضلك تقدري تعطينى وصفة تاع تشاراك المسكر sucre glace
شكرا ياراسمين على اهتمامك و جعلها الله في ميزان حسناتك

أم هنيدة

2012-04-05, 11:48

صباح الخير: هذه الوصفة عمري ماسمعت بيها نعطيك وصفة فرنسية
ضربي بياض البيض حسب الكمية الي راكي حابة وطلعي معاها بالسكر قلاصي مثل الميرانق عادي لازم كي تقلبي الخليط مايطيحش
ومن جهة اخرى ديري العسل يسخن والشاربات كذالك تسخن كي يبداو يغلو فرغي خليط العسل مع الشاربات في وقت واحد على الميرانق{لازم ايكون شخص اخر ايعاونك} وبق اتضربي متحبسيش الخلط حتى يبرد الخليط تماما اضيفي المكسرات محمرة وخلطي بملعقة العود ثم احكمى سنوى ديري غلفيها بالبلاستيك وفرغي الخليط وسويه وتروكيه يبرد منبعد قطعيها كيما تحبي وشهية طيبة

الأخت تقصد نوع من الحلوى يسمى النوقا أو البجاوية وهذه وصفتها من كتاب la plume الخاص بحلويات العسل

http://ia601207.us.archive.org/15/items/nouga/GateauxAuMiel-cuisineLaPlume_26.jpg

manothebest

2012-04-05, 12:14

ربي يحفظك أم هنيدة مشكووووووووووووووووووووووورة
==============================================
بصح مانيش عارفة علاه قالو في الإذاعة أنها وصفة النوقا ؟؟؟
ربما نفس الحلوى و لكن الاسم مش كفكيف ............

yarasmin.26

2012-04-05, 12:15

السلام عليكم اخت ياسمين وبارك الله فيك انا حبيت نسقسيك على كرام شانتي لي تتباع برا معرفتش كيش نديرلها ولا عندك وصفة تاعها في البيت ياريت تفيديني وكدلكسمعت بلي راهم يبيعو كرام بتيسيار ارجو ان تفيديني وجزاك الله خيرا واسفة على كترة الاسئلة
اشري كرام شانتي بالميزان خير يعطيك قاوي حق 50 او 60 دينار دريها في ليان+2 م ك سكرقلاصي وطلعيها بشوية حليب بارد لازم بارد مليح وبقى تخدمي حتى اتشوفي دارت امواج ماهية ثقيلة ماهية خفيفة اما في البيت مانصنعهاش اندير البديل كريمة الزبدة+ قليل من الشانتي اجي روعة نبغي حاجة luxا لله غالب فيا ديفو

yarasmin.26

2012-04-05, 12:19

على حسب ماقلت العجينة تتقلى وتلم بالعسل والمكسرات هذه وصفة البجاوية شوفيها في هذا الرابط

http://www.djelfa.info/vb/showthread.php?t=878449

شكرا ياراسمين على اهتمامك بتساؤلات العضوات
جعلها الله في ميزان حسناتك
هذه ماسموهاش النوقة ولا البجاوية انا نعرف هذه الوصفة من زمان قاوي كي كنت اعلى ديداني كنت انديرها انا واختى وجي شابة ولذيذة وشكلها دوائر وديرو من فوق الكراميل وذرذرو المكسرات وديروهم في ليكسات دونتال ايجو وجبة صدقوني

yarasmin.26

2012-04-05, 12:27

صباح الخير عليكم من فضلك تقدري تعطينى وصفة تاع تشاراك المسكر sucre glace
شكرا ياراسمين على اهتمامك و جعلها الله في ميزان حسناتك
3 عبار فرينة +1 عبر زبدة ذايبة +1 م ك سكر قلاصي +لفاني+1/2 الى 1 كيس خمارة الحلوى باه اجيك خفيفة ولميها بماء+ ماء الزهر باه ماجيكش يابسة وطيبها ثم ديري الشاربات واغطسيها الحبة في الشاربات ورمديها في السكر قلاصي مخلط مع لفاني وتاكلي بالصحة والراحة واذا مافهمتيش حاجة قوليلي لانه ذروك راني غصبانة اعذرينى اذا مافهمتكش مليح

ahlem_22

2012-04-05, 12:36

مساء الخير الأخت ياسمين من فضلك أعطيني وصفة حلوة الطابع بالقلاصاج و ربي يجازيك

أم هنيدة

2012-04-05, 12:53

اشري كرام شانتي بالميزان خير يعطيك قاوي حق 50 او 60 دينار دريها في ليان+2 م ك سكرقلاصي وطلعيها بشوية حليب بارد لازم بارد مليح وبقى تخدمي حتى اتشوفي دارت امواج ماهية ثقيلة ماهية خفيفة اما في البيت مانصنعهاش اندير البديل كريمة الزبدة+ قليل من الشانتي اجي روعة نبغي حاجة luxا لله غالب فيا ديفو

أختي ياسمين قلت :

اندير البديل كريمة الزبدة+ قليل من الشانتي

تقصدي تخدمي كريمة الزيدة وتضيفيلها كريمة شانتلي؟

asma_star

2012-04-05, 13:29

سلام اخواتي
عندي مشكل مع المسكوتة ماتطلعليش بزاف
ادا ممكن تساعدوني ما عرفتش السبب و كاش وحدة عندها مسكوتة متعودة ديرها تعطيني المقادير
شكرااااااااااااااااااا

liliane24

2012-04-05, 14:15

3 عبار فرينة +1 عبر زبدة ذايبة +1 م ك سكر قلاصي +لفاني+1/2 الى 1 كيس خمارة الحلوى باه اجيك خفيفة ولميها بماء+ ماء الزهر باه ماجيكش يابسة وطيبها ثم ديري الشاربات واغطسيها الحبة في الشاربات ورمديها في السكر قلاصي مخلط مع لفاني وتاكلي بالصحة والراحة واذا مافهمتيش حاجة قوليلي لانه ذروك راني غصبانة اعذرينى اذا مافهمتكش مليح

شكرا لك أختي ياراسمين على كل وصثفاتك،
حبيت نسقسيك برك نستعمل 1 حميرة كيميائية في أي كمية أي واش من عبر ،إذا كان علبة زبدة أنتاع 500 غ ، ماتتشققش العجينة؟؟

yarasmin.26

2012-04-05, 15:15

[QUOTE=liliane24;9487050]شكرا لك أختي ياراسمين على كل وصثفاتك،
حبيت نسقسيك برك نستعمل 1 حميرة كيميائية في أي كمية أي واش من عبر ،إذا كان علبة زبدة أنتاع 500 غ ، ماتتشققش العجينة؟؟
[/
QUOTE
شوفي اذا راكي خايفة تتشقق اسمعي امليح خذي غرفية ديري3 عبار فرينة وزيدي غرفية فيها نصف زيت ونصفها الاخر زبدة+قرصة ملح+1 خمارة +1 م ك سكر قلاصي ورونيها بماء الزهر+شوية ماء والباقي كيما اذكرتو
العقدة: 150 سكر قلاصي+ عبر كوكاو رقيق شوية+1/2 م ص قرفة+3 م ك ماء الزهر

yarasmin.26

2012-04-05, 15:26

أختي ياسمين قلت :

تقصدي تخدمي كريمة الزيدة وتضيفيلها كريمة شانتلي؟
ايوه راكي ساجية خموس اعليك تفهمي بلخف

yarasmin.26

2012-04-05, 15:31

مساء الخير الأخت ياسمين من فضلك أعطيني وصفة حلوة الطابع بالقلاصاج و ربي يجازيك
5 بيض+كاس سكر قلاصي+كاس زبدة ذايبة+كاس مايزينة+2 الى 3 خمارة نوارة+ لفاني +عصير ليمونة+ مبشورها +الفرينة لميها وشكليها متكونش العجينة رقيقة ديريها علو 3 سم وخليها اطيب عادي من تحت وماتحمريهاش من الفوق كي تبرد اطليها بالقلاصاج 2 بياض البيض+لفاني+ سكر القلاصي وطلعي مليح+ ماء الزهر واخدمي مليح قلاصاج عادي +قطرات من الزيت وماتكثريش وملون وطلى الحبات تاع الطابع وخليهم ينشف منبعد كوليهم ورديلي الخبر حبيبتي

yarasmin.26

2012-04-05, 15:37

سلام اخواتي
عندي مشكل مع المسكوتة ماتطلعليش بزاف
ادا ممكن تساعدوني ما عرفتش السبب و كاش وحدة عندها مسكوتة متعودة ديرها تعطيني المقادير
شكرااااااااااااااااااا
المشكل انتاعك راه الخمارة ماهيش امليحة ديري الخمارة نوارة
وسخني الفرن من قبل وكي اطيبها نقصي للفرن وكي تخلطي العجينة خلطي من الاسفل الى الاعلى باه يدخلها الهواء صحيحي اخطاء وكي خصك وصفة المسكوتشة راني هنا نعطيك مسكوتشة شابة ونزيدك مسكوتشة تاع المعجون وتاكليهم وانت فرحانة زيدي هذا مايخصك تحياتي القلبية

ahlem_22

2012-04-05, 15:43

5 بيض+كاس سكر قلاصي+كاس زبدة ذايبة+كاس مايزينة+2 الى 3 خمارة نوارة+ لفاني +عصير ليمونة+ مبشورها +الفرينة لميها وشكليها متكونش العجينة رقيقة ديريها علو 3 سم وخليها اطيب عادي من تحت وماتحمريهاش من الفوق كي تبرد اطليها بالقلاصاج 2 بياض البيض+لفاني+ سكر القلاصي وطلعي مليح+ ماء الزهر واخدمي مليح قلاصاج عادي +قطرات من الزيت وماتكثريش وملون وطلى الحبات تاع الطابع وخليهم ينشف منبعد كوليهم ورديلي الخبر حبيبتي

بصح ماشي بزاف 2 أو 3 خميرة الحلوى و نحلهاعلو 3سم ؟
و اذا حبيتي وريني الصوره كيفاش يجي و شكرا كثييييييييييير ربي يخليك;)

yarasmin.26

2012-04-05, 17:47

بصح ماشي بزاف 2 أو 3 خميرة الحلوى و نحلهاعلو 3سم ؟
و اذا حبيتي وريني الصوره كيفاش يجي و شكرا كثييييييييييير ربي يخليك;)
لالالا مشي قاوي الخمارة باه اطلعو والعلو ديري من 2 الى3 سم ماتخفيش ايجيك خفيف اما الحلوى مانيش صانعتها دورك غير في هذا الأسبوع خلاصلي انا مولفة انديرو وانت حرة القرار يرجع ليك

yasmina dz

2012-04-05, 18:02

السلام عليكم اختي ياسمين كنت حابة نسولك على القلاصاج اللي يجي فوق الميلفاي ( الفوندون )

اذا عندو طريقة ينصنع بيها حيت العلبة الواحدة راها غالية بزاف

في انتظار اجابتك

سوسو95

2012-04-05, 18:15

بليييييييييييييييييييييييييييييييز

انا دايما كي نعمل لقلاصاج انتاع لعرايش ببياض البيض ييبس وولي يقرمش وانا حاباتو طري كيف نعمل ليه

سمعت كاين انتاع لحليب

رديييييييييييييييييييييي

ahlem_22

2012-04-05, 18:55

لالالا مشي قاوي الخمارة باه اطلعو والعلو ديري من 2 الى3 سم ماتخفيش ايجيك خفيف اما الحلوى مانيش صانعتها دورك غير في هذا الأسبوع خلاصلي انا مولفة انديرو وانت حرة القرار يرجع ليك

صحيتي أختي و الله يعطيك واش تتمناي قبلات الحارة ليك:mh31:

meimeifati

2012-04-05, 19:18

صباح الخير: كي تشكلي الصابلي انتاعك مستطيل او هلال .....الخ الجهة الفوقانية اغطسيها في بياض البيض ورمديها في الكوكاو او لوز مدشش وتروكيها اطيب منبعد كي تبرد اغطسي الجهة الفوقانية في الشكولاطة تحياتي

مشكورة اختي ماشي هكدا عاملين مستطيل من عجينة الصابلي و مستطيل من الحشويعني خادمين حشو و طابعينه بنفس طابع الصابلي و واضعين مستطيلالصابلي و فوقه مستطيل الحشو بغيت نعرف الحشو يعني اللوز او الكوكاو باش لموه بالمازهر او ببالبيض و ادا طيبوهم مع بعض او بعد الطياب لصقوهم و الكل مغلفينه بالشكولا و مشكورة و نتمنى تكوني فهمتيني

yarasmin.26

2012-04-06, 09:59

السلام عليكم اختي ياسمين كنت حابة نسولك على القلاصاج اللي يجي فوق الميلفاي ( الفوندون )

اذا عندو طريقة ينصنع بيها حيت العلبة الواحدة راها غالية بزاف

في انتظار اجابتك
انا نستعمل الفوندا المشري اما الى يصنع راهي اخت اعطات الوصفة وقالت ناجحة اليكي المقادير500 غ سكر قلاصي+1 بياض البيض+1 م ص خل ابيضضربيهم بالخلاط الكهربائي حتى يصبح جاهز تحياتي

yarasmin.26

2012-04-06, 10:03

بليييييييييييييييييييييييييييييييز

انا دايما كي نعمل لقلاصاج انتاع لعرايش ببياض البيض ييبس وولي يقرمش وانا حاباتو طري كيف نعمل ليه

سمعت كاين انتاع لحليب

رديييييييييييييييييييييي
بياض البيض مضرب+ سكر قلاصي +ماء الزهر+ قطرات من الزيت +عصير 1/2 حبة ليمون اخدميهم امليح ايجيك الحلوى طرية ولماعة مشي غير انت الي يصرالك هكذا شعال من وحدة اقولي هذا المشكل منبعد راهم ينجحو تحياتي الصباحية واذا مافهمتيش جاجة سقسيني

yarasmin.26

2012-04-06, 10:11

مشكورة اختي ماشي هكدا عاملين مستطيل من عجينة الصابلي و مستطيل من الحشويعني خادمين حشو و طابعينه بنفس طابع الصابلي و واضعين مستطيلالصابلي و فوقه مستطيل الحشو بغيت نعرف الحشو يعني اللوز او الكوكاو باش لموه بالمازهر او ببالبيض و ادا طيبوهم مع بعض او بعد الطياب لصقوهم و الكل مغلفينه بالشكولا و مشكورة و نتمنى تكوني فهمتيني
دوك افهمتك هذي الوصفة دير طبقة من الصابلي مش عالية بزاف غير شوية قدما تترفد وروني الكوكاو او لوز+ سكر قلاصي+لفاني+1 م ك زبدة ذايبةورونيها بماء الزهر قدما تنتلم امليح وحطيها فوق عجينة الصايلي وزيدي حطي طبقة اخرى منالصايلي فوق العقدة ذرذي الفرينة ومشيها غير شوية بالحلال باه تلصق امليح وقطعي مستطيل ثم مستطيلات اصغار وطيبيهم في الفرن 160 درجة وكي تبرد غطيها بالشكولاطة
اما الحلوي الي تترون العقدة انتاعها بالبيض اجي العجينة ارقيقة مثل عجينة البقلاوة او المشكلة .....الخ الي تتعسل كيما حلوة الحلزون او الكرافاتة الخ ارجو انني افدتكي هذه المرة واذا كان عندك مشكل في الحلوى اتصلي

nadiem

2012-04-06, 11:48

بليييييييييييييييييييييييييييييييز

انا دايما كي نعمل لقلاصاج انتاع لعرايش ببياض البيض ييبس وولي يقرمش وانا حاباتو طري كيف نعمل ليه

سمعت كاين انتاع لحليب

رديييييييييييييييييييييي
قلاساج الحليب
كاس حليب+كاس زيت+كاس مازهر وتزيدي سكر ناعم
قلاساج السيرو
بياض بيضة+كاس سيرو ثقيل وملعقتين عصير ليمون وتزيدي سكر ناعم

في زوج يبقاو طريين
حركي بالفرشيطة برك ,باش ما تدخليش الهوا
وباوفيق

yasminbrenda

2012-04-06, 12:21

السلام عليكم يارا ياسمين من فضلك كيفاش يتخدم مقروط عش النحلة او الشهدة واذا يتخدم باللقاط و الشبكة شكرا لك علي اجوبتك

yarasmin.26

2012-04-06, 12:45

السلام عليكم يارا ياسمين من فضلك كيفاش يتخدم مقروط عش النحلة او الشهدة واذا يتخدم باللقاط و الشبكة شكرا لك علي اجوبتك
لالاينخدم بالعود تاع الحلوى لونه ابيض والي يعطي الشكل القبقوب انتاعو اصفر يباع مع اشكال الي يرسمو الحلوى تصيبيه عند بائع الحلويات والله فكرة باللقاط بصح بالجهة المسطحة تنمنى اي عضوة تسمعنا وتحط صورة العود لانه انا الانترنت راهي معدبتني اليوم

asma_star

2012-04-06, 15:44

شكرااااااااا اختي yarasmin.26على الرد ور بي يخليك ...نزيد نتعبك ادا تقدري تعطيني مقادير مسكوتة و الكيفية بشرط تكوني مجربتها ..............

sabahs

2012-04-06, 16:09

السلام عليكم حبيبتي و ربي يجزيك كل خير
انا شفت في موظيعك قلتي أنك تخلطي كريمة الزبدة مع كريمة شنتيي ممكن الطريقة لان عندي حفلة و حب اعمل جنوز بكريمة تكون لذيذة وز شكر

nadiem

2012-04-06, 17:22

السلام عليكم يارا ياسمين من فضلك كيفاش يتخدم مقروط عش النحلة او الشهدة واذا يتخدم باللقاط و الشبكة شكرا لك علي اجوبتك

http://www.djelfa.info/vb/showthread.php?t=731709&highlight=%E3%DE%D1%E6%D8+%C7%E1%D4%E5%CF%C9

سوسو95

2012-04-06, 17:39

بياض البيض مضرب+ سكر قلاصي +ماء الزهر+ قطرات من الزيت +عصير 1/2 حبة ليمون اخدميهم امليح ايجيك الحلوى طرية ولماعة مشي غير انت الي يصرالك هكذا شعال من وحدة اقولي هذا المشكل منبعد راهم ينجحو تحياتي الصباحية واذا مافهمتيش جاجة سقسيني

بارك الله فيك اختي

سوسو95

2012-04-06, 17:41

قلاساج الحليب
بياض بيضة+كاس حليب+كاس زيت+كاس مازهر وتزيدي سكر ناعم
قلاساج السيرو
كاس سيرو ثقيل وملعقتين عصير ليمون وتزيدي سكر ناعم

في زوج يبقاو طريين
حركي بالفرشيطة برك ,باش ما تدخليش الهوا
وباوفيق

جزاك الله خيرا

رايحة نجرب طريقتك وطريقة الاخت ياسمينة

sissi123

2012-04-06, 17:42

البارح جربت عجينة البيتزا لي قدمتيها في وصفاتك و يعطيك الصحة جات تحمق و بنينة بزاف ، مالقري درتها رقيقة

بصح ماجاتش يابسة رقيقة و طرية ، درت فيها جبن الشيدار بصح ماعجبنيش بزاف مادابش تماما يعني دبال شوية فقط

و راني نحوس على هاداك الفرماج لي يدوب بزاف و كي ترفدي القطعة كي يشغل يتمطط باش ينقطع ماهو ؟

yasminbrenda

2012-04-06, 18:45

شكرا علي ردك لكن بخصوص الالة اللي قلت عليها ما يخرش مليح اصل تاعو باللقاط لكن نستفسر علي الشبكة قاللها عليها اللي يبيع الحلوي لصاحبتي حابة اللي عندو فكرة عليها يحطلنا صورتها ربي يجازيكم كل الخير

yasminbrenda

2012-04-06, 18:48

الاينخدم بالعود تاع الحلوى لونه ابيض والي يعطي الشكل القبقوب انتاعو اصفر يباع مع اشكال الي يرسمو الحلوى تصيبيه عند بائع الحلويات والله فكرة باللقاط بصح بالجهة المسطحة تنمنى اي عضوة تسمعنا وتحط صورة العود لانه انا الانترنت راهي معدبتني اليوم

شكرا علي ردك لكن بخصوص الالة اللي قلت عليها ما يخرش مليح اصل تاعو باللقاط لكن نستفر علي الشبكة قاللها عليها اللي يبيع الحلوي لصاحبتي حابة اللي عندو فكرة عليها يحطلنا صورتها ربي يجازيكم كل الخير

ام عصام

2012-04-06, 19:22

شكرا لك اختي الفاضلة على هاد الموضوع الرائع وعندي سؤال كيفاش تنخدم الزلابية كيما تاع بوفاريك ممممممم راها

لذيدة وتقرمش منيبعش منها ووزيد طريقة العسل السوري قالولي يطيسب بقازوز حمود الابيض مدابيك الطريقة والمقادير

وربي يجازيك كل خير

yakout01

2012-04-06, 21:06

السلام عليكم و ربي يجزيك كل خيربنسب للتشراك انا مين اندير سكر قلاصى مايلسقش انا رانى حاب نعرف سر تاع السكر مين يقعد لاصق شكرا

yarasmin.26

2012-04-07, 10:24

شكرااااااااا اختي yarasmin.26على الرد ور بي يخليك ...نزيد نتعبك ادا تقدري تعطيني مقادير مسكوتة و الكيفية بشرط تكوني مجربتها ..............

هذه المسكوتشة ديما انديرها وجي هايلة 5 بيض+1 كوب سكر+لفاني+3/4 كوب زيت {كوب ناقص 2 اصابع}+3/4 كوب حليب+2 خمارة نوارة+الفرينة خلطي البيض مع السكر+لفاني حتى الانسجام وبداي تفرغي الزيت غير بشوية كيما المايوناز وبقي تخلطي ثم الحليب غير بشوية منبعد الفرينة +الخمارة مصيرين وخلطي بملعقة العود او شيئ اخر ولكن من الاسفل الى الاعلى باه اجيك شابة في قالب مدهون+ الفرينة وتاكليها بصحة والراحة وعندي واحدة اخرى بالمعجون اذا تحبي نعطيهالك

yarasmin.26

2012-04-07, 10:29

السلام عليكم حبيبتي و ربي يجزيك كل خير
انا شفت في موظيعك قلتي أنك تخلطي كريمة الزبدة مع كريمة شنتيي ممكن الطريقة لان عندي حفلة و حب اعمل جنوز بكريمة تكون لذيذة وز شكر
الكريمة البيضاء راني قدمتها شوفي في هذو المواضيع تحت عموان كريمة الزبدة من محل الحلويات تحت اسمي يراسمين 26
اتصيبيها وكي توجديها وتبرد ومن جهة اخرى ضربي كرام شانتي وطلعيها ثم خلطيهم مع بعض سموها كرام دوبلي كاين انواع من طريقة تزين التارتات ولا ديري كرام شانتي وحدها

yarasmin.26

2012-04-07, 10:32

شكرا لك اختي الفاضلة على هاد الموضوع الرائع وعندي سؤال كيفاش تنخدم الزلابية كيما تاع بوفاريك ممممممم راها

لذيدة وتقرمش منيبعش منها ووزيد طريقة العسل السوري قالولي يطيسب بقازوز حمود الابيض مدابيك الطريقة والمقادير

وربي يجازيك كل خير
لالا اختى خاطينى الزلابية بصح ابحثي اعليها في النت وكتبي زلابية الجزائريةوهي تخرج تاع بوفاريك وكتبي الوصفة الي راكي تحوسي اعليها تحياتي

yarasmin.26

2012-04-07, 10:36

السلام عليكم و ربي يجزيك كل خيربنسب للتشراك انا مين اندير سكر قلاصى مايلسقش انا رانى حاب نعرف سر تاع السكر مين يقعد لاصق شكرا
المشكل راه ساهل انت راكي تسقي التشارك بماء الزهر+ سكر قلاصي وهذا هو الخطأ دير شاربات 1 كوب ماء+1/2 كوب سكر وخليهم يغلو حتى يعقد شوية خليه يبرد وغطسي التشاراك انتاعك في الشاربات ثم رمديه في السكر قلاصي مصير باه ايجيك شباب ورمديه 2 مرات والاخيرة مسحي من الفوق بالقطن باه ايجي معبر وديره في ليكيسات بصحتك

فوزية1975

2012-04-07, 12:14

هذه المسكوتشة ديما انديرها وجي هايلة 5 بيض+1 كوب سكر+لفاني+3/4 كوب زيت {كوب ناقص 2 اصابع}+3/4 كوب حليب+2 خمارة نوارة+الفرينة خلطي البيض مع السكر+لفاني حتى الانسجام وبداي تفرغي الزيت غير بشوية كيما المايوناز وبقي تخلطي ثم الحليب غير بشوية منبعد الفرينة +الخمارة مصيرين وخلطي بملعقة العود او شيئ اخر ولكن من الاسفل الى الاعلى باه اجيك شابة في قالب مدهون+ الفرينة وتاكليها بصحة والراحة وعندي واحدة اخرى بالمعجون اذا تحبي نعطيهالك
هل تخلطي بالباتور او بيدك من فضلك اعطيني اللي بالمعجون

yarasmin.26

2012-04-07, 13:17

هذه المسكوتشة ديما انديرها وجي هايلة 5 بيض+1 كوب سكر+لفاني+3/4 كوب زيت {كوب ناقص 2 اصابع}+3/4 كوب حليب+2 خمارة نوارة+الفرينة خلطي البيض مع السكر+لفاني حتى الانسجام وبداي تفرغي الزيت غير بشوية كيما المايوناز وبقي تخلطي ثم الحليب غير بشوية منبعد الفرينة +الخمارة مصيرين وخلطي بملعقة العود او شيئ اخر ولكن من الاسفل الى الاعلى باه اجيك شابة في قالب مدهون+ الفرينة وتاكليها بصحة والراحة وعندي واحدة اخرى بالمعجون اذا تحبي نعطيهالك
هل تخلطي بالباتور او بيدك من فضلك اعطيني اللي بالمعجون
لالالا بالباتوغ وتقدري هذه المسكوتشة ديري فوقها غير شوية معجون مشي بزاف باه ماجيكش عيانة ورديلي الخبر اليكي مقادير مسكوتشة المعجون
4 بيض+200 غ سكر+250 غ زبدة ذايبة وباردة+2 خمارة+الفرينة+المعجون
ضربي البيض+سكر+لفاني حتى تولي كريمة اضيفي الزبدة غير بشوية باه تبقى محافظة على القوام+الفرينةمع الخمارة حتى تولى ثقيلة شوية برك ضعيها في قالب مدهون +الفرينة وفرغي الخليط وغطسي يدك في شوية زيت ومسحي لى العجينة بيدك سويها امليح وفرغي شوي معجون ومسحي بالملعقة حتى تحسي راه فيها المعجون ودريها اطيب وكي تخرجيها اذا شفتي المعجون كامل اشرب تقدري اتزيدي شوية وقادر لالا عينك ميزانك ماتقويش المعجون

aziza05

2012-04-07, 14:00

merci beaucoup jj'ai esseyer la genoise elle est magnifique merci

ام عصام

2012-04-07, 15:53

شكرا ياراسمين على ردك معليش نزيدك سؤال واحد اخر وهو نتاع قاطو كاستال وزيد كي نشري لي تارت نلقى عليهم وحد لكرام خفيفة

بزاف بزاف وبنينة وفيها بنة كريمة الزبدة يعني هادي هي لكريمة مخاوطة كريمة زبدة +كرام شنتي

ادا هي من فضلك لقياس نتاع كريمة شحال نحط كريمة زبدة وشحال نحط شانتي ولك جزيل الشكر

yarasmin.26

2012-04-07, 16:05

شكرا ياراسمين على ردك معليش نزيدك سؤال واحد اخر وهو نتاع قاطو كاستال وزيد كي نشري لي تارت نلقى عليهم وحد لكرام خفيفة

بزاف بزاف وبنينة وفيها بنة كريمة الزبدة يعني هادي هي لكريمة مخاوطة كريمة زبدة +كرام شنتي

ادا هي من فضلك لقياس نتاع كريمة شحال نحط كريمة زبدة وشحال نحط شانتي ولك جزيل الشكر
حطي عبر بعبر ديري كوب كريمة الزبدة+ كوب كرام شانتي وخلطي وهي جاهزة

arridj

2012-04-07, 16:11

أختي مشكورة على كل ما تقومين به تقدري تعطيني وصفة كيك المحلات للي حطيتيه في المنتدي

yarasmin.26

2012-04-07, 16:22

أختي مشكورة على كل ما تقومين به تقدري تعطيني وصفة كيك المحلات للي حطيتيه في المنتدي
3 بيض+9 م ك سكر+لفاني+9 م ك زيت+9 م ك جليب+1 خمارة نوارة+15 م ك معمرة فرينة هذو هما المقادير واذا حبيتي اتزيدي مكاش مشكل وهذا ايجي خفيف اعلى لي ينباع ثقيل

HIBA.

2012-04-07, 16:44

Salam,
je veux la recette de la pate d'amande avec laquel on forme les gateaux des fruits.

ام سلمة الجزائرية

2012-04-07, 16:48

العقدة نتاع الباقلاوة راها تخرجلي من الحوافي وفي الاماكن المقطعة
اثناء الطهي وبعده
وزيد كي نحطها في سنيوة مربع يخرجلي السمن من الاطراف
في رايكم نستعمل الدائري ولا المربع لانو المربع ولي يخرجلي السمن

liliane24

2012-04-07, 17:58

أختي يارا سمين ، من فضلك أنا البارح جربت عجينة السوفلى ودرت فقط كأس حليب + ربع كأس ماء مع ثلاث كؤوس و نصف فرينة ، استعملت لابال، مع ذلك جاتني طرية بزاف تلصق في اليدين، بقيت نزيد في الفرينة ؤنزيد ولات تلصق شوية برك، لكنني وجدت صعوبة في تشكيلها لأنها طرية،ولما طابت ما جاتش تقرمش جاتني كيما البريوش طرية بزاف.

سوالي لك كيفاش تكون عجينة السوفلي طرية و لا ما لازمش تلصق، لأني بالمقادير ما نجحتش فيها؟؟؟؟

yarasmin.26

2012-04-07, 18:52

البارح جربت عجينة البيتزا لي قدمتيها في وصفاتك و يعطيك الصحة جات تحمق و بنينة بزاف ، مالقري درتها رقيقة

بصح ماجاتش يابسة رقيقة و طرية ، درت فيها جبن الشيدار بصح ماعجبنيش بزاف مادابش تماما يعني دبال شوية فقط

و راني نحوس على هاداك الفرماج لي يدوب بزاف و كي ترفدي القطعة كي يشغل يتمطط باش ينقطع ماهو ؟
هذا مشي شيدار الحقاني هذلك معاود وجي ابيض اما شيدار اجي كيما الزبدة في اللون كي تحطيه حذاها ماتفرقيش بيناتهم اما الجبن الي راكي تحوسي اعليه يتكسل ويدير الخيوط هو جبن مودزريلا حوسي اتصيبيه شكله ابيض وكروي الشكل

yarasmin.26

2012-04-07, 18:55

أختي يارا سمين ، من فضلك أنا البارح جربت عجينة السوفلى ودرت فقط كأس حليب + ربع كأس ماء مع ثلاث كؤوس و نصف فرينة ، استعملت لابال، مع ذلك جاتني طرية بزاف تلصق في اليدين، بقيت نزيد في الفرينة ؤنزيد ولات تلصق شوية برك، لكنني وجدت صعوبة في تشكيلها لأنها طرية،ولما طابت ما جاتش تقرمش جاتني كيما البريوش طرية بزاف.

سوالي لك كيفاش تكون عجينة السوفلي طرية و لا ما لازمش تلصق، لأني بالمقادير ما نجحتش فيها؟؟؟؟
عجينة السوفلى لوكان ذرذرتي غير شوية فرينة قدما تحلي وشكلي العجينة اما الفرينة ماتشربش او احد السوائل كان ساخن اجرات العجينة جربي الوصفة انتاعي تاع السوفلي راهي في ركن معجنات واطباق رئيسية راهي مجربة وناجحة من المحلات

yarasmin.26

2012-04-07, 19:03

العقدة نتاع الباقلاوة راها تخرجلي من الحوافي وفي الاماكن المقطعة
اثناء الطهي وبعده
وزيد كي نحطها في سنيوة مربع يخرجلي السمن من الاطراف
في رايكم نستعمل الدائري ولا المربع لانو المربع ولي يخرجلي السمن
صار ما جريتي العقدة
وديري في سنوى دائرية وطلعي الحواشي راكي اتخلي المسافة كثيرة بين العجينة والسنيوىاعلى هكذاك راهي تخرج العقدة وتبان عاودي صحيحي اخطائكي
وماتقويش السمن قوليلي ماهما المقادير الي راكي اديريهم تاع البقلاوة انتظر ردكي باه نوضحلك كيفاش تندار البقلاوة

ام عصام

2012-04-07, 20:01

سمحيلي اختي ربي يجازيك كل ماخير من فضلك اريد وصفة لتارت او الكيكات لتجي محشية بكرام كيما نتاع برا وتجي منسوفة

sissi123

2012-04-07, 20:22

هذا مشي شيدار الحقاني هذلك معاود وجي ابيض اما شيدار اجي كيما الزبدة في اللون كي تحطيه حذاها ماتفرقيش بيناتهم اما الجبن الي راكي تحوسي اعليه يتكسل ويدير الخيوط هو جبن مودزريلا حوسي اتصيبيه شكله ابيض وكروي الشكل

عندك الحق الشيدار لي شريته أبيض ، شكرا على التوضيح ان شاء الله نحط في بالي نصيحتك ونحوس

على النوعية لي ذكرتيها

sabahs

2012-04-07, 22:50

الله يجزيك كل خير حبيبتي
من فضلك عندي حفلة و لزمني نجهز تارت جنوازو نخدها معايا الامكان بعيد شويا هل كريمة شنتي تفظل حكمة روحها قصدي ماتسيحش او أحسن أعمل كريم دوبل سمحيني هبلتك لكن ربي
يكفيك انشاء الله

أم هنيدة

2012-04-08, 09:05

أختي ياسمين ربي يحفظك ويعطيك صحتك نسألك على كريمة الزبدة هل نستعمل زبدة لابال 250 أو العلبة تع 500 لأن قالوا أن علبة 250 غ أفضل بماذا تنصحيني بارك الله فيك.

وهل ممكن تعطيني مقادير كريمة الزبدة المخدومة بالسيرو ربي يجزيك خير

yarasmin.26

2012-04-08, 09:06

الله يجزيك كل خير حبيبتي
من فضلك عندي حفلة و لزمني نجهز تارت جنوازو نخدها معايا الامكان بعيد شويا هل كريمة شنتي تفظل حكمة روحها قصدي ماتسيحش او أحسن أعمل كريم دوبل سمحيني هبلتك لكن ربي
يكفيك انشاء الله
ديري كرام دوبل بصح خليها في المجمد تجمد امليح باه تشد روحها وكي توصلي للمكان المطلوب قوليلهم اديريهالك في الثلاجة

أم هنيدة

2012-04-08, 09:07

أختي ياسمين ربي يحفظك ويعطيك صحتك نسألك على كريمة الزبدة هل نستعمل زبدة لابال 250 أو العلبة تع 500 لأن قالوا أن علبة 250 غ أفضل بماذا تنصحيني بارك الله فيك.

وهل ممكن تعطيني مقادير كريمة الزبدة المخدومة بالسيرو ربي يجزيك خير

yarasmin.26

2012-04-08, 09:12

أختي ياسمين ربي يحفظك ويعطيك صحتك نسألك على كريمة الزبدة هل نستعمل زبدة لابال 250 أو العلبة تع 500 لأن قالوا أن علبة 250 غ أفضل بماذا تنصحيني بارك الله فيك.

وهل ممكن تعطيني مقادير كريمة الزبدة المخدومة بالسيرو ربي يجزيك خير
ديري بالزبدة لابال هي الخاصة بالكريمات اما وصفة كريمة الزبدة بالسيرو راني مقدمتها كا موضوع تحت عنوان كريمة الزبدة من محل الحلويات تحت اسم يراسمين 26 حوسي على اسمي تجدين وصفاتي وتجدين الوصفة الي راكي تحوسي اعليها

yarasmin.26

2012-04-08, 09:15

سمحيلي اختي ربي يجازيك كل ماخير من فضلك اريد وصفة لتارت او الكيكات لتجي محشية بكرام كيما نتاع برا وتجي منسوفة
مافهمتكش تقدير توضحي اوتوريلي الصورة

أم هنيدة

2012-04-08, 09:17

أختي ياسمين بارك الله فيك كريمة الزبدة لي حطتيها بدون سيرو هذه هي الوصفة لي لقيتها

500 غ سكر قلاصي 500 غ مارغرين اخدميهم مليح مثل الكريمة+حبة بيض وبقي تضربي حتى الانسجام منبعد زيدي 1/2 او 3/4 كوب الزيت غير بشوية وبقي تضربي حتى يتداخل فيما بعضو وتصبح بيضاء اللون ملاحظة في الصيف يستغنى عن الزيت

وزبدة لابال شكون أفضل علبة 250 أو علبة 500 ؟

yarasmin.26

2012-04-08, 09:56

أختي ياسمين بارك الله فيك كريمة الزبدة لي حطتيها بدون سيرو هذه هي الوصفة لي لقيتها

وزبدة لابال شكون أفضل علبة 250 أو علبة 500 ؟
اليكي مقادير كريمة الزبدة"
300 غ زبد لابال+160 غ سكر عادي+3 صفار بيض+1 لفاني
اصنعي الشاربات 160 غ سكر+1/2 كوب ماء حتى تثقل وتعقد+وتوكيها تبرد منبعد ضربي صفار بيض مع الشاربات حتى تطلع وخليهم بجهة اخدمي الزبدة +لفاني بالباتوغ حتى تصبح كريمة خاضيفي لها خليط البيض وبقي تضربي جتى ادير تموج تعرفها راهي جاهزة تحياتي

أم هنيدة

2012-04-08, 10:06

اليكي مقادير كريمة الزبدة"
300 غ زبد لابال+160 غ سكر عادي+3 صفار بيض+1 لفاني
اصنعي الشاربات 160 غ سكر+1/2 كوب ماء حتى تثقل وتعقد+وتوكيها تبرد منبعد ضربي صفار بيض مع الشاربات حتى تطلع وخليهم بجهة اخدمي الزبدة +لفاني بالباتوغ حتى تصبح كريمة خاضيفي لها خليط البيض وبقي تضربي جتى ادير تموج تعرفها راهي جاهزة تحياتي

جزاك الله خيرا وربي يفتح عليك

كثرنا عليك ربي يعطيك صحتك ورانا ندعولك بالخير فقط نسألك كي تخلط كريمة الزبدة بالشانتلي هل نستعمل كريمة الزبدة العادية أو هدي بالسيرو؟

yarasmin.26

2012-04-08, 10:37

جزاك الله خيرا وربي يفتح عليك

كثرنا عليك ربي يعطيك صحتك ورانا ندعولك بالخير فقط نسألك كي تخلط كريمة الزبدة بالشانتلي هل نستعمل كريمة الزبدة العادية أو هدي بالسيرو؟
لالالالالالالالالا السيرو يستعمل مع الزبدة في الوصفة الي عطيتهالك وكي تبرد طلعي في اناء اخر كرام شانتي وخليها تبرد منبعد خلطيهم في 2 مع بعض وتولي كرام دوبلي فهمتي دوك ولا كشما خصك قوليلي تحياتي

أم هنيدة

2012-04-08, 10:42

أختي ياسمين نقصد أنت الآن أعطيتنا زوج وصفات لكريمة الزبدة

هدي الأولى:

كريمة الزبدة محل الحلويات

500 غ سكر قلاصي 500 غ مارغرين اخدميهم مليح مثل الكريمة+حبة بيض وبقي تضربي حتى الانسجام منبعد زيدي 1/2 او 3/4 كوب الزيت غير بشوية وبقي تضربي حتى يتداخل فيما بعضو وتصبح بيضاء اللون ملاحظة في الصيف يستغنى عن الزيت

وهدي الثانية:

اليكي مقادير كريمة الزبدة"
300 غ زبد لابال+160 غ سكر عادي+3 صفار بيض+1 لفاني
اصنعي الشاربات 160 غ سكر+1/2 كوب ماء حتى تثقل وتعقد+وتوكيها تبرد منبعد ضربي صفار بيض مع الشاربات حتى تطلع وخليهم بجهة اخدمي الزبدة +لفاني بالباتوغ حتى تصبح كريمة خاضيفي لها خليط البيض وبقي تضربي جتى ادير تموج تعرفها راهي جاهزة تحياتي

وسؤالي شكون فيهم لي نضيفلها كريم شانتلي؟

yarasmin.26

2012-04-08, 10:53

أختي ياسمين نقصد أنت الآن أعطيتنا زوج وصفات لكريمة الزبدة

هدي الأولى:

وهدي الثانية:

وسؤالي شكون فيهم لي نضيفلها كريم شانتلي؟
ديري 2 هي الخاصة بالتارت وتضاف لها كرام شانتي اما 1 تندار وحدها الخاصة بلامونة بريوش وكذالك لتارت بصح صعيبة عليك شوية كا في اول تجربة لانه تنخدم بالزيت وفي الصيف ماديريش الزيت او تنقصي في العبر
انت انقلتي الوصفة الي راهي في هذا الموضوع اما انا قتلك اساع انقلي الوصفة كيما راهم قاع دايرين الوصفات كي تنجحي في الكريمات جربي تاع الزيت في ليتساع من الوقت

sabahs

2012-04-08, 11:07

[QUOTE=yarasmin.26;9524162]ديري كرام دوبل بصح خليها في المجمد تجمد امليح باه تشد روحها وكي توصلي للمكان المطلوب
قوليلهم اديريهالك في الثلاجة[/Q

شكر كثير حبيبتي الله يجزيك كل الخير بس المشكلة وين رني ريحة مفيش ثلاجة في رئيك ممكن نعملها وشكر أه فيه حلوة تنباع عند البتسي اسمها البود boudin

هي على شكل حربوش و ما تطيبش و قالي البائع هذه الحلوة نصنعها ببقايا الكيك فهل ممكن الوصفة و شكر كثير

أم هنيدة

2012-04-08, 11:52

ديري 2 هي الخاصة بالتارت وتضاف لها كرام شانتي اما 1 تندار وحدها الخاصة بلامونة بريوش وكذالك لتارت بصح صعيبة عليك شوية كا في اول تجربة لانه تنخدم بالزيت وفي الصيف ماديريش الزيت او تنقصي في العبر
انت انقلتي الوصفة الي راهي في هذا الموضوع اما انا قتلك اساع انقلي الوصفة كيما راهم قاع دايرين الوصفات كي تنجحي في الكريمات جربي تاع الزيت في ليتساع من الوقت

فهمتك الآن بارك الله فيك على التوضيح فقط قوليلي برك زبدة لابال نخدم بتع 250 أو تع 500؟

mounafam

2012-04-08, 11:59

1- راكي لتقوي النار اعلاههكذاك ينحرق اومايطيبش
2- الخمارة مهياش امليحة ديري نوارة في الكيك او المسكوتشة .......الخ
3- كي تسخنى الفرن وديري الحلوى انتاعك نقصي لنار باه ايطيب غير بشوية
4-طريقتك في خلط العجين يمكن مهياش صحيحة كي ديري الفرينة مع الخمارة خلطي من الاسفل الى الاعلى حتى تتداخل مليح وفرغيها في القالب وماتمسحيش بالملعقة فقط ارفدي القالب وخبطيه بشوية وهو يتسوى وحدو
عاودي جربي الحلوى انتاعك بهذو النصائح تنجحي وعرضينا نشربو القهوة بالحلوى من يديك الزنين

شكرا لك حبيبتي على النصائح اللي رايحة نعمل بها أكيدوبالنسبة للخمارة انا نستعمل نوارة أصلا ما نعرفش الا كاين غيرها في السوق ههههههههه وراكي معروضة من اليوم على خاطر راني جربت البارح كيك تاعك وجا يهبل رائع كيما نتي خسارة ماعنديش باش نصورو وان شاء الله نجرب وصفت اخرى وربي يعطيك ما تتمناي

بنت عين وسارة

2012-04-08, 12:27

اختى بليز رانى نحوس على بريوش محشى لى يتباع فى محل حلويات ياريت تعطينى الوصفة الا كنتى تعرفيها و ربى يجازيك

yarasmin.26

2012-04-08, 12:34

فهمتك الآن بارك الله فيك على التوضيح فقط قوليلي برك زبدة لابال نخدم بتع 250 أو تع 500؟
مدام قتلك 300 غ زبدة اكيد تعرفي بلي راني اعلى علبة 500غ راكي مركزة تاع الصح تحياتي القلبي وبالتوفيق

yarasmin.26

2012-04-08, 12:40

[QUOTE=yarasmin.26;9524162]ديري كرام دوبل بصح خليها في المجمد تجمد امليح باه تشد روحها وكي توصلي للمكان المطلوب
قوليلهم اديريهالك في الثلاجة[/Q

شكر كثير حبيبتي الله يجزيك كل الخير بس المشكلة وين رني ريحة مفيش ثلاجة في رئيك ممكن نعملها وشكر أه فيه حلوة تنباع عند البتسي اسمها البود boudin

هي على شكل حربوش و ما تطيبش و قالي البائع هذه الحلوة نصنعها ببقايا الكيك فهل ممكن الوصفة و شكر كثير
هذه الوصفة ساهلة غير انت تقدري تشكليها من غير وصفة وكل واحد واش ايدير فيها كاين بالمكسرات وكاين نواة كوكو+كيك مرحي + شوية زبدة وتلميها بالعسل وكل واحد واش يعمل اما انا مانستعملهاش لانه تستعمل ببقايا الحلوي المحروقة+قليل من الكوكاو مرحي ولموها وشكلها حربوش منبعد يطلوها بالشكولاطة ويقطعوها
اما السوءال الول انا قتلك الثلاجة باه اتشد روحها مفيش مشكل هذه دربة تاع تحواس هي لي مافيهاش الثلاجة بصحتك مسبقا

nadiem

2012-04-08, 13:30

جزاك الله خيرا

رايحة نجرب طريقتك وطريقة الاخت ياسمينة
اختي قلاساج السيرو هو لي فيه بياض بيضة مش تاع الحليب اسفة راني صلحتها

nadiem

2012-04-08, 13:32

الاينخدم بالعود تاع الحلوى لونه ابيض والي يعطي الشكل القبقوب انتاعو اصفر يباع مع اشكال الي يرسمو الحلوى تصيبيه عند بائع الحلويات والله فكرة باللقاط بصح بالجهة المسطحة تنمنى اي عضوة تسمعنا وتحط صورة العود لانه انا الانترنت راهي معدبتني اليوم

شكرا علي ردك لكن بخصوص الالة اللي قلت عليها ما يخرش مليح اصل تاعو باللقاط لكن نستفر علي الشبكة قاللها عليها اللي يبيع الحلوي لصاحبتي حابة اللي عندو فكرة عليها يحطلنا صورتها ربي يجازيكم كل الخير
http://www.djelfa.info/vb/showthread.php?t=731709&highlight=%E3%DE%D1%E6%D8+%C7%E1%D4%E5%CF%C9

أم هنيدة

2012-04-08, 13:53

مدام قتلك 300 غ زبدة اكيد تعرفي بلي راني اعلى علبة 500غ راكي مركزة تاع الصح تحياتي القلبي وبالتوفيق

بارك الله فيك اختي ياسمين والله راني مركزة معاك مائة بالمائة وانما سألتك هدا السؤال لان اختنا المشرفة أم كوثر ربي يحفظها نصحتنا باستعمال زبدة لابال تع علبة 250 قالتنا هي أفضل من علبة لابال 500 أرجو انك فهمتي قصدي

ام انس5

2012-04-08, 13:58

بارك الله فيك اختي على كل ما تقدميه وجعلها في ميزان حسناتك .
اختي راني حابة نجرب لي زيكلار مادابيك لو كان تعطيني وصفة الكريمة اللي جي داخل .
ومشكورة مسبقا.

yarasmin.26

2012-04-08, 15:12

بارك الله فيك اختي ياسمين والله راني مركزة معاك مائة بالمائة وانما سألتك هدا السؤال لان اختنا المشرفة أم كوثر ربي يحفظها نصحتنا باستعمال زبدة لابال تع علبة 250 قالتنا هي أفضل من علبة لابال 500 أرجو انك فهمتي قصدي
اشري 2 علب تاع250 غ من زبدة لابال وين راه المشكل كل شئ عندنا ساهل

yarasmin.26

2012-04-08, 15:14

بارك الله فيك اختي على كل ما تقدميه وجعلها في ميزان حسناتك .
اختي راني حابة نجرب لي زيكلار مادابيك لو كان تعطيني وصفة الكريمة اللي جي داخل .
ومشكورة مسبقا.
هي كرام بتيسيار عادية ويمكن اضافة خايط من كرام شانتي اجيك خفيفة ولذيذة وانت او رايك

faizarbh

2012-04-08, 15:33

اختي ممكن تعطيلي طريقة تحضير لامونة تاع المحلات اللي اجي بالكريمة و خصوصا الكريمة اتاعها مانعرفش واش يديرو فيها و شكرا

arridj

2012-04-08, 15:45

3 بيض+9 م ك سكر+لفاني+9 م ك زيت+9 م ك جليب+1 خمارة نوارة+15 م ك معمرة فرينة هذو هما المقادير واذا حبيتي اتزيدي مكاش مشكل وهذا ايجي خفيف اعلى لي ينباع ثقيل
شكرا أختي علي الوصفة
:19:thank you

yarasmin.26

2012-04-08, 15:46

اختي ممكن تعطيلي طريقة تحضير لامونة تاع المحلات اللي اجي بالكريمة و خصوصا الكريمة اتاعها مانعرفش واش يديرو فيها و شكرا
راني قدمت وصفة لامونة من محل الحلويات ابحثي في الصفحات الاخيرة اضن 12 او زيدي شوي وصفة شابة اما الكريمة الزبدة او اي كريمة اتحبي الحشو مش مشكل اذا ماصبتيهاش عاودي وانا انحوس اعليها

faizarbh

2012-04-08, 16:21

راني قدمت وصفة لامونة من محل الحلويات ابحثي في الصفحات الاخيرة اضن 12 او زيدي شوي وصفة شابة اما الكريمة الزبدة او اي كريمة اتحبي الحشو مش مشكل اذا ماصبتيهاش عاودي وانا انحوس اعليها

اختي حوست و الله مالقيتها كون غير تعونيني و الكريمة راني على هاديك اللي يديروها فيها انا مانحبش تاع الزبدة و الذوق التاعها يجي تقريبا كيما كريمة اللي جي داخل الميلفاي و اسمحيلي

بنت عين وسارة

2012-04-08, 16:59

اختى بليز رانى نحوس على بريوش محشى لى يتباع فى محل حلويات ياريت تعطينى الوصفة الا كنتى تعرفيها و ربى يجازيك
اين الرد من فضلك

yarasmin.26

2012-04-08, 17:04

اختي حوست و الله مالقيتها كون غير تعونيني و الكريمة راني على هاديك اللي يديروها فيها انا مانحبش تاع الزبدة و الذوق التاعها يجي تقريبا كيما كريمة اللي جي داخل الميلفاي و اسمحيلي
1 كغ فرينة+2 م ك خميرة+1 م ك محسن+2 بيض+70 غ لحظة+200 غ سكر+1/4 كوب زيت+قرصة ملح+لفاني ولميها بالحليب
في اناء الخميرة +3 م ك فرينة+1 م ك سكر+ ماء دافى وخليها تخمر
منبعد ضعي كل المقادير+الخميرة الي طلعت ولميها بالحليب ارفدي العجينة وخبطيها حتى تطرى وتروكيها تخمر وشكلي كرات بحجم 40 غ في سنوى وتروكيهم يخمرو منبعد اطليهم بصفار البيض+قليل من الحليب وخذي سكين وديري علامة+ وطيبيهم اذا حبيتي الخبزة شكلي خبزة كبيرة شوية وطيبيها منبعد ديري كرام بتسيار 1/2 لتر حليب+4 صفار بيض+100 غ سكر+50 غ مايزينة+ لفاني وطيبيها حتى تثقل وتبرداضربيها بالباتوغ باه تولي اعلى نيفو واحد ومن الفوق اطليها بالعسل ساخن وذرذي السكر قلاصي من الفوق
اذا ماتعرفيش طريقة طهي كرام بتيسيار قوليلي

faizarbh

2012-04-08, 17:34

1 كغ فرينة+2 م ك خميرة+1 م ك محسن+2 بيض+70 غ لحظة+200 غ سكر+1/4 كوب زيت+قرصة ملح+لفاني ولميها بالحليب
في اناء الخميرة +3 م ك فرينة+1 م ك سكر+ ماء دافى وخليها تخمر
منبعد ضعي كل المقادير+الخميرة الي طلعت ولميها بالحليب ارفدي العجينة وخبطيها حتى تطرى وتروكيها تخمر وشكلي كرات بحجم 40 غ في سنوى وتروكيهم يخمرو منبعد اطليهم بصفار البيض+قليل من الحليب وخذي سكين وديري علامة+ وطيبيهم اذا حبيتي الخبزة شكلي خبزة كبيرة شوية وطيبيها منبعد ديري كرام بتسيار 1/2 لتر حليب+4 صفار بيض+100 غ سكر+50 غ مايزينة+ لفاني وطيبيها حتى تثقل وتبرداضربيها بالباتوغ باه تولي اعلى نيفو واحد ومن الفوق اطليها بالعسل ساخن وذرذي السكر قلاصي من الفوق
اذا ماتعرفيش طريقة طهي كرام بتيسيار قوليلي

يعطيك الصحة يا الغلية و الله ايذا مافيهاش تعب ياريت تقوليلي و شكرا

saida08

2012-04-08, 18:02

مرحبا اخت ياسمين
ياريت تعطيني المقادير الصحية ل الكروكي انتاعك واش نقدر نعوض السكر الناعم بالسكر العادي
و اسالك هل كريم التارتار متوفر في الجزائر.

yarasmin.26

2012-04-08, 18:17

مرحبا اخت ياسمين
ياريت تعطيني المقادير الصحية ل الكروكي انتاعك واش نقدر نعوض السكر الناعم بالسكر العادي
و اسالك هل كريم التارتار متوفر في الجزائر.
تقدري تعوضيه بالسكر عادي بصح يطلب منك وقت وانت تخدمي فيه بين يدك وانا جربت سكر تاع القهوة ماجاتنيش شلبة كيما بسكر القلاصي اجي طرية وخفيفة اما تاع سكر عادي جاتني شوية وتتكسر بلخف كل واحد واش ايحب اما وصفة الكروكي
500 غ مارغرين+500 غ سكر قلاصي+20 غ لفاني+6 الى8 بيض+1 كغ فرينة+20 غ خمارة يعني 3+1/2 شكاير خمارة نوارة خلطي الزبدة والسكر حتى الانسجام ونضيف البيض حتى يتضاعف الحجم+ لفاني+ الفرينة مع الخمارة ونتركها ترتاح 10 الى 15 د منبعد انشكلها يعنى حليها وذرذري الكاكاو في الوسط وطويها على 3 ترجع مستطيل وطليها بالبيض+قهوة وطيبها وديري خطوط بالفرشيطة في سنيوى وكي اطيب وتبرد قطعيها شرائح وتقدري اديري كي تبرد الفوندا مكان الطلاء بالبيض+القهوة ولكن الفوندا يندار بعد الي اطيب وتبرد وتكوني مازال ماقطعتيهاش

asma_star

2012-04-08, 21:23

سلام حنونة
عندي كريم شانتيي غبرة معليش تعطيني طريقة صحيحة باه نطلعها
جربت خدمتها مع شوي ماء و 2مغرف سكر رطب بصح ماجاتنيش جامدة

yarasmin.26

2012-04-09, 10:25

سلام حنونة
عندي كريم شانتيي غبرة معليش تعطيني طريقة صحيحة باه نطلعها
جربت خدمتها مع شوي ماء و 2مغرف سكر رطب بصح ماجاتنيش جامدة

خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحيب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

أم هنيدة

2012-04-09, 11:00

أختي ياسمين بارك الله فيك ممكن تعطيني الكريمة لي يعمروا بها تارتولات الفواكه لاحظت أنهم يخدموها خفيفة بزاف ماشي كما بكري كانت كريم باتسيير وحدها

بنت عين وسارة

2012-04-09, 11:07

اين الرد من فضلك
انا ديما نسالك و متجوبينيش

بنت عين وسارة

2012-04-09, 11:08

اختى ياسمين بليز رانى نحوس على بريوش محشى لى يتباع فى محل حلويات ياريت تعطينى الوصفة الا كنتى تعرفيها و ربى يجازيك

yarasmin.26

2012-04-09, 12:02

أختي ياسمين بارك الله فيك ممكن تعطيني الكريمة لي يعمروا بها تارتولات الفواكه لاحظت أنهم يخدموها خفيفة بزاف ماشي كما بكري كانت كريم باتسيير وحدها
مزج كرام شانتي مع كرام بتسيار خلطيهم وديريهم في التارت بصحتك

أم هنيدة

2012-04-09, 12:05

مزج كرام شانتي مع كرام بتسيار خلطيهم وديريهم في التارت بصحتك

ربي يجزيك خير هل استعمل كريم باتسيير لي وضتعها بدون بيض أو لي فيها صفار البيض؟

yarasmin.26

2012-04-09, 12:29

ربي يجزيك خير هل استعمل كريم باتسيير لي وضتعها بدون بيض أو لي فيها صفار البيض؟
الي فيها صفار البيض

yarasmin.26

2012-04-09, 12:32

اختى ياسمين بليز رانى نحوس على بريوش محشى لى يتباع فى محل حلويات ياريت تعطينى الوصفة الا كنتى تعرفيها و ربى يجازيك
لامونة راني قدمتها البارح في الصفحة قبل هذه شوفيها بالشرح المفصل اما البريوش ايجي ناشف وثقيل واذا مافهمتيش حاجة قوليلي نشرحلك مكان حتى مشكل

yarasmin.26

2012-04-09, 12:34

انا ديما نسالك و متجوبينيش
اسفة حبيبتى والله ماكنت قاصدة خطرات الطلبات ايكونو قاوين ارد اعليهم بصح كي تكون وصفة قدمت عن قريب انقول راه مشي غير يكتبو راهم يقراو الوصفات الي راهي تندار

أم هنيدة

2012-04-09, 12:35

اختى ياسمين بليز رانى نحوس على بريوش محشى لى يتباع فى محل حلويات ياريت تعطينى الوصفة الا كنتى تعرفيها و ربى يجازيك

أختي بنت عين وسارة الأخت ياسمين قدمت البريوش المحشي بالكريمة في الصفحات السابقة سأنقل لك الوصفة

البريوش بالكريمة:2 بيض+2 م ك+1/2 زبدة ذايبة+1 خمارة الحلوى+1 مص خميرة الخبز+2 م ك سكر عادي+350 فرينة
الكريمة"هذيك الي راني قدمتها هي الي تندار اما الحبيبات الي راكي تهدري اعليهم كي تكون الكريمة مهياش مخدومة مليح ممكن اديري4 كيسان حليب+3 م ك مايزينةمملوئين+ معطر لفاني+3 م ك سكر عادي وخلطي كل شئ بارد في بارد فوق النار حتى تثقل ودير فوقعات اعرفيها راهي جاهزة
خمارة الخبز حليهافي2 م ك ماء الزهر دافي وطريقة العجن عادي ولميها بماء دافي او ماء الزهر التخمير2 مرات وشكليها وطليها بالبيض وطيب كي تبرداقسميها على2 واحشيها كريمة واطليها من الفوق بالعسل مخففوساخن اودافي وذرذي اعليها سكر قلاصي تحياتي

yarasmin.26

2012-04-09, 12:42

يعطيك الصحة يا الغلية و الله ايذا مافيهاش تعب ياريت تقوليلي و شكرا
ضربي صفار البيض+سكر+ المايزينة حتى الانسجام ومن جهة اخرى سخنى الحليب+ لفاني ونقصي شوية احليب وفرغيه مع خليط البيض وخلطي بالباتوغ مبعد كي يسخن الحليب فرغي خليط على الحليب ساخن وخلطي حتى يثقل وتصبح كرام بتيسيار بصحتك

أم هنيدة

2012-04-09, 13:40

مزج كرام شانتي مع كرام بتسيار خلطيهم وديريهم في التارت بصحتك

أختي ياسمين ندير عبر كريم باتسيير + عبر شانتلي؟

yarasmin.26

2012-04-09, 13:57

أختي ياسمين ندير عبر كريم باتسيير + عبر شانتلي؟
ديري عبربتسيار بعبرشانتي وزينيها بالفواكه
شكرا على المساعدة

kokotg

2012-04-09, 14:38

اختي جربت الكيك جاء روعة يعطيك الصحة نحط صورته او في قسم التطبيقات المجربة

yarasmin.26

2012-04-09, 14:51

اختي جربت الكيك جاء روعة يعطيك الصحة نحط صورته او في قسم التطبيقات المجربة
بصحتك وكيما تحبي ديري ونعطيك طريقة اخرى لتزين اطليه من الفوق بالفوندا ذائب+ ملون وردي وضعي خطوط بالفوندا ملون ابيض وشكلي من فوق زخرفة ايجيك روعة
تاكليه بالصحة والراحة

بنت مسلمة

2012-04-09, 15:27

شكر ا لك على كل ما تقدميه و جعله الله في ميزان حسناتك

انا سؤالي عن الحليب الذي نستعمله في الوصفات مثلا الكريمات

هل يكون فائض اي مغلي او من الكيس مباشرة

yarasmin.26

2012-04-09, 15:35

فايض وبارد اما اذا كان الحليب تشريه من مكان مضمون الصلاحية من الكيس وبارد

imane khaled

2012-04-09, 17:08

ختي ياراسمين نشكروك على مجهوداتك تعبناك معانا ربي يخليك
عندي سؤال عن طريقة تذويب الفوندون لي نشريه في العلب و هل نضيفولو حاجة ولا لا:o

أم ياسين الزهراء

2012-04-09, 17:28

1 كغ فرينة+2 م ك خميرة+1 م ك محسن+2 بيض+70 غ لحظة+200 غ سكر+1/4 كوب زيت+قرصة ملح+لفاني ولميها بالحليب
في اناء الخميرة +3 م ك فرينة+1 م ك سكر+ ماء دافى وخليها تخمر
منبعد ضعي كل المقادير+الخميرة الي طلعت ولميها بالحليب ارفدي العجينة وخبطيها حتى تطرى وتروكيها تخمر وشكلي كرات بحجم 40 غ في سنوى وتروكيهم يخمرو منبعد اطليهم بصفار البيض+قليل من الحليب وخذي سكين وديري علامة+ وطيبيهم اذا حبيتي الخبزة شكلي خبزة كبيرة شوية وطيبيها منبعد ديري كرام بتسيار 1/2 لتر حليب+4 صفار بيض+100 غ سكر+50 غ مايزينة+ لفاني وطيبيها حتى تثقل وتبرداضربيها بالباتوغ باه تولي اعلى نيفو واحد ومن الفوق اطليها بالعسل ساخن وذرذي السكر قلاصي من الفوق
اذا ماتعرفيش طريقة طهي كرام بتيسيار قوليلي

الله يعطيك الصحة حنونة حبيت نسقسيك نقدر نعجنها بالعجانة

asma_star

2012-04-09, 17:36

خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحيب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

ربي يخليك حنونة

zomord

2012-04-09, 22:13

اختي ربي يحفظك ..عجينة اللوز التي تباع في السوق كل ما اصنع منها ورود...لا تاخذ الشكل و تتمدد مع الوقت حابة طريقة باش تشدلي لافورم..وزيدي المشكلة ثاني تجيني تتفتت و ماهيش يابسة و الورود التي تصنع من العجينة و تزين بها المشكلة تجيني هشيشة و تتفتت..ربي يحفظك افيديني في اقرب وقت انا انتظر

sabahs

2012-04-10, 01:40

السلام عليكي حبيبتي من فظلك أريد و صفة لكريمة لتزيين الجنواز بس تكون بيظاء اللون مثل لعند البتسي لأن كريمة الزبدة لونها أصفر و الكريم شنتي تسيح بسرعة
فهل من سر من أسرارك
الله يجزيك كل خير

أم ياسمينdz

2012-04-10, 02:01

السلام عليكم اختي
ممكن تعطيني وصفة مضبوطة 100/100 للقلب اللوز

yarasmin.26

2012-04-10, 10:33

ختي ياراسمين نشكروك على مجهوداتك تعبناك معانا ربي يخليك
عندي سؤال عن طريقة تذويب الفوندون لي نشريه في العلب و هل نضيفولو حاجة ولا لا:o
لالا ماتضيفي حتى حاجة ذوبيه فقط على حمام مائي
الفوندا يضاف له الا ملون اذا حبيتي التزين فقط

yarasmin.26

2012-04-10, 10:36

الله يعطيك الصحة حنونة حبيت نسقسيك نقدر نعجنها بالعجانة

كيما تحبي تعجنيها اعجني مكاش مشكل

yarasmin.26

2012-04-10, 10:42

اختي ربي يحفظك ..عجينة اللوز التي تباع في السوق كل ما اصنع منها ورود...لا تاخذ الشكل و تتمدد مع الوقت حابة طريقة باش تشدلي لافورم..وزيدي المشكلة ثاني تجيني تتفتت و ماهيش يابسة و الورود التي تصنع من العجينة و تزين بها المشكلة تجيني هشيشة و تتفتت..ربي يحفظك افيديني في اقرب وقت انا انتظر
حبيبتى اشري نوع الجيد سقسي مول المحل وقوليلو يعطيك حاجة شابة وكي تبداي تخدمي ادلكيها2 مرات فقط و ذرذري اعليها المايزينة باه اشد روحها مرة اعلى مرة انثري اعليها حتى تقصاح شوية واخدمي واش حبيتى والسر انتاعها متخليش يدك سخونين راهي تطرى وتعيك

yarasmin.26

2012-04-10, 10:53

السلام عليكي حبيبتي من فظلك أريد و صفة لكريمة لتزيين الجنواز بس تكون بيظاء اللون مثل لعند البتسي لأن كريمة الزبدة لونها أصفر و الكريم شنتي تسيح بسرعة
فهل من سر من أسرارك
الله يجزيك كل خير
اولا الكريمة الي تكون صفراء مهياش مخدومة امليح
2 اخدمي كريمة الزبدة حتى تصبح بيضاء اللون نوعية الزبدة تلعب دور كبير وعطريها واضيفي اعليها كرام شانتي ثقيلة شوية يعني شادة روحها ومزجيهم ل2 مع بعض تعطيك كريمة شابة وديريها في المجمد اتزيد شد روحها منبعد زيني كيما تحبي الكريمة تسيح كي تكون مهياش مخدومة مليح
على فكرة مول المحل كذالك ايخلى الحلوى انتاعو في الثلاجة وتبات باه تشد روحها

soumay12

2012-04-10, 11:28

سلام عليكم اخت اولا اشكرك

اختي سؤالي عن les macarrons

انا نطيبها لكن ما يكونوش زي تاع البرا هذه طريقتي

250غ كوكاو مرحي+375غسكر عادي +حوالي 3بياض بيض

يا ريت تحطي مقادير تاع البرا والسكر تستخدمو العاذي او الارطب

وزيد اعطيني بتي فور باللوز باللمبوط زي تاع برا او نفسها تاع les macarrons

والشكر موصول بك

yarasmin.26

2012-04-10, 13:03

السلام عليكي حبيبتي من فظلك أريد و صفة لكريمة لتزيين الجنواز بس تكون بيظاء اللون مثل لعند البتسي لأن كريمة الزبدة لونها أصفر و الكريم شنتي تسيح بسرعة
فهل من سر من أسرارك
الله يجزيك كل خير
اولا الكريمة الي تكون صفراء مهياش مخدومة امليح
2 اخدمي كريمة الزبدة حتى تصبح بيضاء اللون نوعية الزبدة تلعب دور كبير وعطريها واضيفي اعليها كرام شانتي ثقيلة شوية يعني شادة روحها ومزجيهم ل2 مع بعض تعطيك كريمة شابة وديريها في المجمد اتزيد شد روحها منبعد زيني كيما تحبي الكريمة تسيح كي تكون مهياش مخدومة مليح
على فكرة مول المحل كذالك ايخلى الحلوى انتاعو في الثلاجة وتبات باه تشد روحها:rolleyes:

"راجية الجنة"

2012-04-10, 13:20

سلام عليكم اخت اولا اشكرك

اختي سؤالي عن les macarrons

انا نطيبها لكن ما يكونوش زي تاع البرا هذه طريقتي

250غ كوكاو مرحي+375غسكر عادي +حوالي 3بياض بيض

يا ريت تحطي مقادير تاع البرا والسكر تستخدمو العاذي او الارطب

وزيد اعطيني بتي فور باللوز باللمبوط زي تاع برا او نفسها تاع les macarrons

والشكر موصول بك

السلام عليكم
سبحان الله دخلت على نفس السؤال على les macarons
عندي اربع بياض بيض ملقتش وش ندير بهم
ممكنتعطيني الصوفة نتع 4 بيضات اختي العزيزة وشكر موصول

yarasmin.26

2012-04-10, 13:43

وصفة les macarrone "
60 غ لوز+60 غ بندق 150 غ سكر قلاصي+4 بياض البيض+سكر عادي شوية
اخدمي البيض +السكر مثل الميرانق+باقي المقادير شكليها دوائر بالكيس الحلواني فوق ورق زيتي ترتاح 1/2 سا ثم دخليها الفرن12 د فقط
الكريمة"100 غشكولاطة+30 غ بندق+80 غ كريمة +20 غ زبدة+35 غ سكر
السكر احرقيه مثل الكراميل+كرام فراش+زبدة على نار هادية
انكسر الشكولاطة+ بندق ثم انضيفهم للخليط على النار حتى الانسجام واحشي المكاغون
وصفة بوتي فور باللوز
4 عبار لوز غير مقشر+1/2 عبر سكر عادي ارحيهم مع بعض+1/4 م ص خمارة +3 الى4 بيض مضرب +1 م ك كاكاو مغرب بني
وزينيهم بحبة لوز تطهى 10 د تقريبا ثم عسليها {عسل +ماء الزهر}

"راجية الجنة"

2012-04-10, 15:32

وصفة les macarrone "
60 غ لوز+60 غ بندق 150 غ سكر قلاصي+4 بياض البيض+سكر عادي شوية
اخدمي البيض +السكر مثل الميرانق+باقي المقادير شكليها دوائر بالكيس الحلواني فوق ورق زيتي ترتاح 1/2 سا ثم دخليها الفرن12 د فقط
الكريمة"100 غشكولاطة+30 غ بندق+80 غ كريمة +20 غ زبدة+35 غ سكر
السكر احرقيه مثل الكراميل+كرام فراش+زبدة على نار هادية
انكسر الشكولاطة+ بندق ثم انضيفهم للخليط على النار حتى الانسجام واحشي المكاغون
وصفة بوتي فور باللوز
4 عبار لوز غير مقشر+1/2 عبر سكر عادي ارحيهم مع بعض+1/4 م ص خمارة +3 الى4 بيض مضرب +1 م ك كاكاو مغرب بني
وزينيهم بحبة لوز تطهى 10 د تقريبا ثم عسليها {عسل +ماء الزهر}

السلام عليكم

البندق شويا صعيب ان اشتريه لانه غالي ممكن تعطني مقدار الكاكاو وحدو اذا سمحتي ومشكورة

ام عصام

2012-04-10, 20:24

ربي يجازيك ويخليك ياراسمين حبيت تقترحي عليا وصفة حبيت نعمل كيكة مقسومة على2 ولا على 3 محشية بكريمة الزبدة حبيت نعملهل للحفلة نتاع 16 افريل للبنتي تديها معاها للروضة

ياريت وصفة الكيكة حبيتها تجيني طالعة مليح باه نقدر نقسمها

ولكريمة تقترحي كريمة زبدو وحدها ولا مخلطة بشانتي

dalila2010

2012-04-10, 22:54

من فضلك اختي الله يحفظك مانوعية الزبدة لديريها في كريمة الزبدة باش اتجيني بيضة وناصعة ربي جزيك الجنة

sabahs

2012-04-10, 22:59

اولا الكريمة الي تكون صفراء مهياش مخدومة امليح
2 اخدمي كريمة الزبدة حتى تصبح بيضاء اللون نوعية الزبدة تلعب دور كبير وعطريها واضيفي اعليها كرام شانتي ثقيلة شوية يعني شادة روحها ومزجيهم ل2 مع بعض تعطيك كريمة شابة وديريها في المجمد اتزيد شد روحها منبعد زيني كيما تحبي الكريمة تسيح كي تكون مهياش مخدومة مليح
على فكرة مول المحل كذالك ايخلى الحلوى انتاعو في الثلاجة وتبات باه تشد روحها

شكر كثير و ربي يجزيك كل خير و يوفيلك ماتتمناي بس من فظلك أعطيني طريقة الكريم الزبدة الجيد حتى أنجح فيها سامحيني أختي كثرت عليك

yarasmin.26

2012-04-11, 10:06

السلام عليكم

البندق شويا صعيب ان اشتريه لانه غالي ممكن تعطني مقدار الكاكاو وحدو اذا سمحتي ومشكورة
ديري120 غ كوكاو محمر غير شوية باه تروح المرورية الي فيه

نور نور 05

2012-04-11, 10:12

السلام عليكم اخواتي عندي مشكل كبير مع المسكوتشو والبسبوسة كلما نديرهم ونلوحهم فالكوشة يطلعو من بعد اسيحو من المول ولا يطلعو ومن بعد تولي تهبط.اعطيوني الحل ربي يحفظكم

MIMINOU

2012-04-11, 10:40

اخوتاتي ممكن تقولولي كيفاه ندير الحشوة تاع اللوز في قاطو المشكلة و متخرجليش الحشوة بعد ما نطيبها

بنت عين وسارة

2012-04-11, 11:24

لامونة راني قدمتها البارح في الصفحة قبل هذه شوفيها بالشرح المفصل اما البريوش ايجي ناشف وثقيل واذا مافهمتيش حاجة قوليلي نشرحلك مكان حتى مشكل
شكرا ليك اختى ياسمين

بنت عين وسارة

2012-04-11, 11:25

اسفة حبيبتى والله ماكنت قاصدة خطرات الطلبات ايكونو قاوين ارد اعليهم بصح كي تكون وصفة قدمت عن قريب انقول راه مشي غير يكتبو راهم يقراو الوصفات الي راهي تندار
شكراااااا رانا تعبناك

بنت عين وسارة

2012-04-11, 11:26

يا ريت تورينا كيفاش يتخدم لاجولي

yarasmin.26

2012-04-11, 12:05

ربي يجازيك ويخليك ياراسمين حبيت تقترحي عليا وصفة حبيت نعمل كيكة مقسومة على2 ولا على 3 محشية بكريمة الزبدة حبيت نعملهل للحفلة نتاع 16 افريل للبنتي تديها معاها للروضة

ياريت وصفة الكيكة حبيتها تجيني طالعة مليح باه نقدر نقسمها

ولكريمة تقترحي كريمة زبدو وحدها ولا مخلطة بشانتي
ديري تارت الجينواز ب12 بيض+200 غ سكر +200 غ فرينة+200 غ مايزينة بالطريقة الي راني قدمتها وديريها في مول او طاجين صغير بصح عالي وتطهى كي تبرد اقسميها بالسكين تاع المشار 3 طبقات او4 وشربي كل طبقة بالسيرو او عصير اي فاكهة ودير بين كل طبقة ياغورت الفواكه تاع التوت اوالمشمش الي ايدير20 د ج +1 م ك كرام شانتي وخلطي وكل طبقة ديري نفس الطريقة ثم اطليها بالكرام شانتي وزينيها من الفوق كيما تحبي وديريها في الثلاجة 3 ساعات الى غاية لوقت التقديم
انطن هذه مش مكلفة ولكن لذيذة

yarasmin.26

2012-04-11, 12:08

من فضلك اختي الله يحفظك مانوعية الزبدة لديريها في كريمة الزبدة باش اتجيني بيضة وناصعة ربي جزيك الجنة
هي كريمة لابال واخدميها مليح بالباتوغ حتى تبياض
الخدمة المليحة هي لي تصنع الحلوى

yarasmin.26

2012-04-11, 12:40

السلام عليكم اخواتي عندي مشكل كبير مع المسكوتشو والبسبوسة كلما نديرهم ونلوحهم فالكوشة يطلعو من بعد اسيحو من المول ولا يطلعو ومن بعد تولي تهبط.اعطيوني الحل ربي يحفظكم
كي تكون العجينة سايحة بزاف ومقوية النار
2 كي ديريها في الفرن متقعديش تفتحي فيها كل مرة وكي تطهى طفي الكوشة وخلها شوية داخل منبعد خرجيها
3 مشكل الفرينة كي تكون قليلة كذالك تهبط المسكوتشة

yarasmin.26

2012-04-11, 12:47

شكر كثير و ربي يجزيك كل خير و يوفيلك ماتتمناي بس من فظلك أعطيني طريقة الكريم الزبدة الجيد حتى أنجح فيها سامحيني أختي كثرت عليك
300 غ زبدة+160 غ سكر+3 صفار البيض+ لفاني
اصنعي الشاربات 160 غ سكر+1/2 كوب ماء يغلو مليح حتى تثقل وتدفئ شوية اضيفي صفار البيض وضربي حتى الخليط يصبح باهي ويبرد ويطلعم ومن جهة اخرى اخدمي الزبدة ولفاني حتى تبياض وتتموجاضيفي خليط الصفار واخدميهم امليح ثم ديريهم في الثلاجة تشد روحها

yarasmin.26

2012-04-11, 12:59

اخوتاتي ممكن تقولولي كيفاه ندير الحشوة تاع اللوز في قاطو المشكلة و متخرجليش الحشوة بعد ما نطيبها
المشكلة: 3 عبار فرينة+1/2 عبر زبدة مورقة+لفاني+قرصة ملح+1/2 كيلة ماء الزهرواذا مانتلمتش اضيفي الماء وتروكيها ترتاح
العقدة:3 كيلات لوز بالقشرة ومطحون+حفنة بيمومرحي+1/2 كيلة سكر قلاصي+لفاني ولميها بالبيض مضرب ماجريش العجينة ماه ماتخرجش
العجينة اضيفي لها ملون ابيض+قليل من ماء الزهر
منبعد شكليها وتروكيها ترتاح 1 سا ثم اطهيها ورشقي حبة لوز في الوسط مع النقش على العجين

yarasmin.26

2012-04-11, 13:02

يا ريت تورينا كيفاش يتخدم لاجولي
انا لاجولي نشريها مانخدمهاش وتذوب على حما م مائي اذا كانت جامدو اما غبرة تطهى كيما السيرو

بنت عين وسارة

2012-04-11, 13:37

انا لاجولي نشريها مانخدمهاش وتذوب على حما م مائي اذا كانت جامدو اما غبرة تطهى كيما السيرو
ربى يحفضك على مجهودات لى راكى تديرى فيها وشكون احسن لاجولى تاع غبرة ولا جاهزة

yarasmin.26

2012-04-11, 14:12

ربى يحفضك على مجهودات لى راكى تديرى فيها وشكون احسن لاجولى تاع غبرة ولا جاهزة
ل2 كيف كيف ولكن كي اتذوبيها ذوب امليح ترجع سائل باه اجيك الخدمة شابة

nina_65

2012-04-11, 14:18

من فضلك احتي اذا امكن وصفة القلب اللوز الحقيقية

kokotg

2012-04-11, 14:27

السلام علبكم
تطبيقي لكيك الاخت يارا
http://im17.gulfup.com/2012-04-11/1334150619651.jpg (http://www.gulfup.com/show/X3ovylj3oucvp)
جزاك الله خيرا

ام عصام

2012-04-11, 14:43

اختي يارسمين راني جربت الكيك ديالك وخرجلي روعة شكرا ليك ربي يبعد عليك كل سوء

سؤال على محسن الخبز نقدر نستعملو في جميع العجين حتى في الحلوى ولا لالا نقصد وقتاش نخدم بيه ويجي في الحلوى ولا لالا

مثل لقريوش

yarasmin.26

2012-04-11, 14:48

اختي يارسمين راني جربت الكيك ديالك وخرجلي روعة شكرا ليك ربي يبعد عليك كل سوء

سؤال على محسن الخبز نقدر نستعملو في جميع العجين حتى في الحلوى ولا لالا نقصد وقتاش نخدم بيه ويجي في الحلوى ولا لالا

مثل لقريوشلا
لالالالالالا يستعمل في الحلوى فقط في العجائن لامونة البريوش الكواصون البيتزا الخبز
اما الحلوى ديري خمارة نوارة شابة
واش حبيتي القريوش يكبر وهومازال صغير
واش هي مشكلتك مع القريوش

yarasmin.26

2012-04-11, 14:50

السلام علبكم
تطبيقي لكيك الاخت يارا
http://im17.gulfup.com/2012-04-11/1334150619651.jpg (http://www.gulfup.com/show/x3ovylj3oucvp)
جزاك الله خيرا
الله ايبارك خموس اعليك ربي اشدلك في يدك اما احنا لا سبب

liliane24

2012-04-11, 14:54

أختي ياراسمين ، شكرا جزيلا على كل الوصفات.
أختي الله يخليك أريد وصفة قلب اللوز الحقيقىة، و هل فيها خميرة الحلويات أم لا.
ياريت أختي تتكرمي علينا بها، و جازاك الله خيرا

yarasmin.26

2012-04-11, 14:56

من فضلك احتي اذا امكن وصفة القلب اللوز الحقيقية
الوصفة الحقيقية انتاعو هي يدك
ايه راني عارفة واش راني انقلك القلب اللوز مشكل الجميع واحدة يخرجلها والاخرى لالالا رغم استعمال نفس المقادير السر انتاعو هو اليدين المهم الوصفة راني عن قريب انحطها موضوع لانه الشرح مطول ويدي مني وقت نقدر نعطيك وصفة ناجحة واعطيتها للجميع اونجحو فيها نعطيهالك باه يدك اتسر اعليه وتعرفي الاخطاء باه كي انقدم الوصفة المحلات اتكوني تفهمي واش نقصد وتنجحي فيه انشاء الله

yarasmin.26

2012-04-11, 15:18

أختي ياراسمين ، شكرا جزيلا على كل الوصفات.
أختي الله يخليك أريد وصفة قلب اللوز الحقيقىة، و هل فيها خميرة الحلويات أم لا.
ياريت أختي تتكرمي علينا بها، و جازاك الله خيرا
كل واحد واش ايدير فيه ويخرجلو بصح وصفة المحلات لالالالا المشكل كذالك السميد راه مخدوع والسر تاع القلب اللوز هما يديك عندي وصفة شبيها له نعطيهالك ويخرجلك ناجح كي تسري اعليه باه اديري وصفة المحلات
عن قريب راه اندير وصفة القلب اللوز بالتفصيل الممل وتعرفي الاخطاء انتاوعك انتظر الرد

ام عصام

2012-04-11, 15:18

ههههههههههه اختي يار سمين لالا معندي حتى مشكل مع لقريوش نخدمو ويخرجيلي هايل والحمد الله فقط كنت ناسل برك معناه المحسن ميجيش في لحوايج المقلية

والله عييت نحوس على طريقة الجينواز وملقيتهاش وسامحيني على تعبك

kokotg

2012-04-11, 15:23

الله ايبارك خموس اعليك ربي اشدلك في يدك اما احنا لا سبب

http://im17.gulfup.com/2012-04-11/1334150619637.gif (http://www.gulfup.com/show/Xdae8wwzko3g)
حتى انت حنونة يرجع الفضل ربي وليك

yarasmin.26

2012-04-11, 15:30

ههههههههههه اختي يار سمين لالا معندي حتى مشكل مع لقريوش نخدمو ويخرجيلي هايل والحمد الله فقط كنت ناسل برك معناه المحسن ميجيش في لحوايج المقلية

والله عييت نحوس على طريقة الجينواز وملقيتهاش وسامحيني على تعبك
راهي مكتوبة وين كل واحد ايحط الوصفة انتاعو تحت عنوان الجينواز الحقيقية من محل الحلويات زيدي حوسي شوية اتصيبيها راهي معمرة نجوم كيفاش ماشتيهاش ياك نجومها راهم يلأ ئللأو من بعيد
لالالا مايجيش مع الصولح مقلين المقلي ايحب خمارة الحلوى او خميرة الخبز شوية كيما سندويش مقلي وصفة شابة او القريوشات......الخ
راهي في الصفحة 5

أم هنيدة

2012-04-11, 15:37

ههههههههههه اختي يار سمين لالا معندي حتى مشكل مع لقريوش نخدمو ويخرجيلي هايل والحمد الله فقط كنت ناسل برك معناه المحسن ميجيش في لحوايج المقلية

والله عييت نحوس على طريقة الجينواز وملقيتهاش وسامحيني على تعبك

أختي ام عصام هذا رابط الجينواز من محل الحلويات للاخت ياراسمين

http://www.djelfa.info/vb/showthread.php?t=893928

liliane24

2012-04-11, 15:44

كل واحد واش ايدير فيه ويخرجلو بصح وصفة المحلات لالالالا المشكل كذالك السميد راه مخدوع والسر تاع القلب اللوز هما يديك عندي وصفة شبيها له نعطيهالك ويخرجلك ناجح كي تسري اعليه باه اديري وصفة المحلات
عن قريب راه اندير وصفة القلب اللوز بالتفصيل الممل وتعرفي الاخطاء انتاوعك انتظر الرد

شكرا جزيلا أختي نتمنى تمديلي الوصفة في أقرب وقت، ولادي راهم رايحين يهبلوني سخفوا عليه، و ما لقيتش وصفة مليحة

ام عصام

2012-04-11, 15:54

شكرا جزيلا راني لقيتها والله فت على ص 5 ومنتبهتلهاش المهم بارك الله فيك

ام عصام

2012-04-11, 15:56

شكرا جزيلا ام هنيييدة جزاك الله كل خير

nina_65

2012-04-11, 16:31

الوصفة الحقيقية انتاعو هي يدك
ايه راني عارفة واش راني انقلك القلب اللوز مشكل الجميع واحدة يخرجلها والاخرى لالالا رغم استعمال نفس المقادير السر انتاعو هو اليدين المهم الوصفة راني عن قريب انحطها موضوع لانه الشرح مطول ويدي مني وقت نقدر نعطيك وصفة ناجحة واعطيتها للجميع اونجحو فيها نعطيهالك باه يدك اتسر اعليه وتعرفي الاخطاء باه كي انقدم الوصفة المحلات اتكوني تفهمي واش نقصد وتنجحي فيه انشاء الله

ربي يحفظك ان شاء الله نحن في الانتظار

ام سلمة الجزائرية

2012-04-11, 20:18

صار ما جريتي العقدة
وديري في سنوى دائرية وطلعي الحواشي راكي اتخلي المسافة كثيرة بين العجينة والسنيوىاعلى هكذاك راهي تخرج العقدة وتبان عاودي صحيحي اخطائكي
وماتقويش السمن قوليلي ماهما المقادير الي راكي اديريهم تاع البقلاوة انتظر ردكي باه نوضحلك كيفاش تندار البقلاوة
اربع كيلات كيلة مارغرين +ماء وقريصة ملح
في التوريق مانستعملش السمن نستعمل مارغرين نتاع ona

yarasmin.26

2012-04-12, 09:47

اربع كيلات كيلة مارغرين +ماء وقريصة ملح
في التوريق مانستعملش السمن نستعمل مارغرين نتاع ona
اذا درتي 4 كيلات فرينة +1 كيلة مهياش معمرة زبدة+ قرصة ملح+ ماء الزهر +ماء ولميها وتروكيها ترتاح اما العقدة اذا وزنتي الكيلات تاع الفرينة وصبتي جاتك 1 كلغ اذن ديري 1 كغ كوكاو+1 كوب سكر ورحيهم مثل الطعام اعلى حبة وحدة وصيري الرقيق ماديريهش+ مبشور الليمون+ لفاني +وشيها فقط بماء الزهر مثل الفتيل متكونش جارية
لازم تعرفي كل ماتكيلي الفرينة المقدار الي راكي رايحة اديره نفسه مقدار العقدة باه اجيك شابة والعجينة 7 من التحت ثم العقدة ثم العجينة5 من الفوق ارجو انني افدتكي

soumay12

2012-04-12, 10:50

merci beaucoup ma soeur

ام سلمة الجزائرية

2012-04-12, 12:25

[QUOTE=yarasmin.26;9568027]اذا درتي 4 كيلات فرينة +1 كيلة مهياش معمرة زبدة+ قرصة ملح+ ماء الزهر +ماء ولميها وتروكيها ترتاح اما العقدة اذا وزنتي الكيلات تاع الفرينة وصبتي جاتك 1 كلغ اذن ديري 1 كغ كوكاو+1 كوب سكر ورحيهم مثل الطعام اعلى حبة وحدة وصيري الرقيق ماديريهش+ مبشور الليمون+ لفاني +وشيها فقط بماء الزهر مثل الفتيل متكونش جارية
لازم تعرفي كل ماتكيلي الفرينة المقدار الي راكي رايحة اديره نفسه مقدار العقدة باه اجيك شابة والعجينة 7 من التحت ثم العقدة ثم العجينة5 من الفوق ارجو انني افدتكي[
جزاك الله خيرا

أم ياسين الزهراء

2012-04-12, 17:32

الله يحفظك اختي طريقتك مليحة تاع قلب اللوز

yarasmin.26

2012-04-12, 17:58

الله يحفظك اختي راني نستنى في طريقتك تاع قلب اللوز
يا حبيبتى راني حطيتها كا وصفة تحت عنوان الى العضوات الي طلبو وصفة القلب اللوز ص1 او 2 تحت اسم يراسمين

مليكة01

2012-04-12, 20:34

السلام عليكم

اريد وصفة هذا القاطو
http://www.djelfa.info/vb/showthread.php?t=932515

sofiane2075

2012-04-13, 11:20

صباح الخير و جمعة مباركة ان شاء الله

حبيت نسقسيك على تمن الحلويات يعني حق اليد من3 اشهر جابت لي وحدة 700الف زدت عليهم 140الف خدمتلها سني الكبير تاع برا مقروط منقوش و كاين حوالي 20حبة زيادة طيبتهم في الدار ....سني كبيرتاع3كيلو باقلاوة فيها 1جوز1لوز1كاوكاو .100حبة باقلاوة الرشتة تاع الاخت ام كوتر ب1كغ كاوكاو

حلوة صابلي البيمو بالشوكولا..

http://up.djelfa.info/uploads/13142893364.jpg

كعيكعات معسلين لي في الصورة بالكاوكاو
http://hh7.net/Sep/hh7.net_13188795673.jpg

هادي الباقلاوة تاع ام كوتر

http://img102.herosh.com/2012/01/07/517808572.jpg

مخبز بالفلون متل الحبة الوردي لي فيها 3ورقات و زينتها بعجينة اللوز

http://up.arab-x.com/Nov10/PoV23735.jpg

من فضلك تمن الحبة تاع كل نوع و اسمحيلي طولت الكلام راني خفت نديلها حقها و هي لي تديلي لانها من اليوم لي بعتهملها ما حوستش خلاص و نشكرك مسبقا

yarasmin.26

2012-04-13, 13:17

صباح الخير و جمعة مباركة ان شاء الله

حبيت نسقسيك على تمن الحلويات يعني حق اليد من3 اشهر جابت لي وحدة 700الف زدت عليهم 140الف خدمتلها سني الكبير تاع برا مقروط منقوش و كاين حوالي 20حبة زيادة طيبتهم في الدار ....سني كبيرتاع3كيلو باقلاوة فيها 1جوز1لوز1كاوكاو .100حبة باقلاوة الرشتة تاع الاخت ام كوتر ب1كغ كاوكاو

حلوة صابلي البيمو بالشوكولا..

http://up.djelfa.info/uploads/13142893364.jpg

كعيكعات معسلين لي في الصورة بالكاوكاو
http://hh7.net/sep/hh7.net_13188795673.jpg

هادي الباقلاوة تاع ام كوتر

http://img102.herosh.com/2012/01/07/517808572.jpg

مخبز بالفلون متل الحبة الوردي لي فيها 3ورقات و زينتها بعجينة اللوز

http://up.arab-x.com/nov10/pov23735.jpg

من فضلك تمن الحبة تاع كل نوع و اسمحيلي طولت الكلام راني خفت نديلها حقها و هي لي تديلي لانها من اليوم لي بعتهملها ما حوستش خلاص و نشكرك مسبقا
اذا تاع اللوز35 ال40 د ج اما الكوكاو20 الى25 دج واذا الحوايج من عندها والخدمة انتاعك اقسمي نصف الثمن مرة اخرى كي ايقولولك 50 حبة وجاتك الزيادة ماتعطيهالهمش اذا مايعطوكش حقها حنونتي والبقلاوة تاع المكسرات راهي ادير 40 دج للحبة مرة اخرى اعطي المبلغ الى تخدمي بيه شحال في البداية باه النية ما تنقص باه تنشهري المزية غير انسايها ملح اليد لازم باه الحرفة ماتروحلكش والحلوى متخسرش صدقني واذا احتجتي حاجة قوليلي اوتتقلقيش انت بعتى وهي شرات حبت تخدميلها باطل اعلى هكذاك ماحوستش او ربما بانتلك برك مدام حرفتك في يديك انشاء الله تنشهري

yarasmin.26

2012-04-13, 13:26

السلام عليكم

اريد وصفة هذا القاطو
http://www.djelfa.info/vb/showthread.php?t=932515
ياختى هذه الوصفة الي في الرابط تحمل الصورة والمقادير ولاراكي تحوسي اعلى نفس الوصفة بمقادير مختلفة

مليكة01

2012-04-13, 13:33

السلام عليكم
ان شاء الله راكي بخير
عندي بزاف ما دخلتش للانترنيت

هاذا القاطو الي قلتلك عليه شكلو كيما هذا بصح من الداخل فيه نوادكوكو و العجينة بيضة بزاف و مغلف باشكولا و فوقو البريون

كي تشوفيه تحسبي طابع نتاع قرقاع

وانا بانتلي العجينة من فوق مرحية

مليكة01

2012-04-13, 13:35

و اذا عندك وصفة النيغرو الي يجي فيه نواد كوكو من الداخل

كاين بزاف وصفات

ام عصام

2012-04-13, 13:45

اختي يارسمين شوفي هاد الموضوع نتاع تطبيقي للقاطو ساك ورجعلي من فضلك

http://www.djelfa.info/vb/showthread.php?p=9584439#post9584439

yarasmin.26

2012-04-13, 13:55

السلام عليكم
ان شاء الله راكي بخير
عندي بزاف ما دخلتش للانترنيت

هاذا القاطو الي قلتلك عليه شكلو كيما هذا بصح من الداخل فيه نوادكوكو و العجينة بيضة بزاف و مغلف باشكولا و فوقو البريون

كي تشوفيه تحسبي طابع نتاع قرقاع

وانا بانتلي العجينة من فوق مرحية
عندي وصفات تاع لي روشي وكل نوع كيفاه داير اما تاع النواة كوكو العقدة برك داخل العجينة تخليها بيضاء او سوداء وشكليهم كرات واغطسيهم في الشكولاطة ورشقي حبة قرقاع من الفوق+ خيوط من الشكولاطة من الفوق
وعندي وصفة اخرى تاع لي روشى surprisse
الحلوى الي راكي تحوسي اعليها ماطيبش وجي مقرصة ولا العجينة عادية كيما الحلوى الصابلي

yarasmin.26

2012-04-13, 14:06

اختي يارسمين شوفي هاد الموضوع نتاع تطبيقي للقاطو ساك ورجعلي من فضلك

http://www.djelfa.info/vb/showthread.php?p=9584439#post9584439
المايزينة فتى العبر بصح ماهواش مشكل ديره في علبة محكمة الغلق راه يطرى بلخف الشكل ماشاء الله بتوفيق زيدي عاوديه مرة اخرى
وانا متاكدة انويخرجلك كيما حب خاطرك ولفاني ديري في الاخير باه يبقى معطر ومرة اخرى ديره بسكر القلاصي باه مايجيكش قاسح انا مرة صرالي هكذا في الكروكي درتوبالسكر عادي مجانيش شباب كيما سكر القلاصي لانه في لبمحلات ينخدم بزاف بي الة اعل هكذاك مايجيش يابس

آلاء النايلية

2012-04-13, 14:28

حابة نعرف اسم و كيفاش تخدم هاذ الكريمة تاع هاذ لقاطو؟
http://klitzeklein.files.wordpress.com/2011/01/macarons1.jpg?w=400&h=400 (http://klitzeklein.files.wordpress.com/2011/01/macarons1.jpg)

yarasmin.26

2012-04-13, 14:43

حابة نعرف اسم و كيفاش تخدم هاذ الكريمة تاع هاذ لقاطو؟
http://klitzeklein.files.wordpress.com/2011/01/macarons1.jpg?w=400&h=400 (http://klitzeklein.files.wordpress.com/2011/01/macarons1.jpg)
راني البارح تقدمتو شوفي في الصفحات الاخيرة اسمه لي مكاغون والكريمة هذه الى في الصورة مصاف لها عطر التوت البري+ملون بنفسجي

sofiane2075

2012-04-13, 15:02

اذا تاع اللوز35 ال40 د ج اما الكوكاو20 الى25 دج واذا الحوايج من عندها والخدمة انتاعك اقسمي نصف الثمن مرة اخرى كي ايقولولك 50 حبة وجاتك الزيادة ماتعطيهالهمش اذا مايعطوكش حقها حنونتي والبقلاوة تاع المكسرات راهي ادير 40 دج للحبة مرة اخرى اعطي المبلغ الى تخدمي بيه شحال في البداية باه النية ما تنقص باه تنشهري المزية غير انسايها ملح اليد لازم باه الحرفة ماتروحلكش والحلوى متخسرش صدقني واذا احتجتي حاجة قوليلي اوتتقلقيش انت بعتى وهي شرات حبت تخدميلها باطل اعلى هكذاك ماحوستش او ربما بانتلك برك مدام حرفتك في يديك انشاء الله تنشهري

بارك الله فيك اختي الله يجازيك كل خير و يعطيك ماتتمناي انا في الاول قالتلي استنايني شوية قلت ماعليهش و مانيش موالفة نخدم للناس ساعدتها ب3انواع في الجرية نتاع بنتها عاودت ولات قلت ربما نعود نخدم حاجة تنفعني خير من تضياع الوقت بصح من هاداك اليوم ماسالت ما والو درك نبعتلها و نعطيها السومة و مرة اخرى الله يجازيك الجنة ان شاء الله شكرا

sofiane2075

2012-04-13, 15:08

نسيت نقلك ماجاوبتينيش على الحبة تاع الصابلي بالشوكولا و المخبز بالفلون و القلاساج مزين بورود و اوراق بعجينة اللوز و شكرا جزيلا الله يخليك

ام فريال

2012-04-13, 15:19

شكرا على مجهوداتك و
حبيت نسيقسيك شريت كرام شونتي تاع غبرة 150 غ كل 50 غرام وحدها مالفة نستعملو و يصلحلي مي هادي المرة استعملت 50 غ لاولى كيما ما الفة مي مصلحليش
ممكن تكون كرام فاسدة؟ مالفة ما تصلحلكش في بعض الاحيان ؟ يعني الباقي نرميها ولا كيفاه؟

yarasmin.26

2012-04-13, 15:24

نسيت نقلك ماجاوبتينيش على الحبة تاع الصابلي بالشوكولا و المخبز بالفلون و القلاساج مزين بورود و اوراق بعجينة اللوز و شكرا جزيلا الله يخليك
ياك قلتلك الصح في العقدة وطريقة التزين اذا كانت متقونة 30 دج اللوز او الكوكاو ديما صقصي واش راهي حابة المشترية كذالك بنسبة للحلوة المعسلة نقس المبلغ اما البنيون نقصي في المبلغ لانه مايكلفش وزيدي دخلى معاهم البقلاوة بالكنافة اذا يحبوها باللوز او البيستاش او نواة كاجو ديما خلطيه مع الكوكاو اذا كانت عندك حسبة كبيرة تااع الحلوى والطلب المكسرات باه ايغير ذوق الكوكاو الى لوز وحوسي اعلى محلات او مقاهي اذا تبعيلهم المدلان والكروكي بصح باقل سعر باه سلعتك تمشي اذا شدو اعليك في كل يوم 80 حبة مدلان اعلى سومة 10 وهو ايبيعها15 د ج راكي رابح800 دج دوري السوق وين جات اكلات ماتحشميش دخلى الدراهم براك كي والفوك اصحاب المقاهي يبدا ايزيد في العدد وانت دائما رابحة متني روحك في الاول وانطلقي

yarasmin.26

2012-04-13, 15:29

شكرا على مجهوداتك و
حبيت نسيقسيك شريت كرام شونتي تاع غبرة 150 غ كل 50 غرام وحدها مالفة نستعملو و يصلحلي مي هادي المرة استعملت 50 غ لاولى كيما ما الفة مي مصلحليش
ممكن تكون كرام فاسدة؟ مالفة ما تصلحلكش في بعض الاحيان ؟ يعني الباقي نرميها ولا كيفاه؟
قلتي 50 غ فقط وباه رونتيها وكيفاه درتى وانا انقلك اذا فاسدة ولا لالالالا

liliane24

2012-04-13, 15:48

صباح الخير و جمعة مباركة ان شاء الله

حبيت نسقسيك على تمن الحلويات يعني حق اليد من3 اشهر جابت لي وحدة 700الف زدت عليهم 140الف خدمتلها سني الكبير تاع برا مقروط منقوش و كاين حوالي 20حبة زيادة طيبتهم في الدار ....سني كبيرتاع3كيلو باقلاوة فيها 1جوز1لوز1كاوكاو .100حبة باقلاوة الرشتة تاع الاخت ام كوتر ب1كغ كاوكاو

حلوة صابلي البيمو بالشوكولا..

http://up.djelfa.info/uploads/13142893364.jpg

كعيكعات معسلين لي في الصورة بالكاوكاو
http://hh7.net/sep/hh7.net_13188795673.jpg

هادي الباقلاوة تاع ام كوتر

http://img102.herosh.com/2012/01/07/517808572.jpg

مخبز بالفلون متل الحبة الوردي لي فيها 3ورقات و زينتها بعجينة اللوز

http://up.arab-x.com/nov10/pov23735.jpg

من فضلك تمن الحبة تاع كل نوع و اسمحيلي طولت الكلام راني خفت نديلها حقها و هي لي تديلي لانها من اليوم لي بعتهملها ما حوستش خلاص و نشكرك مسبقا

أختي ياراسمين نعتذر لك على التدخل، بصح حبيت نقول للأخت على سعر الحلوى المنزلية عندنا في سطسف :
فيما يخص حلويات اللوز بكل أنواعها ، راهي تدير 60دج للحبة كيما المخبز و الكعيكعات و البقلاوة و...... ، أما حلويات الكاوكاو فالسعر 40دج للحبة.
أختي هذه الأسعار عندنا ، راني نتحدث على حلويات المنزل ، أما في المحلات فالسعر مختلف.
أما حق اليد فقط و السلعة من عندها فكما ذكرت الأخت ياسمين قيمي السلعة و هي نفسها قيمة اليد بمعنى 50 بالمئة حق يدك، و 50 بالمئة سلعة

yarasmin.26

2012-04-13, 15:55

أختي ياراسمين نعتذر لك على التدخل، بصح حبيت نقول للأخت على سعر الحلوى المنزلية عندنا في سطسف :
فيما يخص حلويات اللوز بكل أنواعها ، راهي تدير 60دج للحبة كيما المخبز و الكعيكعات و البقلاوة و...... ، أما حلويات الكاوكاو فالسعر 40دج للحبة.
أختي هذه الأسعار عندنا ، راني نتحدث على حلويات المنزل ، أما في المحلات فالسعر مختلف.

لا هذه السعر تاع الدار والمحلات انتم في سطيف الحلوى غالية بزاف لوكان اتبيعها بهذا المبلغ وهي جديدة واحد مايشري اعليها الازم اتبيع بهذا السعر وكي تحكم المشتارية اتزيد كيما تحب اصح في المشترى هو الي جيب الفلوس والاشهار يلعب دور كبير في النجاح لوكان اتبيع غالي بزاف وكابداية مشي مليحة ليها راكي فاهمتني

sofiane2075

2012-04-13, 17:14

ياك قلتلك الصح في العقدة وطريقة التزين اذا كانت متقونة 30 دج اللوز او الكوكاو ديما صقصي واش راهي حابة المشترية كذالك بنسبة للحلوة المعسلة نقس المبلغ اما البنيون نقصي في المبلغ لانه مايكلفش وزيدي دخلى معاهم البقلاوة بالكنافة اذا يحبوها باللوز او البيستاش او نواة كاجو ديما خلطيه مع الكوكاو اذا كانت عندك حسبة كبيرة تااع الحلوى والطلب المكسرات باه ايغير ذوق الكوكاو الى لوز وحوسي اعلى محلات او مقاهي اذا تبعيلهم المدلان والكروكي بصح باقل سعر باه سلعتك تمشي اذا شدو اعليك في كل يوم 80 حبة مدلان اعلى سومة 10 وهو ايبيعها15 د ج راكي رابح800 دج دوري السوق وين جات اكلات ماتحشميش دخلى الدراهم براك كي والفوك اصحاب المقاهي يبدا ايزيد في العدد وانت دائما رابحة متني روحك في الاول وانطلقي

يعطيك الصحة و بارك الله فيك على المساعدة جازاك الله الجنة و ربي يعطيك ماتتمناي ان شاء الله

imadwlidi

2012-04-13, 19:25

si possible la recette du gateau surprise et cheese cake vous m'avais dit que tu a une recette frensaise
et merciiiiiiiiiiiiiiiiiiiiiii de tt tes belle recette

sasafede

2012-04-13, 20:47

سلام ياراسميت كيفك ؟؟؟؟؟؟؟؟؟انا مابيد وصفة بس بدس اقولك ربي يحفظك لينا ايخليك لينا
شكرا