هلا ساعدتن اخوكم أحمد يا أخواتي....

[أحمد أبو عبد الرحمن]

المشاركة الأصلية كتبت بواسطة ام خديجة1

عندي وجبات سريعة هي بسيطة مي بنينة نتمنى تعجبك
الوصفة الاولى
طيب البطاطا في الماء بعد ماتقشرها وصفيها واتركها جانبا ثم قطع البصل والطماطم ورابي الثوم وقليهم في 2 /م ك زيت ولما يتقلاو شوية اضف لهم البطاطا وملح واذا تحب الحار اضف فلفل مقطع رقيق في الاخير وبالهناء
الوصفة الثانية
عندك البيض اضفلو بصل مرابي وثوم مرابي وملح وفرماج وقليل من الحليب خلطهم مليح ثم ضع قطعة زبدة في المقلاة وكي تدوب ضع الخليط حتى ينشف
الوصفة الثالثة
اذا عندك اللحم مرحي رابي معاه البصل وقليه شوية ثم اضف له الطماطم المصبرة ومرقهم بشوية ماء وبعد ربع ساعة ضع لهم الشربة الفارميسال وخليها عشر دقائق وزيد عليها التوابل والقصبر مقطع رقيق واطفئ النار
الوصفة الرابعة
اذا كان عندك صدر الدجاج قطعو مربعات صغار ومن جهة ضع في مقلات بصل حلقات وفلفل مقطع رقيق وقليهم في شوية زيت ولما يدبالو اضف لهم الدجاج ثم التوابل والملح وفي الاخير الطماطم مرابية انتظر ربع ساعة واطفئ النار
واذا تفكرت راني نكتبلك اتمنى يعجبوك

بارك الله فيك اختي ام خديجة ولا حرمنا منك
ساجرب الاولى والثانية اليوم وعند سؤال لو سمحت اختي ما معنى رابي تقصدي مثلا راس ثوم ، حبة ثو م
وربي يجزيك الخير وأكيدراح يعجبوني ان شاء الله .
ربي يعطيك ماتتمناي ان شاء الله ويرضى عنك ويرزقك رضى الوالدين
وفي نهاية الاسبوع راح نجرب الطريقتين الاخيرتين وفي انتضار عودتك ان شاء الله اختي .
احترامي وتقديري لاختي ام خديجة