هل تتعارض نظرية التطور مع الاسلام ؟

[syrus]

المشاركة الأصلية كتبت بواسطة بس يا بحر

الله سبحانه وتعالى خلق عيسى مباشرة وليس بالتطور ( كن فيكون )
مثل خلق آدم وهذه آية صريحة
وأنت تقول لا ليس ذلك مباشرة وبذلك تنفي أن تكون لله طلاقة القدره في( كن فيكون)
وعندما جئنا لك بمثل طير أيراهيم عليه السلام قلت عن ذلك معجزه ..
ولما لا يكون آدم معجزه
لماذا أنكرت على آدم المعجزه وأقريت بأن الطائر معجزه
كل هذا من أجل أن تعزز النظرية.

وذكرنا لك الآيات التي تبرهن أن آدم خلق بالجنه فأنكرت ذلك
وأقريت أنه خلق بالأرض
وأدعيت انه جاء بالتطور وليس خلقا مباشر ..
هات دليلك على ذلك من آيات أو حديث صحيح أو دليل علمي
مع العلم أننا أخبرناك أن صفاته بالجنه تختلف عن أهل الأرض
وقد ذكر أن ليس له أعضاء تناسلية
فكيف تريدنا أن نصدق أن تحول من الارض الى الجنه ثم عاد الى الأرض.

وأيضا وللمره الثانية نطلب منك دليل علمي لوقف التطور عن القرود
قلت البيئه إذن هات دليلك من بحث معترف به
ومن هو مدعي النظرية من يكون هذا العبقري الذي أتى بالفكره.

وأيضا ماذا تقول عن الأرواح

هل أتت بالتناسخ كما يدعي أصحاب نظرية دارون.

راح تتعبيني يا بنت الناس . راني قلت بلي سيدنا عيسى خلقو ربي سبحانو في الرحم . يعني ماهوش خلق فوري ما ظهرش ضربة وحدة . علاه راكي تحرفي في هدرتي . الله يحفظك اقراي مليح .
الأيات اللي ذكرتيهم ما يقولوش بلي خلقوا ربي في الجنة راهي تقول بللي ربي سكنوا في الجنة بصح ما تقول والو على وين خلقو. انساي واش كنت تعرفي و كيفاش كنت تفهمي الأيات عاودي اقرايها كلمة كلمة و شوفي المعنى . كي تقول الأية "أسكن أنت و زوجك الجنة" نفهموا بلي سكنوا فيها مانفهموش بلي خلقوا فيها . وعلاه نزيدو من عندنا حاجة ماهيش مذكورة. النص كي يسكت على نقطة ما يوضحهاش علاه نتفلسفو حنا و نحبوا نرجعوه يعنيها بالسيف .

منين جبتي قصة انه كان من دون أعضاء ............. ؟؟؟ الأية من فضلك

أما قصة القردة و وعلاه ما تطورتش . ياخي قلتلك راني عطيتك جواب مختصر . الحاجة اللي ماعجباتكش في الجواب ناقشيني فيها. نقطة نقطة ماشي انتي ماتقدريش تردي تعودي تحوسي على المصدر و الصفحة و ماعلاباليش واش . في ميزك راني نجيب في الهدرة من راسي ؟؟؟ اصلا أنا في الجواب نتاعي ذكرت معلومات أي واحد يقدر يتحقق منهم . روحي للخريطة و حوسي على كينيا و الغابون و على الصدع الافريقي الكبير و على توزيع الحيوانات اقراي على العصور الجيولوجية والجليدية كي تلقاي بلي راني حطيت معلومة غالطة ناقشيني فيها و قوليلي راك غلطت في هذي النقطة . كي تشوفي بلي الraisonnement نتاعي غالط في نقطة ناقشيني فيها .
و إذا راكي مصرة تقولك ابحاث تحكي على الموضوع اذا تقراي بالانجليزية انا مستعد ان نبعثلك العشرات من البحوث و إذا تقراي بالفرنسية نعطيلك عنوان اصدار من ثلاث اجزاء نتاع مؤتمر دولي علمي شارك فيه 36 من اكبر المتخصصين . واش خص ثاني ؟؟ تحبي نسميهملك واحد واحد و الدرجة العلمية لكل واحد و وين يقري و واش من نقطة تركز عليها البحث نتاعو ؟؟؟

Centre Rayaumont pour une science de l'homme
L'unité de l'homme
Tome 1 le primate et l'homme
Tome 2 le cerveau humain
Tome 3 pour une anthropologie fondamentale
Présenté et commenté par massimo Piattelli-Palamrini
Edition du Seuil

و إذا عينك تقراي صح ننصحك تقراي ل Yves Coppens من اهم من كتب بأسهاب في تطور الانسان و انفصال النوع اللي تطورنا منو من القردة. قدامك الانترنت و اقراي قد ما قريتي ما راحش تخلصي .