لماذا تتصرف الزوجة العاملة كالفرعون في بيت زوجها ؟

[عكس التيار]

المشاركة الأصلية كتبت بواسطة ساحرة الجزائر

لان المراة العاملة هي مصدر قلق لزوجها حيث يتصور انه في اية لحظة يمكن ان تنزع منه اولاده وتهرب ولهذا يتصرف هكذا حتى يتأكد انها تحت امره .
---------------------------------------------

لا يا عكس التيار فزوج المرأة العاملة عايش كي السلطان يصرف شهريته في الاسبوع الاول وما يخافش من التحراق لأنه إحتياطي الصرف عنده موجود وهو شهرية زوجته.
في الأعياد والمناسبات الرجالة لخرين راهم يخمموا كيفاش يكسيو للاولاد أو يشريو الكبش وهو شايخ ..لأنه عنده شهرية اخرى
في الصيف الناس تاكلهم السخانة وهو الله الله يتبحر ويحوس كيف الباي بشهرية زوجته ....
في آخر الشهر الناس جيوبهم فارغين ويستناو في الشهرية وهو ماهواش مقلق ..لأن زوجته راهي قبضت الشهرية قبله ....


يا اخ إذا كان الزوجة تاعو مهنيتو وتعطيه الشهرية لاش يخاف تديلو لولاد ...واين رايحة تروح بيهم .......بقالها الماء يحمي .......راهي هي اللي لازم تخاف على روحها ..كون تروح وتخليها لأنها مسكينة غلبت من العمل في البيتوفي الخارج وبدات تظهر عليها علامات التعب ...
وهو مازالو صغير لأنه ماتقلقش بزاف في حياته .....
للحديث بقية لأني رايحة نطيب الكسرة .........صح فطوركم

لماذا تحسدين زوج العاملة ؟ ماشي خسارة فيه ؟ تتمنين الربح لاخوتك وتتمنين الخراب لدار زوجك ؟