مشاهدة النسخة كاملة : الى ام اسيد1 وكل وحدة حاصلة واش الطيب
ام حمزة22
2014-09-13, 10:01
السلام عليكم ورحمة الله تعالى وبركاته
صباح اللخيرات يا حراير الجزائر ان شاء الله تكونو بخير وعلى خير
اليوم جاتني فكرة ملي فطنت من النوم وهي دور في راسي
بعد ماقريت سابقا موضوع كانت حطاتو الاخت ام اسيد1
وهادا الرابط http://www.djelfa.info/vb/showthread.php?t=1662365
جاتني فكرت الموضوع لي راه في راسي وهو ان كل ما نطيب طياب نبعتلكم تشوفوه ونعطيلكم حتي الطريقة والمراحل
وما عنديش مشكل واش نطيب ما نحبش نبات ونصبح نخمم واش نطيب انا زوحي يقضيلي كل يوم جمعة يروح لسوق ويحيب واش كتب ربي ونحاول نطيب ونوع قدر المستطاع
الا عجبتكم الفكرة وشفت ردودك و حماسكم نبدا اليوم واش طيبت
اترككم في رعاية الله وحفضه
لي عودة بعد قليل بادن الله
ombouchra
2014-09-13, 10:28
يعطيك ربي ما تتمناي راكي نحيتي علينا جبل راني نستنا في جديد ديالك
ام سوهيل
2014-09-13, 11:08
بسرعة لا استطيع الانتضار اين انتي
iman dadou
2014-09-13, 11:53
يعطيك ربي ما تتمناي رانا نستنو فيك
ام حمزة22
2014-09-13, 12:01
سلام
سامحوني على الاطالة كي وجد الفطور ما قدرتش نصبر كليت وجيت
و ان شاء الله كل وحدةولا واحد شهيتو يسمحلي وان شاء الله تصيبو في الجنة احسن واطيب والد ما تشتهون
ام حمزة22
2014-09-13, 12:16
نبدا باسم الله
الطبق لي طيبتو اليوم كان من المفروض نطيبو بالجمعة لاكن زوجي كي راح للمرشي البارح جابلي السردين لهادا طيبت البارح السردين وخليت الكسكس لليوم
والطعام اي الكسكس ابنائي الدكور ما يكلوهش واحد يقولي يضرني وواحد يقولي فيه ريحت اللحم ساعات نديرلو طعام بالزبيب
وباش ما نتحرمش مالكسكس نطيبو ليا ولزوجي و البنات وهما نطيبلهم حاجا اخرى وما نحبش نكثرلهم من الفريت والبيض المقلي
ولهادا حضرتلهم طبق من سلطة متكونا من الباطاطا والبيض والجزر والمعدنوس والبصل وزيت الزيتون هي صحية ولديدة
درك نحمل صور الاطباق ونرسلهالكم
ام حمزة22
2014-09-13, 12:39
http://im57.gulfup.com/SMLSG5.jpg
http://im72.gulfup.com/Zbk0sS.jpghttp://im49.gulfup.com/pZScdF.jpg
هدا واش طيبت اليوم
fatiha hana
2014-09-13, 13:15
فكرة هايلة وخصوصا ادا كانت مرفوقة بالصور
ام حمزة22
2014-09-13, 13:17
نسيت نقللكم على الخضر لي شريتها هاد الاسبوع هي:
بطاطا
بصل
بدنجال
طرشي
قرعة
زرودية
شيفلور
خرشف
طماطم حب ومصبرة
ربطة معدنوس وربطة حشيش مقطفة
مع الروز و فواكه
اما السلطة اي الخص ما نشريهاش دايما لان انا وولادي ما عندنا حاجا فيها
اما عن اللحوم
ولادي كامل ما يكلوش اللحم والبعض ياكل الجاج والحوت طبعا الحوت المجمد هههه
والجاج كي نشري يوم الجمعة جاجة نقسمها على 2 اما هاد الجمعة الجاجة لي جابهالي زوجي صغيرة نقيتها درتلها ثوم وملح وفلفل اسود ودهنتها بالزبدة وحطيتها في المجمد باش نصيبها واجدة في وسط او آخر الاسبوع نحمرها مع طبق ارز او باطاطا بوري او فريت
هادي كل اسراري في المطبخ هههههههه
ونزيد نقللكم حاجة انا مانحبش نبات في الكوزينة نحب نطيب الصبح برك
الكوزييييييينة في الصباح حبيييييييبتي و في المساااااااء عدوتتتتتتتتتتتتتتتي
أم همام 2015
2014-09-13, 13:41
جزاك الله خيرا بزااااااااااااااااااااف ساعدتينا
سمسومة 05
2014-09-13, 15:13
جزاكي الله خيرا والله فكرتك روعة ننتظر جديدك
ام حمزة22
2014-09-13, 20:59
جزاك الله خيرا بزااااااااااااااااااااف ساعدتينا
جزاك الله بالمثل فرحتيني بمرورك الطيب
جزاكي الله خيرا والله فكرتك روعة ننتظر جديدك
جزاك الله بالمثل
كي عجبتكم فكرتي بادن الله نكمل معاكم باقي ايام الاسبوع
ام حمزة22
2014-09-14, 10:27
السلام عليكم وصباحكم سعيد
طبقي اليوم هو بطاطا مشرملة بالبادنجل وصوص تومات هو في الحقيقة طبق جانبي بصح انا نسميه رئيسي لان ندير كمية كبيرة لفطور والعشاء هو ينتكل بارد فالاصل لاكن نكثرلو لصوص تومات باش نقدر نسخنو في المساء
في الاول نقلي باطاطا ثم نزيد عليها البدنجال ونحضر الصوص لترافق هاد الطبق وهي متكونة من طماطم مرابية نزيدلها مغرفة مصبرة نضيف 2 ورقات رند نزيدلها ثوم مرابية ملح وفلفل اكحل وشوية زيت نخليها طيب كي نشوفها شربت شوية نضيفلها نصف كاس ماء ونخليها تغلي شوية ونطفي نار عليها تقدري تستغناي على الماء وتخليها تقيلة
ان شاء الله قدرت نوصللكم الفكرة
نخليكم مع الصور
انتضر ردودكم المشجعة
نسيت نقللكم عندي طريقة اخرى لتحضير هاد الطبق ويجي اروع وهو انك تستعملي بلا او طبق يدخل الفرن بدل الطنجرة وفوق طبقة للصوص تومات نضيف طبقة من البيشامال والجبن ونحمرو غير من الاعلى والله يجي ما ينشبع
بصحتكم
http://im55.gulfup.com/k1wZEZ.jpg
http://im75.gulfup.com/QFBcHv.jpg
http://im44.gulfup.com/CdQpmW.jpg
http://im83.gulfup.com/yY2bdV.jpg
om kamilia
2014-09-14, 11:08
سلمو يديك رب يحفظك
بارك الله فيك اختي ام حمزة فكرة هايلة ولكن المشكلة انه اولادي كل حاجة فيها المرق ما يكلوهاش لا جواز و لا شربة و لا طاجين يحوسواغير على القليان و انا ما يساعدنيش وقتي ضيق على 12 اذا افعل ماذا و كيف اتصرف.
ام سوهيل
2014-09-14, 15:35
يعطيك الصحة ام حمزة صخفتني السلاطة جزاك الله حير في اتنضار الجديد
ام حمزة22
2014-09-14, 15:37
سلمو يديك رب يحفظك
تسلمي حبيبتي بارك الله فيك وشكرا على التشجيع
ام حمزة22
2014-09-14, 15:55
بارك الله فيك اختي ام حمزة فكرة هايلة ولكن المشكلة انه اولادي كل حاجة فيها المرق ما يكلوهاش لا جواز و لا شربة و لا طاجين يحوسواغير على القليان و انا ما يساعدنيش وقتي ضيق على 12 اذا افعل ماذا و كيف اتصرف.
شكرا ليك حبيبتي
والله انا عندي نفس المشكل ولادي ما ياكلوش المراقي بصح ما نخليش هاد المشكل يعكرلي مزاجي وطيابي خاصتا في رمضان ناشف في ناشف ولادي ياكلو غير بالفرشيطة هههه نطيبلهم كثرتها لبلا في الكوشة
شوفي حبيبتي هاد ه الطبخة نتاع اليوم ما فيهاش بزاف المرقة وكيما قلتلكم كي طيبي لصوص تقدري تخليها تقيلة وما تزيديلهاش النصف كاس ماء وخاصتا ولا درتيها في الفوغ بالبيشامال والفرماج جي روعة ولادي يموتوعليها
حاولي بدل المقلي ديري اطباق في الفرن راهي جي ناشفة وصحية
ربي يحفضلك وليداتك
ام حمزة22
2014-09-14, 15:57
يعطيك الصحة ام حمزة صخفتني السلاطة جزاك الله حير في اتنضار الجديد
الله يسلمك ام سهيل مشكورة
قوليلي ام سهيل واش رايك في طبق اليوم
بارك الله فيك با ام حمزة فكرة هايلة و مفيدة انا ما نروحش لاسوق داثما قليل وين اروح ماعلاباليش بلي زاه كاين الخرشف كاين لازم نقل لزوجي يجبهولي رانى نموت علبه
مشكورة اختي ام حمزة الله يجازيك
من متتبعات صفحتك باذن الله
حبيت نسالك كيفاش تحتافظي بالخضرة مدة اسبوع بلا ما تفسد
والخرشف تقصدي بيه القرنون او الخرشف الي نعرفوه قصب بالورق
قوليلي كيفاه تنظفيه وكيفاه طيبيه
ام حمزة22
2014-09-14, 20:27
بارك الله فيك با ام حمزة فكرة هايلة و مفيدة انا ما نروحش لاسوق داثما قليل وين اروح ماعلاباليش بلي زاه كاين الخرشف كاين لازم نقل لزوجي يجبهولي رانى نموت علبه
مشكورة اختي ام حمزة الله يجازيك
من متتبعات صفحتك باذن الله
حبيت نسالك كيفاش تحتافظي بالخضرة مدة اسبوع بلا ما تفسد
والخرشف تقصدي بيه القرنون او الخرشف الي نعرفوه قصب بالورق
قوليلي كيفاه تنظفيه وكيفاه طيبيه
سلام
مشكورة على المرور
حبيباتي الخرشف هداك الطويل بالاوراق كيما قالت ام ضافر حفضها الله
بادن الله الا حيانا ربي في الغد نطيبو بالباطاطا والمرقة حمرة هدا يجي بلا لحم
كاين لي يطيب باللحم بمرقة بيضاء و بلا باطاطا
حفضكم الله
ام ضافر الخضر تبقالي مليحة في التلاجة
ام حمزة22
2014-09-14, 20:30
تكرمي أختي أكلات رائعة
شكرا حبيبتي اسعدني مرورك وزادني تشجيعا
بارك الله فيك
سمسومة 05
2014-09-14, 23:24
رووووووووووووووووووووووووووووووووووعة
أم أسرار
2014-09-15, 09:23
بسم الله الرحمان الرحيم
السلام عليكم أختي أم حمزة بارك الله فيك على المجهود و كيما سهلتيها علينا ربي يسهلها عليك
بصح ديري بالك راكي تشهي فينا ماشي بعيد تلقاينا عند باب دارك ههههههههههه:1::1::1::1:
http://www14.0zz0.com/2014/09/15/11/905454115.jpg
ام حمزة22
2014-09-15, 10:25
رووووووووووووووووووووووووووووووووووعة
شكرا حبيبتي بارك الله فيك
بسم الله الرحمان الرحيم
السلام عليكم أختي أم حمزة بارك الله فيك على المجهود و كيما سهلتيها علينا ربي يسهلها عليك
بصح ديري بالك راكي تشهي فينا ماشي بعيد تلقاينا عند باب دارك ههههههههههه:1::1::1::1:
http://www14.0zz0.com/2014/09/15/11/905454115.jpg
وعليكم السلام شكرا ليك اختي حب ووصال والله يا اختي انا في اول الصفحة قلت فيها جميع لي تشها يسامحني ان شاء الله تصيبو احسن الاكلات في الجنة
ولي حبت تتفضل مرحبة بيها هادا يسعدني كثيرا
ام حمزة22
2014-09-15, 10:32
حبيباتي اليوم كيما وعدتكم طيبت الخرشف بالبطاطا وصورت طريقة تنضيفو كيما طلبت مني ام ضافر حفضها الله
وانا نقي في الخرشف راح زوجي حفضه الله يشري لحليب والخبز كالعادة صاب السردين في تريقو شراه هادا من حض واحد مولادي ما يحبش الخرشف بصح ياكل البطاطا لي طيب معاه
المهم درك نبعتلكم الصور وان شاء الله تكون مفهومة
ام حمزة22
2014-09-15, 10:51
سامحوني النت راهي شوية تقيلة ما حبوش يطلعولي تصاور
ام حمزة22
2014-09-15, 11:03
http://im90.gulfup.com/tifqlU.jpg الخرشف طويل وعندو في الاعلى اوراق انا الجهة لي فيها الاوراق ما نستعملهاش
هدا واش نستعمل
http://im62.gulfup.com/YxHFjy.jpgنقيه مليح من الخيوط لي فيه من الداخل والخارج اي في قلب الخرشفة وفي الجهه الخلفية كيما راكو تشوفو في ها الصورة والصورة الموابية
http://www13.0zz0.com/2014/09/15/12/292290959.jpg
http://im63.gulfup.com/MBnwrX.jpg هنا كي نقي الخرشفة من الخيوط د يالهت نقطعها قطع صغار وفي نفس الوقت ننزعلها بعض الخيوط
ام حمزة22
2014-09-15, 11:17
http://im73.gulfup.com/L9sUR2.jpgهنا نغسل مليح الخرشف
http://im66.gulfup.com/f6L0Ti.jpg نحطو في قدرة يطيب
http://im54.gulfup.com/3Ue6r7.jpg في نفسااوقت نحضر الباطاطا نقطعها بشك دوائر نضيفلها درسة متكونة من فلفل دريس وثوم وملح ونزيدلها شوية عكري وزيت ونخليها تتقلة شوية بعد ما تتقلة يكون الخرشف طاب نرميه فوق الباطاطا ونمرق الطنجرة
http://im86.gulfup.com/GrfdBr.jpg
http://im70.gulfup.com/jwiPmS.jpg
http://im50.gulfup.com/QenoXj.jpg في الاخير نضيف نص ملعقة طماطم مصبرر نحللها في ماء دافي ونمرق بيه الجواز ونخليه يشرب شوية ونطفيه
ام حمزة22
2014-09-15, 11:35
هادا اامونو نتاع اليوم سامحوني على الشهوات شهيتكم في الجنة
http://im50.gulfup.com/ryIrv8.jpg
من بعد نحطلكم طريقة تحضير السردين وقرسة نتاع الفرينة ودرست السردين لي رتكم تشوفو فيها
ام حمزة22
2014-09-15, 12:54
بعد ما نقي ونغسل السردين مليح نحطو يقطر فالكسكاس
http://im87.gulfup.com/7fEWBR.jpg هنا نضيفلو الدرسة وهاد الاخيرة متكونة من فلفل دريس وثوم وكمون ندرسهم بالمهراز او نضيفلهم شوية ماء ونخلطهم بالخااط الكهربائي نخليه يتشرب مليه الدرسة وبنتها من بعد نرمد في الفرينة
والفرينة لي تقعدلنا بعد ما رمدنا فيها السردين ما نرميهاش نضيفها في الدرسة لي قعدتنا في الاناء نزيدلها شوية زيت و ملح ونطمها بالماء نشكلها قرسات ونقليها ولادي يموتو عليها
http://im48.gulfup.com/RFHmbI.jpg
http://im58.gulfup.com/0UszaN.jpg
الله الله يعطيك 10000 صحة على هديك الماكلة سيرتو القرسة جامى شفتها
ان شاء الله نجربها
أم أمين2007
2014-09-15, 15:18
والله فكرتك رائعة
ومشكورة على مشاركتنا طاولتك يوميا
وشهيتيني فالخرشف نحبو مرقة بيضاء بالحميصة لا يعلى عليه
وقرصة الفرينة امي مازالت تعملها
ام حمزة22
2014-09-15, 16:10
الله الله يعطيك 10000 صحة على هديك الماكلة سيرتو القرسة جامى شفتها
ان شاء الله نجربها
الله يسلمك
جربي القرسة زشوفي تولي ما تقدريش تستغناي عليها
شكرا على المرور الطيب
والله فكرتك رائعة
ومشكورة على مشاركتنا طاولتك يوميا
وشهيتيني فالخرشف نحبو مرقة بيضاء بالحميصة لا يعلى عليه
وقرصة الفرينة امي مازالت تعملها
عفوا حبيبتي وشكرا على مرورك الطيب
انا تان نديرو بيض باللحم والحميصة يجي ما ينشبع كيكا قلتي لا يعلى عليه
ربي يحغضلك الوالدة
ماشاء الله جزائرية حرة انا الخرشف انطيبوا مرقة بيضاء بالحمص و الدجاج او اللحم او طعام مرقة بيضاء ابالدجاج او حتى ضعام مرقة حمراء بدون لحم نعملها جمبوا اي نوع و ادا كان ما عنديش ما نعملش و نحب نعمللها 2حبات طماطم مرحية باه يخثر المرقة وتبننها على فكرة احنا في ورقلة الخرشف ماتكونش فيه هديك لمرارة الي مولفة اتشوفها في خرشف العاصمة احنا هنا نقدروا ما نرموش الماء اللي اطيب فيه الخرشف اسر ما اعرفتوش اعلاه انتاع العاصمة مر وانتاع الصحراء حلو والاالخرشف اتبدل
ام حمزة22
2014-09-15, 17:59
اشكرك على المرور الطيب
صح عندك الحق الخرشف مر لازم نرمي الماء لي يغلي فيه ونديرو في الجواز بدون الماء ديالو خاصتا خرشف للصيف لان غرشف الشتاء يجي طري ويتيب بلخف وهاد الغرشف نتاع اليوم ما جا يطيب بسف تقولي رانينطيب في البقري هههه بصح كي طاب جا روعة
الله يحفظلك ذوك اليدين يافحلة
الخرشف خرجلك روعة بصح حنا مازال ما خرجش عندنا
وقرصات الفرينة والله حاجة جديدة عليا وزيد اقتصادية حاجة ماترميها
الله يقويك اختي ............في المتابعة
ام حمزة22
2014-09-15, 20:55
الله يسلمك ربي يحفضك
يعطيك الصحة على ردودك هادا يزيدني تشجيعاو تقدما
مشكووووووووووووورة
ام حمزة22
2014-09-16, 09:50
سلام صباحكم اسعد
طبق اليوم هو ضولمة
كاين بزاف النساء المحطين بي يقولولي الضولمة تشد اليد
بالعكس انا اسهل شيء عندي الضولمة الدليل انعا زجدت على9 صباحا
البهارات المستعملة في الحشو فلفل اسود و ملح فقط اما في المرقة قرفة فلفل اسود وملح
نخليكم مع الصور والشرح
قبل مانحطلكم الصور نقللكم اللح المفروم لي ستعملتو كان في المجمد ادا سالتوني عن اللحم ما ينحطش في المجمد لازم تستعمليه يوم لي شريتيه ان نقلك اللحم المفروم نشريه ونحطو في المجمد لاكن كي نشريه وهو في ساشيتو نقسمو على 2 ما نمسوش بيدي هاكدا ما يخسرش ويفعد على حالو والدليل راكم تشوفوه في الصورة بشرط كي تجبديه من المجمد و هو جامد خودي سكين وكسريه طراف طراف هو يجيك شوية صعيب بصح باه تضمني ما يفسدلكشhttp://im52.gulfup.com/PVFIcf.jpg
http://im81.gulfup.com/A3hhq1.jpg هدا الحشو كيما رتكم تشوفو انا زدتلو اضافة مع المكونات لي مالفين بها هي قلب القرعة او للكوسة لي خويناها او فرغناها زدناه مع الحشو هاد يزيدلو بنة و يزكة
http://im87.gulfup.com/Alll2P.jpg هنا نشوف حتى البطاطا ما نرموش قلبها نقليه مع البصل ونحط فوقو الخضر لي عمرناها بالحشو وهي الباطاطا والقرعة و الطرشي كيما راكم التشوفو في الصورة التالية
http://im58.gulfup.com/ctdAEn.jpg
http://im89.gulfup.com/yMa0Fs.jpgهنا نشوف الحشو لي قعدلي درتو بولات كي تغلي المرقة نضيفو مع الضولمة
http://im75.gulfup.com/gL25t9.jpg بعد ما تقلى البصل والباطاطا نضيف الخضر المحشية ونمرق الطنجرة كي تبدة تغلي نضيفلها للبولات نتاع اللحم والحميصة كنت طيبتها من قبل نص طياب ودرتها في المجمد وطبعا الفلفلة الحارة ما نقدرش نستغنى عليها في الضولمة
وهااااااااااادا هو طبق اليوم
http://im61.gulfup.com/LWyAPS.jpg
بصحتك الدولمة تاكلوها بالصحة والهنا
انا اليوم هو السوق الاسبوعي عندنا نقيت الثلاجة وننتاظر في الخضرة
درت درت لقيت عندي شوي عدس طيبتو مع كسر رخسيس و سلاطة خضرة والحمد لله
وعندي ولدي لكبير ما يحبش البقوليات كامل حيرني راني فيضتلو البيض على جالو ولكن والله تمنيت نحيلو هذي العادة وياكل كل شيء مثلنا
ام حمزة22
2014-09-16, 11:45
صباح الخير ام ضافر راكي غير انت تابعي فيا وعلى جالك نكمل المشوار
بصحتك العدس شهيتيني
انا ولادي يكلو البقوليات بصح غير في فصل الشتاءهههههههههه
ربي يحفضك ويحفضلك ابنائك
sidali 2007
2014-09-16, 12:11
صباح الخير ام ضافر راكي غير انت تابعي فيا وعلى جالك نكمل المشوار
بصحتك العدس شهيتيني
انا ولادي يكلو البقوليات بصح غير في فصل الشتاءهههههههههه
ربي يحفضك ويحفضلك ابنائك
صباح لخير ام حمزة يعطيك الصحة انا راني نتبع فيك من وراء كوليس هههههه غير كملي
كل ليوم نضرب طلة وان شاء الله ريحة نتبع طريقتك بارك الله فيك
يعطيك الصحة أختي ام حمزة على المجهود انا من محبي الخرشف خصوصا لما قريت على فوائده الغذائية فهو يساعد الكبد على تطهيرالجسم من السموم على هذا انا لما نقيه نحتفظ بالاجزاء الخارجية نقيهم و نديرهم في مرق الطعام(الكسكس) نهار الجمعة يعطوا بنة مليحة و فائدة. .
راني شفت الدولمة والله عجبتيني ماكاش قليان وتبان بنينة غادي نجربها بالفلفلة خضرا معمرة عمري ما درتها في المرق انا نشويها نقيها ونعمرها و نستفها في طبق ندير عليها صوس طماطم وندخلها فالفرن.و نزيد معاها البطاطا المقلية العضو الدائم هههههههههه
ام محمد انيس
2014-09-16, 16:24
Rani men motatabiik mais le calavier tai mafihch arbia c'est pour ca naadjez nekteb
ام حمزة22
2014-09-16, 17:26
صباح لخير ام حمزة يعطيك الصحة انا راني نتبع فيك من وراء كوليس هههههه غير كملي
كل ليوم نضرب طلة وان شاء الله ريحة نتبع طريقتك بارك الله فيك
صباح الانوار شكرا على الرد هادا يشجعني بارك الله فيك كملي طلي علية غير مالعوينة راكي مسامحة
يعطيك الصحة أختي ام حمزة على المجهود انا من محبي الخرشف خصوصا لما قريت على فوائده الغذائية فهو يساعد الكبد على تطهيرالجسم من السموم على هذا انا لما نقيه نحتفظ بالاجزاء الخارجية نقيهم و نديرهم في مرق الطعام(الكسكس) نهار الجمعة يعطوا بنة مليحة و فائدة. .
الله يسلمك اختي
عندك الحق الخرشف عندو فوائد كبار ولهادا اقنعت ولادي باه يكلوهبصح يكلوه غير بالباطاطا
راني شفت الدولمة والله عجبتيني ماكاش قليان وتبان بنينة غادي نجربها بالفلفلة خضرا معمرة عمري ما درتها في المرق انا نشويها نقيها ونعمرها و نستفها في طبق ندير عليها صوس طماطم وندخلها فالفرن.و نزيد معاها البطاطا المقلية العضو الدائم هههههههههه
حبيبتي صدفات الفلفل يزيد النص في الضولمة جربها و رديلي بالخبر
ندير ضولمةفالكوشة بصح ما ندرلهاش الفلفل ندير غير القرعة والبطاطاونديرلها صوص بيشامال والفرماج جي روعة
rani men motatabiik mais le calavier tai mafihch arbia c'est pour ca naadjez nekteb
شكرا ام محمد انيس بارك الله فيك
انا حبيت نساعد وما لقيتش الردود قلت الموضوع مايهمش
لالاغير كملي اختي ام حمزة راهم يتبعو كامل فيك ولكن يتفنينو على الرد
ماتحرميناش من وصفاتك
ام حمزة22
2014-09-16, 20:14
شكرا على للتشجيع ام ضافر بارك الله فيك
صباح النور اختي أم حمزة اسعدني ردك واصلي ما تبخليش علينا بتدابيرك حبيت نقولك راني جربت الفلفلة معمرة مرق درتها مع البطاطا والكورجات عمرتهم بالداند مطحون جات روعة الفلفلة عطات نكهة هايلة للمرق حبوها الاولاد وأبوهم .
ام حمزة22
2014-09-17, 09:32
صباح الانوار حبيبتي
بصحتكم مطرح مايسري يمري
اسعدتني بردك وساواصل بادن الله
ام حمزة22
2014-09-17, 10:11
سلام
طبق اليوم هو من المعجنات (المقرون)
http://im77.gulfup.com/LnrA97.jpg طريقتي في تحضير الصوس هي نقطع طوماطيش بعد ما نحيلها الزريعة ونضيف حبة بصل نقطعها طراف كبار كيما راهي تبانلكم نضيف سنينات ثوم ورند وعكري وطماطم مصبرة ملح و فلفل اكحل ونضيف كمية معتبرة من الزيت
http://im63.gulfup.com/koMiO8.jpg هنا نضيف كمية قليلة من الماء حوالي كاس ونص او2
http://im64.gulfup.com/M5YvGm.jpg طابت المرقة ديالنا
http://im59.gulfup.com/XJkNMi.jpg نرحيها بالخلاط الكهربائي او اي رحيوة تكون عندنا وهادا طبعا بعد ما نحي الرند مالمرقة
http://im70.gulfup.com/LCaoKf.jpg وهادي نصيحتي للمبتدات لازم المعجنات كي طيب نشللها مليح بالماء البارد باه ما تبقاش معجنة وتتلاسق
http://im69.gulfup.com/hDZ7ow.jpg
http://im74.gulfup.com/NEalIE.jpg
شكراااااااااااا على المتابعة
مممممممممم جوعتيني طبق ساهل إقتصادي ويبان لذيذ و هاذا ما يحبوا الاولاد خصوصا مع الجبن مرحي شوفي اختي أم حمزة انتي حطي الطبق في الصباح و انا نطبقوا في المساء.:19:
سمسومة 05
2014-09-17, 10:28
يعطيك الصحة روووووووووووووووووعة ومشكورة على مجهوداتك
ام حمزة22
2014-09-17, 10:53
مممممممممم جوعتيني طبق ساهل إقتصادي ويبان لذيذ و هاذا ما يحبوا الاولاد خصوصا مع الجبن مرحي شوفي اختي أم حمزة انتي حطي الطبق في الصباح و انا نطبقوا في المساء.:19:
ما يكون غير خاطرك حبيبتي
وبهاد الطريقة اي طريقة الصوس البنة ديالو ما تحتاجش الجبن
صدقيني ولادي كل ما يكلو المعجنات يقولولي اليوم جا هايل وقيلة كثرتي الفرماج ههههه
ما نكدبش عليك ساعة نديرو بالفرماج ساعات ﻻﻻ
ونديرو في الكوشة بالبيشامال والجبن بنتو جي لا تقاوم ههه
ام حمزة22
2014-09-17, 10:58
يعطيك الصحة روووووووووووووووووعة ومشكورة على مجهوداتك
الله يسلمك
مرورك اسعدني وزادني تسجيعا
مشكووووووووورة
صباح الخير ام حمزة
لما تخلطي الصوص والمقارون ترجعيه يتجمر شوي والا تسربيه مباشرة في الاطباق لانو المقارون راكي بردتيه بالماء
عندي شوي مرقة زيتون لراجلي ونكمل بالمقارون ان شاء الله للاولاد يحبوها
السلام عليكم أختي الفاضلة بارك الله فيك وفي بيتك
عندي فقط سؤال : هل يستهلك هذا الطبق في المساء كذلك أقصد صباحا ومساءا
مشكلتي أن الأولاد لا يحبون نفس الأكل صباحا ومساءا
وشكرا
ام حمزة22
2014-09-17, 19:40
صباح الخير ام حمزة
لما تخلطي الصوص والمقارون ترجعيه يتجمر شوي والا تسربيه مباشرة في الاطباق لانو المقارون راكي بردتيه بالماء
عندي شوي مرقة زيتون لراجلي ونكمل بالمقارون ان شاء الله للاولاد يحبوها
عدرا حبيبتي هدا وين دخلت وقيلة راح الحال بصح ماعليش ا نجاوبك نجاوبك على سؤالك صح المقارون بردتو بصح نخليه حتى قريب يجو ولادي يفطرو نسخنو شوية
اعتدر مرة ثانية
السلام عليكم أختي الفاضلة بارك الله فيك وفي بيتك
عندي فقط سؤال : هل يستهلك هذا الطبق في المساء كذلك أقصد صباحا ومساءا
مشكلتي أن الأولاد لا يحبون نفس الأكل صباحا ومساءا
وشكرا
وعليكم السلام اختي بارك الله فيك
انا نطيب فطور وعشاء وهاد الطنجرة نسخنها في وقت الفطور وكي تبرد الطنجرة نحطها في الثلاجة باش ما يقراصليش المقارون وفي العشاء نسخنو غير على نار قلييييييييلة واش نقلك لعشية يزيد بنة على بنة
شكرى على المرور الطيب
ام اياد ولؤي
2014-09-17, 20:33
مشكورة حبيبتي على المجهود رانا فالمتابعة وعجبتني طريقتك فالطياب
ام حمزة22
2014-09-17, 21:15
عفوا بارك الله فيك
مشكوووووووووووووورة
ام حمزة22
2014-09-18, 09:44
سلام
صباحكم سعيد
طبق اليوم هو( باقات الشفلور المقلية مع البطاطا المقلية )
http://www.foxpic.com/V0HMxN61.jpg] المرقة نحضرها ببصلة حميصة قرفة فلفل اكحل ملح وزيت
اما العجينة لي نقلو بيها الشفلور تتكون من بصل معدنوس ملح فلفلاكحل وكاس حليب حبة بيض و3مغارف فرينة معمرين مليح انا كنت نستعمل غير البيض بصح درك اكتشفت هاد الطريقة هي اقتصادية
http://www.foxpic.com/V35yW4vq.jpgهنا نغطس البوكي نتاع الشفلور في الخليط من بعد نقليه
[http://www.foxpic.com/V1GD3fF1.jpgمرقتنا وجدت والبوكيات والبطاطا وجدو نصيحتي ما تكثريش المرقة باه كي جي تصخنيها الشفلور والبطاطا ما يتشمخوش بالمرقة ويسخنو غير ببخار المرقة لي تسخن يقعد هاد الطبق على حالو حتى في المساء
[http://www.foxpic.com/V0J7WSs4.jpgهدا طبقنا اليوم
نسيت نقللكم على طريقة ديروها باش ما تخرجش ريحت الشيفلور كي يكون يغلي وكامل نعرفو الريحة القاسحاة عند غليان الشفلور
والطريقة هي وضع البابة نتاع الخبز في الماء لي يغلي فيه الشفلور (البابة هي الابيض لي يجي داخل الخبز)
صباح النور يا أختي الفاضلة
المقارون درته البارح جا هايل خصوصا فكرة انك تشليه بالماء ما جاش معجن bravo
و اليوم درتي طياب زمان مممممم عجبتني فكرة البيض و الفرينة نجربها إن شاء الله و نردلك الخبر
ام حمزة22
2014-09-18, 10:40
صباح الانوار صدفات
شكرا حبيبتي و ردودك تسعدني خاصتا انك راكي جربي الاطباق وتعجبك بصحتكم
بارك الله فيك
ombouchra
2014-09-18, 12:08
نشكرك بزاف اخت ام حمزة بصحة فطورك جاك يشهي
ارتحتلك بزاف اذو اطباق معظم الجزئريين ماشي ديما يتوفر اللحم وكل واحد و الميزانية ديالو
ممكن اضافة اذا سمحتيلي زيدي في الخليط تاع الشفلور ملعقة صغيرة خميرةكيميائية باه ايجي خفيف هدا عن تجربة
اما عن درسة تاع الفلفلالاحمرطريقتك صح لكن هناك خطوات اخرى انا هدي الطريقة اعتمدتها على ماما
عاوديه في الرحيوة تاع اليد في الرقيق باه تنحيلو القشور و يجيك رطب ثم ديريه فوق النار زيديلو شوية زيت وخلطيي على نار هادية بالاك يلصقك ينشف من الما وما يخخسرلكش و ادا عندك حبة الحلاوة مرحية ضيفيهالو ماشي لازم لكن تعطيه ريحة شابة
اتمنى ان يعجبكي ردي واصلي و رانا معاك
ام حمزة22
2014-09-18, 12:23
ردك اسعدني كثيييييييييييييراااااااااااااااااااااااا
مادا بيا كل وحدة تدخل تحب تزيد اضافة تتفضل على الرحب والسعد
اما عن الفلفل الاحمر يعطيك الصحة ام زوجة اخي اعطاتني وصفة مثل وصفتك بارك الله فيك
مشكووووووووورة
ام انيس2
2014-09-18, 16:06
بارك الله فيك وشكرا على مساعدتنا والله نهار كامل واحنا حايرين واش نطيبو
oumyacine
2014-09-18, 16:28
yatik saha wassili rana mtab3ine m3ak :mh31:
بصحتك البروكلو
فعلا لاحظت انك ماتعتامديش على اللحم بزا في طيابك ولا على جومبو لتعويض البنة
طيابك بسيط وصحي وفي متناول اي ربة بيت
سعدات اسرتك بيك
بارك الله فيك و جزاكي كل خير
متابعين ان شاء الله
ام حمزة22
2014-09-18, 19:41
بارك الله فيك وشكرا على مساعدتنا والله نهار كامل واحنا حايرين واش نطيبو
شكرا ان شاء الله استفدتي من الموضوع
yatik saha wassili rana mtab3ine m3ak :mh31:
الله يسلمك بادن الله ساواصل مادام راكم تابعوني
بصحتك البروكلو
فعلا لاحظت انك ماتعتامديش على اللحم بزا في طيابك ولا على جومبو لتعويض البنة
طيابك بسيط وصحي وفي متناول اي ربة بيت
سعدات اسرتك بيك
الله يسلمك حبيبتي
ولادي ما يحبوش اللحم لهادا ما نطيبوش اما عن الجومبو عمري ما استعملتو البنة جي بلا بيه كي نقلي مليح الجواز ونخليه يطيب على نار قليلة يجي بنين
بارك الله فيك و جزاكي كل خير
متابعين ان شاء الله
شكرا رحيل جزاك الله بالمثل
سمسومة 05
2014-09-18, 22:21
يعطيك الصحة والله هنيتي كل ربة بيت تخمم كل يوم وش دير الغداء والعشاء وبافكارك البسيطة والرائعة نلقاو احلى الاطباق شكرا لكي
يعطيك الصحة جربت القرسة مع السردين حاروا فيها معرفوهاش وكى داقوها عجبتهم قالولى
ديما ديريها
ام حمزة22
2014-09-19, 09:11
يعطيك الصحة والله هنيتي كل ربة بيت تخمم كل يوم وش دير الغداء والعشاء وبافكارك البسيطة والرائعة نلقاو احلى الاطباق شكرا لكي
الله يسلمك ربي يقدرني ونكمل معاكم
شكرا على مرورك الطيب
يعطيك الصحة جربت القرسة مع السردين حاروا فيها معرفوهاش وكى داقوها عجبتهم قالولى
ديما ديريها
الله يسلمك و بصحتكم والحمد الله كي عجبتهم انا ولادي ساعات نكون مزروبة ونديرلهم القرسة يزعفو علية
ام حمزة22
2014-09-19, 09:29
السلام عليكم ويومكم سعيد
انا لليوم خداني تفنيين ما نتش بكري
با ه نربح الوقت خرجت الجاجة من المجمد لي كنت تبلتها ودهنتها بالزبدة ورشقتلها حبات الثوم في انحاء اطرافها وغيرها نحيتها من الساشي نتاع المجمد ونصيحتي لكل وحدة فيكم ما تستعملش الساشيات لي ملونين فيهم مادة تمرض نستعمل ساشي ابيض شفاف خاص للمجمد وهادا متوفر في كل المحلات
نولي للجاجة بعد ما نخرجها من المجمد نحطها في ساشي خاص بالفرن تاني راه متوفر هاد الساشي ديري فيه الجاج ولا اللحم ولا الحوت ولا الخضرة والفرن يقعد نضيف ما يتوسخش بقطرات الزيت كلش يقعد فالساشي
ما نطولش عليكم بالهدرة ونقدملكم الجاجة
http://im46.gulfup.com/94lzRd.jpg
http://im85.gulfup.com/SikyJE.jpg
http://im82.gulfup.com/Z8S4bN.jpg
نسيت نقللكم نزيدو شوية زيت في الساشي لي نديرو فيه الجاج باه تكون عندنا كمية معتبرة من الصوس خاصتا الا درنا الروز معاها
انا اليوم طيبت مع الجاجة فريت راني وجدت الباطاطا كي يلحق قريب الوقت للفطور نبدا نقلي فيها باه تقعد سخونة
وفي المساء باه مانزيتش ندخل للكوزينة راني نغلي شوية روز هههههههه
من بعد راني نكمللكم صورالطبق للجاهز
ام حمزة22
2014-09-19, 13:21
سلام
في المساء بادن الله نكمل تقديم الطبق
متاسفة اليوم الكوزينة داتلي وقتي مع ترتيب الخضر في التلاجة وتحضير حلوة هداك هو الحساب
اما الان سامحوني راني رايحة نزور اهلي ككل يوم جمعة
اترككم في رعاية الله وحفضه
بارك الله فيك ام حمزة طيابك ساهل وبنين استفدت بزاف من خبرتك ,:19:انا تاني نحب ندخل للكوزينة مرة وحدة في اليوم مي انا نخدل في المساء وندير عشا وغدا :d
شكرا على مجهوداتك و جزاك الله كل خير
سلام عليكم وجمعة مبارك كنت نحوس حت لقيت موضوعك هايل :19:
بارك الله فيك اختي ام حمزة فكرة هايلة ولكن المشكلة عندي وليدي كل حاجة فيها المرق ما يكلهاش غيرقليان :mad:
اليوم طيبت مسفوف بالجلبنة حنا كليناه بالبن ولا وليدي بالرايب :mad:
أدورك نروح نواسيلهم المبسس نشربو بيه القهوى .:D
انتصار فاطنة
2014-09-19, 17:59
الله يبارك ام حمزة 22 موضوعك في القمة وراه ينحي الغمة على كثير من السيدات
ام حمزة22
2014-09-19, 19:38
بارك الله فيك ام حمزة طيابك ساهل وبنين استفدت بزاف من خبرتك ,:19:انا تاني نحب ندخل للكوزينة مرة وحدة في اليوم مي انا نخدل في المساء وندير عشا وغدا :d
شكرا على مجهوداتك و جزاك الله كل خير
عفوا اختي شكرا على الرد مرورك اسعدني
سلام عليكم وجمعة مبارك كنت نحوس حت لقيت موضوعك هايل :19:
بارك الله فيك اختي ام حمزة فكرة هايلة ولكن المشكلة عندي وليدي كل حاجة فيها المرق ما يكلهاش غيرقليان :mad:
اليوم طيبت مسفوف بالجلبنة حنا كليناه بالبن ولا وليدي بالرايب :mad:
أدورك نروح نواسيلهم المبسس نشربو بيه القهوى .:d
وعليكم السلام اختي كرونو مرورك اسعدني
اما عن انواع للماكولات انا طعام ساعات ثان نديرو 2انواع واحد نديرلو مسفوف بالزبيب والاخر بالجلبانة دايما كاين اشكالات والفريت ما نحبش نديرو بزاف
بصحتكم المسفوف والمبسس
مشكوووووووووورة
الله يبارك ام حمزة 22 موضوعك في القمة وراه ينحي الغمة على كثير من السيدات
الله يسلمك مرورك اسعدني وان شاء الله تكوني فرحانة بجدارة
مشكووووورة
ام حمزة22
2014-09-19, 20:27
مساء الانوار للجميع
نكمل واش بديت في السباح واعتدر مرة ثانية
http://im50.gulfup.com/lszaE6.jpg هادا طبق اليوم
مع طبق الصباح و باش ما ندخلش للكوزينة لعشة غليت شوية روز مع الصوص لي تحصلنا عليها كي حمرنا الجاجة نزيدلها شوية ماء وملح وفلفل اكحل ونرجعها تغلي شوية من بعد نرحيها في الخلاط الكهربائي تصبحلنا صوس تقيلة وبنينة كي يغلي الروز نغسلو مليح بالماء باه يبرد وما يجيناش يتلاسق نخليه يقطر ونضيفلو حميصة كنت طيبتها من قبل وحطيتها في المجمد ونضيف لاصزص ونزيد شوية جاج هاكدا دربنا عصفرين بحجر واحد هههههه
نخليكم مع الصور وان شاء الله يكونو مفهومين
http://im46.gulfup.com/wZHpdD.jpg
http://im52.gulfup.com/5CkA8x.jpg
http://im50.gulfup.com/VeF8H0.jpg
http://im69.gulfup.com/iicOBy.jpg
http://im88.gulfup.com/UP6vWm.jpg
http://im48.gulfup.com/Jl5nBC.jpg
ام حمزة22
2014-09-19, 20:30
مساء الانوار للجميع
نكمل واش بديت في السباح واعتدر مرة ثانية
http://im50.gulfup.com/lszaE6.jpg هادا طبق اليوم
مع طبق الصباح و باش ما ندخلش للكوزينة لعشة غليت شوية روز مع الصوص لي تحصلنا عليها كي حمرنا الجاجة نزيدلها شوية ماء وملح وفلفل اكحل ونرجعها تغلي شوية من بعد نرحيها في الخلاط الكهربائي تصبحلنا صوس تقيلة وبنينة كي يغلي الروز نغسلو مليح بالماء باه يبرد وما يجيناش يتلاسق نخليه يقطر ونضيفلو حميصة كنت طيبتها من قبل وحطيتها في المجمد ونضيف لاصزص ونزيد شوية جاج هاكدا دربنا عصفرين بحجر واحد هههههه
نخليكم مع الصور وان شاء الله يكونو مفهومين
http://im46.gulfup.com/wZHpdD.jpg
http://im52.gulfup.com/5CkA8x.jpg
http://im50.gulfup.com/VeF8H0.jpg
http://im69.gulfup.com/iicOBy.jpg
http://im88.gulfup.com/UP6vWm.jpg
http://im48.gulfup.com/Jl5nBC.jpg
فاطمة1987
2014-09-19, 21:59
ماااااااااااااااااااااااااااشاء الله عليك موضوعك اكثر من رائع ربي يبارك فيك راني متابعة معاك
فاطمة1987
2014-09-19, 22:05
سؤال اختي علاش نقلعو الزريعة من الطماطم علاش زعما
ام هاديل وياسين
2014-09-19, 22:39
الله يبارك فيكي ام حمزة انا كنت نتابعك غير فالخياطة اتاريكي
طباخة ومدبرة منزل ماشاء الله عليكي اختي
انا ولادي مايحبوش المرق تلقايني غير نخمم ونهار اللي ياكلو المرق هذاك نهار عندي عيد
مهبليني و باه ياكلولي حاجة فطروها ونزيد نحطهالهم في العشاء مستحيل
لازم نزيدلهم حاجة معاها وانا كرهت من الكوزينة زيدي عونينا بكاش افكار وربي يجازيك كل خير
ام امجد14
2014-09-20, 10:40
ربى يبارك فيك اختىىىىىىىىىى
موضوع رائع لو تتفضلي وتنورينا في الكوزينة واش قلت ؟
ام حمزة22
2014-09-20, 11:29
ماااااااااااااااااااااااااااشاء الله عليك موضوعك اكثر من رائع ربي يبارك فيك راني متابعة معاك
الله يسلمك شكرا على المرور ربي يحفضك
سؤال اختي علاش نقلعو الزريعة من الطماطم علاش زعما
زعما باش ما جيش قارصة الصوص
الله يبارك فيكي ام حمزة انا كنت نتابعك غير فالخياطة اتاريكي
طباخة ومدبرة منزل ماشاء الله عليكي اختي
انا ولادي مايحبوش المرق تلقايني غير نخمم ونهار اللي ياكلو المرق هذاك نهار عندي عيد
مهبليني و باه ياكلولي حاجة
لازم نزيدلهم حاجة معاها وانا كرهت من الكوزينة زيدي عونينا بكاش افكار وربي يجازيك كل خير
شكرا ليك ام هديل انا من يوم مسابقة جوهرة رمضان وليت مدمنة قسم الطبخ
ولادي تاني ما يكلوش المراقية بصح كي نطيب ما نديرش لاصوص بزاف في الطنجرة وكي نسقيلهم نحاول ما نسقيلهمش المرقة
ولادي ياكلو غير بالفرشيطة ههههههه
ربى يبارك فيك اختىىىىىىىىىى
الله يسلمك اختي بارك الله فيك
موضوع رائع لو تتفضلي وتنورينا في الكوزينة واش قلت ؟
شكرا ام امجد واش مالكوزينة حبيبتي
ام حمزة22
2014-09-20, 11:33
عندي نصف ساعة وانا نحاول نحمل الصور ما حبوش يطلعولي
ساحاول مرة تانية وان شاء الله تصدقلي هاد المرة
ام سهام 02
2014-09-20, 12:10
بارك الله فيك ام حمزة موضوع راااااااائع
ام حمزة22
2014-09-20, 12:13
شكرا ليك ام سهام بارك الله فيك
ام حمزة22
2014-09-20, 12:16
مازلني نحاول التحميل
حاولت مع جميع مراكز التحميل الصور ما حبتش تطلع ما علاباليش وين راه المشكل لكان فللنت الردود ما تلحقش
ساحااااااااااااااااااااااااااااول انتضروووووووووووونيييييييييي
الدر المكنون 7
2014-09-20, 15:31
بارك الله فيك موضوع في القمة ، مشكورة على المجهودات المبذولة الله يجعلها في ميزان حسناتك
في انتظار واش طبختي اليوم
فاطمة1987
2014-09-20, 16:30
السلام عليكم كيف الحال
اليوم جربت المقارون تاعك واااااااااو رائع بنين بزاف كنت خايفة منه لانو مفيهش اللحم بصح خرج تحفة لاصوص وهي
تطيب ريتحها تشهي يعطيك الصحة بزاف كنت حابة نصور بصح باتري الع لاباراي كملت ان شاء الله نعاوده ونصور
راكي شجعتني نجرب وصفاتك قاع ان شاء الله
فاطمة1987
2014-09-20, 16:32
اه شكرا على الاجابة والله معلابالي ومجربتش نحاول نعرف حتى شفت وصفتك وقلت نسالك لاني دايما منديرش على هذ الخطوة في طياب
ام حمزة22
2014-09-20, 20:14
سلام
فرحت كي قدرت نحمل الصور بصح كي نكتب ونبعتلكم راحت النت
المهم
طبق اليوم هو طجين الزيتون
نقلي زرودية وبصل و ثوم زعفران ملح قرفة فلفل اكحل و2 ورقات رند
نغلي الزيتون باه نقس الملوحة لي فيه
نصفي الفطر من الماء لي فيه
نكون كويرات اللحم المفروم كنت تبلتو بفلفل اكحل وملح فقط
بعد مت طيب زرودية نضيفلها الزيتون والفطر واللحم المفروم
نخلي النكهات تنسجم مع بعضها هههههه
نقص شوية مرقة دات النكهة القوية الرائعة
ونخليها لطبق المساء وهو الفلوفون باه نضرب عصفرين بحجر كي العادة هههههه
والطنجرة ديالنا ما نخليلهاش المرقة بزاف ولادي ما يحبوش المراقي بزاف
وزدت مع الطبق مقلة بطاطة
ما نطولش الهدرة النت راهي تروح وجي
http://im86.gulfup.com/UkermR.jpg
http://im88.gulfup.com/U7wdUI.jpg
http://im54.gulfup.com/I8KmkA.jpg
ا
ام حمزة22
2014-09-20, 20:38
بارك الله فيك موضوع في القمة ، مشكورة على المجهودات المبذولة الله يجعلها في ميزان حسناتك
عفوا شكرا على المرور بارك الله فيك
في انتظار واش طبختي اليوم
اهلييييييييييييين حبيبتييييييييييييي
السلام عليكم كيف الحال
اليوم جربت المقارون تاعك واااااااااو رائع بنين بزاف كنت خايفة منه لانو مفيهش اللحم بصح خرج تحفة لاصوص وهي
تطيب ريتحها تشهي يعطيك الصحة بزاف كنت حابة نصور بصح باتري الع لاباراي كملت ان شاء الله نعاوده ونصور
بصحتكم
كانت مرت لوسي دايما تقولي مستحيل ولادي يكلو المقارون بلا لحم ملي ولات طيبو بلا لحم يكلوه و يعجبهم
مرورك اسعدني مشكوووووورو
راكي شجعتني نجرب وصفاتك قاع ان شاء الله
اه شكرا على الاجابة والله معلابالي ومجربتش نحاول نعرف حتى شفت وصفتك وقلت نسالك لاني دايما منديرش على هذ الخطوة في طياب
عفوا بارك الله فيك
ام حمزة22
2014-09-20, 21:04
سلام
صح عشاكم
هدا طبق العشاء
http://im67.gulfup.com/G0xQaU.jpg
سمسومة 05
2014-09-20, 22:08
الله يبارك روووووووووووووووووووعة يعطيك الصحة
بصحتك الغداء والعشاء
الله يمتعكم بيهم
راكي بديتي تخدميهالي هذي الخدمة تاع غداء منو عشاء ببعض التصرف طبعا
فكرة مليحة ولكن يبغيلها تكتيك حتى يتحول الطبق بقدرة قادر لطبق اخر بدون تعب وهكذا نتهناو من الكوزينة شوي لوكان نلقى الي تشريها عليا نبيعها
فكرة الفولفون روعة ساهلة وواجدة وزيد خفيفة للعشاء
قوليلي الفولفون خدمتيه والا شريتيه واجد
يعطيك الصحة موضوع يستاهل 5نجوم.
صباح النور حبيبتي هل من جديد راني طبقت فكرة عصفورين بحجر واحد ولكن انا راني ندير عشاء وفطور الفكرة لاقت إستحسان من زوجي و تذمر من الاولاد و ساعدتني كثير و ربحت الوقت شكرا مرة اخرى والسلام عليكم.
وين راكي يا أم حمزة ماشي عوايدك واقيلة la connectionدرتها بيك
ام حمزة22
2014-09-21, 11:30
سلام
صباحكم سعيد
طبق اليوم اكيد يحبوه كامل ولادكم وهو غراتان الباطاطا بالشفلور
تقدري ديري بطاطا وحدها بهاد الطريقة كما تقدري ديري شفلور وحدو
نغلي شفلور ديالنا
نقطع البطاطا ديالنا دوائر نضيفلها ملح و زيت و نمرقها ونحطها فالفرن طيب شوية
بكري كانت البطاطا طيابة نحطلها كامل اللوازم ديالها ونطيبها
اما درك الباطاطا ا طيبش مليح وتقعد يابسة
لقيت هاد الطريقة باه نضمن الطياب الجيد+النكهة
وهي كما قلت وكيما راكم التشوفو نطيب الباطاطة شوية من بعد نضفلها الشفلور + الجبن+زبدة+بيض+حليب
البيض والحليب نخلطهم نضيفلهم شوية ملح نضربهم ونحطهم فوق البلا
كنت من العادة نستعمل الجبن الابيض العادي اليوم زوجي غلط وجابلي جبن دو نكهة رائعة وزاد فالطبق نكهة رووووووووعة
الجبن بنكهة الثوم والاعشاب راني حطيتلكم الصورة جربوه وردولي بالخبر
http://store1.up-00.com/2015-08/1439914682384.jpg
http://store1.up-00.com/2015-08/1439914682263.jpg
http://store1.up-00.com/2015-08/1439914682172.jpg
http://store1.up-00.com/2015-08/1439914682081.jpg
http://store2.up-00.com/2015-08/1439914532515.jpg
http://store2.up-00.com/2015-08/1439914532424.jpg
http://store2.up-00.com/2015-08/1439914532323.jpg
فاطمة1987
2014-09-21, 11:57
طبق يشهي تاع اليوم يعطيك الصحة
ام حمزة22
2014-09-21, 12:03
الله يبارك روووووووووووووووووووعة يعطيك الصحة
الله يسلمك سمسومة
مشكوووووورة
بصحتك الغداء والعشاء
الله يمتعكم بيهم
راكي بديتي تخدميهالي هذي الخدمة تاع غداء منو عشاء ببعض التصرف طبعا
فكرة مليحة ولكن يبغيلها تكتيك حتى يتحول الطبق بقدرة قادر لطبق اخر بدون تعب وهكذا نتهناو من الكوزينة شوي لوكان نلقى الي تشريها عليا نبيعها
فكرة الفولفون روعة ساهلة وواجدة وزيد خفيفة للعشاء
قوليلي الفولفون خدمتيه والا شريتيه واجد
الله يسلمك ام ضافر
لالا انا ما نبيعش كوزينتي انا نموت عليها فالصباح بل اعشقها هي حبيبتي لاااااااكن في المساء عدوتي هههههه
الفولوفون شريتو واجد
يعطيك الصحة موضوع يستاهل 5نجوم.
الله يسلمك وشكرا على النجوم والمرور الطيب
صباح النور حبيبتي هل من جديد راني طبقت فكرة عصفورين بحجر واحد ولكن انا راني ندير عشاء وفطور الفكرة لاقت إستحسان من زوجي و تذمر من الاولاد و ساعدتني كثير و ربحت الوقت شكرا مرة اخرى والسلام عليكم.
صباح الانولر صدفات
شوفي حبيبتي ولادك بالطول يوالفو لازم انت تعرفي تخدمي الحيلة معاهم
وين راكي يا أم حمزة ماشي عوايدك واقيلة la connectionدرتها بيك
راني معاكم حبيبتي لا لا اليوم ماشي الكونيكسيون
كنت نوجد في باترون كانو طلبوه في قسم الخياطة لقيتهم سبقوني للخير ربي يقدرنا لفعل الخير
ام حمزة22
2014-09-21, 12:06
طبق يشهي تاع اليوم يعطيك الصحة
الله يسلمك
علابالي راح يعجب معضمكن
ممممم طبق لذيذ و لكن البطاطا كي تبرد تقساح و لما تعاودي تسخنيها تبقى قاسحة كاش حيلة عندك لهاذا المشكل.
ام فروحة
2014-09-21, 14:36
مشكورة اختي ام حمزة والله غير ساعدتيني بلبزاف ان شاء الله يكون في ميزان حسناتك يارب
ام حمزة22
2014-09-21, 15:04
ممممم طبق لذيذ و لكن البطاطا كي تبرد تقساح و لما تعاودي تسخنيها تبقى قاسحة كاش حيلة عندك لهاذا المشكل.
صح عندك الحق كي تبرد تقساح بصح كي تقطعيحا رقييييييييييييقة مليح وتخلي شوية بزيادة الصوص فالبلا من بعد كي تبرد تسخينها يكون على نار قليلة وخليها حتى تغلي كيما يقولو ولادي راكي تعاوديلها الطياب هههههه
مشكورة اختي ام حمزة والله غير ساعدتيني بلبزاف ان شاء الله يكون في ميزان حسناتك يارب
آمين اختي ردك اسعدني وزادا في تشجيعي بارك الله فيك
مشكوووووووورة
واو واو رائع واكثر من رائع الله يخلي ايامك ساهلة كيما راكي تسهلي علينا الكوزينة شكرا لكي
نبض الفؤاد
2014-09-21, 18:24
شكرا ليك اختي ام حمزة......موضوع جميل......انا وحدة ساعدني بفكرة انك تطيبي فطور وتبتكري حويجة للعشاء......لانه ما عندناش غير الكوزينة......هذا حنا اللي قاعدين في الدار.....الله يكون في عون اخواتنا العاملات........
ام حمزة22
2014-09-21, 19:31
شكرا ليك اختي ام حمزة......موضوع جميل......انا وحدة ساعدني بفكرة انك تطيبي فطور وتبتكري حويجة للعشاء......لانه ما عندناش غير الكوزينة......هذا حنا اللي قاعدين في الدار.....الله يكون في عون اخواتنا العاملات........
عفوا حبيبتي نبض اسعدني مرورك
وكيما قلتي الله يكون في عون اخواتنا العاملات
مشكورة على مرورك الطيب
واو واو رائع واكثر من رائع الله يخلي ايامك ساهلة كيما راكي تسهلي علينا الكوزينة شكرا لكي
ربي يحفضك ويخليك يعطيك الصحة
مشكورة على المرور الطيب
يعطيك الصحة اختى الله يفرج عليك كيما راكى تفرجى علينا بالافكار نتاوعك
انا مرات نحبو نخرجوا نحوس شوية لعشية بصح يكون دايما عندى مشكل العشا هادى فكرة
الكوزينة مرة فى الصبح برك هايلة:19:
سمسومة 05
2014-09-21, 22:52
يعطيك الصحة والله افكارك روعة وراكي تعاوني بزاف اللي ديما حايرين في الغدا والعشاء وهكا راكي تسهلي في المهمة ربي يحفظك ويخليك لعائلتك تستاهلي كل خير
ام حمزة22
2014-09-22, 10:05
يعطيك الصحة اختى الله يفرج عليك كيما راكى تفرجى علينا بالافكار نتاوعك
انا مرات نحبو نخرجوا نحوس شوية لعشية بصح يكون دايما عندى مشكل العشا هادى فكرة
الكوزينة مرة فى الصبح برك هايلة:19:
الله يسلمك اختي ان شاء الله يفرج على كل مومن
طيبي غير للصباح وتهني وروحي تحوسي بصحتك
ما تنسايش تحطي الاكل ديالك في التلاجة باه ما يقراسش خا صتا فالسخانة
يعطيك الصحة والله افكارك روعة وراكي تعاوني بزاف اللي ديما حايرين في الغدا والعشاء وهكا راكي تسهلي في المهمة ربي يحفظك ويخليك لعائلتك تستاهلي كل خير
الله يسلمك سمسومة مروركم يزيد يشجعني
مشكوووووووورة
ام حمزة22
2014-09-22, 10:37
سلام
صباحكم سعييييييييييييييد
طبقي لنهار اليوم هو (المقلوبة)
هو طبق سوري يندار فالصنية ويدخل الفرن من بعد كي يطيب نقلبوه في صحن آخر لتقديم
لااااااااكن انل عندي طريقتي الخاصة و باه يكون طبق الصباح والمساء نديرو في طنجرة
نحتاج ل*روز نغلوه من بعد نشلوه مليح اه ما يقعدش معجن
نحتاج لصدر او نصف صدر دجاج حسب المقدور نطيبوه بحبة بصل صغيرة +ملح +فلفلاكحل+قرفة كي يطيب نفتتوه ونحطوه بجيه
نحتاج لبدنجال نقليه ونستفو فالطنجرة بهادا نتحصل على للطبقة لللولى وهي طبقة بادنجلل مقلي + طبقة الروز + طبقة الجاج +طبقة الروز ثم نضيف المرق لي طيبنا فيه الجاج
والطبقة الاخيرة طماطم مقلية في شوية زيت اقوووووول شويييييييية زيت
كي نكمل كل الطبقات نرجع الطنجرة فوق النار تكون قلييييييييييييييييييلة ربع ساعة على الاقل
بدون اطالة نخليكم مع الصور
http://store2.up-00.com/2015-08/1439914532232.jpg
http://store2.up-00.com/2015-08/1439914532151.jpg
http://store2.up-00.com/2015-08/1439914296336.jpg
http://store2.up-00.com/2015-08/1439914296144.jpg
http://store2.up-00.com/2015-08/1439914296043.jpg
http://store2.up-00.com/2015-08/1439914295942.jpg
ما ننساش نقللكم الطبق لي طيبوه في الصباح لازم تحطوه في التلاجة للعشاء هادا باه ما يقرسش خاصتا في الصيف
يومكن سعيييييييييييييييد
ويومك أسعد إن شاء الله
الارز يتشرب المرق كيفاه تسخنيه من بعد و لا تستعملي الميكروؤند
المقلوبة نسمع عليها طبق سوري ولكن عمري ماجربتها معاك بانتلي ساهلة bravo bravo bravo و على كل طبق نزيدلك وحدة
ام هاديل وياسين
2014-09-22, 11:14
وصباحك اسعد ام حمزة
الله يبارك اطباقك هايلة وراكي تعونينا بزاف كي ما اليوم سهلتي علي في تحظير العشاء
رايحة ندير هذا الطبق وندعيلك الله يوفقك اختي ويزيدك خير على خير
ام حمزة22
2014-09-22, 11:22
وصباحك اسعد ام حمزة
الله يبارك اطباقك هايلة وراكي تعونينا بزاف كي ما اليوم سهلتي علي في تحظير العشاء
رايحة ندير هذا الطبق وندعيلك الله يوفقك اختي ويزيدك خير على خير
آمييييين ولك بالمثل حبيبتي
بالتوفيق وبصحتكم
بنت الطيب
2014-09-22, 11:31
يعطيك الصحة أختي أم حمزة فحلة ونص الله يبارك وين نروح نلقاك ربي يباركلك في وقتك وصحتك ويحفظلك العائلة
ام حمزة22
2014-09-22, 11:35
ويومك أسعد إن شاء الله
الارز يتشرب المرق كيفاه تسخنيه من بعد و لا تستعملي الميكروؤند
المقلوبة نسمع عليها طبق سوري ولكن عمري ماجربتها معاك بانتلي ساهلة bravo bravo bravo و على كل طبق نزيدلك وحدة
هادي طريقتي الخاصة فالمقلوبة
انا نسخنا فوق الفرن طبقة الرز لي في الاسفل تتشرب وتتخلط بنكهة البادنجال اما الطبقة العلية نتاع الروز تسخن غير بالبوخار ولادي كاين لي يحبو مشرب وكاين لي يحبو ناشف
وبهادا استعملت طريقة عصفرين بحجر واحد ههههههههه
ام حمزة22
2014-09-22, 11:41
يعطيك الصحة أختي أم حمزة فحلة ونص الله يبارك وين نروح نلقاك ربي يباركلك في وقتك وصحتك ويحفظلك العائلة
الله يسلمك حبيبتي واش راكي
بارك الله فيك
شكرا لك على المرور الطيب
https://encrypted-tbn2.gstatic.com/images?q=tbn:ANd9GcQsEkhuR2x4wTyA6sy0PmhPV0aHifPyq zl20OLQ75NBgq6kov_FEA44444444444
شكرا لكي جربت طبق البطاطا في الفرن وكلاوه وكملوه وقالولي عاودي ديريه
ام حمزة22
2014-09-22, 19:50
و الله نستعرف بك جنية
ههههههههههههههههه
https://encrypted-tbn2.gstatic.com/images?q=tbn:and9gcqsekhur2x4wtya6sy0pmhpv0ahifpyq zl20olq75nbgq6kov_fea44444444444
شكرا على المرور الطيب
شكرا لكي جربت طبق البطاطا في الفرن وكلاوه وكملوه وقالولي عاودي ديريه
عفوا بصحتكم
ام حمزة22
2014-09-22, 19:58
و الله نستعرف بك جنية
ههههههههههههههههه
https://encrypted-tbn2.gstatic.com/images?q=tbn:and9gcqsekhur2x4wtya6sy0pmhpv0ahifpyq zl20olq75nbgq6kov_fea44444444444
شكرا على المرور الطيب
شكرا لكي جربت طبق البطاطا في الفرن وكلاوه وكملوه وقالولي عاودي ديريه
عفوا بصحتكم
راني نستا واش طيبتي اليوم
اين انتي يا ام حمزة ما هو جديدك الان اسرعي اسرعي
ام حمزة22
2014-09-23, 10:34
سلام
صباح الخير عليكم يا وجوح الخير
اليوم كي العادة صبحت نوجد فالطبق نتاع اليوم فادا بزوجي شرالي سردين وصغير شوية و بطيت باه النقيه
حبيت نقدملكم طبق فالفور هو لازم يكون السردين شوية كبير بصح قلت ماعليش
ادن اليوم عندكم طبق بونوس هههههههه
درك نحمل الصور ونبعتلكم الطبقين
خيط الروح
2014-09-23, 10:44
السلام عليكم
راني من المتتبعات لموضوعك .. ما شاء الله
الله يعطيك الف صحة وعافية
ويجعلها في ميزان حسناتك
خيط الروح
2014-09-23, 10:47
انا طيبت اليوم عدس ابيض بالجاج و المعدنوس
راهو البرد عدنا .. هذا وش يليق مممم نموت عليه مع قرن حار هههههههه
وزدت معاه سلطة لسان الطير بالخضر مفورة
ام حمزة22
2014-09-23, 10:57
وعليكم السلام
شرفيتي موضوعي مرحبة بيك
بصحتك العدس انا تان نحبو بصح ولادي ما يكلوهش كي تكون الشمس طلة يكلوه غير فالبرودة
حنا فالعاصمة راه الريح بصح الشمس تحرق
ام سوهيل
2014-09-23, 10:58
الله يسلمك ام سهيل مشكورة
قوليلي ام سهيل واش رايك في طبق اليوم
شكرا ام حمزة ربي يحفدك عجبني طبق اليوم هايل وبنسبة للسلاطة كنت صايمة وجربتها وجتني هيلة يعطيك الصحة
لي عودة ان شاء الله لي بقيت المواضيع
ام سوهيل
2014-09-23, 11:14
شكرا ام حمزة ربي يجزيك ويحفدلك وليدك هنيتينا من التخمام انا كل مساء ندرب طلة على المواضيع ونشوف وش عندي ونحضره ربي يجزيك
ام حمزة22
2014-09-23, 11:20
طبق اليوم هو تشكشوكة بالفلفل وطماطم وحبة بدنجال
كنت ما نحبهاش بهاد الطريقة انا نحب نشوي الفلفل ونشوش الطماطيش والبدنجالبصح وحد النهار كنت عيانة ودرتهلهم بهتد الطريقة عجبتهم وقالولي زيدي ديريهالنا وانا قلت نبروفيتي مادام الفلفل راه حلو هاد نهارات
قطعت الفلفل والبدنجال وللبصل والثوم ملح وعكري نحطهم يتقلاو فالزيت
من بعد نرابي الطماطم كيما راكم تشوفو فللصورة راني نشرتلكم قشور الطماطم هداك ما يصلحش ههههه
نخلي الفلفل يطيب وما نضيفلو حتى قطرة نتا ع ماء باه يجي بنين يطيب على نار قليلة ثم نضيف الطماطم لي رابيتها ونزيد مغرفة مصبرة ونخليه يطيب غير بلاعقل على نار قليلة و ماااااااااااا نضيفش الماء انا راني طيبتها بلا ما نضيفلها قطرة ماء بصح جي البنة ماااااااااانقلكش
هي من المفروض نفقس عليها البيض لاكن بدون بيض وبشوية بطاطامقلية تاكلي عليها صوابعتيك ههههههههههه
http://im61.gulfup.com/aUhTXU.jpg
hhttp://im69.gulfup.com/lpGCYB.jpg
http://im78.gulfup.com/lxIVcD.jpg
http://im75.gulfup.com/hT8QeL.jpg
http://im83.gulfup.com/gI3CRm.jpg
http://im65.gulfup.com/YeiVBF.jpg
http://im53.gulfup.com/2ijebU.jpg
:19: الله يـبــــارك فـكـرة رائــــــــعة :19:
جزاك الله كل خير و جعـلها في ميـزان حسناتك
ام حمزة22
2014-09-23, 11:24
شكرا ام سهيل بصحتك وصيام مقبول ان شاء الله
لي عودة لطبق البووووووووونووووووووووسسسسسسسسسس
سلام
صباح الخير عليكم يا وجوح الخير
اليوم كي العادة صبحت نوجد فالطبق نتاع اليوم فادا بزوجي شرالي سردين وصغير شوية و بطيت باه النقيه
حبيت نقدملكم طبق فالفور هو لازم يكون السردين شوية كبير بصح قلت ماعليش
ادن اليوم عندكم طبق بونوس هههههههه
درك نحمل الصور ونبعتلكم الطبقين
ربي يعاونك انا نبغي السردين بصح ما نبغيش التنقية نتاعه
ام حمزة22
2014-09-23, 11:36
كيما قلتلكم من قبل
كنت نحضر في طبق اليوم زوجي حفضه الله وهو رايخ الخدمتو صاب بائع السردين ما قدرش يصبر عليه شراه ههههههه
نقيتو ونحيتلو الشةك ديالو ستفتو في سنية الفرن حطيت الطبقة الاولى بالطريقة لي راكم التشوفو فيها من بعد فاناء حطيت بصل + معدنوس + بيض + فلفل اكحل + ملح نخلط الكل ونضيفو فوق الطبة نتاع السردين
من بعد نغطيها بطبة اخرى من السردين
من بعد ضفيلو حبات طماطم وقارص ورند وشبحيه كيما تحبي انا شوية مخصوصة في تزيين الاطباق هههههههههه
نسيت ما حملتش الصور هههههههههههههههه
لي عودة بعد قليل بادن الله
http://im83.gulfup.com/NJuImJ.jpg
http://im88.gulfup.com/05OOug.jpg
http://im83.gulfup.com/xaynrU.jpg
http://im88.gulfup.com/4XDCIW.jpg
ام حمزة22
2014-09-23, 11:58
:19: الله يـبــــارك فـكـرة رائــــــــعة :19:
جزاك الله كل خير و جعـلها في ميـزان حسناتك
شكرا على المرور بارك الله فيك
ربي يعاونك انا نبغي السردين بصح ما نبغيش التنقية نتاعه
الله يسلمك
صح السردين نحبوه بصح التنقية نتاعو سامطة خاصتا كي تنحيلو شوكو
روح مراد
2014-09-23, 13:11
بارك الله فيك يا أختي
كثيرة هي مواضيع الطبخ في المنتدى و الوصفات و لكن موضوعك أجده الأول لأنه في الحقيقة يقدم أطباق يومية في متناول الجميع
الوصفات اللي تعودنا عليها عاونتنا بزاف و لكن سبقتيهوم تقدمي الوصفة الساهلة و الفكرة باش ما نخموش واش أنطيبو شكرا جزيلا
يا حنونتي على هاذ الطبق 44444444يبان روعة كي نجي عندكم ديريه و عيطيلي يعطيك الصحة
ام هاديل وياسين
2014-09-23, 15:32
بارك الله فيكي ام حمزة ولفتينا كل يوم طبق رانا نستناوك بلاكي تحبسي
تلقاينا عند الباب نطبطبو هههههه البارح درت المقلوبة جات هايلة الله يجازيك كل خير حبيبتي بتوفيق
ام حمزة راني رجعت باش نقولك راني نقصد السردين فهمتيني ماشي كي نجي دريلي شكشوكة
ام حمزة22
2014-09-23, 16:37
بارك الله فيك يا أختي
كثيرة هي مواضيع الطبخ في المنتدى و الوصفات و لكن موضوعك أجده الأول لأنه في الحقيقة يقدم أطباق يومية في متناول الجميع
الوصفات اللي تعودنا عليها عاونتنا بزاف و لكن سبقتيهوم تقدمي الوصفة الساهلة و الفكرة باش ما نخموش واش أنطيبو شكرا جزيلا
شكرا اختي مرورك اسعدني
يا حنونتي على هاذ الطبق 44444444يبان روعة كي نجي عندكم ديريه و عيطيلي يعطيك الصحة
مرحب بيك حبيبا
بارك الله فيكي ام حمزة ولفتينا كل يوم طبق رانا نستناوك بلاكي تحبسي
تلقاينا عند الباب نطبطبو هههههه البارح درت المقلوبة جات هايلة الله يجازيك كل خير حبيبتي بتوفيق
شكرا ليك ام هاديل
بصحتكم المقلوبة
حبيبتي مادام عندي ردود راني مكملة معاكم بادن الله تعالى الا حبست الردود نحبس
الا طبطبتي نفتحلك الباب مرحبة بيك
ام حمزة راني رجعت باش نقولك راني نقصد السردين فهمتيني ماشي كي نجي دريلي شكشوكة
ههههههههههههههههههههههههههه
فهمتك حبيبتي حتى انا ما رانيش رايحة نعرضك على شكشوكة ههههه
شكرا ام حمزة كل اطباقك 4444444444444444444444444444
سمسومة 05
2014-09-24, 00:08
روووووووووووووووعة حبيبتي والله راكي في القمة واطباقك مشهية شهيتيني في السردين لكن عندي استفسار لانو هذي الطريقة جامي شفتها فهميني يعني نحط السردين في البلا ماندهنوش بالزيت وكي نحط طبقة البصل والمعدنوس والبيض هل تكون كمية وفيرة تغطيه الكل ولا شوي برك وكي نغطي بطبقة ثانية من السردين وش نديرلو من الفوق بيض ولا طماطم وليمون برك لانو كي طاب يبان حطيتي عليه البيض من الفوق وقداه يطول في الفرن يعني اذا كان السردين كبير شوي يطيب مليح علابالي كثرت عليك وشكرا مرة ثانية
سمسومة 05
2014-09-24, 01:06
انا طيبت اليوم عدس ابيض بالجاج و المعدنوس
راهو البرد عدنا .. هذا وش يليق مممم نموت عليه مع قرن حار هههههههه
وزدت معاه سلطة لسان الطير بالخضر مفورة
حبيبتي بصحتكم وياريت تقوليلي كيفاه طيبي العدس الابيض وشكرا
طبق السردين جديد عليا حتى انا عمري مادرتو بالبيض
ولكن يبان يشهي
جاري التجريب ان شاء الله
يعطيك الصحة ام حمزة
خيط الروح
2014-09-24, 09:18
ما شاء الله
الله يباركلك في صحتك ام حمزة
انا جامي درتو بالبيض ... يبان يشهي
خيط الروح
2014-09-24, 09:34
حبيبتي بصحتكم وياريت تقوليلي كيفاه طيبي العدس الابيض وشكرا
الله يسلمك اختي
اولا استسمح اختي ام حمزة لاني ساكتب في موضوعها .. على كل حال هذا كله في ميزان حسناتها ان شاء الله ..
الحاجة الاولى لي نديرها نشمخ شوية عدس في ماء سخون باش تتنحى القشرة .. ونحكو بيدي و نصفيلو القشور اللي يطلعو
نقلي البصل و كي يكون الجاج نلوحو معاه يتقلى .. او نديرعضمة ولاّ شحيمة صغيرة نبنن بيها .. واذا ما كانش مانديرش
نقطع الخضرة قطع صغار جزر و بطاطا و كرافس .. ومرات كي تبقالي حبيبة فلفل او بسباس نستعملها كذلك باش ماتبقاش وحدها فالثلاجة ..ههه
وطبعا الملح و الفلفل الاسود
نقلي شوية و نلوح العدس ونمرق بماء سخون و نغلق عليه
قبل ما نطفي نزيد قرن فلفل
و في الاخير كي يوجد نقطعلو كمية معتبرة من المعدنوووووس وعصرة قارص
**** اذا كان لعدس تاعك مايطيبش تمتم .. خلي الخضر حتى من بعد مايدخلو الطياب باش تزيديهم ****
ام حمزة22
2014-09-24, 10:27
شكرا ام حمزة كل اطباقك 4444444444444444444444444444
لاشكر على واجب
شكرا على المرور الطيب
روووووووووووووووعة حبيبتي والله راكي في القمة واطباقك مشهية شهيتيني في السردين لكن عندي استفسار لانو هذي الطريقة جامي شفتها فهميني يعني نحط السردين في البلا ماندهنوش بالزيت وكي نحط طبقة البصل والمعدنوس والبيض هل تكون كمية وفيرة تغطيه الكل ولا شوي برك وكي نغطي بطبقة ثانية من السردين وش نديرلو من الفوق بيض ولا طماطم وليمون برك لانو كي طاب يبان حطيتي عليه البيض من الفوق وقداه يطول في الفرن يعني اذا كان السردين كبير شوي يطيب مليح علابالي كثرت عليك وشكرا مرة ثانية
شكرا حبيبتي
سمسومة قبل ما تحطي الطبقة الاولى نتاع السردين دهني السنية بشوية زيت حتى ولو ما دهنتيهاش ما عندو حاجة انت فوق الطبقة التانية ديري زيت فوق الطماطم والقارص ونزيد نضيف كاس ونصف ماء وهداك البيض لي شفتيه ملفوق هداك لي درتو فالوسط وكي كاب طلع الفوق وثاني اطباق السردين والحوت ما طولش فالطياب هي طرية وطيب بالخف
حبيبتي اسالي وانا نجاوبك ما تقوليش كترتي انا في الخدمة
حبيبتي بصحتكم وياريت تقوليلي كيفاه طيبي العدس الابيض وشكرا
طبق السردين جديد عليا حتى انا عمري مادرتو بالبيض
ولكن يبان يشهي
جاري التجريب ان شاء الله
يعطيك الصحة ام حمزة
جربيه ام ضافر ورجعلي بالخبر ان مضاق لااااااااااا يقاوم هههههههه
ما شاء الله
الله يباركلك في صحتك ام حمزة
انا جامي درتو بالبيض ... يبان يشهي
الله يسلمك اختي
اولا استسمح اختي ام حمزة لاني ساكتب في موضوعها .. على كل حال هذا كله في ميزان حسناتها ان شاء الله ..
الحاجة الاولى لي نديرها نشمخ شوية عدس في ماء سخون باش تتنحى القشرة .. ونحكو بيدي و نصفيلو القشور اللي يطلعو
نقلي البصل و كي يكون الجاج نلوحو معاه يتقلى .. او نديرعضمة ولاّ شحيمة صغيرة نبنن بيها .. واذا ما كانش مانديرش
نقطع الخضرة قطع صغار جزر و بطاطا و كرافس .. ومرات كي تبقالي حبيبة فلفل او بسباس نستعملها كذلك باش ماتبقاش وحدها فالثلاجة ..ههه
وطبعا الملح و الفلفل الاسود
نقلي شوية و نلوح العدس ونمرق بماء سخون و نغلق عليه
قبل ما نطفي نزيد قرن فلفل
و في الاخير كي يوجد نقطعلو كمية معتبرة من المعدنوووووس وعصرة قارص
**** اذا كان لعدس تاعك مايطيبش تمتم .. خلي الخضر حتى من بعد مايدخلو الطياب باش تزيديهم ****
راكي مسامحة حبيبتي الموضوع موضوعكم ولي عندها اي اضافة تتفضل
ام حمزة22
2014-09-24, 10:53
سلام
صباحكم سعيييييييييد
اولا اشكركم على المرور والردود المشجعة
طبق اليوم هو الضولمة فالكوشة
كنت قدمت طبق الضولمة من قبل هي نفس الوصفة لاكن بدون فلفل وبدون حميصة
ولي حابة تشوف الوصفة تلقاها في الصفحات السابقة
بعد ما طيبنا الضولمة فالطنجرة نستفها فالسنية ونوجد البيشامل
المرقة لي طيب فيها الضولمة نضيفها فالسنية باه في المساء كي نسخن الطبق ما يتحرقش
عندي طريقتي الخاصة في تحضير البيشامال وهي : رتلة حليب + فص ثوم مسكرفجة + ملح + فلفل اكحل+ 6 مغارف فرينة نصف كاس اتاي زيت نحط الكل فوق النار ونحرك حتى تعقد البيشاميل ديالنا من بعد نضيفلها شوية زبدة وشوية فرماج وتقدري ما ديرهمش نحط البيشامال فوق الطبق ونضيف الفرماج رابي وبهادا كملنا احلى والد طبق
http://im79.gulfup.com/BBGbcL.jpg
http://im69.gulfup.com/ykEEIv.jpg
http://im82.gulfup.com/9YRhvJ.jpg
http://im59.gulfup.com/CkFZD4.jpg
ام حمزة22
2014-09-24, 10:57
هتد الطبق تكرر مرتين راني نحيت واحد عدرا على الازعاج سببه النت
سمسومة 05
2014-09-24, 11:15
رووووووووووعة حبيبتي ام حمزة راكي فنانة واطباقك متميزة حنا في دارنا ماياكلوش البيشاميل وراني حابة نولفهم فيها ممكن حل ولا نصيحة باه تجيهم بنينة وانتي ماقلتيش على الفرينة في وصفتك وشكرا لانك افدتيني في وصفة السمك نجربها ان شاء الله ونردلك الخبر مشكووووووووووووووورة
صباح النور
اليوم سبقتيني حطيتي طبق اليوم قبل ما ندخل و كالعادة اطباقك مميزة لانها إقتصادية تفرح الميزانية و الأولاد
البارح درت البطاطا شرائح في الفرن بدون شوفلور ولادي ما يبغوهش درتله 2 فرماج شاف نتاع الطياب و حوالي 100غ
فرماج إدام صدقيني جا روعة كملوه كلاو و زادو إضطريت في الصباح نطيب العدس للفطور.
وطبق اليوم غادي نديره غدوة إنشاء الله.
ام حمزة22
2014-09-24, 12:37
رووووووووووعة حبيبتي ام حمزة راكي فنانة واطباقك متميزة حنا في دارنا ماياكلوش البيشاميل وراني حابة نولفهم فيها ممكن حل ولا نصيحة باه تجيهم بنينة وانتي ماقلتيش على الفرينة في وصفتك وشكرا لانك افدتيني في وصفة السمك نجربها ان شاء الله ونردلك الخبر مشكووووووووووووووورة
شكرا سمسومة
عندك الحق كاين بزاف ما يكلوش البيشاميل
انت جربي ديريها تقيلة وشوفي النتيجة
شكرا على التنبيه حتى المرقة نتاع الضولما ما قلتلكمش احتافضو بيها من بعد رجعوها لالطبق
صباح النور
اليوم سبقتيني حطيتي طبق اليوم قبل ما ندخل و كالعادة اطباقك مميزة لانها إقتصادية تفرح الميزانية و الأولاد
البارح درت البطاطا شرائح في الفرن بدون شوفلور ولادي ما يبغوهش درتله 2 فرماج شاف نتاع الطياب و حوالي 100غ
فرماج إدام صدقيني جا روعة كملوه كلاو و زادو إضطريت في الصباح نطيب العدس للفطور.
وطبق اليوم غادي نديره غدوة إنشاء الله.
شكرا صدفات
البطاطا غراتان تان نديرها ساعات وكما شفتي جي روعة
حبيبتي صدفات انا قبل ما نخرج من الكوزينة نغسل كامل الماعن لي خدمت بيهم الطبق ونخليهم يقطرو كي نفطر يكونو قطرو نرفدهم
وكي نقعد نكونكتي نكون كملت كامل شغل الدار
الضولمة جات روعة باينة تشهي ان شاء الله نجربها الزوج والاولاد يموتو على الاكل نتاع الفور بارك الله فيك
ام سوهيل
2014-09-24, 16:49
جزاك الله يا ام حمزة
ام حمزة22
2014-09-24, 21:23
شكرا على ردودكم بارك الله فيكن
ام حمزة22
2014-09-25, 09:16
سلاااااااااااااام
صباح الخير على وجوه الخير
اليوم راني دخلت بكري باه نقوللكم واش طيبت اليوم
اليوم نطيب بيتزا اقتصادية وسريعة التحضير
راني وجدت الصوص والعجينة مازال شوية وقت باه نحضرها
كاين نهارات نحضر بيتزا بالفطر والتون و اللحم المرحي ونكترلها الشيدار ما نكدبش عليكم مشي دايما نحضرها بهاد اللوازم
البارح بنتي صغيرة قالتلي راني متوحشة البيتزا وما عنديش هاد اللوازم في البيت وباش ما تقعدش في قلبها حضرتها بالموجود في البيت
راني حضرت اللوازم الاولى درك نبعتها باه نربح الوقت من بعد كي نحضر العجينة نبعتلكم الصور
ام حمزة22
2014-09-25, 09:28
لتحضير الصوس : طماطم حب ومصبرة + 1فلفل حلو + 1بصل + ملح + زيت + معدنوس
نقطع الخضرة اطراف ونحطها فالطنجرة نضيفلها الزيت والملخ ونغطيها بالماء ونخليها تدبال وتشرب شوية
من بعد نرحيها فالخلاط الكهربائي نخليكم مع صور الصوس والتحضيرات الاولية للبيتزا
http://im83.gulfup.com/3XsR1X.jpg
http://im87.gulfup.com/DLGkmJ.jpg
http://im82.gulfup.com/9Rq88L.jpg
نكمل بادن الله مراحل تحضير العجينة
من عوايدي نكيل العجينة عيني ميزاني علا جالكم درت الكيل باه تعرفو الكيل بالضبط
فالكيلو فرينة نضيف 2مغلرف غميرة نتاع الخبز + مغرفة سكر + ملح + كاس ونص زيت + كاس حليب
فالاول نحط الزيت والملح والخميرة والسكر ونبسسها بيدي حتى يدخل الزيت مليح فالفرينة من بعد نضيف الحليب والماء
ما نعجنش العجين نطمها ونغطيها ونخليها تخمر
نكسر العجينة ثم ندهنها بشوية زيت ونخليها خمر مرة 2
كي تخمر نحلها فالسنيوة فيها فرينة ما نديرلهازيت نضيفلها الطماطم والمعدنوس والزيتون
ملااااااحضة
باه ما نكسرش راسي ونخممواش نطيب في العشاء دوبليت كمية العجينة ودرتها في ساشي وخبيتها هي والصوس فالتلاجة
http://im78.gulfup.com/Iej2fS.jpg
http://im80.gulfup.com/cpyXcO.jpg
http://im44.gulfup.com/WrbDWi.jpg
http://im54.gulfup.com/tnESe7.jpg
http://im45.gulfup.com/7ckJIt.jpg
http://im88.gulfup.com/4PegeZ.jpg
http://im63.gulfup.com/zrSFT0.jpg
http://im72.gulfup.com/b1c7sD.jpg
http://im68.gulfup.com/RsGQjH.jpg
http://im62.gulfup.com/YUXUsm.jpg
[IMG]http://im43.gu
[IMG]http://im72.
وانا اليوم تاني معولة على بيتزا كيما انت بصح العشاء لازم حاجة اخرى يا درى واش رايحة ديلري هكذا باش نعاندك
ودمت ليناو ربي يحفظك .
صباح النور للغالية ام حمزة اليوم راني صايمة وجدت الحريرة فقط و العشية نخرج على الرابعة و النصف شوفيلي كاش طبق سريع نقدر نزيدو مع الحريرة.وشكرا مسبقا.
سمسومة 05
2014-09-25, 11:18
صباح الخير عليكم رانا نستناو فيك واكيد رايحة تخرج تهبل من يديك
ام حمزة22
2014-09-25, 12:47
وانا اليوم تاني معولة على بيتزا كيما انت بصح العشاء لازم حاجة اخرى يا درى واش رايحة ديلري هكذا باش نعاندك
ودمت ليناو ربي يحفظك .
حبيبتي ولا درتي بيتزا وما خليتيش شوية عجينة للعشاء راهي طفرت فيتك غير خمي من درك واش ديري عشاء هههه
مشكووووووووورة
صباح النور للغالية ام حمزة اليوم راني صايمة وجدت الحريرة فقط و العشية نخرج على الرابعة و النصف شوفيلي كاش طبق سريع نقدر نزيدو مع الحريرة.وشكرا مسبقا.
صيام مقبول بادن الله
بصحتك الحريرة مادا بيا نعرف مقادير الحريرة انا عمري ما درتها نطيب غير الشوربة
انا اسفة حبيبتي ما نقدرش نساعدك فالبلا 2
ولا نقلك دري بيتزا وسلطة
صح فطورك
صباح الخير عليكم رانا نستناو فيك واكيد رايحة تخرج تهبل من يديك
شكرا سمسومة
كي تشوفيها اعطيني رايك
انا بالانتضار
ام هاديل وياسين
2014-09-25, 13:36
يعطيك الصحة اختي ام حمزةاطباقك ساهلة وموجودة في كل بيت
و راني ديت فكرة عليك في لصوص تاع البيتزا الله يباركلك في صحتك وبتوفيق
ام سوهيل
2014-09-25, 14:27
شكرا ام حمزة انااليوم راني رايحة نبات عند عجوزتي وراني حضرة لمونة تع الوهرانية خرجتلي هايلة درة فيها كريمة اليمون في الوسط وطلينها بي الشكولاطة جانتي روعة للاصف ما تعرفش نطلع الصور في النات تصبحو على خير
ام حمزة22
2014-09-25, 16:39
شكرا ام حمزة انااليوم راني رايحة نبات عند عجوزتي وراني حضرة لمونة تع الوهرانية خرجتلي هايلة درة فيها كريمة اليمون في الوسط وطلينها بي الشكولاطة جانتي روعة للاصف ما تعرفش نطلع الصور في النات تصبحو على خير
بالسلامة ام سهيل سلمي على عجوزتك وبصحتكم لمونة خصارة ما شفناهاش
تصبحي بالف خير
يعطيك الصحة اختي ام حمزةاطباقك ساهلة وموجودة في كل بيت
و راني ديت فكرة عليك في لصوص تاع البيتزا الله يباركلك في صحتك وبتوفيق
الله يسلمك ام هديل لازم نعرف نمشي مع للمزانية ونحاول نقتصد و ما نبدرش
nano komni
2014-09-25, 17:31
[الله يعطيك الصحة اخت ام حمزة موضوعك جد رائع تقريبا وصفاتك مثل وصفاتي ممكن نعطيك فكرة اي تجربة اخرى في طريقتك في خرشف انا نعملو يتقلى مع البصل و للحم اذا وجد وبعد ارمي عليه بطاطة اي تمرقي ويطيب مع بعض جربي ورجعيلي الخبر لان لو غلتيه يفقد القيمة الغذائية لكن فكرتكي رائعة مشكوووووووووووووورة:mh31::mh31::mh31::mh31:COLOR="Blue"][/COLOR]
nano komni
2014-09-25, 17:33
[الله يعطيك الصحة اخت ام حمزة موضوعك جد رائع تقريبا وصفاتك مثل وصفاتي ممكن نعطيك فكرة اي تجربة اخرى في طريقتك في خرشف انا نعملو يتقلى مع البصل و للحم اذا وجد وبعد ارمي عليه بطاطة اي تمرقي ويطيب مع بعض جربي ورجعيلي الخبر لان لو غلتيه يفقد القيمة الغذائية لكن فكرتكي رائعة مشكوووووووووووووورة:mh31::mh31::mh31::mh31:COLOR="Blue"][/COLOR]
ام حمزة22
2014-09-25, 17:49
الله يسلمك اختي
اشكرك على المرور الطيب
واي فكرة او اضافة تحبي ضفيها مرحبة بيك
اما عن الخرشف هاداك لي ستعملتو كنت لازم علية نطيبو مليح لانو شارف وطول باه يطيب ونخاف نطيبو بلا ما نغليه يعود يجيني مربادن الله نجرب طريقتك ونشوف
مشكوووووووووووووووووروة
مرورك اسعدني
الله الله عليك بصحتك البيتزا لاصوص تقريبا كيما تاعي
نور الإسلام26
2014-09-25, 23:02
شكر علي اتبق التي توقدمها علي منتداة
سمسومة 05
2014-09-26, 00:23
يعطيك الصحة ام حمزة خرجتلك تهبل مشكورة على كل وصفاتك
ام حمزة22
2014-09-26, 07:30
شكر علي اتبق التي توقدمها علي منتداة
لاشكر على واجب
شكرا على المرور
الله الله عليك بصحتك البيتزا لاصوص تقريبا كيما تاعي
الله يسلمك
هاده الطريقة سهلة وما تطلبش وقت
يعطيك الصحة ام حمزة خرجتلك تهبل مشكورة على كل وصفاتك
الله يسلمك سمسومة
مشكووووووورة
ام حمزة22
2014-09-26, 07:40
سلاااااام
صباحكم فل ويومكم سعيد
طبقي اليوم هو رشتة
راني خرجت الجلج من المجمد ونستنى زوجي يجيبلي الخضرة والرشتة
الرشتة نشريها مخدومة تشبه لي نخدموها في البيت
انا نحب لي تخدم فالبيت كي لقيت الواجدة خداني تفنيين وليت نستعمل غير نتاع السوق بصح حقيقتا راهي جي رووووعة
ان شاء الله ما يحشمنيش ربي ويلقا زوجي الرشتة فالسوق ولا ما صابش ما شي مشكل ندورها حاجا اخرى ههههههه
الى الملتقى بادن الله
ام حمزة22
2014-09-26, 08:48
http://im75.gulfup.com/lIz4ur.jpg
هاد طبق الرشته من ارشيف صوري كنت حضرتو يوم تحصل ابني على شهادة لللسانس
دعواتكم اخواتي يصيب خدمة ويكمل الماستار
شكرا مسبقا
ام حمزة22
2014-09-26, 09:12
مازالني نستنى فالرشته
لاااااااكن بديت نحضر لطبق و دوزنت المرقة
مرقة الرشته ما نخلطش فيها بزاف التوابل والخضر
المقادير هي: الجاج + البصل + قرفة + ملح + فلفل اكحل + زيت + سمن + لفت + حميصة وانا الحميصة دايما نغليها من قبل ونحطها فالتلاجة وقبل ما نطفي على المرقة نضيفها
نقلي هاد المكونات منبعد نضيف شوية ماء حتى يتغطا الجاج
من جهة اخرى نحضر الرشته نحطها في صحفة ونفتحها ملي نديرلها شوية زيت باه ما تلسقش في بعضها ونحطها في الكسكاس اي فوق الجاج لي راه يطيب نخليهل تفور المرة الاولة كي تفور نحيها من الكسكاس ونضيفلها شوية ماء غييييير بالشوية ونحلها غييير بشوية في نفس للوقت مل ننساش ندوقهل ونشوف للا مفيها الملح كفاية ولاﻻﻻ وانا نشمخ فيها نضيفلها شوية ملح الا قانت ناقصة ملح
نخليها تتشرب هداك الماء
نروح نشوف الجاج الا طاب نحيه من القدرة ونضيف لللفت باه طيب فالقدرة بعد ما نحينا الجاج
نولي لرشتة تكون تشربت الماء نضيفلها قطرات زيت او سمن ونحاول ننفكها غير بلعقل على بعضاها ونرجعها تفور المرة التانية
بعد ما تفور نحطهل فالصحفة وندهنها بالسمن
ونولي لمرقتنا ندوقها ونشوف الا مخصوصة توابل نضيفلها خاصتا القرفة قد ما تكتري جي بنينة الرشته دواها القرفة وسمن كي يكون بنين
ان شاء الله ما نكونش نسيت حاجة ولا نسيت لي تدخل وتشوف ناقص تدكرني
مازلني نستنت فالقضيان7
تفضلو الصور ة الاولى راني دوزنت المرقة
http://im56.gulfup.com/NhAO91.jpg
[QUhttp://im49.gulfup.com/Vk8VB0.jpg
[QUhttp://im70.gulfup.com/b4TsQa.jpg
http://im70.gulfup.com/gaxqLd.jpg
http://im80.gulfup.com/rnsmgT.jpg
http://im85.gulfup.com/fG23x7.jpg
http://im83.gulfup.com/LQagIL.jpg
http://im85.gulfup.com/LdSDkz.jpg
http://im79.gulfup.com/2aKCCy.jpg
http://im68.gulfup.com/HRBBwE.jpg
http://im50.gulfup.com/YIQjcY.jpg
[اخواتي الرشته نتاع السوق شوية لازملهت معاملة خاصة مشي كيما تتخدم فالبيت بصح هادي لي شريتهت تشبه بزاف لي نخدمها
المهم كي تشمخو الرشته ردو بالكم تكترولها الماء رشو غير بلعقل وعينكم ميزانكم كاين لي تشرب بلخف وكاين لي ما تشربش
اننبهة للكمية لي ستعملتها انا باه رشيت الرشته راه يبانلكم فالصوره الليان لي عمرتو بالماء فالصورة الاولة معمر والتانية نتقص شوية
أمنية غفران
2014-09-26, 11:06
ربي يجازيك أختي أم حمززة و يحفظك...........
عجبني موضوعك و ان شاء الله نولي نضرب طلة هنايا و نحط طياباتي ادا ما فيش مشكل .........سلامو
أمنية غفران
2014-09-26, 11:15
سلام صباحكم اسعد
طبق اليوم هو ضولمة
كاين بزاف النساء المحطين بي يقولولي الضولمة تشد اليد
بالعكس انا اسهل شيء عندي الضولمة الدليل انعا زجدت على9 صباحا
البهارات المستعملة في الحشو فلفل اسود و ملح فقط اما في المرقة قرفة فلفل اسود وملح
نخليكم مع الصور والشرح
قبل مانحطلكم الصور نقللكم اللح المفروم لي ستعملتو كان في المجمد ادا سالتوني عن اللحم ما ينحطش في المجمد لازم تستعمليه يوم لي شريتيه ان نقلك اللحم المفروم نشريه ونحطو في المجمد لاكن كي نشريه وهو في ساشيتو نقسمو على 2 ما نمسوش بيدي هاكدا ما يخسرش ويفعد على حالو والدليل راكم تشوفوه في الصورة بشرط كي تجبديه من المجمد و هو جامد خودي سكين وكسريه طراف طراف هو يجيك شوية صعيب بصح باه تضمني ما يفسدلكشhttp://im52.gulfup.com/PVFIcf.jpg
http://im81.gulfup.com/A3hhq1.jpg هدا الحشو كيما رتكم تشوفو انا زدتلو اضافة مع المكونات لي مالفين بها هي قلب القرعة او للكوسة لي خويناها او فرغناها زدناه مع الحشو هاد يزيدلو بنة و يزكة
http://im87.gulfup.com/Alll2P.jpg هنا نشوف حتى البطاطا ما نرموش قلبها نقليه مع البصل ونحط فوقو الخضر لي عمرناها بالحشو وهي الباطاطا والقرعة و الطرشي كيما راكم التشوفو في الصورة التالية
http://im58.gulfup.com/ctdAEn.jpg
http://im89.gulfup.com/yMa0Fs.jpgهنا نشوف الحشو لي قعدلي درتو بولات كي تغلي المرقة نضيفو مع الضولمة
http://im75.gulfup.com/gL25t9.jpg بعد ما تقلى البصل والباطاطا نضيف الخضر المحشية ونمرق الطنجرة كي تبدة تغلي نضيفلها للبولات نتاع اللحم والحميصة كنت طيبتها من قبل نص طياب ودرتها في المجمد وطبعا الفلفلة الحارة ما نقدرش نستغنى عليها في الضولمة
وهااااااااااادا هو طبق اليوم
http://im61.gulfup.com/LWyAPS.jpg
ربي يحفظك عجبتني فكرة قلب البطاطا نزيده للضولمة ...... انا كنت نديرها مع مقادير الحساء نتاع point cassé ........ صحيتي
أمنية غفران
2014-09-26, 11:24
سلام
صباحكم سعيد
طبق اليوم هو( باقات الشفلور المقلية مع البطاطا المقلية )
http://im58.gulfup.com/6cau9c.jpg المرقة نحضرها ببصلة حميصة قرفة فلفل اكحل ملح وزيت
اما العجينة لي نقلو بيها الشفلور تتكون من بصل معدنوس ملح فلفلاكحل وكاس حليب حبة بيض و3مغارف فرينة معمرين مليح انا كنت نستعمل غير البيض بصح درك اكتشفت هاد الطريقة هي اقتصادية
http://im46.gulfup.com/htlrjc.jpg هنا نغطس البوكي نتاع الشفلور في الخليط من بعد نقليه
http://im69.gulfup.com/a5fgak.jpg مرقتنا وجدت والبوكيات والبطاطا وجدو نصيحتي ما تكثريش المرقة باه كي جي تصخنيها الشفلور والبطاطا ما يتشمخوش بالمرقة ويسخنو غير ببخار المرقة لي تسخن يقعد هاد الطبق على حالو حتى في المساء
http://im87.gulfup.com/qh6nms.jpgهدا طبقنا اليوم
نسيت نقللكم على طريقة ديروها باش ما تخرجش ريحت الشيفلور كي يكون يغلي وكامل نعرفو الريحة القاسحاة عند غليان الشفلور
والطريقة هي وضع البابة نتاع الخبز في الماء لي يغلي فيه الشفلور (البابة هي الابيض لي يجي داخل الخبز)
شكرا على عجينة القليان أختي انا كنت نديرها بصح مافيهاش البصل نجربها كاش خطرة و نعتها لك... ربي يجعلها في ميزان حسناتك .....
أمنية غفران
2014-09-26, 11:33
بعد ما نقي ونغسل السردين مليح نحطو يقطر فالكسكاس
http://im87.gulfup.com/7fewbr.jpg هنا نضيفلو الدرسة وهاد الاخيرة متكونة من فلفل دريس وثوم وكمون ندرسهم بالمهراز او نضيفلهم شوية ماء ونخلطهم بالخااط الكهربائي نخليه يتشرب مليه الدرسة وبنتها من بعد نرمد في الفرينة
والفرينة لي تقعدلنا بعد ما رمدنا فيها السردين ما نرميهاش نضيفها في الدرسة لي قعدتنا في الاناء نزيدلها شوية زيت و ملح ونطمها بالماء نشكلها قرسات ونقليها ولادي يموتو عليها
http://im48.gulfup.com/rfhmbi.jpg
http://im58.gulfup.com/0uszan.jpg
ربي يحفظك على العفسة نتاع القرسة .......... صحيتي
ام حمزة22
2014-09-26, 11:54
مرحبة بلي جا وجاب
امنية غفران اهلا وسهلا بيك شرفتي موضوعي
مسموحا اختي حطي اطباقك نشوفها هادا يسعدني
ام حمزة22
2014-09-26, 11:57
اخواتي العزيزات فطوري طاب بصح ما نقدرش نبعتلكم الصور درك ما عنديش الوقت راني رايحة نطل على لوستي فالمستشفى ربي يشفيها ويخليها لينا ولولادها
قولو آميييييييييييين
اترككم في رعاية الله وحفضه
سمسومة 05
2014-09-26, 12:34
مرحبا ام حمزة شهيتينا في الرشتة رانا نستناو في الصور ومشكورة وربي يقدرك على فعل الخير وربي يجيب الشفاء للمؤمنين
خيط الروح
2014-09-26, 14:40
السلام عليكم
ربي يشافي لوستك ويعافيها ان شاء الله
بارك الله فيك على المجهود اللي راكي تديري فيه
أمنية غفران
2014-09-26, 15:48
مرحبة بلي جا وجاب
امنية غفران اهلا وسهلا بيك شرفتي موضوعي
مسموحا اختي حطي اطباقك نشوفها هادا يسعدني
ربي يحفظك أختي .........صحيتي :mh92:
ربي يشافيها و يعافيها و يرجعها لوليداتها سالمة غانمة بحول الله
..
.
.
.
.
....... راني حشمت ندخل بيدي فارغة قولي باسم الله...........
http://www.djelfa.info/vb/attachment.php?attachmentid=85778&stc=1&d=1408879535
ام هاديل وياسين
2014-09-26, 17:14
الله يشافي لوستك ام حمزة ويرجعها بخير وعافية لوليداتها اميين
الله يعطيك الصحة وبصحتكم الرشتة
بارك الله فيكي اخت امينة على الضيافة على حساب مراني نشوف
هذا فلان
ام حمزة22
2014-09-26, 18:19
مرحبا ام حمزة شهيتينا في الرشتة رانا نستناو في الصور ومشكورة وربي يقدرك على فعل الخير وربي يجيب الشفاء للمؤمنين
شكرا حبيبتي شهيتك فالجنة
السلام عليكم
ربي يشافي لوستك ويعافيها ان شاء الله
بارك الله فيك على المجهود اللي راكي تديري فيه
شكرا على الدعاء بارك الله فيك
ربي يحفظك أختي .........صحيتي :mh92:
ربي يشافيها و يعافيها و يرجعها لوليداتها سالمة غانمة بحول الله
..
.
.
.
.
....... راني حشمت ندخل بيدي فارغة قولي باسم الله...........
http://www.djelfa.info/vb/attachment.php?attachmentid=85778&stc=1&d=1408879535
بسم الله يعطيك الصحة حطيلنا الوصفة من فضلك حبيبتي راه يبان يشهي
الله يشافي لوستك ام حمزة ويرجعها بخير وعافية لوليداتها اميين
الله يعطيك الصحة وبصحتكم الرشتة
بارك الله فيكي اخت امينة على الضيافة على حساب مراني نشوف
هذا فلون
شكرا ام هديل بارك الله فيك
:mh31 يعطيك الصحة ام حمزة وربي يوفق ابنك و يحفظ كل عايلتك:19:
ام حمزة22
2014-09-26, 18:55
شكرا ليك ام آدم ربي يحفضك ويحفضلك اهلك صغيرا وكبيرا
ام حمزة22
2014-09-26, 18:57
لبنات راني كملت صور الرشته روحو شوفوها فالصفحة السابقة
أمنية غفران
2014-09-27, 08:15
الله يشافي لوستك ام حمزة ويرجعها بخير وعافية لوليداتها اميين
الله يعطيك الصحة وبصحتكم الرشتة
بارك الله فيكي اخت امينة على الضيافة على حساب مراني نشوف
هذا فلون
مرحبا أخي الكريمة لالا ماشي فلون ......... تفضلي الرابط....... شكرا
http://www.djelfa.info/vb/showthread.php?t=1657445
أمنية غفران
2014-09-27, 08:18
مرحبا أم حمزة من عيوني تفضلي رابط الوصفة .......... شكرا
http://www.djelfa.info/vb/showthread.php?t=1657445
ام هاديل وياسين
2014-09-27, 08:31
مرحبا أخي الكريمة لالا ماشي فلان ......... تفضلي الرابط....... شكرا
http://www.djelfa.info/vb/showthread.php?t=1657445
وبيكي اختي شكرا على الوصفة هايلة واكيد لذيذة رايحة نجربها ان شاء الله
ام حمزة22
2014-09-27, 08:50
سلاااااااام
صباح الخير يا وجوه الخير ان شاء الله تكونو كامل بالف خير
شكرا امنية على الوصفة بارك الله فيك
لبنات ما علقتوش على الرشته واقيلة ما عجبتكمش
اليوم طيبت العدس
راه قريب يطيب يزيد غلية لوق النار ونطفي عليه
سامحوني اليوم نخرج من بعد نولي نحطلكم الوصفة عندي شوية دوزان الخياطة نخرج نشريهم ونولي
أمنية غفران
2014-09-27, 09:15
مازالني نستنى فالرشته
لاااااااكن بديت نحضر لطبق و دوزنت المرقة
مرقة الرشته ما نخلطش فيها بزاف التوابل والخضر
المقادير هي: الجاج + البصل + قرفة + ملح + فلفل اكحل + زيت + سمن + لفت + حميصة وانا الحميصة دايما نغليها من قبل ونحطها فالتلاجة وقبل ما نطفي على المرقة نضيفها
نقلي هاد المكونات منبعد نضيف شوية ماء حتى يتغطا الجاج
من جهة اخرى نحضر الرشته نحطها في صحفة ونفتحها ملي نديرلها شوية زيت باه ما تلسقش في بعضها ونحطها في الكسكاس اي فوق الجاج لي راه يطيب نخليهل تفور المرة الاولة كي تفور نحيها من الكسكاس ونضيفلها شوية ماء غييييير بالشوية ونحلها غييير بشوية في نفس للوقت مل ننساش ندوقهل ونشوف للا مفيها الملح كفاية ولاﻻﻻ وانا نشمخ فيها نضيفلها شوية ملح الا قانت ناقصة ملح
نخليها تتشرب هداك الماء
نروح نشوف الجاج الا طاب نحيه من القدرة ونضيف لللفت باه طيب فالقدرة بعد ما نحينا الجاج
نولي لرشتة تكون تشربت الماء نضيفلها قطرات زيت او سمن ونحاول ننفكها غير بلعقل على بعضاها ونرجعها تفور المرة التانية
بعد ما تفور نحطهل فالصحفة وندهنها بالسمن
ونولي لمرقتنا ندوقها ونشوف الا مخصوصة توابل نضيفلها خاصتا القرفة قد ما تكتري جي بنينة الرشته دواها القرفة وسمن كي يكون بنين
ان شاء الله ما نكونش نسيت حاجة ولا نسيت لي تدخل وتشوف ناقص تدكرني
مازلني نستنت فالقضيان7
تفضلو الصور ة الاولى راني دوزنت المرقة
http://im56.gulfup.com/NhAO91.jpg
[QUhttp://im49.gulfup.com/Vk8VB0.jpg
[QUhttp://im70.gulfup.com/b4TsQa.jpg
http://im70.gulfup.com/gaxqLd.jpg
http://im80.gulfup.com/rnsmgT.jpg
http://im85.gulfup.com/fG23x7.jpg
http://im83.gulfup.com/LQagIL.jpg
http://im85.gulfup.com/LdSDkz.jpg
http://im79.gulfup.com/2aKCCy.jpg
http://im68.gulfup.com/HRBBwE.jpg
http://im50.gulfup.com/YIQjcY.jpg
[اخواتي الرشته نتاع السوق شوية لازملهت معاملة خاصة مشي كيما تتخدم فالبيت بصح هادي لي شريتهت تشبه بزاف لي نخدمها
المهم كي تشمخو الرشته ردو بالكم تكترولها الماء رشو غير بلعقل وعينكم ميزانكم كاين لي تشرب بلخف وكاين لي ما تشربش
اننبهة للكمية لي ستعملتها انا باه رشيت الرشته راه يبانلكم فالصوره الليان لي عمرتو بالماء فالصورة الاولة معمر والتانية نتقص شوية
ربي يحفظك أختي و بارك الله فيك انا نزيد ندير لها شوية القرعة (الكورجات) مع اللفت......... صح الرشتة تكون بنينة كي نكثرو فيها القرفة :19:..... عندي مشكل في PC ما ظهروليش الصور..... صحيتي :mh31:
ام هاديل وياسين
2014-09-27, 13:09
امممممممم تشهي يعطيك الصحة ام حمزة شوقتيني باه نديرها
ام حمزة22
2014-09-27, 13:35
بدون اطالة نقدملكم وصفة وكيفية تحضير العدس
نشمخ العدس بالماء الدافي كي نشوفو القشرة تنفخت نحكو شوية وننزعلو بعض القشور في الحقيقة هديك للقشور هي الفيتامين بصح ولادي ما يحبوهاش تطفو فالمرقة
وكيما راكم ن
تشوفو فالصور ننزع بعض القسور وفي نفس الوقت نغسلو مليح
نحطو فالقدرة ونضيفلو قطع ااجزر والبصل و3ولا4 حبات قرنفل وفلفل اكحل والملح ما نديروش حتى يدخلو طياب لوكان ديري الملح فالاول يتقرسل و ما يطيبش
كي نضيفلو الملح نخليه يتشرب مليح الملح من بعد نضيف الماء ونخليه يغلي شوية
القرنفل يزيد نكهة روعة مع العدس
نخليكم مع الصور
http://im49.gulfup.com/zF9lWe.jpg
http://im46.gulfup.com/oZCk34.jpg
http://im87.gulfup.com/aZJi4b.jpg
http://im81.gulfup.com/BSxs0S.jpg
http://im59.gulfup.com/IDqIUb.jpg
http://im80.gulfup.com/kAoNXE.jpg
http://im56.gulfup.com/9KzqEw.jpg
http://im51.gulfup.com/UEiuxe.jpg
http://im85.gulfup.com/DVVcfH.jpg
http://im46.gulfup.com/W4pMC8.jpg
[IMG]http://im
الله يعطيك الصحة اختى ام حمزة موضوعك رائع عجبنى بزاف خصوصا حنا المبتدئات نتعلمو
ربى يحفظلك ولادك ويعطيك ما تتمنى
سمسومة 05
2014-09-27, 22:35
مشكورة حبيبتي والرشتة خرجتلك تهبل رانا كل يوم نستناو اطباقك
آنثى آلمطر
2014-09-28, 00:20
حنونتي ام حمزة روووووووعه اطباقك
وراني نتابع فيك
وبارك اله فيك
ايه وتاني شي في العيد
نزلينا واش طيبي الي تنزليها نعاود نخدمها
شكرا لك
وربي يخليك
ام حمزة22
2014-09-28, 09:56
سلاااااااام
صباحكن فل ويسمين
ان شاء الله تكونو بالف خير
ام ضافر ام سهيل صدفات ماراكمش تبانو ان شاء الله المانع خير
نبدا باسم الله
طبق اليوم اكيييييد راح يعجبكم كامل
لاااااااااااكن ما نحطوش حتى تفوت هاد الصفحة وجي صفحة جديدة وان شاء الله تكون هادي الصفحة لي راني نكتب فيها جديدة
لان نقص الكونكسيون والصور الكثيرة والاقتباس كانت عندي صعوبة باه ندخل الصفحة واكيد جميع لي عندو كونكسيون تقيلة الصفحة ما تطلعلوش ولا تطلعلو بصعوبة
ام حمزة22
2014-09-28, 10:12
الله يعطيك الصحة اختى ام حمزة موضوعك رائع عجبنى بزاف خصوصا حنا المبتدئات نتعلمو
ربى يحفظلك ولادك ويعطيك ما تتمنى
الله يسلمك اختي ردك يشجعني باه نكمل معاكم
مشكووووووورة
مشكورة حبيبتي والرشتة خرجتلك تهبل رانا كل يوم نستناو اطباقك
شكرا ليك حبيبتي سمسومة
حنونتي ام حمزة روووووووعه اطباقك
وراني نتابع فيك
وبارك اله فيك
ايه وتاني شي في العيد
نزلينا واش طيبي الي تنزليها نعاود نخدمها
شكرا لك
وربي يخليك4
ههههههههههههههههههههههه
حبيبتي انثى المطر انا تم وين عندي مشكل ناس كي تكون عندها اللحم تلقى واش طيب انا لاااااااااااااااااﻻ
ولادي ما يحبوش اللحم طايب فالمرقة
كبشنا نقضو عليه في 3 ايام ونوضو هههههههه
ولادي ياكلو ه غير مشوي فالباربكيو
بصح هاد المرة نحاول نديرلكم اطباق بادن الله
ربي يكتبهولنا فالخير
ام حمزة22
2014-09-28, 10:26
سلاااااااام
صباحكن فل ويسمين
ان شاء الله تكونو بالف خير
ام ضافر ام سهيل صدفات ماراكمش تبانو ان شاء الله المانع خير
نبدا باسم الله
طبق اليوم اكيييييد راح يعجبكم كامل
لاااااااااااكن ما نحطوش حتى تفوت هاد الصفحة وجي صفحة جديدة وان شاء الله تكون هادي الصفحة لي راني نكتب فيها جديدة
لان نقص الكونكسيون والصور الكثيرة والاقتباس كانت عندي صعوبة باه ندخل الصفحة واكيد جميع لي عندو كونكسيون تقيلة الصفحة ما تطلعلوش ولا تطلعلو بصعوبة
راهي فاتت الصفحة وحبيت نقتبسلكم هاد الرد باه تقراوه وعلى بالي كي ما تطلعلكمش الصور تعجزو باه تسناوها تطلع وما دابيا تكتر الردود باه تفوت الصفحة وتكون كل صفحة فيها صور طبخة يوم واحد ليسهل علينا تصفح الصفحات
وشكراااااااااااااا
ام حمزة22
2014-09-28, 10:46
طبق اليوم هو ( عش الزاوش)
يتكون من بطاطا مرابيا + بصل + معدنوس + 3حبات بيض + فلفل اكحا + ملح
اما الصوس نتاع هاد الطبق يتكون من بصل + ثوم +حميصة + قرفة + فلفل اكحل +ملح + عكري + طماطم مصبرة + زيت
كيما قلتلكم نرابي البطاطا ونضيفلها المكونات لي ضكرتهم نمزج الخليط ملح الا شفتو البطاطا خرجت ماها عادي ماتتقلقوش
خديي كمية من البطاطا المبشورة واعصريها بين يدك شوية من بعد اخدمي لبول ديالك وقليها تتحصلي على بطاطا مقرمشة تشهي تقدري تكليها حتى بدون صوص
لتحضير الصوس نقلي البصل ونضيفلو الحميصة من بعد نضيف الطماطم المصبرة نتحصل على صوص تقيلة شوية وبنييييييينة
وكي نحط العش اي البطاطا فالمرق ما نحطهاش كلها باه نخليها للمساء لان البطاطة تطرا وبالاك ما تعجبش ولادكم كي تكون مشمخة بزاف بالمرقة لانا قد ما تقعد فالمرقة قد ما تشرب وتطرا
نخليكم مع الصور
http://store1.up-00.com/2015-08/1439828592164.jpg
http://store1.up-00.com/2015-08/1439828592053.jpg
http://store1.up-00.com/2015-08/1439828591962.jpg
http://store1.up-00.com/2015-08/1439828591831.jpg
صباح النور اختي ام حمزة و كل الاخوات لي راهم يتابعوك معايا
يعطيك الصحة على الرشتة جات روعة
كنت في المرة السابقة قلتيلي على الحريرة اولا يليق تشري من السوق تشيشة و يا ريت لو كانت مرمز
في طنجرة تحطي زيت مع البصل مقطع رقيق مع الحم لي عندك انا ندير الداند من الفخذ يجي بنين تخليهم يتقلاو مليح تضيفي لهم الخضار مقطعة جزر لفت بطاطا كورجات تقلي مليح على نار هادية ضيفي لها الملح حرور راس الحانوت كروية كركم وزنجبيل طماطم مصبرة حوالي ملعقة اكل وتمرقي بكاس ماء وتكوني حضرتي البوكي نتاعك فيه قصبر كرافس وحد العشبة حنا نقولو لها لحية الشيباني او لحية الشيخ و هي لي تعطي نكهة مميزة لحريرة التيارتية تضيفي هاذ الاعشاب وتمرقي حوالي لتر ونصف و تخليها تكمل طيابها حوالي ساعة و من بعد تنحي الحم البوكي وتطحني المرق ترجعيه فوق النار منين يغلي ضيفي تشيشة حوالي 150غ (مع الخضرة جي قد قد ما ثقيلة ما جارية ) تهفي النار كي تبغي طفي تكوني موجدة 2 سنات ثوم مع ملعقة قهوة كروية تهرسيهم مع بعض و تضفيهم مع عصرة ليمون و شهية طيبة
انا مع الاخير نزيدلها حمص طايب و الحم مفتت مع شوية حشاوش خاصين بالحريرة إن شاء الله مانكونش طولت عليك.
و انا جاهزة لكل إستفسار.
السلام عليكوووووووووووووووووووون
صباح الخيرات والمسرات
حبيبتي ام حمزة راكي هنا؟؟؟.......ونا نستنى فيك ططلي لهيه ......... ليك وحشة.......ماشاءلله موضوع هااااااااااااااااااااااايل جعلةه الله في ميزان حسناتك
ام هديل حطتلي الرابط من يومين محبيتش ندخل حتى قريت كامل الفحت والردود هههههههه
كنت رايحة نتبعك وندير العدس اليوم لقيت العدس مكاش قلبتا لاسوب تع البصل
يادرى اليوم وش وجدتيلنا اليوم؟؟؟؟
ام هاديل وياسين
2014-09-28, 10:55
وعليكم السلام
يعطيك الصحة اختي ام حمزة على طبق اليوم عجبني ورايحة نبرمجو للعشاء
اذا كتب ربي اليوم النهار راه عندنا شتوي درت عدس تقريبا كما الي درتيه البارح
بصح منحيتلوش القشرة ومدرتش قرونفل وراني نطيب في خبز الدار
نتمنالك التوفيق والله يباركلك في عايلتك
صباحك منور اخت صدفات...........................راني وليت متتبعه لحلقات ام حمزة
حنا نسموها شيبة الشيخ ونستعملوها لمرق للطعام الاحمر ايضا بعد ما نحرقوها تعطي ذوق روووووووعة
نفس طريقتنا تقريبا فالحريره او كيما نسموها تشيشه مرق بصح فالاخير وش تزيدي مع الثوم ؟؟؟ملعقو قهوة؟؟؟
انا نزيد الكرويه وكسبر مرحي؟؟؟
ام حمزة22
2014-09-28, 11:02
اهلييييييييييييييين حبوبتي نخلة واش راكي واش راه البيبي ديالك ان شاء الله راه في صحة جيدة
انا تان توحشتك بزاف وانتي واش راكي من فاسك ان شاء الله ريحتي
ما رانيش ندخل لهيه سعات ندخل ونقرا المواضيع لي حطوها الاخوات بارك الله فيهن مواضععن تعجبني بزاف
شرفتي موضوعي حبيبتي والله فرحت كي شفت ردك
ونقول لام هديل يعطيك الصحة
الله اكبر الله اكبر الله اكبر........................لا اله الا الله
حبيت نذكركم بالتهليل في هاذ الايام المباركة
ام هاديل وياسين
2014-09-28, 11:19
الله يسلمك ام حمزة بلا مزية ..... اهلا نخلة الحمد لله كي وصلتي ها واشقلتي في اطباق ام حمزة
اخت صدفات حريرتكم نفساللي نديروها بصح منعرفش هذي لحية الشيخ
كي نبغو نطفو عليها عندنا خليط متكون من نوخة وفليو وزعتر نعناع نطحنوهم وكي طيب نزيدهم
ونخلوها تغلي شوية ونطفو
;شكرا على وصفة اليوم الهايلة.......ام حمزة كانت اختي دير هالنا ملي كنا صغار كنا نسموها سفايرية الشلاغم هههههههههههههه
رح نجربها كي فكرتيني هيها
صباحك منور اخت صدفات...........................راني وليت متتبعه لحلقات ام حمزة
حنا نسموها شيبة الشيخ ونستعملوها لمرق للطعام الاحمر ايضا بعد ما نحرقوها تعطي ذوق روووووووعة
نفس طريقتنا تقريبا فالحريره او كيما نسموها تشيشه مرق بصح فالاخير وش تزيدي مع الثوم ؟؟؟ملعقو قهوة؟؟؟
انا نزيد الكرويه وكسبر مرحي؟؟؟
شكرا اختي نخلة على التجاوب و على التنبيه راني عدلت و اضفت كلمة كروية وحشاوش الحريرة هم الزعتر قرطوفة
هاذو لي انا نعرفهم.
ام حمزة22
2014-09-28, 11:31
صباح النور اختي ام حمزة و كل الاخوات لي راهم يتابعوك معايا
يعطيك الصحة على الرشتة جات روعة
كنت في المرة السابقة قلتيلي على الحريرة اولا يليق تشري من السوق تشيشة و يا ريت لو كانت مرمز
في طنجرة تحطي زيت مع البصل مقطع رقيق مع الحم لي عندك انا ندير الداند من الفخذ يجي بنين تخليهم يتقلاو مليح تضيفي لهم الخضار مقطعة جزر لفت بطاطا كورجات تقلي مليح على نار هادية ضيفي لها الملح حرور راس الحانوت كروية كركم وزنجبيل طماطم مصبرة حوالي ملعقة اكل وتمرقي بكاس ماء وتكوني حضرتي البوكي نتاعك فيه قصبر كرافس وحد العشبة حنا نقولو لها لحية الشيباني او لحية الشيخ و هي لي تعطي نكهة مميزة لحريرة التيارتية تضيفي هاذ الاعشاب وتمرقي حوالي لتر ونصف و تخليها تكمل طيابها حوالي ساعة و من بعد تنحي الحم البوكي وتطحني المرق ترجعيه فوق النار منين يغلي ضيفي تشيشة حوالي 150غ (مع الخضرة جي قد قد ما ثقيلة ما جارية ) تهفي النار كي تبغي طفي تكوني موجدة 2 سنات ثوم مع ملعقة قهوة كروية تهرسيهم مع بعض و تضفيهم مع عصرة ليمون و شهية طيبة
انا مع الاخير نزيدلها حمص طايب و الحم مفتت مع شوية حشاوش خاصين بالحريرة إن شاء الله مانكونش طولت عليك.
و انا جاهزة لكل إستفسار.
شكرا حبيبتي على الوصفة يعطيك الف صحة وعافية
صدفات حنا الحرور ديالنل هو راس الحنوت وما نكتروش فيه بزاف التوابل عندنا غير 5 ولا 7 تابل
كا ين بزاف اطباق ما نعرفهاش خاصتا الوحدة فينا كي تروح لبيت زوجها تلقى طياب اخر غير لي شافتو وتعلماتو في بيت اهلها
لاكن الواحد قد ما يكبر يتعلم ويشوف الاطباق المتنوعة في بلادنا
مثل ما رانا نتعلمو من بعضنا البعض في هاد المنتدى
السلام عليكوووووووووووووووووووون
صباح الخيرات والمسرات
حبيبتي ام حمزة راكي هنا؟؟؟.......ونا نستنى فيك ططلي لهيه ......... ليك وحشة.......ماشاءلله موضوع هااااااااااااااااااااااايل جعلةه الله في ميزان حسناتك
ام هديل حطتلي الرابط من يومين محبيتش ندخل حتى قريت كامل الفحت والردود هههههههه
كنت رايحة نتبعك وندير العدس اليوم لقيت العدس مكاش قلبتا لاسوب تع البصل
يادرى اليوم وش وجدتيلنا اليوم؟؟؟؟
وعليكم السلام
يعطيك الصحة اختي ام حمزة على طبق اليوم عجبني ورايحة نبرمجو للعشاء
اذا كتب ربي اليوم النهار راه عندنا شتوي درت عدس تقريبا كما الي درتيه البارح
بصح منحيتلوش القشرة ومدرتش قرونفل وراني نطيب في خبز الدار
نتمنالك التوفيق والله يباركلك في عايلتك
شكرا حبيبتي بصحتكم العدس لكان جربي القرنفل تشوفي البنة لي تزيد فيه
والقشرة عندك الحق ما تنحيهاش راه الفيتامين الكل راه فيها انا ولادي ما يحبوهاش على هاديك نقص منها شوية
ربي يبارك فيك وفي ولادك ويحفضهم منكل سوء
صباحك منور اخت صدفات...........................راني وليت متتبعه لحلقات ام حمزة
حنا نسموها شيبة الشيخ ونستعملوها لمرق للطعام الاحمر ايضا بعد ما نحرقوها تعطي ذوق روووووووعة
نفس طريقتنا تقريبا فالحريره او كيما نسموها تشيشه مرق بصح فالاخير وش تزيدي مع الثوم ؟؟؟ملعقو قهوة؟؟؟
انا نزيد الكرويه وكسبر مرحي؟؟؟
نخلة ربي ما يحرمناش منك ومن قصرتك
الله يسلمك ام حمزة بلا مزية ..... اهلا نخلة الحمد لله كي وصلتي ها واشقلتي في اطباق ام حمزة
اخت صدفات حريرتكم نفساللي نديروها بصح منعرفش هذي لحية الشيخ
كي نبغو نطفو عليها عندنا خليط متكون من نوخة وفليو وزعتر نعناع نطحنوهم وكي طيب نزيدهم
ونخلوها تغلي شوية ونطفو
صباح النور
لحية الشيخ تلقايها فالمارشي عندكم كاينة اما الحشاوش لي انا نديرهم زعتر و قرطوفة و ما نعرفش ا سمأهم بللغة أخرى
و أطباق ام حمزة روعةساعدوني كثير خصوصا انه اولادي حفضهم الله و أصلحهم ما يكلوش الحم لي يطيب في المرق.
ام حمزة22
2014-09-28, 11:36
يعطيك الصحة نخلة على التهاليل ربي يفكرك بالشهادة
أم أسرار
2014-09-28, 11:38
بسم الله الرحمان الرحيم
صباحك سعيد ختيتو كيف الحال يعطيك الصحة على أكلات ربي يعطيك صحيحتك و يبعد عليك العين أمين يا رب العالمين
أتمنى أن هذا الموضوع يثبث كي يتسنى لكل حائرة إجاد ما تطهوه في بيتها
http://www14.0zz0.com/2014/09/28/13/900645635.gif
ام حمزة22
2014-09-28, 11:42
وعليكم السلام حب ووصال شكرا على الدعوات ولكي بالمثل
مرورك اسعدني اخي
بارك الله فيك
مساء الخير يا لبنات وكل متتبعات موضوع الاخت أم حمزة
ام حمزة مزية فهمتيني انا راني حاسبة الحرور فلفل أسود ههههههه
سمسومة 05
2014-09-28, 13:41
يعطيك الصحة يا ام حمزة على طبق اليوم روعة لكن البطاطا طيب مليح من الداخل كي تتقلى
ام سوهيل
2014-09-28, 14:08
سلاااااااام
صباحكن فل ويسمين
ان شاء الله تكونو بالف خير
ام ضافر ام سهيل صدفات ماراكمش تبانو ان شاء الله المانع خير
نبدا باسم الله
شكرا ام حمزة يتفكرك الخير كما تفكرتينا انا كانت عندي اختي صيفة وعلى هدا مكنتش نطلع على الموضيع لكن دروك طليت في كل الصفحات وربي يجزيك اما بي نسبة للاخت امضافر عسا المانع خير كما قلتي يعطيك الصحة وما تنسايش تحطي اطباق العيد
وربي يجزيك
hayette82
2014-09-28, 14:26
atbk hayla walah ntmana 'rajliywali yakol olchwaa tabt wmalt dayman nkhaamamwach ntayabbbbb kraht mo ad3oli rbi ywali yako kolch yarabbbbbbbbbbbbbbbb
سلاااااااام
صباحكن فل ويسمين
ان شاء الله تكونو بالف خير
ام ضافر ام سهيل صدفات ماراكمش تبانو ان شاء الله المانع خير
نبدا باسم الله
شكرا ام حمزة يتفكرك الخير كما تفكرتينا انا كانت عندي اختي صيفة وعلى هدا مكنتش نطلع على الموضيع لكن دروك طليت في كل الصفحات وربي يجزيك اما بي نسبة للاخت امضافر عسا المانع خير كما قلتي يعطيك الصحة وما تنسايش تحطي اطباق العيد
وربي يجزيك
شكرا حبيبتي على سؤالك رانا هنا وقلت نقترح عليكن باش كل وحدة تخبرنا شتى دير في العيد حسب منطقتها طبعا و انا و انت ىا ام سوهيل ما نضنش كاين إختلاف كبير قولو لي واش رأيكم شكون تبدى الأولى
atbk hayla walah ntmana 'rajliywali yakol olchwaa tabt wmalt dayman nkhaamamwach ntayabbbbb kraht mo ad3oli rbi ywali yako kolch yarabbbbbbbbbbbbbbbb
ديري كيما حنا طيبي مرة وحدة عشا و فطور راكي تصيبي روحك و راحة بالك في الأول يتقلشو و من بعد يوالفو
آنثى آلمطر
2014-09-28, 17:04
الله يسلمك اختي ردك يشجعني باه نكمل معاكم
مشكووووووورة
شكرا ليك حبيبتي سمسومة
4
ههههههههههههههههههههههه
حبيبتي انثى المطر انا تم وين عندي مشكل ناس كي تكون عندها اللحم تلقى واش طيب انا لاااااااااااااااااﻻ
ولادي ما يحبوش اللحم طايب فالمرقة
كبشنا نقضو عليه في 3 ايام ونوضو هههههههه
ولادي ياكلو ه غير مشوي فالباربكيو
بصح هاد المرة نحاول نديرلكم اطباق بادن الله
ربي يكتبهولنا فالخير
ههههههههههههه
تاني خاوتي يدوها غير قلي وشوا والله نحصل واش ندير
وراني حابة اطباق جدد
نوعو شوية راك عارفه جزائريين زيتون شربة جلبانة وهي دور
انشاء اله حنونتي وراني من المتتبعين ربي يخليك
ام حمزة22
2014-09-28, 19:47
سلام
شكرا جميعكن جزاكم الله كل خير
سعدت بردودكن
شكرا صدفات راكي قايما بيها بارك الله فيك
اقتراحك عجبني ونبدا المهمة هههههه
في اول يوم العيد حنا فالعاصمة ناكلو غير الكبدة ونزيدو معاها فريت وسلطة هدا فالصباح اما فالعشاء نكون نحيت وخبيت شوية كبدة ونزيييييد نقلي البطاطا
اما البوزلوف نغسلو ونغبيه نديزوسيه ونخبيه فالمجمد كي يخلاص اللحم نجبدوه
اما الدوارة نزلطها اي نماطها اي نقشرها بالما سخون ونرجعها تشعل علابالي كاين لي ما يزلطوهاش
تاني يوم عيد ملي تزوجت نتع طريقة اهل زوجي هما دايما يطيبو طعام اي الكسكس
من بعد كي نتفكر كاش حاجة نسيتها راني نولي نضيفها
والله ولادنا غيرولنا كامل برنامج اطباقنا لاااااتكن لازم نعرف نخدم الحيلة معاهة
نحكيلكم هادي مرت عليا فالعيد لي فات
وليدي لي تحت الكبير سمطلي اللحم ما قدرتش نتكل اللحم وهو ما ياكلش وليت نحلل فيه باه ياكل قالي خلتص ناكل بصح كي تشويه احرقيه ما نصيبش بنت اللحم فيه درتلو على ختطرو من بعد خوه الكبير قعد يعجب بيه ويتمسخر ويقولو نزيدلك وليدي عجبك ههههههه ربي يحفضهم و يحفض وليدات المومنين
ام حمزة22
2014-09-28, 20:53
يعطيك الصحة يا ام حمزة على طبق اليوم روعة لكن البطاطا طيب مليح من الداخل كي تتقلى
الله يسلمك سمسومة
ايه الباطتطا طيب ملداخل جي مقرمشة من برى وطرية من الداخل كيما يقولو نتاع الاشهار ههههه
صباحكم فل و ياسمين
نبدا بإسم الله
حنا نهار العيد فطورنا كبدة سلاطة و حريرة نكون وجدتها من قبل أما البوزلوف نشوطو نغسلو هو و الدوارة البوزلوف ندسو حتى من بعد العيد أما الدوارة نمدها للي عندو النصيب و في المساء العشا عند عجوزتي ملفوف وبكبوكة و سلاطة و حريرة أما في اليوم الثاني نروحو عند والدي الفطور طعام و اللحم و في المساء نرجع لبيتي نلقى زوجي قسم الماشية و مد لكل واحد نصيبه وخلى لنا جنب نديرو فالكوشة لانه ولادي ما يكلوهش غير بهذه الطريقة و في اليوم الثالث نديرلهم محمر حسن الختام نكونو قضينا على ماشيتنا و عقوبة للعام الجاي إن شاء الله.
روح مراد
2014-09-29, 09:59
سلام
أحنا في دارنا صبح العيد كبدة و فريت وسلاطات منوعة (الله يبارك العائلة كبيرة جدا تقول فتحنا مطعم ) من 5 نتاع الصبح و حنا في الكوزينة حتى بعد زواجي نجي صباح لدارنا نعاونهم و من بعد نروح لداري لأني قريبة جدا و من بعد نقو بوزلوف و الدوارة، الدوارة نقسموها كامل شوية شوية (كاين وين يكون 2 أو 3 كباش) يعني نقسموها على حساب الأفراد كل واحد ودارو بوزلزف يكون في العشاء للجميع مع سلاطة و الباقي نحطوه في المجمد مقسوم على حسب الديار
غدوا من ذاك شطيطحة لحم و شربة و سلاطة العرايس كامل يروحو لدار ولديهم و أحيانا لبنات يجيو مع ولادهم يفطرو في الدار الكبيرة و لكن عادة يتلاقاو نهاية الأسبوع مور العيد و كامل يكلو كسكسي باللحم و الله تقول عرس الله يبارك
ثاني يوم في الليل اللحم يتقسم و كل واحد يدي نصيبو و يروح لدارو و قيس الكسكس يبى في مطبخ الدار الكبيرة وين يتلاقاو كامل نساء و رجال و ياكلوه في جو بهيج و حس ذراري الجيران يتخلعو نهار نتلاقاو كامل في دارنا طريق كامل سيارات و ذراري الصغار الله يبارك المسكين اللي يصبح واقف في الكوزينة (ديما أنا ) لأني القريبة من الدار يعني يماهم 2
روح مراد
2014-09-29, 10:03
في دار عجوزتي السكات و العيد بلخف يخلاص
نذبحو كبش واحد أنا و سلفتي و هي عندها بنات نتعاونو على الدوارة و البوزلوف و من بعدها مباشرة كل شيء يتقسم و كل واحدة طيب في دارها الفطور في داري يفوت بسكات كاين غير أنا و راجلي و العجوزة أنا والفت الغاشي و الزرب في دارنا في داري غير نبدا نزرب عجوزتي تقولي اخدمي في عقلك علاش راكي مزروبة
العشاء بوزلف ما عندهوم لا ضياف و لا شيء
الحمد لله دارنا قريبة
في دار عجوزتي السكات و العيد بلخف يخلاص
نذبحو كبش واحد أنا و سلفتي و هي عندها بنات نتعاونو على الدوارة و البوزلوف و من بعدها مباشرة كل شيء يتقسم و كل واحدة طيب في دارها الفطور في داري يفوت بسكات كاين غير أنا و راجلي و العجوزة أنا والفت الغاشي و الزرب في دارنا في داري غير نبدا نزرب عجوزتي تقولي اخدمي في عقلك علاش راكي مزروبة
العشاء بوزلف ما عندهوم لا ضياف و لا شيء
الحمد لله دارنا قريبة
و الله غير عندك الصح le charme نتاع العيد فاللمة ربي يخليلنا والدينا و يحفضهم.
خلاص ام حمزة راهي جات الصفحة الجديدة خفي حطي موضوعك.
ام حمزة22
2014-09-29, 10:58
سلام
سباحكم سعيد
اليوم ما قريتش ردودكم دخلت مزروبة نحط الطبق من بعد راني نقرة ردودكم سااااااامحووووني
راني نحضر شوية حلوى للعيد وراني درك نخدم فالكورني بالكاوكاو خليتو نص وجيت نحطلكم فطور اليوم
طبق اليوم هو الطريقة 3 لتحضير الشيفلو نسموها شطيطحة الشفلور
تقدري طيبيها بالباطاطت تقدري شفلور وحدو انا نموت على هاد الشطيطحة
بعد ما علينا الشفلور نحضر من جيهة اخرى الباطاطا نقطعها بالطريقة لي راكم شفتوها ثم نضيفلها الزيت والعكري والدرسة وهاد الدرسة متكونة من فلفل دريس يجي يابس وتشمخيه فالماء سخونمن بعد كي يتشمخ نحيلو الزريعة وهادوك الخيوط لي يجو داخلو باه ينقس شوية مفعول الحر ندرس او نرحي الفلفل مع ثوم وكمون و ملح نضيفهم للبطاطا ونقليهم كي الباطاطا يدخللها شوية طياب نضيف الشيفلور و نصف مغرفة طماطم مصبرة من بعد نمرق ونخليها تشرب
صدقوني جي ما تنشبع
ولا كاين لي ما يكلوش الحر الحل كاين وراه فالصورة بطاطا والشيفلور فالكوشة الطبق لي كنت قدمت من قبل
http://im44.gulfup.com/E9Dqyw.jpg
http://im45.gulfup.com/qG0ON6.jpg
http://im47.gulfup.com/dkwRJW.jpg
[http://im65.gulfup.com/WRsXaO.jpg
سامحوني من بعد نولي بادن الله
ام هاديل وياسين
2014-09-29, 11:26
يعطيك الصحة ام حمزة طبق اليوم هاييل مع انى نحب الحار عجبني بزاف
الله يكون في عونك حتى وانتي مشغولة منسيتناش بارك الله فيكي
شكرا لك راني جربت طبقك نتاع المقلوبة انا زدتلها الكورجات وجات روعه كون تعرفي شحال كنت نخاف من هدا الطبق لاكن بطريقتك المبسطه درت القلب وعولت عليه شكرا الف مره
ام سوهيل
2014-09-29, 14:45
شكرا ام حمزة وسمحيلي نحط وصفة للاخوات وهيى
فخد الخروف في الفرن
نحتاجو جيكو +3مغارف دهان+8فصوص ثوم + ملح + حرور او فلفل اسود +5مغارف زبت +بصلة كبيرة مسكرفجة +زعفران +كاس ماء+
مغرف صغيرة عكري +زنجبيل بودرة
الحشوة
250غ لحم مرحي+150غ كبدة مقطع صغيرة ونكونو قلينها في مغرف تع زيت حنى طيب+ 1بيض +1بصلة +2سنات ثوم +3مغرف معدنوس مقطع رقيق
+ملح وفلفل اسود +زنجبيل +زعفران + عكري +مغرف دهان
الطريقة
خدي الفخد خليه في الوسط ونحي العضم وخدي مغرف دهان خلطيها مع3سنات ثوم مرابي +ملح وفلفل عكري
وطلي اللخم من الداخل وخدي الحشوة خلطي كل المقادير المدكورةوعمري الجكو ولفيه وخيطيه بي الابرة والخيط جيد باش ما يخرجش الحشو اثناء الطهي وخدي كوكوطة حطي فيها زيت +بصلة مرابية +سنات ثوم +مغرف دهان +ملح +زنجبيل + زعفرات ومرقي بي الكاس تع الماء
بدون متقلي وغلقي الكوكوطة وخلها طيب
وحدي غرفية او صحن صغير حطي فيه مغرف او2 دهان + مغرف او 2 موطارد + مغرف صغيرة فلفلة حمراء اوكم توسمة العكري
ونحي الجيكو تعك من الكوكطة وطليه بي الخليط الي حضرناه ودخليه للفرن حت يتخمر
وقدميه مع سلاطة
وبي الف صحة وعافية
وعيدكم مبارك سعيد واعده الله علينا بي الصحة والعافية نحن والمسلمين اجمعين
اممممممممممممممممممممممممممممممممممممممممممممممميي ن
4444444444444444444444شكرا
شكرا أختي أم سوهيل على الطبق اللذيذ جوعتيني حرام عليك
ام حمزة22
2014-09-29, 15:21
يعطيك الصحة ام حمزة طبق اليوم هاييل مع انى نحب الحار عجبني بزاف
الله يكون في عونك حتى وانتي مشغولة منسيتناش بارك الله فيكي
شكرا حبيبتي ام هديل انا خلاص وا لفتكم وربي يدوم قعدتنا
شكرا لك راني جربت طبقك نتاع المقلوبة انا زدتلها الكورجات وجات روعه كون تعرفي شحال كنت نخاف من هدا الطبق لاكن بطريقتك المبسطه درت القلب وعولت عليه شكرا الف مره
الحمد لله كي قدرتي طيبيه لازم الوحدة فينا جرب وما تخافش اليوم نخسر وغدوة ننجح رانا كامل نتعلمو وقد ما يكبر بنادم يزيد يتعلم
شكرا ام حمزة وسمحيلي نحط وصفة للاخوات وهيى
فخد الخروف في الفرن
نحتاجو جيكو +3مغارف دهان+8فصوص ثوم + ملح + حرور او فلفل اسود +5مغارف زبت +بصلة كبيرة مسكرفجة +زعفران +كاس ماء+
مغرف صغيرة عكري +زنجبيل بودرة
الحشوة
250غ لحم مرحي+150غ كبدة مقطع صغيرة ونكونو قلينها في مغرف تع زيت حنى طيب+ 1بيض +1بصلة +2سنات ثوم +3مغرف معدنوس مقطع رقيق
+ملح وفلفل اسود +زنجبيل +زعفران + عكري +مغرف دهان
الطريقة
خدي الفخد خليه في الوسط ونحي العضم وخدي مغرف دهان خلطيها مع3سنات ثوم مرابي +ملح وفلفل عكري
وطلي اللخم من الداخل وخدي الحشوة خلطي كل المقادير المدكورةوعمري الجكو ولفيه وخيطيه بي الابرة والخيط جيد باش ما يخرجش الحشو اثناء الطهي وخدي كوكوطة حطي فيها زيت +بصلة مرابية +سنات ثوم +مغرف دهان +ملح +زنجبيل + زعفرات ومرقي بي الكاس تع الماء
بدون متقلي وغلقي الكوكوطة وخلها طيب
وحدي غرفية او صحن صغير حطي فيه مغرف او2 دهان + مغرف او 2 موطارد + مغرف صغيرة فلفلة حمراء اوكم توسمة العكري
ونحي الجيكو تعك من الكوكطة وطليه بي الخليط الي حضرناه ودخليه للفرن حت يتخمر
وقدميه مع سلاطة
وبي الف صحة وعافية
وعيدكم مبارك سعيد واعده الله علينا بي الصحة والعافية نحن والمسلمين اجمعين
اممممممممممممممممممممممممممممممممممممممممممممممميي ن
شكرا ام سوهيل راكي مسامحا وتفضلي باي طبق تحبي تشاركي بيه
الموضوعكن
4444444444444444444444شكرا
شكرا ام آدم على المرور
ام حمزة22
2014-09-29, 16:35
في دار عجوزتي السكات و العيد بلخف يخلاص
نذبحو كبش واحد أنا و سلفتي و هي عندها بنات نتعاونو على الدوارة و البوزلوف و من بعدها مباشرة كل شيء يتقسم و كل واحدة طيب في دارها الفطور في داري يفوت بسكات كاين غير أنا و راجلي و العجوزة أنا والفت الغاشي و الزرب في دارنا في داري غير نبدا نزرب عجوزتي تقولي اخدمي في عقلك علاش راكي مزروبة
العشاء بوزلف ما عندهوم لا ضياف و لا شيء
الحمد لله دارنا قريبة
الله يبارك على عائلتك حبيبتي
حبيبتي راهي كل وحدة فينا كانت ضيفة عند اهلها لازم عليك توالفي بيت زوجك واهلو وكل واحد واش عطاه ربي كاين لي يعطيها لولسات و لواس وغاشي و ماتحبش تعيش معاهم
انا كنت ساكنا مع اهل زوجي درك راني وحدي وكيما قلتي نوض بكري نخدم شغلي كانت عجوزتي تفرح كي نزرب فالشغل ونكمل بكري
حبيبتي بادن الله يرزقك ربي بدرية الصالحة ويعمرولك دارك
vBulletin® v3.8.10 Release Candidate 2, Copyright ©2000-2025, TranZ by Almuhajir