الى ام اسيد1 وكل وحدة حاصلة واش الطيب [الأرشيف] - الصفحة 2 - منتديات الجلفة لكل الجزائريين و العرب

ام سوهيل

2014-09-29, 17:07

سلام عليكم

لقيت روحي وحدي بعد محرج زوجي مع الاولاد قلت نجي نخكيلكم على العيد عاندي بي صفة خاصة

انا ليلة العيد نضف البيت ونحضر مكان الدبيحة وصباح نود بكري نعجن الخبز او المطلوع كما نقولو حنا نس الغرب ونحضر قهة للزوج والاطفال ومن بعد نحضر لصوص تع الدورة

ونستنا اخو زوجي يجي يدبح الادحية لانو زوجي ما يعرفش يدبح ههههههههههه

وان دايما ندحك عليه ههههههههههه

ومن بعد نضف الدورة انا منزلطهاش كما قلت ام حمزة فقط نضفها ونقطع قيس ما نحتاج ونحلي الاحرة تقطر من الماء وبعد الفطور نضف المطبخ ونصلي الضهر ونروح عند عجوزتي وفي المساء نرجع للبيت ونحضر العشاء ندير كبدة او طرف اللحم نشويه انا زوجي مايقرعش حتى الغدوة لزم يكل اللحم في انهاروهههههههه

ومن بعد نقطعو اللحم نخبو نصف والاخر يتصدق وفي المساء انا نحضر العشاء وزوجي حفده الله يشوط البوزلوف ونقيه وفي الغد نروح الدارنا
اما هد المرة نروح حتى لليوم 4 لبينتا لانو ولدي يقرة هد العام سنة 1 ادعولي ربي يوفقه ويجعلهلي من الصليحين اميييين

نبقا 3ايام ونرجع للبيت عادي ويخلاس العيد ا

ام سوهيل

2014-09-29, 17:23

صباح النور اختي ام حمزة و كل الاخوات لي راهم يتابعوك معايا
يعطيك الصحة على الرشتة جات روعة
كنت في المرة السابقة قلتيلي على الحريرة اولا يليق تشري من السوق تشيشة و يا ريت لو كانت مرمز
في طنجرة تحطي زيت مع البصل مقطع رقيق مع الحم لي عندك انا ندير الداند من الفخذ يجي بنين تخليهم يتقلاو مليح تضيفي لهم الخضار مقطعة جزر لفت بطاطا كورجات تقلي مليح على نار هادية ضيفي لها الملح حرور راس الحانوت كروية كركم وزنجبيل طماطم مصبرة حوالي ملعقة اكل وتمرقي بكاس ماء وتكوني حضرتي البوكي نتاعك فيه قصبر كرافس وحد العشبة حنا نقولو لها لحية الشيباني او لحية الشيخ و هي لي تعطي نكهة مميزة لحريرة التيارتية تضيفي هاذ الاعشاب وتمرقي حوالي لتر ونصف و تخليها تكمل طيابها حوالي ساعة و من بعد تنحي الحم البوكي وتطحني المرق ترجعيه فوق النار منين يغلي ضيفي تشيشة حوالي 150غ (مع الخضرة جي قد قد ما ثقيلة ما جارية ) تهفي النار كي تبغي طفي تكوني موجدة 2 سنات ثوم مع ملعقة قهوة كروية تهرسيهم مع بعض و تضفيهم مع عصرة ليمون و شهية طيبة
انا مع الاخير نزيدلها حمص طايب و الحم مفتت مع شوية حشاوش خاصين بالحريرة إن شاء الله مانكونش طولت عليك.
و انا جاهزة لكل إستفسار.

نزيد على كلام الاخت انا نحط زريعة البسباس في المرق قبل ما نمكسي الكل

ومايخفالكمش زريعة البسباس مفيدة تزيد الحليب عند الاحت المرضعة وتنحي لقاز ومتخليش ريحت العرق كريهة

ام حمزة22

2014-09-29, 17:50

شكرا ليك حبيبتي على النصائحالمفيدة
ربي يحفضلك وليدك وينجحو ويصبح من الصالحين
انا تان زوجي ما يدبحش ما يحملش كان لوسي يدبحلنا ودرك وليدي الكبير عندو 23 عند والكوراج ويدبح ربي يحفضو وينجحو وان شاء الله ينجح فالماستار ويصيب خدمة راه مقلق بزاف كي ما لقاش خدمة

ام سوهيل

2014-09-29, 20:21

ربي يحفده ويسهله اموره امين

اما انا عندي 2دراري سوهيل عمرو 6سنوت و اسراء وعمرها 3سنوت يعني صغار ميعرفش يدبح

ام حمزة22

2014-09-29, 21:40

ربي يحفضهملك ويخليك ليهم ويرزقك باخت اسراء واخ سوهيل كيما يقولو لعجايز هههه

ام ظافر

2014-09-30, 08:40

صباحكم مشرق بذكر الرحمن
الي سال عليا تساال عليه الجنة ان شاء الله
كنت لاهية بشوي قاطو لولاد يحبوه ديما حاضر على طول العام
اختي ام حمزة الله يبارك عندك وليدك دار ماستر الله يلحقنا ونشوفو ولادنا متخرجين انا الكبير تاعي نجح في السانكيام هذا العام
بيناتنا ماتبانيش كبيرة الله يبارك في صحتك راكي قايمة بالطبخ والخياطة خير من العازبات

طبق الرشتة روعة ولكن للاسف المنطقة الي راني فيها الان ما تتباعش هذي الرشتة الطرية نسخف عليها موت وفكرة القرفة نجربها ان شاء الله لما نروح لبلادي
فكرة القرنفل مع العدس ثاني جديدة نجربها ان شاء الله ونرجعلك الخبر

انا ولادي عكس ولادكم تماما يمووووتو على اللحم ولوكان يصيبو ياكلو غير اللحم كل يوم والله شيبوني ما يحبو بقول ما يحبو خضرة ما يحبو والو
ياكلو غير المعجنات مثل الشخشوخة والبربوشة والتليتلي والرشتة والدويدة والروزوووووووووانا يضروني لما نكثر منهم
نحب نوعلهم بالخضرة اكثر شيء للفائدة ولكن قليل وين ياكلوها

راهم فرحانين بالعيد غير على جاال اللحم

كيما يقولو الغربة كربة صحيح راني في الجزائر ولكن البعد عن الاهل شيء صعيب
العيد هنا في الجنوب الغربي للجزائر يختالف على العيد في الشرق
عادتهم البولفاف تاع الكبدة في الصباح وما ياكلوش الكرعين يرميوهم وما يديروش العصبانة يديرو العصبان تاع المصران ووووووو

انا نعمل عوايد الشاوية تاعنا
نهار العيد الغداء دوارة مقلية بخبز الدار والحميص والسلاطة
العشاء نشوي الكبدة او نعملها مشرملة
اليوم الثاني على الصباح نقطعو الجزرة

ندير البوزلوف والكرعين النهار الاول ونخبيهم حتى ننساو ريحة اللحم ممكن 4او 5 اشهر حتى نطيبهم
وندير الخليع او القديد وننشرو يجف مليح
ونعمل شوي عصبانة والباقي نزيدلو الرية ونرحيه نعملو عصبان وندير الكتفة اليمنى نهار الثاني عيد بالبربوشة ونخرج حق ربي ويبقالي نحط في المجمد قطع للشربة وقطع للتحمير او الشواء وهكذا
النهار الثالث نعمل شواء على الجمر

اليوم الاول والثاني تاع العيد نخلص فيهم ولاني في الغربة ماعندي وين نروح نبقى ندور على كوزينتي حتى نتهد مليح
الله يلحقنا لهذاك اليوم بكامل عافيتنا ويرزقنا بركة هذي الايام راهي ايام خير لازم نغتانموها بالذكر والصدقة والصيام وفعل الخيرات

ام ظافر

2014-09-30, 08:45

اختي ام حمزة مازالني ما طيبتش لفطور تاع اليوم يالله حطي غذاك لاعودش نقلدك اذا عندي المكونات راهي بحرتلي عندي غير شوي حريرة كشما نزيد معاها طبق اخر ونتهنى

اختي صدفات فكرتيني بلحية الشيخ كانت عندي واحدة عزيزة على قلبي من تيارت كانت مونستني هنا في الغربة والان رجعت لتيارت تعمل واحد الحريرة ماتتنساش واخر شيء تحط في السوبيار شوي من لحية الشيخ تطلق بنة عظيمة
تعرفي حريرتها واحد ما يعملها والسر تاعها انها تخلط فيها شوي فريك تاعنا مع الدشيشة تاعكم وهذا سر باحتلي بيه وقالتلي تعجبني شربة الجاري تاعكم وواحد النهار عطيتها من الفريك تاعنا وبدل ما تعمل بيه الجاري عادت تخلط منو شوي في الحريرة قالتلي حتى زوجي حار فيها ومن هذاك النهار تشري الفريك والدشيشة ولما تحب تعمل الحريرة تنفخ دشيشتها وتزيدلها مغرف كبيرة او زوج فريك

صدفات

2014-09-30, 08:54

صباح الخير يا وجوه الخير
اليوم هو السادس من ذي الحجة لا تنسوا أكثروا من التهليل و التكبير و ال التسبيح و لمن إستطاعت الصدقات.

ام سوهيل

2014-09-30, 09:18

صباحكم سعيد

صدفات

2014-09-30, 09:24

اختي ام حمزة مازالني ما طيبتش لفطور تاع اليوم يالله حطي غذاك لاعودش نقلدك اذا عندي المكونات راهي بحرتلي عندي غير شوي حريرة كشما نزيد معاها طبق اخر ونتهنى

اختي صدفات فكرتيني بلحية الشيخ كانت عندي واحدة عزيزة على قلبي من تيارت كانت مونستني هنا في الغربة والان رجعت لتيارت تعمل واحد الحريرة ماتتنساش واخر شيء تحط في السوبيار شوي من لحية الشيخ تطلق بنة عظيمة
تعرفي حريرتها واحد ما يعملها والسر تاعها انها تخلط فيها شوي فريك تاعنا مع الدشيشة تاعكم وهذا سر باحتلي بيه وقالتلي تعجبني شربة الجاري تاعكم وواحد النهار عطيتها من الفريك تاعنا وبدل ما تعمل بيه الجاري عادت تخلط منو شوي في الحريرة قالتلي حتى زوجي حار فيها ومن هذاك النهار تشري الفريك والدشيشة ولما تحب تعمل الحريرة تنفخ دشيشتها وتزيدلها مغرف كبيرة او زوج فريك
شكرا على المعلومة أختي أم ضافر وسوف أجربها إن شاء الله وحتى أنا عندي للحريرة سر جي معسلة و تربحي الوقت و راني سألت البائع على الحشاوش فيهم (الزعتر قرطوفة نوخة فليو)
وللأخت أم سوهيل عندك الصح البسباس مليح و ريحته طيبة

صدفات

2014-09-30, 09:49

يا أم حمزة أين أنتي توحشناك شتى راكي ديري ما تقوليش القاطو هذا عيد اللحم ديري نوع واحد للقهوة بزاف
وللمعلومة راهي الأخت إلهام حطت غريبية شابة بزاف جربتها البارح ما نعرفش نحط الرابط و لكن راهي في قسم الحلويات.

روح مراد

2014-09-30, 09:54

السلام عليكم يا أخوات الشاطرات الله يبارك عليكم و الله تغيروني
أولا قولو لي واش هية لحية الشيخ هاذي، واش يديرو بيها و واش من منطقة يستعكلوها
ثانيا أم ظافر تعيشي أختي أعطيني طريقة هاذ الحريرة البنينة باش كاش ما نزوخ بيها على دارنا هاهاهاهاها
أختي أم حمزة
أنا راني نوالف داري و الحمد لله على كل شيء كل واحد يرضى بمكتوبو و واش ربي يعطيه
و لكن الاختلاف كان بزاف كبير عليا أنا تزوجت بجاري و لكن اختلاف جذري في كل شيء وين كنت و وين وليت بالصح الحمد لله قدرت نتأقلم مع المحيط الجديد و قدرت نوالف العقلية الجديدة (حياتهم بزاف بسيطة ماتعيينيش خلاص) ول كن أنحب ديما نحافظ على نمط حياتي القديم لأنه أحسن بدون ما نظهر أني أحسن منهم في المستوى الاجتماعي

ام حمزة22

2014-09-30, 10:40

سلاااتتم
صباحكن سعيد
الله يبارك على الردود اليوم راهي بقوة ربي يدومها
ام ضافر عسلامتك هادي غيبة
اليوم تاني ما نقدرش نرد علىيكم لاني راني مع الحلوى من عوايدي ندير نوع واحد ولا 2 كيما قال شيخي الله يرحمو ويوسع عليم كان يقولي هاد العيد للحم مشي للحلوى
بصح كي يجيك ضيف وقت الحلوة واش تحطيلو
ام ضافر ماقريتش الردود بصح جبدتني واحد الكلمة راحت عيني ديييييركت ليها وهي ما نبانش كبيرة
في الحقيقة ما رانيس كبيرة انا تزوجت 20 س ووليدي عندو 23 س احسبي وشوفي في رايك راني كبيرة ولالا حتى ولا لقيتيني فالسن كبيرة عقلي وداتي ما حبوش يكبرو هههههه
منين نروح الاعراس ناس تضبح علية ويقولولو عيني عينك انت ما تكبريشششششششششش
حتى وليدي الكبيركي نخرج معاه يقولي راكي تبان قدي ههههههههههههههههه
المهم نولي لموضوعي من بعت نتهلة فالاجابة على ردودكم العطره

ام حمزة22

2014-09-30, 10:52

طبق اليوم ان شاء الله يعجبكم انا عن نفسي نموت عليه حى ولادي وزوجي
هو ( اللوبية اليابسة بالبصل وطوماطيش)
نشمخ اللوبية فىالليل كي نوض فالصباح نلقاها تشمخت وتنفخت من بعد نقيها ونغسلها مليح ونحطها طيب غير فالماء
من جيهة اخرى نحضر البصل نقطو رقيق رقيق ونزيد معاه حبة فلفل احلو اي طرشي ونضيفلو العكري والملح والزيت نخليه يتقلة كي نشوف البصل دبال نضيفو فوق اللوبيا كي يدخللها طياب من بعد نضيف الطماطم حب ونصف مغرفة ماكلة طماطم مصبرة ونخلي الكل يتجمر و يطيب بدون اضافت الماء لان الما لي قعد فاللوبيا والمرقة نتاع البصل والطماطم يكفي
نخليكم مع الصور

http://www.foxpic.com/VlxbN0iF.jpg
http://www.foxpic.com/VIojk60Z.jpg
http://www.foxpic.com/V06BXPwm.jpg
http://www.foxpic.com/VLBKqxs5.jpg
http://www.foxpic.com/VpODuIsM.jpg

صدفات

2014-09-30, 11:00

السلام عليكم يا أخوات الشاطرات الله يبارك عليكم و الله تغيروني
أولا قولو لي واش هية لحية الشيخ هاذي، واش يديرو بيها و واش من منطقة يستعكلوها
ثانيا أم ظافر تعيشي أختي أعطيني طريقة هاذ الحريرة البنينة باش كاش ما نزوخ بيها على دارنا هاهاهاهاها
أختي أم حمزة
أنا راني نوالف داري و الحمد لله على كل شيء كل واحد يرضى بمكتوبو و واش ربي يعطيه
و لكن الاختلاف كان بزاف كبير عليا أنا تزوجت بجاري و لكن اختلاف جذري في كل شيء وين كنت و وين وليت بالصح الحمد لله قدرت نتأقلم مع المحيط الجديد و قدرت نوالف العقلية الجديدة (حياتهم بزاف بسيطة ماتعيينيش خلاص) ول كن أنحب ديما نحافظ على نمط حياتي القديم لأنه أحسن بدون ما نظهر أني أحسن منهم في المستوى الاجتماعي
صباح النور أختي روح مراد شكرا على الإطراء
لحية الشيخ او لحية الشيباني كيما نقولولها حنا هي عشبة نديروها فالحريرة تعطيها بنة و نكهة خاصة و إنشاء الله نصورها ونحطهالكم باش تقدروا تتعرفوا عليها ربما عندها أسماء أخرى.

صدفات

2014-09-30, 11:11

أختي أم حمزة يعطيك الصحة على الوبيا أنا نطيبها مرق مع الخضار و الكرافس و الثوم بصح نتاعك تبان ماشاء الله .

تغرينية

2014-09-30, 11:14

شكرا جزيلا اختي يعطيك الصحة.

روح مراد

2014-09-30, 11:17

صحيتي يا صدفات و ممكن تعطيني طريقة تحضير الحريرة التيارتية من فضلك

روح مراد

2014-09-30, 11:19

صحيتي أختي أم حمزة على اللوبيا و الله فكرتيني ايام زمان عندي بزاف ماطيبتهاش بصح فكرتيني فيها ضرك نحطها في البرنامج

نخله.

2014-09-30, 11:20

السلام عليكووووووووووووووووووون صباح الخيرات
على الحاضرات والغايبات

اليومين للي فاتو كنت بلا نت الموديم تحرق من كثرة انقطاعات الكهرباء ................حسيت روحي مقطووووووووووووووووعة

ام حمزة ماشالله عليك وعلى شبابك .............الله يحفظك ويسترك لولادك ويفرحك بيهم

مممممممممم هاذي لوبيا أ لاميريكان هههههههه .........اللوبيا للي نديروها بالمرق............ولادي يحبو غير المراقي والاكلات التقليديه شيوووووخ هههههه................

اليوم درتلهم حريرة المرمز *الدشيشه*كيما نسموها لعشا رح ندير بطاطا صوتي ببواقي الدجاج
غدوا ان شاءلله غدايا عدس والعشا رح يكون معجنات سباقيتي او مقارون

كنت ندير الغدا مع العشا..بما انو برد الجو واغلب الاوقات ندير امراقي......مدرة للحليب المرضع......و مانحبهمش لعشا

وليت نخبي من غدا اليوم * المرق*لغدا غدوا هههههههه والعشا حاجة خفيفة بطاطا.معجنات ارز او نحمر اللحم او الدجاج يعني عشا مايديش اكثر من نص ساعة................سيرتو البيبي يتعبني عشيه كاملة يبكي حتى بعد صلاة العشا يرقد

نخله.

2014-09-30, 11:25

حنا هاذي للي نسموها شيبة الشيخ
http://im72.gulfup.com/ezLHVv.jpg

نخله.

2014-09-30, 11:27

http://im72.gulfup.com/nKTeIL.jpg

روح مراد

2014-09-30, 11:32

صحيتي يا نخلة ربي يخليلك أولادك
بالصح منين نشريها هاذي؟ و كيفاش نستعملها

ام ظافر

2014-09-30, 11:50

اختي روح مراد راهي الاخت نخلة حطت صورتها الاولى
روحي عند الي يبيعو التوابل والاعشاب وقوليلو لحية الشيخ لانها مشهورة بهذا الاسم تحديدا في الغرب الجزائري
الحريرة تاع الغرب خلي صدفات تقولهالك لانو اهل مكة ادرى بشعابها انا راني تعلمتها منهم

روح مراد

2014-09-30, 12:05

ربي يخليكم و يفرحكم إن شاء الله
أنا اليوم جاتني نطلب هاهاهاها
عجوزتي جابت كبوية (القرعة الحمراء) البارح و قالت لي غدوا طيبيهالنا
أنا في الحقيقة في دارنا كانو ما يحبوهاش كامل مانشروهاش
أشكون فيكم تقدر تمدلي كاش وصفة على الأقل تفرح بيا العشية

ام ظافر

2014-09-30, 12:20

اختي ام حمزة تعرفي........... مااحلاه زواج الصغر
لو يرجع الزمان للوراء ما نقرى في الجامعة مانتخرج مهندسة مانعمل مباشرة نتزوج ونجيب لولاد نكبر معاهم خير ويكون عندي الصبر على تربيتهم

اللوبيا نموت عليها وهي تقتلني في مصراني ولكن لا مفر
بالصحة على قلوبكم تبان تسخف
ولكن هل عملتيها غداء وعشاء والا موجدة للعشاء حاجة اخرى

ام ظافر

2014-09-30, 12:24

روح مراد الكابويا اذا كانت كالاباز برتقالية وقشرتها خضرة راهي حلوة تهبل اعملي بيها كسكس بالمرقة حمرة بالخضار ومعاهم الكابويا
امي تعمل منها معجون يعني مربى ويجي مليح وكذلك تعملها شرائح وتقليها مثلالجزر تتلق حلاوتها
وكاين شربة الكابويا روعة حوسي في المنتدى او قوقل تخرجلك تجي بالكرام فراش جربتها وعجبتني
هذا واش نعرف ندير بيها

روح مراد

2014-09-30, 12:50

شكرا أختي أم ظافر
بالنسبة للكسكسي أنا موالفة نديرها
بالنسبة للحساء (بيناتنا) عجوزتي ماتاكلش حاجة ما تعرفهاش هاهاهاها و الله كنت نوع في الأطباق و نزيد و أحيانا أطباق أجنبية لأن زوجي يحب كل ما هو أوروبي
و لكن للأسف عجوزتي حرمتنا من كل هذا تاكل الشيء اللي تعرفو و اللي كلاتو من قبل أحيانا نعمل 2 أطباق حاجة ليها و حاجة لينا و لكن في أوقات العمل الله غالب ما نلحقش ندير ديما حاجة واحدة لينا كامل
وليت نحوس في الأطباق نتاع زمان باش تاكل بدون تعليق و رغم ذلك تعلق بالصح ماعليش راهي كبيرة و الله نقادرها مسكينة كي تطلب حاجة الروح نجري نديرها لأنها المسكينة تعتبرنا احنا العرايس كي بناتها ما عندهاش البنات
شكرا لكن جميعا

صدفات

2014-09-30, 13:20

صحيتي يا صدفات و ممكن تعطيني طريقة تحضير الحريرة التيارتية من فضلك
مساء الخير للجميع اما الحريرة راني حاطتها في الصفحة 15 من موضوعنا هاذا وأستسمح الأخت أم حمزة لأنه موضوعها في الحقيقة ولكن انا والفت جماعتنا و حسيت أنه موضوعنا الكل.

صدفات

2014-09-30, 13:31

http://im72.gulfup.com/nkteil.jpg
bravo عليك يا نخلة هذي هي وين لقيتي هاذ الصور ولمعلوماتكم يا أخوات كي ديروها ما تكثروش منها شوووية برك لأنه بنتها و ريحتها قاطعة خصوصا كي تكون جديدة

روح مراد

2014-09-30, 13:38

صحيتي يا أختي على الحريرة و لكن واش هي القرطوفة؟

صدفات

2014-09-30, 14:00

صحيتي يا أختي على الحريرة و لكن واش هي القرطوفة؟
كذلك هي عشبة جي خضراء و ريحتها قاطعة ود يريها كي طفي النار وما تكثريش لأنه ريحتها قاطعة . و يقلولها قرطوفة (حرف القاف ب ثلاث نقط أي guartoufa

روح مراد

2014-09-30, 14:06

merci bcp mes soeurs
راكو الله يبارك وقيل نحبس الخدمة و نجي نساميكم في المطبخ

صدفات

2014-09-30, 14:19

merci bcp mes soeurs
راكو الله يبارك وقيل نحبس الخدمة و نجي نساميكم في المطبخ
. و الله يا أختى حتى انا راني نخمم باه نقعد في البيت و لكن راني خايفة نندم.

روح مراد

2014-09-30, 14:26

مليح القعاد في الدار إذا كان عندك اهتمامات أخرى و عندك أولاد
أنا حتى الآن مازال ما عنديش ذراري علابيها مارانيش حابة ريح في الدار يضيق خاطري و نولي غير نقعد نجمع مع النساء بلا فايدة
راني نخدم خير ما نبقا نهار كامل مقابلتهم جيب المشاكل للروحي
بالصح نتاع الصح غرت و الله هوايتي المطبخ بالصح الله غالب ماكاش الوقت

صدفات

2014-09-30, 14:48

مليح القعاد في الدار إذا كان عندك اهتمامات أخرى و عندك أولاد
أنا حتى الآن مازال ما عنديش ذراري علابيها مارانيش حابة ريح في الدار يضيق خاطري و نولي غير نقعد نجمع مع النساء بلا فايدة
راني نخدم خير ما نبقا نهار كامل مقابلتهم جيب المشاكل للروحي
بالصح نتاع الصح غرت و الله هوايتي المطبخ بالصح الله غالب ماكاش الوقت
ربي يرزقك بالذرية الصالحة إن شاء الله انا عندي 4 زوج بنات و زوج اولاد و أنا كذالك نحب الطبخ و الحلويات و نحب نفرح وليداتي بحوايج يبغوهم بصح الوقت ما كانش المهم الحمد لالله الله يقدرنا

روح مراد

2014-09-30, 14:52

ربي يحفظهم إن شاء و يعطيكم طول العمر باش تفرحو بيهم و تزوجوهم إن شاء الله
شكرا لك على الدعوة يا أختي من فمك لربي إن شاء الله

صدفات

2014-09-30, 15:37

شكرا على دعواتك الطيبة و لكي بالمثل إن شاء الله

ام حمزة22

2014-09-30, 15:44

سلام
يعطيكم الصحة على الردود راكم زهيتو الموضوع بارك الله فيكن
والله ملي قعد ت نكونكتي وانتا نكتب فالرسائل كتبت 2 جرانن غير نجي نبعتهم تروحلي الكونيكسين
خساااااااااااارة

ام حمزة22

2014-09-30, 15:49

http://im80.gulfup.com/D4E4Tv.jpg
هادي حلوت العيد وهاد سنيوة بدات رايح نديها لوستي لعشية نروح نطل عليها
واش رايكم فالحلوة اقتصادية وماشي مكلفة

صدفات

2014-09-30, 16:04

واو روعة يعطيك الصحة
القاطو الرابع على اليسار شتهو سابلي و لا ماذا بصحتها لوستك تحبيها

amirdjelloule

2014-09-30, 16:20

شهيتينا في السلطة يعطيك الصحة

ام حمزة22

2014-09-30, 16:52

صدفات هداك مشي سابلي انا اول مرة نديرو خديت الوصفة من كتاب سميرة و اسمو حلوة الفرماج
حبيت نجربو خرج روعة يدوب فالفم حتى هداك المشوك خديتو من كتاب سميرة بالفارينة تان عجبني اول مرة نديرو بالفرين ونرمدو فالكاوكاو وكي نخرجو منالفرن نسقيه بمغرفة عسل

ام ظافر

2014-09-30, 17:35

الله يبارك هكذا نبغي القاطو مانحبش هذاك المخبز والعرايش ووووالغلا تاع اللوز بلا بنة نحب القاطوات تاع الفرينة والزبدة مثل الصابلي والمسقي الي عملتيه

moniz

2014-09-30, 20:29

:mh31:http://im80.gulfup.com/D4E4Tv.jpg
هادي حلوت العيد وهاد سنيوة بدات رايح نديها لوستي لعشية نروح نطل عليها
واش رايكم فالحلوة اقتصادية وماشي مكلفةya3tik elsaha inchALLAH fi mizeine hassanetek

hayette82

2014-09-30, 22:47

4444444444444444

سمسومة 05

2014-10-01, 00:10

يعطيك الصحة ام حمزة مشكورة

الاء الوئام

2014-10-01, 07:16

يعطيك الصحة ام حمزة دايما تعاونينا

صدفات

2014-10-01, 08:53

الله يبارك هكذا نبغي القاطو مانحبش هذاك المخبز والعرايش ووووالغلا تاع اللوز بلا بنة نحب القاطوات تاع الفرينة والزبدة مثل الصابلي والمسقي الي عملتيه
صباح الخير أم ضافر يعطيك الصحة هاذا هو القاطو لي يتكل و يفرح ماشي القاطو نتاع الماكياج كيما يقول زوجي حفظه الله.

ام ظافر

2014-10-01, 08:58

صباحك سعيد اختي صدفات
ضحكتيني على الصباح والله عندو الحق زوجك كي قال عليها المكياج
حبة قاطو يقعدو فيها نصف ساعة باش يزوقوها

ام سوهيل

2014-10-01, 10:01

صباحكم سعيد كيراكم ام حمزة يعطيك الصحة القاطو يسخف ممكن تحطيلنا الوصفة تع حلوة الفرماج

وربييجزيك
وعدروني راني نلم في قشي عن قريب سوف انتقل لي سكن اخر راكم تعرفو حالت الكراء المهم الى مشفتونيش ماتنسونيش

ومادبيك ام حمزةاعطيني الوصفة اليوم اداامكن
شكرا

أم أسرار

2014-10-01, 10:02

بسم الله الرحمان الرحيم

سلام ختيتو يعطيك الصحة على الحلوى خليلي حقي و سالي على لوستك و ياسعدها بيك ربي يدوم لمحبة

ام حمزة22

2014-10-01, 10:19

سلام
صباحكم سعيد يا وجوه الخير
ان شاء الله تكونو كا مل بالف خير
شكرا ليك حب ووصال الا ما جتيش درك راح حقك راني دبزة ودماغ مع دراري جابلي ربي قبل ما يلحق العيد يخلاص القاطو راني خايفة يجيني ضيف ما نصيب ما نحطلو ههههههه
طبقي اليوم خفيف ضريف وهو روز باللحم المفرون والصوص حمرة
الصوص كيما لي درتها فالسابق نتاع المقارون هاديك نستعملها في كل المعجنات بصح باه ندير اللحم المفروم نفوت نرحي المكونات كي يطيبو من بعد نرجع الصوص تغلي كي تغلي نضيفلها اللحم غلية 2 ونطفي على لاصوس ثم نضيفها فوق الروز لكنا غليناه وشللناه مليح باه ما يلسقش
نخليكم مع الصور ورابط اطباق الروز لي طيبتهم في رمضان
http://www.djelfa.info/vb/showthread.php?t=1640468&page=3
http://im86.gulfup.com/Q6bGnS.jpg
http://im62.gulfup.com/x7Zbmc.jpg
http://im62.gulfup.com/ROL4jp.jpg

ام حمزة22

2014-10-01, 10:22

ام سوهيل بالباركة عليك الراحلة
عن الوصفة درك نحطها باد ن الله في قسم الحلاويات

ام حمزة22

2014-10-01, 10:26

ام سوهيل تفضلي
صورتلك الوصفة من الكتاب نتاع سميرة
http://im59.gulfup.com/wYMzTA.jpg

روح مراد

2014-10-01, 10:57

صحيتي يا أم حمزة
ربي يخليلك حمزة و خاوتو و باباهم
و يخليك أنت تاج راسهم
يعطيك الصحة راني قريب نبدا نبكي من الجوع و القاطو اللي مازال ما درتو و الأهم من هاذا الكل العجوزة راهي تقول نهار العيد ديري جغنة طعام للجامع
يادرا واقتاش ندير هاذ الشيء كامل و لازم نروح عند دار شيخي و لواساتي كامل بدون استتثناء و دارنا ....
لازم نخرج نشري سبانخ نتاع بوباي هاهاهاهاهاههاهاهاها superwaman كيما يقول خويا
يعطيكم الصحة كامل يا النساء

تغرينية

2014-10-01, 11:10

:19::19::19::19:ماشاء الله روعة ديما مسهله علينا

ام حمزة22

2014-10-01, 11:31

صحيتي يا أم حمزة
ربي يخليلك حمزة و خاوتو و باباهم
و يخليك أنت تاج راسهم
يعطيك الصحة راني قريب نبدا نبكي من الجوع و القاطو اللي مازال ما درتو و الأهم من هاذا الكل العجوزة راهي تقول نهار العيد ديري جغنة طعام للجامع
يادرا واقتاش ندير هاذ الشيء كامل و لازم نروح عند دار شيخي و لواساتي كامل بدون استتثناء و دارنا ....
لازم نخرج نشري سبانخ نتاع بوباي هاهاهاهاهاههاهاهاها superwaman كيما يقول خويا
يعطيكم الصحة كامل يا النساء
شكرا حبيبتي ربي يعاونك اعرفي برك كيف تبرمجي روحك يسهل عليك كلش والصدقة مليحة وربي يتقبل
ربي يقدرك على الخير
:19::19::19::19:ماشاء الله روعة ديما مسهله علينا

شكرا تغرينة بلرك الله فيك

أم أسرار

2014-10-01, 11:32

ختيتو بصحتهم ولادك يا كلو بصحة و الهناء وخليهم ياكلو هوما قبل من الضيف:1::1::1: و الضيف لي يجيك راه كاين اللحيما

عليك و على القليان و لا الشويان صحى عيدكم وبصحتكم الروز

روح مراد

2014-10-01, 11:37

صحيتي يا أم حمزة ربي يقبل دعوتك

ام حمزة22

2014-10-01, 11:37

شكرا ليك حبيبتي
الضيف كي يجي وقت الفطور ولا لعشاء نحطلو اللحم ولي يجي وقت القهوة واش نحطلو

صدفات

2014-10-01, 11:51

صباحكم سعيد كيراكم ام حمزة يعطيك الصحة القاطو يسخف ممكن تحطيلنا الوصفة تع حلوة الفرماج

وربييجزيك
وعدروني راني نلم في قشي عن قريب سوف انتقل لي سكن اخر راكم تعرفو حالت الكراء المهم الى مشفتونيش ماتنسونيش

ومادبيك ام حمزةاعطيني الوصفة اليوم اداامكن
شكرا
صباح الخير ام سوهيل ربي يعاونك الرحلة صاعبة ومتعبة خصوصا لا ماكانش لي يعاونك بصح ما تحيريش رانا هنا
انا أمحمزة أم ضافر روح مراد تغرينية نخلة و كل الأخوات و لا شتى قلتو لبنات

ام حمزة22

2014-10-01, 12:20

:mh31::mh31::mh31::mh31::mh31::1::1::1::1:ايه صدفات رانا هنااااااااااااااااااااااااااااا

روح مراد

2014-10-01, 12:31

أنا نعاون راني هنا profesionnel نتاع الرحلة ديما راحلة من غرفة لغرفة بكري في دارنا هاهاهاهاه كل عام يبدلولي شمبرة حتى زوجوني و تهناو لضرك و مازال نرحل اهاهاهاههاهاهاها
ربي يعاونك يا أختي و إن شاء ربي يرزقكم بدار مستقرة انشاء الله

ام هاديل وياسين

2014-10-01, 13:16

السلام عليكم

يعطيك الصحة ام حمزة على طبق اليوم اسهل منو مفييييييش وبصحت وليداتك القاطو تعيشي ودريلهم هايييل

الله يبارك فيكي حبيبتي

سلام للجمييع

ام سوهيل

2014-10-01, 14:01

شكر ام حمزة ربي يخليك وشدلك في وليداتك وبنسبا للاخوات ربي يحفدكم ويخليكم وشدلكم في ولداتكم

روح مراد ربي يرزقك بدرية صالحة وام بي النسبة لداركم سور راهم متوحشينك ومتوحشين يمات الي كنتي معهم كمل احنا لبنات هكداك

يكرهومنا كي نكونو معهم وغي نخرجو مدار تبق فارغة عليهم وبلاخص ادا كنتي انتي الكبيرة في البيت

انا كي تزوجت عمي ربي يخليه مولاش كامل يجي لدار ولايقول لماما داركم راهي سامطة وكتر فيها الروتين ههههههههههههههههه

ويغير خوتاتي الي كانو مازل يقراو ههههههههههه

وال كل الاخوت نشائلله ترحلو المكة يربي امين

ام حمزة نفس طريقتي في الروز ديالك ربي يحفدك

ام سوهيل

2014-10-01, 14:12

ام حمزة علبلي كترت عليك بسح بغيت نسال وشمن نوع فرماج ستعملتي شاف اوجبن عادي وسمحيلي

نخله.

2014-10-01, 14:27

سلام عليكووووووووووووووون صباح اخيرات ام حمزة وكل المتتبعات

كانو عندي ضياف ومن بعدهم الكوزينه واااااااااااااع سيرتو غدا الغفلة هههههههه

ام سوهيل ربي يكون معاك..حنا ثاني مول الدار يخرج فينا رانا نحوسو على كرى جديد....ربي يفرج علينا ......قولو ان شاءلله

ام حمزة شهيتيني فالروز بافيونداشي انا موالفة نديرو بالزيتون عطيتيني فكرة للتجديد الله يحفظك

اما حلوى العيد مزالي من النفاس درت 150 حبة من كل لون درت حساب زوجي يدي لفطور للخدمة من بعد دار في رايو بقالي للعيد

احكونا وش راكم توجدو للعيد لللحم طبعا؟؟؟

انا جبدت العدة السكاكين شرينا الاكياس الصغار والكبار ........الاسياخ..........

الكسبر والمعدنوس لعشيه نغسلهم ونقطعهم و الى المجمد الليل نشمخ الحمص غدوا نديرو يطيب ان شاءلله

و البهارات فلفل اسود والكسبر والكمون غدوا نرحيهم باذن الله

زيدو فكروني وش نسيت؟؟؟

نخله.

2014-10-01, 14:30

http://im36.gulfup.com/HHCZs.jpg

روح مراد

2014-10-01, 14:51

شكرا لكن يا أخوات ربي يعطي لكل واحدة واش تتمنى

ام حمزة22

2014-10-01, 18:32

السلام عليكم

يعطيك الصحة ام حمزة على طبق اليوم اسهل منو مفييييييش وبصحت وليداتك القاطو تعيشي ودريلهم هايييل

الله يبارك فيكي حبيبتي

سلام للجمييع
وعليكم السلام ام هديل مشكوووووووورة حبيبتي
شكر ام حمزة ربي يخليك وشدلك في وليداتك وبنسبا للاخوات ربي يحفدكم ويخليكم وشدلكم في ولداتكم

روح مراد ربي يرزقك بدرية صالحة وام بي النسبة لداركم سور راهم متوحشينك ومتوحشين يمات الي كنتي معهم كمل احنا لبنات هكداك

يكرهومنا كي نكونو معهم وغي نخرجو مدار تبق فارغة عليهم وبلاخص ادا كنتي انتي الكبيرة في البيت

انا كي تزوجت عمي ربي يخليه مولاش كامل يجي لدار ولايقول لماما داركم راهي سامطة وكتر فيها الروتين ههههههههههههههههه

ويغير خوتاتي الي كانو مازل يقراو ههههههههههه

وال كل الاخوت نشائلله ترحلو المكة يربي امين

ام حمزة نفس طريقتي في الروز ديالك ربي يحفدك

ام حمزة علبلي كترت عليك بسح بغيت نسال وشمن نوع فرماج ستعملتي شاف اوجبن عادي وسمحيلي
ما تعاوديهاش ام سوهيل اسالي وانا نجاوم ما كاش حتى مشكل
الفرماج نتاع بورسيو حبات صغار
سلام عليكووووووووووووووون صباح اخيرات ام حمزة وكل المتتبعات

كانو عندي ضياف ومن بعدهم الكوزينه واااااااااااااع سيرتو غدا الغفلة هههههههه

ام سوهيل ربي يكون معاك..حنا ثاني مول الدار يخرج فينا رانا نحوسو على كرى جديد....ربي يفرج علينا ......قولو ان شاءلله

ام حمزة شهيتيني فالروز بافيونداشي انا موالفة نديرو بالزيتون عطيتيني فكرة للتجديد الله يحفظك

اما حلوى العيد مزالي من النفاس درت 150 حبة من كل لون درت حساب زوجي يدي لفطور للخدمة من بعد دار في رايو بقالي للعيد

احكونا وش راكم توجدو للعيد لللحم طبعا؟؟؟

انا جبدت العدة السكاكين شرينا الاكياس الصغار والكبار ........الاسياخ..........

الكسبر والمعدنوس لعشيه نغسلهم ونقطعهم و الى المجمد الليل نشمخ الحمص غدوا نديرو يطيب ان شاءلله

و البهارات فلفل اسود والكسبر والكمون غدوا نرحيهم باذن الله

زيدو فكروني وش نسيت؟؟؟

نخلة قوليلي على الطريقة لي تستعمليها في تجميد الكسبر والمعدنوس استعملتهم مرة ما عجبونيش دبالو ولاو كحولة
امت عن التحضير انا نقول لزوجي جيب غيرالباطاطا هادا واش ياكلو ولادي فالعيد مشوي وفريت
راح نخليلكم الموضوع نتوما تقدمو الاطباق ولا واش قلتي

http://im36.gulfup.com/hhczs.jpg
يعطيك الصحة نخلة كثري من هاد المواضيع ربي يحفضك
شكرا لكن يا أخوات ربي يعطي لكل واحدة واش تتمنى
آمييييييييييييييييييين

ام حمزة22

2014-10-01, 18:39

نحكيلكم هادي
وانا قعدة نرد لردودكم هادي عيطتلي بنتي يما يما امي امي هاد العام نسيي راني نقلك نسي ما تغصبيش عليا نسيي نقي الدوارة ههههههه دحكتني ما عرفتش كيفاش خرجتلي بهاد الخرجة
هي ماتحب لادوارة لا بوزلوف كي تغسل الماعن تحطلي ماعن الدوارة والبوزلوف بجيه وتهرب مالكوينةهههه

نخله.

2014-10-01, 19:08

مساء النوور ام حمزة

زوجي كتبتلو قوائم ماشي قائمة لان اكثريه التجار من الشمال يروحو يعيدو يرجعو بعد سمانة راني حايرة من الخبز يديلي الوقت و ولبيبي متعبني حتى الحليب عمرنا المجمد بيه مخليناش بلاصة للحم ههههههههه

اما الحشاوش موالفه المعدنوس برك نجمدو وهاذ المرة زدت الكسبر

الطريقه لقيتها هنا وهي انك تغسليهم مليح تنشفيهم و تقطعيهم تحطيهم في علب بلاستيكيه محكمة الغلق والى المجمد اما الاغصان نديرم حزم ونخبيهم فالثلاجة

آنثى آلمطر

2014-10-01, 23:02

يعطيك الصحة ام حمزة بارك اله فيك وربي يخليك
جربت بعض اطباقك

جاو رووووعه

آنثى آلمطر

2014-10-01, 23:04

ايه

معليه تقوللي الحريرة كيف تخدميها

طريقتك

نستنا ردك حنوتنني

نخله.

2014-10-02, 08:52

سلام عليكووووووووووووووووووون....................صباح الخيرات

في انتظار طبق اليوم .......................شيفتنا ام حمزة

روح مراد

2014-10-02, 09:06

ضحكتيني يا أم حمزة
بنت راهي كي بحالي عمري ما نقيت الدوارة و عمري ما نقيها الله غالب ما نحملش ريحتها
نقدر نطيبها صح بالصح ما النقيها و ما ناكلها
حتى البوزلوف نقيه و نطيبو مي ما نكلوش
ربي يخلي سلفتي و بناتها هوما ينقوها هاهاهاهاههاو هوما يطيبوها هاهاهاهاها و اللي يبقى في المجمد العجوزة طيبها دبر راسها
شوفو أخواتي بالنسبة للحشيش و المعدنوي أنا نحكم الربطة ننفضها مليح و نحي منها كامل الورق الفاسدين بلا منغسل الربطة نحطها في علبة و نغلق عليها ماذابيكم تشرو علب صغار باش كل ربطة حطوها وحدها ما يفسدش يحكم حتى أسبوع بالصح ما لازمش تفتحو في كل وقت

صدفات

2014-10-02, 09:07

صباح النور يا لبنات
واه يا نخلة نتي قلتيها ام حمزة شيفتنا كل يوم نتسألو يا ترى شتى غادي دير اليوم

روح مراد

2014-10-02, 09:13

والات لي إدمان
غير ندخل المكتب صباح نفوت نطل على أم حمزة و نشوف البنات في منتدى العرايس واش راهم يحكيو منين ذاك ياكلني قلبي نجاوب و منين ذاك نغلق المنتدى و نبدا نخدم
أحيانا ما يكونش عندي خدمة نبقا غير نقرعج عليكم
و الله راكو عايلتي الثانية

صدفات

2014-10-02, 09:13

ضحكتيني يا أم حمزة
بنت راهي كي بحالي عمري ما نقيت الدوارة و عمري ما نقيها الله غالب ما نحملش ريحتها
نقدر نطيبها صح بالصح ما النقيها و ما ناكلها
حتى البوزلوف نقيه و نطيبو مي ما نكلوش
ربي يخلي سلفتي و بناتها هوما ينقوها هاهاهاهاههاو هوما يطيبوها هاهاهاهاها و اللي يبقى في المجمد العجوزة طيبها دبر راسها
شوفو أخواتي بالنسبة للحشيش و المعدنوي أنا نحكم الربطة ننفضها مليح و نحي منها كامل الورق الفاسدين بلا منغسل الربطة نحطها في علبة و نغلق عليها ماذابيكم تشرو علب صغار باش كل ربطة حطوها وحدها ما يفسدش يحكم حتى أسبوع بالصح ما لازمش تفتحو في كل وقت
صباح النور يا روح مراد
شجعتيني بإعترافتك أنا كذلك مانقي دوارة ما نشوط بوزلوف كاين إمرأة جيني صباح العيد تنقيهم تفطر نخلصها و تدي لي فيه النصيب الفرق معاك أنه انا ناكلهم هههههههه

صدفات

2014-10-02, 09:28

أستسمحكن يا لبنات عندي سؤال ما المقصود بموضوع مثبت

روح مراد

2014-10-02, 09:59

أنا الدوارة ما نحملش ريحتها علابيها عمري ما نقيتها في دارنا بكري كنا بين بزاف بنات كانو خواتاتي ينقوها اللي تنخطب هي اللي تغسل الدوارة حتى تتزوج و هكذا راحتلي طبيعة و حتى لما بقيت وحدي عمري ما نقيتها لأني ما نحملهاش و كي يعرفوني ما نكلهاش واحد ما يسيف عليا
نحكيلكم حاجة أنا تقريبا نباتية ما نكلش اللحوم الحراء
نهار سمعت عجوزتي فرحت فرحة كبيرة باقية غير تضحك

صدفات الموضوع المثبت على حسب رايي يبقى ديما في الصفحة الأولى أما المواضيع الأخرى كلما يزيدو مواضيع جدد يروحو للصفحات 2 ، 3، 4....

نخله.

2014-10-02, 10:11

ههههههههه انا ثاني نباتيه اللحم للضرورة برك نفضل الفاكه اما الدوارة رزجي يغسلها بصح مايطاوعنيش قلبي ونعاودها موراه والبوزلزف يشوطو بالشانيمو ويدخل عليه بلام جيلات يخرج روعه ههههههه..في دارنا ماكنتش حتى نغسل لماعن دخلت للكوزينه شهر قبل زواجي كي نقولها لزوجي يقولي مكاش منها طيابك تع وحدة قدييييييمه

ام ظافر

2014-10-02, 10:12

سلام الله عليكم
ريحة العيد بدات يا الفحلات
يعطيك الصحة ام حمزة على الروز راهي تقريبا طريقتي غير نحايد شوي من الصوص نزوق بيه الروز من فوق
ام سهيل الله يسهلك ويكون معاك في الرحلة ويجعل ربي يرزقك بالسكن الدائم في هذه الايام المباركة ان شاء الله
موضوع مثبت اختي صدفات هو موضوع يكون من اجتهاد العضوة ماشي منقول ويكون جديد ومفيد يثبتوه المشرفين لمدة من المفروض لا تزيد عن الشهر وكل مرة يثبتو موضوع في اعلى الصفحة الاولى لتسهيل رؤيته وكل مرة يثبتو موضوع لتشجيع الاعضاء على الابداع

ام ظافر

2014-10-02, 10:16

واااااااااااااااااااااااع راهي الجماعة كامل هنا تقريبا نباتيين او ولادهم ماياكلوش اللحم
انا واش جابني بيناتكم انا وزوجي وولادي نموتو على اللحم
الدوارة والبوزلوف نهار العيد يشدو اليد بزاف ولكن هوما الي يطبعو العيد ومباشرة لشواء الملفوف او قليان الدوارة اممممممممممممممممممممممممم
انا البوزلوف ما نشوطوش تضرني ريحة الشياط انا نزلقو في الماء يغلي مثل دجاج زمان كي نريشوه يخرج بيض ونقي وماكان لاه نغسلو بالصابون كيما الي يتشوط ويكحال

روح مراد

2014-10-02, 10:28

أم ظافر تعيشي اختي عاودي طريقة البوزلوف كيفاش تنقيه
ما فهمتش تغليه في الماء هو بالصوف نتاعو و من بعد تنتفي الصوف أو واش و الله تلفتيهالي
ريحة العيد في تشواط البوزلوف و في اللمة و كثرة شقلالة و الله واقيل نهرب نهار العيد لدارنا هاهاهاهاها

عيدكم مبارك

Golden Princess

2014-10-02, 10:37

ان نموووووووووت على النقا تاع الدوارة لازم في كل عيد نقيها و تعاوني ماما

اتمنى عيد سعيد للجميع

نخله.

2014-10-02, 10:41

هيا ام حمزة الكل فانتظارك.......................رانا نطلعولط فالصفحة الجديدة

ام ظافر انا نباتيه عالعام بصح العيد..........نرجع مفترسه ههههههههه
اما ولادي ماشالله طلعو لابوهم مايخلو للا خضر ولا يابس ولا احمر

حقا ما تنسوش تبعثو الولاد للحلاق قبل الغاشي

و شمخو لي بروشات الخشبيه اسياخ الشوا

نخله.

2014-10-02, 10:42

زيدو فكرونا.وش وجدتو للعيد؟؟؟؟؟؟؟؟؟؟؟؟

صدفات

2014-10-02, 10:44

أم ضافر شكرا لك أنت و روح مراد على الإجابة أم حمزة ما بانتش وقيلة كملولها القاطو و راهي تصنع

صدفات

2014-10-02, 10:49

زيدو فكرونا.وش وجدتو للعيد؟؟؟؟؟؟؟؟؟؟؟؟
شمخت الحمص رسلت السكاكين للحداد باش يسنهم شريت القرايص شريت الحليب و درتو في الكونجلاتور هاذا ماكان ونجم العيد يجيبوه نهار الجمعة في اليل يا رب ما نكون نسيت والو

ام ظافر

2014-10-02, 10:52

نخلة والله قتلتيني بالضحك
ياك تولي مفترسة نهار العيد ......بصحتك حنونتي لحم العيد لا يعلى عليه
اختي روح مراد تربيت على تشواط الراس في دار بابا ولكن بعد ما تزوجت ثاني عيد ليا عدت نزلقو في الماء ونريشو كي الدجاجة ونتهنى من ريحة الشياط تضرني وتبقة في الدار وترجع على الفراش تكرهني خاصة الي ساكن في شقة عمارة بحالي
المهم العملية سهلة جدا بقدر ماراهي صعيبة لازمها السرعة حتى توالفيها لانك لو ما تسرعيش راح يبرد الراس وما يطيرش الشعر
غلي بسينة تاع ماء وحطي فيها الراس وعاودي ثمثم نحيه وابداي انزعي الشعر باطراف اصابعك بسرعة والي صعاب عليك نحيه باراس السكين يعني حكيه ضرك يطير الشعر والاماكن الي بقا جيهت الشوارب وفوق الراس فوتي عليه النار وفي الاخير فوتي اللام رازوار على الراس كامل والله يرجع يشعل والطعم تاع الطياب نفسو عمري ما حسيت بالفرق
ولكن لازم يدك تكون سريعة وبحركات خاطفة لانو سلفتي نهار العيد جات حبت تتعلم الطريقة عليا تاعي كملتو في نصف ساعة وتاعها بقى ولما رجعت بغيت نعاونها لقيتو قساح ماحبش يطير الشعر منو ورجعت قلبتها تشواط في داري

روح مراد

2014-10-02, 10:52

تكون تنقي في دارها و تحضر حوايج ولادها
ما شي كي حالتي
اليوم لعشية يبدا المراطون
لازم نروح نغشل حوايجي و ندير شوية مقروط و العشاء
غدوا صباح نطيب فطور و عشاء على مرة و ندير ميناج لداري و نحضر كل شيء نحتاجو صباح العيد من لباس و سنيوة نتاع القهوة
من بعد نروح لدارنا كاش ما نحضر لهم ثاني قبل ما يجو نساء خاوتي في الليل و من بعد نبدا نحضر الكسكي اللي طلباتو عجوزتي للجامع ربي يقدرني إن شاء الله و نكمل هاذ الشيء كامل
خويا قالي واش رايحة الديري قلتلو هاو واش مازال ندير قالي شربي رادبول (هاههاهاها) يضحك عليا لأني مرة شربتو دارلي حالة

صدفات

2014-10-02, 10:52

ان نموووووووووت على النقا تاع الدوارة لازم في كل عيد نقيها و تعاوني ماما

اتمنى عيد سعيد للجميع
مممم برافو عليك و لكن نضن حاسة الشم عندك راه ضعيفة ولا كيفاه تبغي نقا الدوارةهههههههههه

ام حمزة22

2014-10-02, 10:59

سلاااااااام
صباحكم مبارك وسعيد
والله راكم مزهيين الموضوع بارك الله فيكم روح مراد حتى انا والفتكم وحسيتكم مثل اهلي
انا اليوم سكنت فالكوزينة ما خرجتش منها حتى غسلت كامل الماعن لي استعملتهم فالطياب هاجو علية اليوم الماعن والحوايج
اليوم وليدي الكبير قالي نصوم قلتلو واش نطيبلك قالي سوب نتتع خضرة وفريت بالمعدنوس والبصل والبيض زعما حضرتلو لاسوب وحضرت الفريت في المساء نضيفلهم بصل ومعدنوس وبيض
اتصورو واش راه يدير درك
راه مقابلني ياكل في اكرام ديسير هههههههههه مسكين ماقدرش قليل الصحة

روح مراد

2014-10-02, 10:59

صدفات خلي الطفلة تنقي لوكان غير جات قريبة من عندي نصدقلها الدوارة نتاعي

ام ظافر

2014-10-02, 11:01

شمخت الحمص رسلت السكاكين للحداد باش يسنهم شريت القرايص شريت الحليب و درتو في الكونجلاتور هاذا ماكان ونجم العيد يجيبوه نهار الجمعة في اليل يا رب ما نكون نسيت والو

انا عملت شوي عصير الليمون ينحي التخمة على القلب
من عادتي نصنع حوايج الاوردافر من روز و بطاطا وجزر وبسباس وخيار ووووووولكن هذا العام ماراحش نصنعو وقلبتها حميص وهريسة حارة وبوفجوخ عملتهم عندي مدة مع شوي سلاطة خضرة فنهار العيد فقط
الاسياخ نستعمل تاع الحديد ما نحتاجش نشمخهم
السكاكين مضاهم راجلي خلاص وشرى واحد سياميتو تاع المنشار لاني ما نقطعش الجزرة بالساطور بل بالمنشار ما يحتاجش جهد كبير واللحم يخرج نقي من فتاة العظم والاهم ما يجرحنيش العظم لما نحب نجبدو او نخبيه
حتى انا في مكان ما يكونش الخبز ايام العيد شريت الدقيق نطيب على الصباح بكري المطلوع لانو خبز الدار يجيني يتفتت ما يقدروش يشقفو بيه الماكلة
غسلت الفراشات تاع غرفة الاستقبال والمعيشة العشية نفرشهم ان شاء الله على ربي يبقاو نظاف برك
هدا ما تفكرت الان وراني نغسل في القش باش يبقى غير قش العيد المتاسخ بالدم نغسلو وحدو

روح مراد

2014-10-02, 11:02

هاهاهاهاهاهها دارها بيك كان متشهي فريت المعدنوس فكرتيني فيها لعشية نطيبها و نزيد لاسوب ثاني صحيتي على الفكرة
أختي أم حمزة وين تسكني بالضبط في الجزائر

روح مراد

2014-10-02, 11:04

أم ظافر واش هو بوفجوخ
أنا راني غير نسمع حاجات جدد معاكم على الأقل نتعلم

ام ظافر

2014-10-02, 11:07

أم ظافر واش هو بوفجوخ
أنا راني غير نسمع حاجات جدد معاكم على الأقل نتعلم

البوفجوخ هو فلفل حار ني ترحيه في الروبو بالملح والثوم وترقديه في الزيت
شوفي عمي قوقل تلقايه

صدفات

2014-10-02, 11:13

سلاااااااام
صباحكم مبارك وسعيد
والله راكم مزهيين الموضوع بارك الله فيكم روح مراد حتى انا والفتكم وحسيتكم مثل اهلي
انا اليوم سكنت فالكوزينة ما خرجتش منها حتى غسلت كامل الماعن لي استعملتهم فالطياب هاجو علية اليوم الماعن والحوايج
اليوم وليدي الكبير قالي نصوم قلتلو واش نطيبلك قالي سوب نتتع خضرة وفريت بالمعدنوس والبصل والبيض زعما حضرتلو لاسوب وحضرت الفريت في المساء نضيفلهم بصل ومعدنوس وبيض
اتصورو واش راه يدير درك
راه مقابلني ياكل في اكرام ديسير هههههههههه مسكين ماقدرش قليل الصحة
أم حمزة وليدك مازال صغير ماعليش أرواحي لي أنا زوجي قالي نصوم معاك نشجعو بعضنا و من بعد دار في رايو و قالي نصوم الوقفة بزاف

ام حمزة22

2014-10-02, 11:14

النت راهي تقيلة والصور ما حبتش تطلعلي ههههه
روح مراد انا بحسين داي

ام حمزة22

2014-10-02, 11:17

صدفات حنا تان بادن الله نصومو الوقفة ربي يقدرنا والله شهوني لي صامو من اول يوم دو الحجة

نخله.

2014-10-02, 11:20

صباح الخير ام حمزة

غيرتوني بالصيام نا لا الايام البض ولا هاذو ولا حت عرفة......................ادعولي معاكم

نخله.

2014-10-02, 11:22

ام ظافر

لي بروشات للي نمدهم نديرهم خشب ومرات نكونجوليهم

اما تع الحديد نخليهم للدار

ام حمزة22

2014-10-02, 11:24

صباح الخيرات نخلة انت التهاي بالبيبي وبنفاسك وربي سبحانو عالم ما في قلب كل واحد فينا

صدفات

2014-10-02, 11:26

نخلة ما كانش غير الصيام كاين التكبير و التسبيح و الصدقات و هاذي كلها عبادات ربي يقدرك

ام حمزة22

2014-10-02, 11:30

طبق اليوم هو بطاطا مقلية وبطنجال
كنت حضرتو سابقا ما شفيتش واش من نصفة نحوس عليها ونطلكم الرقم
لاااااااااكن هاد الطبق ما درتوش فالطنجرة
ضفتلو البيشاميل والفرماج وحطيتو يحمار فالفوغ جا روووووووووووعة
مانطولش عليكم ونخليكم مع الصور
http://im52.gulfup.com/ViTwzI.jpg
http://im58.gulfup.com/dO55Cm.jpg
http://im55.gulfup.com/Uo1pH3.jpg
ولي فالقدرة الحساء بالخضرة خفيف وبنين

صدفات

2014-10-02, 11:31

أم ضافر حبيت نسألك بحكم منطقتك ما هو المسلي
سألت لبنات في موضوع واش طيبتي اليوم بصح ما لقيتش كاين بزاف الصفحات .شكرا

روح مراد

2014-10-02, 11:32

خيار الناس
أنا راني متعددة الجنسات (داخل الجزائر برك) راني في بومرداس 3 إيقامات و في العاصمة 1 و بليدة 1 متعددة الإقامات بلا فايدة

نخله.

2014-10-02, 11:33

كلامكم صحيح حنوناتي الله يستركم

هاي سنيوة العيد ماخدمش باقيلي زاف من النفاس

http://im75.gulfup.com/s2ThC4.jpg

ام حمزة22

2014-10-02, 11:40

خيار الناس
أنا راني متعددة الجنسات (داخل الجزائر برك) راني في بومرداس 3 إيقامات و في العاصمة 1 و بليدة 1 متعددة الإقامات بلا فايدة

شكرا
ماعليش هاكدا عندك مجال تحوسي وجنسيتك جزائرية
زوجي زاد في بومرداس لاكن حياتو فالعاصمة انا زدت فالعاصمة وحياتي كامل فيها
بصح كي تزوجت وليت نعرف بزاف اماكن لاهل زوجي وعجبتني بزاف

روح مراد

2014-10-02, 11:41

يعطيك الصحة يا نخلة تعيدي بالصحة و الهناء

روح مراد

2014-10-02, 11:43

كاين مناطق بزاف شابة في بورداس مزيج من البحر و الغابة و المدينة و الريف تلقاي كل شيء
أنا يعجبوني المناطق الريفية عجوزتي عندها أهلها في الريف و الله روعة

ام حمزة22

2014-10-02, 11:43

كلامكم صحيح حنوناتي الله يستركم

هاي سنيوة العيد ماخدمش باقيلي زاف من النفاس

http://im75.gulfup.com/s2thc4.jpg

ماشاء الله حلوت نفاسك روعة نخلة
قوليلي نخلة خرجتي من فاسك ولا مازال
انا ولدت 4دراري عمري ما تمتع بنفاسي وعمري ما ريحت

ام حمزة22

2014-10-02, 11:45

كاين مناطق بزاف شابة في بورداس مزيج من البحر و الغابة و المدينة و الريف تلقاي كل شيء
أنا يعجبوني المناطق الريفية عجوزتي عندها أهلها في الريف و الله روعة

راكي مثلي عجوزتي عندها اهلها فالريف والله تعجبني بزاف هديك الاماكن نقية ومافيهاش بزاف الهاراج

روح مراد

2014-10-02, 11:47

ممكن يكونو من نفس المنطقة وشكون يعرف
ممكن نكون راني نتلاقا بيك بلا ما نعرفك

ام حمزة22

2014-10-02, 11:49

ممكن نتعارفو وحنا لا خبر هههههههههههه

صدفات

2014-10-02, 11:50

أم حمزة يعطيك الصحة على الغراتان 44444444444444444اليوم نديره

نخله.

2014-10-02, 11:50

ماشالله عيك

شهيتيني فالغراتان ام حمزة غدوا انشالله ندير رغاتات باللي كاينة

وش من نفاس...........النهار اللول خرجت من السبيطار الظهر .......... العشا راني نغسل فالماعن هههههههه

ولدي البكر صح ريحت مليح في دارنا.............من بعد وليد ننفس في داري والوالدة تجيني 10 ايام بصح ما نرقدش

رانب نوض قبل ال6 ندير غدا وعشا ونغسل للبيبي حوايجو وندور على داري راهم عينيا بوندا من قلة النوم والتعب

الله يديرلنا البركة في الصحة والوقت

ام حمزة22

2014-10-02, 11:53

http://im67.gulfup.com/jXZSDu.jpg
هادي مقلة فريت وقدامها فالباطة بصل مقطع ومعدنوس
وجدتم باه لاعشية ما نبقاش نقي فالبصل وتقعد هاديك الريحة ديالو لاسقة فيا
كي يجي زوجي من خدمتو ما يقليش راكي تريحي بصل ههههههههههههه كيما راهم يقولو بعض الرجال ربي يهديهم لنساهم

ام ظافر

2014-10-02, 11:53

اختي صدفات قصدك المسلي ماشي المصلي بالسين
هنا في الغرب الجنوبي مايعرفوهش ولكن حنا الشاوية زمااااااااااااااااااان كانو يعملوه
المسلي هو لحم وشوي توابل معينين يطيبو في شحمة الكلاوي فقط
يعني يجيبو لحم يتبلوه وينشفوه غير شوي ومن بعد يطيبوه في شحمة لكلاوي والظهر ومعاه كاس او زوج ماء ويخليوه يطيب حتى يتبخر هذاك الماء ويخبيوه في اواني للشتاء بيه باليدام تاعو الي طاب بيه ولما يحبو يطبخو يهزو منو ملعقة او زوج يقليو بيه

نخله.

2014-10-02, 11:56

ام حمزة وش رح ديري للبطاطا؟؟؟مع البصل والمعدنوس؟؟؟

ام حمزة22

2014-10-02, 11:56

ربيريحفضلك صحتك نخلة ويخليك لوليداتك
راهي المرا فينا ولا عرفت تربي ولادها وتخرجهم صالحين تدخل الجنة

ام حمزة22

2014-10-02, 12:02

ام حمزة وش رح ديري للبطاطا؟؟؟مع البصل والمعدنوس؟؟؟

شوفي نرجع البطاطا تسخن منبعد الخليط لي متكون ببصل ومعدنوس وبيض وملح وفلفل اكحل غير تسخن المقلة ترميلها هاد الخليط تخليها طيب شوية من تحت من بعد تقلبي المقلة على تبسي يكون قد المقلة وتعاودي ترجعيها طيب تتحصلي على خبزة فريت بالبيض والمعدنوس من اروع ما يكوووون
كي نحضرها فالمسلء نصورهالكم تشوفوها

نخله.

2014-10-02, 12:05

ايييييييييييييييه ام حمزة موالفة نديرها ولادي يقولولها بيتزا فريت

مرات نزيدلها فرماج ومرات تجي هايلة ومرات غوز دوغ باه تجي رطيه

ام حمزة22

2014-10-02, 12:05

اختي صدفات قصدك المسلي ماشي المصلي بالسين
هنا في الغرب الجنوبي مايعرفوهش ولكن حنا الشاوية زمااااااااااااااااااان كانو يعملوه
المسلي هو لحم وشوي توابل معينين يطيبو في شحمة الكلاوي فقط
يعني يجيبو لحم يتبلوه وينشفوه غير شوي ومن بعد يطيبوه في شحمة لكلاوي والظهر ومعاه كاس او زوج ماء ويخليوه يطيب حتى يتبخر هذاك الماء ويخبيوه في اواني للشتاء بيه باليدام تاعو الي طاب بيه ولما يحبو يطبخو يهزو منو ملعقة او زوج يقليو بيه

ام ضافر عجوزتي كانت دير هاد الوصفة كانت تعجبني بزاف وكنت نضيفها للعدس والصوس نتاع المعجنات كانت الماكلة جي روعة بيها
اما درك الناس ولات تخاف من ليدام

ام حمزة22

2014-10-02, 12:16

ايييييييييييييييه ام حمزة موالفة نديرها ولادي يقولولها بيتزا فريت

مرات نزيدلها فرماج ومرات تجي هايلة ومرات غوز دوغ باه تجي رطيه

صح نخلة جي كالبيتزا خاصتا كي تزيدلها الفرماج يزيد فيها النص

روح مراد

2014-10-02, 12:19

هاذي كانت الديرها جداتي ربي يطول في عمرها
بكري ماكانتش تخبي اللحم في الثلاجة كانت كبش العيد تقطعو كامل رقيق و طيب اللحم غير في الماء نتاعه بدون إضافة الماء تحط طنجرة لحم و الشحم و تخليهم على نار قليلة قليلة ولفل أسود و ملح السر لازم يكون بزاف مالح باش ما يفسدش لما يطيب اللحم تقريبا نص طياب و ينشف كامل من الماء نتاعو تغطيه بالزيت و تخليه يغلى 2 دقايق و من بعد طفي عليه النار و كي يبرد ديرو في علب و تخبيه تتحت فراشها
كل ما جي طيب تجبد علبة من تحت فراشها ، كانت تستعملو في كامل طيابها أنا عمري ما ذقته كنت نكره دار جدي على جال هاذ اللحم كمن غير نفطر عندها عمري ما نتعشى لأنها طيب ديما العشاء بهاذ اللحم
و الله زمان كانو يقدرو بزاف اللحم و يحتفضو حتى بالعظم

ام حمزة22

2014-10-02, 12:19

ان نموووووووووت على النقا تاع الدوارة لازم في كل عيد نقيها و تعاوني ماما

اتمنى عيد سعيد للجميع

شكرا على المرور
عيد سعيد

ام حمزة22

2014-10-02, 12:24

هاذي كانت الديرها جداتي ربي يطول في عمرها
بكري ماكانتش تخبي اللحم في الثلاجة كانت كبش العيد تقطعو كامل رقيق و طيب اللحم غير في الماء نتاعه بدون إضافة الماء تحط طنجرة لحم و الشحم و تخليهم على نار قليلة قليلة ولفل أسود و ملح السر لازم يكون بزاف مالح باش ما يفسدش لما يطيب اللحم تقريبا نص طياب و ينشف كامل من الماء نتاعو تغطيه بالزيت و تخليه يغلى 2 دقايق و من بعد طفي عليه النار و كي يبرد ديرو في علب و تخبيه تتحت فراشها
كل ما جي طيب تجبد علبة من تحت فراشها ، كانت تستعملو في كامل طيابها أنا عمري ما ذقته كنت نكره دار جدي على جال هاذ اللحم كمن غير نفطر عندها عمري ما نتعشى لأنها طيب ديما العشاء بهاذ اللحم
و الله زمان كانو يقدرو بزاف اللحم و يحتفضو حتى بالعظم

صح بكري كانو يقدرو اللحم وحتى كيما قلتي للشحم والعضم درك ولينا هداك الشحم نرموه كامل شحمة ما نخلوها
والعضام كيفكيف
ربي يحفضلك جدتك

روح مراد

2014-10-02, 12:28

شكرا أختي أم حمزة ربي يحفظك
رانا رجعنا الموضوع اليوم دردشة سمحيلنا

ام حمزة22

2014-10-02, 12:51

معليش حبيبتي الموضوع موضوعكن و دردشو فيه كيما تحبو هههههههههههه

ام هاديل وياسين

2014-10-02, 13:25

السلام على الجميع ام حمزة نشكرك على طبق اليوم عجبني بصح ولادي ميحبوش البذنجان وعجبتني الفريت الي قلتي
عليها واش رايحة تزديلها ام حمزة بغيت نقولك على المعدنوس ديريه كما قاتلك نخلة بعد ماتغسليه دريه في علبة
مغلقة مليح وحطيه الكنجراتور والطريقة الثانية بلا متغسليه حطيه في علبة مغلوقة ودريه في ثلاجة وكل
متخذي منو عاودي اغلقيها مليح ولله غير يشدلك ويبقى اخضر وريحتو زينة

صدفات

2014-10-02, 13:29

واو يا نخلة قاطوات نفاسك حطة شريتيهم و لا صنعتيهم و تعب يأختي ما عندك وين تهربي كاين كاين كون غير الصحة برك الله يدوم جمعتنا و يخلينا على خواطرنا روح مراد حنا نخرجو على الثانية و النصف و انت وقتاه أم ضافر شكرا على المعلومة أنتي ثاني كي ما تعرفيش حاجة من صوالح الغرب سولي راني هنا
أم هديل و ام سوهيل وين راكم طلو علينا.
أم حمزة ما تنسايش تحطي الصورة

روح مراد

2014-10-02, 13:57

أنا نخرج على 16 و ممكن قبل شوية الله أعلم راني عيانة و صدقوني مارانيش حابة الروح للدار خفت الشغل
أخواتي العزيزات
عيدكن مبارك
تعيدو بالصحة و الهناء في حياتكم و حيات وليداتكم و رجالك و عايلتكم و حياة كامل اللي تحبوهوم
ربي يقبل علينا صيامنا و أعمالنا و يدوم صحتنا إن شاء الله
نتلاقاو من بعد العيد إن شاء الله رايحة نتوحشكم وقيل من كثرة ما راني نجوز نهار كامل معاكم

صدفات

2014-10-02, 14:13

صح ولفنا بعضنا يعطيها الصحة أم حمزة هي لي جمعتنا ربي يهنيكم يا لبنات و صحة عيدكم ما تنساوش تصورو الأطباق نتاعكم هكذا نتعرفو على عادات بعضنا

ام سوهيل

2014-10-02, 15:09

مساء الخير كراكم الله ايبارك راكم ديرين جماعة هايلة خصكم غي القهوة انا طليت عليكم في الصباح وحدة مالقيتها رحت قضيت شغلي نضفت الصلون ومزال مفرشته وطيبت الفطور و سيقت كل المنزل من بعد ما لميت نص القش اف اف و لله غير عيت يعطيك الصخة ام حمزة عجبتني البطاطا وليدك يكل بصحته هههههه

اما روح موراد ولله غي دحكتيتي وفكرتيني في اختي زعمة كانت رايحة تعيد في دارنا ومن بعد طرطقهالها رجلها مقاجي ومطلقوهش في الوكند قالها حتى ال 2عيد ولله غير قريت كامل التعليقات ودخكت معكم من قلبي

اختى تخلة ربي يهتيك مع وليداتك ولمزيد يترب في عزك نشاء الله نعيدو بي الصحة

صدفات ربي يخليك شكرا على السوءال

ام سوهيل

2014-10-02, 15:12

اسمحولي ولا مفهمتوش كاش كلمة راني دبزة ودماغ كما قالت ام حمزة مع بنتى غي تشوفني قعدت تجي وتخب تقعد وتموت على الكلافي يعجبها وتبق غي ترمي في يديها وانا نعاود ههههههههههههههه

قطيطوشة

2014-10-02, 16:16

موضوع رائع
الله يجازيك الخير
نحيتي علينا بزاف مالتخمام
ربي عطيك صحتك

نخله.

2014-10-02, 16:26

قاطو النفاس خدمتو انا واختي الله يحفظها

وش شريتو؟؟العيادة؟؟؟

حنا شرينا *رخلة * عندنا شهر مللي شريناها راحو يجيبو فيها

ام هاديل وياسين

2014-10-02, 16:53

اهلا نخلة قاطوك شباب عجبني هذاك الصابلي شفتو مرة في قناة سميرة

بصحتكم العيادة رخلة مليحة يجي فيها لحم خير من الخروف

حنا شرينا خروف ومزال عند مولاه غدوى ان شاء الله يجيبهولنا لولاد راهم غير يستناو

ام حمزة22

2014-10-02, 19:49

سلام
دخلت نحطلكم الباطاطا لي وجدها في الصباح مازال ما تعشيتش طيبت الباطاطا وجيت ديركت نوريلكم المراحل نتاعها
انا الصبح وريتلكم الباطاطا كي قليتها ووجدها هي والمعدنوس والبصل بله لعشية منريح ني انا ني بيتي بريحت الطياب
نسخن البطاطا فالمقلة منبعد نضيفلها الخليط المتكون من بصل ومعدنوس وملح وفلفل اكحل
نضيف هاد الخليط فوق البطاطا ونخليها تحكمروحها مع البيض من بعد نقلب البطاطا ونخليها تشد روحها من الجيها التانية ونتحصل على هاد الطبق كيما قالت نخلة يشبه للبيتزا
نخليكم مع الصور
http://im79.gulfup.com/4ahzdM.jpg
http://im73.gulfup.com/ZFVvXg.jpg
http://im48.gulfup.com/UbA0zv.jpg
http://im66.gulfup.com/LfsObt.jpg
http://im66.gulfup.com/yMk01j.jpg

سمسومة 05

2014-10-02, 23:06

يعطيك الصحة ام حمزة ولكل البنات اللي راهم هنا والله حكاياتكم يهبلو

صدفات

2014-10-03, 05:28

صباح النور للأخوات جمعة مباركة أن شاء الله الحقي يا سمسم شاركينا الموضوع رأي أم حمزة تحط اطباق وأفكار حطة لا كلفة والشكل ربي يحفظها ويحفظ ولدان

ام سوهيل

2014-10-03, 08:50

صباح الخير وزقزقة العصافير كراكي صدافات شكرا ام حمزة عجبتني البطاطا وشراكم مع العيد الله يتقبل منا ومنكم الصيام

وجمعة مباركة ومتنسوش تطلبو ربي وش بغيتو اليوم دعوة مستاجبة بي ادن الله

الله يحفدنا ويستر ولداتنا ولدات المسلمين وفرج كرب المكروبين ونصر غزة وكل بلاد المسلمين امين

ام حمزة22

2014-10-03, 09:39

صباحكم سعيد
تقبلة الله منا ومنكم وربي يكتبنا العيادة فالخير
ربي يرزقنا بالصحة ويحفضنا اولادنا ويسترهم وينورلهم تريقهم
ربي ينصر كل المسلمين في غزة وغير غزة
ربي يرجع كل غائب لاهلو
ربي يرزق الدرية الصالحة لي ما عندوش
ربي يفرح كل دار وينحي الهم عليها
لي ما لقاش خدمة ربي يرزقو
لي مازال ما تزوجش ربي يرزقو بالزوج الصالح او بالزوجة الصالحة
لي راهي بالحمل ربي يسهلهالها
ربي يرزقنا الجنة
آمييييييييييييييييين

ام حمزة22

2014-10-03, 09:45

لبيك الله ما لبيك لبيك لا شريك لك لبيك ان الحمده والنعمةلك والملك لا شريك لك
والله كي نصبح على هاد الكلام ينشرح قلبي وجيني الدمعة

ام حمزة22

2014-10-03, 09:46

ام سوهيل واش راكي مع الرحلة

ام حمزة22

2014-10-03, 10:50

اليوم راني نتمقنن مع شغلي كي تكون بنتي فالدار يوم الجمعة هي لي تمسح وتخمل البيت وانا نقعد مع الكوزينة
لهادا حطيت الطياب يتقلى وجيت نصبح عليكم وان شاء الله تكونو الكل بخير وعلى خير
اليوم الاسرة كامل راهي صايمة غير المازوزية ربي يتقبل منا ومنكم
وكي العادة وقت الصيام انا نحضر الشوربة فالصباح
ومع الشوربة درت طبق اخر يحبوه ولادي بزاف كي يكونو صايمين
وهو لازانيا ما نكدبش عليكم لازانيا ديالي ماشي مكلفة بزاف هي تطلب رطل لحم مفروم وانا نديرلها غير شوية كيما يقولو غير الريحة ههههههه
باه نحضر هاد الطبق لازم باكي لازانيا من الاحسن النوع محبوبة هداك لي متعودة نشريها وجي روعة
لازمنا المرقة شوية بزيادة باه تتشرب اوراق الازانيا
للمرق: بصلة كبيرة او2 + طماطم حب ومصبرة + العكري+ ثوم + زيت +رند + حبق + زعتر ( انا اليوم ما عنديش الحبق والزعتر فالبيت بصح موالفا نديرها غير بالرند جي روعة)
نقلي البصل والثوم والتوابل ثم نضيف الطماطم المصبرو والحب من بعد نضيف اللحم المرحي ونمرق ونخليه يطيب
اما عن الشوربة ديالي لازم : بصل + حشيش مقطفة + زرودية _ قرعة + حبيبة بطاطا + زيت + عكري +فلفل اكحل + قرفة+ فرميسال
الشوربة طيبت غير شوية قيسي وقيس زوجي ولادي حبو يفطرو بلاسوب لي طيبتها البارح
الشوربة هادي اقتصادية باللحم المرحي ههههههه
نقلي البصل مع الزيت والالقرعة وزرودية والبطاطا كي نشوف الخضرة دخلها الطياب نحيها ونرحيها ونرجعها فالمرقة ونضيف الطماطم الحب والمصبرة من بعد نضيف كويرات اللحم المرحي من بعد نمرق كي نغلي نرميلها شوية فرميسال والحميصة لي كنت طيبتها من قبل وحطيتها فالمجمد كي يطيب الفرميسال نضيف شطبة نعناع تغلي غلية ونطفي
ملاحضة : اوراق لازانيا ما نغليهمش في المساء نصورلكم مراحل الطبقات اي نحط طبقات لازانيا وطبقات المرق والطبقة الاخيرة بيشامال والفرماج
هادي الصورة الاولية لتحضير مرق الازانيا وامامها علبة الازانيا
وامام قدر مرق لازانيا قدر الشريبة هههههه
http://im84.gulfup.com/SfypBm.jpg
http://im73.gulfup.com/on2OkL.jpg
هنا الشوربة طابت ومرق لازانيا طابت في المساء بادن الله نكمل طبق لازانيا
مراحل لازانيا
هادي طريقتي الخاصة في تحضير لازانيا
ما نستعملش بين الاطباق البيشامال نستعمل غير الصوص لي طيبتها باللحم المفروم
في سنيوة نحط غراف صوس من بعد طبقة لازانيا منبعد الصوس ثم لازانيا حتى تخلاص الصوس و الطبقة الاخيرة للازانيا نختمها بصوس بشاميل والفرماج
نحطها فالفوغ نصف ساعة والطبق راه جاهز
http://im44.gulfup.com/3sISia.jpg
http://im76.gulfup.com/XoZwvC.jpg
http://im55.gulfup.com/0kfPOR.jpg
http://im75.gulfup.com/uOEBXQ.jpg
[Iوهادي طاولة فطورنا تقبل الله منا ومنكم
http://im61.gulfup.com/bEnmGu.jpg

ام هاديل وياسين

2014-10-03, 11:41

http://im87.gulfup.com/OVAHtq.jpg

السلام عليكم و جمعة مباركة على الجميع صيام مقبول الله يغفر الذنوب
اليوم جبتلكم تشوفو القاطو اللي خدمتو

ام حمزة22

2014-10-03, 12:06

حاوت نحمل صور مرق لازانيا كي طابت ما حبتش تطلعلي الصور ما عليش فالمساء بادن الله
ام هاديل حلوتك روعة ما شاء الله بصحتكم

ام سوهيل

2014-10-03, 13:29

مساء الخير للجميع وشراكم ام حمزة رنا اخرنا الرحلة حتى شهر ولا شهرين بي ادني الله

وعيدسعيد للجميع وام هديل بصحتكم الحلوى

ربي يتقبل منا صالح الاعمال

ومر العيد لي عودة بي ادني الله

دمتم في حفض الله ورعايته

ام حمزة22

2014-10-03, 13:38

ام سوهيل كل عطلة فيها خير ما تقلقيش روحك وقت ما فرج ربي ترحلي
بالتوفيق

ام حمزة22

2014-10-03, 19:09

قاطو النفاس خدمتو انا واختي الله يحفظها

وش شريتو؟؟العيادة؟؟؟

حنا شرينا *رخلة * عندنا شهر مللي شريناها راحو يجيبو فيها

نخلة ربي يحفضلك صحتك ويخبيلك اختك
مبروك الرخلة ربي يكتبها
حنا شرينا خريف

سمسومة 05

2014-10-03, 22:31

سلام صح عيدكم وتقبل الله منا ومنكم ام هديل القاطو يشهي وام حمزة اطباقك روعة اللازانيا حنا مانديروهاش لكن شهيتيني بيها ممكن نجربها وسلامي لكل المتتبعات

ام حمزة22

2014-10-04, 20:42

سلام سمسومة وعيد سعيد انت والعائلة
جربي لازانيا بهاد الطريقة جيك روعة
http://im87.gulfup.com/h30hAL.jpg
كي العادة والعوايد ما نخالفش اليوم نبعتلكم طبق اليوم
اما العشاء خليت شوية كبدة من الصباح شويتها وتان بقايا الاكل نتاع البارح
خاصتا لازانيا كي باتت فالتلاجة زادت بنا على بنة
ودرك نروح نقطع الكبش باش في للصباح نقدر نطيب بكري و ما نصبحش نخبط نخلي الناس ترقد هههههه
تصبحو بالف خير
عيد سعيد لعقوبة العام الجاي

ام حمزة22

2014-10-05, 11:58

سلام
صباحكم سعيد و عيدكم اسعد
على بالي اليوم راكم مشغولين بتقطيع اللحم والصدقات ربي يتقبل منا ومنكم
اليوم فطوري شوى صبحو عليه ولادي و كسكس كاش ضيف يجي وما يلحقش بالشواء
كملنا الشوى وكملت طياب الكسكس
راني نطيب القهوى ولاتاي
نوجد سنيوة لضياف ونروح نتكسل شوية
صور طبق اليوم هههه
http://im76.gulfup.com/9H2sXo.jpg
http://im54.gulfup.com/YBja6M.jpg

ام حمزة22

2014-10-05, 14:58

هادي مراحل تحضير الطعام اي الكسكس للمبتدات
نحط الكسكس في جفنة او صحفة نغسلو ليه ليه اي بسرعة باه ما يتعجنش الطعام ثم نخيليه بجيه ينشف ونحط فوق النار قدرة نتاع ماء يغلي لي نفور فيها الطعام
بعد ما ينشف الطعام نضيفلو شوية زيت غير قطيرات ونحلو بين يدي من بعد نحط الطعام فالكسكاس ونحطو فوق القدر لي درنا فيها الماء يغلي
بعد ما يفور الطعام نحط داخل الجفنة ونضيفلو شوية ملح ثم نضيفلو الماء ما نكترلو ما ما نخليه ناشف يحصل فالحلق
نخليه يرتاح شوية ويتشرب داك الماء من بعد نعاود نحطو فوق القدر لي فيه الماء الغالي او نحطوه فوق القدر لي فيه المرق
بعد ما يفور هاد التفوارة التانية نكبوه في الجفنة وندهنوه
اما المرق لي نسقو به هاد الكسكس نستعمل اللحم والخضر لي حبينا القرعة او الجزر او اللفت او نجمعهم الكل ونضيفهم للمرق
انا اليوم طيبت طعامي غير بالقرعة
حطيت اللحم والبصل وللملح والقرفة والفلفل الاكل يتقلاو غير بشوية كي يتقلى اللحم مليح نمرقو بالماء ونخليه يطيب مليح عند ما يطب نحيه من الطنجرة ونحط في بلاستو الخضرة وفي هاديك المرقة نخلي الخضرة طيب بعد ما طيب نمرق القدر وكانت عندي حميصة طايبة فالمجمد ضفتها للمرق بعد ما تغلي المرقة ندوقها ونشوف الا ما خصها والو اي الملح او القرفة او فلفل اكحل ولاخصتها حاجة من هاد التوابل نضيفها ونخلياتغلي غلية ونطفي
نخليكم مع الصور وان شاء الله تكونو ستفدتو من هاد الشرح والصور
http://im63.gulfup.com/rRNT2H.jpg
http://im79.gulfup.com/LSqT9E.jpg
http://im55.gulfup.com/XN31qu.jpg
http://im58.gulfup.com/MdZ7Bx.jpg
[
http://im63.gulfup.com/1gv5m9.jpg
http://im43.gulfup.com/RgIXUp.jpg
http://im86.gulfup.com/Y90O09.jpg
http://im79.gulfup.com/edcNL6.jpg
http://im72.gulfup.com/FeTiJz.jpg
[IMG]http:

ام حمزة22

2014-10-05, 15:03

وهاده تحضيرات لاستقبال ضيوفي
http://im53.gulfup.com/lRY40v.jpg

ام هاديل وياسين

2014-10-05, 19:06

السلام عليكم

عيدكم مبارك كل عام وانتن بخير بارك الله فيكي ام حمزة اطباقك تاع العيد هايلة وبصحتكم
كل شيء وذيك القهيوة الله الله خاصة كي يكون الواحد عيان هههههه
الله يخليكي ويزيدك من خيرو

شكرا اخواتي كي عجبكم القاطواللي حطيتو لكم

ام حمزة22

2014-10-05, 19:22

السلام عليكم

عيدكم مبارك كل عام وانتن بخير بارك الله فيكي ام حمزة اطباقك تاع العيد هايلة وبصحتكم
كل شيء وذيك القهيوة الله الله خاصة كي يكون الواحد عيان هههههه
الله يخليكي ويزيدك من خيرو

شكرا اخواتي كي عجبكم القاطواللي حطيتو لكم
اهلين حبيبتي ام هديل شكرا على الدعوات لك بالمثل
واش راكي معياك والله تعبنا بزاف هاد اليومين
والله كتافي راهم يوجعو فيا من تقطاع البوزلوف واللحم

ام هاديل وياسين

2014-10-05, 19:29

اهلين حبيبتي غير سكتي من هذاك العي ذراعي راه دارني مرانيش قادة نكتب في الميكرو
الوكان لقيت غير نحطلهم ياكلو ونروح نرقد اتهديت بصح غير مرة فالعام معلييش

ام حمزة22

2014-10-05, 19:35

ربي يخليلك صحتك ويحفضك لوليداتك
روحي ام هاديل حطيلهم يتعشاو وروحي ريحي هداك هو وقت العشاء
تصبحي بالف خير حبيبتي

ام آدم

2014-10-06, 08:18

عيدك مبارك ام حمزة و عيد سعيد لكل الاخوات

روح مراد

2014-10-06, 09:22

صحى عيدكم يا أخوات
كل عام و أنتن بألف خير ان شاء الله ربي يعطيكم صحتكم و يحفضكم

تغرينية

2014-10-06, 09:45

عيدك مبارك ام حمزة وكل عام وانت بخير عيد سعيد لكل الاخوات

ام ادم11

2014-10-06, 10:16

عيذك مبارك ام حمزة ؤيعطيك الصحة

صدفات

2014-10-06, 11:08

عيدكم مبارك يا لبنات كي راكم توحشتكم بزاف شتى دار فيكم الشقا نتاع العيد هههههههه
أم حمزة لازانيا خرجولك روعة يشهو

صدفات

2014-10-06, 11:17

عيدكم مبارك يا لبنات كي راكم توحشتكم بزاف شتى دار فيكم الشقا نتاع العيد هههههههه
أم حمزة لازانيا خرجولك روعة يشهو :dj_17:
و أم هديل قاطوك يهبل هايل:dj_17:
أم سوهيل ربي يفرج عليك و ديري سكنتك إن شاء الله :dj_17:
و ما ننساش تغرينية روح مراد سمسومة نخلة وكل لبنات صحة عيدكم مرة ثانية وربي يدوم جمعتنا .:dj_17:

نخله.

2014-10-06, 11:29

السلام عليكون

عيدكن مبارك اعاده الله علينا باليمن والبركات.وتقبل منا ومنكم الاضحيات

هذاوين قدرت ندخل من الشغل هههههه وزيد راني مع ليزونجين غلبوني

crono

2014-10-06, 12:18

عيدك مبارك ام حمزة و عيد سعيد لكل الاخوات

روح مراد

2014-10-06, 12:59

صحيتي يا صدفات عيدك مبروك
أنا مازالني عيانة
الجمعة و السبت بزاف عييت و لكن البارح شوية تقريبا مادرتش حاجة كبيرة بزاف هربت شوية لدارنا و شوية خرجات عند عائلة زوجي
الحمد لله كي جاز و تهنينا

ام حمزة22

2014-10-06, 14:18

عيدك مبارك ام حمزة و عيد سعيد لكل الاخوات
شكرا ليك ام آدم عيد سعيد لك ولكل العائلة الكريمة
صحى عيدكم يا أخوات
كل عام و أنتن بألف خير ان شاء الله ربي يعطيكم صحتكم و يحفضكم
عيد سعيد روح مراد لعقوبة العتم الجاي
عيدك مبارك ام حمزة وكل عام وانت بخير عيد سعيد لكل الاخوات
عيد سعيد حبيبتي ربي يهنيك
عيذك مبارك ام حمزة ؤيعطيك الصحة
الله يسلمك
عيد مبارك لعقوبة العام الجاي
عيدكم مبارك يا لبنات كي راكم توحشتكم بزاف شتى دار فيكم الشقا نتاع العيد هههههههه
أم حمزة لازانيا خرجولك روعة يشهو

عيدكم مبارك يا لبنات كي راكم توحشتكم بزاف شتى دار فيكم الشقا نتاع العيد هههههههه
أم حمزة لازانيا خرجولك روعة يشهو :dj_17:
و أم هديل قاطوك يهبل هايل:dj_17:
أم سوهيل ربي يفرج عليك و ديري سكنتك إن شاء الله :dj_17:
و ما ننساش تغرينية روح مراد سمسومة نخلة وكل لبنات صحة عيدكم مرة ثانية وربي يدوم جمعتنا .:dj_17:
عيد سعيد صدفات لعقوبة العام الجاي
يتوحشك الخير حبيبتي
والله عضمامي راهم كامل يوجعو فيا
السلام عليكون

عيدكن مبارك اعاده الله علينا باليمن والبركات.وتقبل منا ومنكم الاضحيات

هذاوين قدرت ندخل من الشغل هههههه وزيد راني مع ليزونجين غلبوني

سلام نخلة
عيدك مبارك
لاباس عليك
بالاكي تعدي وليدك
عيدك مبارك ام حمزة و عيد سعيد لكل الاخوات
اهلين كرونو عيد مبارك وكل عام انت والعئلة بخير
صحيتي يا صدفات عيدك مبروك
أنا مازالني عيانة
الجمعة و السبت بزاف عييت و لكن البارح شوية تقريبا مادرتش حاجة كبيرة بزاف هربت شوية لدارنا و شوية خرجات عند عائلة زوجي
الحمد لله كي جاز و تهنينا
بصحتك الخرجات
كيما قلتي الحمد لله كي جاز وتهنينا لعقوبة العام الجاي بادن الله وربي يتقبل منا ومنكم

ام حمزة22

2014-10-06, 14:54

لبنات تفضلن رابط موضوعي الجديد
http://www.djelfa.info/vb/showthread.php?p=3991882876#post3991882876

سمسومة 05

2014-10-06, 22:11

صح عيدك كامل مرة ثانية وكل عام وانتن بخير مشكورة حبيبتي ام حمزة دائما متالقة

صدفات

2014-10-07, 09:03

عيدك مبارك ام حمزة و عيد سعيد لكل الاخوات
شكرا لك وكل عام وانت ب1000000عافية

صدفات

2014-10-07, 09:08

السلام عليكون

عيدكن مبارك اعاده الله علينا باليمن والبركات.وتقبل منا ومنكم الاضحيات

هذاوين قدرت ندخل من الشغل هههههه وزيد راني مع ليزونجين غلبوني

و عيدك أبرك يا نخلة ربي يشافيك طحني السانوج و ديريه في العسل و كوليه في الصباح و في اليل راه يقوي المناعة و إلا ديريه في الحليب فايض قبل النوم.

douniadiab4

2014-10-07, 09:49

صباح الخير عليكم وصح عيدكم
لبنات ماصورتوش طريقة تقطيع الكبش لانو زوجي قطعو كبير وخلاهلي ماحبش يكملو قولولي كيفاه ندير

صدفات

2014-10-07, 10:29

صباح الخير عليكم وصح عيدكم
لبنات ماصورتوش طريقة تقطيع الكبش لانو زوجي قطعو كبير وخلاهلي ماحبش يكملو قولولي كيفاه ندير
و الله يا أخت دنيا عمري ما قطعت الماشية وحدي كل عام زوجي يأخذها للجزار الأخت أم حمزة هي لي جاوبك إن شاء الله.

douniadiab4

2014-10-07, 10:33

شكرا اختي صدفات وصح عيدك

ام حمزة22

2014-10-07, 11:33

صح عيدك كامل مرة ثانية وكل عام وانتن بخير مشكورة حبيبتي ام حمزة دائما متالقة
صح عيدك حبيبتي لا شكر على واجب
صباح الخير عليكم وصح عيدكم
لبنات ماصورتوش طريقة تقطيع الكبش لانو زوجي قطعو كبير وخلاهلي ماحبش يكملو قولولي كيفاه ندير

صباح الانوار اختي دنيا و صح عيدك
لوكان قلتيلي غير للبارح كنت صورتلك الطريقة
قطعت الكبش وحدي كيما قلتي زوجي يقسمهولي على 2 من بعد انا نكمل واله ملراني قادرة نحرك كتافي راهم يسطرو علية
شوفؤ حبيبتي هي اسهل حاجة كي تنحي الكتفين والفخضين يتنحاو بلا مزبرة غير بالموس من بعد شدي الاضلاع فرقيهم كامل بالسكين يجوك من بعد ساهلين باه نقطعيهم بالمزبرة
اما الفخض انا ولادي ما ياكلوش اللحم طايب ملا نحي من الفخض الهبرة تقريبا الكل نخلي غير شوية لاسق فالعضام ونقطعو دوائر دوائر ونخبيه فالمجمد كي نسحق نطيب نجبد غير انا وززجي لي ناكلو اللحم طايب فالمرقة
اما الكتف واحد نحيتلو العضام وطيبتو فيلي والله جا روعة راني حطيت الرابط في هاد الموضوع شوفيه راح يساعدك
وباقي اللحم صدقتو بلا من عليك ياربي
ان شاء الله قدرت نشرحلك ولو ببساطة
تقبل الله منا ومنكم
لعقوبة العام الجاي بادن الله

ام حمزة22

2014-10-07, 11:50

لبنات باه نحطلكم طبق اليوم الصور ماحبتش تتحمل في مراكز التحميل
نروح نحط الفطور لبنتي هادا وين جات من المدرسة من بعد نولي
صح فطوركم

آنثى آلمطر

2014-10-07, 12:09

ام حمزة صح عيدك
ولبنات كامل كل عام وانتم بالف خير

اسفة النت كانت مقطوعة عندي

ام حمزة22

2014-10-07, 12:14

ام حمزة صح عيدك
ولبنات كامل كل عام وانتم بالف خير

اسفة النت كانت مقطوعة عندي

صح عيدك حبيبتي لعقوبة العام الجاي
لا تتاسفي المهم تكوني بخير وعلى خير

ام حمزة22

2014-10-07, 12:44

للاسف الصور ما حبنش تتحمل
المهم طبقي اليوم هو فيلي كتف الغنم بالارز تلبية لطلب ام هديل

نخله.

2014-10-07, 13:20

السلام عليكن صباح الخيرات

لبنات تفضلن رابط موضوعي الجديد
http://www.djelfa.info/vb/showthread.php?p=3991882876#post3991882876

lشكرا استفدت منو....... فكرة جديده ماشي موالفه نديرها.كنا نشروه واجد هاك

صباح الخير عليكم وصح عيدكم
لبنات ماصورتوش طريقة تقطيع الكبش لانو زوجي قطعو كبير وخلاهلي ماحبش يكملو قولولي كيفاه ندير

كاين فاليوتوب

و عيدك أبرك يا نخلة ربي يشافيك طحني السانوج و ديريه في العسل و كوليه في الصباح و في اليل راه يقوي المناعة و إلا ديريه في الحليب فايض قبل النوم.

شكرا حنونه ديجا راني خادماته ندير فيه لوجهي ههههه.........نسيت بللي مليح للكراجم

للاسف الصور ما حبنش تتحمل
المهم طبقي اليوم هو فيلي كتف الغنم بالارز تلبية لطلب ام هديل

الكل فالانتظار

ام هاديل وياسين

2014-10-07, 13:21

السلام عليكم
كي راكم اخواتي ان شاء الله راكم بخير
ربي يخليك لينا حبيبتي ام حمزة اذا ماحبوش يطلعولك متعييش روحك
نظن طيابه راه ساهل والروز كي طيبتيه ياك الطياب العادي ؟

صدفات

2014-10-07, 13:48

ام حمزة صح عيدك
ولبنات كامل كل عام وانتم بالف خير

اسفة النت كانت مقطوعة عندي
كي راكي يا جارتي هذه غيبة توحشناك شفتي النت كي تنقطع تحس روحك معزولة في جزيرة لوحدك كل عام و أنت بخير

ام حمزة22

2014-10-07, 16:27

سلام
مساء اللانوار
اخيرا قدرت نحمل طبق اليوم كيما قلتلكم طبق اليوم هو فيلي كتف الغنم بالارز
درتو بالروز تقدري ديريه باه حبيتي انت والدوق ديالك
ايه ام هديل روز عادي بصح درتلو زعفران
بعد ما غلى الروز فالما لي ضفت فيه الزعفران صفيتو وشللتو شوية باه ما يتعجنش وضفتلة حميصة كنت طيبتها من قبل وجطيتها فالمجمد
من بعد دهنتو بالزبدة وخليتو بجيه يتسقى بالمرقة لي حضرتها متكونة من الزيت والزبدة لي طاب فيه الكنف زدتلها شوية ماء ورحيتها بالخلتط الكهربائ جات روعو
http://im51.gulfup.com/A4P3wg.jpg
http://im65.gulfup.com/vwgx1e.jpg

ام ادم11

2014-10-07, 16:43

مساء الخير اختي ام حمزة يعطيك الصحة على هدا الطبق
بصح يا درا واش حديري للعشاء

ام حمزة22

2014-10-07, 16:59

مساء الانوار حبيبتي ام ادم
في المساء بادن الله ندير فريت قعدلي الفيلي لان ولادي ما ياكلوش كامل اللحم وزوجي يفطر فالعمل ديالو

ام هاديل وياسين

2014-10-07, 18:04

يعطيك الصحة ام حمزة يشهي حتى انا ولادي هذاك ما يحبو
غير حاجة ناشفة من غير مرق شكررررررا

ام حمزة22

2014-10-07, 18:13

الله يسلمك ام هديل
كيما قلتي لازم نتماشاو مع برنامج اكل ولادنا ونطبخولهم وا يحبو ياكلو

maloo

2014-10-08, 09:42

تقبل الله منا و منكم
وغفر الله لنا ولكم
كل عام وانتم بخير

صدفات

2014-10-08, 10:38

صباحكم سعيد يا لبنات وىن راكم
كتلكم تعب العيد و فشلكم راهي قريب 11 و مازال ما بنتوش
أم حمزة كوكو وين راكي انت سيدة الموضوع.

تغرينية

2014-10-08, 10:43

شكرايعطيك الصحة شحال المدة اللي خليتيه يطيب

ام حمزة22

2014-10-08, 12:37

تقبل الله منا و منكم
وغفر الله لنا ولكم
كل عام وانتم بخير
شكرا على المرور تقبل الله منا ومنكم كل عام وانتم بخير
صباحكم سعيد يا لبنات وىن راكم
كتلكم تعب العيد و فشلكم راهي قريب 11 و مازال ما بنتوش
أم حمزة كوكو وين راكي انت سيدة الموضوع.
صباح الانوار صدفات كيما قلتي دار فينا حالة العيد لي دارو فيا تقطيع اللحم كملتو علية الصوف نتاع الكبش
كنت درتها في ساشي يوم العيد انتهزت الفرصة ما كاش زوجي وولادي في الدار غسلتها وتهنيت منها ريحتها كانت وغغغغغغغغغغغ
اما عن الطبغ اليوم ما طيبتش اللحم صرعنا منو طيبت حساء خضار ودراري وباباهم ما يفطروش اليوم فالبيت راني غير انا والمزوزية ديالي
شكرايعطيك الصحة شحال المدة اللي خليتيه يطيب

لا شكر على واجب تغرينة خليتو يطيب نصف ساعة

روح مراد

2014-10-08, 12:56

صباح الخير يا القافزات الشاطرات
أنا خلاص عييت

صدفات

2014-10-08, 13:49

مساء الخير يا لبنات
أم حمزة لوكان أنا فيك ما ندير لا حساء لا والو المهم نريح

ام حمزة22

2014-10-08, 15:21

صباح الخير يا القافزات الشاطرات
أنا خلاص عييت
صباح الانوار يا شاطرة
بشوية بشوية يروح للعياء ويتنساو هاد النهارات يوليو كي لمنام
مساء الخير يا لبنات
أم حمزة لوكان أنا فيك ما ندير لا حساء لا والو المهم نريح

مساء الخيرات صدفات سكتي سكتي انا جيت نريح ولقيتهم قدامي بدلو كامل البرنامج ديالهم والله قريب ما طيبتش مزية هداك الحساء حمرلي وجهي هههههههه

نخله.

2014-10-09, 08:48

صباح الخيرات

جيت نطل كاش ما نلقا فكرة .....................نديها للغدا

وقيل ندير راغو ونهني راسي

ام حمزة فانتظار حلقة اليوم......راكي تشوقي فينا ههههههه

لي عودة

ام حمزة22

2014-10-09, 09:26

سلام نخلة واش راكي ان شاء الله شفيتي
اليوم صبحت بالام فاللوزتين والحمى والام في جسدي واقيل اعديتيني هههههههه
اليوم كنت رايحة نحبس من هاد الموضوع كي شفتك تسجعت وقلت نكمل
انا اليوم طيبت شطيطحة لحم وتان ماقارون بيض بالبيض خاطرش ولادي مشي كامل يكلو اللحم

ام حمزة22

2014-10-09, 09:48

نسبق نقدملكم طبق المقرون لان يطيب تمتم طبق سريع وبنين
فالاول نقلي البصل مع الزيت والملح وفلفل اكحل كي يدبال نضيفلو للبيض نخلي البيض يحكم روحو شوية من بعد نخلطو ونضيفلو ربع كاس ماء ونخليه يغلي شوية ثم نضف عليه المقرون
تقدري تزيدي معاه لحم مرحي اي تقلي البصل مع اللحم المرحي كي يطيب اللحم ضيفيلو البيض
نخليكم مع الصور المقرون من بعد كي توجد شطيطحة نبعتلكم الصور
http://im61.gulfup.com/JwhzUi.jpg
http://im84.gulfup.com/mwaWu2.jpg
http://im55.gulfup.com/3SDF5C.jpg
http://im80.gulfup.com/3hBSbE.jpg

صدفات

2014-10-09, 10:02

صباح النور يا لبنات
أم حمزة ربي يشافيك رد بالك هذا وقت الإنفلونزا أو la gripe ديري الدوا ما تخليهاش تغلبك طهور إنشاء الله أما الفطور لي درتيها ديريها و الله كرهنا الماكلة الكرش كي طريق ما تحبسش

ام حمزة22

2014-10-09, 10:07

صباح الانواو حبيبتي صدفات شكرا على النصيحة
كيما قلتي الكرش كي تريق ما تحبس ما تقر
بصح لازم علينا نادو الواجب ديالنا ولازم نوقفو على ماكلت ولادنا

ام حمزة22

2014-10-09, 10:19

الشطيطحة راهي طابت ووصفتها ساهلة وبنينة
نشمخ فلفل دريس فالماء الدافي كي يتشمخ نضيفو مع حبات الثوم والملح ونرحيه فالخلتط الكهربائي او ندرسو بالمهراز
بعد ما نغسل اللحم مليح نضيفلو هاد الدرسة لي وجدناها ونزيدلو شوية فلفل اكحل وزيت ونخليه يتقلى كي يتقلى مليح ويشرب الدرسة نمرقو ونخليه يطيب ما ننساش الحميصة بلا بيها الشطيطحة ما عندهتش بنة ولاطعم وانت دايما الحميصة نطيبها من قبل ونضيفها في آخر لحضة
نخليكم مع الصور
نسيت نقللكم المقرون نقدرو ناكلوه بكاس نتاع اللبن يجي رووووووووووووعة
http://im78.gulfup.com/QeZckO.jpg
http://im79.gulfup.com/kzSmJT.jpg
http://im63.gulfup.com/8OQiUe.jpg
http://im78.gulfup.com/QeZckO.jpg

ام آدم

2014-10-09, 10:29

صباح الخير ام حمزة ربي يجيبلك الشفاء العاجل والله خلعتيني كي قلت راح نحبس الموضوع راني والفت كي ندخل منتدى الجلفة اول حاجة نديرها نطل على موضوعك ووووووووواع

ام هاديل وياسين

2014-10-09, 10:44

صباح الخير على الجميع
الله يشافيك ام حمزة بشوية على روحك ومع التعب قاع لمراض يبانو فينا
انا غير لبارح حسيت بالم لاغتغوز مزية زكان عندي دوا ء كي نتعب بزاف راهي عندي
وشكرا على الطبق رايحة نديره كا ش نهار وكما قالك المثل
لوكان جات الكرش زجاج نوكلها غير الجاج ههههه متبينش تاكل ماتاكل ربي يشفيك حبيبتي

روح مراد

2014-10-09, 11:23

يعطيكم الصحة يا الشاطرات القافزات
ربي يشافي المريضات و يعطيكم الجهد و الصحة إنشاء الله

ام حمزة22

2014-10-09, 13:21

صباح الخير ام حمزة ربي يجيبلك الشفاء العاجل والله خلعتيني كي قلت راح نحبس الموضوع راني والفت كي ندخل منتدى الجلفة اول حاجة نديرها نطل على موضوعك ووووووووواع
صباح الا نوار حبيبتي ربي يحفضك
انا قلت نحبس خاطرش ما رانيش نشوف التشديعات قلت بالاك الامر ما يهمش
صباح الخير على الجميع
الله يشافيك ام حمزة بشوية على روحك ومع التعب قاع لمراض يبانو فينا
انا غير لبارح حسيت بالم لاغتغوز مزية زكان عندي دوا ء كي نتعب بزاف راهي عندي
وشكرا على الطبق رايحة نديره كا ش نهار وكما قالك المثل
لوكان جات الكرش زجاج نوكلها غير الجاج ههههه متبينش تاكل ماتاكل ربي يشفيك حبيبتي
صباح الخيرات حبيبتي ام هاديل لاباس عليك لاغتروس واعرة اختي اصغر مني كي جيها ديرلها الدوخة مسكينة ربي يشافيها ويشافيك ويشافي مرضى المسلمين
راني زعمة شربت الدوا نقس علية شوية هداك الغز والحمى ان شاء الله ما يزيدش علية الحال
يعطيكم الصحة يا الشاطرات القافزات
ربي يشافي المريضات و يعطيكم الجهد و الصحة إنشاء الله

شكرت ليك روح مراد انت تان يعطيك الصحة والجهد يا الشاطرة

صدفات

2014-10-09, 13:48

مساء الخير يا بنات
أم حمزة ربي يشافيك كيفاه تقولي ما كانش التشجيع شوفي عدد زوار الموضوع .
أصبحت مدمنة على الموضوع كل يوم أول حاجة نديرها ندخل نشوف شتى حطيتي ولبنات شتى كتبو أنا ما نحبش الطيابات المعقدة ولي فيها الشكيل والكلفة حبيت موضوعك لأنه يناسبني من حيث الكلفة و السرعة في التحضير.و لي عندها رأي ثاني تناقشني واصلي و ربي يقدرك هي يا لبنات لازم نرفعولها معنوياتها .

lilii7179

2014-10-09, 15:45

الى ام حمزة, صدقيني موضوعك في منتهى الروعة و وليت مدمنة عليه لازم نطل كل يوم, و اللي زادو روعة هو مشاركة العضوات ربي يخليهم, كي ندخل نحس روحي في جلسة نسائية راقية, نتاع نساء عاقلات و رزينات و ذوات خبرة نهزو منهم افكار و نصائح.
ربي يحفظكم كامل و يعطيكم واش تتمناو

نخله.

2014-10-09, 17:09

اوووووووووو ام حمزة بعدما والفناك حبيتي تحاوزينا من دارك وتغلقي اباب..................ونت الكريمة بنت الكرام؟؟؟

لالا حنونتي مهدك وين تهربي منا موضوعك جد مفيد صحيح مرات نخرجولك على الموضوع وندردشو ههههههه بصح رانا نستفادو

رنا كامل كبارات وقدم فالمطبخ بصح كل وحدة تعلمت هنا اشيا جديده عليها

مثلا مقرون اليوم جديد عليا واكيد راح نجربو

وزيد الفلفل الاحمر للي تسميه دريس انا ما نعرفوش وما نعرفش بللي يتشمخ يرجع جديد تعلمتها هنا . وحوايج بزاااف مانيش متفكرتها

كل وحدة تقولنا وش تعلمت هكذا باه نشجعو شيفتنا وما نخلوهاش تهرب

نخله.

2014-10-09, 17:10

و كلنا نتمناو نثبيت الموضوع لانو يستاهل

توكل

2014-10-09, 18:38

السلام عليكم ورحمة الله وبركاته
اختى ام حمزة والله انى استفدت من موضوعك وكل يوم لازمنى حتى انا نطل عليه نشوف جديدك لازمنى
كمليه حبيبة واحنا رانا نتابع فيك ربى يعطيك ما تتمنى ويحفظلك اولادك
نتمنى من المشرفات تثبيت الموضوع لانه والله يستحق
احبك فى الله وربى ما يحرمنىا منك

ام حمزة22

2014-10-09, 19:09

مساء الخير يا بنات
أم حمزة ربي يشافيك كيفاه تقولي ما كانش التشجيع شوفي عدد زوار الموضوع .
أصبحت مدمنة على الموضوع كل يوم أول حاجة نديرها ندخل نشوف شتى حطيتي ولبنات شتى كتبو أنا ما نحبش الطيابات المعقدة ولي فيها الشكيل والكلفة حبيت موضوعك لأنه يناسبني من حيث الكلفة و السرعة في التحضير.و لي عندها رأي ثاني تناقشني واصلي و ربي يقدرك هي يا لبنات لازم نرفعولها معنوياتها .

الى ام حمزة, صدقيني موضوعك في منتهى الروعة و وليت مدمنة عليه لازم نطل كل يوم, و اللي زادو روعة هو مشاركة العضوات ربي يخليهم, كي ندخل نحس روحي في جلسة نسائية راقية, نتاع نساء عاقلات و رزينات و ذوات خبرة نهزو منهم افكار و نصائح.
ربي يحفظكم كامل و يعطيكم واش تتمناو

اوووووووووو ام حمزة بعدما والفناك حبيتي تحاوزينا من دارك وتغلقي اباب..................ونت الكريمة بنت الكرام؟؟؟

لالا حنونتي مهدك وين تهربي منا موضوعك جد مفيد صحيح مرات نخرجولك على الموضوع وندردشو ههههههه بصح رانا نستفادو

رنا كامل كبارات وقدم فالمطبخ بصح كل وحدة تعلمت هنا اشيا جديده عليها

مثلا مقرون اليوم جديد عليا واكيد راح نجربو

وزيد الفلفل الاحمر للي تسميه دريس انا ما نعرفوش وما نعرفش بللي يتشمخ يرجع جديد تعلمتها هنا . وحوايج بزاااف مانيش متفكرتها

كل وحدة تقولنا وش تعلمت هكذا باه نشجعو شيفتنا وما نخلوهاش تهرب

و كلنا نتمناو نثبيت الموضوع لانو يستاهل

السلام عليكم ورحمة الله وبركاته
اختى ام حمزة والله انى استفدت من موضوعك وكل يوم لازمنى حتى انا نطل عليه نشوف جديدك لازمنى
كمليه حبيبة واحنا رانا نتابع فيك ربى يعطيك ما تتمنى ويحفظلك اولادك
نتمنى من المشرفات تثبيت الموضوع لانه والله يستحق
احبك فى الله وربى ما يحرمنىا منك
يخاه عليا واش درت اليوم
خليتكم تتقلقو عليا
سامحوني والله حشمت من تصرفاتي هدا واقيلا من تعب العيد خلاني نفكر فالتنسحاب
اشكركم جزيل الشكر والله حتى انا والفتكم
وهاد الموضوع موضوعكم بادن الله احاول في الاستمرار
نخلة ما تقلقينيش بالدردشة بالعكس انت حليتي الموضوع بدردشتك وحاولي ساعا على ساعا سرقينا موضزع من مواضيع( جماعة توكلنا على الله )
و ما ننساش جميع لي شرف موضوعي بارك الله فيكم وسامحزني مرة تانية على الازعاج
احبكم في الله جمييييييييييييييعكن

ام هاديل وياسين

2014-10-09, 19:30

احبكي الذي احببتنا فيه ام حمزة وشكون قالك رايحين نخلوك تنساحبي
اهنا تقعدي معنا ولفناك والولف صعيب يتنحى ههههههه
ونخلة مش رايحة جيبلك غير موضوع برك من جماعة توكلنا على الله لبنات كامل
نسرقوهم يجو معنا ياخي انا بديت بيها وهي تكمل ههههه
الله يخليكي لينا وميحرمناش من طلتك المنورة حبيبتي

ام حمزة22

2014-10-09, 19:40

ربي يحفضك ويخليك حبيبتي ام هديل ربي يسعدك ويفرحك بوليداتك
والله مشي غير طلعتولي المورال راه خرج على البلافو ههههههههههه

ام هاديل وياسين

2014-10-09, 19:52

اللهم امين اختي ام حمزة ولكي بالمثل وخلي المورال يخرج من البلافو
رانا هنا ونزيدوك لانك تستاهلى كل خير وهذي مش مجاملة راكي تعاوني الكل
لا فالخياطة ولا فالاطباق الله يخلي بيتك ديما عامر وانتي تاج عليه اميين يارب نخليك حبيبتي
نروح نعشيهم راهم يستناو الله يشفيك وتصبحي على خير

ام حمزة22

2014-10-09, 20:15

شكرا حبيبتي
صح عشاكم وتصبحي بالف خير

سمسومة 05

2014-10-09, 22:38

مشكوووووووووورة حبيبتي ام حمزة وجميع اللي راهم هنا وييتبعو في موضوعك الاكثر من رائع والله رانا نتعلمو بزاف حوايج باقل كلفة نوجدو احلى الطباق واصلي حبيبتي

ام حمزة22

2014-10-10, 07:50

سلام
صباحكم سعيد ويومكم اسعد حبيباتي
شكرا ليك سمسومة يعطيك الف صحة وعافية
طبقي اليوم هو بطاطا بوري بالكوتليت راني نقيت البطاطا وحطيتها بديه مزال شوية الحال باه نطيبها
خرجت الكوتليت من المجمد نخليه يديكونجلة من بعد نغسلو ونتبلو
لي عودة بادن الله

ام حمزة22

2014-10-10, 11:19

طبعا الكل يعرف يطيب للبوري لاكن بهاد الطريقة ما نعرف الا كاين لي يستعملها
اولا نغلي البطاطا بالملح وفلس ثوم الثوم يزيد النكهة الطيبة
بعد ما طيب نعبزها فالاول بهاد ي لي راكم تشوفو فيها في الصور من بعد نضيفلها حليب وزبدة ونزيدلها بالخلاط الكهربائي كيما راكم تشوفو فالصور
اما عن الكوتلات نتبلو غير بالملح وفلفل اكحل ونضيفلو زيت وزبدة نخلطو مليح ونخليه يتشرب من بعد نحطو في اكياس الخاصة بالفرن ونخليه يطيب
بعد ما يطيبو نفرخ هديك الزيت لي طاب فيها ونرحيها بالخلاط الكهربائي تصبحنا صوص من اروع والد ما يكون ههههههه
http://im71.gulfup.com/MhtFtA.jpg
http://im55.gulfup.com/zIRnWj.jpg
http://im74.gulfup.com/UxlvWC.jpg
http://im53.gulfup.com/826JBN.jpg
http://im54.gulfup.com/miVqCf.jpg
http://im68.gulfup.com/FnuCv6.jpg
http://im53.gulfup.com/pCvB7s.jpg
http://im65.gulfup.com/cfNitB.jpg
http://im81.gulfup.com/sOxzL5.jpg

ام هاديل وياسين

2014-10-10, 11:29

كي صبحتي ام حمزة ان شاء راكي بخير
وصحيتي على الطبق اكيد لذيذ ومع هذيك الصوص رائئع
بارك الله فيكي اختي ويعطيك الصحة وصحى غداكم

ام حمزة22

2014-10-10, 11:35

شكرا على السؤال حبيبتي ام هديل راني شوية غير شوية حريق فاللوزتين وصوتي تبحح لاكن نحمد ربي ونشكر ه هادي زكات النفس

نخله.

2014-10-10, 11:50

السلام عليكن

صباح الخيرات

جمعة مباركة حبيباتي

ام حمزة احبك الذي احببتنا فيه...............و حفظك بحوله وقوته

سورة الكهف https://soundcloud.com/alafasy/al-kahf-2013

نخله.

2014-10-10, 11:53

ماشالله ام جمزة عليك وعلى طيابك

هذاوين ط لعولي الصور

ه على الصوت انا ثاني راني فيبرور راني غير نصفقلهم هههههههههه

ديري السانوج فالعسل مليح كيما قالت الاخت و الغرغرة بالخل نصحتنا بيه ام هديل الله بحفظها

ام حمزة22

2014-10-10, 12:47

الله الله عليك نخلة الف شكر ليك على الرابط جعله الله في ميزان حسناتك
اشكرك على الوصفة انا مادابيا ما نهدرش منين نهدر يوجعني حلقي ويروح السطر حتى للراسي المهم هادي زكات النفس والحمد الله كي تفكرنا ربي
ربي يشفي مرضانا ويرحم موتانا

آنثى آلمطر

2014-10-10, 16:57

كي راكي يا جارتي هذه غيبة توحشناك شفتي النت كي تنقطع تحس روحك معزولة في جزيرة لوحدك كل عام و أنت بخير

اهلا حنونتي انا تاني توحشتكم موووت وشراكي صفا

والله كتتكوبا نكره

آنثى آلمطر

2014-10-10, 16:59

ام حمزة ربي يرزق الشفا

آنثى آلمطر

2014-10-10, 17:04

طبعا الكل يعرف يطيب للبوري لاكن بهاد الطريقة ما نعرف الا كاين لي يستعملها
اولا نغلي البطاطا بالملح وفلس ثوم الثوم يزيد النكهة الطيبة
بعد ما طيب نعبزها فالاول بهاد ي لي راكم تشوفو فيها في الصور من بعد نضيفلها حليب وزبدة ونزيدلها بالخلاط الكهربائي كيما راكم تشوفو فالصور
اما عن الكوتلات نتبلو غير بالملح وفلفل اكحل ونضيفلو زيت وزبدة نخلطو مليح ونخليه يتشرب من بعد نحطو في اكياس الخاصة بالفرن ونخليه يطيب
بعد ما يطيبو نفرخ هديك الزيت لي طاب فيها ونرحيها بالخلاط الكهربائي تصبحنا صوص من اروع والد ما يكون ههههههه
http://im71.gulfup.com/MhtFtA.jpg
http://im55.gulfup.com/zIRnWj.jpg
http://im74.gulfup.com/UxlvWC.jpg
http://im53.gulfup.com/826JBN.jpg
http://im54.gulfup.com/miVqCf.jpg
http://im68.gulfup.com/FnuCv6.jpg
http://im53.gulfup.com/pCvB7s.jpg
http://im65.gulfup.com/cfNitB.jpg
http://im81.gulfup.com/sOxzL5.jpg

طريقتك روووووووووووووعه:19: يعطيك الصحو وربي يخليك

ممكن تعطيني طرؤيقتك في الحريرة
وانا بنتظارك :mh31:

ام حمزة22

2014-10-10, 20:15

سلام
مساء الانوار عسلامتك انتى المطر
مشكورة على الردود
اما عن الحريرة حنا العاصميين حريرتنا ما فيها خضرة ما والو انا ما نديرهاش ما نحبهاش وعمرها امي ما دارتها
لاكن اختي منهار تزوجت ولات ديرنا حريرة بنينة تعلمتها على ناس دارها
انا عمري ما درت حريرة ههههههههههه
راني بادن الله نجيب الوصفة من عند اختي ونحطهالكم

ام حمزة22

2014-10-10, 20:16

سلام
مساء الانوار عسلامتك انتى المطر
مشكورة على الردود
اما عن الحريرة حنا العاصميين حريرتنا ما فيها خضرة ما والو انا ما نديرهاش ما نحبهاش وعمرها امي ما دارتها
لاكن اختي منهار تزوجت ولات ديرنا حريرة بنينة تعلمتها على ناس دارها
انا عمري ما درت حريرة ههههههههههه
راني بادن الله نجيب الوصفة من عند اختي ونحطهالكم

ام حمزة22

2014-10-11, 11:11

سلتم
صباحكم سعيد يا وجوه الخير
ان شاء الله تكونو كلكم باحسن حال
ام ضافر وام سوهيل طولتو الغيبة ان شاء الله المانع خير
لليوم سكنت فالكوزينة زوجي شها طعام باللحم والمرقة حمراء وولادي ما ياكلوهش كل واحد درتلو رايو
طيبت طعام بالمرقة وطعام بالجلبانة وطعام بزبيب
هكدا ولادي ما يصيبوش سبة ويقولولي طيبنا فريت ههههههه
لي عودة بادن الله بعد تحميل الصور

ام حمزة22

2014-10-11, 17:13

مساء الخير
اتاسف ما قدرتش نحمل الصور وحتى النت راهي تقييييييلة بزاف عندي
كنت حابة نبعت صور مراحل طهي المسفوف للمبتدات بصح الله غالب ما قدرتش نحملهم
هدا واش قدرت نحمل
تشكيلة من الكسكس
http://im54.gulfup.com/YRiIYq.jpg

سمسومة 05

2014-10-11, 22:04

يعطيك الصحة ام حمزة راكي مبدعة ولقيتي الحل والله عندك الحق ديما الفريت وزيد ماهوش مفيد تبارك الله عليك وواصلي راني كل يوم ننتظرو في جديدك

روح مراد

2014-10-12, 09:04

ياخاه عليا وين نحط وجهي
أم حمزة مريضة و ما طليتش عليها
ربي يجيبلك الشفاء إن شاء الله و يعطيك الصحة و القدرة
راكي زهيتي هاذ المنتدى

تغرينية

2014-10-12, 09:12

السلام عليكم رانا نستناو في جديدك شكرا لك

ام رويدة

2014-10-12, 14:07

ام حمزة طيابك روووعة سيرتو هديك لابيري مممم
طباسا اللي فيهم الورد حمر كما تاعي شريتهم من باش جراح ههههه وانت
راني شاحنة نكمل السوبيار تاعهم وفناجل القهوة شفتهم في الحميز

صدفات

2014-10-12, 14:37

مساء الخير يا بنات
أم حمزة وين راكي إنشاء الله تكوني تعافيت أنتي مرضت و البنات ما بانوش يا رب المانع خير.

سمسومة 05

2014-10-12, 15:05

مساء النور عليكم كامل نتمنى تكونو لاباس واين انتي يا ام حمزة ربي يجيبلك الشفاء ان شاء الله وترجعيلنا رانا نستناو فيك حبيبتي

تغرينية

2014-10-12, 16:50

الله يجيبلك الشفاء امين

ام آدم

2014-10-12, 18:37

يا رب تكوني بخير ام حمزة ربي يشافيك و يعافيك

أمنية غفران

2014-10-12, 21:34

أختي أم حمزة عيدك مبارك أنت و جميع الأخوات
كيف أحوالكن أدعوكن هنا

http://www.djelfa.info/vb/showthread.php?t=1687939

http://im86.gulfup.com/CSuz9T.jpg (http://www.gulfup.com/?obSzlp)

أمنية غفران

2014-10-12, 21:43

سلام
مساء الانوار عسلامتك انتى المطر
مشكورة على الردود
اما عن الحريرة حنا العاصميين حريرتنا ما فيها خضرة ما والو انا ما نديرهاش ما نحبهاش وعمرها امي ما دارتها
لاكن اختي منهار تزوجت ولات ديرنا حريرة بنينة تعلمتها على ناس دارها
انا عمري ما درت حريرة ههههههههههه
راني بادن الله نجيب الوصفة من عند اختي ونحطهالكم

أهلا أخواتي :mh31:
بعد اذنك أختي أم حمزة عن قريب ان شاء الله نحط ليكم الحريرة بطريقتنا يعني من منطقة الغرب الجزائري :19:

أمنية غفران

2014-10-12, 21:51

أم حمزة ربي يجيبلك الشفاء

آنثى آلمطر

2014-10-12, 22:03

أهلا أخواتي :mh31:
بعد اذنك أختي أم حمزة عن قريب ان شاء الله نحط ليكم الحريرة بطريقتنا يعني من منطقة الغرب الجزائري :19:

اهلا حنونتي وشراكي صفا ينتظارك

ويعيط الصحة على المساعدة :mh31:

inessou

2014-10-13, 04:28

يعطيك الصحة ام حمزة والله نحيتينا غمة لوحدة تصبح حائرة واش طيب بارك الله فيك وفي مجهودك راني متابعتك وربي يشافيك انشاء الله

ام اناهيد

2014-10-13, 06:43

بارك الله فيك اختي راكي نحيتينا الحيرة