الى ام اسيد1 وكل وحدة حاصلة واش الطيب [الأرشيف] - الصفحة 13 - منتديات الجلفة لكل الجزائريين و العرب

غزالة الصّحراء

2015-02-09, 12:17

بارك الله فيك اختي
بصح انا انحوس على الكريمة لي تجي les plaفالكوشة

اهلا وسهلا بك أختي ريحانتي. أنا شخصيا عمري مادرتها. وشكرا للأخت صدفات على طريقتها. بصّح راني حوسّتلك في عمي قوقل. وراني القيتلك وصفة أم رامي اللّه ايطوّل في عمرها.

هاهي المقادير والطريقة وياربّ أفدتك وأفدت كاملّ الأخوات.

حضري كريمة الفرماج
اخفقي بيضة جيدا ثم اضيفي ملعقتين كبيرتين نشاء وكاس حليب وشوية ملح وخلطي بارد في بارد ثم ضعي الخليط على النار واضيفي كاس اخر حليب وحركي حتى يخثار
انزعيه واضيفي الفرماج كيما تحبي واخفقي بالباتور جيداا حتى تصبح ناااعمة .
ــــــــــــــــــــــــــــــــــــــــــــ

هاذي طريقة ثاني للعضوة ام هديل في منتدى آخر. بصّح مانيش عارفة إذا كانت نفسها أم هديل الي معانا في الصفحة. المهم هاكي ثاني الطريقة.

المقادير:
اخفقي بيضة جيدا ثم اضيفي ملعقتين كبيرتين نشاء وكاس شاي ماء و 5 ملاعق حليب غبرة وشوية ملح وخلطي بارد في بارد ثم ضعي الخليط على النار واضيفي كاس اخر حليب وحركي حتى يخثار ( اضيفي ملعقة صغيرة لاموتارد و شوية فلفل اسود و هذا اختياري )
و لما تبرد اضيفي 7 قطع جبن و خلطي بالباتور حتى تتحصلي على كريمة ثقيلة و لذييييييييذة يمكن اضافة قطع اكثر لتتحصلي على كريمة ثقيلة

يمكن استعمال الكريمة في البيتزا ... تورتات اللحم .... و ايضا ليكيش ....
و خصوصا سندويشات ليفريت

ماتنسايش الرّد إذا عجباتك أنجربوها أحنا ثاني. ]

غزالة الصّحراء

2015-02-09, 12:23

صباحكم سعيد حبيباتي
البارح خليتوني وحدي حتى واحدة ما بانت خرجت و صدقوني طفيت الميكرو خلاص ما قدرتش نقعد بلا بيكم الله يدوم محبتنا
منال ربي يسلكك الحمدالله على ماعطى مش مهم الجنس المهم الصلاح و الصحة و السلامة كثري الدعاء حبيبتي
غزالتي شكرا على الرد اليوم أنا و أنت رانا فراشات دخلنا مع صباح ههههههههههههههههه
أم حمزة ربي يعينك رانا معاك نشجعوك و راكي درتي لينا القلب يعني حمستينا باه حنا ثاني نخدمو صوالح بيدينا
أم الحبايب أم الخير أم هديل أم سوهيل نينا روح مراد أمنية غفران و كل وحدة من جمعتنا الطيبة يوم سعيد

صباحك سعيد أختي صدفات . واللّه غير أنا ثاني البارح آخر من أغلقت المنتدى . شوفي ردودي على كم ساعة كتبتها.
وشكرا لك على ردودك الحلوة ألي أتخلي الوحدة ترجع لها روحها. أنا وانتي في اللّيل خفاشات ومع الصباح فراشات. :D:D:D:D:19::19::19::mh31::mh31::mh31:الطيران راه يجمع بيناتنا:mad::mad::rolleyes::rolleyes:. اللّه ايدوّم محبّتنا في اللّه ونستفادوا من بعضانا. واللّه غير عندي بزاف لغسيل . بصّح قلت أنزيد نضرب طلّة عل الجديد . ونروح أنكمّل اشغالاتي.
حبوباتي كلّ وحدة باسمها ياربّ اتكونوا كامل بألف خير. أم حمزة إلى الأمام دوما أتعلمي واغرسي فينا الهمّة باش أنشاركوا أحنا ثاني في التطبيقات ا الفنيّة بعد التّطبيقات المطبخيّة. ولو أنّ الطّبخ أيضا فنّ .
أختي أم منال . كثري من المشي والدّعاء. وأحنا رايحين أنكونوا دائما معك بقولوبنا وفكرنا. اللّه ايسّر عليك الأمور.
ياله حبيباتي تبقاوا على خير.

غزالة الصّحراء

2015-02-09, 12:28

صباح الخير ام حمزة
وش راكي نتمنا تكوني بخير
حبيت نسقسيك على كش حاجة نطيبها ب petit swiss
بقاولي كعبات وغدوى نهاية تاريخ الصلاحية تاعهم
اغيتيني بكش وصفة ربي ينجحلك ولادك نشالله

صباح الأنوار أختي بيلسان . واش راكي هاذي مدة وانت غايبة . والحمد للّه على رجعتك بسلامة. أنا شخصيا ماندير بيهم والوا. على خاطر راجلي يشريهم على جال الرجيم أنتاعو. وانا مانحبهمش بزاف . انحبّ اكريم ديسار كراميل. برك. وياربّ تلقاي الجواب عند البنات الأخريات.
تقديري اتديري كاش قاطو. كيما ألي راني أبعثتو في قسم الحلويات. وتزيني بيهم. يعني تزيديلهم سكر أرطب.وتخلطي أمليح حتّى يثقال الخليط.

أم الحبايب 26

2015-02-09, 13:40

مسالخير عليكم واش راكم يا خياتي نشالله تكونو كامل بخير انا فطوري درت الروز كما قالت عليه ام حمزة رابي يقادرها على شغالها واش راكي يا غزالة نتاعنا ماشالله عليك تقعدي متبانيش كتظاهري ترودي على كل واحدا
يعطيك اصحا صدفات على كريمة ليقولتي عليها هذي اول مرا نسمع بيها
سلامي ليكم كامل ام اخير ام سهيل ام هديل انا ابني صغير اسمو ياسين مقبلوليش اسم ليحطيتو كانت سبقتني واحدوخرا
هملي حطيت ولادي كامل ام منال ومنير رابي يسلكك على خير رانا نستناو في طومينة نتاعك رابي يجعلهم ذورية صلحين فذنيا وشفعين فاخيرة روح مراد ماكيش تباني الله يقدرك يالحنونة

أم الحبايب 26

2015-02-09, 13:46

ام الخير 05

2015-02-09, 13:49

مساء الخير على الجميع مساء الخير يا ام الحبايب ربي يحميهملك الاخت بيلسان تقدري اديري بيه التيراميسو تعوضي الفرماج بالبتيسويس

منال ومنير

2015-02-09, 14:27

صباح الخير على اخواتي الغاليات ربي يحمينا جميعا ويحميلنا ازواجنا واولادنا وكل اهلنا واحبائنا اللي شفناهم واللي ماشفناهمش يارب
كل وحدة باسمها عائلتنا كبيرة وربي يزيدها والحمد لله
منال ومنير الحمدلله اختي كي البيبي انتاعك صغيرة ديري الكوراج وما تخمميش بزاف رانا كامل ندعيولك صدقيني والله غير البارح خممت فيك ودعيتلك ربي انت واختي ربي يسهللك انشاء الله

يعطيكم الصحة والله طلعتولي المرال رب انشاء الله جازيكم ونكونو ديما مع بعض ورب يسلك اختك انشاء الله

ام الخير 05

2015-02-09, 17:29

مساء الخير على الغاليا انشاء الله تكونو كامل بالف خير يا رب

ام هاديل وياسين

2015-02-09, 17:59

السلام عليكم ان شاء الله تكونوبخير منيش ندخل بزاف النات راهي كارثة
نسلم عليكم بالوحدة ام حمزة كي راكي اختي بغيتك تعطيني طريقتك في صنع اللازانيا حوست عليها

بغيت نشريها ملقيتش ان شاء الله نلقى طلبي عندك

ريحانتي

2015-02-09, 18:23

اهلا وسهلا بك أختي ريحانتي. أنا شخصيا عمري مادرتها. وشكرا للأخت صدفات على طريقتها. بصّح راني حوسّتلك في عمي قوقل. وراني القيتلك وصفة أم رامي اللّه ايطوّل في عمرها.

هاهي المقادير والطريقة وياربّ أفدتك وأفدت كاملّ الأخوات.

حضري كريمة الفرماج
اخفقي بيضة جيدا ثم اضيفي ملعقتين كبيرتين نشاء وكاس حليب وشوية ملح وخلطي بارد في بارد ثم ضعي الخليط على النار واضيفي كاس اخر حليب وحركي حتى يخثار
انزعيه واضيفي الفرماج كيما تحبي واخفقي بالباتور جيداا حتى تصبح ناااعمة .
ــــــــــــــــــــــــــــــــــــــــــــ

هاذي طريقة ثاني للعضوة ام هديل في منتدى آخر. بصّح مانيش عارفة إذا كانت نفسها أم هديل الي معانا في الصفحة. المهم هاكي ثاني الطريقة.

المقادير:
اخفقي بيضة جيدا ثم اضيفي ملعقتين كبيرتين نشاء وكاس شاي ماء و 5 ملاعق حليب غبرة وشوية ملح وخلطي بارد في بارد ثم ضعي الخليط على النار واضيفي كاس اخر حليب وحركي حتى يخثار ( اضيفي ملعقة صغيرة لاموتارد و شوية فلفل اسود و هذا اختياري )
و لما تبرد اضيفي 7 قطع جبن و خلطي بالباتور حتى تتحصلي على كريمة ثقيلة و لذييييييييذة يمكن اضافة قطع اكثر لتتحصلي على كريمة ثقيلة

يمكن استعمال الكريمة في البيتزا ... تورتات اللحم .... و ايضا ليكيش ....
و خصوصا سندويشات ليفريت

ماتنسايش الرّد إذا عجباتك أنجربوها أحنا ثاني. ]
برك الله فيك ربي يفتح عليك
شكرا جدااااااااا
:19::19::19::19:

ام سوهيل

2015-02-09, 18:26

مساء الخير للجميع وش راكم توحشتكم انات كانت مقطوعة من بعد نولي

ام سوهيل

2015-02-09, 18:27

ريحانتي مرحبة بيك معانا

صدفات

2015-02-09, 19:49

مساؤكم سعيد يا لبنات
أم سوهيل على سلامتك
ريحانتي كريمة الفورماج للأطباق المالحة في الفرن أنا حبيبتي نخدم بشاميل بالبيض و نضيف لها الفرماج الأبيض و نخلط مليح و في الأخير نضيف الغريار مرابي نخلط
منال كولي التمر بزاف راه يساعدك في الزيادة و هناك دراسة تقول أنه في مكوناته مادة تساعد على فتح الكول ربي يسهلك
أم حمزة و روح مراد طلوا علينا برك
اليوم راني دايرة غراتان الكوغجات بلبشاميل و اللحم مطحون لي عودة بعد العشاء بصحتكم

اصالة.

2015-02-09, 20:17

شكراااا بارك الله فيك

غزالة الصّحراء

2015-02-09, 21:23

برك الله فيك ربي يفتح عليك
شكرا جدااااااااا
:19::19::19::19:

آمين أختي ريحانتي ولك ولكلّ الأخوات المثيل من الدّعاء. . وأهلا وسهلا ومرحبا بك بيننا.

غزالة الصّحراء

2015-02-09, 21:28

مساء الخير للجميع وش راكم توحشتكم انات كانت مقطوعة من بعد نولي

مساء الأنوار والعطر الفوّاح لك أختي أم سوهيل وإلى كلّ واحدة من البنات دون أن أنسى ايّة منهنّ. وأهلا بك متّى عدت. وفعلا النت هذه الأيام جدّ متماطلة ورغم هذا رانا نتصارعوا معها غير باش أنسقسوا على بعضنا البعض. ربّي يحمينا ويحفظنا من كلّ سوء. ويحمي أولادنا وازواجنا. حبيباتي لكّن جميعا السّلام الحّار حرارة الجمر .
أختي أم حمزة. ياربّ اتكوني أقريب أتكملي شغالاتك الفنيّة وإذا كان ممكن ان ترسلي لنا الصّور نكون شاكرات لك. شفتي أبناتك ماشاء اللّه علينا رانا أتهلينا لك في الدّار غير ماتتقلقيش عليها.

غزالة الصّحراء

2015-02-09, 21:31

شكراااا بارك الله فيك

أهلا ومرحبا بضيفتنا الجديدة الأخت أصالة:dj_17:. بارك اللّه فيك على البصمة التّي وضعتيها على هذه الصّفحة المميّزة. على أمل ان لاتكون الأخيرة.

ام حمزة22

2015-02-09, 21:39

سلام لبنات واش راكم
والله تامنوني دمعو عينية كي شفت كل هاته الصفحان الله يبارك ماشاء الله عليكم ربي يخليكم دايما منورين ويخليلكم صحتكم
سامحوني ما طليتش عليكم النت ما عنديش هاد نهارات واليوم فليكسيت فالتبلات باه ناكتيغي 3gوما نخليكمش تتقلقو عليا حتى ولو راني مشغولة هادا ما يمنعش نطل في غتلياتي ساعة على ساعة
غير النت لي دارتها بيا
وان ساء الله الغيبات يكونو بالف خير ومانع حضورهم خير ان شاء الله

ام حمزة22

2015-02-09, 21:54

مساء الأنوار والعطر الفوّاح لك أختي أم سوهيل وإلى كلّ واحدة من البنات دون أن أنسى ايّة منهنّ. وأهلا بك متّى عدت. وفعلا النت هذه الأيام جدّ متماطلة ورغم هذا رانا نتصارعوا معها غير باش أنسقسوا على بعضنا البعض. ربّي يحمينا ويحفظنا من كلّ سوء. ويحمي أولادنا وازواجنا. حبيباتي لكّن جميعا السّلام الحّار حرارة الجمر .
أختي أم حمزة. ياربّ اتكوني أقريب أتكملي شغالاتك الفنيّة وإذا كان ممكن ان ترسلي لنا الصّور نكون شاكرات لك. شفتي أبناتك ماشاء اللّه علينا رانا أتهلينا لك في الدّار غير ماتتقلقيش عليها.

غزالتي يعطيك الصحة كفيتي ووفيتي بارك الله فيك انت والبنات
اما اشغالي الفنية متاسفة راح تكون في سرية تامة لان هدا من قونين المسابقة راح يكون معرض في قسم الاعمال الفنية بصور جميع المشاركات والصور تكون بدون اسم المشاركات وراح يكون تصويت لافضل تطبيق من طرغ اعصاء المنتدى

غزالة الصّحراء

2015-02-09, 22:04

غزالتي يعطيك الصحة كفيتي ووفيتي بارك الله فيك انت والبنات
اما اشغالي الفنية متاسفة راح تكون في سرية تامة لان هدا من قونين المسابقة راح يكون معرض في قسم الاعمال الفنية بصور جميع المشاركات والصور تكون بدون اسم المشاركات وراح يكون تصويت لافضل تطبيق من طرغ اعصاء المنتدى

أهلا بحبوبتي الغاليّة:dj_17: غير ماتتقلقيش على دارك . راهي زاهيا وباهيا بفضل بناتك الرائعات والمواضيع المختلفة الأشكال والألوان. . أما عن أشغالك اعانك اللّه فيها .وكنت من ضمن المتوفوقات. نعرف بانّ مجال المسابقات تكون فيه السريّة وهذا صمن قوانين العمل حتى يكون فيه الانصاف. تمنياتنا لك جميعا بالنّجاح والتّوفيق وان تكوني لنا القدوة الحسنة حتّى نسير على طريقك ونحقّق لأنفسنا النّجاح ايضا وأن نفتخر بذاتنا ونعلو بها إلى علو يستحقّ الافتخار لا لشيئ لسوى لأن نفرح أفراد عائلاتنا ونثبت ذاتنا كنساء جزائريات كنّ ومازلن يناضلن من أجل أسرهنّ. بالتّوفيق لك. :19::19:

ام حمزة22

2015-02-09, 22:33

السلام عايكم وشراكم منورين ام حمزة كيفاه نشارك في دورة الخياطة

وعليكم السلام
نينا التسجيل كان فالسابق واليوم كان آخر اجل لتكن كرونو ربي يحفضها زادت اجلت الدرس للغد وراح يكون اخر اجل
ولي ما تبتوس حضورهم راح يقصون من المشاركة والمشرفة تبدلهم باخرين انتي روحي سجلي وتبتي حضورك بالتك تكوني معانا فالدورة بادن الله
وهادا الرابط كنت سبق وحطيتو http://www.djelfa.info/vb/showthread.php?t=1752878&page=3
بالتوفيق حبيبتي

ام سوهيل

2015-02-10, 08:35

صباح الخير وزقزقة العصافير عليكم كامل

ام سوهيل

2015-02-10, 08:37

ام حمزة ربي يعينك على شغلاتك وبيى التوفيق وكما قلت غزالة متخافيش على دارك رانا قيمين بيها

ام سوهيل

2015-02-10, 08:38

روح موراد وام اسيد بقية الاخوات مراهمش يبانو خير ان شاء الله

ام سوهيل

2015-02-10, 08:40

لبنات كي كانت انات مقطوعة عندي درت شوية صابلي للاولد باش يتقهواو بيه كانو طلبوه مني في شحال

ام سوهيل

2015-02-10, 08:41

وفي الغد جا عندي عمي وزوجته حطيتلهم مع القهوة انات هبلتني قبل مانكمل الكتبا نلقها طلعت

ام سوهيل

2015-02-10, 08:47

اولى هدي قرتا شفلار بي اللحم المرحي

http://www.foxpic.com/Vb4Lya7I.jpg

http://www.foxpic.com/V1wh3goy.jpg

وهاد الصابلي

http://www.foxpic.com/V1X92Bdw.jpg

http://www.foxpic.com/V12ElEwb.jpg

وش رايكم

أم الحبايب 26

2015-02-10, 09:17

صباح الخير نشالله تكونو كامل بخير صاحتي شاطرا ام سهيل يعطيك اصحا على حلوى ولقراتان
ام حمزة الله يقدرك وتحطينا واش راكي تخدمي كيتكامليهم كيفاش صباحتو كامل لبنات نشالله تكونو ملاح
انا فطوري درت لوبيا بلخرشف راني رايحا نزور واحدا مريظى دابرو علييا واش ندير قاطو

منال ومنير

2015-02-10, 10:36

صباح الخير عليكم وشراكم
الاحوات انشاء الله قع تكون بخير روح مراد مراهيش قع تبان انشاء الله تكون بخير

ام الخير 05

2015-02-10, 13:43

مساء الخير عليكم منال ومنير انشاء الله تكوني مليحة اليوم زعمة بكرة باه ندير لبيني وانا جامي درتهم درت الفرينة وزدتلها الخميرةوالسكروملعقة بودرة الحليب وقطرات تاع خل وعجنتهم بالماء دافي وشويةزيت انا هزيت القرعة تاع الزيت وانا لقيتها قليل يعني ما تكفينيش نقليهم حرت كيفاه راح ندير ومن بعد قلت ندير خبز وخلاص بسستو بالزيت اللي بقى وخليتويخمر بعد ما خمر قعدت نخمم كيفاه نشكلو ماعنديش بزاف ملي درتو عش نحلة وراح الحال وراجلي يحب كي ينوض يشم ريحة حاجة في الكوزينة طرحت العجينة على شكل دائري وقسمتها الى مثلثات وكل مثلث حشيتو بمعجون المشماش وشكلتهم كيما الكرواصون ودهنتهم بالبيض والقهوة وخليتهم يخمرو وطيبتم وانا خايفة ما يعجبوش راجلي لانه يتشرط بزاف كي طابو وحمارو من فوق حطيتهم وكي جاء لااجلي يفطر قاعدة غير نشوف لوجهو قاللي واش هذا البنة الفطور تاع اليوم هايل فرحت بزاف وقلة كتر خير الزيت اللي خلاص هدرت بزاف حكيتلكم برك على شوية من حصلاتي في الكوزينة

روح مراد

2015-02-10, 14:59

مساء الخير أخواتي يسقسي عليكوم الخير اعذروني هاذ الأيامات مارانيش ندخل بزاف الله غالب نهار ينقص عليا الضغط نقرا واش كتبتو و نجاوب كل وحدة فيكوم تحياتي الحارة

غزالة الصّحراء

2015-02-10, 16:44

اولى هدي قرتا شفلار بي اللحم المرحي

http://www.foxpic.com/vb4lya7i.jpg

http://www.foxpic.com/v1wh3goy.jpg

وهاد الصابلي

http://www.foxpic.com/v1x92bdw.jpg

http://www.foxpic.com/v12elewb.jpg

وش رايكم

أهلا بك غاليتي أم سوهيل. ماشاء الرحمن 10/10 بامتياز. أخموس عليك. ألف ألف شكر. راكي سخفتسني بهذاك النوع الجديد أنتاع ليصابلي. يعطيك ألف عافيّة وصحّة بصحتكم . واللّه ايجازيك كلّ الخير على حسن الضيافة.

***سلمى ***

2015-02-10, 16:47

مساء لالنوار يالحبابات.لمانلقى نطل نقرا واش كتبتو اليوم الضغط ناقص عليا.شويا .واشكم كامل

غزالة الصّحراء

2015-02-10, 16:48

مساء الخير أخواتي يسقسي عليكوم الخير اعذروني هاذ الأيامات مارانيش ندخل بزاف الله غالب نهار ينقص عليا الضغط نقرا واش كتبتو و نجاوب كل وحدة فيكوم تحياتي الحارة

أهلا ومرحبا بالأخت روح مراد :dj_17:. كيف أحوالك؟ . ياربّ اتكوني بالف خير. ونحن ننتظر عودتك إلينا بفارغ الصّبر. ربّي ايخفّف عليك الضّغوطات ويسّر أمورك.

غزالة الصّحراء

2015-02-10, 16:48

لبنات مساء الخير والنور والهناء على كلّ واحدة منكنّ وياربّ الكلّ ايكون بألف خير.
:mh31::mh31:

***سلمى ***

2015-02-10, 16:49

أهلا بك غاليتي أم سوهيل. ماشاء الرحمن 10/10 بامتياز. أخموس عليك. ألف ألف شكر. راكي سخفتسني بهذاك النوع الجديد أنتاع ليصابلي. يعطيك ألف عافيّة وصحّة بصحتكم . واللّه ايجازيك كلّ الخير على حسن الضيافة.

واشك ياالحبيبة يا الغزيل

***سلمى ***

2015-02-10, 16:50

لبنات مساء الخير والنور والهناء على كلّ واحدة منكنّ وياربّ الكلّ ايكون بألف خير.
:mh31::mh31:

مساء الخير اعليك وعلى الغايبات حاليا:1::1::1::1::1::19::mh31::mh31::mh31::mh31:;) ;););););)

***سلمى ***

2015-02-10, 16:52

انا نروح نصحح كاش وريقات تع الذراري بالسلامة

غزالة الصّحراء

2015-02-10, 16:53

مساء لالنوار يالحبابات.لمانلقى نطل نقرا واش كتبتو اليوم الضغط ناقص عليا.شويا .واشكم كامل

اهلا بك اختي سلمى أنار النّور على صفحتنا المميّزة كيف احوالك؟ . وكيف اصبحتي بعد الحادث السّابق . اللّه ايبعد عليك كلّ أذى ومكروه ياربّ.

غزالة الصّحراء

2015-02-10, 16:56

انا نروح نصحح كاش وريقات تع الذراري بالسلامة

اللّه ايعاونك . روحي وكملي خدمتك. في أمان اللّه ز انا ثاني أنروح انكمّل اشغالاتي. حتّى النت راهي ناقصة. تحياتي للجميع بدون أن انسى أيّة واحدة.

***سلمى ***

2015-02-10, 16:57

صباح الخير اخواتي راني مازلت معاكم كيما قلتلكم البارح روحت عند الطبيبة وقاتلت الحمد الله رك نورمال قاتلي مازل شوية قاتلي لازم تمشي و الريحيم بش البيبي مايكبرش

ربي يخلص راسك على وتنوضي سالمة انشاء الله

***سلمى ***

2015-02-10, 17:01

اهلا بك اختي سلمى أنار النّور على صفحتنا المميّزة كيف احوالك؟ . وكيف اصبحتي بعد الحادث السّابق . اللّه ايبعد عليك كلّ أذى ومكروه ياربّ.

شكرا على السؤال ربي ينورك. والله نقول لاباس ياسر على ما صرا بيا.الحمدلله على كل حال.ربي يبارك فيك على الدعاء

صدفات

2015-02-10, 20:38

السلام عليكم حبيباتي
كيف أحوالكم يا الغاليات تحياتي و إحتراماتي ل وحدة بإسمها

ام سوهيل

2015-02-10, 21:05

السلام عليكم وصح عشاكم

nina mima

2015-02-10, 21:18

السلام عليكم كل وحد بسماها غزالة راكي غزالة ونص و25 الله يزين سعدك لسانك حلو وشاطر

ام حمزة22

2015-02-10, 21:29

السلام عليكم يا الغاليات واش راكم والله توحشتكم وتوحشت لمتكم انا اليوم ملي نضت على 4 نتتع الصبح وانا مع الخدمة حتى القيلولة سمحت فيها والله عنية راهم يتغمضو بصح قلت نضرب طلة على الغاليات
غالياتي اشكركم جميعا على احياء هاد الموضوع علبالي راكم كامل بشغالكم ربي يقدركم ويوفقكم وينجح وليداتكم
حبيباتي الا ما دخلتوش لهاد الموضوع راكم مسامحين ومانيش رايحة نلومكم لان علابالي راكم مشغولين
انتهز الفرصة لاشكركم جميييييعا على كل ما قدمتوه في هاد الموضوع واشكركم على تشجيعي في المواصلة ردودكم كانت تشجعني وتزيدني قوة على قوة كما اشكر كل المشاهدين لي مرو من هاد الموصوع بارك الله فيكم
شكر خاص لام ضافر اللتي كانت السبب في مواصلة هاد الموضوع
لا انسا غاليتي نخلة
والغاءبات ان شاء الله تكونو كامل بالف خير
اترككم في رعاية الله وحفضه

صدفات

2015-02-10, 21:53

أهلا و سهلا أم حمزة ربي يعينك
و على ذكر نخلة صحيح عندها بزاف ما نورتش الصفحة بردودها و حتى تغرينية يا رب يكونوا بخير و كل الحبايب
غزالتي أين أنت صدقيني راني نستنى فيك بصح خلاص عييت و لازم نروح نرقد
حبيباتي تصبحون على خير

ام حمزة22

2015-02-10, 22:05

شكرا ليك حبيبتي صدفات
تصبحي بالف خير واخلام سعيدة
غزالة اكيد راهي مشغولة ربي يقدرها ويقدر الجميع

ام الخير 05

2015-02-11, 08:24

صباح الخير على اخواتي العزيزات ام حمزة ربي يقويك يا اختي على كل اعمالك منال ومنير ربي يسهلك غزالة السكر ام سهيل صدفات رح مراد ام الحبايب ..................وكل وحدة تدخل هذي الصفحة ربي يسمعنا عليكم غير اخبار الخير .اليومدرت السفنج تاع الفرينة وجاني خفيف كيما السحاب والبارح درت بطاطا مقلية +شرائح صدر دجاج مشوية +سلاطة+خبز

منال ومنير

2015-02-11, 09:31

صباح الخير اخواتي
صباح الخير ام الخير انشاء الله اليوم خير علينا امييييييييييييييييييييييييين

أم الحبايب 26

2015-02-11, 09:50

صباح الخير الخير علي عليكم نشالله تكونو بخير كل واحدا راهي لاتيا بشغالها رابي يقدر الجاميع يقولو بنادم يخلاص و شغل مياخلاصا كلو بلاجر سلامي ليكم بلواحدا

ام سراج وملاك

2015-02-11, 09:51

صباح الخير عليكم كامل صراحة راني والفت ندخل ونشوف اطباقك ياام حمزة كنت ساعات نشوفها من وراء الكواليس عندي مدة النت كانت مقطوعة حبيت نراجع واش فاتني لقيت الصفحات ربي يبارك حبيت نقتارح عليك اختي علاه متزيديش تفتحيلنا جزء جديد من مطبخك وتسميه مطبخ ام حمزة او اي عنوان تحبيه خطراه صراحة اطباقك رووووووووووووووعة وتستحق انو يكون عندها مطبخ خاص بيها وطبعا حنا معاك والرابط نتاع هاذا الموضوع حطيه في الاعلى هكذا باش نستفادو منو كي نحبو نطيبو اي وصفة خاصة بيك وطبعا الراي الاول والاخير ليك وطبعا للعضوات النشطات نتاع هاذا الجزء اذا حبيتي تزيدي تفتحي جزء اخر من موضوعك

منال ومنير

2015-02-11, 09:53

ربي يخلص راسك على وتنوضي سالمة انشاء الله

سلام ام سهيل يعطيك الصحة على الدعاء

روح مراد

2015-02-11, 09:54

صباح الخير حبيباتي كل وحدة باسمها باش ما تزعف حتى وحدة راني جيت يا غزالة
صدفات هربتيلي

ام سراج وملاك

2015-02-11, 09:55

حقا راجعت شوي من الصفحات الاخيرة حبيت نشكر اخت كانت حبت دير وصفة لبيني وسلكتها وقلبتها كرواسون تصرا ساعات تكوني طيبي في حاجة تقلبيها حاجة اخرى
ام حمزة يعطيك الصحة واش طيبتي مشكل كي يكونو نص يحبو حاجة ونص يحبو حاجة اخرى ربي يكون في عونك عندي نفس المشكل نتاعك مع انو ولادي صغار ربي يقدرنا عليهم

ام الخير 05

2015-02-11, 12:36

مساءالخير للجميع وشكرا ليك ام سراج وملاك انا دايما بحصلاتي في الكوزينة صاريلي كيما واحد لمرا خايبة قالت لراجلها اليوم نفتل البربوشة بدات تفتل شمختها بزاف وتكعبرت العجين قاتلو ذرك نديرها عيش زادت شمختها قاتلو استنا درك نديرهاكسرة وفي الاخير تعشى غرايف بالمناسبة انا نضم راي ليك فيما يخص الاقتراح اللي قلتيه لام حمزة
غدايا اليوم مرقة تاع خضرا+سلاطة +خبز

ام حمزة22

2015-02-11, 15:26

سلامي احر من الحر للغاليات واش راكم ان شاء الله تكونو كامل بالف خير

روح مراد واش راكي مع شغالك كاش ضياف

منال ومنير واش حوالك حبيبتي ما تقلقيش روحك ربي راه كاتب يوم الولادة نتاعك مثري من الدعاء والمشي والتمر وما تجهديش روحك في الاشغال المنزلية باه يكون عندك الجهد في وقت الولادة ربي يسهلك حبيبتي طمنينا لليك مرة على مرة

ام الخير يعطيك الصحة على الافكار انا تان تصرالي هاد الضربات وحد نهار كان عرس خويا كنت حابة ندير حلوة الفنيد كي ما خرجتليش دورتها فاكية وتهنيت الوالدة مسكينة ماتت من الخلعة قالتلي اللوز راه غالي وانت تلعبي بيه هههههه

ام سراج وملاك يعطيك الصحة على المرور والله يا اختي مشكورة على الفكرة وكنت حابة ندير حاجة جديدة وعجبني عنوان الموضوع لاكن هاد النهارات راني مشغولة بزاف وكنت حابة نصغر كل الصور لي فاتو باه يسهل على كل واحد المرور لاكن للاسف ما كانش عندي الوقت بصح كي نكمل شغالاتي راح بادن الله نصغر الصور ونكمل الاجزاء لي بديتها

ام حمزة22

2015-02-11, 15:35

لبنات ان شاء الله لي غايبةيكون اامانع خير
ولي ولادها يدرسو ربي ينجحهم الامتحنات على الابواب ربي يوفقهم
ولي تعمل خارج البيت ربي يقدرها ويعطيلها الصحة والعافية
ولي ماكتة فالبيت ربي يفدرها على شغال الدار والاولاد ويدوم صحتها
ولي داخلة على امتحنات ربي يوفقها وينجحها
وربي ينوللكم كل ما هو في بالكم ويلاقيكم غير بالناس لملاح
ربي يقدرنا ويتبتنا في طاعة الله والرسول صل الله عليه وسلم
ربي ينجحلنا ولادنا ويبعد عليهم البلا والمصاءب
قولو آميييييييييييييييييييييين

روح مراد

2015-02-11, 15:41

شكرا أم حمزة توحشتك واش أحوالك بريتي شوية

ام هاديل وياسين

2015-02-11, 15:42

السلام عليكم

مساء الخير اختي ام حمزة كي راكي وكي راهم لولاد ان شاء الله بخير

واللهم امييين على الدعاء ولكي بالمثل ان شاء الله سلامي لكل البنات كل وحدة باسمها

يارب وتكونو قاع بخير

روح مراد

2015-02-11, 15:44

أم حمزة ضياف حتى الآن من المفروض ما يجيني حتى واحد و لكن ظياف الغفلة الله أعلم ربي يبعدهم أعييت بزاف
و لكن في دارنا كل جمعة و سبت الدار معمرة

oum fadoua

2015-02-11, 15:49

اااااااااااااااااااااااااامين ييييييييييييييييييييييييييييا رب

ام هاديل وياسين

2015-02-11, 15:55

مساء الخير روح مراد كي راكي الله يعينك على ضيافك ويقويك بالصحة
سعات نعاي نستحملو ومنقدروش الله يكبر القلوب ووسعها اكثر من سنين كنت جديدة في سكني

الباب مايحبسش من الطبطيب وجامي فطرت وحدي ولا تعشيت وحدي وتحملت ذرك نقسو شوية
ماشي كما الاول المهم الصحة وغادي كلش يفوت الحمد لله

ام حمزة من ايام طلبت منك تحظير اللزانيا بلاك مشفتيش سؤالي ذرك كنت نشوف مشركاتك

يضهرلي راكي مشغولة ربي يعينك ويباركلك في صحتك امين كاين مسابقة في كوزينة واش طيبتي اليوم

الدعوة عامة

ام هاديل وياسين

2015-02-11, 15:56

http://www.djelfa.info/vb/showthread.php?t=1416676&highlight=%C8%D8%C7%D8%C7+%D4%ED%C8%D3

هاذي وصفة لشيبس عجبتني جبتهالكم

روح مراد

2015-02-11, 16:01

شكرا أم هديل سكنة الربح و السعادة غشاء الله تربحي على دارك الجديدة و تكبري أولادك و تزوجيهوم
الدار كي يكون فيها الكبير ديما فيها الضياف في داري يجو عند عجوزتي
و في ارنا أحنا في أحنا مي المسكينة اللي تكون حاضرة خلات عليها مرت خويا ما قدرتش للنظام رجعت حتى هي تهرب الجمعة لدارهوم
أحنا الله يبارك كي نجو غير أحنا برك الدار تتعمر و نعودو غاشي لازملهم ماكلة و قهوة و سهرة ....

ام الخير 05

2015-02-11, 16:07

مساء الخير يا ام حمزة انشاء الله تكوني لباس ربي يقدرك على شغالك ويحميك لاهلك ام هديل يعطيك الصحة على وصفة الشيبس

ام هاديل وياسين

2015-02-11, 16:10

امين اختي روح مراد الله يرزقك بذرية صالحة ان شاء الله صح الدار الي تكون فيها الكبير
متخواش من ضياف ربي يعمرها ويزيدها بالخير والهناء ويقولك الضيف كي يدخل تدخل البركة معاه

ام حمزة22

2015-02-11, 16:13

شكرا أم حمزة توحشتك واش أحوالك بريتي شوية

السلام عليكم

مساء الخير اختي ام حمزة كي راكي وكي راهم لولاد ان شاء الله بخير

واللهم امييين على الدعاء ولكي بالمثل ان شاء الله سلامي لكل البنات كل وحدة باسمها

يارب وتكونو قاع بخير

أم حمزة ضياف حتى الآن من المفروض ما يجيني حتى واحد و لكن ظياف الغفلة الله أعلم ربي يبعدهم أعييت بزاف
و لكن في دارنا كل جمعة و سبت الدار معمرة

اااااااااااااااااااااااااامين ييييييييييييييييييييييييييييا رب

http://www.djelfa.info/vb/showthread.php?t=1416676&highlight=%c8%d8%c7%d8%c7+%d4%ed%c8%d3

هاذي وصفة لشيبس عجبتني جبتهالكم

شكرا أم هديل سكنة الربح و السعادة غشاء الله تربحي على دارك الجديدة و تكبري أولادك و تزوجيهوم
الدار كي يكون فيها الكبير ديما فيها الضياف في داري يجو عند عجوزتي
و في ارنا أحنا في أحنا مي المسكينة اللي تكون حاضرة خلات عليها مرت خويا ما قدرتش للنظام رجعت حتى هي تهرب الجمعة لدارهوم
أحنا الله يبارك كي نجو غير أحنا برك الدار تتعمر و نعودو غاشي لازملهم ماكلة و قهوة و سهرة ....

لبنات يعطيكم الصحة على المرور ويسقسي عليكم الخير
روح مراد درك راه كاين التاويل من المفروض لي يكون جاي يتصل خاصتا انت راكي عاملة
ام هديل سامحيني والله ماشفت سؤالك ولازانيا راني قدمتها من قبل والصفحة 27
سامحوني لبنات نروح لشغالاتي ربي يوفقني ويوفقكم

***سلمى ***

2015-02-11, 16:17

واشكم يا لحبابات

***سلمى ***

2015-02-11, 16:19

ام حمزززززززززززززززززززززززززززززززززززززززززززززززز ززززززززة رحتي. انشاء الله تكوني لاباس يا مولات الدار

روح مراد

2015-02-11, 16:19

أم حمزة التاويل كاين بالصح كاين عباد هوايتهم يدخلو على الواحد بدون سابق إنذار
تقريبا كل جمعة و أنا نخدم في الشغل تدخل عجوزتي مع كاش مرأة خطرات نساء خاوتها خطرات بنات خالها و هاذي بنت عمها ..... ماذابيهوم يجو صدفة باش يدو الخبر الصحيح كيفاش يلقاوني بدون تحضير هاهاهاهاه
ديما يلقاوني مشنشفة نجري مع الشغل خاصة الجمعة راجلي يرقد صباح كي نفوت النوض ما نعاودش ندخل للغرفة نقول حتى نكمل شغلي .... في زهري ديما نسيق و اللا نغسل الحوايج مشمرة هاهاهاهاه

أم تيم الله

2015-02-11, 16:35

مساء الخير يا ام حمزة انشاء الله تكوني لباس ربي يقدرك على شغالك ويحميك لاهلك

أم تيم الله

2015-02-11, 16:57

ام حمزة حبوبة كي تكملي الخياطة للعروس صورلينا نشوفو خياطتك حنونة

صدفات

2015-02-11, 21:56

مساء الخيرحبيباتي
الحمدالله راكم بخير قريت كل تدخلاتكم روح مراد حبيبتي فرحت اليوم كي شفت واش كتبتي معناه راكي مليحة المهم ما تخليش الناس تبروفيتي فيك و في صحتك ما يقولوهاش مليحة مهما فعلت
غزالتي حبيبتي ولفتيني وهربت راني زعفانة منك:mad::mad::mad::mad:
أم سراج و ملاك مرحبا بك حبيبتي بيننا وإقتراحك جميل و ألإسم عجبني بزاف مطبخ أم حمزة و أنا نقترح عليك يا أم حمزة
مطبخ أم حمزة و صحباتها ما رأيك
أمالخير حبيبتي أنا كذلك صراتلي جربت بغرير مرة من
منتدانا العزيزالبغريرلي يندارفي كأس الخلاط ماصلحليش زدتلو الفرينة درت فيها خميرة القاطو ورجعته سفنج و صدقوني خرج روعة ما أمنت روحي بصح سلكته و درت العشوية نتاع الجمعة راكم عارفين من قوانين سي السيد نهار العطلة
منال سلمى أم الحبايب أم تيم الله حنان أم هديل و أم سوهيل سلامي لكل وحدة فيكم.

أم الحبايب 26

2015-02-12, 14:14

سلامي ليكم كامل نالله تكونو بخير ام حمزة ولافتينا اطباقك وروحتي علينا نشالله كاش جديد رابي يقادرك على شغالك
روح مراد رابي يقاويك انا ثاني منحوباش اظيف علا غافلا تكوني خارجا تحابسي وفيبعظ احيان حاجت القهوا تكون مكانش
غازالة وين راكي ماكيش تباني ام خير بزاف يصرالنا هذاك المششكل يليق واحدا تعراف كيفاش تسالك راسها
هذي حيات عالمتنا بزاف قاد منعيشو نزيدو نتعالمو انا معا اقتيراح ام سراج وملاك نغايرو فلعنوان
سلامي ليكم كامل صادفات ام هديل وامسهيل وسلمى وام منال ومنير نشالله تكوني مليحا وام تيم الله

روح مراد

2015-02-12, 14:48

سلام حبيباتي الغاليات واش راكوم توحشتكم بزاف
صدفات بروفيتاج كاين كايف إللا ماشي في داري في دارنا هاهاهاها أنا ولفتهم أندير لهم كل شيء بقاو هاكاك اللي يسحق حاجة يعيطلي
و ثاني أنا نحشم ما نقدرش نشوف ضياف جايين و أنا نقعد نجمع كيما الدير أختي
أختي جي على غفلة لدارنا مع أولادها و راجلها و تقعد غير تحكي مع يما و مرت خويا قهوة ما تخممش تحطها لراجلها وغير نجتمعو كامل كامل هي مكانها في الجماعة تقصر ماعلابالهاش كامل بالحالة
و كي تصيبني في الكوزينة تقولي أخطيك
و غير تشوف روحها وحدها في الدار و جاو أخرين و ماكانش اللي يدخل للكوزينة ترفد راجلها و ترجع لدارها باش ما تخدمش

ام حمزة22

2015-02-12, 16:00

سلام لبنات واش راكم ان شاؤ الله تكونوكامل بالف خير
سامحوني لبنات ليوم دخلت باه نبعت تطبيقي نتاع ملكة الفنون وقلت نطل فيكم والله توحشتكم وتوحشت لمتكم ما باليد حيلة لازم نكمل اشغالي في هاد الاسبوع باه تدي لعروسة حوايجها
راني نولي لنشاطي عن قريب بادن الله
سامحوني مرة2
اترككم في رعايت الله وخفضه

ام الخير 05

2015-02-12, 16:52

مساء الخير على الغالياتصدقوني كي مانبداش نهاري بطلة عليكم تبانلي حاجة ناقصتني ربي يخليكم ليا ربي يعين كل وحدة على مسؤليتها ام حمزة ربي يقويكاختي

ام الخير 05

2015-02-12, 18:03

منال ومنير واش راكي انشاء الله تكوني مليحة

أم الحبايب 26

2015-02-12, 19:56

مسالخير عليكم نشالله تكونو ملاح ام حمزة رابي يقادرك كيتكاملي خياطت العروسة لتقدري تحوطيهمنا نشوفوهم
ام سهيل وام هديل وغزالة ماراهمش يبانو نشالله يكون مانع خير سلامي ليكم كامل

ام حمزة22

2015-02-12, 20:47

اهلين بيك ام الخير نورتي الموضوع بطلتك بارك الله فيك ربي يحفضك ويخليك

صدفات

2015-02-12, 21:34

مساء الخير حبيباتي
أين أنتم :confused::confused::confused::confused::confused: :confused::confused::confused::confused::confused:

أم تيم الله

2015-02-13, 13:26

مساء الانوار البنات و جمعة مباركة ان شاء الله
صح غدا الجميع

ام الخير 05

2015-02-13, 14:59

مساء الخير حبوباتي يارب تكنوكامل سالمين وسمعنا عليكم اخبار الخير ام حمزة ربي يعينك ومنال ومنير ربي يسهلك

nina mima

2015-02-13, 16:46

مساء الخير نداء كل من عندها طريقة الزعتر انتاع امزيغية تكتبها لي

أم الحبايب 26

2015-02-13, 20:46

مساالخير عليكم كامل نشالله تكونو بخير ام حمزة عندك بزاف ماحطيتناش اطباق نتاوعك سلامي ليكم كامل حظرين ولغايبين

ام الخير 05

2015-02-14, 10:30

صباح الخير عليكم انشاء الله تكونو كا مل ملاح طمنونا عليكم

ام سوهيل

2015-02-14, 11:53

صباح الخير للجميع وش راكم مطليشكامل عليكم هدو ليمات كنت لتي في الشغل والضياف وزيد وليدي مريض ربي يشفيه اسمحولي من بعد انراجع الصفحات الي فتوني تحياتي للجميع

أم الحبايب 26

2015-02-14, 15:59

مسالخير عليكم اينا انتم يا حباباتي حامدللله بانت ام سهيل عقوبا لخرين اشالله
نشالله يكونو كامل بخير صادفات غزالة ام هديل سالمى ام الخير ام منال ومنير وامتيم الله اممنال نشلله تكوني مليحا
روح مراد نشالله تكوني مليحا رابي يقادركم ويحفاظكم ام حمزة والفناك وروحتي علينا
رابي يقادرك على شغالاك غازالة تواحشناك اينا انتي الله يحفاظكم كامل يالبنات ويخاليلكم عائلة نتاعكم

ام الخير 05

2015-02-14, 16:53

مساء الخير عليكم انا راني ديما هنا نقولكم صباح الخير 2مرات ومساء الخير 2 مرات انا ولافة بزاف وزيد في الشتاء مانروح لحتى بلاصة باه ما يمرضوش الاولاديعني ما عنديش من غيركم ونيس ربي يخليكم كامل وخلينا امحمزة الي بيها عرفتكم

ام سوهيل

2015-02-14, 20:53

مساء الخير لبنات وش راكم

ام حمزة22

2015-02-14, 21:54

سلااام لبنات
واش راكم ان شاء الله تكونو كامﻻ بالف خير
ام الحبايب راني هنا برك مشغولة شوية غير نكمل اشغالي نولي لنشاطي في هاده الصفحة
والله راني محشومة منكم بصح الله غالب لىزم نتفرغ للخياطة باه نكمل وجي لعروسة تدي حوايجها
تحياتي للجميع كل وحدة باسمها

ام الخير 05

2015-02-15, 07:52

صباح الخير عليكم

ام حمزة22

2015-02-15, 08:47

صباح الخير ام الخير بارك الله فيك على هاد النشاط ربي يحفضك ويخليلك صحتك

ام سراج وملاك

2015-02-15, 09:19

صباح الخير عليكم ام حمزة ربي يعينك اختي ويعطيك الصحة

ام سوهيل

2015-02-15, 09:19

صباح الخير لبنات وش راكم كش برد ولا ولو حنا عندنا المطر راهو دير حالة الله يدو مها نعمة انا فطوري اليوم عدس بي ادن الله

تحياتي للجميع

ام حمزة ربي يوفقك ومتنسايش تحطيلنا الرابط كي تكملي اعمالك سلمي وش راكي منال ومنير مزال التقنتا ربي يجبلك سويعة ساهلة

ام سوهيل

2015-02-15, 09:20

ام سراج وملاك صباح الخير

ام سراج وملاك

2015-02-15, 09:29

صباح الانوار ام سهيل بصحتك اختي لعدس انا ليوم راني ندير في التليتلي طلبتني فيه عجوزتي اذا قدرت نحطلكم الصورة نتاعو

ام هاديل وياسين

2015-02-15, 11:31

صباح الخير على الجميع انشاء الله تكونوبخير وعافية ام حمزة الله يعينك ويقدرك على اشغالك

سلامي ليكم ام سوهيل صدفات ام الخير منال منير روح مراد ام الحبايب وغزالة طولت الغيبة ان شاء الله المانع خير

جبتلكم هاذ الوصفات تاع القاطو عجبوني http://www.djelfa.info/vb/showthread.php?t=1757063

روح مراد

2015-02-15, 12:25

صباح الخير حبيباتي ربي يعاون ك وحدة فيكم و يقدرها على أشغالها و ينجح أولادكم و يحفظهم و يعطيكم الصحة
أم هاديا يبان شباب هذاك القاطو كاش مرة نجربو

meriemcristina

2015-02-15, 14:26

merci pour le partage, baraka allah fiki

أم الحبايب 26

2015-02-15, 14:29

مسالخير عليكم كففاش عاشيتو نشالله تكونو كامل ملاح خويا راح مبارح للعمرة هوا وزوجة نتاعو عقوبا لينا كامل انشلله
سلامي ليكم بلواحدا رابي يوافقكم اجماعين غغزالة وين راكي راكي خليتي بلاصتك

منال ومنير

2015-02-15, 14:29

مساء الخير وشراكم مزال مازال راني معاكم
الخميس جاني السطر و روحت لسبيطار امبعد راح قع هذاك السطر بت نخدم في الولدات لقمطتلها وليدها لعاونتها في وليدها لتشوفني دقولي مازلت الجمعة احرجت واليوم جيت نخدم ماكان

ام الخير 05

2015-02-15, 15:00

مساء الخير للجميع منال ومنير واشراكيمزية رحت اديت شوية اجر نشاءلله تسلكي انتي تاني وجيبلك ربي اللي يخدمك

ام الخير 05

2015-02-15, 15:08

حبوباتي انا رايحة للطبيب انا وبنتي اتهلاو في الدار باه تضحكو شوية هاذي اول مرة نخاف من لقريب بنتي غير حشاكم سال نيفها شوية ماخليتهاش تروح للمدرسة ودرك يجي راجلي يحمك لولاد وانا وهي رايحين للطبيب بعيد الشر عليكم ربي يبعد علينا هذه الامراض اللي اسمها بعد يخلع

منال ومنير

2015-02-15, 15:15

منال ومنير

2015-02-15, 15:19

مساء الخير للجميع منال ومنير واشراكيمزية رحت اديت شوية اجر نشاءلله تسلكي انتي تاني وجيبلك ربي اللي يخدمك

انشاء الله يا رب نسلك والله ليسمع عليا يضحك في الخدمة انخلعو كيفاه هذي راحت تزيد اليوم صبحت تخدم قتلهم الوقت مالحقش اولاد قلولي ماما وراهي البيبية قتلهم مازال ماحبتش قتلكم لازم تكونو عقلين
امنوني هذو يومين ماعضبونيش راهم يستناو ادعولي قع يا اخواتي انشاء الله نسلك ويكون سالمين هذا ماكان

ام الخير 05

2015-02-15, 15:32

نقلك منال ومنير انا زيدت 3مرات جامي زيدت في الوقت راجلي يقلي بهدلت بيا الي يلقاني يسقسيني عليك نساء ةورجال تاع لفامي كامل يسقسيو بصح كي يجي السطر تاع الصح يسهلي ربي وما نقعدش24 ساعة في السبيطار طبعا من غير الزيادة الاولى 6ايام 06 ليالي ربي يفرحك بيها ةتشوفيها عروسة وجدة انشاء الله هذو هوما لولاد لعزاز لازم نضل ندعيو باه يخرجو زيدو حاولها شوية بالاك ترضى وتجي

ام حمزة22

2015-02-15, 21:39

سلتم
واش راكم لبنات ان شاء اله تكونو كامل بالف خير
قلت قبل ما نرقد نضرب طلة عليكم
منال ومنير ما تقلقيش روحك ربي يسهلك وتنساي كامل هاد نهارات ما تنسايش كي تسلكي وتخرجي من المستشفى خبرينا نحن بالانتضار

ام الخير ربي يجيب الشفاء لبنتك ما تتقلقيش عليها هاد لغريب جاز علينا وعلى ولادنا ربي يجيب الخير

hayette82

2015-02-15, 22:21

سلام وينكم وحدة متحيرتولا سقسات عليا

ام الخير 05

2015-02-16, 08:12

صباح الخير عليكم اهلين حياة الحمدلله بنتي تحسنت شوية وراحت تقرى اليوم شكرا ام حمزة ومنال ومنيردركة رايحة نحط الحمص يطيب ونروح نكمل شعالي لعشية راح يجي الخدام يشوفلي لفريجيدار ما علباليش واش بيه يسيح في الماء كي يروح ندير طلة سلام

منال ومنير

2015-02-16, 09:13

صباح الخير اخوات وشراكم
الحمد الله لبرات بنتك ام الخير

منال ومنير

2015-02-16, 09:15

سلام وينكم وحدة متحيرتولا سقسات عليا

صباح الخير وشراكي انشاء تكونو الكل بخير

ام حمزة22

2015-02-16, 13:52

السلام عليكم ورحمة الله تعالى و بركاته
واش راكم لبنات كل وحدة باسمها ان شاء الله تكونو كامل بالف خير
حبيبتي حياة سالت عليك شخال من مرة انت برك ما لاحضتيش دالك
انا عمري ما ننسا لي كانو سبب احياء هاد الموضوع
وكل وحدة شاركت في هاد الموضوع نقوللهاجزاك الله كل خير وحتى المشاهدين لي طلو وراحو اشكرهم بارك الله فيكم وجزاكم كل خير
لي عودة بادن الله بعد انهاء اشغالي

أم الحبايب 26

2015-02-16, 14:24

مسالخير عليكم نشالله تكونو كامل بخير او حمزة راكي قريب ولا مزا تواحشنا اطباقك رابي يقادرك
ام منال ومنير رابي يسالكاك على خير رابي يفارحك بارح كنت نكتب في اسمك باش نكتب منال كتابت ملاك
ام الخير لباس عليك نتي وبنتك حيات واش راكي نروحو ونعاودو نواليو كل واحد وظروفو
غزالة وين راكي امسهيل ام هديل ام اسيد روح مراد نشالله تكونو كامل ملاح معا هذا البرد حنا عنا شتا الله يبارك

ام حمزة22

2015-02-16, 14:31

اهلا ام الحبايب يسقؤي عليك الخير
راني قريب ان شاء الله راني نستنا فالعروسة جي تقيس حوايجها
راني بادن الله نرجع مثل الاول او احسن حيوية ربي يوفقني ويوفقكم في اعمالكم

ام سوهيل

2015-02-16, 15:13

مساء الخير عليكم وش راكم منال ومنير ربي يسهلك لبنات اعضروني ولله غير راني مريضة عندي يمين مندش من بلاستي غير بسيف وباش منبقاش راقدة قلت نطل عليكم

ام حمزة22

2015-02-16, 16:08

مساء الخير ام سوهيل لاباس عليك حبيبتي ربي يجيبلك الشفاء العاجل غير الاجل
الا راكي بلاغريب ما ترقديلوش يزيد يكمل عليك الرقاد
طمنينا عليك حبيبتي

أم الحبايب 26

2015-02-16, 17:49

لباس عليك ام سهيل الله ايجيب اشفا نوظي لينا يزال عليك

*أم جابر*

2015-02-16, 18:36

السلام عليكم ورحمة الله و بركاته
عدت و العود احمد و الله اشتقت اليكن كثيرا اخواتي و لكن الظروف اقوى من ذلك و الحمد لله على كل حال المهم الان راني معاكم و نعود كيما كنت او اقوى باذن الله
الله يحفظكم و يحفظلكم احبابكم

ام سوهيل

2015-02-16, 18:54

اهل وسهل ام اسيد1 وش راكي لباس

شكرا ام حمزة وام الحبايب ولله غير مردة ليلا ونهار سرافي العجب مزي زوجي ربي يحفده اخد عطلى وبقى مقابل الدراري
المهم الحمد لله على كل حال

ام الخير 05

2015-02-17, 08:14

صباح الخير على ام حمزة وكان جيتي قريبة ليا را ني عاونت نعرف نطرز بصح ما نعرفش نخيط شريت حوايج الدورة تاع كرونو بصح كيما نقدرش نحط الصور ما سجلتش كي تكملو الدورة تحطو الصور تاعها ولا لا الغاليات ام سهيل لباس عليك اختي ربي يشفيك ويحميلك زوجك ام الحبايب وشراهم الحبايب صدفات وغزالة وين راهوهذا الثنائي الرائع منال ومنير حياة ام سراج وملاك ام سيدا وكل وحدة باسمها

أم الحبايب 26

2015-02-17, 08:44

صباح الخير عليكم كيفاش عاشيتو نشالله تكونو كامل ملاح حمدلله على روجوعك لينا ام اسيد عقوبا لخرين انشالله
نشالله يكون مانع خير سلامي ليكم بلواحدا نروح نقظي شغالي ونوالي ليكم سلام

منال ومنير

2015-02-17, 09:33

مساء الخير عليكم وش راكم منال ومنير ربي يسهلك لبنات اعضروني ولله غير راني مريضة عندي يمين مندش من بلاستي غير بسيف وباش منبقاش راقدة قلت نطل عليكم

صباح الخير عليكم وشراكم
رب يشافيك انشاء الله تنوضي كيما قتلك ام حمزة لازم ماترقديش

روح مراد

2015-02-17, 10:21

صباح الخير حبيباتي واش هاذ الغيبة أم اسيد إنشاء الله خير

ام الخير 05

2015-02-17, 15:59

مساء الخير عليكم

أم الحبايب 26

2015-02-17, 17:26

مسالخير عليكم هذا وين لحقت دالتي فلميكرو يقولي راسي نشري واحد ونخاليهم كتكون ميزانية تكفي
مناسبات ميخلوكش حتى تارفدي روحك شوييا حتى فشتا رابي يارزق ولله غير مياتلف تقولي عشرالاف الله يرزق
غير اصحا ولهنا واش ام الخير راكي معا رجيم ولا لالا انا حباست حتا زاد راجلي جابلي قارص باش عاودت نكامل
ام اسيد نشالله تكوني راياحتي شويا لباس عليك ام منال ومنير كفاش راكي نشالله تكوني مليحا صادفات وين راكي نتي ثاني وغزالة طولي علينا وروحي ولافناك نشاللهتكوني مليحا نتي ثاني ام حمزة عطاتنا عذر نتاعها ونتوما وين راكم
ام سهيل وام هديل روح مراد واش راكي معا شغالك رابي يفادرك سلامي ليكم بلواحدا

noura chimie

2015-02-17, 17:57

اسلام عليكم أخواتي أنا جديده في المنتدى. اطلب المساعدة أبحث عن موضوع كان مثبت في قسم الطبخ بعنوان ـمكتبة حراير الجلفة. لكل من عندها الرابط احتجه مستعجل merci

***سلمى ***

2015-02-17, 18:52

لبنات واشكم كامل
اهلا بالحاضرات والغايبات
والجذيدات :dj_17::dj_17::dj_17::dj_17::dj_17:

مازلت مشغولة............................................ ............لكن............نطل عليكم لما تكون net مليحة
.................................................. ...............................................

noura chimie اسلام عليكم أخواتي أنا جديده في المنتدى. اطلب المساعدة أبحث عن موضوع كان مثبت في قسم الطبخ بعنوان ـمكتبة حراير الجلفة. لكل من عندها الرابط احتجه مستعجل merci

http://www.djelfa.info/vb/showthread.php?t=1719903

*أم جابر*

2015-02-17, 20:23

السلام عليكم و رحم الله و بركاته
روح مراد و الله الحمد لله يسال عليك الخير
الظاهر انو ام حمزة و غزالة و صدفات و كرونة راهم غايبات غير الخير انشاء الله

صدفات

2015-02-17, 21:23

مساء الخير حبيباتي توحشتكم بزاف راني هنا مرضت شوية و زدت كملت العطلة رجعت نخدم و النت مقطوعة في العمل المهم كي راكم و شكرا لكل وحدة سألت علي
لي عودة بعد ما نقرى الصفحات لي فاتتني.

ام سراج وملاك

2015-02-17, 21:58

اهلا يا لبنات حبيت نسقسيكم ام حمزة متبانش ليوم بزاف ان شاء الله تكون بخير

أم الحبايب 26

2015-02-18, 12:18

لاباس عليكم كامل ام سهيل وصادفات نشا لله لخرين يكون مانع خير كل واحدا تقول واش دارت فطور انا دارت سباكتي بلاصوص سلامي ليكم كل واحدا باسمها

*أم جابر*

2015-02-18, 14:58

السلام عليكم ورحمة الله و بركاته
حياكن الله اخواتي وينكم انشاء الله المانع خير كي رجعت انا هرتو نتوما هههههههه
ام الحبايب بصحتكم السباقيتي انا درت جغدينياغ

أم أسرار

2015-02-18, 16:24

بسم الله الرحمان الرحيم

أسفة حبيباتي جيتكم بخبر ما يفرحش الله غالب بصح لازم
المهم عجوزة أم حمزة و أم صابرين توفاة رحمها الله البارح نطلب الدعاء لها بالرحمة و الثبات و الصبر للأهل

أمنية غفران

2015-02-18, 16:58

واش راكم حبيباتي جميعا
إن شاء الله تكونو بصحة و عافية
.
.
.
أختي أم حمزة لديا إقتراح افتحي صفحة جديدة و عنوانها

أم حمزة وأخواتها كل يوم طبخة و تدبيرة

و هاد الصفحة نتاع دركة تبقى مرجع

واش رايك أنت و البنات

تحياتي

أمنية غفران

2015-02-18, 17:08

بسم الله الرحمان الرحيم

أسفة حبيباتي جيتكم بخبر ما يفرحش الله غالب بصح لازم
المهم عجوزة أم حمزة و أم صابرين توفاة رحمها الله البارح نطلب الدعاء لها بالرحمة و الثبات و الصبر للأهل

.الله أكبر ... إنا لله وإنا إليه راجعون
عظم الله أجركم
أختي أم حمزة

أم الحبايب 26

2015-02-18, 17:44

انا لله وانااليه راجعون عظم الله اجركم اختي ام حمزة الله يعطيكم اصبر

ام سوهيل

2015-02-18, 19:11

انا لله وانااليه راجعون عظم الله اجركم اختي ام حمزة الله يعطيكم اصبر بلا عبر ربي يرحمها ويجعل مثوها الجنة

ام عبد االجليل

2015-02-18, 20:02

ربي يرحمها

*أم جابر*

2015-02-18, 21:34

إِنَّ لِلَّهِ مَا أَخَذَ ، وَلَهُ مَا أَعْطَى ، وَكُلٌّ عِنْدَهُ بِأَجَلٍ مُسَمًّى ، فَلْتَصْبِرْ وا وَلْتَحْتَسِبْوا انا لله و انا اليه راجعون هذه سنة الحياة

ام هاديل وياسين

2015-02-19, 08:21

انا لله وانا اليه اليه راجعون الله يعطيكم الصبر اختي ام حمزة والله يرحمه ويسكنها فسيح جناننه

crono

2015-02-19, 09:10

http://www.djelfa.info/vb/showthread.php?p=3992758058#post3992758058

ام الخير 05

2015-02-19, 14:12

انا لله وانا اليه راجعون ربي ير حمها ويرحم جميع المسلمين الاحياء والاموات

hayette82

2015-02-19, 15:53

البراكةفي راسك ام حمزة ربي يرحمها ويرحم قاع المسلمين يارب

hayette82

2015-02-19, 15:54

ان لله وان اليه راجعون

noura chimie

2015-02-19, 22:16

merci salama nechalah rabi yaj3alha fi mizane hassanatek mais kount nebhat 3ala wassafat harayer eldjelfa kane moudou3 fih jami3e wassafa oum rami, elwahrania , oum kawter , oum amani, Ilham,.....

ام الخير 05

2015-02-20, 17:55

مساء الخير

ام سوهيل

2015-02-20, 17:58

مساء النور اختي ام الخير وش راكي

ام الخير 05

2015-02-20, 18:19

مساء الانوار اختي ام سوهيل لباس الحمد لله يسقسي عليك الخير البارح كنت بايتة في دارنا وهدا وين جيت درت العشاء وجيت نطمن عليكم راني عارفة انو ام حمزة متقدرش تكون معانا لكن كلكلم عزيزات كثير كثير على قلبي ربي يحميكم

ام الخير 05

2015-02-20, 18:21

بالمناسبة واش احوالك منال منير طمنينا عليك

*أم جابر*

2015-02-20, 18:39

السلام عليكم ورحمة الله و بركاته
كيف حالكن حبيباتي ام هديل ام سوهيل واش الاخبار

ام سوهيل

2015-02-20, 20:49

شكر ام اسيد 1 وام الخير ان شاء الله تكوني طمنتي على عئلتك ربي يخليهملك

لبنات راكم كامل غيبات غزالة صدفات روح موراد كرونو وحت ام الحبايب مبنتش ون راكم ان شاء الله تكونو بخير وهدا هو المهم تصبحو على خير

أم الحبايب 26

2015-02-20, 20:52

مسالخير عليكم يالبنات نشالله تكونو بخير ام حمزة خلات فراغ كبير ام اسيد واش راكي ام هديل ام الخير ام سهيل
غزالة وين راكي طمنينا عليك نشالله يكون المانع خير ام منال ومنير نشالله تكوني مليحا سلامي ليكم كامل

ام هاديل وياسين

2015-02-21, 08:30

سباح الخير على جميع الاخوات ان شاء الله تكونو بخير يسال عليك الخير ام الحبايب
صح ام حمزة خلات بلاصتها باينة بزاف وللهراهي ديما في بالي الله يكون معهم في هذه الضروف
حتى غزالة مبان عليها خبر ان شاء الله المانع خير وكل الغيبات سلامي لكن جمييييع

أم الحبايب 26

2015-02-21, 09:59

صباح الخير عليكم نشالله تكونو كامل بخير رانا كيهاذوك خيات لتروحلهم يماهم بصابحو موادرين
جابلي رابي ظاربونا بعاين نشالله نعاودو نتلايمو كيما كنا معا الول صادفات راحت غزالة روحتي نتيا ثاني
روح مراد كيفاش راكي نتيا تاني راكي متبانيش رابي معاك سلامي ليكم بلواحدا الله يخلينا معا بعظ

روح مراد

2015-02-21, 10:05

صباح الخير حبيباتي يسقسي عليكم الخير راني مليحة الحمد لله شوية خدمة و شوية النت ثقيلة على هاذيك اللي ما رانيش ندخل
سلامي الحار لكل وحدة تدخل هنا راني نحبكم و توحشكتكم كامل

ام هاديل وياسين

2015-02-21, 10:35

http://www.djelfa.info/vb/showthread.php?t=1760457

*أم جابر*

2015-02-21, 13:18

السلام عليكم ورحمة الله و بركاته
وشراكم لبنمات كامل بخير روح مراد واش احوالك لاباس.............و الله غير صح ام حمزة خلات بلاصتها نسال الله تعالى ان ياجرهم في مصيبتهم و غزالة ثاني مراهيش تبان انشاء تكون بخير

أم عبد الكريم

2015-02-21, 13:19

أم أسيد واش راكي حنونة واش هاذ الغيبة تحيات عليك خير أن شاء الله

ام الخير 05

2015-02-21, 19:15

مساء الخير حبوباتي ان شاء الله تكونو كامل لاباس وربي يكون في عونك يا ام حمزة ويصبرك.

*أم جابر*

2015-02-21, 21:19

أم أسيد واش راكي حنونة واش هاذ الغيبة تحيات عليك خير أن شاء الله
السلام عليكم ام عبد الكريم يسال عليك الخير اختي و الله الحمد لله و انت واش احوالك راني سالت عليك شحال من مرة في دردشة امهات مارديتيش واش احوالك مع الحنل و رميساء راهي مليحة

ام الخير 05

2015-02-22, 08:18

صباح الخير عليكم انشاء الله تكونو لباس كلكم

نافلة

2015-02-22, 09:23

السلام عليك حبيبات شكرا لام حمزة على الصفحة

ام سوهيل

2015-02-22, 13:51

السلام عليكم وش راكم اليوم جبتلكم سيقار في الكوشة
اولا درته عادي وقليت الحبت الاولى في الزيت ومخرجتليش تنرفيت عليه ورديته للكوشة وخرجلي بي هاد الشكلhttp://www.foxpic.com/VLhLqebA.jpg

وهدي الحبت الي طيبتها في المقلات
http://www.foxpic.com/V0y5DIeY.jpg

أم الحبايب 26

2015-02-22, 15:43

بصاحتك ام سهيل سيقار كونتي تمارمديه فسوكر واطايبيه يجيك هايل انا كونت نديرهم حنيونات ولا سقار كما نتيعاك
يجي شباب وبلخف يوجاد انا ندير 4حبات بيض كاس سكر وكاس زيت وا باكي خمارا ولفارينا وانديرو كما قلتلك
ياوجاد بفيه واش راكي معا صاحتاك راكي مليحا رنا والينا منين ذاك باش نبانو نشالله توالي لينا ام حمزة واتعاود تلايامنا كيما كونا واش راكم يالبنات نشالله تكونو كامل بخير ام هاديل ام الخير صادفات وا غزالة نشالله يكون مانع غايابها خير
وا ام منال ومنير نشالله تكون مليحا انا راني ندير فاسفانج حنيا عنا ثالج الله يبارك دانيا بيظا
سلامي ليكم بالواحدا

ام هاديل وياسين

2015-02-22, 17:55

السلام عليكم

ان شاء الله تكونو بخير ام سوهيل يقولك المثل خسارة العجين ولا خسارة اليدين

من بعد نجيبلك وصفة تاع اخت هنا في المنتدى جربتها شحال من مرة صدقيني رووووعة
ويذوب فالفم وكي تقلاصيه يزيد يطرى اكثر

ادخلي فرابط تلقاي الوصفة جربيها وحطيه لينا نشفوه واكيد

رايحة تكوني فرحانة http://www.djelfa.info/vb/showthread.php?t=998349

ام هاديل وياسين

2015-02-22, 18:05

ام سوهيل

2015-02-22, 18:29

شكرا ام هديل ربي معاك ويفرج عليك

ام الحبايب يعطيك الصحة

أم الحبايب 26

2015-02-22, 21:44

الله يفرج عليك ام هديل الله يفرحك نتي و العاءلة نتعاك رابي يلاقينا في ساعة الخير يا لحنونة
سلامي ليكم كامل

ام حمزة22

2015-02-22, 22:33

ام سوهيل

2015-02-23, 08:34

صباح الخير للجميع وش راكم

ام حمزة ربي يصبركم ورحمها بي رحمتو الوسعة ويجعل مثوها الجنة امين

نافلة

2015-02-23, 08:41

صوتو لفريق اللمسة الذهبية تعيشوووووووووووووو

http://www.djelfa.info/vb/showthread.php?t=1761575

ام هاديل وياسين

2015-02-23, 08:59

سلامي الحار للجميع
جزاكم الله كل خير بارك الله فيكم
حبيباتي اشكركم على تقديمكم التعازي
والله مازلني تحت الصدمة كانت عجوزتي لاباس عليها راحت شرات الخبز ورجعت للبيت تكسلت ما فطنتش رانا الكل مصدومين وحاسبن كلي رانا في حلم
ربي يصبرنا ويرحمها برحمتو

اهلا اختي ام حمزة عظم الله اجركم والله يجعلها خلات ليكم البركة والعفو هذا اقل واجب نعملوه
معاك قلوبنا معاك ربي يرحمها ويوسعها عليه في الاخرة اميين

ام سوهيل

2015-02-23, 13:13

مساء الخير هدا كان فطوري اليوم جواز بي الروز لانانا مليلنا من الروز بلصوص او روز بي الدجاج قلت اليوم نبدل شوية ودرتهلهم جواز

http://www.foxpic.com/VfBLENWL.jpg

ام هاديل وياسين

2015-02-23, 13:20

ام هاديل وياسين

2015-02-23, 13:25

مساء الخير هدا كان فطوري اليوم جواز بي الروز لانانا مليلنا من الروز بلصوص او روز بي الدجاج قلت اليوم نبدل شوية ودرتهلهم جواز

http://www.foxpic.com/vfblenwl.jpg

مساء النور ام سوهيل وبصحتكم الروز

ام الخير 05

2015-02-23, 13:43

مساء الخير ام سهيل ام الحبايب ام هديل ام حمزة نشاء الله راكي مليحة اختي هذهي الدنيا ودار الحق رانا كامل مروحين ليها والله ليك وحشة وكي لقيت انك كتبتي طمنت عليك لانه الحماة كيما الام خاصة كي تطول العشرة معاها

sabrina206

2015-02-23, 15:09

السلام عليكم و رحمة الله و بركاته
بارك الله فيكن أخواتي الكريمات نحييكم على أطباقكم الرائعة ما شاء الله راكن قدوة للنسوة
حببيت نعزي أختنا أم حمزة في وفاة أم زوجها ربي يرحمها و يصبركم ان لله و ان اليه راجعون هدا حال الدنيا و الموت حق على كل واحد منا صغير و لا كبير..مريض و لا صحيح البقاء لله عزيزتي

نتشكر كل واحدة فيكن

ام سوهيل

2015-02-23, 16:07

http://www2.0zz0.com/2015/02/23/15/512638135.jpg

http://www8.0zz0.com/2015/02/23/15/912287778.jpg

http://www14.0zz0.com/2015/02/23/15/121027118.jpg

مساء الخير لبنات جبتلكم مقروط درتو لبار ح وبيسكويت رولي بشوكولة

مساء الخير ام هدولة الله يبارك بصحتكم سخفني البيسكوي نتاعك راهو يبان هايل يعطيك الصحة

ام هاديل وياسين

2015-02-23, 17:12

شكرا ام سوهيل ا من ذوقك وامين على الدعاء اختي ربي يحفظك

madame ch

2015-02-23, 17:25

تعازي الخالصة للاخت ام حمزة ....انشاله ربي يرحمها و يغفر لها ...و يصبركم.
هادي حال الدنيا

ام سوهيل

2015-02-24, 08:21

صباح الخير للحضرين والغيبين

انا فطوري اليوم لوبيا ان شتء الله وراني ريحة ندير مسمن للقهوة عشية رني موجدة العجين نروح نطيب وخلاص

crono

2015-02-24, 09:23

صباح الخير لبنات نتمنى تكونو بخير
احلى سلام للجمييييييييييييع
بالتوفيييييييييييق

ام سوهيل

2015-02-24, 09:33

صباح الخير كرونو وش راكي

لبنات هدا موضوعي الجديد

http://www.djelfa.info/vb/showthread.php?t=1762269

ام الخير 05

2015-02-24, 09:59

صباحكم سعيد ومبارك

ام سوهيل

2015-02-24, 10:19

http://upload.4algeria.com/do.php?img=56581
شوفو هدا الرابط عجبني بزاف التزين

أم الحبايب 26

2015-02-24, 10:24

صباح الخير عليكم كامل ام حمزة الله يعطيكم اصبر واللهي صادما قويا كيكون واحد لباس بيه فاجئاتصيبيه مكاناش
الله يبادل محابتها بصبر الله يكون في عونكم هذا حال ادانيا
ام سهيل انا ثاني فطوري لوبيا راني نخامم واش نديرالهم للقهوا حبا ندير اسقار لقالت عليه ام هديل
ام هديل حبا نساقسيك على مقروط درتيه بلغارس ولا بلكاوكاو ويجي طري اعطيني مقادير لدارتيها حبى نجاربو
على خاطرش مقروط نتاع كوشا ميانجاحش معايا الله ياحفظك سلامي ليكم بالواحدا صادفا ت غزالة روح مراد وين راكم تواحاشناكم نشالله يكون مانع اخير

روح مراد

2015-02-24, 12:30

مساء النور و الياسمين حبيباتي
أختي أم حمزة عظم الله أجركم
ربي يرحمها و يوسع عليها و يعطيكم الصبر كيما يقولو ناس زمان عجوزة راحت ربي يرحمها إنشاء الله خلاتلكم الستر و البركة
أخواتي كل وحدة باسمها و الله غير توحشتكم بزاف بزاف
أنا مازلني كيما كنت ديما نجري يادرا إذا نحبس كاش نهار من الجري أو نبقى هاكا

madame ch

2015-02-24, 15:06

مساء الخير يا الحراير . :dj_17:
انا دايما نتبعكم و نتبع وصفاتكم
يعطيكم الصحة على كل الافكار و الاطباق ... جزاكم الله خيرا
بصح نشوف من بعيد برك ههههه jamais حطيت موضوع هنا مازال منعرفش كيفاه ندير
اني نتعلم بالشوي .......:19::19::19:

madame ch

2015-02-24, 15:15

:sdf::sdf::sdf: عندي مشكل حبيت نقصدكم تعاونوني :sdf::sdf::sdf:
انا راجلي صعيييييب في الماكلة و موالف بماكلة مو
و ماياكلش اللحم خلاص
و اللي نديرها ما تعجبو ....يعلقلي عليها هههههه حتى كرهني في الطياب:mad::mad:
محتاجة افكاركم واش ندير في بلاصة اللحم في حشو المعجنات و في les gratins تاني:o:o:o:D
انشاله تفيدوني بردودكم :D:D:19::19:
سلاااااااااام:mh31::mh31:

*أم جابر*

2015-02-24, 16:56

السلام عليكم ورحمة الله و بركاته
وشراكم و كيف احوالكم
ام حمزة هذهيا الدنيا الله يعطيكم الصبر و الله يثبتنا اجمعين
اخواتس نسلم عليكم جميعا كل واحدة باسمها
ام هديل بارك الله فيك سلمت يداك على الاطباق رووووووووعة
اختي madame chمرحبا بيك معنا حاولي اديري السلق في الحشو و شوية داند مرحي ولا ياكلو راجلك و الله السلق بزااااف بنين و مفيد

أم الحبايب 26

2015-02-24, 20:20

مسالخير عليكم كفاش عاشيتو نشلله تكونو ملاح ام اسيد واش راكي ماتقةليش نسيتك وللهي غار راكي فلبال
غير من عنوان ناتفاكراك عاندك الحاق على حاشوا انا ندير غير اسالق ويجي بنين بزاف انا ولادي مياكلوهاش غومسا بصاح فلموعاجنات يموتو عليه ام حمزة نشالله تكوني مليحا ورياحتي شويا رابي معاكم

madame ch

2015-02-24, 20:23

اختي ام اسيد شكرا علي الفكرة...ربي يحفظك:19:
هو ماياكل حتى نوع من الللحم و الله عييت معاه
ربي يفدرنا انشاله:):):)

صدفات

2015-02-24, 20:50

السلام عليكم حبيباتي
كيف هي أحوالكم توحشتكم بزاف سامحونيما رانيش ندخل النت بزاف الأولاد راه عندهم إمتحانات ربي ينجحهم
أم هديل المقروض نتاعك هايل عجبني بزاف كيفاه خدمتيه بالحبة و لا بالطابع يا ريت تصوريه و توريه لي و شكرا مسبقا
حبيباتي مانذكرش اسماء باه ما ننسى حتى وحدة سلامي الحار و تحياتي.

ام سوهيل

2015-02-25, 10:05

صياح الخير يوجوه الخير

صدفات حمدو لله على سلامتك وربي ينجح وليداتك وليدات المسلمين

ام سوهيل

2015-02-25, 14:46

مساء الخي وين راكم مبنتوش كامل اليوم

هدا فطوري اليوم سفيرية بي الروز كاين الي حبها وحدها وكين الي حبها بي المرق ودرتلهم للعشية قاطو النمرة

http://www.foxpic.com/V1MVG77y.jpg

http://www.foxpic.com/VAx93U3s.jpg

http://www.foxpic.com/V11smGcg.jpg

روح مراد

2015-02-25, 16:22

مساء النو للجميع
أم سوهيل هاذيك الحلوة الملونة درتها جاتني هايلة زيدي فيها زاست البرتقال مع الكاكاو يخرج ذوق هايل جربيها

أم تيم الله

2015-02-25, 16:50

.
الله أكبر ... إنا لله وإنا إليه راجعون
عظم الله أجركم
أختي أم حمزة

ام الخير 05

2015-02-25, 17:27

مساء الخير عليكم يا الفحلات

ام هاديل وياسين

2015-02-25, 17:59

السلام عليكم ان شاء الله تكونو بخير وشكرا ليكم على تشجيع للمقروط

ربي يخليكم ام الحبايب اسمحيلي حتى اليوم باه دخلت وشفت سؤالك معليش بلا مزية

صدفات شكرا المقروط راه كاين وحد المول جديد نتاعو شفتو هنا في المنتدى شريت كيفو يعاون
بزاف ومايشدش اليد وزيد بنتو هايلة مع اني عمري مدرت المقروط في الكوشة ديما نقليه

هاذي هي الوصفة http://www.djelfa.info/vb/showthread.php?t=1628439

أم الحبايب 26

2015-02-25, 18:14

مسالخير عليكم نشالله تكونو ملاح ياعطيك اصحا ام هديل على الواصفة شجعيني باش نجاربو اطابع انا عندي واحد كيفو
ام سهيل صحا فطورك وقهوتك تقادري نقوليلي على اسفيرية نتاع روز كفاش تاندار
سلمي ليكم كامل نشالله ام حمزة توالي في اقرب اجال

*أم جابر*

2015-02-25, 22:02

السلام عليكم ورحمة الله وبركاته
اهلا صدفات و الله توحشناك الله ينجح وليداتك و وليدات المسلمين
اخواتي نسلم عليكم كل واحدة باسمها الله يحفظكم و يحفظ وليداتك و يقدم لكم اللي فيه الخير

ام سوهيل بارك الله فيك على السفيرية تبان هايلة بصحتكم

أم الحبايب 26

2015-02-26, 07:48

اصباحنا واصباحا ملك للله صبباح لخير عليكم كفاش صباحتو نشالله تكونو كامل ملاح

ام الخير 05

2015-02-26, 09:06

صباح الخير عليكم حبوباتي يعطيكم الصحة على الوصفات حبيت نطلب منكم وصفات صابلي جديدة لانه اختي راح تزيد نشاء الله وبصراحة ما نحبش القاطوتاع لقلاصاج الغاشي كامل مدير ريجيم ياريت لو تعمدولي اشكال جديدة وبارك الله فيكم

***سلمى ***

2015-02-26, 10:55

عزيزاتي صباحالخير عليكم

***سلمى ***

2015-02-26, 10:59

ام حمزة سامحينا ا الان وين دخلت عادلي مدة مدخلتش.
الباراكة في راسكم . ربي يصبركم انشاء الله .خالاتلكم دعاوي الخير انشاءالله.ويجعلها اخر الاحزان.

أم أسرار

2015-02-26, 11:48

كيفكم يا بنات إن شاء الله تكونو بخير
أم سهيل يعطيك الصحة تسلام إديك
هل من الممكن أن تقدميلي و صفة القاطو النمر شكرا مسبقا

ام حمزة22

2015-02-26, 13:16

اليلام عليكم
واش راكم ان شاء الله تكونو كامل بالف خير
يعطيكم الصحة على تقديم التعازي بارك الله فيكم وجزاكم الله كل خير
والله منين ندخل نقرا ردودكم يغلبوني دموع وما نقدرش ندخل نرد لاكن اليوم درت الكوراج والله سالو دموعي ومسحتهم وقلت ندخل نطمنكم عليا ونشكركم على هاد اللمة والاطباق الرائعة يعطيكم الصحة لي مانسيتوش هاد الصفحة
لبنات راح نولي ليكم بادن الله احسن من قبل وراح ندير موضوع جديد بادن الله وجميع لي تدخل تقترح عليا عنوان للموضوع انا كنت حابة نحط فيه جميع الوصفات نتاع هاد ااموضوع ونكمل بوصفات جديدا ليا وليكم طبعا واي اقتراح انا في الخدمة
لبنات هاد 3ايام لي فاتو درت الكوراج وكملت لباس العروسة واليوم جي تديهم مسكينا كانت ضن ان ما نكمللهاش فالوقت لاكن كنت موص بكري نطيب فطوري ونخدم شغلي ونروح الخياطتي
وىن ساء الله الا قدرت اليوم نحط الصور في قسم الخياطة
لبنات والله توحستكم وتوحشت اللمة نتاعكم
والله لا يفرقنا عن بعض

فايزة1207

2015-02-26, 13:54

الحمد لله انك بالف عافية حبيبتنا

ام حمزة22

2015-02-26, 13:58

الله يعافيك حبيبتي فايزة بارك االه فيك
لك كل الشكر والتقدير

madame ch

2015-02-26, 17:06

عالسلامة :mh92::mh92:
نووووووووورت صفحتك اختي ام حمزة :mh31::mh31:

*أم جابر*

2015-02-26, 17:16

السلام عليكم ورحمة الله و بركاته
اهلا بك غاليتي امة حمزة و الله اشتقنا لك كثيرا و لروحك المرحة قال الله تعالى "وبشر الصابرين الذين اذا اصابتهم مصيبة قالوا انا لله وانا اليه راجعون اولئك عليهم صلوات من ربهم ورحمه واولئك هم المهتدون"

ام سوهيل

2015-02-26, 18:06

مساء الخير عليكم ام حمزة حمد لله على سلامتك ولله غير توحشناك وبقات بلاصتك فارغة

اختي ام الحبايب اسمحيلي طولت عليك لكن النات كانت تقيلة

شوفي السفيرية تع الروز خدي كمية تع روز الابيض مشي الفاير وغليه في الماء مع عود قرفة حبات كبابا نضن تعرفيها وقطع تع البنا دجاج وغليه حتى يطيب تمام صفيه وشليه جيدا وخليه يقطر ومن بعد ربي عليه فصوص ثوم وقطعي عليه شوية قسبر مقطع رقيق وحرور وزنجبيل وحبة او تنين بيض حسب الكمية ومغرف فرينة وفرماج رابي ومغرف صغيرة قرفة مطحونة ورشة ملح وخلطي كلش مع بعض وشكليها كويرات ورمديها في لشبلوغ وحطيها في التلاجة حتى تشدروحها اقليها فيى الزيت
وقدميها اما مع مرق او وحدها مع سلاطة
وادا مفهمتيش كاش حاجة قوليلى

ام سوهيل

2015-02-26, 18:11

الاخت الي سالتني على قاطو النمرة

قاطو النمرة .......خفيف وظريف .......حاااااااالا (http://www.djelfa.info/vb/showthread.php?t=1746955)

هدا هوالعنون مقدرتش نكوبي الرابط روحي الايقونة البحث وكتبي هدا العنوان راح يخرجلك هو للاخت اسمهان

paradislamia

2015-02-26, 18:55

merci bcq c vraiment gentil

***سلمى ***

2015-02-26, 19:19

نحمدوا الله انك بخير لازم الواحد يكون كوراج باه تمر الامورربي يصبركم.
انا نخليكم بالف خير ياالاخوات الغاليات.

hayette82

2015-02-26, 20:04

واشراكي ام حمزة وكل البنات الحاضرين والغايببي ن والله توحشتكم

ام سوهيل

2015-02-26, 21:32

ام حمزة نحنو في انتيضارك

لعقوبة الغزالة الصحراء طمنا عليها هية تاني

صدفات

2015-02-26, 21:51

السلام عليكم اخواتي
ام حمزةفرحت بزاف بعودتك ربي يصبركم و يقدرك على أداء إلتزاماتك
ام هديل مشكورة حبيبتي على الرابط راني شريت التشيشة كي نجربه نحطلك الصور صدقيني و الله ما شفت هذا المقروض حتى حطتيه انت
أم سوهيل وأم اسيد حبيباتي ربي يحفضكم على الدعاء ربي ينجح كامل وليداتنا
تصبحون على خير و جمعة مباركة للجميع بدون ذكر الأسماء ماشاء الله رانا بزاف ههههه راني نضحك برك خموس علينا

ام الخير 05

2015-02-27, 08:40

صباح الخيرعليكم جميعا عزيزتي ام حمزة فرحت كثير لما شفت المشاركة تاعك البارحلكن ما قدرتش ندخل هذا هو المؤمن الحقيقي لازم نرصاو بقضاءالله ونواصلو الحياة وراني متاكدة انك راح ترجعي بقوة اكثر وبجديد اروع انشاء الله والله والله انك عزيزة كثير عليا

أم الحبايب 26

2015-02-27, 09:19

جمعة مباركا على الجميع حمد للله كيوالتي لينا ام حمزة بخير سلامتكم لباعظكم بعظ كيوالتي لينا عاوادنا تليامنا كونا في حالت اكتئاب كخطاتنا ام حمزة عقوبا لغزالة نشالله تكون بخير ام سهيل ياعطيك اصحا على السفيرية
سلامي ليكم كامل صحا فطوركم

ام سوهيل

2015-02-27, 10:22

صباح الخير للجميع

*أم جابر*

2015-02-27, 15:05

السلام عليكم ورحمة الله و بركاته
نسال الله تعالى ان يوفقنا لما يحب و يرضى
اللهم ارحم موتانا و موتى المسلمين و اشفي مرضانا و مرضى المسلمين يارب العالمين
اللهم اغر لنا و للمسلمين و المسلمات الاخياء منهم و الاموات
واغفر لوالدينا و ارحمهما كما ربيانا صغار
الله اميييييييييييييين

ام هاديل وياسين

2015-02-27, 15:53

السلام عليكم

ام حمزة ما يصيبنا الا ما كتب الله لنا وكلنا على هاذا الطريق والحمد لله
كي راكي رايحة ترجعي لينا رنا في انتضارك حبيبتي

صدفات العفو اختي بلا مزية اللي قدرني ربي عليها نقدمهالكم دعواتكم في امس الحاجة ليها
نسلم على قاع لبنات ام اسيد روح مراد مدام ام سوهيل ام الحبايب ام الخير حياة منال منير ان شاء الله نسمعو عليها الخير
وغزالة الله يجعل المانع خي ان شاء الله منسيت حتى وحدة

ام هاديل وياسين

2015-02-27, 15:56

كرواصون عجبني جبتهولكم http://www.djelfa.info/vb/showthread.php?t=1763926

ام سراج وملاك

2015-02-27, 17:33

اختي ام حمزة عظم الله اجركم وربي يرحم ام زوجك ويسكنها جنة الفردوس الاعلى هاذه هيا سنة الحياة والحمد الله كي رجعتي لينا من لجديد راني شفت خياطتك في قسم الخياطة يعطيك الصحة اختي ورانا في انتظار موضوعك الجديد بفارغ الصبر دمت متألقة دوما اختي احبك في الله
بلاما ننسى جميع لبنات لي معاك في الموضوع نتاعك

صدفات

2015-02-27, 22:02

مساؤكم سعيد يا بنات
راني نحوس على غزالتي ما لقيتهاش ياهل ترى وين راهي هذا نداء نوجه لكل وحدة تعرف خبارها تقولنا يا رب يكون المانع خيرجمعة مباركة للجميع

ام الخير 05

2015-02-28, 08:37

صباح الخير حبوباتي الحمد لله كي تلمينا مرة اخرى لعقوبة للسكرة غزالة ام هديل يعطيك الصحة وشكرا على الكرواصن واذا ممكن تقتارحو عليا نوع تاع قاطو نديرو لاختي بصح ما يكونش تاع قلاصاج

ام هاديل وياسين

2015-02-28, 08:42

اصبحنا واصبح الملك لله رب العالمين صباح النور ام الخير كي راكي

الله يسلمك والقاطو علاه مدريش قاطو النمرة ولله غير هايييل

ام هاديل وياسين

2015-02-28, 08:44

http://www10.0zz0.com/2015/02/28/10/678464126.jpg

هذا سبونج بوب درتو لبنتتي هديل صارت عندها 3 سنوات ربي يحفظها ان شاء الله

ويحفظ اولادك يارب

ام الخير 05

2015-02-28, 08:46

صباح الانوار ام هديل درت قاطو النمرة وحبيت نزيد معاه واح اخربصح مانيش حابة نديرو بالقلاصاج لانو كيما راكي عارفة ضركا كامل مدايرين الريجيم يعني حابة صابلي يكون شكلو جديد يصلح مع قاطو النمرة

ام الخير 05

2015-02-28, 08:49

لعقوبة ل100 سنة وتكبر في عزكم انشاء الله وتشوفيها في اعلى وارقى المناصب وتفرحي باولادها واحفادها علابالك راني مع ولادي وشافو لتارت عجبتهم بزاف وكل واحد يقول ديريهالي في عيد ميلادي

ام هاديل وياسين

2015-02-28, 08:54

اللهم امين اختي والله يخليك اولادك ويقر عينك بيهم امين هههههه شفتي لولاد

شحال يبغو بوب الله يفرحهم

ام سوهيل

2015-02-28, 10:01

صباح الخير خيتاتي وش راكم ام هديل

سنة حلوة ياجميل سنة حلوة يا هديل ربي يخليهالك ويفرحك بيها وبخوتها وتارت راهي تهبل يعطيك الصحة كون غير صورتي المراحل ودرتيها موضوع

ام الخير تفضلي هد القاطو راهو يبان هايل انا راني معولة نديره لاخو زوجي من يرجع ان شاء الله من العمرة

http://www.djelfa.info/vb/showthread.php?t=1763696

ام سوهيل

2015-02-28, 10:02

انا نضم صوتي للاخت صدفات الي تعرف غزالة الصحراء اطمنا عليها الله يسمعنا الاخبار الطيبة

أم الحبايب 26

2015-02-28, 10:08

لعقوبا لميات سنة هدولا ربي يفارحك بيها ام هديل صباح لخير عليكم عاود ولا لينا اناشاط كولات ام حمزة الله يحفاظها
عقوبا للغزالة توالي انشالله وام منال ومنير راهو مبان عليها حتى خبر نشالله تكون مليحا
ام اسيد ياعطيك اصحا على ادعية انا نقرا فيها ونقول امين
ربي ياحفاظكم كامل وايخاليلكم عائلة نتاعكم

ام سوهيل

2015-02-28, 10:15

صباح الخير ام الحبايب وشراكي

لبنات شوفو هد الموضوع
http://www.djelfa.info/vb/showthread.php?t=1764263

***سلمى ***

2015-02-28, 10:54

ام (اسيد/+ حمزة +الحبايب+سوهيل +هديل+...+ن)+(منال ومنير+غزالة+...+ن)= ام حمزة و اخواتها

واش رايكم بهذه العملية الحسابية

انشاء الله اخباركم مليحة خاصة ام حمزة .وايضا غزالة التي لم تظهر. و حياة....................انشاء الله راكم لاباس

ام حمزة22

2015-02-28, 11:44

السلام عليكم ورحمة الله تعالى وبركاته
حبيباتي الغاليات اشكرك جميعا على وقفتكم معايا بارك الله فيكم وجزاكم كل خير
اححبكم جميعا يا احلى واغلى لمة
صحيتي سلمى على العملية الحسابية راكي عطيتيني فكرة على الموصوع الجديد وراح نسميه بادن الله ( اطباق ام حمزة واخواتها)
واش رايكم البنات
الا ما عجبكمش نغيروه
ام هديل ربي يخفضلك هديل واخواتها عيد ميلاد سعيد وكل عام وهدولة بالف خير

ام حمزة22

2015-02-28, 11:46

غزالتنا الغالية ان شاء الله تكوني بخير ومانع غيابك يكون خير

ام الخير 05

2015-02-28, 13:02

مساء الخير اختي ام حمزة وكل الاخوات ام سوهيل يعطيك الصحة على كل واش راكي تجيبيلنا بارك الله فيك يارب تكمل اللمة بغزالة ومنال ومنير

ام سوهيل

2015-02-28, 13:04

اهلا وسهلا بيك ام حمزة في بيتك اتاني وش راكي وش راهو ابو حمزة ربي يصبره لانو هو الاكتار حزن

اما بي النسب للموضوعانا عجبني العنوان وان اول المشجيعات

ام هاديل وياسين

2015-02-28, 13:08

السلام عليكم

يعطيكم الصحة حبيباتي على مباركة عيد ميلد هديل ربي يخليكم ويحفضكم من كل شر امن

اهلا اختي ام حمزة نورتينا ان شاء الله تكوني بخير شفتي بصدفةلقيتي عنوان الموضوع انا عجبني

رانا اخوات وزيدي مع لبنات كل وحدة تعطي رايها نتمنى لكي التوفيق

ام سوهيل

2015-02-28, 13:45

مساء الخير لبنات جبتلكم طمينة بي الطريقة التقليدية

http://www.foxpic.com/V0vDus8l.jpg

http://www.foxpic.com/V0PuTpqf.jpg

وهدا تطبيقي لقاطو اطبقات درتها اليوم

http://www.foxpic.com/V16UgAv9.jpg

وهنا زوووووووووووووووووم

http://www.foxpic.com/V1utY3fV.jpg

وهدا بركوكس تع التشومير بصح ولله غير جاهيل وحبة مبقاتش ههههههههههههههه

http://www.foxpic.com/V1azKid2.jpg

http://www.foxpic.com/VRmZGzey.jpg

وهدي كران درتها للفطور ليك ام هديل شفتك سقسيتي عليها في الكوزينة

http://www.foxpic.com/VyRvXbQv.jpg

ام حمزة22

2015-02-28, 14:03

يعطيك الصحة ام سوهيل والله شهيتينا
بصحتكم مطرح ما يسري يمري حبيبتي

ام هاديل وياسين

2015-02-28, 14:26

بصحتك ام سوهيل راكي جايبتها تبارك الله والبركوكس راه يشهي

وصحيتي على القرتان طبقت تاع ام سيراج صراحة روووعة ولادي ميكلوش السلق
نهار نطيبولهم يقلولي كملتيها بقى غير الحشيش ناكلوه اليوم كلاوه بلا ما يسقسوهههههههه
قلتلهم يليقلكم غير الحيلة ههههههه

ام سراج وملاك

2015-02-28, 16:06

مساء الخير عليكم كامل
ام حمزة عجبتني فكرة اطباق ام حمزة واخواتها حاجة مليحة بصح علاه مقلتيش اطباق ام حمزة وشلتها هههههه عندك الحق رانا كامل اخوات وموضوعك الرائع لازم يتجدد راني دايما متبعتكم وكي تفتحي موضوعك الجديد ان شاء الله نكون معاك ونحط ثاني اطباقي معاك
ام سهيل بصحتك الطمينة حنونة تهبل
ام هديل مشكووورة حنونة ربي يحفظك وبصحتهم لولاد
ام الخير اهلا اختي