مشكلة نفسية 2

مشكلتي · 2012-03-09, 17:54

https://www.djelfa.info/vb/showthread.php?t=888031

السلام عليكم
اولا تسعدني ردودكم وتفاعلكم معي فرأي الاخر والمساعدة شيء ضروري في وقتنا الراهن وكيف لا والمساعدة تكون من عقول متفتحة ورزينة مثلكم
والله انا قررت ادرس كل يوم واعرف نفسي اني استطيع ولكن الشيء الذي حطمني عندما افهم جيدا واراجع ولا اتحصل على نقاط جيدة وذاك يرجع للمواضيع المعقدة التي تطرح علينا في كل مناسبة فروض واختبارات
من نصائحكم اصبحت جيدة ولكن رجعت للوراء وكان ذلك غير متوقع لان استاذ الرياضيات مع العلم ان نقاطي متدهورة في هذه المادة والسبب انني اكتفي بالفهم ولا احل التمارين لكن الاستاذ كان متفاؤل ولكن قال انا وفتاة اخرى يجب ان نخاف وان ندرس يعني الباك بعيد علينا وانا غاضتني لانه هناك في قسمي بدات منهم اقل مستوى مني ونقاطهم من الغش فقط لم يذكرهم وهناك الكثير حتى لو وضع قائمة فانا سأكون الاخيرة فالاضعف مني هما الي منهم الخوف
والله رجعني وكرهت الدراسة ولكن قالولي في مؤسستنا كانت معدلات غير مقوبلة ابدا وداو الباك بتقدير جيد
فأين الخلل وكاين بزاف الي مخدمش في العام ولكن يستطيع في الباك
المهم انا راني جيدة وعلى حسب كلام صديقاتي يجب ان ادرس لتكون صفعة للاستاذ يوم النتائج

سارة البوسعادية · 2012-03-09, 20:35

ديري القلب احنا في ليسي نتاعنا القديم
كانو الاساتدة يجتهدو ويعلقو قائمة بعد امتحانات الفصل الاول
تحت مسمى المؤهلبين لنيل شهادة الباكالوريا
ويوم تعلقت ومالقيتش اسمي وش نقلك تدمرت انا وصحاباتي بزاف
مي نهار الصح وشكون جابو
والله والله والله واحد ماكان معلق والي كانو معلقين كامل عاودو
كيما قلتي واحد بلغش واحد ماهو فاهم والو ويحفظ وامور بزاف

جيش محمد · 2012-03-09, 20:36

كم من شخص تعرض لاهانة حلف باش يثبت لمن حطو من شائنه

انا واحد صاحبي عام ليفات استاذة علوم كان يقولها مافهمتش كانت تقولو مستواك ثانية ثانوي ماشي تارمينال

كان يسكت مين تقولو هاكا... وتعب ودرس واثبتلها وجاب الباك استاذة نخلعت .....

قراي اختي.....شوية اجتهاد باك ماراهش كيما بكري

جيهان13091991 · 2012-03-09, 20:45

شوفي اختي انا نقولك بلي المعدل السنوي ميش معيار باش يقولولك تدي الباك و الا لا و ماراهو غير تقييم و نقولك حاجة انا المعدل السنوي تاعي فالباك 9 و صاحبتي 8 و دينا في 2 الباك من المرة الاولى كي رحنا جابنا كشف النقاط نتاعنا ضحكنا حتى شبعنا من جهة المعدل السنوي ميش مليح دينا انذار و كاتبين بحداه ناجح , اختي انا نقولك اقراي و لي فيه الخير يجيبو ربي و ماتسمعي حتى بواحد القرايا لروحك ميش للناس و زيد الاساتذة راهم يشتيوا يديرو هكا ماتبعيهش و ربي ينجحك

Naziha Ziha · 2012-03-09, 20:47

sobhana allah nafss mochkilati mais diri f balak bali les sujets de bac asshal m les compos w les devoirs ok ! w bitawfiiiiiiii9 inchallah w il faut thali tamariiin ok !!