ساعدوني في حل مشكلتي

[قمر الهضاب]

السلام عليكم ورحمة الله تعالى وبركاته

اخواني اخواتي الاعضاء بعد ان ضاقت علي ولم اجد من حل لمشاكلي قررت ان اشارككم همومي علي اجدي ضالتي

عندكم فاتمنى ان تشاركوني بنصائحكم وآرائكم

كنت قد طرحت مشكلتي الصيف الماضي وحكيت عنها وهذا رابطها لمن اراد الاطلاع وفهم الموضوع جيدا

https://www.djelfa.info/vb/showthread.php?t=162896


المهم هذاك المشكل خلاص حليتو والحمد لله ماما رضات بيه وقبلت كي نخلص قرايتي يجي يخطبني

المشكل ظك خرجتلي اخت زوجة اخيه كانت حاطة عينها فيه قبل مايعرفني وظك دارتلو عفسة وخلات الاهل نتاعو يسيفو عليه باش يزوج بيها كي كان فالدار خلات ما دخل خالو وتحظناتو كي شافهم زعف وسقساها هي وش كاين قالتلو نحبو بعضانا مالا قالو تزوج بيها سيف عليك والاهل نتاعو كامل قالولو هكذاك رغم انو الام نتاعو علابالها بلي يحبني بصح متقدرش تكسر كلمت خوها هو مهدرش معاهم دار الفليزا نتاعو وراح ولا للخدمة ومن هذاك النهار مزاد روح 9 اشهر وهو مقلق ومحبش يحكيلي حتى لليوم باش قالي كان خايف نخليه قولولي وش ندير انا وش يدير هو

هو حاب يعيش معايا مش معاها ومهوش حاب يخسر العايلة نتاعو وانا منيش حابة نتزوج لدار مهومش قابلين بي

ارجوا انكم فهمتوا القصة وارجوا ان اجد ضالتي عندكم ليس لدي اخوات لاشتكي لهن انا الوحيدة في البيت وانتم تعرفون الحكاية من الرابط السابق لذا لجأت اليكم

وشكرااااااااااااااا

[omarbradai]

اولا خلي ايمانك بالله كبير
واعلمي انه ادا كان من مكتوبك فلن ينازعك فيه احد وادا لم يكن فسياتي من هو احسن منه

[ساحرة الجزائر]

ربي يقضي حاجتك وييسر أمرك ويحل مشكلتك ....عليك بالدعاء ...والتوكل على الله.

[قمر الهضاب]

جزاكم الله خيرا لمروركم وشكرا

[عُضو مُحترم]

السلام عليكم

انتظري

انتظري

اصبري

حتى

يجيء الوقت


=====================
لا تستعجلي الخير

فهو جميل

و لكنه اجمل حين يحين وقته
===================
ربي يهدينا
==================

[قمر الهضاب]

المشاركة الأصلية كتبت بواسطة *الفتى الصغير*

السلام عليكم

انتظري

انتظري

اصبري

حتى

يجيء الوقت


=====================
لا تستعجلي الخير

فهو جميل

و لكنه اجمل حين يحين وقته
===================
ربي يهدينا
==================

شكرا لمرورك اخي الكريم بموضوعي ولكني اريد حلا او حتى نصيحة اقتراح منكم يصبر قلبي ويشفي المي

اخاف ان تأخذه غيري وهو لا يريد سواي فما عساي افعل

اللهم آميييييين يهدينا ويهدي جميع المومنين

شكرا مرة اخرى سلااااام

[HELINE]

اصبري حمبوك شا غادي ديري
عليك بالدعاء

[قمر الهضاب]

المشاركة الأصلية كتبت بواسطة heline

اصبري حمبوك شا غادي ديري
عليك بالدعاء

وهل لدي غير الدعاء اعلم ان الله هو مفرج الكرب بصح لي غاضني شي لي صرا كامل على جالو وتهاوشت مع تاع الدار غير باش نقعد معاه و فالاخير جي وحدة منعرفش اصلها و فصلها تحب تزوج بيه بالساهل وتلعبهالو وطيحو فالمشاكل مع خوالو منين خرجتلي هذ المصيبة معلاباليش بصح ربي او يشوف وربي عالم والله هو ميحوس يعيش مع وحدة اخرى غيري

[عُضو مُحترم]

المشاركة الأصلية كتبت بواسطة قمر الهضاب

شكرا لمرورك اخي الكريم بموضوعي ولكني اريد حلا او حتى نصيحة اقتراح منكم يصبر قلبي ويشفي المي

اخاف ان تأخذه غيري وهو لا يريد سواي فما عساي افعل

اللهم آميييييين يهدينا ويهدي جميع المومنين

شكرا مرة اخرى سلااااام

اخاف ان تاخذه غيري

=============

ما بك يا اختي

اذا كان يريدك

فانتي له

و إذا اخذته غيرك

هو لا يستحق ان يكون لك
لانها اخذته منك

هل فهمتي

لو فعلها

لن تندمي عليه

لانه لا يستحق

و لو كان يستحقك

لن يتركك

=============

السلام

[غصون الاسلام]

نصيحتي اختي اليك هو انو حافظي اولا على العلاقة بينك و بينو ====== و ثانيا اذا قلت انو الام ديالو تعرف عن علاقتكم فحاولي ان تربطي معها الاتصال

و هو قوليلو يجي و يرجع للدار و يواجه عايلتو بالحقيقة ===== ميقعدش دايما متخفي لانو هاكده راهو يبان عديم الشخصية الا اذا اثبت عكس ذلك === يعني يضرب عليك الطاولة مثل ما نقولو====

لانو هاد زواج و ليس لعب ===== و على حسبي انها ليست سببا تؤدي به الى انقطاعه عنك .......كل هذه المدة

المهم خممي مع نفسك كثيير قبل اتخاذ اي خطوة و احسبيها اذا كان هذا بالفعل شخص يستدعي التضحية و الانتظار من اجله حتى يحل مشكلته


بالتوفييييييييييييق اختي الكريمة

[نينا الجزائرية]

وهذا اتربط لسانو كي قالت لخالو نحبو بعضانا كان ثماك يكذبها ويقول معندي حتي علاقة معها كان لازم يواجهها
يعطيها زوج كفوف تخاف وتقر الحقيقة
الله يسرلك ختي

[دمعة على خد الزمن]

كلشي بالمكتوب ويقول ناس بكري لي عالجبين مينحوه اليدين

[ام رنا]

الله يهون عليك
انا لن اجاملك اختي ولكن لو كان يحبك راح يوقف في وجهم لان مانيش نشوف فيها مشكلة كبيرة الي يسيفوا عليه الزواج يا اختي اذا فعلا الغلط مجرد حضن قدام احد من عائلته وهاد البنت الي تعمل هاد العمل كيفاش يامن لها ويتزوج بوحدة تعمل الشي هادا المهم حبيبتي شوفي واسمعي من اكتر من طرف باش تخرجي بحل ان شاء الله
اختي الحبيبة صلي صلاة استخارة والله يجعلك الخير والسعادة باذن الله
يلا ربي راه كاتبكم لبعض لو يجتمعوا كل بنات الجزائر ويغلطوه راح يرجع يرجع ليك اختي
والله يوفقك لما يحب ويرضى اختي

[قمر الهضاب]

المشاركة الأصلية كتبت بواسطة *الفتى الصغير*

اخاف ان تاخذه غيري

=============

ما بك يا اختي

اذا كان يريدك

فانتي له

و إذا اخذته غيرك

هو لا يستحق ان يكون لك
لانها اخذته منك

هل فهمتي

لو فعلها

لن تندمي عليه

لانه لا يستحق

و لو كان يستحقك

لن يتركك

=============

السلام

كلامك في الصميم يا اخي عندك الحق اتمنى ان تظهر الحقيقة وينتهي كل هذا القلق احتاج لدعائكم وكي تفرا راني نخبركم ونقيم كل اعضاء المنتدى ههههه موفق يا اخي و شكرا

[قمر الهضاب]

المشاركة الأصلية كتبت بواسطة غصون الاسلام

نصيحتي اختي اليك هو انو حافظي اولا على العلاقة بينك و بينو ====== و ثانيا اذا قلت انو الام ديالو تعرف عن علاقتكم فحاولي ان تربطي معها الاتصال

و هو قوليلو يجي و يرجع للدار و يواجه عايلتو بالحقيقة ===== ميقعدش دايما متخفي لانو هاكده راهو يبان عديم الشخصية الا اذا اثبت عكس ذلك === يعني يضرب عليك الطاولة مثل ما نقولو====

لانو هاد زواج و ليس لعب ===== و على حسبي انها ليست سببا تؤدي به الى انقطاعه عنك .......كل هذه المدة

المهم خممي مع نفسك كثيير قبل اتخاذ اي خطوة و احسبيها اذا كان هذا بالفعل شخص يستدعي التضحية و الانتظار من اجله حتى يحل مشكلته


بالتوفييييييييييييق اختي الكريمة

اولا اشكرك على مرورك ومساندتك لي ولو بكلمة

ثانيا اختي الكريمة صبرت معاه مدة 9 اشهر واحنا نتعذبو والآن الحمد لله كي حكالي وش صرالو كيما يقولو رجعت المياه الى مجاريها هو كان خايف نخليه ونقولو روح ليها المهم انا وهو تفاهمنا ولينا كيما كنا والام نتاعو نحكي معاها كي يحكي معاها هو على خاطر مازال مهدر مع حتى واحد
هو مش بيدو يرجع للدار كيما حب على خاطر عسكري يعني حتى يعطيولو اجازة باش يروح وانشاء الله رايح يحكيلهم ويواجهم هو كان حاب يتأكد انو رايحة نساندو و منخليهش وحدو بصراحة لوكان مشفتوش يستاهل وملقيتش فيه صفات الراجل تاع الصح منديرش على جالو وش درت ومنضحيش بكلش غير باش نقعد معاه. انا حبيت نخمم وتشاركوني بآرائكم باش منديرش اجة نندم عليها فيما بعد لذا كتب هذا الموضوع
وشكرا اختي الكريمة مجددا سلاااااام