طريقة تحضير الكسرة

zineb_saib · 2013-01-08, 13:46

السلام عليكم ورحمة الله وبركاته
نطلب من الأخوات يعطوني طريقة الكسرة بالتفصيل إذا ممكن
لأنني مرة تجيني مليحة ومرة تجيني يابسة ومعرفتش وين راهو المشكل هههه بهدلت بروحي
المهم هادي وصفة لقيتها في أحد المنتديات قولولي إذا صحيحة ولا لا
المقادير
1/2 كيلو سميد متوسط أو رقيق
1/2 كاس (سمن مذوب أو زبدة، أو زيت زيتون، بس الأفضل السمن)
ملح
م ص خميره
حبه بركه للزينه و ممكن الإستغناء عنها
ماء للعجن حسب العجينه
'
نذوب السمن أو زيت زيتون، و نفرغه فوق السميد و نخلطه جيد ،نضيف الملح البركه، الخميره و الماء تدريجيا حتى نتحصل على عجينه صلبه شوي عن عجينه المعجنات . و نواصل عجنها دون تقطيعها ، نكورها كور و نتركها ترتاح 5 د .
نفرد الكور بالنشابة و نسخن الطاجين أو مقلات سميكه جدآآآآ و على نار خفيفه و نقلبها عندما تنضج من الجهة السفله و نقطعها و نضعها في طبق الخبز و ألف هنا و صحه علي قلوبكم .

رحيق الايمان · 2013-01-08, 15:36

يا اختي الكسرة هذه حنا نسموها رخساس كي كنت في دارنا نطيبها سميد و ندير فيه زيت و ملح و نبل بالماء و نلمها من بعد نخليها ترتاح شوي حتى تذوب حبة السميد و نبدا نعجن و نزيد الماء الا كانت يابسة برك الزيت لازم تبسيها باه ما تجيكش يابسة انا ندير حفرة في وسط السميد و نعمرها و كي ندير العجينة كويرات نزيد ندهنهم بالشوي زيت و نضرب الكسرة
وكي زوجت صبت عجوزتي تخبز بطريقة اخرى لقيتها ما تعبش و ما تستهلكش زيت ياسر وهي انا تضيف للسميد مع شوي زيت الخميرة و تعجن و تكورالعجون و تضربهم و طيب تجي كسرة روعة و ما تيبسش
نتمنى انه فدتك شوي

zineb_saib · 2013-01-08, 18:13

اقتباس:

المشاركة الأصلية كتبت بواسطة رحيق الايمان

يا اختي الكسرة هذه حنا نسموها رخساس كي كنت في دارنا نطيبها سميد و ندير فيه زيت و ملح و نبل بالماء و نلمها من بعد نخليها ترتاح شوي حتى تذوب حبة السميد و نبدا نعجن و نزيد الماء الا كانت يابسة برك الزيت لازم تبسيها باه ما تجيكش يابسة انا ندير حفرة في وسط السميد و نعمرها و كي ندير العجينة كويرات نزيد ندهنهم بالشوي زيت و نضرب الكسرة
وكي زوجت صبت عجوزتي تخبز بطريقة اخرى لقيتها ما تعبش و ما تستهلكش زيت ياسر وهي انا تضيف للسميد مع شوي زيت الخميرة و تعجن و تكورالعجون و تضربهم و طيب تجي كسرة روعة و ما تيبسش
نتمنى انه فدتك شوي

اممم صح كاين منها الخميرة تخلي الكسرة طرية
وطريقتك تاني تبان بنينة بويسك الزيت يبنن وكي نذوقهم نقلك نتاعك خير ولا نتاع عجوزتك ربي يخليهالك ويحفظلك زوجك

رحيق الايمان · 2013-01-09, 13:40

اقتباس:

المشاركة الأصلية كتبت بواسطة zineb_saib

اممم صح كاين منها الخميرة تخلي الكسرة طرية
وطريقتك تاني تبان بنينة بويسك الزيت يبنن وكي نذوقهم نقلك نتاعك خير ولا نتاع عجوزتك ربي يخليهالك ويحفظلك زوجك

ربي يعيشك اختي في زوج ملاح و انا الان مادام راجلي يحب الكسرة كل يوم و تكون سخونة و بحكم انه انا موظفة رجعت نطيب بطريقة تاع امه باه ما نتعبش في العجنان
المهم انت كي تعجني السكرة اعجني و ضيفي الماء و ما تخليها لا طرية و لا يابسة تجيك مليحة و بصحتك

majda archi · 2013-01-08, 15:43

ايمونة حكمتك ياو توحششششششششششششششششششششششششششششششششششششششششششششششش ششششششششتك

zineb_saib · 2013-01-08, 18:10

اقتباس:

المشاركة الأصلية كتبت بواسطة majda archi

ايمونة حكمتك ياو توحششششششششششششششششششششششششششششششششششششششششششششششش ششششششششتك

ههههههههههههههههههههههههههه امالا تعرفيها

رحيق الايمان · 2013-01-09, 13:37

اقتباس:

المشاركة الأصلية كتبت بواسطة majda archi

ايمونة حكمتك ياو توحششششششششششششششششششششششششششششششششششششششششششششششش ششششششششتك

انا تاني توحشتك و كثر خير الكسرة لمتنا هههههههههههههههههه

it's me · 2013-01-10, 11:41

nmouuuuuuuuut 3liha merci

أم ماجد · 2013-01-08, 23:10

اضيفى شوية خميرة القاطو تكون خفيفة وبيضة ان اردت

*ام رامي* · 2013-01-09, 05:44

اختي نعطيك كسرتي
والسر مش في المكونات فقط بل في طريقة العجن وطراوة العجينة لاهي يابسة وناشفة ولا هي طريية بزاااف عينك ميزانك
نحط سميد حق زوج خبزات ندير في كل واحدة حفرة صغيرة بيدي بحجم البيضة نملاها زيت + ملح + لكل قرصة ملعقتين كبيرتين فرينة وملعقة صغيرة خميرة كيميائية
لان مفعول الخميرة الكيميائية يكون في الفرينة وليس في السميد فهمتي وكاين اللي يضيف خميرة المطلوووع لكن انا نفضل نتاع القاطو خير تعطيها هشاشة كي القفريط
بعدها خلطي كل المكونات واعجني بماء فاتر بكفوفك ورطبي العجينة مليح حتى يولي لونها فاتح شوية اقسميها على اثنين واعدليها مليح قرصيها بعد ما تدهني القصعة بالزيت وطيبيها ورديلي الخبر اوكي ؟

zineb_saib · 2013-01-09, 16:10

اقتباس:

المشاركة الأصلية كتبت بواسطة *ام رامي*

اختي نعطيك كسرتي
والسر مش في المكونات فقط بل في طريقة العجن وطراوة العجينة لاهي يابسة وناشفة ولا هي طريية بزاااف عينك ميزانك
نحط سميد حق زوج خبزات ندير في كل واحدة حفرة صغيرة بيدي بحجم البيضة نملاها زيت + ملح + لكل قرصة ملعقتين كبيرتين فرينة وملعقة صغيرة خميرة كيميائية
لان مفعول الخميرة الكيميائية يكون في الفرينة وليس في السميد فهمتي وكاين اللي يضيف خميرة المطلوووع لكن انا نفضل نتاع القاطو خير تعطيها هشاشة كي القفريط
بعدها خلطي كل المكونات واعجني بماء فاتر بكفوفك ورطبي العجينة مليح حتى يولي لونها فاتح شوية اقسميها على اثنين واعدليها مليح قرصيها بعد ما تدهني القصعة بالزيت وطيبيها ورديلي الخبر اوكي ؟

والله كنت نستنى ردك
والحمد لله رح نجرب طريقتك ونحط تطبيقي تشوفيه ويارب تصلحلي لأنها من عندك
البارح جربتها عادي وزدتلها خميرة القاطو وجاتني مليحة

asma1717 · 2013-09-01, 23:06

اقتباس:

المشاركة الأصلية كتبت بواسطة *ام رامي*

اختي نعطيك كسرتي
والسر مش في المكونات فقط بل في طريقة العجن وطراوة العجينة لاهي يابسة وناشفة ولا هي طريية بزاااف عينك ميزانك
نحط سميد حق زوج خبزات ندير في كل واحدة حفرة صغيرة بيدي بحجم البيضة نملاها زيت + ملح + لكل قرصة ملعقتين كبيرتين فرينة وملعقة صغيرة خميرة كيميائية
لان مفعول الخميرة الكيميائية يكون في الفرينة وليس في السميد فهمتي وكاين اللي يضيف خميرة المطلوووع لكن انا نفضل نتاع القاطو خير تعطيها هشاشة كي القفريط
بعدها خلطي كل المكونات واعجني بماء فاتر بكفوفك ورطبي العجينة مليح حتى يولي لونها فاتح شوية اقسميها على اثنين واعدليها مليح قرصيها بعد ما تدهني القصعة بالزيت وطيبيها ورديلي الخبر اوكي ؟

oooooom ramiiii ... ya3tik sa7a wlh khawti walaw ymooooto 3la kassra ta3iii ... gotelhom Allah yar7am 7orrat la7rayer omm ramii hhhhhhhh

فراشات العمر · 2013-01-09, 10:47

ام رامي احنا ساكنين قدلم يعضانا كل واحد كيفاش يديرها سبحان الله

choumicha · 2013-01-09, 21:06

هادي في شلف نسموها المغيز أو الحرشة التسمية القديمة أما الكسرة فهي شيء آخر لما نطيبها فالدرا رح نحطلك الصور

zineb_saib · 2013-01-10, 10:55

اقتباس:

المشاركة الأصلية كتبت بواسطة choumicha

هادي في شلف نسموها المغيز أو الحرشة التسمية القديمة أما الكسرة فهي شيء آخر لما نطيبها فالدرا رح نحطلك الصور

معلومة جديدة سأضيفها إلى قاموسي
ورانا نستناو في الصور ياغالية