هل تقبلين التوقف عن العمل مقابل الزواج بمن تحبين - الصفحة 5

sihem30 · 2012-07-10, 05:44

اقتباس:

المشاركة الأصلية كتبت بواسطة اسعى لرضى الله

يا اختي الطلاق صح كاين مقلناش مش كاين وهدا مش موضوع الاخت اللي طرحاتو كي تطلق اي ساهلة تروح تخدم
وزيد الطلاق في وقتنا وين كثر كي كثرو دعاوين الشر وكثر الخبث والنية مكانش بكري ويييييييييييييييين تسمعي بلي وحدة طلقت ونسا بكري يصبرو مي تاع دك ميجيبلهاش كيلو سكر تلقاها عند باباها المهم مكان لاه نخرجو على الموضوع
زيد اختي اقراي ردي مليح على اللخر واش قلت قلت منيش ضد عمل المراة بشرط يكون في الدار مثل الخياطة او بيع القاطوات بزاف حوايج وكي يكون في بيتها احسن يعني راهي تقفض دارها وقايمة بيها وبولادها وبراجلها خير ما يكون لبرا ويكون اختلاط
اما على ذمتها المالية يا وتصدق منها وتلقاها في قبرها انا نقولك يا اختي مال راجلها هو مالها ثاني لا سما هي عندها مالها وراجلها مالو وحدو سما هدي رجعو جيران مش زوجين وثاني كي يمدلها راجلها مصروفها تصدق منو نورمال اما في ما يخص كاينين رجال قادرين ولاباس بيهم مي ميوفروش واش تبغا مرتو هداك يا اختي منسميهش راجل وهداك اصلا كوني هانية ميقولش لمرتو حبسي خدمتك مادابيه تخدم وانا واش كتبت في ردي وواش رديت عليك قصدت راجل باتم الكلمة واعاودي اقراي ردي مليح راه لفوق واش قلت اما المراة اللي تقعد في الدار راهي كوراج ماهي كوراج ماوالو هديك هي بلاصتها الصح وزيد مش قلنا متخرجش خلاص تخرج تحوس تعيش حياتها نورمال مش تدفن ومش العمل مقياس بلي راهي مدفونة
اما نسا بكري نقولك والله كانو يشتيو رجالتهم ومش قضية خوف ولا لالا قضية دين وخوف ربي قبل متخافو هي وكانو يخدمو بحديث من صامت شهرها وصلت فرضها وأطاعت زوجها وحصنت فرجها دخلت من أي باب من أبواب الجنة شاءت, وزيد جامي كانت طاعة الراجل ذل للمراة بالعكس كي تحترم راجلها وطيعو ربي يرضى عليها

كانت الجنة هي مبتاغهم قبل الدنيا عليها وفقهم ربي

ونزيد نقولك يا اختي العزيزة في وقتنا قلت النية وكثر الخبث الطفلة تجي تزوج حتان تقعد تخطط وكون يديرلي وكون يصرالي ومنخليهش انا يتحكم فيا ووو ومها من جيهة وباباها من جيهة وخوالها جيرانهاويكثرو التدبيرات وكون يديرلك راجل هكا متسمحيلوش ديراكت لدار باباك مكيش مطايشة و راهي دار باباك كاينة ,,,,,,, الخ من النصاح الجهنمية

قليل وين تلقاي اللي يهدي للخير ويحط الرحمة ويحاول يزرع في المجتمع انو الزواج هو اجمل شيء في حياة الراجل او المراة ادا عرفو كيفاش يعيشو ويتفقو

حتان ترجع تبان رايحة للحرب مش راح تزوج باش ترتاح ومش راح تعيش مع زوجها قول راح تعيش مع براني وهدا سبب الطلاق

كون كل وحدة تفوض امرها لله وتجعل زواجها بعد طاعة لربي سبحانو صدقيني اختي ربي يوفقها
وبادن الله ميكونش طلاق كي تكون القاعدة صحيحة لانو تبالي مش راح تزوج في الظلمة تبالي راح تكون فترة خطوبة ويتفاهمو وتشوف اسكو يتوافق معاها وقبل كل شيء تصلي صلاة الاستخارة واللي توكل على ربي مستحيل يخيبو

وانا من جيهتي راجل تجيه نورمال تخدم مرتو يعني ميغيرش ولا مغارش يعني ميشتيهاش ويرضى اي واحد يلوحلها الهدرة وعاكسها

ونسيت نعلق على خديجة رضي الله عنها وعملها ونقولك يا اختي وقت الرسول صلى الله عليه وسلم مكانش كي وقتنا وماكانوش الرجال يلوحو الهدرة ويعاكسو وكان الاحترام ومكانش الفتن مي وقتنا الفتن غير هيا مالا الاحسن تحكم المرا دارها كما قالهم جحا داري تستر عاري

شكرا ليكي نشكرك على ردك و اجابتك ربي يحفظك بصح كل ما نجي ن قولك حاجة ننسى ما علاباليش و علاش ههههههههههه اللهم يا جامع الناس ليوم لا ريب فيه اجمع ضالتي ..... عندك الحق درك كاين بزاااف الخلوطة و كاين التحرش بالكلام المؤذي بصح كاين اماكن عمل ماشاء الله انا كنت قلتلك اذا كانت الخدمة تستحق ان لا تتركها المرأة فالافضل انو ما تتركهاااش ... موفقة عزيزتي شكرا لكي .

djazia94 · 2012-07-10, 12:15

اقتباس:

المشاركة الأصلية كتبت بواسطة اسعى لرضى الله

يا اختي الطلاق صح كاين مقلناش مش كاين وهدا مش موضوع الاخت اللي طرحاتو كي تطلق اي ساهلة تروح تخدم
وزيد الطلاق في وقتنا وين كثر كي كثرو دعاوين الشر وكثر الخبث والنية مكانش بكري ويييييييييييييييين تسمعي بلي وحدة طلقت ونسا بكري يصبرو مي تاع دك ميجيبلهاش كيلو سكر تلقاها عند باباها المهم مكان لاه نخرجو على الموضوع
زيد اختي اقراي ردي مليح على اللخر واش قلت قلت منيش ضد عمل المراة بشرط يكون في الدار مثل الخياطة او بيع القاطوات بزاف حوايج وكي يكون في بيتها احسن يعني راهي تقفض دارها وقايمة بيها وبولادها وبراجلها خير ما يكون لبرا ويكون اختلاط
اما على ذمتها المالية يا وتصدق منها وتلقاها في قبرها انا نقولك يا اختي مال راجلها هو مالها ثاني لا سما هي عندها مالها وراجلها مالو وحدو سما هدي رجعو جيران مش زوجين وثاني كي يمدلها راجلها مصروفها تصدق منو نورمال اما في ما يخص كاينين رجال قادرين ولاباس بيهم مي ميوفروش واش تبغا مرتو هداك يا اختي منسميهش راجل وهداك اصلا كوني هانية ميقولش لمرتو حبسي خدمتك مادابيه تخدم وانا واش كتبت في ردي وواش رديت عليك قصدت راجل باتم الكلمة واعاودي اقراي ردي مليح راه لفوق واش قلت اما المراة اللي تقعد في الدار راهي كوراج ماهي كوراج ماوالو هديك هي بلاصتها الصح وزيد مش قلنا متخرجش خلاص تخرج تحوس تعيش حياتها نورمال مش تدفن ومش العمل مقياس بلي راهي مدفونة
اما نسا بكري نقولك والله كانو يشتيو رجالتهم ومش قضية خوف ولا لالا قضية دين وخوف ربي قبل متخافو هي وكانو يخدمو بحديث من صامت شهرها وصلت فرضها وأطاعت زوجها وحصنت فرجها دخلت من أي باب من أبواب الجنة شاءت, وزيد جامي كانت طاعة الراجل ذل للمراة بالعكس كي تحترم راجلها وطيعو ربي يرضى عليها

كانت الجنة هي مبتاغهم قبل الدنيا عليها وفقهم ربي

ونزيد نقولك يا اختي العزيزة في وقتنا قلت النية وكثر الخبث الطفلة تجي تزوج حتان تقعد تخطط وكون يديرلي وكون يصرالي ومنخليهش انا يتحكم فيا ووو ومها من جيهة وباباها من جيهة وخوالها جيرانهاويكثرو التدبيرات وكون يديرلك راجل هكا متسمحيلوش ديراكت لدار باباك مكيش مطايشة و راهي دار باباك كاينة ,,,,,,, الخ من النصاح الجهنمية

قليل وين تلقاي اللي يهدي للخير ويحط الرحمة ويحاول يزرع في المجتمع انو الزواج هو اجمل شيء في حياة الراجل او المراة ادا عرفو كيفاش يعيشو ويتفقو

حتان ترجع تبان رايحة للحرب مش راح تزوج باش ترتاح ومش راح تعيش مع زوجها قول راح تعيش مع براني وهدا سبب الطلاق

كون كل وحدة تفوض امرها لله وتجعل زواجها بعد طاعة لربي سبحانو صدقيني اختي ربي يوفقها
وبادن الله ميكونش طلاق كي تكون القاعدة صحيحة لانو تبالي مش راح تزوج في الظلمة تبالي راح تكون فترة خطوبة ويتفاهمو وتشوف اسكو يتوافق معاها وقبل كل شيء تصلي صلاة الاستخارة واللي توكل على ربي مستحيل يخيبو

وانا من جيهتي راجل تجيه نورمال تخدم مرتو يعني ميغيرش ولا مغارش يعني ميشتيهاش ويرضى اي واحد يلوحلها الهدرة وعاكسها

ونسيت نعلق على خديجة رضي الله عنها وعملها ونقولك يا اختي وقت الرسول صلى الله عليه وسلم مكانش كي وقتنا وماكانوش الرجال يلوحو الهدرة ويعاكسو وكان الاحترام ومكانش الفتن مي وقتنا الفتن غير هيا مالا الاحسن تحكم المرا دارها كما قالهم جحا داري تستر عاري

صح المرا بلاصتها فالدار
والمرا اللي تخدم تخرج للضرورة هديك حالة خاصة ماشي كيما دوك
ولات لي تطيع راجلها وتاخد رايو و تقعد فالدار
تبانلهم بلي جايحة و محقورة وماشي قاريا....
صح كاين لي مسكينة راجلها مريض ولا ماشي قاري ماعليش تعاونو ولا الي تخدم طبيبة نساء ولا اطفال هديك عندها الحق
بصح مشي اديرلو الشونطاج يا نخدم يا نروح لعند بابا
و لوكان اتجو تشوفوا المرا ماعندها حتى فايدة من الخدمة ادا كان راجلها لاباس عليه
بصح هدي طريقة تستعملها بعض النساء باش تفرض رايها برك
و زعما باش ماتبانش قدام راجلها بلي ضعيفة هادا ماكان
بالاك الخدمة تاع المرا تكون عندها ايجابيات بصح السلبيات اعظم
قالك الام مدرسة ان اعددتها اعددت شعب طيب الاعراق
قال الام التي تربي اولادها وليس المديرةة ولا المحاسبة ولا الشرطية

arbodar · 2012-07-10, 12:53

اقتباس:

المشاركة الأصلية كتبت بواسطة sihem30

و النسا نتاع بكري نظن كانو الله غالب عليهم يخافو من ازواجهم و عايشين تحت رحمتهم و تحتاجو و تخاف يخليها و تعيش تمثل عليه دور الحب او الطاعة المكرهة ... ماشي طيعو و هي حابة طيعو بالاكراه و كاين الي كانو بنيتهم و نجحو و كاين الي كانو يديرو دراهم مور رجالتهم ..... على بيها مليح المراة ما تطمعش بزاف في راجلهااا مليح كي دير المستقبل لروحها و يلا طاحت في راجل مليح و يعرف ربي ماكاش كيما هي راهو ماراحش يبخل عليها بحاجة و ما راحش يآذيها ان شاء الله شكرا على فكرتك و اتمنى لكي التوفيق عزيزتي .

كلامك هذا اجحاف في حق نساء بكري لي كانو نعم النساء
و انتي تقولي مكرهة و كأن طاعته اعدام؟ اليس الله من فرضها على الزوجة و جعلها مدخلا لها للجنة
و انتي تقولي كانو يحتاجوهم
يعني انتن هدقكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا

عُضو مُحترم · 2012-07-10, 18:42

اقتباس:

المشاركة الأصلية كتبت بواسطة arbodar

كلامك هذا اجحاف في حق نساء بكري لي كانو نعم النساء
و انتي تقولي مكرهة و كأن طاعته اعدام؟ اليس الله من فرضها على الزوجة و جعلها مدخلا للجنة
و انتي تقولي كانو يحتاجوهم
يعني انتن هدقكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا

عملية بيولوجية

غرضها التكاثر مثل بقية الثديات

لا اقل و لا أكثر

sihadj22 · 2012-07-10, 06:03

من أراد زوجة ماكثة بالبيت فليطلب هذا النوع بما أن هناك الآلاف من أمثالهن , و من أراد عكس ذلك فالحمد لله الجزائر أنجبت الكثير منهن.
.فاختار و أرتاح.....
فأنا أرى أن من كانت له إمكانيات فالزوجة الماكثة أولى له و أما من إمكانيته محدودة فالعاملة ستساعده....

MIWAKE · 2012-07-10, 14:50

يعني انتن هدفكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا
بارك الله فيك اخي طرحت السؤال الرئيسي و المحوري في الوضوع فبعض النساء يقلن ان العمل مليح لتوفير المال و تكن لهن استقلالية و المراة ما تروحش تطلب من راجلها المال و طيح بقيمتها اذن الزوجة التي تطلب من زوجها ان ينفق عليها طيح كرامتها العجب العجائب سمحولي بعض النساء عادوا اخوفوا تفكيرهم غريب

ورد تشرين · 2012-07-10, 15:24

لااااااااااااااااااااااا و الف لااااااااااااااااااااااا

أسمـاء · 2012-07-10, 18:41

من أحب او غيره
سأتوقف عن الدراسة والعمل

ان امكن ذلكـ

سلآمـ ..

وردة أمل · 2012-07-10, 18:57

بصراااااااااااااحة الأمر صعب و الفتاة هنا تكون بين خيارين ليس من السهل التنازل عن أحدهما بسهولة ,,,,,,,لكن في المقابل و اذا كان زوجها انسان على خلق و دين و لديه عمل حلال يقدر يسترزق منه فمن الممكن أنها ترضي زوجها بقبولها التوقف عن العمل ,,,,

و اذا تحدثت عن نفسي انا لا يهمني من العمل جني المال لأني الحمد لله متكفية لكني انسانة تحب توظف قدراتها في الميدان و نحب نفرض ذاتي في المجتمع ,,,,,,,لكن في مسألة الزواج صدقيني نفضل انوا شريك الحياة يكون متقبل لفكرة العمل و لو لفترة معينة (يعني ماشي لسنين طويلة) لأنو صعيب على وحدة قرات و تعبت و نالت الدرجات و في الأخير تعلق الشهادة في الحيط و تقعد تشوف فيها ,,,,,,,

لكن لو كان شرطه الأساسي التوقف عن العمل و اذا كان انسان يحمل مواصفات الانسان الخلوق و لي يقدر يعيشني في سعادة( لا أقصد السعادة الفانية) و كان الهدف من وراء طلبه غيرته على شريكة حياته ,,,,,,,فصدقيني رضاؤه هو الأولى و الأهم عندي ,,,,,,,,,فهو الأنسان الذي سأكمل معه مشوار حياتي

بصح واش راني نشوف دوك الرجل هم لي يطلب من المرأة العمل لأنو بكل بساطة طامع في مالها و المستهدفة بالدرجة الأولى هي العاملة في ميدان التعليم ,,,,,لانها راهم يدخلوها دراهم كبار في هاذ العامين التاليين و الله ما يشوف لا في أصلها و لا خلقها ,,,,

شكراااااااااااا لك على الطرح المهم

تحيااااااااااتي العطرة لك

عُضو مُحترم · 2012-07-10, 20:16

اقتباس:

المشاركة الأصلية كتبت بواسطة وردة أمل

بصراااااااااااااحة الأمر صعب و الفتاة هنا تكون بين خيارين ليس من السهل التنازل عن أحدهما بسهولة ,,,,,,,لكن في المقابل و اذا كان زوجها انسان على خلق و دين و لديه عمل حلال يقدر يسترزق منه فمن الممكن أنها ترضي زوجها بقبولها التوقف عن العمل ,,,,

و اذا تحدثت عن نفسي انا لا يهمني من العمل جني المال لأني الحمد لله متكفية لكني انسانة تحب توظف قدراتها في الميدان و نحب نفرض ذاتي في المجتمع ,,,,,,,لكن في مسألة الزواج صدقيني نفضل انوا شريك الحياة يكون متقبل لفكرة العمل و لو لفترة معينة (يعني ماشي لسنين طويلة) لأنو صعيب على وحدة قرات و تعبت و نالت الدرجات و في الأخير تعلق الشهادة في الحيط و تقعد تشوف فيها ,,,,,,,

لكن لو كان شرطه الأساسي التوقف عن العمل و اذا كان انسان يحمل مواصفات الانسان الخلوق و لي يقدر يعيشني في سعادة( لا أقصد السعادة الفانية) و كان الهدف من وراء طلبه غيرته على شريكة حياته ,,,,,,,فصدقيني رضاؤه هو الأولى و الأهم عندي ,,,,,,,,,فهو الأنسان الذي سأكمل معه مشوار حياتي

بصح واش راني نشوف دوك الرجل هم لي يطلب من المرأة العمل لأنو بكل بساطة طامع في مالها و المستهدفة بالدرجة الأولى هي العاملة في ميدان التعليم ,,,,,لانها راهم يدخلوها دراهم كبار في هاذ العامين التاليين و الله ما يشوف لا في أصلها و لا خلقها ,,,,

شكراااااااااااا لك على الطرح المهم

تحيااااااااااتي العطرة لك

هههههه

والله يا اختي امل
لو يرزقني الله بزوجة عندها شهادة

سامنعها من تعليقها

ما الفائدة من تعليق الشهادة؟؟؟؟

كل ما تشوفها تتحسر و تندم على الزواج مني .وعلى قرايتها

و ممكن تخدملها في راسها

وتقوللي نخدم و لا طلقني

نطلقها طبعا

وردة أمل · 2012-07-10, 22:30

اقتباس:

المشاركة الأصلية كتبت بواسطة عُضو مُحترم

هههههه

والله يا اختي امل
لو يرزقني الله بزوجة عندها شهادة

سامنعها من تعليقها

ما الفائدة من تعليق الشهادة؟؟؟؟

كل ما تشوفها تتحسر و تندم على الزواج مني .وعلى قرايتها

و ممكن تخدملها في راسها

وتقوللي نخدم و لا طلقني

نطلقها طبعا

هههههههه و الله غير ضحكتني ,,,,,,,وفي هاذي عندك الحق و هو أفضل حق هكذا ماتقابلهاش كل يوم و تقعد تتحسر كيما قلت,,

بصح يلا كانت تحوس على سعادتها و استقرار حياتها الزوجية مستحيل تطلب الطلاق على جال الخدمة,,,,,و في الاخر هي رايحة تقعد في الدار ,,,,,,,,

و في رايي ماكانش وحدة عاقلة تبيع سعادتها بهاذ السهولة,,,,,,,,و زيد حتى يلا طلقت و خدمت و من بعد واش؟؟؟؟ رايحة تعلي القصور ؟؟؟

الأحسن تركّز روحها و تهتم بدارها

MIWAKE · 2012-07-10, 19:57

السلام عليكم اسمحولي فقط و اتمنى ان المشاركات لايغضبن مني عندما اسمع و الاحظ ان الكثير من النساء يفضلن العمل ويقلن انه من الصعب التخلي عن العمل كانهن يتقلدن مناصب عليا في الشركات او مؤسسات الدولة و البنوك مع وجود امتيازات ماشاء الله راتب مرتفع و سكن + سيارة اي لها مركز اجتماعي مرموق هنا ربما اتفهم لماذا النساء يرفضن ترك العمل لكن الواقع معروف القليل والقليل من الجزائريات رهم في هذه المرتبة اما الغالبية نجدهم سواء في التعليم تقري كل يوم تربح غير المرض السكر و ضغط الدم و تسمع الكلام الجارح الفاحش من طرف التلاميد وكل نعرف ذلك او تخدم في الادارات خدمة روتين وفيها ضغط و مشاكل و راتب ضعيف بالضافة الى الاختلاط اكثر من اي مكان اخر فانا رجل و مجبر على العمل سواء كنت اتقلد منصب جيد ام لا و رغم ذللك عنذما كنت ابحث عن عمل كنت اشترط و لاختار اي عمل و اي راتب

djazia94 · 2012-07-12, 11:31

اقتباس:

المشاركة الأصلية كتبت بواسطة miwake

السلام عليكم اسمحولي فقط و اتمنى ان المشاركات لايغضبن مني عندما اسمع و الاحظ ان الكثير من النساء يفضلن العمل ويقلن انه من الصعب التخلي عن العمل كانهن يتقلدن مناصب عليا في الشركات او مؤسسات الدولة و البنوك مع وجود امتيازات ماشاء الله راتب مرتفع و سكن + سيارة اي لها مركز اجتماعي مرموق هنا ربما اتفهم لماذا النساء يرفضن ترك العمل لكن الواقع معروف القليل والقليل من الجزائريات رهم في هذه المرتبة اما الغالبية نجدهم سواء في التعليم تقري كل يوم تربح غير المرض السكر و ضغط الدم و تسمع الكلام الجارح الفاحش من طرف التلاميد وكل نعرف ذلك او تخدم في الادارات خدمة روتين وفيها ضغط و مشاكل و راتب ضعيف بالضافة الى الاختلاط اكثر من اي مكان اخر فانا رجل و مجبر على العمل سواء كنت اتقلد منصب جيد ام لا و رغم ذللك عنذما كنت ابحث عن عمل كنت اشترط و لاختار اي عمل و اي راتب

صح سلبيات عمل المراة اكثر من ايجابياتها
خصوصا ادا كان راجلها ماشي راضي
بصح دوك النسا ما يهمهمش المنصب
كيما كان راهي فالفائدة
لاخاطش الراجل لخلاص اتاعو يقسمو معاها ومع ولادو
بصح هي تصرفهم كيما يهوالها

فرد من عمار الأرض · 2012-07-10, 20:22

ماقريتش باش نقعد في الدار...

اسعى لرضى الله · 2012-07-10, 21:26

علاه انتوما قريتو باش تخدمو برك؟ وعلاه القراية لازم تخدم بيها ولا صاي تروح قرايتها ؟

القراية كي تقرا راح تثقف روحها وتستغلها ا في كل مجالات حياتها نعطيك امثلة مثلا

ولادها اكيد يجي نهار يدخلو يقراو راح تعاونهم وتقريهم وتحفظهم القران وتعلمهم الصلاة

راجلها كي تحكي معاه اي تدي منو واش يعرف ويدي عليها واش تعرف

والقراية في نظري مش غير شهادة القراية راها ثقافة في كل مجالات الحياة

اما في ما يخص تفرض نفسها في المجتمع

كوني اكيدة لا فرضت روحها في دارها وربات ولادها احسن تربية ووقفت مع راجلها

راح تكون فرضت روحها في المجتمع