هل تقبلين التوقف عن العمل مقابل الزواج بمن تحبين - الصفحة 6

djazia94 · 2012-07-09, 20:16

اقتباس:

المشاركة الأصلية كتبت بواسطة rihanna

merci
à savoir .....

ادا ماعلابالكش حاجة انا نقولهالك
ما تيماجينيش شحال فرحت كي قريت لا غيبونس تاعك هديي
مالغري مانعرفكش
وماعلاباليش اسكو كتبتيها من قلبك ولا باش تليكيدينا
بصح جوسوي سوغ بلي انت وحدة هايلة وعندك بدرة خير في قلبك
فرحت لاخاطش خونا العضو المحترم هادا شحال وهو موراك موراك و ماقولتيهالوش ههههه
بصح رانا ننصحوا فيك على صلاحك ختي صدقينا
و حنا رانا مركزين عليك انت لاخاطش لوكان ادريه انت بالدات رايحة اتخلي بزاف بنات ف لا فامي تاعك و فالدشرة اتاعك يخمموا فيه وبالاك يديروه و تدي الاجر انت تاني معاهم
باش نقولك برك انا ثاني من تيزي من عزازقة اقزاكتومون
و كي درت الحيجاب لقيت بلي فيه حوايج ملاح بزاااااف ماكونش شايفتهم قبل مادرتو
ان شاء الله ياربي و ماتضيع من يد المسلمين وردة كيما انتيا يا حبيبتي ريانة
اتمنى لكي التوفيق من اعماق قلبي

Rihanna · 2012-07-09, 20:25

اقتباس:

المشاركة الأصلية كتبت بواسطة djazia94

ادا ماعلابالكش حاجة انا نقولهالك
ما تتصوريش شحال فرحت كي قريت لا غيبونس تاعك هديي
مالغري مانعرفكش
وماعلاباليش ادا كتبتيها من قلبك ولا باش تليكيدينا
بصح جوسوي سوغ بلي انت وحدة هايلة وعندك بدرت خير في قلبك
فرحت لاخاطش خونا العضو المحترم هادا ضحال وهو موراك موراك و ماقولتيهالوش ههههه
بصح رانا ننصحوا فيك على صلاحك ختي صدقينا
و حنا رانا مركزين عليك انت لاخاطش لوكان ادريه انت بالدات رايح اتخلي بزاف بنات ف لا فامي تاعك و فالدشرة اتاعك يخمموا فيه وبالاك يديروه و تدي الاجر انت تاني
انشاء الله ياربي و ماتضيع من يدنا وردة كيما انتيا يا حبيبتي ريانة
اتمنى لكي التوفيق من اعماق قلبي

شكرا أختي
والله والفت هدا المنتدى لي تعلمت منو بزاف أشياء
تعرفت على ناس جدد و اكتشفت عقلياتهم المختلفة عني
كل هدا بفظلكم و راني بزاف متأثرة
ربي يجيب لي فيه الخير
بارك الله فيكم

djazia94 · 2012-07-09, 20:30

اقتباس:

المشاركة الأصلية كتبت بواسطة rihanna

شكرا أختي
والله والفت هدا المنتدى لي تعلمت منو بزاف أشياء
تعرفت على ناس جدد و اكتشفت عقلياتهم المختلفة عني
كل هدا بفظلكم و راني بزاف متأثرة
ربي يجيب لي فيه الخير
بارك الله فيكم

و الله و الله و الله غير انتيا هاااااايلة

Rihanna · 2012-07-09, 20:32

اقتباس:

المشاركة الأصلية كتبت بواسطة djazia94

و الله و الله و الله غير انتيا هاااااايلة

انتى تان ربي يخليك

نور اليقين جيداء · 2012-07-09, 22:44

السلام عليكم
انا كنت نخدم و خطبني انسان لي حبيتو و حبنيي
وشرط عليا ا نحبس لخدمتي جاتني تقيلة حبست عادييي و ريحت فالدار
و لضروف ليا و ليه الخطبة انفسخت
و مزالي مريحة في دارنا
الحمد الله
عادي والله الدار سترة كي كون الواحد قادر على شقاه

اسعى لرضى الله · 2012-07-10, 02:59

السلام عليكم

صراحة انا منخممش في الخدمة بعد الزواج من رغم انو بعض افراد عائلتي ديما يقولولي اخدمي خير ومكانش قد الخدمة ... الخ

لكن انا مقتنعة انو الدار هي المكان الانسب للمراة بعد الزواج لانو تلقا فيه راحتها وتكون جوهرة مشي اي واحد يوصلها ويتبلى عليها

واصلا نفرضو انو المراة المتزوجية خدمت وتعبت وشقات وعندها شهريتها بصح في نظري الاشياء اللي راح تخسرهم كثر من اللي راح تربحهم
خاصة لا كانت مدة عملها كبيرة ومتقدرش توفق بين العمل والدار

راح تخسر راجلها لانها راح تقصر معاه في بزاف حوايج لانو الراجل اظن يحوس على الراحة النفسية اكثر من يحوس على مراة طيب وتغسل وتنظف ويروح يلقا مرتو تسنا فيه ويلقا ولادو في دارو نظاف ودارو مرتبة وكلش معدول مشي يروح يلقا مرتو اي تحل في لباب هي ثاني اي هدا وين روحت ومع تدخل الروضة مدورش وتتجه دييراكت للكوزينة تبدا طيب وتغسل ووو ويلقا ولادو يا عند ناناهم يا هداك وين جابوهم من لاكراش ( المكان اللي يعلم لولاد دعاوين الشر كامل قالك لاكراش يعملوهم السور والاناشيد علاه انتي مقريتيش لدرجة متقدريش تعلمي ولادك سورة الفاتحة او الكرسي ؟؟؟ ) وكي تكمل الطياب تروح ترقد والمدة اللي تقضيها في الخدمة مع اللي يخدم معاها كثر من المدة اللي تقضيها مع راجلها وبالاك اللي يخدم معاها يعرفها خير ما يعرفها راجلها واظن انو منا يبداو المشاكل والخيانة الزوجية كيعاد الراجل اكيد راح يحوس على امراة اخرى

وزيد انا هدا منسميهش زواج ومينطبقش عليه كلمة زواج انا الزواج في بالي هو راحة نفسية اكثر

واصلا سما كي شغل الراجل او عايش مع صاحبو مشي مرتو

وزيد ايضا ولادها هدوك او موضوع اخر بالاك متعرفش مامبا واش يشتيو واش يكرهو

من بعد يقولك ولادنا خرجو طايرين ميصليوش وووو

ريحي احكمي دارك ربي ولادك على الصلاة والقران وتابعي قرايتهم

واكثر من هدا والله ربي ماراح يسقسيك اسكو خدمتي وقداه سلكتي ؟
راح يسقسيك على راجلك وولادك واي تقصير في حقهم راح تتحاسبي عليه راهي مسؤولية مش تمسخير الزواج

ملاحظة انا منيش ضد عمل المراة لكن يكون في الدار مثل الخياطة او القاطوات او او وتعاون راجلها في نفس الوقت من رغم انو خرين يعتبروه تطياح نيفو وو مي والله غير عمل شريف خير ما تنوض صبحية ربي تحشر الرجال في البيس وتسمع كاش كلمات كامل خارجين نطاق التغطية

ووانا اكيد منخدمش لاني نفضل راجلي وولادي على الخدمة لانو راجلي راح يكون فوق راسي

وهدي اضافة من عندي

ما يريده الرجل من زوجته

اسعى لرضى الله · 2012-07-10, 03:02

[اللي قالو قرينا وتعبنا ووو ويروح تعبنا

يا اختي مليحة القراية مي مش معناها كي متخدميش راح تروح قرايتك لالا استغليها وقري ولادك وعلميهم وبالاك مام راجلك تفيديه بواش قريتي

sihem30 · 2012-07-10, 03:49

سؤال : الي يقولو نقعدو في الدار ؟؟؟؟ هل زوجك الي منعك عن العمل راح ينفعك اذا مات لا قدر الله و خلالك مجموعة من الاطفال ؟؟ رايحة تقوليلي كاين ربي هو الي يرزقني صح ربي يرزق جميع العباد بصح لازم راجلك يخمم عليك و يبنيلك مستقبلك او يضمنهولك انتي و الاطفال و يحاول يديرلك حاجة تكون عندك المنحة منحة تقاعد نهار تكبري و تولي عجوزة ؟؟؟ على الاقل تقدري تشري الدواااااا و تقدري تعاوني واش قعدلك من ولادك ولا راني غالطة ؟؟ صح مليح كي تقعد المرأة في الدار بصح لازم تمارس بزاف امور في حياتها باش ما توليش منغلقة تشارك في حياتها باي شيئ القعدة نتاع الدار راهي شيئ ممل كذلك ؟؟ مليح تربية الاطفال بصح مليح تتعلم المرأة تعتمد على نفسها و تنتوكل على ربي خاطر حاجة ما تنفعها على حساب واش شفنا واش رانا نشوفو ف يالمحاكم ... نهار راجلك يطلقك ما تلقاي غير خدمتك تنفعك ... نهار راجلك يموت لا قدر الله ما تلقاي غير خدمتك تنفعك انتي وواولادك ... يعني باختصار انا راني نقصد بلي اذا كان الراجل ربي رزقو و عطالو علاش ما يضمنش مستقبل مرتو و اولادووو ؟؟؟؟ ولا لازم المرأة تتحمل و تصبر و تسمح في حقها و في الاخير ادا راح و لا غاب و لا خلاها لا قدر الله تولي تندب حظها ؟ خاصة اذا كبرت ما تلقى غير هديك المنحة التقاعد الي تصرف بيها تشري بيها الدواء او تعالج نفسها كي نكبرو راكم تعرفو واش يصرا الواحد يولي عاجز ........ شكرا على الموضوع و نتمنى نشوف ارائكم و رئيكم في كلامي ادا صح و لا راني غالطة و شكرا .....

اسعى لرضى الله · 2012-07-10, 04:00

اقتباس:

المشاركة الأصلية كتبت بواسطة sihem30

سؤال : الي يقولو نقعدو في الدار ؟؟؟؟ هل زوجك الي منعك عن العمل راح ينفعك اذا مات لا قدر الله و خلالك مجموعة من الاطفال ؟؟ رايحة تقوليلي كاين ربي هو الي يرزقني صح ربي يرزق جميع العباد بصح لازم راجلك يخمم عليك و يبنيلك مستقبلك او يضمنهولك انتي و الاطفال و يحاول يديرلك حاجة تكون عندك المنحة منحة تقاعد نهار تكبري و تولي عجوزة ؟؟؟ على الاقل تقدري تشري الدواااااا و تقدري تعاوني واش قعدلك من ولادك ولا راني غالطة ؟؟ صح مليح كي تقعد المرأة في الدار بصح لازم تمارس بزاف امور في حياتها باش ما توليش منغلقة تشارك في حياتها باي شيئ القعدة نتاع الدار راهي شيئ ممل كذلك ؟؟ مليح تربية الاطفال بصح مليح تتعلم المرأة تعتمد على نفسها و تنتوكل على ربي خاطر حاجة ما تنفعها على حساب واش شفنا واش رانا نشوفو ف يالمحاكم ... نهار راجلك يطلقك ما تلقاي غير خدمتك تنفعك ... نهار راجلك يموت لا قدر الله ما تلقاي غير خدمتك تنفعك انتي وواولادك ... يعني باختصار انا راني نقصد بلي اذا كان الراجل ربي رزقو و عطالو علاش ما يضمنش مستقبل مرتو و اولادووو ؟؟؟؟ ولا لازم المرأة تتحمل و تصبر و تسمح في حقها و في الاخير ادا راح و لا غاب و لا خلاها لا قدر الله تولي تندب حظها ؟ خاصة اذا كبرت ما تلقى غير هديك المنحة التقاعد الي تصرف بيها تشري بيها الدواء او تعالج نفسها كي نكبرو راكم تعرفو واش يصرا الواحد يولي عاجز ........ شكرا على الموضوع و نتمنى نشوف ارائكم و رئيكم في كلامي ادا صح و لا راني غالطة و شكرا .....

يا اختي علاه تسناو غير الشر ان شاء الله يطولو ربي في عمرو ولا قدر ربي ومات ثم معليش تخدم نورمال وكوني اكيدة ثم لا خرجت باش تخدم تعيش ولادها اقسم بربي غير يرزقها ويسرلها امورها وزيد ثم او باين سبب مقنع ,وزيد اللي قادر رجلها ورزقو او باين لا خلات مرتو خدمتها راح يضمنلها مستقبلها وزيد من ترك شيئا لله عوضه خيرا منه وزيد بالاك هي تموت قبلو
وزيد ان شاء الله واش يدينا للطلاق لا خيرت راجل مدين ومتخلق وزيد خلات خدمتها على وجه الله و جال راجلها باش تقوم بيه وجال ولادها والله كوني اكيدة مية بالمية يا اختي مستحيل ربي يخيبها وربي راح يرزقها عيشة هانية

علاه نسا بكري خدمو؟ نصهم مخدمش بصح راهم لاباس بيهم كبرو ولادهم ودارو ديار ربي يبارك وراهم هانيين وربي دارلهم القسم في رجالتهم وولادهم

يا اختي زيدي مش مليح الواحد يبني حياتو على حالات شافهم كيعاد كل واحد ورزقو وكل واحد واش مكتبلو ربي والرزق في يدو سبحانو

ان شاء الله وصلاتك فكرتي اختي

sihem30 · 2012-07-10, 05:01

اقتباس:

المشاركة الأصلية كتبت بواسطة اسعى لرضى الله

يا اختي علاه تسناو غير الشر ان شاء الله يطولو ربي في عمرو ولا قدر ربي ومات ثم معليش تخدم نورمال وكوني اكيدة ثم لا خرجت باش تخدم تعيش ولادها اقسم بربي غير يرزقها ويسرلها امورها وزيد ثم او باين سبب مقنع ,وزيد اللي قادر رجلها ورزقو او باين لا خلات مرتو خدمتها راح يضمنلها مستقبلها وزيد من ترك شيئا لله عوضه خيرا منه وزيد بالاك هي تموت قبلو
وزيد ان شاء الله واش يدينا للطلاق لا خيرت راجل مدين ومتخلق وزيد خلات خدمتها على وجه الله و جال راجلها باش تقوم بيه وجال ولادها والله كوني اكيدة مية بالمية يا اختي مستحيل ربي يخيبها وربي راح يرزقها عيشة هانية

علاه نسا بكري خدمو؟ نصهم مخدمش بصح راهم لاباس بيهم كبرو ولادهم ودارو ديار ربي يبارك وراهم هانيين وربي دارلهم القسم في رجالتهم وولادهم

يا اختي زيدي مش مليح الواحد يبني حياتو على حالات شافهم كيعاد كل واحد ورزقو وكل واحد واش مكتبلو ربي والرزق في يدو سبحانو

ان شاء الله وصلاتك فكرتي اختي

شكرا لردك ، الطلاق راهو كاين يا اختي ؟ كاين رجال متدينين بصح طلقوا نساءهم لانهم فشلو معاهم ؟ العلاقة الزوجية تحتمل الفشل و النجاح بصح احنا نقولو ربي يكملها ... و يوفق ..

النقطة الثانية : مليح كي يكون للمراة ذمة مالية مستقلة لان في الاسلام جعل الذمة المالية للمراة مستقلة عن الذمة المالية للرجل و هذا الشي يخلينا نعرفو بلي المراة من حقها تعمل شرط انها ما تهملش مسؤوليتها اتجاه زوجها و اطفالها .. السيدة خديجة رضي الله عنها كانت تاجرة و تعمل و كان الرسول صلى الله عليه و سلم يعينها في عملها و انجبت منه ابناء و بنات ... السيدة زينب اعتقد اذا مارانيش غالطة كانت تعمل في بيتها .... المهم هناك اللكثير من الاعمال الي ممكن تعملهم المراة على الاقل نهار تحب تتصدق و تزكي و دير الخير تلقى دراهم من ذمتها المالية نتاعها ينفعوها في قبرها .. و تقدر تعاون ولادها اذا احتاجو لحاجة و ما قدرش راجلها يوفرها .... كاين رجال لاباس بيهم بصح ما يحبوش يوفرو كل حاجة للمراة .و للدراري حسباتلهم كي يولفوها بالمصروف رايحة تتقلش اكثر و ما تقدرش تتحمل المسؤولية و هدا غلط .... و الي قدرت تقعد في الدار و الله غير راهي كووورااااجججج ربي يعطينا من قوتهااا خاطر اذا لقات المراة خدمة تستاهل ما تراطيييهاااش خييييررررر يعني ما تراطي راجلها ما تراطي الخدمة الي تسترزق بيها و تحس بلي تقدر دير حاجة لروحها ...

و النسا نتاع بكري نظن كانو الله غالب عليهم يخافو من ازواجهم و عايشين تحت رحمتهم و تحتاجو و تخاف يخليها و تعيش تمثل عليه دور الحب او الطاعة المكرهة ... ماشي طيعو و هي حابة طيعو بالاكراه و كاين الي كانو بنيتهم و نجحو و كاين الي كانو يديرو دراهم مور رجالتهم ..... على بيها مليح المراة ما تطمعش بزاف في راجلهااا مليح كي دير المستقبل لروحها و يلا طاحت في راجل مليح و يعرف ربي ماكاش كيما هي راهو ماراحش يبخل عليها بحاجة و ما راحش يآذيها ان شاء الله شكرا على فكرتك و اتمنى لكي التوفيق عزيزتي .

اسعى لرضى الله · 2012-07-10, 05:19

اقتباس:

المشاركة الأصلية كتبت بواسطة sihem30

شكرا لردك ، الطلاق راهو كاين يا اختي ؟ كاين رجال متدينين بصح طلقوا نساءهم لانهم فشلو معاهم ؟ العلاقة الزوجية تحتمل الفشل و النجاح بصح احنا نقولو ربي يكملها ... و يوفق ..

النقطة الثانية : مليح كي يكون للمراة ذمة مالية مستقلة لان في الاسلام جعل الذمة المالية للمراة مستقلة عن الذمة المالية للرجل و هذا الشي يخلينا نعرفو بلي المراة من حقها تعمل شرط انها ما تهملش مسؤوليتها اتجاه زوجها و اطفالها .. السيدة خديجة رضي الله عنها كانت تاجرة و تعمل و كان الرسول صلى الله عليه و سلم يعينها في عملها و انجبت منه ابناء و بنات ... السيدة زينب اعتقد اذا مارانيش غالطة كانت تعمل في بيتها .... المهم هناك اللكثير من الاعمال الي ممكن تعملهم المراة على الاقل نهار تحب تتصدق و تزكي و دير الخير تلقى دراهم من ذمتها المالية نتاعها ينفعوها في قبرها .. و تقدر تعاون ولادها اذا احتاجو لحاجة و ما قدرش راجلها يوفرها .... كاين رجال لاباس بيهم بصح ما يحبوش يوفرو كل حاجة للمراة .و للدراري حسباتلهم كي يولفوها بالمصروف رايحة تتقلش اكثر و ما تقدرش تتحمل المسؤولية و هدا غلط .... و الي قدرت تقعد في الدار و الله غير راهي كووورااااجججج ربي يعطينا من قوتهااا خاطر اذا لقات المراة خدمة تستاهل ما تراطيييهاااش خييييررررر يعني ما تراطي راجلها ما تراطي الخدمة الي تسترزق بيها و تحس بلي تقدر دير حاجة لروحها ...

و النسا نتاع بكري نظن كانو الله غالب عليهم يخافو من ازواجهم و عايشين تحت رحمتهم و تحتاجو و تخاف يخليها و تعيش تمثل عليه دور الحب او الطاعة المكرهة ... ماشي طيعو و هي حابة طيعو بالاكراه و كاين الي كانو بنيتهم و نجحو و كاين الي كانو يديرو دراهم مور رجالتهم ..... على بيها مليح المراة ما تطمعش بزاف في راجلهااا مليح كي دير المستقبل لروحها و يلا طاحت في راجل مليح و يعرف ربي ماكاش كيما هي راهو ماراحش يبخل عليها بحاجة و ما راحش يآذيها ان شاء الله شكرا على فكرتك و اتمنى لكي التوفيق عزيزتي .

يا اختي الطلاق صح كاين مقلناش مش كاين وهدا مش موضوع الاخت اللي طرحاتو كي تطلق اي ساهلة تروح تخدم
وزيد الطلاق في وقتنا وين كثر كي كثرو دعاوين الشر وكثر الخبث والنية مكانش بكري ويييييييييييييييين تسمعي بلي وحدة طلقت ونسا بكري يصبرو مي تاع دك ميجيبلهاش كيلو سكر تلقاها عند باباها المهم مكان لاه نخرجو على الموضوع
زيد اختي اقراي ردي مليح على اللخر واش قلت قلت منيش ضد عمل المراة بشرط يكون في الدار مثل الخياطة او بيع القاطوات بزاف حوايج وكي يكون في بيتها احسن يعني راهي تقفض دارها وقايمة بيها وبولادها وبراجلها خير ما يكون لبرا ويكون اختلاط
اما على ذمتها المالية يا وتصدق منها وتلقاها في قبرها انا نقولك يا اختي مال راجلها هو مالها ثاني لا سما هي عندها مالها وراجلها مالو وحدو سما هدي رجعو جيران مش زوجين وثاني كي يمدلها راجلها مصروفها تصدق منو نورمال اما في ما يخص كاينين رجال قادرين ولاباس بيهم مي ميوفروش واش تبغا مرتو هداك يا اختي منسميهش راجل وهداك اصلا كوني هانية ميقولش لمرتو حبسي خدمتك مادابيه تخدم وانا واش كتبت في ردي وواش رديت عليك قصدت راجل باتم الكلمة واعاودي اقراي ردي مليح راه لفوق واش قلت اما المراة اللي تقعد في الدار راهي كوراج ماهي كوراج ماوالو هديك هي بلاصتها الصح وزيد مش قلنا متخرجش خلاص تخرج تحوس تعيش حياتها نورمال مش تدفن ومش العمل مقياس بلي راهي مدفونة
اما نسا بكري نقولك والله كانو يشتيو رجالتهم ومش قضية خوف ولا لالا قضية دين وخوف ربي قبل متخافو هي وكانو يخدمو بحديث من صامت شهرها وصلت فرضها وأطاعت زوجها وحصنت فرجها دخلت من أي باب من أبواب الجنة شاءت, وزيد جامي كانت طاعة الراجل ذل للمراة بالعكس كي تحترم راجلها وطيعو ربي يرضى عليها

كانت الجنة هي مبتاغهم قبل الدنيا عليها وفقهم ربي

ونزيد نقولك يا اختي العزيزة في وقتنا قلت النية وكثر الخبث الطفلة تجي تزوج حتان تقعد تخطط وكون يديرلي وكون يصرالي ومنخليهش انا يتحكم فيا ووو ومها من جيهة وباباها من جيهة وخوالها جيرانهاويكثرو التدبيرات وكون يديرلك راجل هكا متسمحيلوش ديراكت لدار باباك مكيش مطايشة و راهي دار باباك كاينة ,,,,,,, الخ من النصاح الجهنمية

قليل وين تلقاي اللي يهدي للخير ويحط الرحمة ويحاول يزرع في المجتمع انو الزواج هو اجمل شيء في حياة الراجل او المراة ادا عرفو كيفاش يعيشو ويتفقو

حتان ترجع تبان رايحة للحرب مش راح تزوج باش ترتاح ومش راح تعيش مع زوجها قول راح تعيش مع براني وهدا سبب الطلاق

كون كل وحدة تفوض امرها لله وتجعل زواجها بعد طاعة لربي سبحانو صدقيني اختي ربي يوفقها
وبادن الله ميكونش طلاق كي تكون القاعدة صحيحة لانو تبالي مش راح تزوج في الظلمة تبالي راح تكون فترة خطوبة ويتفاهمو وتشوف اسكو يتوافق معاها وقبل كل شيء تصلي صلاة الاستخارة واللي توكل على ربي مستحيل يخيبو

وانا من جيهتي راجل تجيه نورمال تخدم مرتو يعني ميغيرش ولا مغارش يعني ميشتيهاش ويرضى اي واحد يلوحلها الهدرة وعاكسها

ونسيت نعلق على خديجة رضي الله عنها وعملها ونقولك يا اختي وقت الرسول صلى الله عليه وسلم مكانش كي وقتنا وماكانوش الرجال يلوحو الهدرة ويعاكسو وكان الاحترام ومكانش الفتن مي وقتنا الفتن غير هيا مالا الاحسن تحكم المرا دارها كما قالهم جحا داري تستر عاري

sihem30 · 2012-07-10, 05:44

اقتباس:

المشاركة الأصلية كتبت بواسطة اسعى لرضى الله

يا اختي الطلاق صح كاين مقلناش مش كاين وهدا مش موضوع الاخت اللي طرحاتو كي تطلق اي ساهلة تروح تخدم
وزيد الطلاق في وقتنا وين كثر كي كثرو دعاوين الشر وكثر الخبث والنية مكانش بكري ويييييييييييييييين تسمعي بلي وحدة طلقت ونسا بكري يصبرو مي تاع دك ميجيبلهاش كيلو سكر تلقاها عند باباها المهم مكان لاه نخرجو على الموضوع
زيد اختي اقراي ردي مليح على اللخر واش قلت قلت منيش ضد عمل المراة بشرط يكون في الدار مثل الخياطة او بيع القاطوات بزاف حوايج وكي يكون في بيتها احسن يعني راهي تقفض دارها وقايمة بيها وبولادها وبراجلها خير ما يكون لبرا ويكون اختلاط
اما على ذمتها المالية يا وتصدق منها وتلقاها في قبرها انا نقولك يا اختي مال راجلها هو مالها ثاني لا سما هي عندها مالها وراجلها مالو وحدو سما هدي رجعو جيران مش زوجين وثاني كي يمدلها راجلها مصروفها تصدق منو نورمال اما في ما يخص كاينين رجال قادرين ولاباس بيهم مي ميوفروش واش تبغا مرتو هداك يا اختي منسميهش راجل وهداك اصلا كوني هانية ميقولش لمرتو حبسي خدمتك مادابيه تخدم وانا واش كتبت في ردي وواش رديت عليك قصدت راجل باتم الكلمة واعاودي اقراي ردي مليح راه لفوق واش قلت اما المراة اللي تقعد في الدار راهي كوراج ماهي كوراج ماوالو هديك هي بلاصتها الصح وزيد مش قلنا متخرجش خلاص تخرج تحوس تعيش حياتها نورمال مش تدفن ومش العمل مقياس بلي راهي مدفونة
اما نسا بكري نقولك والله كانو يشتيو رجالتهم ومش قضية خوف ولا لالا قضية دين وخوف ربي قبل متخافو هي وكانو يخدمو بحديث من صامت شهرها وصلت فرضها وأطاعت زوجها وحصنت فرجها دخلت من أي باب من أبواب الجنة شاءت, وزيد جامي كانت طاعة الراجل ذل للمراة بالعكس كي تحترم راجلها وطيعو ربي يرضى عليها

كانت الجنة هي مبتاغهم قبل الدنيا عليها وفقهم ربي

ونزيد نقولك يا اختي العزيزة في وقتنا قلت النية وكثر الخبث الطفلة تجي تزوج حتان تقعد تخطط وكون يديرلي وكون يصرالي ومنخليهش انا يتحكم فيا ووو ومها من جيهة وباباها من جيهة وخوالها جيرانهاويكثرو التدبيرات وكون يديرلك راجل هكا متسمحيلوش ديراكت لدار باباك مكيش مطايشة و راهي دار باباك كاينة ,,,,,,, الخ من النصاح الجهنمية

قليل وين تلقاي اللي يهدي للخير ويحط الرحمة ويحاول يزرع في المجتمع انو الزواج هو اجمل شيء في حياة الراجل او المراة ادا عرفو كيفاش يعيشو ويتفقو

حتان ترجع تبان رايحة للحرب مش راح تزوج باش ترتاح ومش راح تعيش مع زوجها قول راح تعيش مع براني وهدا سبب الطلاق

كون كل وحدة تفوض امرها لله وتجعل زواجها بعد طاعة لربي سبحانو صدقيني اختي ربي يوفقها
وبادن الله ميكونش طلاق كي تكون القاعدة صحيحة لانو تبالي مش راح تزوج في الظلمة تبالي راح تكون فترة خطوبة ويتفاهمو وتشوف اسكو يتوافق معاها وقبل كل شيء تصلي صلاة الاستخارة واللي توكل على ربي مستحيل يخيبو

وانا من جيهتي راجل تجيه نورمال تخدم مرتو يعني ميغيرش ولا مغارش يعني ميشتيهاش ويرضى اي واحد يلوحلها الهدرة وعاكسها

ونسيت نعلق على خديجة رضي الله عنها وعملها ونقولك يا اختي وقت الرسول صلى الله عليه وسلم مكانش كي وقتنا وماكانوش الرجال يلوحو الهدرة ويعاكسو وكان الاحترام ومكانش الفتن مي وقتنا الفتن غير هيا مالا الاحسن تحكم المرا دارها كما قالهم جحا داري تستر عاري

شكرا ليكي نشكرك على ردك و اجابتك ربي يحفظك بصح كل ما نجي ن قولك حاجة ننسى ما علاباليش و علاش ههههههههههه اللهم يا جامع الناس ليوم لا ريب فيه اجمع ضالتي ..... عندك الحق درك كاين بزاااف الخلوطة و كاين التحرش بالكلام المؤذي بصح كاين اماكن عمل ماشاء الله انا كنت قلتلك اذا كانت الخدمة تستحق ان لا تتركها المرأة فالافضل انو ما تتركهاااش ... موفقة عزيزتي شكرا لكي .

اسعى لرضى الله · 2012-07-10, 05:53

اقتباس:

المشاركة الأصلية كتبت بواسطة sihem30

شكرا ليكي نشكرك على ردك و اجابتك ربي يحفظك بصح كل ما نجي ن قولك حاجة ننسى ما علاباليش و علاش ههههههههههه اللهم يا جامع الناس ليوم لا ريب فيه اجمع ضالتي ..... عندك الحق درك كاين بزاااف الخلوطة و كاين التحرش بالكلام المؤذي بصح كاين اماكن عمل ماشاء الله انا كنت قلتلك اذا كانت الخدمة تستحق ان لا تتركها المرأة فالافضل انو ما تتركهاااش ... موفقة عزيزتي شكرا لكي .

العفو اخي الكريمة ويبقى البيت مملكة المراة

شكرا لك اختي على ردك الطيب

تحياتي

sihadj22 · 2012-07-10, 06:03

من أراد زوجة ماكثة بالبيت فليطلب هذا النوع بما أن هناك الآلاف من أمثالهن , و من أراد عكس ذلك فالحمد لله الجزائر أنجبت الكثير منهن.
.فاختار و أرتاح.....
فأنا أرى أن من كانت له إمكانيات فالزوجة الماكثة أولى له و أما من إمكانيته محدودة فالعاملة ستساعده....

djazia94 · 2012-07-10, 12:15

اقتباس:

المشاركة الأصلية كتبت بواسطة اسعى لرضى الله

يا اختي الطلاق صح كاين مقلناش مش كاين وهدا مش موضوع الاخت اللي طرحاتو كي تطلق اي ساهلة تروح تخدم
وزيد الطلاق في وقتنا وين كثر كي كثرو دعاوين الشر وكثر الخبث والنية مكانش بكري ويييييييييييييييين تسمعي بلي وحدة طلقت ونسا بكري يصبرو مي تاع دك ميجيبلهاش كيلو سكر تلقاها عند باباها المهم مكان لاه نخرجو على الموضوع
زيد اختي اقراي ردي مليح على اللخر واش قلت قلت منيش ضد عمل المراة بشرط يكون في الدار مثل الخياطة او بيع القاطوات بزاف حوايج وكي يكون في بيتها احسن يعني راهي تقفض دارها وقايمة بيها وبولادها وبراجلها خير ما يكون لبرا ويكون اختلاط
اما على ذمتها المالية يا وتصدق منها وتلقاها في قبرها انا نقولك يا اختي مال راجلها هو مالها ثاني لا سما هي عندها مالها وراجلها مالو وحدو سما هدي رجعو جيران مش زوجين وثاني كي يمدلها راجلها مصروفها تصدق منو نورمال اما في ما يخص كاينين رجال قادرين ولاباس بيهم مي ميوفروش واش تبغا مرتو هداك يا اختي منسميهش راجل وهداك اصلا كوني هانية ميقولش لمرتو حبسي خدمتك مادابيه تخدم وانا واش كتبت في ردي وواش رديت عليك قصدت راجل باتم الكلمة واعاودي اقراي ردي مليح راه لفوق واش قلت اما المراة اللي تقعد في الدار راهي كوراج ماهي كوراج ماوالو هديك هي بلاصتها الصح وزيد مش قلنا متخرجش خلاص تخرج تحوس تعيش حياتها نورمال مش تدفن ومش العمل مقياس بلي راهي مدفونة
اما نسا بكري نقولك والله كانو يشتيو رجالتهم ومش قضية خوف ولا لالا قضية دين وخوف ربي قبل متخافو هي وكانو يخدمو بحديث من صامت شهرها وصلت فرضها وأطاعت زوجها وحصنت فرجها دخلت من أي باب من أبواب الجنة شاءت, وزيد جامي كانت طاعة الراجل ذل للمراة بالعكس كي تحترم راجلها وطيعو ربي يرضى عليها

كانت الجنة هي مبتاغهم قبل الدنيا عليها وفقهم ربي

ونزيد نقولك يا اختي العزيزة في وقتنا قلت النية وكثر الخبث الطفلة تجي تزوج حتان تقعد تخطط وكون يديرلي وكون يصرالي ومنخليهش انا يتحكم فيا ووو ومها من جيهة وباباها من جيهة وخوالها جيرانهاويكثرو التدبيرات وكون يديرلك راجل هكا متسمحيلوش ديراكت لدار باباك مكيش مطايشة و راهي دار باباك كاينة ,,,,,,, الخ من النصاح الجهنمية

قليل وين تلقاي اللي يهدي للخير ويحط الرحمة ويحاول يزرع في المجتمع انو الزواج هو اجمل شيء في حياة الراجل او المراة ادا عرفو كيفاش يعيشو ويتفقو

حتان ترجع تبان رايحة للحرب مش راح تزوج باش ترتاح ومش راح تعيش مع زوجها قول راح تعيش مع براني وهدا سبب الطلاق

كون كل وحدة تفوض امرها لله وتجعل زواجها بعد طاعة لربي سبحانو صدقيني اختي ربي يوفقها
وبادن الله ميكونش طلاق كي تكون القاعدة صحيحة لانو تبالي مش راح تزوج في الظلمة تبالي راح تكون فترة خطوبة ويتفاهمو وتشوف اسكو يتوافق معاها وقبل كل شيء تصلي صلاة الاستخارة واللي توكل على ربي مستحيل يخيبو

وانا من جيهتي راجل تجيه نورمال تخدم مرتو يعني ميغيرش ولا مغارش يعني ميشتيهاش ويرضى اي واحد يلوحلها الهدرة وعاكسها

ونسيت نعلق على خديجة رضي الله عنها وعملها ونقولك يا اختي وقت الرسول صلى الله عليه وسلم مكانش كي وقتنا وماكانوش الرجال يلوحو الهدرة ويعاكسو وكان الاحترام ومكانش الفتن مي وقتنا الفتن غير هيا مالا الاحسن تحكم المرا دارها كما قالهم جحا داري تستر عاري

صح المرا بلاصتها فالدار
والمرا اللي تخدم تخرج للضرورة هديك حالة خاصة ماشي كيما دوك
ولات لي تطيع راجلها وتاخد رايو و تقعد فالدار
تبانلهم بلي جايحة و محقورة وماشي قاريا....
صح كاين لي مسكينة راجلها مريض ولا ماشي قاري ماعليش تعاونو ولا الي تخدم طبيبة نساء ولا اطفال هديك عندها الحق
بصح مشي اديرلو الشونطاج يا نخدم يا نروح لعند بابا
و لوكان اتجو تشوفوا المرا ماعندها حتى فايدة من الخدمة ادا كان راجلها لاباس عليه
بصح هدي طريقة تستعملها بعض النساء باش تفرض رايها برك
و زعما باش ماتبانش قدام راجلها بلي ضعيفة هادا ماكان
بالاك الخدمة تاع المرا تكون عندها ايجابيات بصح السلبيات اعظم
قالك الام مدرسة ان اعددتها اعددت شعب طيب الاعراق
قال الام التي تربي اولادها وليس المديرةة ولا المحاسبة ولا الشرطية