هل تقبلين التوقف عن العمل مقابل الزواج بمن تحبين - الصفحة 7

arbodar · 2012-07-10, 12:53

اقتباس:

المشاركة الأصلية كتبت بواسطة sihem30

و النسا نتاع بكري نظن كانو الله غالب عليهم يخافو من ازواجهم و عايشين تحت رحمتهم و تحتاجو و تخاف يخليها و تعيش تمثل عليه دور الحب او الطاعة المكرهة ... ماشي طيعو و هي حابة طيعو بالاكراه و كاين الي كانو بنيتهم و نجحو و كاين الي كانو يديرو دراهم مور رجالتهم ..... على بيها مليح المراة ما تطمعش بزاف في راجلهااا مليح كي دير المستقبل لروحها و يلا طاحت في راجل مليح و يعرف ربي ماكاش كيما هي راهو ماراحش يبخل عليها بحاجة و ما راحش يآذيها ان شاء الله شكرا على فكرتك و اتمنى لكي التوفيق عزيزتي .

كلامك هذا اجحاف في حق نساء بكري لي كانو نعم النساء
و انتي تقولي مكرهة و كأن طاعته اعدام؟ اليس الله من فرضها على الزوجة و جعلها مدخلا لها للجنة
و انتي تقولي كانو يحتاجوهم
يعني انتن هدقكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا

MIWAKE · 2012-07-10, 14:50

يعني انتن هدفكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا
بارك الله فيك اخي طرحت السؤال الرئيسي و المحوري في الوضوع فبعض النساء يقلن ان العمل مليح لتوفير المال و تكن لهن استقلالية و المراة ما تروحش تطلب من راجلها المال و طيح بقيمتها اذن الزوجة التي تطلب من زوجها ان ينفق عليها طيح كرامتها العجب العجائب سمحولي بعض النساء عادوا اخوفوا تفكيرهم غريب

ورد تشرين · 2012-07-10, 15:24

لااااااااااااااااااااااا و الف لااااااااااااااااااااااا

اسعى لرضى الله · 2012-07-10, 16:44

اقتباس:

المشاركة الأصلية كتبت بواسطة djazia94

صح المرا بلاصتها فالدار
والمرا اللي تخدم تخرج للضرورة هديك حالة خاصة ماشي كيما دوك
ولات لي تطيع راجلها وتاخد رايو و تقعد فالدار
تبانلهم بلي جايحة و محقورة وماشي قاريا....
صح كاين لي مسكينة راجلها مريض ولا ماشي قاري ماعليش تعاونو ولا الي تخدم طبيبة نساء ولا اطفال هديك عندها الحق
بصح مشي اديرلو الشونطاج يا نخدم يا نروح لعند بابا
و لوكان اتجو تشوفوا المرا ماعندها حتى فايدة من الخدمة ادا كان راجلها لاباس عليه
بصح هدي طريقة تستعملها بعض النساء باش تفرض رايها برك
و زعما باش ماتبانش قدام راجلها بلي ضعيفة هادا ماكان
بالاك الخدمة تاع المرا تكون عندها ايجابيات بصح السلبيات اعظم
قالك الام مدرسة ان اعددتها اعددت شعب طيب الاعراق
قال الام التي تربي اولادها وليس المديرةة ولا المحاسبة ولا الشرطية

نعم اختي راني معاك لا كانت للضرورة معليش ثم الله غالب عليها ومكانش اصلا اللي يلومها

ونحير في مرا تبغا تفرض رايها في حاجة هكا المرا تقعد مرا في دارها معززة مكرمة واش داها يا اختي للحشير والهدرة الزايدة ووووو

djazia94 · 2012-07-10, 18:25

اقتباس:

المشاركة الأصلية كتبت بواسطة اسعى لرضى الله

نعم اختي راني معاك لا كانت للضرورة معليش ثم الله غالب عليها ومكانش اصلا اللي يلومها

ونحير في مرا تبغا تفرض رايها في حاجة هكا المرا تقعد مرا في دارها معززة مكرمة واش داها يا اختي للحشير والهدرة الزايدة ووووو

والله
كاش وحدة لقاتها
قاعدة في دارها و تدلل
و تقول لالا

أسمـاء · 2012-07-10, 18:41

من أحب او غيره
سأتوقف عن الدراسة والعمل

ان امكن ذلكـ

سلآمـ ..

عُضو مُحترم · 2012-07-10, 18:42

اقتباس:

المشاركة الأصلية كتبت بواسطة arbodar

كلامك هذا اجحاف في حق نساء بكري لي كانو نعم النساء
و انتي تقولي مكرهة و كأن طاعته اعدام؟ اليس الله من فرضها على الزوجة و جعلها مدخلا للجنة
و انتي تقولي كانو يحتاجوهم
يعني انتن هدقكن من العمل هو ان لا تحتجن ازواجكن؟؟؟ و لي ما تحتاجش زوجها علاش تزوج مالا

عملية بيولوجية

غرضها التكاثر مثل بقية الثديات

لا اقل و لا أكثر

عُضو مُحترم · 2012-07-10, 18:44

اقتباس:

المشاركة الأصلية كتبت بواسطة djazia94

والله
كاش وحدة لقاتها
قاعدة في دارها و تدلل
و تقول لالا

كاين وانا نعرف العشرات

فضّلو يخدمو

على الزواج في البيت

وردة أمل · 2012-07-10, 18:57

بصراااااااااااااحة الأمر صعب و الفتاة هنا تكون بين خيارين ليس من السهل التنازل عن أحدهما بسهولة ,,,,,,,لكن في المقابل و اذا كان زوجها انسان على خلق و دين و لديه عمل حلال يقدر يسترزق منه فمن الممكن أنها ترضي زوجها بقبولها التوقف عن العمل ,,,,

و اذا تحدثت عن نفسي انا لا يهمني من العمل جني المال لأني الحمد لله متكفية لكني انسانة تحب توظف قدراتها في الميدان و نحب نفرض ذاتي في المجتمع ,,,,,,,لكن في مسألة الزواج صدقيني نفضل انوا شريك الحياة يكون متقبل لفكرة العمل و لو لفترة معينة (يعني ماشي لسنين طويلة) لأنو صعيب على وحدة قرات و تعبت و نالت الدرجات و في الأخير تعلق الشهادة في الحيط و تقعد تشوف فيها ,,,,,,,

لكن لو كان شرطه الأساسي التوقف عن العمل و اذا كان انسان يحمل مواصفات الانسان الخلوق و لي يقدر يعيشني في سعادة( لا أقصد السعادة الفانية) و كان الهدف من وراء طلبه غيرته على شريكة حياته ,,,,,,,فصدقيني رضاؤه هو الأولى و الأهم عندي ,,,,,,,,,فهو الأنسان الذي سأكمل معه مشوار حياتي

بصح واش راني نشوف دوك الرجل هم لي يطلب من المرأة العمل لأنو بكل بساطة طامع في مالها و المستهدفة بالدرجة الأولى هي العاملة في ميدان التعليم ,,,,,لانها راهم يدخلوها دراهم كبار في هاذ العامين التاليين و الله ما يشوف لا في أصلها و لا خلقها ,,,,

شكراااااااااااا لك على الطرح المهم

تحيااااااااااتي العطرة لك

MIWAKE · 2012-07-10, 19:57

السلام عليكم اسمحولي فقط و اتمنى ان المشاركات لايغضبن مني عندما اسمع و الاحظ ان الكثير من النساء يفضلن العمل ويقلن انه من الصعب التخلي عن العمل كانهن يتقلدن مناصب عليا في الشركات او مؤسسات الدولة و البنوك مع وجود امتيازات ماشاء الله راتب مرتفع و سكن + سيارة اي لها مركز اجتماعي مرموق هنا ربما اتفهم لماذا النساء يرفضن ترك العمل لكن الواقع معروف القليل والقليل من الجزائريات رهم في هذه المرتبة اما الغالبية نجدهم سواء في التعليم تقري كل يوم تربح غير المرض السكر و ضغط الدم و تسمع الكلام الجارح الفاحش من طرف التلاميد وكل نعرف ذلك او تخدم في الادارات خدمة روتين وفيها ضغط و مشاكل و راتب ضعيف بالضافة الى الاختلاط اكثر من اي مكان اخر فانا رجل و مجبر على العمل سواء كنت اتقلد منصب جيد ام لا و رغم ذللك عنذما كنت ابحث عن عمل كنت اشترط و لاختار اي عمل و اي راتب

عُضو مُحترم · 2012-07-10, 20:16

اقتباس:

المشاركة الأصلية كتبت بواسطة وردة أمل

بصراااااااااااااحة الأمر صعب و الفتاة هنا تكون بين خيارين ليس من السهل التنازل عن أحدهما بسهولة ,,,,,,,لكن في المقابل و اذا كان زوجها انسان على خلق و دين و لديه عمل حلال يقدر يسترزق منه فمن الممكن أنها ترضي زوجها بقبولها التوقف عن العمل ,,,,

و اذا تحدثت عن نفسي انا لا يهمني من العمل جني المال لأني الحمد لله متكفية لكني انسانة تحب توظف قدراتها في الميدان و نحب نفرض ذاتي في المجتمع ,,,,,,,لكن في مسألة الزواج صدقيني نفضل انوا شريك الحياة يكون متقبل لفكرة العمل و لو لفترة معينة (يعني ماشي لسنين طويلة) لأنو صعيب على وحدة قرات و تعبت و نالت الدرجات و في الأخير تعلق الشهادة في الحيط و تقعد تشوف فيها ,,,,,,,

لكن لو كان شرطه الأساسي التوقف عن العمل و اذا كان انسان يحمل مواصفات الانسان الخلوق و لي يقدر يعيشني في سعادة( لا أقصد السعادة الفانية) و كان الهدف من وراء طلبه غيرته على شريكة حياته ,,,,,,,فصدقيني رضاؤه هو الأولى و الأهم عندي ,,,,,,,,,فهو الأنسان الذي سأكمل معه مشوار حياتي

بصح واش راني نشوف دوك الرجل هم لي يطلب من المرأة العمل لأنو بكل بساطة طامع في مالها و المستهدفة بالدرجة الأولى هي العاملة في ميدان التعليم ,,,,,لانها راهم يدخلوها دراهم كبار في هاذ العامين التاليين و الله ما يشوف لا في أصلها و لا خلقها ,,,,

شكراااااااااااا لك على الطرح المهم

تحيااااااااااتي العطرة لك

هههههه

والله يا اختي امل
لو يرزقني الله بزوجة عندها شهادة

سامنعها من تعليقها

ما الفائدة من تعليق الشهادة؟؟؟؟

كل ما تشوفها تتحسر و تندم على الزواج مني .وعلى قرايتها

و ممكن تخدملها في راسها

وتقوللي نخدم و لا طلقني

نطلقها طبعا

فرد من عمار الأرض · 2012-07-10, 20:22

ماقريتش باش نقعد في الدار...

اسعى لرضى الله · 2012-07-10, 21:26

علاه انتوما قريتو باش تخدمو برك؟ وعلاه القراية لازم تخدم بيها ولا صاي تروح قرايتها ؟

القراية كي تقرا راح تثقف روحها وتستغلها ا في كل مجالات حياتها نعطيك امثلة مثلا

ولادها اكيد يجي نهار يدخلو يقراو راح تعاونهم وتقريهم وتحفظهم القران وتعلمهم الصلاة

راجلها كي تحكي معاه اي تدي منو واش يعرف ويدي عليها واش تعرف

والقراية في نظري مش غير شهادة القراية راها ثقافة في كل مجالات الحياة

اما في ما يخص تفرض نفسها في المجتمع

كوني اكيدة لا فرضت روحها في دارها وربات ولادها احسن تربية ووقفت مع راجلها

راح تكون فرضت روحها في المجتمع

وردة أمل · 2012-07-10, 22:30

اقتباس:

المشاركة الأصلية كتبت بواسطة عُضو مُحترم

هههههه

والله يا اختي امل
لو يرزقني الله بزوجة عندها شهادة

سامنعها من تعليقها

ما الفائدة من تعليق الشهادة؟؟؟؟

كل ما تشوفها تتحسر و تندم على الزواج مني .وعلى قرايتها

و ممكن تخدملها في راسها

وتقوللي نخدم و لا طلقني

نطلقها طبعا

هههههههه و الله غير ضحكتني ,,,,,,,وفي هاذي عندك الحق و هو أفضل حق هكذا ماتقابلهاش كل يوم و تقعد تتحسر كيما قلت,,

بصح يلا كانت تحوس على سعادتها و استقرار حياتها الزوجية مستحيل تطلب الطلاق على جال الخدمة,,,,,و في الاخر هي رايحة تقعد في الدار ,,,,,,,,

و في رايي ماكانش وحدة عاقلة تبيع سعادتها بهاذ السهولة,,,,,,,,و زيد حتى يلا طلقت و خدمت و من بعد واش؟؟؟؟ رايحة تعلي القصور ؟؟؟

الأحسن تركّز روحها و تهتم بدارها

TOKYO · 2012-07-11, 01:16

لو جاو يفهمو اسما ربة البيت ملكه و زوجها يخدم عليها مع ابنائها اذا كانو ذكور انثى ربي اعطاها مكانه خاصه باش تعد و تربي الجيل
الغرب يحاربو فينا بالديموقراطية خخخخخخ قالك تخرج تخدم مالا شكون يربي و يكبر و يعلم ووووو
على ذالك ارتفعت نسبة افات اجتماعية و تنوعها شوارع صارت تربي
مفروض زوجة تصبر مع الزوج في سراء و ضراء الناس الان تقلد في الغرب اتركها تعمل
الدراسة مليحه باش تربي اولادها تعرف تربي تعرف طهى تتعلم بناء اسرة سعيدة الان اغلبيه همها صار توفير المال مقابل اي شئ وكانه صار كل شئ في الدنيا لعلمكم السن يلعب دور هام الذي في السن ٢٠ يرى حياة بالشكل و صاحب ٢٥ شكل و صاحب ٣٠ شكل اخر
كذالك للاسف نقصت رجوله و شهامه شباب الان صار يدعم فكرة العمل و بالكل فرح و سرور اه وين هيارجوله جدودنا
مانيش قاري بيان مى حمد الله مبرونشي بيان و خدام ونجيب خبزة حلال وبدون تشغيل شباب و قروض و بلوس ذكر وحيد في الدار
نتزوج بوحده تقعد في الدار و ما تهمش اذا قاريه او لا
مهم راجل