هنا توضع طلباتكم و استفساراتكم

[*أم كوثر*]

المشاركة الأصلية كتبت بواسطة ليلى العلمية

ام كوثر
حبيت نسالك على تارت الجنواز دائما تهبطلي كي تكون في الفور تكون طالعة وكي نخرجها تهبط للنص ممكن الفرينة تكون قليلة كاس واحد ولا لالا

اي تارت تهبط اكيد كمية الفرينة تكون ناقصة
هنا تلقايها بالتفصيل

https://www.djelfa.info/vb/showthread.php?t=725136

المشاركة الأصلية كتبت بواسطة صريحة

مشكورة ام كوثر راكي مشهورة في دارنا ندير قاطوا ونقوللهم علمتهونا ام كوثر مي للاسف ماعنديش باه نصورلكم جزاكي الله كل خير
المهم عندنا عرس خويا في ماي ان شاء الله و حبيت نفيدينا بانواع القاطوا للعلم انديروا 3 انواع للقهوة و نوع اخر للشاي
وربي يهنيك ويجزيك الجنة ان شاء الله

تعيشي اختي والف شكر على الثقة
بالنسبة للقاطو مؤخرا كان عرس ابن عمي و درتلو قاطو وعجب كل من ذاقو
عملت المقروط اكيد ومعاه مشكلة بابيون تلقايها هنا في الصورة التالتة ماقبل الاخيرة
https://www.djelfa.info/vb/showthread.php?t=759546

وكاين هدا مع الجو
https://www.djelfa.info/vb/showthread.php?t=745370

https://www.djelfa.info/vb/showthread...=725136&page=6

https://www.djelfa.info/vb/showthread.php?t=776663

https://www.djelfa.info/vb/showthread.php?t=714465




صبيعات بالشوكولا
كيلة كوكاو محمص ومرحي للآخر
نصف الكيلة جلجلان محمص
نصف الكيلة شامية
كيلة قاطو طوم مرحي
و نعجنهم بالعسل حتى نتحصل على عجينة
نشكلها حربوش طويل و نقطعها على شكل اصابع بنفس الطول و نحطها في الكونجلاتوغ حتى تجمد قليلا
من بعد ندوب الشوكولا و نغطسها و نخليها تنشف
من بعد نزينها بخطوط شوكولا بيضاء ووردات من عجينة اللوز






ومخبز ماصورتوش ومعاهم بقلاوة
وللقهوة غريبية وقريوش ونوع تاني
احسن شيئ نحبو مع التاي هو هدا


لي كورني هايلين مع الشااي و يصلح لسهرة رمضان
الكمية هدي تخرج حوالي 100 حبة او اكثر
رطل فرينة
رطل جلجلان غير محمص

ملعقة صغيرة ملح
ملعقة كبيرة سكر عادي
فنجان شاي زبدة دائبة
ماء زهر
نخلط كل المقادير و نجمع بنمء زهر
نبسط العجينة بالحلال بسمك 0,5 سم و نقطعها دوائر
و نشكل الكورني و نغلق الاطراف جيداو نكمل كل الكمية باه ينشف الكورني و يحافظ على شكله اثناء القلي
نقليهم حتى يتحمرو و نقطرهم و نحطهم في العسل
و نتركهم جانبا
نحضر الحشو
كل وحدة و دوقها انا استعملت كوكاو و شامية و عسل و عجنتهم مليح و حشيت بيهم ومن بعد نغطس الراس في النوادوكوكو و نحطوه في اكواب ورقية
ان شاء الله نكون افدتك

المشاركة الأصلية كتبت بواسطة نصيرة أمي الحبيبة

تعيشي ام كوثر حبيت ندير تارت بالليمون بصح في مول تاع الفور هذاك المستطيل قوليلي اذا تصلح و شحال الكمية تاع لعجينة او الحشو
شكرااا مسبقا

اعطيني قيس السينية

المشاركة الأصلية كتبت بواسطة zahra30

السلام عليكم ام كوثر الله يجازيك كل خير على المجهودات اللي راكم تقوم بها
عندي سؤال ان شاء الله تجاوبيني بسرعة على الاقل اليوم
بقالي شوية كريم شانتي بغيت نعرف اذا كان عندو استعمالات اخرى بلا الطلية.... وكتاش تنتهي مدة الصلاحية انتاعو مع العلم اني اخدمت في الدار
سمحيلي طولت عليك
تحياتي

ديري بيها زينة لسلاد دوفغوي او اي ديسار اخر متل الفلان او لاموس اي نوع لانو مايطولش على الاكتر احتفظي بيه يوم واحد غدوة استعمليه او ديريه في اكواب وزينيه بفوامه وقدميه