هنا توضع طلباتكم و استفساراتكم - الصفحة 5

صريحة · 2012-03-20, 10:23

اقتباس:

المشاركة الأصلية كتبت بواسطة *أم كوثر*

اي تارت تهبط اكيد كمية الفرينة تكون ناقصة
هنا تلقايها بالتفصيل

https://www.djelfa.info/vb/showthread.php?t=725136

تعيشي اختي والف شكر على الثقة
بالنسبة للقاطو مؤخرا كان عرس ابن عمي و درتلو قاطو وعجب كل من ذاقو
عملت المقروط اكيد ومعاه مشكلة بابيون تلقايها هنا في الصورة التالتة ماقبل الاخيرة
https://www.djelfa.info/vb/showthread.php?t=759546

وكاين هدا مع الجو
https://www.djelfa.info/vb/showthread.php?t=745370

https://www.djelfa.info/vb/showthread...=725136&page=6

https://www.djelfa.info/vb/showthread.php?t=776663

https://www.djelfa.info/vb/showthread.php?t=714465

صبيعات بالشوكولا
كيلة كوكاو محمص ومرحي للآخر
نصف الكيلة جلجلان محمص
نصف الكيلة شامية
كيلة قاطو طوم مرحي
و نعجنهم بالعسل حتى نتحصل على عجينة
نشكلها حربوش طويل و نقطعها على شكل اصابع بنفس الطول و نحطها في الكونجلاتوغ حتى تجمد قليلا
من بعد ندوب الشوكولا و نغطسها و نخليها تنشف
من بعد نزينها بخطوط شوكولا بيضاء ووردات من عجينة اللوز

ومخبز ماصورتوش ومعاهم بقلاوة
وللقهوة غريبية وقريوش ونوع تاني
احسن شيئ نحبو مع التاي هو هدا

لي كورني هايلين مع الشااي و يصلح لسهرة رمضان
الكمية هدي تخرج حوالي 100 حبة او اكثر
رطل فرينة
رطل جلجلان غير محمص

ملعقة صغيرة ملح
ملعقة كبيرة سكر عادي
فنجان شاي زبدة دائبة
ماء زهر
نخلط كل المقادير و نجمع بنمء زهر
نبسط العجينة بالحلال بسمك 0,5 سم و نقطعها دوائر
و نشكل الكورني و نغلق الاطراف جيداو نكمل كل الكمية باه ينشف الكورني و يحافظ على شكله اثناء القلي
نقليهم حتى يتحمرو و نقطرهم و نحطهم في العسل
و نتركهم جانبا
نحضر الحشو
كل وحدة و دوقها انا استعملت كوكاو و شامية و عسل و عجنتهم مليح و حشيت بيهم ومن بعد نغطس الراس في النوادوكوكو و نحطوه في اكواب ورقية
ان شاء الله نكون افدتك

اعطيني قيس السينية

ديري بيها زينة لسلاد دوفغوي او اي ديسار اخر متل الفلان او لاموس اي نوع لانو مايطولش على الاكتر احتفظي بيه يوم واحد غدوة استعمليه او ديريه في اكواب وزينيه بفوامه وقدميه

ياطيك الصحة حنونة وربي ياطيك واش تتمناي ان شاء الله

zahra30 · 2012-03-19, 21:35

الله يعطيك ما تتمناي اختي ام كوثر والف شكر على المعلومات ..... تقبلي ودي

kokotg · 2012-03-20, 08:37

موضوع يستحق التثبيت
لا ندري لما حذف التثبيت
تحياتي ام كوثر دمت مبدعة

azade · 2012-03-20, 12:24

سلام عليكم ام كوثر حبيت نسأللك على قلب اللوز طبقتو لكن جانى حلووووووووو بزاف والبنة رائع لكن مقدرتش نكلو حلو ممكن نقص العبر تاع السكر ولكى منى الف شكرررر و ربى يحفظك

*أم كوثر* · 2012-03-20, 14:27

بصحتك اختي وتقدري تنقصي كمية السكر

faizarbh · 2012-03-20, 15:24

اختي ام كوثر انا مرة شريت كعكة و كانو دايريلنها مع الاطراف شيء مثل الكراميل مخلط مع كوكاو او لوز و مطحونين و مخليين بعض منو مكسر على شكل مثلثات مزينين منو من الفوق و عندوا ذوق يهبل ممكن تقوليلي واش هوا و شكرا

mimi53 · 2012-03-20, 16:09

السلام عليكي اختي وحبيبتي ام كوثر اود اولا شكركي على المعلومات التي تقدمينها لنا وجميع الاطباق والحلويات التي فعلا افادتنا جعلها الله في ميزان حسناتك بوركت
عندي سؤال لكي اود ان تزوديني بوصفة هده الحلوة التي في الصورة علما انهم قالولي انها الامونة وهي جاية كي الموسكوتشو من الداخل لكن لا اعرف ماهي الامونة ولا كيفية تحضيرها هدا ان كانت هي وان لم تكن هي الرجو افادتي وشكرا حبيبتي

وهدا شكلها من الداخل

*أم كوثر* · 2012-03-20, 18:43

اقتباس:

المشاركة الأصلية كتبت بواسطة faizarbh

اختي ام كوثر انا مرة شريت كعكة و كانو دايريلنها مع الاطراف شيء مثل الكراميل مخلط مع كوكاو او لوز و مطحونين و مخليين بعض منو مكسر على شكل مثلثات مزينين منو من الفوق و عندوا ذوق يهبل ممكن تقوليلي واش هوا و شكرا

اختي فايزة هداك البراليني يسموه
جيبي كاس سكر ونصف كاس ماء خليهم يغلو على النار حتى يولي لون المزيج بني فاتح صيفي له المكسرات لي عندك لوز او جوز او كوكاو او خليط بينهم و خلطي مليح و حطيه على رخامة مدهونة بالزيت وخليه يبرد لما يبرد كسريه وادا حبيتي تزيني بيه حواف التارت ارحيه في ميكسور او هرسيه في مهراس

اقتباس:

المشاركة الأصلية كتبت بواسطة mimi53

السلام عليكي اختي وحبيبتي ام كوثر اود اولا شكركي على المعلومات التي تقدمينها لنا وجميع الاطباق والحلويات التي فعلا افادتنا جعلها الله في ميزان حسناتك بوركت
عندي سؤال لكي اود ان تزوديني بوصفة هده الحلوة التي في الصورة علما انهم قالولي انها الامونة وهي جاية كي الموسكوتشو من الداخل لكن لا اعرف ماهي الامونة ولا كيفية تحضيرها هدا ان كانت هي وان لم تكن هي الرجو افادتي وشكرا حبيبتي

وهدا شكلها من الداخل

العفو اختي اهلا بيك
والصورة لم تظهر اعيدي تحميلها