مساء الخير عليكم لبنات
واش راكم ان شاء الله بخير
واش راكي حبيبة
انا ليوم رجعت للخدمة كي العادة
جاتني شوي صعيبة لاني لقيت البيت قلبوه فوقاني تحتاني
هاكم عارفين كي يقعدو لي جون وحدهم بلا مرا في البيت يقلبو البيت ما يسواش
المهم قمت كي العادة مي شوي بكري على الوقت اللي كنت نوض فيه
نضت على 4.45 تدوشت " على خاطر كانت عليا العادة الشهرية حشاكم "
و من بعد قريت القران حتان اذن الفجر و من بعد صليت و قريت اذكار الصباح
هبطت للطابق الارضي و طيبت الفطور
و من بعد غسلت الاواني و كنست الارضيات كامل تاع الطابق الارضي و رتبتو
و من بعد طلعت للطابق الاول نضمتو كامل و مسحت كامل لي مابل و من بعد كنست الارضيات و هويت البيوت اللي فارغين لانو مازالو ما ناضوش خاوتي
و من بعد طلعت للطابق الثاني هويتو و طلعت للطابق الثالث كنست الارضيات و من بعد بخرت كامل الدار و هبطت للطابق الثاني
كان خويا لكبير ناض نضمتلو دارو و من بعد جبت كل الملابس و درتهم في الغسالات
و من بعد ناضو فطرو و غسلت بنت عمتي الاواني نتاع الفطور
و كي ولات الساعة 8 ديت لفطور لجارتي و تطمنت عليها و على البنوتة و رجعت للدار لقيت بنت عمتي سيقت الطابق الارضي و الاول
و من بعد انا قمت بتحظير الغدا و اللي كان مرقة فريك و كسرة رخساس و فلف و سلاطة و جو نتاع القارص
و من بعد الغدا غسلت الاواني و من بعد صلينا و بعد الصلاة رحت نزور في بنت خال بابا دارت عملية تاني
و من بعد العصر رجعت للبيت صليت و قريت الاذكار و خيطت شوي و من بعد رحت ندير في العشا
درت الكسكس بالدجاج
و بنت عمتي غسلت الاواني و سيقت الكوزينة
هذا هو تقريري لليوم
( تقرير عن مشاركة سيئة )، و الموجودة أسفل كل مشاركة .
2012-03-09, 20:06
العرض الشجري