الدورة الرابعة"الرقي لمدبرة منزل مثالية"

[حبييبة]

المشاركة الأصلية كتبت بواسطة s english

شكرا جزيلا لك اختي حبيبة شجعتيني بترحيبك الحار خفت لمتقبلونيش بيناتكم
انا طالبة فالجامعة ووقتي راهو يضيع بشكل فضييييييييييييييييع وفي نفس الوقت حابة نتعلم الشغل تاع الدار والسيستام تاع الخدمة فيها وحابة نتعلم الكروشي اولا وغرزة السموكس
بالنسبة للجانب الديني كيفكيف مانيش منظمة روحي يعني شحال من مرة نفشل في مواصلة حفظ القران قاتلي الاخت صبرينة بلي كاين دورة تاع الموظفات انا نبقى هنا ولا نروح لثم
اختي حبيبة انا ضرك راني في فترة الاختبارات مازالولي 3 ونكمل ان شاء الله بعدهم راني نحاسبك ببرنامج وانتم قولولي واش رايكم فيه +نصائحكم وتوجيهاتكم وجزاك الله الف خير على الفكرة الرائعة

ربي يوفقك لحبيبة
و يحققلك كل ماراكي متمنية
و يفرحك بنجاحك و يفرح والديك بيك حبيبتي
حاضر حبيبتي
دروك البرنامج اللي نعطيهلك
تنوضي الصباح بكري تصلي الفجر و الصبح في وقته
و تقري ولو صفحة من القرآن
توجدي قهوتك و تلبسي
و لما تكوني رايحة للجامعة سبحي أو استغفري
خلي سرك مليء بذكر الله
خاصة الاستغفار
و لعشية لما تدخلي ارتاحي و اتقهوي
و توضي و صلي ما فاتك
و انطلقي لاعمالك
سواء كانت اعمال البيت
أو مراجعة أو أو أو
وباقي الصلوات حاولي تصليها في وقتها
و من هنا الى يوم تنتهي من الامتحانات
اتبعي هاذ البرنامج
و ممكن تدخلي لعندنا اذا كان عندك الوقت احكيلنا اخبارك و يومك ماعليش
يسعدني نعرف يومياتك و نتبعك حبيبتي و نوقف معاك
و لما تنتهي الاختبارات
ممكن تبداي معانا البرنامج ككل
واش رايك حبيبتي؟؟

[s english]

المشاركة الأصلية كتبت بواسطة حبييبة

ربي يوفقك لحبيبة
و يحققلك كل ماراكي متمنية
و يفرحك بنجاحك و يفرح والديك بيك حبيبتي
حاضر حبيبتي
دروك البرنامج اللي نعطيهلك
تنوضي الصباح بكري تصلي الفجر و الصبح في وقته
و تقري ولو صفحة من القرآن
توجدي قهوتك و تلبسي
و لما تكوني رايحة للجامعة سبحي أو استغفري
خلي سرك مليء بذكر الله
خاصة الاستغفار
و لعشية لما تدخلي ارتاحي و اتقهوي
و توضي و صلي ما فاتك
و انطلقي لاعمالك
سواء كانت اعمال البيت
أو مراجعة أو أو أو
وباقي الصلوات حاولي تصليها في وقتها
و من هنا الى يوم تنتهي من الامتحانات
اتبعي هاذ البرنامج
و ممكن تدخلي لعندنا اذا كان عندك الوقت احكيلنا اخبارك و يومك ماعليش
يسعدني نعرف يومياتك و نتبعك حبيبتي و نوقف معاك
و لما تنتهي الاختبارات
ممكن تبداي معانا البرنامج ككل
واش رايك حبيبتي؟؟

السلام عليكن اخواتي وشكرا جزيلا لك حبيبتي حبيبة على تعاملك الراقي واليكي تطبيقي لليوم
نضت على الساعة 05و33 صباحا اديت الصلاة لبست قشي وبعدها تناولت فطوري
قعدت نحفظ (بما انه اليوم اختبار) ومن المنزل الى موقف الحافلات استغليت الوقت في اذكار الصباح
وهذا وين رجعت للمنزل اديت صلاة الظهر وتناوات الغداء وهذا برنامجي المسائي
غسيل الملابس
اعداد قهوة المساء +غسيل الاواني
نروح للبوسطة نهز لابورس ماعليش راني نشريلكم حاجة معايا
نحوس على nape تاع كروشي و اليوم باذن الله نبدا نخدمو ونقدر الوقت وكتاش نكملو
نحفظ غدوة عندي كونترول
غسيل اواني تاع العشاء (بلاماننساو الصلاة)
قراء القران بعد صلاة العشاء وان شاء الله راني نطبقو 100% وشكرا على نصائحك الثمينة في امان الله