أرجوكم علموني الطبخ

*ام رامي* · 2012-03-04, 16:35

اقتباس:

المشاركة الأصلية كتبت بواسطة dalel16

شكرا لكي على كل شيئ

اردت ان اسالك

انا اريد ان اتعلم كيفية تقديم العزايم

مثلا لما تكون عندي عرضة يعني حابة نعرض خويا ومرتو واهلها كيفاش نضيفهم

الغذاء واش نحطلهم

مثلا كيجي الضيف لعندك كيفاش تضيفيه

انا نسمع كاين ناس كيجيهم الضيف

السؤال الاهم انا عندي مشكلة انني منعرفش

مثلا منعرقش واش نقدم مثلا مثلا مع الفول

يعني الفول واش يمشي معاه

يعني اتمنى كل ماتعطيني طبق تعطيني مقبل لي يمشي معاه والسلطة كذلك
اتمنى ان تكوني فهمتيني

وشكرا

اهلا دلال
شوفي انا كي يجوني ضياف نقطع روحي
نحاول قدر الامكان نحط احلى الاطباق اللي عندي
فقط انت لازم تعرفي انه في اطباق رئيسية وفيه مقبلات وسلاطات
العشاء او الغداء يكون كاتالي
* طبق رئيسي اللي هو : ارز **شربة فريك **كسكس **تليتلي **انا عادة ندير واحد منهم
المقبل : المقبلات كلها تناسب الاطباق الرئيسية ماعدا الكسكس يجي مع شربة فريك وسلاطة ولحم فقط
المقبلات مثلا بطاطا بيريه **جريوات محشية فول ..حميس .بطاطا كوكوت تجي مع الشربة لان البطاطا ثقيلة والشربة خفيفة
خرشف محشي دولمة زيتون مع كعابر لحم وتجي بيضاء وبنينة ومنظرها يفتح النفس البطاطا نتاع الفرن الطبق الاول اللي جربتيه ....

* السلاطة كاين سلاطة خضراء خس طماطم بسباس جزر زيتون وخيار مع بيض مسلوق
او سلاطة مفورة بطاطا وجزر وجلبانة مفورين وبيض محشي ....انوااااع السلاطة كثيرة اختاري واحدة او اثنين
في السهرة فاكهة وفلان او كريم ديسار