الدورة الرابعة"الرقي لمدبرة منزل مثالية"

حبييبة · 2012-02-28, 20:58

اقتباس:

المشاركة الأصلية كتبت بواسطة انوسة07

اختي الحبيبة حبيبة الله يحفظلك عينيك الزينين و الله العظيم لقد ابكيتني و فرحتيني الله يديم ايامك كلها فرح و سرور اما بالنسبة للخمييرة انها تساعد على النوم كالبيبي لا استطيع لاته عندي بيبية لا تنام ابدددااا و بالنسبة لصلاة الفجر احاول النهوض اضبط المنبه و اوصي زوجي و اهلي لكن دون فائدة

ربي يحفظك حبيبتي
و يخليك ليا
ماعليش لكن رايحة تنامي
مبكرا ولا متأخرا
رايحة تنامي
هي رايحة تهدنك و تخليك تنعمي بالنوم و لو ساعة فالليل
اضافة الى الفوائد التي لا تعد ولا تحصى اللي تعطيهالنا الخمارة
لأن فيها فيتامين ب12 اللي راهوا ضروري و مفيد جدا لاجسامنا

لوكان نقولك أنت و أنا و كل لبنات
(اللي ماراهمش في عطلة طبعا)
رايحين نفطنوا غدوة الصباح على السادسة
أو ربع ساعة قبل الفجر
نتوضوا و نصلوا كامل معا بعض
باش ربي يحشرنا كامل معا بعض بإذن الله
(إلى الجنة طبعا خخخ اللهم آآآمييين)
ما تحبيش تكوني معانا؟؟
يلا حبيبتي
قبل النوم يعني دروك
اتوضي
و ادخلي في فراشك و سبحي و اذكري الله
و اقري المعوذات
و ادعي الله أن يرزقك أداء صلاة الفجر في وقتها
لما تنوضك بنتك نوضي ليها رضعيها
ومن بعد ارجعي نامي
وانت تخممي برك أنك لازمك تنوضي تصلي الفجر
خلي هاد الفكرة في عقلك ما تخطيهاش هاد الليلة
نأكدلك حبيبتي أنك رايحة تنوضي باذن الله و قدرته

حبيبتي أنت لازمك برنامج يومي خاص في البيت
بحكم أنك مرضعة
شوفي حبيبتي
احكيلي برنامجك اللي راكي معتامداته حاليا
والظروف اللي راهي غابناتك يوميا
و بإذن الله رايحة نساعدك بالشي اللي يقدرني ربي عليه