وعدت ولازم انوفي بوعدي

remadna · 2012-02-24, 18:55

يعطيك الصحة
ما اسم الطبق؟ و ما نوعه؟

geroise · 2012-02-24, 20:08

شكرا لاخت زهرة على هادا الطبق لانه فعلا روعة فى المداق خاصة مع الحار

اقتباس:

المشاركة الأصلية كتبت بواسطة remadna

يعطيك الصحة
ما اسم الطبق؟ و ما نوعه؟

الطبق اسمه الحبات بفتح الحاء والباء و سكون فوق التاء اتمنى انه فهمتى اسمه
نوعه هو عبارة عن بركوكس لكن صغير الحجم وليس كالكسكس حبات تكون صغيرة على بركوكس لى نعرفوه احنا
ويوجد من يطهيه بالكسكس الخشن

نتمنى ان تشرح اخت زهرة اكتر

zahra30 · 2012-02-24, 20:15

السلام عليكم
شكرا للاخوات على الرد الجميل وللاخت geroise على الشرح وكنت شاركت به كاول موضوع ليا في هذا القسم ...
المقـــــــــادير /
02 حبات طماطم كبار ( الكمية على حسب عدد افراد العائلة )
مغرفة كبيرة معجون الطماطم
بصلة كبيرة
فلفل حار
02 سنات ثوم ( اختياري )
التوابل اللي عندك كزبرة بابريكا فلفل اسود راس الحانوت كمون ملح
زيت
حمص طايب
02 حبات بطاطا متوسطة
02 حبات جزر
02 بيض
01 القرعة
تفتلي البركوكس وما يكونش خشين (متوسط ) تفوريه 03 مرات وفي المرة الاخيرة ديري شوية زيت مع الماء باش ما يتلاصقش وملحيه شوية
الطــــــريقة /
تسخني الزيت وتحطي فيها البصل المقطع الى قطع صغيرة ثم الثوم ثم اضيفي التوابل اللي عندك وكي يتقلاو مليح زيدي الفلفل الحارو الطماطم تكوني ارحتيهم ثم معجون الطماطم و الحمص ونقصي النار خليهم يطيبو بشوية حوالي 10 دالى 15 د
الخضرة اللي عندك تقشريها وتقطعيها في الطول وتتبليها بالملح والفلفل الاسود وتفوريها امبعد تحمريها في الزيت ولا الزبدة
في الاخير
البركوكس طايب تحطيه في صحن كبير ولا قصعة وتحطي عليه لاصوص اللي درتيه وتخلطيهم مليح بالمغرفة وتحطي في صحن التقديم وتزينيه بالخضرة والبيض المشرشم والفلفل المرقد اذا عندك
ان شاء الله يعجبكم
تقبلو ودي