** تعليم الفتاة في القرن 21 بين مؤيد ومعارض**

[أم البراء السلفية]

المشاركة الأصلية كتبت بواسطة ام ظافر

اختي ام براء السلفية وجهة نظرك نحتارمها لانها نابعة من قناعاتك
ولكن فلتي بان البنت مصيرها الزواج في الاول او التالي
لكن اختي نسبة العنوسة مرتفعة جدا في الجزائر واكيد تعرفي من حولك بنت او زوج او اكثر قاعدين بلا زواج وتجاوزو سن 40 ماشي بيدهم الله غالب حد ما دق بابهم
تخيلي معي اختي بنت ما تزوجتش وماشي قارية واكيد ما تخدمش بالضرورة ماهو مصيرها لاقدر الله حدث مكروه للوالدين
ووالله اختي بنات عم زوجي 3 اصغرهم 43 سنة ما عندهم ما خصهم ومادخلوش للمدرسة في حياتهم كانو في الدوار يقريو غير الرجال وما عندهمش صنعة في يدهم
والان توفات امهم ومن بعد لحق باباهم وناضو خواتاتهم المتزوجين يحبو حقهم في الميراث لانهم محتاجين حتى هوما والميراث هنا منزل العائلة فقط وقطعة ارض صغيرة ..........تخيلي اختي والله غير الشارع ينتاظر فيهم الان لانو حقهم من الميراث في ثلاثة ما يكفيهمش لشراء غرفة واحدة فقط حالتهم حالة ويقولو لوكان قرانا بابا على الاقل كنا نفعنا روحنا الان ماشي نروحو نعيشو في الشارع
ربي يكون في عونهم وعون كل ولية

بارك الله فيك اختى
ايه اختى البنت مصيرها الزواج
نسبة العنوسة راهي بزاف حتى هي سبابها الدراسة ايضا
كاين بزاف يحبو يقراو اتقولك ندي معايا قرايتى ولا مانعرف
لو خطبوها ماتقبلش اتقولك حتى نكمل قرايتى الراجل يستناها ؟؟
اكيد رايح يفوتها القطار وهي تكبر
اما بخصوص اخوة زوجك
قدر الله وماشاء فعل لازم يرضاو بقدر الله ويكون ايمانهم قوي
قال رسول الله صلى الله عليه وسلم: "وارْضَ بما قسم الله لك، تكن أغنى الناس" (رواه أحمد والترمذي)، و(أخرج مسلم
وهادا تانيك ابتلاء من عند الله
باش يعرف الشاكر والمؤمن
لازم عليهم يشكرو ربي ويلجاو اليه
وبارك الله فيك خيتو