** تعليم الفتاة في القرن 21 بين مؤيد ومعارض**

[فتـ حييةـاة]

المشاركة الأصلية كتبت بواسطة ام ظافر

اعقلها وتوكل
الي يحب يقري بنتو يقريها المهم يحاول يغرس فيهامبادءى الاسلام منذ الصغر ومن بعد ما يخافش عليها بزاف مجرد متابعة من بعيد فقط والي ما حبش يقري بنتو كذلك ما يقريهاش ويوجد الجواب ليها لما تكبر ويحاول يقنعها بوجهة نظرو وايضا حتى هذي لازمها متابعة منذ الصغر ومراقبة لما تكبر ما يعنيش انها ما دخلتش للجامعة يعني ما كانش بؤر فساد اخرى والله الي قاعدين في البيت من كثرة الفراغ يحاولو يفعلو اي شيء من اجل كسر الروتين
وهكذا يبدو انو كل واحد متمسك برايو
انا على نفسي راح نوصل اولادي كامل بنات واولاد لاقصى درجات التعليم ان شاء الله ربي يقدرني وما نغفلش عليههم خلاص وما نديرش لمان في هذا الوقت ابدا
وان شاء الله نكون انا وباباهم يد بيد في تربيتهم
اما على الجامعة والله قريت وتخرجت وتعلمت من الجامعة امور رائعة مالقيتهاش في مكان اخر اهمها المسؤولية بمفهومها الصحيح وكنت نراعي ربي في كل خطوة وما ندمتش على الجامعة وعمري ما نندم اني قريت فيها ورفعت راسي وراس والديا اني رحت جبت شهادة وما خسرتش نفسي ولا اخلاقي ومارانيش وحدي نسبة كبيرة جدا مثلي لان الخير في امة محمد الى يوم الدين والي يقول فسد الناس فهو افسدهم كما قال الحبيب المصفى عليه الصلاة والسلام

يعطيك الصحة ام الظافر على هذا الكلام اللي في بلاصت
كل بلاصة فيها المليح والدوني حتى انا قلت قريت فالجامعة وبصراحة فيها وفيها فيها بنات يستاهلو بوسة على الجبين وفيها بنات يستاهلو رصاصة تهني منهم المجتمع حتى اللي ماقراوش فيهم وفيهم فيهم بنات الاصل اللي ماشاء الله وفيهم اللي......
بصح مالازمش نغلطو ونقولو ان المراة اللي تعلمت وقرات تعرف تربي ولادها حتى الاختصاص يلعب دور
لا قادر تقرا وماتعرفش تربي ولادها وقادرة تكون ماقراتش وتربي ولادها
شكرا اختي وربي يحفظلك اولادك ويفرحك بيهم ويكون صالحين وتشوفيهم اطارات فالدولة ان شاء الله
استودعك الله