الحجاب.........ساعدوني

[بصمة قلم]

المشاركة الأصلية كتبت بواسطة امل43

بارك الله فيكم
نزيد نقولكم زوج حوايج نسيت ما قلتهمش فالموضوع:
أبي الغالي والعزيز كي نصلي وانخلص نروج نحط الخيمار وانجربوا وانعدلو مليح وانروح ليه وانقولوا بابا شوف معايا كيفاه جاني الخمار
واش يرد عليا في رأيكم: أووووووووه واشنوا هذا نحي عليا هذا واش راكي حاطا واش من خيما مع العلم الحمد لله بابا يصلي
وثاني شيئ عندي زميلتي فالدراسة نقوللها واش رايك فالخمار، طول ترد عليا واتقولي صراحة أنا الخمار نكرهو ومانطيقوش ومانحطوش
لاه هذوا لمدايريين الخمار مدايرينوا على صح، موش راكي تشوفي فيهم كاسيات عاريات
والله هي تهدر لهدرات هذوا وأنا نبرد خلالالالالالالالالالالالالالاص

المشاركة الأصلية كتبت بواسطة امل43

إخوتي وأخواتي، نقوللكم حاجا، نبدى ندير الخمار نورمال، بيزماه مانشري قماش وانخيط حجاب شرعي طول
أصلا يقراو معايا صحاباتي مدايرين حجاب شرعي ودايما معاهم، وهوما ألي مدايرينلي الكوراج
كل يوم يبداوني ول بالسلام ويقولولي وييييينو الخمار.ههههههههههههههه

السلام عليكم ورحمة الله وبركاته
أختي أمل انت حابة تلبسي ألبسي حجاب صح من المرة الأولى
ما ديريش ربع حجاب وتقولي من بعد نخيط ونلبس حجاب شرعي
على خاطر كل ما تأجلي الفكرة كل ما تروح العزيمة
ونقولك حاجة ماتخافيش من هدرت الناس وماتسمعي لحتى واحد
وكوني متأكده باللي أي واحد رح ينتقدك ولا يكون ضدك كي ديري الحجاب
من بعد رح يولي يمثل بيك وبحجابك وتكوني أحب الناس لقلبهم
وان شاء الله نردوا عليك في موضوع التهنئة بالحجاب في القريب العاجل اخيتي