الحجاب.........ساعدوني

امل43 · 2011-12-22, 10:12

بسم الله الرحمان الرحيم
اللهم صلي على سيدنا محمد وسلم
أما بعد يا أخواتي في الله أنا عندى قداه والحجاب يدور في راسي، نجي نديروا ومن بعد نترضد
كي نصلي طول الوقت وأنا حاططتوا ونقعد مرات نقرى القرآن الكريم، ونبقى مرات بيه طول اليوم فالبيت
ولكن كي نخرج نقرى، خلاص نحيه.
والله غير حابا نديروا، وكي نخمم فالبسة نحبس، أنا لبستي مستورا ، جين والبودي طويل يغطي على الجسم كامل، مرات تكون اللبسة شويا محشورا ههه باش ما نكذبش عليكم
كي نشوف ألي مدايرين الخمار وانشوف مع اللبسة ألي لابسينها نقول هذا تمشخير موش خمار
المهم انا النهار كامل وأنا نقسس فالخمار نحط وانعاود والللللللله مالقيت روحي، نصلي ونقرى القرآن وانهار طول والسبحة في يدي والخمار مانيش مايرتو واين شفتوها:d
مرات نقول بلاك صلاتي ماهيش مقبولا أصلا.
تفاعلوا مع الموضوع ربي يستركم
أفيدوني وجزاكم الله خير