▬ المقبلين الجدد في بكالوريا التسيير والإقتصاد ▬

صفا الروح ايمانوو · 2011-12-07, 21:15

اقتباس:

المشاركة الأصلية كتبت بواسطة conviction

صدقيني، لازمك إنتي لي تكوّني الحافز لزملائك الجدد باش يعودو يحبو يدرسو مع بعض ، ماشي كي راهم مايدرسوش مع بعض معناتها تخلي الحال على حالو وتقولي نقرا وحدي وخلاص وإلا نعاود نرجع للمدرسة لي كنت فيها ، لا لا ، لازمك تسيي بشوية ، تشوفي لي باينين يحبو يقراو ، وتسأليهم وتتناقشو في أمور ما راكمش فاهمينها ، وحدة وحدة حتى تلقاي مجموعة تكونت وحابة تقرا وكلش ، لذلك لا تيأسي من هاذ الجانب وكوني صبورة ...
فيما يخص الحفاظة ، أنتم تاع الغرب ما نخافوش عليكم ، عندكم ذاكرة قوية خاطر تاكلو الحوت بزاف ¨¨

الله يحفظك أختي =صفا الروح ايمانوو

والله يا اخي يحبوا يحلوا وحدهم ما يحبوش العمل الجماعي يعني فئة تاع صحبات تاع الصح يحلوا وحدهم كل واحد يحب روحوا لكن بقسمي بثانويتي السابقة كل جماعة يحلوا وحدهم ومنظمين الله يبارك هههههه انا ما نكلش السردين بزاف ولاية بومرداس مش من الغرب بالوسط هههه بصح ذاكرتي قوية في التواريخ وحاجات تاع حياتنا اليومية ماشي في الحفاظة هههه ودارنا تقريبا ذاكرتهم شوية

المهم نحاولوا نديروا اللي علينا وربي يوفقنا كامل الله ينجحك خيي كونفاكشن ويحميك يارب (:

conviction · 2011-12-08, 09:37

اقتباس:

المشاركة الأصلية كتبت بواسطة صفا الروح ايمانوو

والله يا اخي يحبوا يحلوا وحدهم ما يحبوش العمل الجماعي يعني فئة تاع صحبات تاع الصح يحلوا وحدهم كل واحد يحب روحوا لكن بقسمي بثانويتي السابقة كل جماعة يحلوا وحدهم ومنظمين الله يبارك هههههه انا ما نكلش السردين بزاف ولاية بومرداس مش من الغرب بالوسط هههه بصح ذاكرتي قوية في التواريخ وحاجات تاع حياتنا اليومية ماشي في الحفاظة هههه ودارنا تقريبا ذاكرتهم شوية

المهم نحاولوا نديروا اللي علينا وربي يوفقنا كامل الله ينجحك خيي كونفاكشن ويحميك يارب (:

راني عارف بلي بومرداس في الوسط ، راني جيت رايح نقول : أنتم تاع بلاد لبحر عندكم ذاكرة قوية ،، خاطر تاكلو الحوت بزاف هههه شوية قلت الغرب ،، معذرة ! خطأ مطبعي ههه ..

على كل ، هل راكي ديري في ليكور في مادة معينة ؟؟

صفا الروح ايمانوو · 2011-12-08, 20:43

اقتباس:

المشاركة الأصلية كتبت بواسطة conviction

راني عارف بلي بومرداس في الوسط ، راني جيت رايح نقول : أنتم تاع بلاد لبحر عندكم ذاكرة قوية ،، خاطر تاكلو الحوت بزاف هههه شوية قلت الغرب ،، معذرة ! خطأ مطبعي ههه ..

على كل ، هل راكي ديري في ليكور في مادة معينة ؟؟

هههههه والله يا خويا كاين بزاف اللي ذاكرتهم ضعيفة خلاص مايفيدش فيهم السردين كبروا كن كلاوها كي كانوا صغاروقت المخ كان يكبر ^^ ماشي مشكل كامل نعملوا اخطاء وبني ادام ما راهش معصوم من الخطأ وانا عادي عندي مانعتبرهاش غلطة كلنا جزائريون (: ،، ههه والله كيفكرتني بالحوت انا مانحبوش بزاف قلت لهم يشروه اليوم ههه ماكليتوش من الصيف والله لازم الحوت يجمدوه واحد اليومين برك حتى يوصل لعندكم ويبيعوه
والله ما رانيش اندير الحاجة اللي نكرها خيي في الفصل الاول هو وقت البرد لخاطر مانحملوش نروحلها بلعقل بلعقل وكيلحق وقت النصف تاع مارس نكثف الحفاظة يوميا المهم لازم المحاسبة نمشوا مع قد قد مع التاريخ والجغرافيا والتربية الاسلامية (والاقتصاد والقانون نروحوا لهم بلعقل لازم تركيز عليهم مليح حتى ماننساوهمش ) وانت كونفاكشن كيفاش التحضر ديالك ؟

conviction · 2011-12-08, 22:37

والله تعشيت سردينا ذرك ههه ، راهم يقولو بلي راهي مليحة للذاكرة ، 100 غرام حوت تعطيك 150 غرام فوسفور والفوسفور هذا راهو يقوي الذاكرة مليح ،،، بالنسبة للتحضير تاعي ، راني نغذي في مخي قبل ما نبدا نحفظ ، ناكل في الحوت والقمح والبسيس هههه ،،
درت test بعد الأكل ، حفظت 4 دروس تاع السنة في العلوم شرعية ...
في المحاسبة راني لازلت في الوحدة الثالثة ، نحل في التمارين تاع الإهتلاك وتاع المؤنات والتسويات ، بعد غد بإذن الله ندخل في الوحدة الرابعة ... تعطلت بزاف خاطر ضروسي (الأسنان) دارو فيا حالة ... عموما ، اعلمي أنني ما عنديش الكرارس ( ما زلت أنتظر في واحد من أقربائي يبعثلي كرارس تاعو ) عندي فقط علوم شرعية ،، وراني طبعت فقط 4 وحدات الأولى تاع المحاسبة ( من دروس التكوين عن بعد ) ...أعتقد أنني متأخر قليلا ، لازم ليامات الجاية وخصوصا العطلة نتدارك الأمور كي ألحق بالنظاميين على الأقل في المحاسبة ،،، أبقى متفائل بشأن المحاسبة ، ولكن الرياضيات ربي تستر ...ضيفيلها العربية والفلسفة ،، هاذو مقلقيني شويا

فما يخص البرد ، أشربي الزيت عرب ،، دربا دربا للبرد ... تعودي تحسي بروحك في أوت ههه

صفا الروح ايمانوو · 2011-12-09, 14:14

اقتباس:

المشاركة الأصلية كتبت بواسطة conviction

والله تعشيت سردينا ذرك ههه ، راهم يقولو بلي راهي مليحة للذاكرة ، 100 غرام حوت تعطيك 150 غرام فوسفور والفوسفور هذا راهو يقوي الذاكرة مليح ،،، بالنسبة للتحضير تاعي ، راني نغذي في مخي قبل ما نبدا نحفظ ، ناكل في الحوت والقمح والبسيس هههه ،،
درت test بعد الأكل :d، حفظت 4 دروس تاع السنة في العلوم شرعية ...
في المحاسبة راني لازلت في الوحدة الثالثة ، نحل في التمارين تاع الإهتلاك وتاع المؤنات والتسويات ، بعد غد بإذن الله ندخل في الوحدة الرابعة ... تعطلت بزاف خاطر ضروسي (الأسنان) دارو فيا حالة ... عموما ، اعلمي أنني ما عنديش الكرارس ( ما زلت أنتظر في واحد من أقربائي يبعثلي كرارس تاعو ) عندي فقط علوم شرعية ،، وراني طبعت فقط 4 وحدات الأولى تاع المحاسبة ( من دروس التكوين عن بعد ) ...أعتقد أنني متأخر قليلا ، لازم ليامات الجاية وخصوصا العطلة نتدارك الأمور كي ألحق بالنظاميين على الأقل في المحاسبة ،،، أبقى متفائل بشأن المحاسبة ، ولكن الرياضيات ربي تستر ...ضيفيلها العربية والفلسفة ،، هاذو مقلقيني شويا

فما يخص البرد ، أشربي الزيت عرب ،، دربا دربا للبرد ... تعودي تحسي بروحك في أوت ههه

ههه بصحتك خيي كونفاكشن وانا فطرت لعشيا بالسردين لبارح ههه والمكسرات خصوصا اللوز ثاني ملاح وعصير البرتقال طبيعي واش هو البسيس (:

ماشاء الله عليك ربي يقويك على الحفظ احنا في ليكول كملنا الميزانية الختامية ماراكش بعيد خويا اصلا احنا كي نراجعوا نبدوا من الاهتلاكات
اما سنانك سلامتك انا في بداية العام قتلوني ضرس العقل هه لازم تروح لطبيب
لازم يعطوك الكراريس وكاين اهنا ملخصات الاقتصاد والقانون رغم اني ندرس بالليسي نزلتهم عجبوني الله يعطي الصحة اللي دارهم
وانا الرياضيات مثلك كارثة اكثر منك لازم واحد يفهمك على الاقل الاحصاء تضمن 5 نقطات تاعو حتى لو ما عملتش في الرياضيات وخدمت
في المواد الاخرين مليح تربح بإذن الله اما العربية قرا القواعد والبلاغة والصور البيانية برك والفلسفة تعلم كيفاش تكتب مقالة وانا ثاني راني شوية فيها لازم تحط في المقال اذا كانت الطريقة جدالية الطرفين وتنقدهم
مانعرفوش هذا الزيت ههه نحوس عليه ^^ يعطيك الصحة يا اخي ربي يوفقك وينجحك المهم مانسبقوش الخلعة

conviction · 2011-12-09, 19:23

اقتباس:

المشاركة الأصلية كتبت بواسطة صفا الروح ايمانوو

ههه بصحتك خيي كونفاكشن وانا فطرت لعشيا بالسردين لبارح ههه والمكسرات خصوصا اللوز ثاني ملاح وعصير البرتقال طبيعي واش هو البسيس (:

ماشاء الله عليك ربي يقويك على الحفظ احنا في ليكول كملنا الميزانية الختامية ماراكش بعيد خويا اصلا احنا كي نراجعوا نبدوا من الاهتلاكات
اما سنانك سلامتك انا في بداية العام قتلوني ضرس العقل هه لازم تروح لطبيب
لازم يعطوك الكراريس وكاين اهنا ملخصات الاقتصاد والقانون رغم اني ندرس بالليسي نزلتهم عجبوني الله يعطي الصحة اللي دارهم
وانا الرياضيات مثلك كارثة اكثر منك لازم واحد يفهمك على الاقل الاحصاء تضمن 5 نقطات تاعو حتى لو ما عملتش في الرياضيات وخدمت
في المواد الاخرين مليح تربح بإذن الله اما العربية قرا القواعد والبلاغة والصور البيانية برك والفلسفة تعلم كيفاش تكتب مقالة وانا ثاني راني شوية فيها لازم تحط في المقال اذا كانت الطريقة جدالية الطرفين وتنقدهم
مانعرفوش هذا الزيت ههه نحوس عليه ^^ يعطيك الصحة يا اخي ربي يوفقك وينجحك المهم مانسبقوش الخلعة

هههه البسيس هو عبارة عن قمح مرحي ومقلي مليح ،، تصبي فيه الماء أو الحليب وتزيديلو السكر وشهية طّيبة

، الله أعلم ما يعرفوهاش تاع الوسط والغرب ،

الله يحفظك الأخت صفا الروح ايمانوو وربي يوفقك أنتي أيضا في الحفظ ، بشوية برك ما تكتريش على روحك وفي نفس الوقت ما تخليش المواد تتراكملك ... كل مرة حاجة حتى وين تكملي كلش بإذن الله
ضروسي راهم ينوضو نهار ويهفتو نهار لي وراه ،،، والله حيّروني
أما فيما يخص الإقتصاد والقانون ،،، كاين ملخصات بزاف هنا ، ممكن تقوليلي ويناه لي نزلتيهم بالتحديد ؟
الرياضيات لازمني ندير ليكور ما فيهاش نقاش .. الشيخ لي نطيح عندو يهبل هههه

الفلسفة ذرك نخليها للأشهر الأخيرة نظن

بصحتك السردين ^^ و بارك الله فيك ، نتمنالك النجاح

صفا الروح ايمانوو · 2011-12-09, 21:48

اقتباس:

المشاركة الأصلية كتبت بواسطة conviction

هههه البسيس هو عبارة عن قمح مرحي ومقلي مليح ،، تصبي فيه الماء أو الحليب وتزيديلو السكر وشهية طّيبة

، الله أعلم ما يعرفوهاش تاع الوسط والغرب ،

الله يحفظك الأخت صفا الروح ايمانوو وربي يوفقك أنتي أيضا في الحفظ ، بشوية برك ما تكتريش على روحك وفي نفس الوقت ما تخليش المواد تتراكملك ... كل مرة حاجة حتى وين تكملي كلش بإذن الله
ضروسي راهم ينوضو نهار ويهفتو نهار لي وراه ،،، والله حيّروني
أما فيما يخص الإقتصاد والقانون ،،، كاين ملخصات بزاف هنا ، ممكن تقوليلي ويناه لي نزلتيهم بالتحديد ؟
الرياضيات لازمني ندير ليكور ما فيهاش نقاش .. الشيخ لي نطيح عندو يهبل هههه

الفلسفة ذرك نخليها للأشهر الأخيرة نظن

بصحتك السردين ^^ و بارك الله فيك ، نتمنالك النجاح

لا والله خيو كونفاكشن مانعرفوهاش ههه تبان بنينة

امين يارب ويحفظك ويحميك يا اخي ويسهل عليك المذاكرة امين يارب ، ان شاء الله هذا الاسبوع نلتهى بالتاريخ وشوي محاسبة
وبالعطلة اللي هي عندنا ههه مش وقت لراحة نركز على الاقتصاد والقانون
هكذا تعمل ضرسة العقل انا لحد الان ناضت نص ونصف الاخر مخبي والاخرين كيفكيف ما بانوش لازم لك تروح عند الطبيب

انا كيوجعتني بزاف اضطرت تنحي لي واحدة باش يبقى الفراغ وتكمل تنوض ضرسة العقل وينغلق الفراغ لكن للأسف ما زالني نعس فيها ههه
شوف كاش تلميذ او استاذ ودير في الرياضيات شوي دروس خصوصية مليح كتهبلوا ماشي مشكل المهم تتعلم وبالاخير يفرح بك
هههه انا كل ما يحضر فرض مانديروش مانحبش نجيب الصدمة ليا وللأستاذ نخليها العلامة للباك بستر ربي
لا خويا الفلسفة ماتخليهاش حتى للأخير كل اسبوع اقرا درس والاسبوع الثاني تدرب على المقالة لانو كل درس عندو مقالة خاصة
ولازم تكون عندك معلومات عن الدرس باش تكتب المقالة الخاصة به يقدر في الباك مثلا يطرح لك سؤال عن المعرفة والعقل
وانت لازم تكون عندك معلومات عليه باش تكتب مقالتك (:
الله يسلمك خويا وفيك بارك الله وانا ثاني اسأل الله تعالى ان يسهل عليك امتحان البكالوريا وينجحك في امان الله (:

هنا في هذا الموضوع ملخص الاقتصاد والقانون

https://www.djelfa.info/vb/showthread.php?t=720749

فقط بالوحدات الاخيرة توجد شوي دروس ناقصة

saritaditch · 2011-12-09, 20:29

انا مارانيش قع نحفظ او بداني لخوف.انا اعطيت وقت كبير للمحاسبة او الرياضات او اهملت الباقي واااااش ندير

merz1919 · 2012-03-20, 18:07

رني خايف بزاف حاب يجي هداك النهار الي نجوزو فيه الباك

conviction · 2012-03-20, 18:15

اقتباس:

المشاركة الأصلية كتبت بواسطة merz1919

رني خايف بزاف حاب يجي هداك النهار الي نجوزو فيه الباك

ما تخاف ما والو ،، إمتحان عادي ،، خاف من عدم حصولك على معدل 14 فما فوق ،،، بصح الباقي راهو عادي جدا .... بالتوفيق

sirina sousou · 2013-01-01, 13:26

سلام عليكم
ممكن اعرف الفرق بين نظام الجديد و النظام القديم للمحاسبة ,?