▬ المقبلين الجدد في بكالوريا التسيير والإقتصاد ▬

conviction · 2011-12-06, 22:36

اقتباس:

المشاركة الأصلية كتبت بواسطة صفا الروح ايمانوو

والله لا اخفيك اخي كونفاكشن ههه شعور عادي ومتخوفة من طريقة التصحيح وفي مادة المحاسبة ان اقلبوا الموازين لكن لا بد من الممارسة اكثر فأكثر لتجاوز العائق انا صراحة حافظة درس واحد بالاقتصاد رايحة نبدأ بالتاريخ ونكملوا قبل العطلة لانو اسهل مادة وفي العطلة نلتهى بالاقتصاد والقانون
اما المحاسبة نمشي معها قد قد والكارثة الكبرى انا مانعرفش الرياضيات والله 00 هكا راني كنت تاكلة على الاحصاء الدرس راح لي بسبب تغيير المؤسسة وفي المؤسسة الجديدة فيها 18 واحد بتسيير واقتصاد مايعملوش جماعيا راني حابة نولي لمؤسستي القديمة اللي فيها 38 واحد بصح يعملوا جماعيا كامل ما يبخلوش راني حايرة الا نولي ولا لالا والاساتذة كامل ملاح بالمؤسسة الجديدة بصح تاع الانجليزية قالي اكتبي كامل الكراس وانا ماعنديش وقت هههه المشكل نظام الدوام من 8 الى 4 سامط واللوم على الوزير الدول الاخرى من 8 الى 1 واحنا عمرنا ولا قدمنا طاقتنا كاملة في الدراسة وتحصيل اعلى النتائج لو كنا نخرج على 2 او 1 نجيبوا اكثر

الله يوفقك وينجحك خويا دير جدول لروحك ورتب اوقات المساء مثلا من 5.30 الى 6.30 نقرا محاسبة

من 6.30 الى 7.30 اقتصاد على حسب رغبتك واستعدادك انا العام الماضي درت هكذا بالفصل الاخير ونجحت فيه

لكن هذ العام مع البرد مانقدرش نلتزم ههه

صدقيني، لازمك إنتي لي تكوّني الحافز لزملائك الجدد باش يعودو يحبو يدرسو مع بعض ، ماشي كي راهم مايدرسوش مع بعض معناتها تخلي الحال على حالو وتقولي نقرا وحدي وخلاص وإلا نعاود نرجع للمدرسة لي كنت فيها ، لا لا ، لازمك تسيي بشوية ، تشوفي لي باينين يحبو يقراو ، وتسأليهم وتتناقشو في أمور ما راكمش فاهمينها ، وحدة وحدة حتى تلقاي مجموعة تكونت وحابة تقرا وكلش ، لذلك لا تيأسي من هاذ الجانب وكوني صبورة ...
فيما يخص الحفاظة ، أنتم تاع الغرب ما نخافوش عليكم ، عندكم ذاكرة قوية خاطر تاكلو الحوت بزاف ¨¨

الله يحفظك أختي =صفا الروح ايمانوو

صفا الروح ايمانوو · 2011-12-07, 21:15

اقتباس:

المشاركة الأصلية كتبت بواسطة conviction

صدقيني، لازمك إنتي لي تكوّني الحافز لزملائك الجدد باش يعودو يحبو يدرسو مع بعض ، ماشي كي راهم مايدرسوش مع بعض معناتها تخلي الحال على حالو وتقولي نقرا وحدي وخلاص وإلا نعاود نرجع للمدرسة لي كنت فيها ، لا لا ، لازمك تسيي بشوية ، تشوفي لي باينين يحبو يقراو ، وتسأليهم وتتناقشو في أمور ما راكمش فاهمينها ، وحدة وحدة حتى تلقاي مجموعة تكونت وحابة تقرا وكلش ، لذلك لا تيأسي من هاذ الجانب وكوني صبورة ...
فيما يخص الحفاظة ، أنتم تاع الغرب ما نخافوش عليكم ، عندكم ذاكرة قوية خاطر تاكلو الحوت بزاف ¨¨

الله يحفظك أختي =صفا الروح ايمانوو

والله يا اخي يحبوا يحلوا وحدهم ما يحبوش العمل الجماعي يعني فئة تاع صحبات تاع الصح يحلوا وحدهم كل واحد يحب روحوا لكن بقسمي بثانويتي السابقة كل جماعة يحلوا وحدهم ومنظمين الله يبارك هههههه انا ما نكلش السردين بزاف ولاية بومرداس مش من الغرب بالوسط هههه بصح ذاكرتي قوية في التواريخ وحاجات تاع حياتنا اليومية ماشي في الحفاظة هههه ودارنا تقريبا ذاكرتهم شوية

المهم نحاولوا نديروا اللي علينا وربي يوفقنا كامل الله ينجحك خيي كونفاكشن ويحميك يارب (:

conviction · 2011-12-08, 09:37

اقتباس:

المشاركة الأصلية كتبت بواسطة صفا الروح ايمانوو

والله يا اخي يحبوا يحلوا وحدهم ما يحبوش العمل الجماعي يعني فئة تاع صحبات تاع الصح يحلوا وحدهم كل واحد يحب روحوا لكن بقسمي بثانويتي السابقة كل جماعة يحلوا وحدهم ومنظمين الله يبارك هههههه انا ما نكلش السردين بزاف ولاية بومرداس مش من الغرب بالوسط هههه بصح ذاكرتي قوية في التواريخ وحاجات تاع حياتنا اليومية ماشي في الحفاظة هههه ودارنا تقريبا ذاكرتهم شوية

المهم نحاولوا نديروا اللي علينا وربي يوفقنا كامل الله ينجحك خيي كونفاكشن ويحميك يارب (:

راني عارف بلي بومرداس في الوسط ، راني جيت رايح نقول : أنتم تاع بلاد لبحر عندكم ذاكرة قوية ،، خاطر تاكلو الحوت بزاف هههه شوية قلت الغرب ،، معذرة ! خطأ مطبعي ههه ..

على كل ، هل راكي ديري في ليكور في مادة معينة ؟؟

صفا الروح ايمانوو · 2011-12-08, 20:43

اقتباس:

المشاركة الأصلية كتبت بواسطة conviction

راني عارف بلي بومرداس في الوسط ، راني جيت رايح نقول : أنتم تاع بلاد لبحر عندكم ذاكرة قوية ،، خاطر تاكلو الحوت بزاف هههه شوية قلت الغرب ،، معذرة ! خطأ مطبعي ههه ..

على كل ، هل راكي ديري في ليكور في مادة معينة ؟؟

هههههه والله يا خويا كاين بزاف اللي ذاكرتهم ضعيفة خلاص مايفيدش فيهم السردين كبروا كن كلاوها كي كانوا صغاروقت المخ كان يكبر ^^ ماشي مشكل كامل نعملوا اخطاء وبني ادام ما راهش معصوم من الخطأ وانا عادي عندي مانعتبرهاش غلطة كلنا جزائريون (: ،، ههه والله كيفكرتني بالحوت انا مانحبوش بزاف قلت لهم يشروه اليوم ههه ماكليتوش من الصيف والله لازم الحوت يجمدوه واحد اليومين برك حتى يوصل لعندكم ويبيعوه
والله ما رانيش اندير الحاجة اللي نكرها خيي في الفصل الاول هو وقت البرد لخاطر مانحملوش نروحلها بلعقل بلعقل وكيلحق وقت النصف تاع مارس نكثف الحفاظة يوميا المهم لازم المحاسبة نمشوا مع قد قد مع التاريخ والجغرافيا والتربية الاسلامية (والاقتصاد والقانون نروحوا لهم بلعقل لازم تركيز عليهم مليح حتى ماننساوهمش ) وانت كونفاكشن كيفاش التحضر ديالك ؟

conviction · 2011-12-08, 22:37

والله تعشيت سردينا ذرك ههه ، راهم يقولو بلي راهي مليحة للذاكرة ، 100 غرام حوت تعطيك 150 غرام فوسفور والفوسفور هذا راهو يقوي الذاكرة مليح ،،، بالنسبة للتحضير تاعي ، راني نغذي في مخي قبل ما نبدا نحفظ ، ناكل في الحوت والقمح والبسيس هههه ،،
درت test بعد الأكل ، حفظت 4 دروس تاع السنة في العلوم شرعية ...
في المحاسبة راني لازلت في الوحدة الثالثة ، نحل في التمارين تاع الإهتلاك وتاع المؤنات والتسويات ، بعد غد بإذن الله ندخل في الوحدة الرابعة ... تعطلت بزاف خاطر ضروسي (الأسنان) دارو فيا حالة ... عموما ، اعلمي أنني ما عنديش الكرارس ( ما زلت أنتظر في واحد من أقربائي يبعثلي كرارس تاعو ) عندي فقط علوم شرعية ،، وراني طبعت فقط 4 وحدات الأولى تاع المحاسبة ( من دروس التكوين عن بعد ) ...أعتقد أنني متأخر قليلا ، لازم ليامات الجاية وخصوصا العطلة نتدارك الأمور كي ألحق بالنظاميين على الأقل في المحاسبة ،،، أبقى متفائل بشأن المحاسبة ، ولكن الرياضيات ربي تستر ...ضيفيلها العربية والفلسفة ،، هاذو مقلقيني شويا

فما يخص البرد ، أشربي الزيت عرب ،، دربا دربا للبرد ... تعودي تحسي بروحك في أوت ههه

صفا الروح ايمانوو · 2011-12-09, 14:14

اقتباس:

المشاركة الأصلية كتبت بواسطة conviction

والله تعشيت سردينا ذرك ههه ، راهم يقولو بلي راهي مليحة للذاكرة ، 100 غرام حوت تعطيك 150 غرام فوسفور والفوسفور هذا راهو يقوي الذاكرة مليح ،،، بالنسبة للتحضير تاعي ، راني نغذي في مخي قبل ما نبدا نحفظ ، ناكل في الحوت والقمح والبسيس هههه ،،
درت test بعد الأكل :d، حفظت 4 دروس تاع السنة في العلوم شرعية ...
في المحاسبة راني لازلت في الوحدة الثالثة ، نحل في التمارين تاع الإهتلاك وتاع المؤنات والتسويات ، بعد غد بإذن الله ندخل في الوحدة الرابعة ... تعطلت بزاف خاطر ضروسي (الأسنان) دارو فيا حالة ... عموما ، اعلمي أنني ما عنديش الكرارس ( ما زلت أنتظر في واحد من أقربائي يبعثلي كرارس تاعو ) عندي فقط علوم شرعية ،، وراني طبعت فقط 4 وحدات الأولى تاع المحاسبة ( من دروس التكوين عن بعد ) ...أعتقد أنني متأخر قليلا ، لازم ليامات الجاية وخصوصا العطلة نتدارك الأمور كي ألحق بالنظاميين على الأقل في المحاسبة ،،، أبقى متفائل بشأن المحاسبة ، ولكن الرياضيات ربي تستر ...ضيفيلها العربية والفلسفة ،، هاذو مقلقيني شويا

فما يخص البرد ، أشربي الزيت عرب ،، دربا دربا للبرد ... تعودي تحسي بروحك في أوت ههه

ههه بصحتك خيي كونفاكشن وانا فطرت لعشيا بالسردين لبارح ههه والمكسرات خصوصا اللوز ثاني ملاح وعصير البرتقال طبيعي واش هو البسيس (:

ماشاء الله عليك ربي يقويك على الحفظ احنا في ليكول كملنا الميزانية الختامية ماراكش بعيد خويا اصلا احنا كي نراجعوا نبدوا من الاهتلاكات
اما سنانك سلامتك انا في بداية العام قتلوني ضرس العقل هه لازم تروح لطبيب
لازم يعطوك الكراريس وكاين اهنا ملخصات الاقتصاد والقانون رغم اني ندرس بالليسي نزلتهم عجبوني الله يعطي الصحة اللي دارهم
وانا الرياضيات مثلك كارثة اكثر منك لازم واحد يفهمك على الاقل الاحصاء تضمن 5 نقطات تاعو حتى لو ما عملتش في الرياضيات وخدمت
في المواد الاخرين مليح تربح بإذن الله اما العربية قرا القواعد والبلاغة والصور البيانية برك والفلسفة تعلم كيفاش تكتب مقالة وانا ثاني راني شوية فيها لازم تحط في المقال اذا كانت الطريقة جدالية الطرفين وتنقدهم
مانعرفوش هذا الزيت ههه نحوس عليه ^^ يعطيك الصحة يا اخي ربي يوفقك وينجحك المهم مانسبقوش الخلعة

conviction · 2011-12-09, 19:23

اقتباس:

المشاركة الأصلية كتبت بواسطة صفا الروح ايمانوو

ههه بصحتك خيي كونفاكشن وانا فطرت لعشيا بالسردين لبارح ههه والمكسرات خصوصا اللوز ثاني ملاح وعصير البرتقال طبيعي واش هو البسيس (:

ماشاء الله عليك ربي يقويك على الحفظ احنا في ليكول كملنا الميزانية الختامية ماراكش بعيد خويا اصلا احنا كي نراجعوا نبدوا من الاهتلاكات
اما سنانك سلامتك انا في بداية العام قتلوني ضرس العقل هه لازم تروح لطبيب
لازم يعطوك الكراريس وكاين اهنا ملخصات الاقتصاد والقانون رغم اني ندرس بالليسي نزلتهم عجبوني الله يعطي الصحة اللي دارهم
وانا الرياضيات مثلك كارثة اكثر منك لازم واحد يفهمك على الاقل الاحصاء تضمن 5 نقطات تاعو حتى لو ما عملتش في الرياضيات وخدمت
في المواد الاخرين مليح تربح بإذن الله اما العربية قرا القواعد والبلاغة والصور البيانية برك والفلسفة تعلم كيفاش تكتب مقالة وانا ثاني راني شوية فيها لازم تحط في المقال اذا كانت الطريقة جدالية الطرفين وتنقدهم
مانعرفوش هذا الزيت ههه نحوس عليه ^^ يعطيك الصحة يا اخي ربي يوفقك وينجحك المهم مانسبقوش الخلعة

هههه البسيس هو عبارة عن قمح مرحي ومقلي مليح ،، تصبي فيه الماء أو الحليب وتزيديلو السكر وشهية طّيبة

، الله أعلم ما يعرفوهاش تاع الوسط والغرب ،

الله يحفظك الأخت صفا الروح ايمانوو وربي يوفقك أنتي أيضا في الحفظ ، بشوية برك ما تكتريش على روحك وفي نفس الوقت ما تخليش المواد تتراكملك ... كل مرة حاجة حتى وين تكملي كلش بإذن الله
ضروسي راهم ينوضو نهار ويهفتو نهار لي وراه ،،، والله حيّروني
أما فيما يخص الإقتصاد والقانون ،،، كاين ملخصات بزاف هنا ، ممكن تقوليلي ويناه لي نزلتيهم بالتحديد ؟
الرياضيات لازمني ندير ليكور ما فيهاش نقاش .. الشيخ لي نطيح عندو يهبل هههه

الفلسفة ذرك نخليها للأشهر الأخيرة نظن

بصحتك السردين ^^ و بارك الله فيك ، نتمنالك النجاح