اسمع حكاية بلهجتي ....

[محمد حانطي]

المشاركة الأصلية كتبت بواسطة novateen

يحكى في قديم الزمان كان كاين شاب عنده بزاف لصحاب وفي كل مرة يحذره بوه ويوصيه من كثرة لصحاب
الابن كان دايما يرفض نصيحة تاع الأب نتاعه ويقوله بلي هو متأكد بلي صحابه قاع يبغهوه وحتى واحد ما يغدر بيه ولا يسمح فيه
خمم هذاك الأب شعال ومن بعد قرر باش يعمل حيلة هو وولده باش يعرفو الصاحب الحقيقي من المزيف
فقالوا يا ولدي اذا كنت بوك وتبغيني ودير فيا الثقة غادي نقولك دير حاجة باش تعرف ادا كان صحابك يبغوك صح ولا غير على خاطر مصلحتهم
قبل الولد ودار بنصيحة بوه اللي قاله روح عند كل واحد من صحابك وقوله بينك وبينه بلي راك قتلت واحد وراك باغيه يعاونك باش تدفنه
ويبقى سر بيناتكم
راح هذاك الأبن ودار واش طلب منه بوه وفي كل مرة يقول لواحد واش دار يهرب هذاك الصاحب وايقوله أنا خاطيني قتلته دبر عليه كيفاش اديرله حتى راحوا قاع صحابه وبقى غير صاحب واحد اللي غير خبره بالقصة حتى وافق وقاله ما تخممش انا راني معاك نعاونك وحتى واحد ما يعرف
عندها عرف الابن بلي بوه ما كانش غالط كي قاله خطيك من كثرة لصحاب " كثير لصحاب قعد بلا صاحب"
أرجو أن تعجبكم الحكاية

فعلا الصاحب يقاس بوقت الشدة فقط


الحمد لله لم اعاني من هذا النوع ههههههه

لحد الان اصحابي راهم ملاح مالح
ربي يدومها ان شاء الله



وانتم كيف احوالكم مع الاصدقاء

[novateen]

المشاركة الأصلية كتبت بواسطة محمد حانطي

فعلا الصاحب يقاس بوقت الشدة فقط

الحمد لله لم اعاني من هذا النوع ههههههه

لحد الان اصحابي راهم ملاح مالح
ربي يدومها ان شاء الله

وانتم كيف احوالكم مع الاصدقاء

لحد الآن راه عندي صحابات ماشاء الله بصح عانيت شعال باش لقيتهم
الله يدومها محبة مع صحابك أخي محمد وكيما يقولو يهرس قلة عسل بيناتكم
ان شاء الله ما تشوف شر منهم
مرة اخرى سعدت جدا بمرورك ومشاركتك بمواضيعي
ابقى بالجوار ورفه عن نفسك بحكايات الأعضاء