ـــــ [ نافِــذَةٌ ] لِما قبْلَ الإفــطارْ ..... /

[مختلف]

المشاركة الأصلية كتبت بواسطة الشتاء

يا جماعة..
العرض صالح فقط لما قبل { الإفطــار}
تنتهي صلاحية { اكتيفي } عندما يؤّذن في ولايتكم
لذا , فالحديث بعد الإفطار .. يكون على حسابكم
تـقـبل الله صيامـكم
صح.. { فــطوركم..{

ههههههه

علابالكْ ... هذِي العفسَة يخدمُوا عليها كثيرًا أصحاب شركات الإتصالاتْ

مثلاً ../

تصورِي كاين عشرة مليون جزائرِي مش عارف بللي العرض قبل الإفــطار فقط

يعنِي راح يكلمْ على الاقل - فرضًا - [ خمس دقائق ]

ومن بعد يفيق .... أو يقلهْ خوه .... ولاَّ صاحبَه مولا الحانُوت نتاع الفليكسِي


وخمس دقايقْ - نتاع مش عارف هذيكَ - ..... في عشرة ملايين مشترك

تعنِي 100 ملــيُون unités

وعلى سومَة 4 دج ....... تطلعْ 400 مليُون دج

أي 40000 مليُون سنتيم .... أو 40 ملـــيار سنتِيم



تخيلِي 40 مليار سنتيم بسبب [ غلطَة ] فقط

فما بالُك بمكاسب شركات الــ [ باطِلْ ] هذِي كِي تعود تخدم نورمال !!!


لذلك ..... خلِينا الشعبْ يغلــط .... ما شِي غير هُم اللي يدُّوا في الملايير على اظهر الشعب المسكِين


عرفتِي الآن وعلاشْ حابينَّا نتكلمُوا





ومرحبًا بالشتاءْ ..... في عزِ [ صيفِ ] رمضانْ

المشاركة الأصلية كتبت بواسطة فارسي

صح رمضانكم و صح فطوركم
تقدرو تيليشارجو شربة رمضان حصريا من الرابط التالي www.ramadan/chorba.dz ههههههههههه
ماتنساوش تبارتاجيو البوراك في صفحتنا على الفايسبوك

شكـــرًا