تاريـــــــــــــــــخ و جغرافيا

[mehdi_mascara]

وش من روطار بزاف ، عادي خويا و الله ، ركز على المواد الأساسية ،
محمودي عادل الأزرق مشي الأخضر ، أراه جيد ، اقراهم فالأول كلهم بش تحفظهم ، إقراهم بتأني ، هكذا قاع و لا ما لحقتش تكون على الاقل قاريهم تسمى تقدر تسترجع شوية ، و في الحفاظة ابدا تحفظ في المطلحات و الشخصيات لي مرو عليك من قبل يعني سمعتهم فالقسم دايما يتكررو ، هاذوك ركز عليهم مش تروح تفظ حاجة غير معروفة تماما و لا شخية غابرة ، تزيد على روحك وقت و مجهود باطل ، إحفظ البارز الأول ،،

بالنسبة للجغرافيا ، احفظ واحدة منهم ، مثلا أمريكا و لا البرازيل ، و ابدا تطبقهم على لوخرين ، لأنو تقريبا نفس الأشياء لي كانو في هاذيك كانو في هاذيك ، إلا في بعض الاشياء ممكن تعقل عليهم

و اخيرا يوم الباك حذاار ثم حذار تترك المكان فارغ ، حتى لو لا تعرف الشخص عمره بلي جا ، تعرفه بلي جزايري اكتب اكتب اكتب ، اكتب مجاهد و مناضل و بطل جزايري شارك في ثورة التحرير و كان من المساهمين في نجاحها ولا قيامها و منا و ملهيه المهم اكتب ، فالمصطلحات كذلك اكتب حسب ما فهمته كي ما تكونش حافظه اكتب علاحساب ما يرمز ،

أعطيتك العصارة تقريبا و اسف اذا اطلت الكلام

و بالتوفيق