تاريـــــــــــــــــخ و جغرافيا

[المُعادلة الصّعبة]

المشاركة الأصلية كتبت بواسطة HXCHXMXX

لخضر غي خلينا منو ماهدرتش عليه كامل, أنا الأزرق وجاني طوييل
والله الا عييت كي نتفكر بلي ماني حاافظ والو تقبضني depression ويمشي l'envie كامل
نتفكر العام اللي فات انا راني نعاود هدا عامي الزاوج, حتى العام اللول صرالي هكدا راني خايف مانجيبش علامة اللي راني حابها والله مارني عارف واش دوك يصرى,,,,

شوف اخويا اسمعني مليح
سقسي روحك هذا السؤال وجاوب روحك
في ميزك يا درا العام لي فات كيما العام هاذا ؟ او بالاحرى محتم يكونوا كيف كيف ؟

زيد سقسي روحك اسكو امس كي اليوم ؟ نفس الاحداث فس المورال نفس التخمام نفس القراية ؟
انا نقولك مستحيل
مستحيل يتعاود نفس الشي
ديجا مجرد تخوفك من انو يتكرر السيناريو مااراحش تخليه يتكرر غصبا عنو
لانك تضربت ضربه قاوية خلاتك دايما تخمم فالحفظ باش ما تعاودش غلطتك
واصلا حياتك ماتكتبتش باش كل عام يجي كيف لي بعدو

لي قدرها ربي تجي
ماتقارنش اصلا روحك بالعام لي فات ماشي كيف كيف
نساه العام لي فات كانك جامي عقبتو
خمم فهاذ العام
وحط في بالك كيما تحفظ راك تلقا مافيهاش
معادلة بسيطة

العام لي فات ماحفظتيش ؟ الوغ ما جبتيش
العام هذا رح تحفظ ؟ الوغ رح تجيب باذن الله
ماتقارنش ابدا ابدا العام لي فات بالعام هذا
اصلا نتا علاش عاودت .. ياك باش تصحح اخطائك !! ياك باش تعوض العام اللي فات !! ياك باش مايجيش العام ذا كي العام لي فات ؟؟
الموضوع بسيط ومزال في يدك ما خرجش عن نطاقك
كي تحب تحفظ وتكمل والله تحفظ
كوراج برك وارادة
صدقني ماكانش واحد فينا الفتره هذي ما تواجهوش ضغوطات وصعوبات
رانا كامل مضغوطين وحاسين حوايج ناقصتنا
بصح حنا ماناش نخزروا فالحوايج هذيك ونقولوا رح نفشلوا
لالا نحاولوا ع قد ما نقدروا ننحيوا النقائص هذيك باش نوصلوا للرضى عن انفسنا
رانا كامل كامل كامل نفس شعورك صدقني وانا شخصيا عندي وحد الضغط جامي حسيتو
وهذا شعور طبييييعي للغايه
انت مجرب الباك م قبل و ادرى مني
لذلك حاول تتجاوزها واحفظ برك وتفكر بلي ماراكش غير نتا لي تعاني وماكش اول واحد تجوز الباك فالدنيا هاذي
عادي خلاص

وخمم في حاجة اخرى
تخيل عبد مثلا راهو ف situation تاعك بصح هو اقوى منك وعندو اراده خير منك
هو ما خلاش الحفظ وما قعدش فالشوكة يندب لالا

هو تجاوز كلش وحفظ

تخيل برك بلي عبد راهو هكا ونفس الوضع تاعك بصح هو كان خير منك
انت حاول تكون هذاك الشخص باش يوما ما تقول انا درتها
باش ما تندمش
خاطر كي تشوف عبد عندو نفس ظروفك وامكانياتك بصح ارادتو كانت ااقوى من كل شيئ .. تغير وتتحفز بزاف تقول ماهوش خير مني رانا كيف كيف هو برك كان اقوى
نتمنى وصلتلك الفكرة
هاذي هدره كنت حابه نقولها وكان موضوعك في طريقي فرغت قلبي فيك ههههه نتمنى نكون شجعتك وحفزتك وحفزت كل واحد مر على هدرتي
علابالي طولت بزاف
والفوا بيا هههه