الجزء 188 من كوزينة حراير الجلفة مرحبا بالاحباب و اشهى طياب.

[طيور الجنان]

المشاركة الأصلية كتبت بواسطة nihal159

صباح الخير يالحراير؛ الله يبارك ماشاء الله كلشي تحفة؛ربي يباركلكم و يحفظكم لعائلاتكم
سعيدة طيابك و تحلياتك و خاصة التارت لي خدمتي تحفةتحفة؛ إن شاء الله عيد ميلاد أنس نخدملو تارت كما لي خدمتيها ههههههه يخي يقولو عاند و ماتحسدش.
سحابة الكسكسي بقا في خاطري لدرجة أني نسيت باقي أطباقك هههههههه تحفة تحفة تحفة؛ يعطيك ألف صحة و عافية على كلشي حطيتيه.
أم مهدي طيابك يشهي و طاولتك ماشاء الله دايما عامرة؛ ربي يرزقكم؛ و ربي يقدرك على التربية صعيبة خاصة العام الأوّل كي يكون الطفل بيبي صعيييييييب بزاف أنك توفقي بين إهتمامك بالدار و نفسك و البيبي.
المشرفة أم مهدودي كالعادة و لعوايد لمستك فالكوزينة خاصة و خاصة جدا؛ يعطيك الصحة.
الصنديدة بيان ههههههههه؛ التدريس و التكوين و الحمل و تربية إبنك و راكي تشاركي معانا بالتحف المطبخية نتاعك؛ يعطيك ألف صحة و عافية كلشي من يديك يشهي.
أم رحاب يا غالية؛ بسم الله ماشاء الله؛ كلشي بالطبع و الشان؛ ربي يحفظك لعايلتك؛ من فضلك حساء الجبن كيفاش درتيه؟؟؟
طيموشة من خلف البحار بالمحاجب هههههههه راكي خربطتي أوروبا بالبنة لي خارجة من دارك ههههههه الكل يتساءل واش سرّ هذي الطبخة العجيبة؛ نعم إنها لمحاجب هههههههههههه.
أم ساجد و ليزابل طلّ القمر مرحبا بيكم.
درك الطابليت راهي تتشارجى؛ من بعد نجيبلكم طياباتي تاع الويكاند هههه إستعدو ههههههههههههه

اهلين صديقتي نهال .
هههههه صح عاند و ماتحسدش جربي ديريلو اكييييد يفرح بيه و اكيد جي بنينة مادام انت اللي راح ديريها.
راني نسنا في الابداعات على اتم الاستعداد .

[طيور الجنان]

المشاركة الأصلية كتبت بواسطة nihal159

ربي يسلّكها على خير إن شاء الله.

اااامين نهال ربي يخليك.

[طيور الجنان]

المشاركة الأصلية كتبت بواسطة x ام رحاب x

ليزاتي اهلا وسهلا بيك يالهرابة وين راكي اتروحي وتسمحي فينا توحشنا طلتك علينا واش راكي ووليداتك وكل عايلتك ان شاء الله راكي بالف خير
سحابة ماشاء الله طعام تاع لعراس ايشهي تسلم ايدك
سعيدة هادا وين شفت لاتارت واااااااااااااااااااااااااو كلمة روعة قليلة هايلة هايلة هايلة ربي يفرحك كيما فرحتي وليدك تحفة فنية

المشاركة الأصلية كتبت بواسطة x ام رحاب x

انخليكم مع السلامة حبيباتي انطل ساعة ساعة بلاك نلقى اخت سعيدة سلكت ربي يسلكها على خير
الي صايمين ربي يقدركم يارب وسامحونا على الصور بلاك شهيناكم
يوم سعيد ان شاء الله

المشاركة الأصلية كتبت بواسطة x ام رحاب x

اهلا وسهلا مشرفتنا العزيزة واش راكي ولبنات واش راهم وسلطان سليمان كيفاه راه راه يكبر ربي يكبرو على طاهعتو يارب واتشوفيه من البارين والصالحين
بيان حبيبتي شكرا عويناتك الشابين حنونتي
سعيدة يادرا على حساب راكي انت الي اتزيدي مابان ا عليك حتى خبر طمنينا الله يحفضك

المشاركة الأصلية كتبت بواسطة x ام رحاب x

طليت انسقسي علي اختك اتقول حسيتي بيا يادرا كاش اخبار ربي يسلكها يارب

يسقسي عليك الخير و لهنا اختي ام رحاب والله كيما قلتي تقول انا اللي راح نزيد ههههه خلعانة كثر منها لانو حملها الاول .شكرا على الاهتمام هاذ السعاة ماكان والو كل مرة نعيطلها ماكان والو ربي سلكها على خير ان شاء الله.
فرحت كي عجبتك لاطارت شجعتيني بكلامك

[x ام رحاب x]

سعيدة راني نستنا وقتاه تلحق دالتي خبريني على اختك

[طيور الجنان]

المشاركة الأصلية كتبت بواسطة x ام رحاب x

لاسوب الفورماج
اتحطي في الطنيجرة صدر تاع الجاج واتحطي الزبدة وشوية زيت اتقليهم مليح حتان يحمار الصدر تاع الجاج حطي فوقوحبة بصل و4حبات زرودية و4 حبات بطاطا وبوكي قارنيي فيه الزعيترة وقرفة عود وشوية معدنوس وحشيش اربطيهك مليح وماترحيهمش مع البطاطا والزرودية وديري فلفل ابيض وملح ومرقي ماتكثريش الماء وعسيها وكي اطيب نحي البوكي قارنيي ماترحيهش ورحيها مع 2 فورماج شاف وديري كاس حليب ورحيه معاهم وكي ترحيهم عاودي ذوقي على االملح ومن الفوق ديري فورماج رابي والله ساهلة وبنينة بزاف انا درت اللحم والجاج

امممم يعطيك الصحة على ةصفة لاسوب من طريقتها تبان بنيييينة يعطيك الف عافية.

[طيور الجنان]

المشاركة الأصلية كتبت بواسطة حياة نور الدين

صباح الانوار

ام رحاب هلت الانوار وربي يقدرك على الضياف ماشاء الله بيتك ائما عامر بهم وها يدل على بيت الخير والبركة الله يبارك اطباقك روووعة وشكرا على كلامك وعلى وصفة الحساء

البارح تفكرت بلي نسيت ههههه

سحابة وطعامها مخلاش فياااا روووعة روووعةربي يبارك ان شاء الله

وتارت سعيدة الله يبارك تسلم يمناك وربي يفرحك بوليدك وتشوفيه في اعلى المراتب

نهالوووو اهلااا اواااااه مراكيش حابة تولي جارتي هههههه مراكيش تقوليليب اكريلي قدامك واقيلا بطلت ودبرتي قدام سعيدة ههههه
باه
ام مهدي والله كامل كيف كيف مهدي يبات يرضع ويمهمه عليا وساااامط في الرقادربي يقدرنا وشكرااا على الدعوة حبيبتي

بيان صباح الانوااااار

اااامين حيوتة شكرا حبيبتي و ربي يحفظ اطفالك و تشوفيهم كيما تحبيهم ان شاء الله.

[x ام رحاب x]

سعيدة ماتخافيش ليها ربي اقرب منا ان شاء الله ربي يسلكها على خير روحي اتوضاي وصلي صلاة الحاجة وادعيلها ربي يسلكها وخرجي حاجة سخونة عليها معروف ربي يسلكها بربي ان شاء الله الخوف مايدير والو اكثري من الاستغفار ولاحول ولا قوة الا بالله هي الي تفيدك حنونة راني حاسة بيك

[طيور الجنان]

المشاركة الأصلية كتبت بواسطة بيان 5

ام رحاب الله اللله
ماشاء الله روووووعة
سعيدة ربي يسلك اختك على خير هي والبيليبي
ماتنسايش طمنينا

اااامين بيان ربي يسلكها و يسلكك على خير ان شاء الله.

[طيور الجنان]

اااامين ام رحاب ريحني كلامك بزاااااف ربي يخليك لينا و يحفظلك ولادك ان شاء الله و ان شاء الله ندير كيما قلتيلي.

[x ام رحاب x]

سعيدة ايا روحي صلي وادعيلها ربي معاها وكل مرة ربي ان شاء الله يسلك وحلها
انخليكم لعشية ان شاء الله

[nihal159]

مساء الخير لبنات؛ مالصباح و التريسيتي مقطوعة؛ هذا وين ناب ربي و طلقوهالنا.
أم رحاب يعطيك الصحة على وصفة الحساء إن شاء الله نجربو في أقرب وقت.
حيوتة حلم حياتي نسكن بحذاك؛ مُنى عيني ههههههههههه؛ و كل مانشم ريحة حاجة بنينة طالعة من كوزينتك نبعثلك ماريا بصحن فارغ ههههههههههههههه.
فالويكاند درت ثارث الفراولة جات بريزونطابل تهبّل و الأهم أنها بنينة فوووووور؛ العجينة إستعملت لابات بريزي بالزيت الوصفة للعظوة المبدعة إلهام07 ؛ و لاكريم باتيسيير؛ إستعملت وصفة أم حمزة من هنا من المنتدى؛ كريم باتيسيير بدون بيض؛ جات خفيفة؛ يعني هذ لاطاغث هي تطبيقين في وصفة واحدة.
وأيضا درت طاجين الخوخ؛ أدعولي مايزيدش يروح التريسيتي باش تشارجي شوية الطابليت و نحطلكم تشوفو الصور.
سعدودة ماتقلقيش روحك؛ ربي يسهّلها على أختك إن شاء الله؛ و ديري كما قالتلك أم رحاب.

[nihal159]

طارت الفرولة من مطبخي و من أعدادي هههههههههه،
قلتلكم لابات بريزي بالزيت؛ الوصفة تاع اللهلوبة؛ وهذا الرابط
https://www.djelfa.info/vb/showthread.php?t=1552924
ولاكريم باتيسيير بدون بيض؛ الوصفة لأم حمزة و هذا الرابط
https://www.djelfa.info/vb/showthread.php?t=1823556
كي تجمعو الوصفتين مع بعض؛ و تزيدولها شوية فراولة و الكثير من الحب لعائلتكم و صديقاتكم حراير الجلفة؛ تتحصلو على أروع تارت بالفرولة ههههههههه

[nihal159]

طاجين الخوخ، أحد الاطباق الرمضانية بامتياز، راني قسمتلكم حبة باش تبانلكم البطاطا و اللحم المفروم

[سحابة باردة]

مساء النور عليكم
أم رحاب والله موش غريب عليك الكرم والجود أبدعتي وفرحتي ضيوفك ومتعتينا معاكم الله يزيد ويبارك

أم مهدي مرحبا وشهيواتك علامة وربي يقدرك على التريبة
مولات الخيمة والله مرا ونص وربعة وربعين طيابتك كل تهوس وأرواحي عندي أنديرلك أحلى طعام بالهبرة ونا عندي كام منك صديقتي
حيوتة كلامك ديما يرفع معنووياتنا لسما الله يحفظك والله تمنيت نذوقك طعامي
نهولة شكرا عيونك الحلوى متنسيش تجي مع سعدودة ههه
ولاتارت تهوس دوختني وطاجين الخوخ بطريقتك هايل بلاك نعانك ونديروا هذو اليام
يبان شكرا حبيبتي

[idem16a]

دخلت نسقي على اخت سعيدة،بصح راني نشوف ماكاش خبر،يا ربي سهلها في اقرب وقت،خاصة هذا الاول تاعها،انشاء الله ربي يطلعها على خير،ومع بيان ان شاء الله
لي عودة،راح نطيب فطوري،قبل ما ينوض وليدي