الجزء 188 من كوزينة حراير الجلفة مرحبا بالاحباب و اشهى طياب.

[x ام رحاب x]

سعيدة قوليلها اتقول لااله الا انت سبحانك اني كنت من الضالمين الرسول صلى الله عليه وسلم وصى بها بنتو فاطمة كي كانت اتزيد بالحسن والحسين ربي يسلك وحلها يارب كي الشعرة من العجين يارب

[idem16a]

سعيدة راني لقيتلك طريقة ساهلة تروحي قبالة ليها
ادخلي لقوقل اكتبي. الطبق المذهل لام ياسر،،،راح يخرج هو الاول مكتوب:الطبق المذهل الذي احتار ضيوفي في سر لذته ببساطة مكوناته......

[idem16a]

المشاركة الأصلية كتبت بواسطة طيور الجنان

لبنات دوك عيطتلي اختي راهي رايحة تولد ان شاء الله ادعيولها معاكم خاصة الصائمات ربي يسلكها على خير ان شاء الله.

اللهم لا سهل الا ما جعلته سهلا وانت تجعل الصعب ان شات سهلا،،،والله قريت الخبر قلبي تهز،حسيتها فيا، يا ربي سهلها،يا ربي سهلها،يا ربي سهلها،،وتطلع بخير وعلى خير هي واللي في بطنها،

[nihal159]

صباح الخير يالحراير؛ الله يبارك ماشاء الله كلشي تحفة؛ربي يباركلكم و يحفظكم لعائلاتكم
سعيدة طيابك و تحلياتك و خاصة التارت لي خدمتي تحفةتحفة؛ إن شاء الله عيد ميلاد أنس نخدملو تارت كما لي خدمتيها ههههههه يخي يقولو عاند و ماتحسدش.
سحابة الكسكسي بقا في خاطري لدرجة أني نسيت باقي أطباقك هههههههه تحفة تحفة تحفة؛ يعطيك ألف صحة و عافية على كلشي حطيتيه.
أم مهدي طيابك يشهي و طاولتك ماشاء الله دايما عامرة؛ ربي يرزقكم؛ و ربي يقدرك على التربية صعيبة خاصة العام الأوّل كي يكون الطفل بيبي صعيييييييب بزاف أنك توفقي بين إهتمامك بالدار و نفسك و البيبي.
المشرفة أم مهدودي كالعادة و لعوايد لمستك فالكوزينة خاصة و خاصة جدا؛ يعطيك الصحة.
الصنديدة بيان ههههههههه؛ التدريس و التكوين و الحمل و تربية إبنك و راكي تشاركي معانا بالتحف المطبخية نتاعك؛ يعطيك ألف صحة و عافية كلشي من يديك يشهي.
أم رحاب يا غالية؛ بسم الله ماشاء الله؛ كلشي بالطبع و الشان؛ ربي يحفظك لعايلتك؛ من فضلك حساء الجبن كيفاش درتيه؟؟؟
طيموشة من خلف البحار بالمحاجب هههههههه راكي خربطتي أوروبا بالبنة لي خارجة من دارك ههههههه الكل يتساءل واش سرّ هذي الطبخة العجيبة؛ نعم إنها لمحاجب هههههههههههه.
أم ساجد و ليزابل طلّ القمر مرحبا بيكم.
درك الطابليت راهي تتشارجى؛ من بعد نجيبلكم طياباتي تاع الويكاند هههه إستعدو ههههههههههههه

[nihal159]

المشاركة الأصلية كتبت بواسطة طيور الجنان

لبنات دوك عيطتلي اختي راهي رايحة تولد ان شاء الله ادعيولها معاكم خاصة الصائمات ربي يسلكها على خير ان شاء الله.

ربي يسلّكها على خير إن شاء الله.

[x ام رحاب x]

نهولتي احلى صباح حنونة وكلامك يشرف القلب اتعيشي حبيبتي ربي يبارك فيك وفي صحتك عزيزتي دوك انحطلك سوب الفورماج

[x ام رحاب x]

ليزاتي اهلا وسهلا بيك يالهرابة وين راكي اتروحي وتسمحي فينا توحشنا طلتك علينا واش راكي ووليداتك وكل عايلتك ان شاء الله راكي بالف خير
سحابة ماشاء الله طعام تاع لعراس ايشهي تسلم ايدك
سعيدة هادا وين شفت لاتارت واااااااااااااااااااااااااو كلمة روعة قليلة هايلة هايلة هايلة ربي يفرحك كيما فرحتي وليدك تحفة فنية

[x ام رحاب x]

لاسوب الفورماج
اتحطي في الطنيجرة صدر تاع الجاج واتحطي الزبدة وشوية زيت اتقليهم مليح حتان يحمار الصدر تاع الجاج حطي فوقوحبة بصل و4حبات زرودية و4 حبات بطاطا وبوكي قارنيي فيه الزعيترة وقرفة عود وشوية معدنوس وحشيش اربطيهك مليح وماترحيهمش مع البطاطا والزرودية وديري فلفل ابيض وملح ومرقي ماتكثريش الماء وعسيها وكي اطيب نحي البوكي قارنيي ماترحيهش ورحيها مع 2 فورماج شاف وديري كاس حليب ورحيه معاهم وكي ترحيهم عاودي ذوقي على االملح ومن الفوق ديري فورماج رابي والله ساهلة وبنينة بزاف انا درت اللحم والجاج

[x ام رحاب x]

انخليكم مع السلامة حبيباتي انطل ساعة ساعة بلاك نلقى اخت سعيدة سلكت ربي يسلكها على خير
الي صايمين ربي يقدركم يارب وسامحونا على الصور بلاك شهيناكم
يوم سعيد ان شاء الله

[حياة نور الدين]

صباح الانوار

ام رحاب هلت الانوار وربي يقدرك على الضياف ماشاء الله بيتك ائما عامر بهم وها يدل على بيت الخير والبركة الله يبارك اطباقك روووعة وشكرا على كلامك وعلى وصفة الحساء

البارح تفكرت بلي نسيت ههههه

سحابة وطعامها مخلاش فياااا روووعة روووعةربي يبارك ان شاء الله

وتارت سعيدة الله يبارك تسلم يمناك وربي يفرحك بوليدك وتشوفيه في اعلى المراتب

نهالوووو اهلااا اواااااه مراكيش حابة تولي جارتي هههههه مراكيش تقوليليب اكريلي قدامك واقيلا بطلت ودبرتي قدام سعيدة ههههه

ام مهدي والله كامل كيف كيف مهدي يبات يرضع ويمهمه عليا وساااامط في الرقادربي يقدرنا وشكرااا على الدعوة حبيبتي

بيان صباح الانوااااار

[بيان 5]

ام رحاب الله اللله
ماشاء الله روووووعة
سعيدة ربي يسلك اختك على خير هي والبيليبي
ماتنسايش طمنينا

[طيور الجنان]

المشاركة الأصلية كتبت بواسطة x ام رحاب x

سعيدة قوليلها اتقول لااله الا انت سبحانك اني كنت من الضالمين الرسول صلى الله عليه وسلم وصى بها بنتو فاطمة كي كانت اتزيد بالحسن والحسين ربي يسلك وحلها يارب كي الشعرة من العجين يارب

ااااامين حبيبتي ام رحاب شكرا على الدعاء راني قلتلها ربي يسلكها على خير ان شاء الله.

[x ام رحاب x]

اهلا وسهلا مشرفتنا العزيزة واش راكي ولبنات واش راهم وسلطان سليمان كيفاه راه راه يكبر ربي يكبرو على طاعتو يارب واتشوفيه من البارين والصالحين
بيان حبيبتي شكرا عويناتك الشابين حنونتي
سعيدة يادرا على حساب راكي انت الي اتزيدي مابان ا عليك حتى خبر طمنينا الله يحفضك

[طيور الجنان]

المشاركة الأصلية كتبت بواسطة idem16a

سعيدة راني لقيتلك طريقة ساهلة تروحي قبالة ليها
ادخلي لقوقل اكتبي. الطبق المذهل لام ياسر،،،راح يخرج هو الاول مكتوب:الطبق المذهل الذي احتار ضيوفي في سر لذته ببساطة مكوناته......

المشاركة الأصلية كتبت بواسطة idem16a

اللهم لا سهل الا ما جعلته سهلا وانت تجعل الصعب ان شات سهلا،،،والله قريت الخبر قلبي تهز،حسيتها فيا، يا ربي سهلها،يا ربي سهلها،يا ربي سهلها،،وتطلع بخير وعلى خير هي واللي في بطنها،

شكرا ام مهدي على الاهتمام دوك نشوف في اليوتوب و اسمحيلي في تعبك.
ربي يخليك على الدعاء ربي يسمع منك و تسلك على خير هي ووليدها.

[x ام رحاب x]

طليت انسقسي علي اختك اتقول حسيتي بيا يادرا كاش اخبار ربي يسلكها يارب