وصفاتنا ..واطباقنا التقليدية العريقة..من حراير منتدى الجلفة

[ام هدول]

ام سفيان شفتهم هكه ينادوك مرحبه بيك عندي منورة....
شكرا على المشاركه القيمه خلاتنا نتعرفو على مختلف المربيات....تمنيت لو بقاو الصور.... احسن....
الوصفات رائعة..جدا...ان شالله كل مجهوداتك في ميزان الحسانات .....

[x ام رحاب x]

يعطيك الف صحة ام هدول موضوع مهم جدا ربي يجعلو في ميزان حسناتك حبيت انشارك بالشخشوخة راحولي الصور في الموضوع بصح حطيت وخدوخرين جدد




شخشوخت ام رحاب
هادي درتها في محرم حبيت انحطهالكم والي تحب الوصفة هاهي قدامها
العجين اديري السميد الرطب معاه نص الكمية فرينة والملح واتعجنيها مليح واتخليها ترتاح مليح اديري ليبولات شوية كبار على المسمن العادي علاخاطرش رايحة ديريهم رقاق
وكي يريحو مليح تبداي اديري فيهم بالورقة حتان تعود 12 ورقة واتنحيهم واتكملي حتان تكملي كامل لعجين
امبعد تبداي تورقي فيهو واتقطعيهم على شكل رشتة باه اجيك الشخشوخة تاعك مورقة وشابة ]وكي اتكملي فوري الرقاق ديالك وكي يفور ادهنيهم بشوية سمن او زبدة باه اجيك بنينة

G]








الان المرقة ديري في لاكوكوت ديالك اللحم ولا الجاج والبصل تكثري شوية انا درت 6 حبات بصل ودرت الملح فلفل اكحل راص الحانوت والسكنجبير ورت طماطم مصبرة واخليتهم حتان طابو وكي طابو درت البطاطا ودرت الحميصة كانت طايبة وكي عقدت سقيتها من الفوق البيض المغلي ساير داير
ان شاء الله تعجبكم شخشوختي ماتناونيش من دعوة خير في ضهر الغيب






عاودت عدلت شوية[/SIZ[/FONT]E]

[sofiane2075]

المشاركة الأصلية كتبت بواسطة ام هدول

ام سفيان شفتهم هكه ينادوك مرحبه بيك عندي منورة....
شكرا على المشاركه القيمه خلاتنا نتعرفو على مختلف المربيات....تمنيت لو بقاو الصور.... احسن....
الوصفات رائعة..جدا...ان شالله كل مجهوداتك في ميزان الحسانات .....

العفو اختي للاسف بحتت في قوقل و مالقيتهمش و للاسف مانعرفش نحط صور كانت بنتي لي تحطهم ماعليهش حبيت نشارك معاكم عندي مدة مادخلتش نتمنى المزيد من النجاح و التفالعل مع الموضوع