انا في دوامة ساعدوني ارجوكم هل انا مريضة بالوسواس ؟

[ميسم جوري]

المشاركة الأصلية كتبت بواسطة muhibbat rrasoul sws

السلام عليكم و رحمة الله و بركاته

ما عليش أختنا ميسم الجوري تقولينها كيفاش دارتلك هاديك العجوزة؟

ملاحظة : اللي لابأس عليه يخطيه من الدواوات تاع العقل راهي ما تجييش العقل بصح تبحرو. خاصة المرضع و اللتي احتمال تحمل، يا إخوتي هناك دراسة اجريت في بريطانيا على فتيات كنّ في مصحة أظن لمشاكل المراهقة أو المخدرات، المهم كانوا كل ما تحصل مشاكل يخدروهن و بلاهاداك الشيء الحبوب هادي كانت كي الما، إمالا بعد ما حرجوا و تزوجوا جاوهم أطفال بعاهات مختلفة : عمى، تعوق....
ثم بعدما سمعت هاد الشريط سمعت بوحدة نعرفها شخصيا أعلم أنها كانت تتعاطى هاد الأدوية منذ سنين الجامعة، بعد ما تزوجت طفلها عندو تأخر عقلي-حركي رغم أنها وقفت الدوا مدة الحمل و نفس الشيء للفتيات البريطانيات، كانوا وقفوا الدوا مدة الحمل، ردوا بالكم.

جزاكي الله خيرا أختنا ميسم على التفاعل، يا ريت كل واحد يقول تجربتو نافعة كانت او فاشلة هكدا كلنا نتعلم، يخي باطل في الدنيا و الأجر يلقاه عند مولاه، من يدري بالاك يحيي نفس بلا سمعة و لا رياء، كي يروح عند مولاه يلقا المفاجاة.

في انتظار جوابك

السلام عليكم و رحمة الله و بركاته

وعليك السالم اخت محبة الرسول صلى الله عليه وسلم
جزاك الله كل خير على الرد وعلى الكلام الطيب راح نحكيلك كيفاه دواتني المرا هادي من الخلعة
اول شيء اعطاتني معلومة ماكنتش نعرفها وكاين بزاف مايعرفوهاش
انو الخلعة او الخباط او العرق او بومزوي كل واحد كيفاه يسميه وسيدنا محمد صلى الله عليه وسلم كان يسميها الفؤاد
في وقت الصحابة كانت تعالج بوضع اليد على المنطقة وقرأءة القرأن واهل العلم هم اكتر دراية واللي عنده معلومة يقولنا الحديث
المرأة اللي عالجتني وضعت في اناء الحلبة مطحونة وماء دافئ خلطتهم ودارتهم في البطن اي مكان الخباط وقرات ايات من القرأن وبات ترجع فيه حتى رجع الخبيط هداك فالسرة
وبعدها اخدت الحلبة المخلطة بالماء ماعلاباليش كيفاه نفهمك وادا كتبت راح تفهميني ولا لا
شوفي حكمت الحلبة وضعتها ف ي كامل ايدين معنتها من المرفق الى الكفين وقعدت بأيدها تضرب ضرب خفيف حتى يبقى يطير كيما الشعر او كيما خيوط عش العنكبوت راح تستغربي الطريقة حتى انا ما أمنتش كي قالولي حتى شفت روحي بعينيا ماعلاباليش ادا كاين اللي شافو الطريقة هادي او لا
وبعدها اعطاتني دواء
1 سبع تمرات مع زيت الزيتون كل صباح لاني كنت نعاني سحر
2 كركم وزعفران شعرة مع عسل النحل وتمد عنده فوائد كتيرة للكبد
3سانوج مع عسل وزيت الزيتون
نتمنى انك فهمتي وادا مافهمتيش تواصلي معايا نفهمك
بارك الله فيك