اقتباس:
المشاركة الأصلية كتبت بواسطة paloma.laila
otabba yla3bo bazzf tgolilo had dwa rah yderli oyderli ygollk ghir sabri hatta twalfih walla ybadlolek yder fik tajarib ana nashek bal quran o bchi vitamine wila makatna3sich mlih khodi dwa tabi3i rah yatba3 masno3 mn wahed nabta dial la valeriana
|
شكرا اختي ربي يجازيك على الرد انا حبست الدوا هدا ومانيش ناكله وكلامك كله صح خفت اني نرتبط بيه ومانوليش نقدر نرقد بلا بيه
على حساب ما شفت وقريت انو هدا الحالات كاينة بزاف تصرى بعد الولادة اكتئاب بعد الولادة وانا صراتلي بعد الولادة ركبني الوسواس والخوف من كل شيء لو كان توجعني غي درسي نقول خلاص راح نموت وليت نخاف من كل شيء وافيما يخص الاكل ماناكلش خلاص حتى اني نقصت بزاف في الميزان ونأكد اني لما عالجت الخلعة تحسنت بعد الشيء وليت ناكل راحت عليا التقيا والخبيط اللي كان فيا خف صدقيني مرات كنت نقول بلاك راني مريضة مرض القلب من كترت اللي الخبيط في قلبي والتنمال في دراعي كل هدا راح والحمد لله نحمد ربي ونشكره اعلى تحسن حالتي بفضل الله الحمد لله زوجي تفهم حالتي ووقف معايا ربي يجازيه كل خير
الحمد لله
وبارك الله فيك جزاك الله كل خير
جزاكم الله كل خير كاين بزاف ناس يعانو في صمت والمنتدى هدا جمعنا باه نحكو تجاربنا وانا بفضل الاخوة عرفت حالتي لاني قبل كنت وحدي نتساءل مالني ونعاني معاناة ربي وحدو لعالم بمعاناتي نشكر كل الاعضاء اللي ساعدوني سواء بالارشاد او بالدعاء
حبيت نقولكم حاجة في رأيي انو هدا المرض كان نعمة راح نقولكم علاه لانو يجعل صاحبه اكثر تقربا لله وطاعة الحمد لله كنت انسانة نصلي ونقرا القران لكن المرض هدا زادني قوة ايمان وطاعة بقدر ما يشتد الالم بقدر ما نزيد قوة وطاعة الحمد لله
اسأل الله العظيم رب العرش العظيم ان يشفي الجميع
( تقرير عن مشاركة سيئة )، و الموجودة أسفل كل مشاركة .
2017-02-28, 03:06
العرض المتطور
