كرهت كرهت كرهت وعيييت

[versace13]

المشاركة الأصلية كتبت بواسطة om obaida

حنونة انا بدون زوخ والله المطلوع يجيني كي السفنج وكامل يشكرو فيه نحط السميد معشوية فرينة واختياري كاين وين منديرش نحط لخميرة الملح وشوية سكر ومغرفة زيت ونبلها بالماء لا مندلكها نغطيها ونحطها تتشمخ نقضي شغلي ومن بعد نروح ندلكها وقبل منقسمها نحط مغرفة زيت ونلم فيه لعجينة ومن بعد نقسمها حطهم يطلعو ومن بعد نقرصها ونحطها تطلع ونطيبها هذي طريقتي واقسم بالله يجيني هايل

الله يبارك،معليش تعطيني المقادير بالضبط؟وشحال تحتاج وقت باش تريح؟؟ربي يخليك حبيبة
والسميد كيفاش نوعو رطب متوسط...,؟

[om obaida]

المشاركة الأصلية كتبت بواسطة versace13

الله يبارك،معليش تعطيني المقادير بالضبط؟وشحال تحتاج وقت باش تريح؟؟ربي يخليك حبيبة
والسميد كيفاش نوعو رطب متوسط...,؟

اسمحيلي مشفتش الرد الدقيق عادي وانا عيني هي ميزاني لكن رايحة نعطيك طريقة زوجة اخي في الكيل علبة طماطم نتاع رطل ديرلك قرصةا نا كل قرصة ندير مغرفة خميرة المغرفة نستعمل نتاع حليب ليبيبي ومغرفه نتاع ماكلة سكر وتقدر تزيدي حسب الكمية ومغرفة زيت وتقدري زيدي شوية والملح شمخيها قد ماتحبي جربي ورجعيلي لخبر

[محبة الكتاب]

اختي هذا االموضوع درتو من قبل وايجي المطلوع بطريقة جديدة لكنو نفس الطعم انتاع المطلوع هايل وهشوش ان شاء الله السلام عليكم لبنات هذي وصفة بطريقة جديدة انتاع المطلوع راهو فعلا روووعة رووعة جربوه وماتندموش
3 كيسان حليب دافئ( ايه ايه حليب ديروها وتشوفوا )+نص كاس زيت +3 مغارف ماكلة خميرة خبز + كيس خميرة حلويات + مغرف سكر + ملح وديري بعدها خليط متساوي من فرينة ودقيق عادي وضيفي بالشوي للخليط حتان اتكون عندك عجينة تكون متلاصقة شوي (شوي برك) في ايدك خليها تتخمر ولما يتضاعف خجمها و راكي تلقيها اخلاص ماعادتش تتلاصق وحكمت روحها اعجني بالتقطاع (هذا السر اللي قالولي اعليه في المطلوع باش ايكون مليح يعني انتي تعجني وكل شوي تقطعي فيه ) وكملي طريقة المطلوع عادي قرصيها وخليها تعاود تثور وطيبيها في الطاجين عادي وماتكبروش الحبة كي تكون متوسطة راهي تجي ابن واخف وكيتطيب لفوها مليح في منديل كتان كبير وامبعد في صاشي تبقى سخونة وطرية صحة فطوركم
نقولك حسب خبرتي المتواضعة شوفي انتي بعدماتعجنيه غطيه و خليه يتخمر مليح وامبعد اقسميها كويرات وعاودي غطيه خليه يتخمر وقرصيه بالصح ماتخليهاش خشينة ياسر لانو كيتتخمر تكبر تطيح هاذيك هي وغطيه وخليه يتخمر وامبعد كيتحطيها في الطاجين السخون ثقبيها بعود رقيق باش تطيبلك من الداخل وماتبقالكش معجنة والنار متوسطة وبعدما تطيب غميها في طرشونة باش تبقالك طرية وان شاء الله تصلحلك

[versace13]

المشاركة الأصلية كتبت بواسطة محبة الكتاب

اختي هذا االموضوع درتو من قبل وايجي المطلوع بطريقة جديدة لكنو نفس الطعم انتاع المطلوع هايل وهشوش ان شاء الله السلام عليكم لبنات هذي وصفة بطريقة جديدة انتاع المطلوع راهو فعلا روووعة رووعة جربوه وماتندموش
3 كيسان حليب دافئ( ايه ايه حليب ديروها وتشوفوا )+نص كاس زيت +3 مغارف ماكلة خميرة خبز + كيس خميرة حلويات + مغرف سكر + ملح وديري بعدها خليط متساوي من فرينة ودقيق عادي وضيفي بالشوي للخليط حتان اتكون عندك عجينة تكون متلاصقة شوي (شوي برك) في ايدك خليها تتخمر ولما يتضاعف خجمها و راكي تلقيها اخلاص ماعادتش تتلاصق وحكمت روحها اعجني بالتقطاع (هذا السر اللي قالولي اعليه في المطلوع باش ايكون مليح يعني انتي تعجني وكل شوي تقطعي فيه ) وكملي طريقة المطلوع عادي قرصيها وخليها تعاود تثور وطيبيها في الطاجين عادي وماتكبروش الحبة كي تكون متوسطة راهي تجي ابن واخف وكيتطيب لفوها مليح في منديل كتان كبير وامبعد في صاشي تبقى سخونة وطرية صحة فطوركم
نقولك حسب خبرتي المتواضعة شوفي انتي بعدماتعجنيه غطيه و خليه يتخمر مليح وامبعد اقسميها كويرات وعاودي غطيه خليه يتخمر وقرصيه بالصح ماتخليهاش خشينة ياسر لانو كيتتخمر تكبر تطيح هاذيك هي وغطيه وخليه يتخمر وامبعد كيتحطيها في الطاجين السخون ثقبيها بعود رقيق باش تطيبلك من الداخل وماتبقالكش معجنة والنار متوسطة وبعدما تطيب غميها في طرشونة باش تبقالك طرية وان شاء الله تصلحلك

شكرا حبيبة ربي يفرحك ويبارك فيك،بصح ثلاث كيسان حليب ماشي بزاف؟؟؟

[محبة الكتاب]

كان تحبي نقصي الكمية يعني مثلا ديري نص الكيفية كل شي اقسميه على اثنين بالصح ماتخافيش راهو ايجي بنين وخفيف ايهبل ان شاء الله وماتنسيش تثقبيه

[versace13]

المشاركة الأصلية كتبت بواسطة om obaida

اسمحيلي مشفتش الرد الدقيق عادي وانا عيني هي ميزاني لكن رايحة نعطيك طريقة زوجة اخي في الكيل علبة طماطم نتاع رطل ديرلك قرصةا نا كل قرصة ندير مغرفة خميرة المغرفة نستعمل نتاع حليب ليبيبي ومغرفه نتاع ماكلة سكر وتقدر تزيدي حسب الكمية ومغرفة زيت وتقدري زيدي شوية والملح شمخيها قد ماتحبي جربي ورجعيلي لخبر

بارك الله فيك حبيبة راح نجربو إن شاء الله ونرجعلك الخبر.شكرااااااااااا