ʚïɞ تطبيقات الفراشات ʚïɞ - الصفحة 4

رقية الناجحة · 2015-04-16, 17:48

انا عندي 3 ايام مع الاماكن الساخنة فرزت نظفت وارميت ثم رتبت

رتبت الملابس الداخلية الصغيرة ياخي علابالكم واشنو هي في علب البلاستيك

ونفس الشيء للجوارب

ودرت لحوايج المشينة درت لهم نفس الشيء

وطبقت حوايج الشتاء وضعت فيهم الخزامة

وغسلت الثلاجة

واليوم روتيني اليومي مع غسيل القش وحضرت غداء خفيف لان زوجي غير موجود

وفي لعشية حضرت قهوة مع كيكة الشكولاطة

oum sabrin · 2015-04-16, 18:05

تقييم الاسبوع

الجانب الديني

الحمد لله صلاة الفجر دائما نقوم ليها مع زوجي و يصلي بيا
الورد راني نقرا حزب بعد الفجر + حفظ و جه من سورة البقرة بالنسبة للورد و صلت عند الاية 96 من سورة المائدة يعني قريت ربع من الحزب 13 و اليوم نكملو و غدا ان شاء الله ندخل الحزب 14
الحملة الربيعية راني معاك 10/10 عندي فقط تطبيق لبارح ما قمتش به لانو ما كانتش عندي الانترنيت ما عرفتش واش هو رايحة نخلفو غدا ان شاء الله
مفرزنات رمضان لحد الان درت غير الجلبانة كي يقرب ان شاء الله نزيد نحضر اشياء اخرى
يوم الخميس راحة خليتو للعناية الشخصيةيعني درت حمام عميق و درت ماسك لوجهي بالفراولة و العسل واش نقولكم و ليت حلووووووووووة هههه
راني نحاول نقوم بجدول la liste a faire لكل يوم من الاسبوع القادم بحول الله اتمنى انجح فيه و احقق الاهداف المسطرة فيهلما نحضرو را ح نحط نموذجي ان شاء الله
هذا هو تقييمي شريكتي و حبوبتي حبيبة

أم فاطيمة · 2015-04-16, 18:15

السلام عليكم و رحمة الله و بركاته يعطيكم الصحة لبنات راكم شاطريين ما شاء الله
اليوم عطلة هههههه
نظت على 4 و 40 د توظيت و شفت روحي في المريا قلتلها راكي ناشطة ههه حفظت شوية قران و صليت و سبحت و استغفرت و قريت دعاء الصباح
و ليت تكسلت نظت على 7 درت فطور نوظت لولاد كان عندهم حفلة يوم العلم لبسو و خرجوا هما باباهم فاطيمة كرموها اليوم و عيطوله معاها
فطرت لميت لماعين حطيتهم في الكوزينة بايتة الله يبارك تلممع و ليت خملت الشنابر و صلحت الطابيات مسحت الغبرة
و ليت للكوزينة رجعت ماعين لعشا في بلاصتهم و غسلت ماعين لفطور و نصبت للغدا عدس اليوم الزوج يفطر معانا درت كيكة بالسميد و التفاح للقهوة
و بديت التسياق بالماء و الجافيل و الازيس ماعنديش الخل نشفت و دخلت للدوش و تواليت حتى هما داو حقهم و جد لفطور و كيكة طفيت
وليت للحوش سيقته كان معمر غبرة
الاماكن الساخنة لميت القراج و صلحته ما رميت والوا على خاطرش الزوج ما يحبش حاجة متحرك من بلاصتها
رجعلو لولاد فطرنا لميت لماعين و من حين لاخر ندخل للنت راحة 15 د جيت نتوظ لقيت المربوحة جاتني و ليت تكسلت رجعو لولا شربنا قهوة لميت لماعين
و قلت نطل عليكم لعشا قرتان بالبدنجال و الكورجات و سلاطة الزوج باقي لعدس
تقرير الاسبوعي
الصلاة الحمد لله راني فرحانة بروحي و نحس نروحي مرتاحة
الحوض دائما يبات يلمع
الاعتناء بالنفس الحمد لله راهي في تحسن
الحديث مع النفس و افراغ ما في داخلها عوضته بالاستغفار و التسبيح
الاماكن الساخنة ما تنقطعش وراها وراها و الزمن طويل
الحملة الربيعية راني غير بشوية راه قاتلني السطر في ظهري
هذا واش تفكرت
التنظيف العميق ما بقاليش بزاف
التفريز لررمضان نقيت 2 قرع جلبانة و كونجليت حبات برتقال راه بدا ينقص هذا ما كان

رقية الناجحة · 2015-04-16, 18:48

هده هي قهوة لعشية تفضلوا بصحتكم

رقية الناجحة · 2015-04-16, 18:52

اقتباس:

المشاركة الأصلية كتبت بواسطة أم فاطيمة

السلام عليكم و رحمة الله و بركاته يعطيكم الصحة لبنات راكم شاطريين ما شاء الله
اليوم عطلة هههههه
نظت على 4 و 40 د توظيت و شفت روحي في المريا قلتلها راكي ناشطة ههه حفظت شوية قران و صليت و سبحت و استغفرت و قريت دعاء الصباح
و ليت تكسلت نظت على 7 درت فطور نوظت لولاد كان عندهم حفلة يوم العلم لبسو و خرجوا هما باباهم فاطيمة كرموها اليوم و عيطوله معاها
فطرت لميت لماعين حطيتهم في الكوزينة بايتة الله يبارك تلممع و ليت خملت الشنابر و صلحت الطابيات مسحت الغبرة
و ليت للكوزينة رجعت ماعين لعشا في بلاصتهم و غسلت ماعين لفطور و نصبت للغدا عدس اليوم الزوج يفطر معانا درت كيكة بالسميد و التفاح للقهوة
و بديت التسياق بالماء و الجافيل و الازيس ماعنديش الخل نشفت و دخلت للدوش و تواليت حتى هما داو حقهم و جد لفطور و كيكة طفيت
وليت للحوش سيقته كان معمر غبرة
الاماكن الساخنة لميت القراج و صلحته ما رميت والوا على خاطرش الزوج ما يحبش حاجة متحرك من بلاصتها
رجعلو لولاد فطرنا لميت لماعين و من حين لاخر ندخل للنت راحة 15 د جيت نتوظ لقيت المربوحة جاتني و ليت تكسلت رجعو لولا شربنا قهوة لميت لماعين
و قلت نطل عليكم لعشا قرتان بالبدنجال و الكورجات و سلاطة الزوج باقي لعدس
تقرير الاسبوعي
الصلاة الحمد لله راني فرحانة بروحي و نحس نروحي مرتاحة
الحوض دائما يبات يلمع
الاعتناء بالنفس الحمد لله راهي في تحسن
الحديث مع النفس و افراغ ما في داخلها عوضته بالاستغفار و التسبيح
الاماكن الساخنة ما تنقطعش وراها وراها و الزمن طويل
الحملة الربيعية راني غير بشوية راه قاتلني السطر في ظهري
هذا واش تفكرت

التنظيف العميق ما بقاليش بزاف
التفريز لررمضان نقيت 2 قرع جلبانة و كونجليت حبات برتقال راه بدا ينقص هذا ما كان

فحلة ونص الله يبارك عليك

أم ريتاج زهرة · 2015-04-16, 20:17

السلام عليكن حبيباتي و حبيبتي الحبيبة واش راكم يا الفحلات أم فاطمة و رقية الناجحة الله يستركم من العين و يزيدكم نشاط على نشاط أنا ليوم درت تنظيف خفيف و رحت لدوش دوشت أنا و بنتي و كي جيت التكسلت شوية و رحت شفت وحد مريض من الفاميليا و درك جيت درت لعشة جلبانة بالقرنون و راني رايحة نتوظة و نصلي لأني ماكنتش نصلي بحكم العذر سلام حبيباتي بالتوفيق للجميع

oum sabrin · 2015-04-16, 21:06

اقتباس:

المشاركة الأصلية كتبت بواسطة أم فاطيمة

السلام عليكم و رحمة الله و بركاته يعطيكم الصحة لبنات راكم شاطريين ما شاء الله
اليوم عطلة هههههه
نظت على 4 و 40 د توظيت و شفت روحي في المريا قلتلها راكي ناشطة ههه حفظت شوية قران و صليت و سبحت و استغفرت و قريت دعاء الصباح
و ليت تكسلت نظت على 7 درت فطور نوظت لولاد كان عندهم حفلة يوم العلم لبسو و خرجوا هما باباهم فاطيمة كرموها اليوم و عيطوله معاها
فطرت لميت لماعين حطيتهم في الكوزينة بايتة الله يبارك تلممع و ليت خملت الشنابر و صلحت الطابيات مسحت الغبرة
و ليت للكوزينة رجعت ماعين لعشا في بلاصتهم و غسلت ماعين لفطور و نصبت للغدا عدس اليوم الزوج يفطر معانا درت كيكة بالسميد و التفاح للقهوة
و بديت التسياق بالماء و الجافيل و الازيس ماعنديش الخل نشفت و دخلت للدوش و تواليت حتى هما داو حقهم و جد لفطور و كيكة طفيت
وليت للحوش سيقته كان معمر غبرة
الاماكن الساخنة لميت القراج و صلحته ما رميت والوا على خاطرش الزوج ما يحبش حاجة متحرك من بلاصتها
رجعلو لولاد فطرنا لميت لماعين و من حين لاخر ندخل للنت راحة 15 د جيت نتوظ لقيت المربوحة جاتني و ليت تكسلت رجعو لولا شربنا قهوة لميت لماعين
و قلت نطل عليكم لعشا قرتان بالبدنجال و الكورجات و سلاطة الزوج باقي لعدس
تقرير الاسبوعي
الصلاة الحمد لله راني فرحانة بروحي و نحس نروحي مرتاحة
الحوض دائما يبات يلمع
الاعتناء بالنفس الحمد لله راهي في تحسن
الحديث مع النفس و افراغ ما في داخلها عوضته بالاستغفار و التسبيح
الاماكن الساخنة ما تنقطعش وراها وراها و الزمن طويل
الحملة الربيعية راني غير بشوية راه قاتلني السطر في ظهري
هذا واش تفكرت
التنظيف العميق ما بقاليش بزاف
التفريز لررمضان نقيت 2 قرع جلبانة و كونجليت حبات برتقال راه بدا ينقص هذا ما كان

يعطيك الصحة يا الفحلة راكي قايمة بها لله يبارك
لا باس عليك على ظهرك روحي غير بلعقل

اقتباس:

المشاركة الأصلية كتبت بواسطة رقية الناجحة

هده هي قهوة لعشية تفضلوا بصحتكم

يعطيك الصحة على لقهيوة أختي رقية تطبيقاتك منظمة ما شاء الله

حسناء القمر · 2015-04-16, 22:21

مساء الخير على اللمه الحلوه انا والحمد الله راني في التنظيفات العميقه كل يوم غرفه البارحه الحمام رجعت يشعل واليوم غرقه الجلوس وغسلت معها الزربيه وتابي كلوار بصح راني ميت بالتعب العشاء درت سندويشات شورما

حبيييبة · 2015-04-16, 22:21

يا غليتي الجميلة الرزينة العاقلة الحكيمة
شقيقة روحي اشتقت لك
عسى غيابك يكون خير ان شاء الله
الف الف لاباس عليك يا قلبي
دفي روحك و اشربي تيزان
الله يعينك و يقدرك حبيبتي
مرة اخرى ديري حسابك على ايام كيما هاذي
وجدي اش حاجة من الليل او قبل بايام و حطيها فالمجمد
باش نهار تصبحي هكذا تعبانة تلقايها بلاما تتعبي حبيبتي
الف لاباس عليك راكي معذورة يا الغالية
انت اهم عندي من الف تقرير
ارتاحي و قري عينا حبيبتي
و طمنينا عليك ما تخلينيش مقلقة عليك هكذا
ربي يشفيك و يعافيك ياا رب

اهلا بالغالية الفخورة نايلية
واش راكي فراشتي الجميلة
ماشاء الله تبارك الله
الله يعينك على الحفظ
احب سورة ياسين جدا جدا
ماشاء الله عليك الله يثبت حفظك و حفظ كل الفراشات ياا رب آآآمييييييين
ماشاء الله عى عملك متقن و منظم
ربي يديم عليك نعمه ياا رب
راائع حبيبتي
ندعيلك برك ربي يعينك و يقدرك على كل عمالك
بوسيلي ديك البنيييتة بزااااااااااف بزااااااااااااف
ربي يحفظها و يحميهالك ياا رب

الله الله الله
على فراشتي النشيطة الرااائعة ام نسيبة
صديقتي في الله
اصبحت كلما اقرأ اسمك و تقريراتك استبشر و اهلل
ماشاء الله لا قوة الا بالله
يا حبيبتي ما راكيش غير مرا و نص
راكي ملكة الفحلات و ماشي مجاملة حبيبتي
راكي امرأة باتم معاني الكلمة
لا تقللي من نفسك حتى و ان تدهورت بك الايام لفترات مضت
لاباس لكن لا تدعي ذلك يغطي الجوهرة الثمينة التي بداخلك يا الفحلة
ماشاء الله عليك ربي يدوم عليك هاذ النعم ياا رب
و يحفظها من الزوال
راااائع واصلي حبيبتي راكي على الطريق الصحيح
راني حابة برك نعرف واش هي التطبيقات اللي راكي اطبقيها غير تطبيق 15د؟؟
باه نقدر نتبع معاك حبيبتي
ندعيلك ربي يوفقك و يعينك لكل ما تسعين اليه من اهداف و احلام
و يخليلك اميمتك و يطولك في عمرها ياا رب آآمييييييييين

ما احلى تلك الساعة التي التزمتي فيها معنا
يا فراشتي النشيطة ام آدم
رااائع حبيبتي
هي بدااااااية جد موفقة و مبشرة بكل الخيرات
اتي هي في طريقها اليك
واصلي حبيبتي و انا في انتظار باقي تطبيقاتك بكل شوق
ربي يوفقك و يعينك ياا رب

اهلا اهلا بفراشتي الجميلة الانيقة أم مؤمن
يا عيني على الزين و الهمة
والله يا حبيبتي حتى حاجة ما ضاعت
غير شوية التزام مع بشرتك و شوية عناية
مرة الصباح عند الوضوء لصلاة الفجر 5د
و مرة العشية عند الوضوء لصلاة العشاء تاني 5د برك
و ارواحي خبريني على البشرة تاع البيبي و الخدود الحمرين
و الزين المنور بيت زوجك يا حبيبتي

ما من مرء الا و يمر بفترات فتورو ارهاق نفسي و جسدي
و فوضى في افكاره و حياته
و ملل و اكتئاب و قلق ووووو
لا يوجد اي شخص معصوم او خالي من هته الامور
لكن علينا فقط ان نتعلم كف نتعامل مع هته الحالات حين تحوم حولنا مرة على مرة
و دورتنا هته تعلمنا شيئا فشيئا كيفية ذلك
بل و نتعلم من خلالها كيف نقضي على تلك الاحوال تماما باذن الله
ابشري
فان ايامها قد ولت و بدأت ايام الراحة و الاستجمام و الطمئنينة و السكينة بحول الله

بالنسبة لماركات العناية الذاتية
ساطلقحملة يوم الاثنين المقبل باذن الله
حتى تتبادل كل الفراشات خبراتها في هذا المجال
كل حسب نوعية بشرتها و نوعية شعرها و هكذا

و انا اعاهدك بالوقوف الى جانبك يدا بيد
الى ان تصلي الى بر الامان الذي تطمحين اليه
و اعدك بكل الحب و الاخوة و الصداقة و الاهتمام و النصح و الدعم الذي تحتاجينه حبيبة قلبي

رااائع بل ممتااااااااااااز
ربي يثبتك ياا رب
و راهي حبيبتنا ياسمينة الفراشات راهي قالت مقولة عجبتني اخذتها عن احدى الفراشات لم اعر من هي بعد
لازمني نعاود نبحث فالمشاركات السابقة لانها فتتني و فاتني الخير الكثير
"غيري نظرتك للصلاة ستحسين بلذة لم تحسيها من قبل"
و التزين لايمنع التنظيف و الميناج من غسل البشرة بالغاسو الخاص بها
و شوية كريمة ترطيب نهارية و شوية مرطب شفاه و هاراكي رجعتي بوبية
لا تسي تسريح شعرك بطريقة جميلة و محبوبة لديك حبيبتي و تزيينه
لوان نقولك انا كي نكون ندير فالميناج الصباح
كلما نمر على المراية و نشوف روحي نبعث لروحي بوسة مووووووووووواح هههههههههه

بالنسبة لتطبيق 15د
لست وحدك و اظن انه على الغلب كل الفراشات هن من هذا النوع
انهم يحبوا انهم لما يبدوا حاجة ما يحبسوش حتى يكملوها
و انا كنت واحدة منهم و عن جدارة
لكن راكي لاحظت عواقب السيئة لهته العادة
و اظن انك بديتي تفهمي اهمية هاد التطبيق
على صحتنا، حياتنا، تحقيق اهدافنا الاخرى، توطيد علاقتنا ببافراد اسرتنا
انصحك اتبعي بريك 15د
رايح يجي النهار وين يرجع البريك 5د
لكن الآن ارجو ان تلتزمي بهذا التطبيق في الوقت الحالي
على الرغم انه بالنسبة لك كيرقة مازاااااااااااااال ما اطبقي عدة 15د في اليوم
واحدة او 2 على الاكثر
لكن ماراحش نضغط عليك انا هنا لانصحك بما هو احسن و انفع لك من كل النواحي حبيبتي

ادعو لك بالتوفيق و الاعانة من الله عز و جل سبحانه
انا فخورة بك جدا جدا
ربي يحفظك و يحميك ياا رب

ههههههههههه يا فراشتي الجميلة الراائعة ماريا ملك
اللي تقول "تحزمت" غير بنت الجزاير الفحلة
ماشاء الله عليك حبيبتي
ما تزيديش تلومي روحك على امور خارجة عن نطاقك و ارادتك
قولي مثلا انه ربما اراد الله لك ان ترتاحي قليلا
فهو ادرى و اعلم بك
لا تتحسري على ما ليس من قدرتك و يفوق استطاعتك حبيبتي
اتركيها لربك هو مدبر كل امورنا وهو قادر على ان يعينكو يعوضك ذلك الوقت الذي تحسرتي عليه
و يباركلك في وقتك و اعمالك سبحانه و تكملي في وقت قياسي
ربي قادر على كلشي سبحانه

ههههههههههههه والله غير ضحكيتي ربي يجازيك يا حبيبة قلبي
حسيت بيك كي غاضتك عمرك بعدما ماكيييتي و تجهزتي
قاك زوجك ما نجيش بكري
يا حبيبة قلبي تماكيي لذاتك و لنفسك و افرحي بعمرك و شبابك
و لما يجي زوجك ربي يحميه و يخليهلك فرحيه بهاذاك الزين المكمول سبحان من خلقه
و احسني عونه راه يتعب على جالك و جال بنياته ربي يحفظهم و يحميملكم ياا رب
اتهلي فيه و ديريه في عينيك
الغربة راهي صعيبة عليك و انت فالبيت فما بالك بالاحتكاك اليومي بالاجانب في مكان العمل و البعد عن البلد و الاهل
ربي يعينكم و يكون معاكم ياا رب

بالنسبة لبنات كوني صاااااااارمة
وقت العشاء هو وقت العشاء
ووقت الاستحمام هو وقت الاستحمام
ووقت النوم لازم يكونوا ببيجاماتهم و في سرايرهم
ديري روتين النوم و التزمي به مهما كان الوضع
تذكري انك انت الام ماشي هوما
انت تضعين القوانين و هوما ما عليهم الا التطبيق بدون مناقشة

بالنسبة للضيقة اللي تكون في المرأة في فترة الحيض
و تظن انها بسبب احتباس الطاقة السلبية في جسدها
واللي من المفروض انها تفرغ منها لما تسجد في الصلاة
هذا امر خاااااطئ تماما
بالعكس المرأة في هته الدورة الشهرية تقوم بافراغ كل طاقتها السلبية
التي تكون مكتنزة في الجسم ذلك من صنع الله و حكمته و تدبيره سبحانه و تعالى
اظن الضيقة هي من قلة الذكر، او قلة شرب الماء، او قلة النوم
او تذكر امر ضايقك.. سلميه لله و توكلي عليه
هو خالق كل هذا الكون العظيم و مدبر كل اموره و شؤونه
فما بالك بذلك الموضوع الذي ضايقك
سلميه لله و اكملي حياتك بسعادة و طمئنينة

حسناء القمر · 2015-04-16, 22:59

تسلمي ياغاليه على الكلام الحلو الله يسلمك ويعطيك ما تتمناي ياجوهره

أم أيوب 11 · 2015-04-16, 23:12

اليوم الاخت حبيبة قالت يوم راحة بصح ماقدرتش ساي وليت مطبعة راني روبو في الدار عيني على كلش الاماكن لي نظفتهم راني عساسة عليهم باه ولادي ما يخربوش

اليوم نظت على الرابعة ونصف توضيت وصليت وقريت في المصحف من بعد وليت نرقد حتى 7 نوظت ولادي راحو يقرو

درت تنظيف لمكان ساخن هاك نكون كملت الاماكن الساخنة لي في داري راني نحاول يقعدو باردين على طول

نظفت الثلاجة تنظيف عميق ولات جديدة حتى الخضرة فيها ولات تبرق هههه

درت فطوري بكري بحكم اني كنت صايمة من بعد ما تعشينا غسلت الاواني ونظفت الحوض وجدت لوازم الفطور نتاع غدوة راني رايحة ندير الطعام وجدت الحمص راه في الما ينتفخ والخضرة غسلتها

درت تنظيف لبشرتي بماء الورد وراني قاعدة نشوف جديد المنتدى

أم ريتاج زهرة · 2015-04-16, 23:42

يعطيكم الصحة خواتاتي انا ليوم نضت على 8"30 جا عندي شيخي و مرته نضت نجري ربي يخليه لينا كل اسبوع يتفكرنا مسكين درت عدس للغذا و شربت قهيوة مع مرت شيخي كي راحت فرزت الحالة و غسلت لماعن ماكانوش بزاف و سيقت جا زوجي العزيز تغذينا غيلت لماعن و نظفت و رحت لدوش مع حبيبتي ريتاج دوشنا و كي جيت تكسلت شوية و رحت مع سلافاتي شفنا مريض ربي يشافيه كي ولينا نقيت الجلبانة و القرنون درت العشا و صليت تعشينا نظفت المطبخ و لمعت الحوض و راني هنا نقرعج يادرا جاكيشان ؟

حبيييبة · 2015-04-16, 23:47

الله الله على فراشتي المتميزة الرااائعة زينب 83
ماشاء الله عليك
فحلة نتاع الصح ربي يسترك و يحميك حبيبتي
رااااااااائع تطبيقك رااائع
ماشاء الله
ربي يعينكو يقويك
عجبوني افكارك المميزة تاع تنظيم اواني الضيوف خااصة
ماشاء الله و قررت اني نعتامدها
لكن لازمني نشري علبة ذات حجم ابر ماللي راهم عندي
عجبتني خصوصا كي يكونوا كااامل مجموعين معا بعض
ماشي كل حاجة مغلفة في مكان
ماشاء الله عليك
واصلي حبيبتي عملك راائع ومميز عجبني
واصلي حبيبتي و منك نستفيد

جيد جداااااااا حبيبتي فراشتي النجيبة سماسم
صبيحتك جميلة و دافئة بدفئ حنانك حبيبتي
و عملك مميز خصوصا فكرة القائمة بالمستلزمات اللي محتاجة تشريهم
بالفعل عمل مميز اشجعك عليه دائما و ابدا و في كل الامور
الله يعينك يا قلبي
كلو في ميزان حسناتك
حرصك و تعبك و تحمل مسؤوليتك التااامة كأم
كلوا في ميزان حسناتك باذن الله
هههههههههههه نحسن عونك ترجعي off
لانك هذا هو وقتها طبعا بعدما يرقدوا
لكن اوصيك ان تاخذي وقيتة ليك بعدما يرقدوا يا لوكان ساعة
تتهلي في روحك شويا تاخذي حمام دافئ و تسترخي
تشربي تيزان
تريحي معا راجلك
تتفرجي تلفاز
هذا هو الوقت اللي تكوني فيه حرة
لا تحرمي نفسك فيه من بعض المتعة و الاستجمام

سمية شو · 2015-04-16, 23:50

السلام عليكم
ان شاء الله تكونو كامل بخير و صحة و عافية و سعادة
انا بحكم غيابي عن بيتي هذا الاسبوع ما التزمتش بالتطبيقات العملية لكني قمت بأهم التطبيقات في نظري الي هي جداول الروتينات وقائمة الطعام الاسبوعية ملأت الجداول و زينتها و ملأت قائمة الاعمال الي تنتظرالتطبيق .
تقييمي الاسبوعي في كافة الجوانب فيه تقدم لكن مازلت لا اشعر بالرضى ربي يوفقنا جميعا لما فيه خير الدنيا و الآخرة
سلاااام حبباتي بالتوفيق للحميع

وفاء الياسمين · 2015-04-17, 00:50

السلام. عليكم.
يا أختي حبيبة متقدريش. تتصوري فرححتي بالرد ديالك

حتى تققلقت وكتاش نبرا. و نكمل معاكم
حنا تان عندنا حبيبة وحدة ربي يحفظك