تعالو كل وحدة تقول طبق بالفول

[chedni]

المشاركة الأصلية كتبت بواسطة شيماء نور

انا طريقتي في عمل المسفوف ممكن تختلف شوي انا تعلمتها على جدتي

نقي الفول كما موالفه ونضيف له الجلبانه حب فقط ونغسلو ونحطو على جنب نشمخ الكسكس ونحط القدرة فوق النار كي تغلي نفور الكسكس اول تفويرة وممبعد نفركتو وندهنو اما بالزيت الزيتون اذا كنتي تاكليه من غير رايب واذا كنتي تحطيه برايب ادهنيه بالسمن انا نحب سمن الحياة نحط الفول يفور ونحط فوقو الكسكس مباشرة ونخليهم يفوروا مع بعض حتى يطيب الفول هنا نحي الكسكس اولا ونحطو في قصعة وممبعد كي نوصل للفول الي يكون تحت الكسكس نحيه ايضا ونفرغو في قصعة وحدو نرجع للطعام نفركتو ونبردو شوي ونخلطو مع الفول والجلبانه

البنة روعة والسر ان الفول ايطيب مليح تحت الطعام الي ياخذ ريحة وطعم الفول

راني عارفه بلي طولت بصح حبيت نوصل لكم الفكرة

ثانيا ,,نعملو طبيخة مليحة خصوصا في ار الاسبوع لما نحب نقي الثلاجة نلم الخضرة الي بقات ممكن حبات جزر وحبات بطاطا اي حاجة فضلت عندك واهم شيئ تحطي القرنون والجلبانه ما ننساش الفول معاهم نقطعوهم عادي ونضيف لهم الثوم والفلفل الاحمر والملح وكسبر يابس نقلي ونمرق بماء مغلي نضيف مباشرة ربطة فيها حشيشة شوربة ونعناع ونخليهم حتى طيب الخضرة كامل نضيف فنجان روز انا نحب نغليه الاول باه يروح منو النشاء ونضيف الطماطم الي عندك مصبرة ولا حب ونخليه يجمر نطفي عليه النار ونضيف له نعناع وحشيشة مقطعة من فوق صدقوني البنة روعة انا نحط معاه الليمون كل واحد يعصر في الصحن تاعو

ونستعملو مع بركوكس مليح مع الخضرة

المهم الفول هو سيد اطباقنا خصوصا في الربيع لما تكون الخضرة كثير

أممممممممممممم عجبني الكسكس بالفول والجلبان وطريقة قديمة لكن جديدة بالنسبة ليا إيه على طياب الأجداد متقون يعطيه ويعطيك الصحة

والطريقة الثانية مع الخضر يجي ناشف ولا ممرق؟

يعطيك الصحة أختي ومشكورة على الإفادة .