مشكل بين الخبرة و الشهادة - الصفحة 2

soso sirin · 2012-10-01, 23:41

اقتباس:

المشاركة الأصلية كتبت بواسطة sarl02

يمكن اعتبار الامر كذلك حالة اجتماعية متمثلة في صراع الاجيال اي الفارق الكبير في السن بين الجيلين خاصة اذا كان لكلا الجيلين مسؤولية واحتكاك دائم مع بعض ....مثلا اضرب لك مثال من خلال وظيفتي كمقتصد ..ولو انه الشباب في هذا المنصب قليلون جدا مقارنة بالمناصب الادارية الاخرى لانه لم تكن تفتح مسابقات في هذا السلك الا في 3 سنوات الاخيرة ...فتجد مقتصد لا يتجاوز 30 سنة من يوم دخوله الى المؤسسة هو رئيس مصلحة المقتصدية والمحاسب العمومي فيها ولا يصرف فلس واحد دون موافقته ..والمشكلة مع من يتعامل هذا المقتصد الشاب تجده يتعامل مع المدير بصفته الامر بالصرف في المؤسسة بصفة حتمية اضافة الى مستشار التربةي وناظر المؤسسة وغالبيتهم عندهم 30 سنة عمل وكانو اساتذة وتدرجو ..فيصعب التعامل معهم نوعاما لان الجيلين مختلفين و حلقة الترابط و التفاهم تكاد تكون مغلقة ومن هنا تبدا المشاكل.....المهم ما ذكر في موضوعك تعاني منه فئة كبيرة من الاطارات الشابة العاملة بمختلف الادارات والهياكل العمومية وان شاء الله ربي اهدي النفوس وتتحسن النا الى الافضل بوركت مرة اخرى يالشلفية.

المشاكل كاينين بزاف في مجال الخدمة تاعك يا لطيف مشاكل بداها من ليكول مع الشيوخة الادارة بداية السنة نهاية السنة وصلها لاكاديمي لتغيزوغ و حتا ليفوغنيسوغ تقول مقتصد تساوي مشاكل.و اذا جيت جديد و مانهدروش على الشي لاخر مي حتا نتوما مرات من الضغط تولو كارثة.ربي يكون في عونكم و في عون الي يخدم معاكم .و ربي يصلح لحوال ان شاء الله

دادا22 · 2012-10-02, 10:41

اقتباس:

المشاركة الأصلية كتبت بواسطة soso sirin

عالم الشغل بين الجيل القديم و الجيل الجديد او بين خريجي الجامعات و بين خريجي الحياة العملية .اريد منكم ان اردتم ذلك ان نتناقش في موضوع قد لاحظته انا و لا اعلم ان قد صادفتموه ام لا.الموضوع و باختصار لماذا حينما يستلم موظف جديد عمله و هو بدون خبرة و لكن لديه شهادة جامعية استعلاءا كبيرا من العاملين معه خاصة من يعمل معه في نفس العمل كما انه احيانا يسمع باذنيه كلمة متخرجين من الجامعة مي مايفهمو والو و لماذا يحس نفسه انه دخيل او انه قد دخل حربا و عليه ان لا يخسر ابدا و لا يجب عليه ان لا يخطئ ابدا لانه و باختصار يحمل شهادة.بالمقابل اسمع كثيرا من افواه اصحاب الشهادات انهم يستهينون كثيرا بمن لا يحمل شهادة حتى و لو كانت لديه خبرة في مجال عمله تفوق 10 او 15 سنة و يرددون عندو الخبرة مي ماشي متخرج من الجامعة معنتها انا سهرت و قريت و تعبت مدة 4 سنين و منبعد انا و هو كيفكيف حتا و كون عندو 50 سنة خدمة مي انا خيرمنو و الي يسمعو يحسب كان يقرى في السوربون.الموضوع كتبتو بلا مانخمم فيه الاسلوب شوية ركيك مي ان شاء الله تكون الفكرة وصلت

السلام عليكم
لا اطيل عليكم ولكن ساذكر الاسباب مباشرة

1 الخوف و التوجس من الجديد
2غيرة الذي لا يحمل شهادة ان يتفوق عليه من لديه شهادة اذا اكتسب التجربة
3 معظم الخريجين لم يُكوًنوا انفسهم ولكن اعتمدوا على المحاضر فقط
4 منح مناصب عمل على اساس محاباة وقراية وليس على اساس كفاءة
5 طريقة نفسية من طرف القديم الذي لا يحمل شهادة للدفاع عن مركزه
6 العلاقات الجهوبة و العرقية الموجودة في الشركات فهم يرفضون كل غريب عن العشيرة او العرق
7 عقدة النقص امام المتعلم او حامل الشهادة
8 شخصنة مراكز العمل فاذا ذكرت عمل اقترن اسم شخص به مباشرة وكأن المركز او العمل هو فلان
وذلك لنقص او عدم تقبل ثقافة التداول

هناك اسباب انسانية وأخرى مهنية واخرى موضوعية
اما الاسباب العاطفية لا تجدها الا في المجتمعات المتخلفة
دمتم بخير

محمد...عبد النور · 2012-10-02, 11:35

السلام عليكم أختي سوسو سيرين
هذا الكلام ليا ما سمعتيهش اليوم ، تسمعيه غدوة مين تكوني جديدة ...........حتما مقضيا.....على خاطر تبانيلهم في البداية انك بلوووووووووووو و ما تعرفي والو و صح يغريهم الكلام فيك لانهم لاحظوا كما لاحظنا جميعا ان بعض المتخرجين عديمي المستوى على الرغم من حملهم لشهادات جامعية
و ايضا هناك صراع ازلي بين كل جيل و جيل ....دائما نجدهم يفتخرون حنا و حنا و حنا ...تقولي راهم رافدين السماء فوق ريسانهم هههههههههههه
و البلاد راهي مطورة مين هوما سبقونا بل تدهورت جدا لاننا خلف جاءوا بعدهم و كما وجدنا الامور رانا نمشوا عليها و لو وجدناهم واعيين لزاد وعينا لكن ساجيين في الهدرة و فقط ههههههههههههههههههههه
لا علينا من كل هذا الشخص لا بد ليه من اثبات نفسه و مستواه من كل الجوانب
يفرض احترامه اولا و بعد ذلك يوري قرايته و انه صح ذا مستوى و قادر على شقاه و في الايام الاولى لابد ان يتعب لكي يتحصل على المستوى العادي في وظيفته الجديدة لكن بعدها يصبر فالصبر يلقننا امو كثيرة خاصة معاملة الناس و الصبر على اذاهم و كيفية الرد الحسن عليهم
المهم اثبات الذات امر مهم و لكن اتركي الايام تصقل مهاراتك و اثبتي كفاءتك اكادميا و اخلاقيا ...ذاك الوقت يعرفوا المعدن نتاعك و شكون نتي
المهم آسف على الاطالة و جزاك الله كل خير
ســـــــــــــــــــــــــــــــــــــــلام

SOUSOU. DZ · 2012-10-02, 11:52

السلام عليكم موضوع جميل اختي وسيلة

انا في راي صحاب الخبرة عنده في راس اكثر من لي حاسبين رواحهم بشهداتهم كيما تفضل اخي لدريق في بالهم شادين سما ههه

وهادي الظاهرة نشوفها في اساتدة لقدم وجدد

انا رديت على حساب مافهمت وان شاء الله نكون ماخرجتش على الموضوع

سلام

مريم الصابرة · 2012-10-02, 13:07

السلام عليكم اختي وسيلة
اكيد هذي وين تروحي شوفي ديجا نعطيك مثال صغير فالدار الصغير دايما محقور علاه دايما لاحقاتو كلمة مازالك صغير وممكن لو تحكي معاه تلقاي عقلو اكبر من سنو بزاف لكن ما يعطولوش افرصة حتى يطوالو رجليه هكذاك فالخدمة لازم طولي باه يا ربي يقبلو بيك مادامك من الجامعة للخدمة راحا تلقاي اللي يتمعلم عليك واللي حتى تجي بالضحكة الصفرا توريلك زعمى كاللي القرايا اللي قريتيها نتاع الصين وهوما يعرفو كل شي الله غالب حال أصحاب الخبرات وساو باللي جا نهار كانو جدد ومع الوقت ومع الممارسة الدائمة للخدمة تولي كلمة خبرة وواش من خبرة يجيب ربي ما تتقلقي ما والو أخدمي خدمتك واللي تهدر معاك قلها ما رانيش خدامة في داركم وصايي تغمري راسك تهبلي تخلاص عليك عند الطبيب النفسي ونو ماشي وقتو وسيلة راكي عارفة عندنا بروجي اجليها ههههههههههههه موفقة.

morad81 · 2012-10-02, 13:43

المشكل يا سوسو ليس في شعور الناس القدامى.....يجب أن يكون كل واحد في القدر اللي يستحقوا يعني كيما الخدمة العسكرية الدرجة تحكم ما تقولي لا كبير ولا قديم ولا .....

المشكل أن الناس اللي خدمت بكري عندهم خبرة في مجال العمل نتاعهم بحكم الأقدمية لكن لو أنهم تغيرت المعطيات رايحين يلقاو نفوسهم ماكان والوا ...

وكيما تقدم الأخ أن المشكل بالأساس مشكل دراهم ........

ونزيد نقولك أن الناس القديمة كانت تستغل مناصبها في جذب القبول العام والتبعية و السمعة بحكم نروديلك السارفيس .......وكيما جاو الشباب الجامعي الذي يقوم بعمله على حسب معطياته فهذا قد يطفء الأضواء عن القدامى و لا يجدون المجال لفرض وجودهم بالمجتمع .......

وحوسي في افدارات و شوفي واش راني نقولك

SOUSOU. DZ · 2012-10-02, 13:48

اقتباس:

المشاركة الأصلية كتبت بواسطة morad81

المشكل يا سوسو ليس في شعور الناس القدامى.....يجب أن يكون كل واحد في القدر اللي يستحقوا يعني كيما الخدمة العسكرية الدرجة تحكم ما تقولي لا كبير ولا قديم ولا .....

المشكل أن الناس اللي خدمت بكري عندهم خبرة في مجال العمل نتاعهم بحكم الأقدمية لكن لو أنهم تغيرت المعطيات رايحين يلقاو نفوسهم ماكان والوا ...

وكيما تقدم الأخ أن المشكل بالأساس مشكل دراهم ........

ونزيد نقولك أن الناس القديمة كانت تستغل مناصبها في جذب القبول العام والتبعية و السمعة بحكم نروديلك السارفيس .......وكيما جاو الشباب الجامعي الذي يقوم بعمله على حسب معطياته فهذا قد يطفء الأضواء عن القدامى و لا يجدون المجال لفرض وجودهم بالمجتمع .......

وحوسي في افدارات و شوفي واش راني نقولك

وي عندك الصح

soso sirin · 2012-10-02, 19:11

اقتباس:

المشاركة الأصلية كتبت بواسطة دادا22

السلام عليكم
لا اطيل عليكم ولكن ساذكر الاسباب مباشرة

1 الخوف و التوجس من الجديد
2غيرة الذي لا يحمل شهادة ان يتفوق عليه من لديه شهادة اذا اكتسب التجربة
3 معظم الخريجين لم يُكوًنوا انفسهم ولكن اعتمدوا على المحاضر فقط
4 منح مناصب عمل على اساس محاباة وقراية وليس على اساس كفاءة
5 طريقة نفسية من طرف القديم الذي لا يحمل شهادة للدفاع عن مركزه
6 العلاقات الجهوبة و العرقية الموجودة في الشركات فهم يرفضون كل غريب عن العشيرة او العرق
7 عقدة النقص امام المتعلم او حامل الشهادة
8 شخصنة مراكز العمل فاذا ذكرت عمل اقترن اسم شخص به مباشرة وكأن المركز او العمل هو فلان
وذلك لنقص او عدم تقبل ثقافة التداول

هناك اسباب انسانية وأخرى مهنية واخرى موضوعية
اما الاسباب العاطفية لا تجدها الا في المجتمعات المتخلفة
دمتم بخير

الله يبارك عليك خويا راك كفيت و وفيت ماشاء الله عليك. مي حتا الاسباب العاطفية عندنا راهي تخدم مع انو حنا ماشي مجتمع متخلف مية بالمية

soha1987 · 2012-10-02, 20:47

سلام سوسو
انا هادي صراتلي نهار كونت نخدم مستخلفة كانو معايا اساتذة فيزياء تاع ليتيو تاع بكري وانا صغيرة فيهم صدقو هبلوني يدبرو عليا في كل كبيرة وصغيرة ويدخلو بزاف ويقلوولي نتي ماتعرفيش تقري وماتفهميش ومازلتي صغيرة ونتوما نتاع الجامعة ماتفهمووالو حملت حملت در ت حرب معا واحد الاستاذ فالمخبر لانو حاب يدير التجربة في بلاصتي مالا قوتلو واش تحسب في روحك وواش تحسب فيا راني فارغة ودرتلو درس وبردت قلبي هاكا خطاوني وتهنيت منهم مول الخبرة نتاعو يحكمها عندو اي واحد الخبرة يكتسبها مع الوقت ونزيدللكم معلومة الاساتذة حساد فيما بينهم لكان شافو واحد خير منهم يديرو فيه حالة انا ماخطاونيش حتا كرهولي حياتي شكرا سوسو على الموضوع

soso sirin · 2012-10-02, 21:01

اقتباس:

المشاركة الأصلية كتبت بواسطة sousou. Dz

السلام عليكم موضوع جميل اختي وسيلة

انا في راي صحاب الخبرة عنده في راس اكثر من لي حاسبين رواحهم بشهداتهم كيما تفضل اخي لدريق في بالهم شادين سما ههه

وهادي الظاهرة نشوفها في اساتدة لقدم وجدد

انا رديت على حساب مافهمت وان شاء الله نكون ماخرجتش على الموضوع

سلام

انتي اخرجي على الموضوع و هدري واش بغيتي راكي مولاة الدار.انا قراوني ناس كبار و ناس صغار كيما كاين الي كبار و ماشاء الله كاين الي كبار مي تحسو ماعندو والو.و حتا الصغار كاين الي تلقايه ماشاء الله و كاين الي ماراه فاهم في جدها والو و تلقاه حاسب روحو حاجة كبير. الي قاري صح مايديهاش في روحو لانو الفارغ برك الي يحسب روحو و حتا الي عندو الخبرة و صح واثق من نفسو في حياتو مايحسش بالنقص و لا يحس انو اي واحد جديد راه جاي ينافس فيه مي واش نقولو بلادنا قووا فيها غير المرضى النفسيين

سعاذ · 2012-10-02, 21:33

السلام عليكم
هذا كلام تبقاي تسمعيه حتى يثبت العكس
و في الواقع تاعنا و خاصة في الادارة تلقايهم كامل يخدمو خدمة واحدة خدمة متصرف يخدمها الملحق و يخدمها الكاتب و يخدمها العون و يخدمها عون حفظ البيانات الفرق الوحيد هو في التصنيف و سلاك برك اما الباقي كلش كيفكيف
دمتم في رعاية الله و حفظه

السي محمد · 2012-10-02, 21:40

هذا المُشكل مطروح في الادارات و شابهها

مثلا انا في الهندسة اعترف لمن سبقني بالخبرة

و في مجا ل الهندسة المدنية او المعمارية

الخبرة و التحكم في داوت و طُرق العمل

هو الفيصل

مثلا انا مهندس جديد يمكن ان تكون اجرتي 3 ملايين سنتيم

و تقني قديم ذو خبرة تكون اجرته 10 ملايين في الشهر

و الفارق هُو الخبرة صحيح انا درست افضل منه

ولكن في عملنا (النظري) لا يمثل اكثر من 30 بالمئة من المهنة

الصح هو في التعامل مع العمال و المسؤولين و معرفة الاسعار نوعية و مواد البناء و التجار وووو

وكل المهندسين الجُدد يعترفون باقدمية و خبرة من سبقهم و يتعلمون منهم عادي

==================
شكرا لكم

soso sirin · 2012-10-02, 22:53

صحيتو على الردودغدوة ان شاء الله راني نرد وسمحولي لانو اليوم انا راني خارج مجال التغطية

SOUSOU. DZ · 2012-10-02, 23:53

اقتباس:

المشاركة الأصلية كتبت بواسطة soha1987

سلام سوسو
انا هادي صراتلي نهار كونت نخدم مستخلفة كانو معايا اساتذة فيزياء تاع ليتيو تاع بكري وانا صغيرة فيهم صدقو هبلوني يدبرو عليا في كل كبيرة وصغيرة ويدخلو بزاف ويقلوولي نتي ماتعرفيش تقري وماتفهميش ومازلتي صغيرة ونتوما نتاع الجامعة ماتفهمووالو حملت حملت در ت حرب معا واحد الاستاذ فالمخبر لانو حاب يدير التجربة في بلاصتي مالا قوتلو واش تحسب في روحك وواش تحسب فيا راني فارغة ودرتلو درس وبردت قلبي هاكا خطاوني وتهنيت منهم مول الخبرة نتاعو يحكمها عندو اي واحد الخبرة يكتسبها مع الوقت ونزيدللكم معلومة الاساتذة حساد فيما بينهم لكان شافو واحد خير منهم يديرو فيه حالة انا ماخطاونيش حتا كرهولي حياتي شكرا سوسو على الموضوع

والله غير غضتيني مي عندك الحق كي وقفتي عند حدو

كيما قالت اخي وسيلة كاين جدد يفهم خير من لقدم

SOUSOU. DZ · 2012-10-02, 23:54

اقتباس:

المشاركة الأصلية كتبت بواسطة soso sirin

انتي اخرجي على الموضوع و هدري واش بغيتي راكي مولاة الدار.انا قراوني ناس كبار و ناس صغار كيما كاين الي كبار و ماشاء الله كاين الي كبار مي تحسو ماعندو والو.و حتا الصغار كاين الي تلقايه ماشاء الله و كاين الي ماراه فاهم في جدها والو و تلقاه حاسب روحو حاجة كبير. الي قاري صح مايديهاش في روحو لانو الفارغ برك الي يحسب روحو و حتا الي عندو الخبرة و صح واثق من نفسو في حياتو مايحسش بالنقص و لا يحس انو اي واحد جديد راه جاي ينافس فيه مي واش نقولو بلادنا قووا فيها غير المرضى النفسيين

ياعمري على اختي شابة ميرسي راني ندور كيما نحب وين حبيت ندير شكر ولا على من نرد رووووووووعة هع

عندك الحق في واش قلتي