مساعدة في كيفية حفظ الحلويات لمدة طويلة

[it's me]

انا نظن بزاف عليها شهرين عندي صحبتي كانت تخبي البقلاوة في المجمج والله طعمها يتبدل

[موجو جوجو]

المشاركة الأصلية كتبت بواسطة liliane24

ماكان لاه أختي تغامري رايحة الحلوى تفسد يعني ذوقها رايح يتبدل ، من الأحسن تخدميها في الأيام الأخيرة من رمضان

المشاركة الأصلية كتبت بواسطة شيماء أخت الرسول

ننصحك مدريهاش في البسينة وتغميها لخطراكش تجي فيها الريحة صبري وخدميهم في 15 الأخيرة من رمضان و ربي عاونك انشاء الله

المشاركة الأصلية كتبت بواسطة faizarbh

الف مبروك اختيتي شوفي المقروط يفسد غير ما تغامريش
و الحلوى الاخرى ما تفسدش بصح البنة تتغير يولي صامط من الاحسن تخلي في رمضان و اديريه

المشاركة الأصلية كتبت بواسطة امة الله نور

بزاف شهرين كاملين
تيبس اخلاص جربي المجمد

المشاركة الأصلية كتبت بواسطة it's me

انا نظن بزاف عليها شهرين عندي صحبتي كانت تخبي البقلاوة في المجمج والله طعمها يتبدل

شكرا على الردود تاعكم
ان قلت نبدا بلي تشد روحها اكتر و نكمل لوخرين
كيما المقروط هو الأخر كامل
وتان الكميه لي نديرها لكل نوع نقسمها على يومين ولا اكتر على حساب الخدمة تاعها
و تان متلا نبداها في بداية رمضان ليوم عرسي وين نديرها فالكونجيلاتور ولا على برا
و فاش نسبق
أنا قلت فالعرايش مبعد البقلاوه مبعد تشاراك ممبعد الفاكيه تاع عجينة اللوز
و ف الأخير المقروط
و قولوللي تان على كاش حلوى ملتشدش مقادير بزاف و ساهله

[NourElImen]

السلام عليكم, اختي الف مبروك انشاء الله زواجة الدهر,حبيت نفيدك بمعرفتي القليلة لاني نتبع كثير وصفات الحلوى ,
1- اولا انتي اخترت حلويات تقليدية كانو ناس زمان يحتفظوا بها لمدة طويلة لكن لازم تعرفي بلي مشي فقط طريقة الحفظ لتلعب الدور فقط لانوا عندك العجينة و مثلا جلاصاج عرايش لاخترتيه
2- لحفظ الحلوى المقرمشة مثل البقلاوة ضعيها في طنجرة حديد مع قطع سكر الحجرة حتى تمتص الروطوبة
3- لحفظ الحلوى الطرية مثل العرايش, تشاراك ,عجينة اللوز فرشي اكياس البلستيك الشفافة تاع الخبز لانو صحية في علب البلاستيك لطراوة اكثر او فقط العلب لكن غطيها بغطاء البلاستيك وبعديهم على كليماتيزور
4- را ي من الاحسن تبدي 20 يوم الاخيرة لانو 300 حبة فيها مخاطرة و ابدي 4 ايام مثلا اخدمي مقروط وعسليه وهو سخون في عسيلة باردة ثقيلة وخاليه في 20يوم يحافظ على البنة تاعو ويزيد ثم 4 ايام اخدمي البقلاوة لكن نصيحة في الحشوة ماديريش القرفة لانو مع الوقت القرفة تبدلك الذوق تولي مرة ديري فقط لافاني وثاني طبقات البقلاوة تدهن بالسمن مشى بزبدة مهمة جدا هادي النقطة ثم ديري 4 ايام تشارك وفي اخير كي قرب العرس ديري عجينة اللوز
5- كي تبدي تخملي في القاطو مع الاخير يومين قبل العرس باش ما يبسش عودي اغطسي المقروط في العسيلة دافية مشي سخونة ** وحتي في لكيسات ام البقلاوة حتيها في كيسات وارمي بمغرف فوقها شوية عسيلة لاعطاء اللمعة و تشارك رشي عليه بصفاية سكر الناعم وحتي في لكيسات
6- اما ادا حبيتي حلوى خفيفة نجرب نعطيك لكن حاب نفهم عجينة لوز واش ديري بها
7-عندي ليك راي لوكان ديري في باطة البقلاوة العرايش, تشاراك ,عجينة اللوز ولتاي ديريلو حلوى خفيفة احسن

[موجو جوجو]

المشاركة الأصلية كتبت بواسطة nourelimen

السلام عليكم, اختي الف مبروك انشاء الله زواجة الدهر,حبيت نفيدك بمعرفتي القليلة لاني نتبع كثير وصفات الحلوى ,
1- اولا انتي اخترت حلويات تقليدية كانو ناس زمان يحتفظوا بها لمدة طويلة لكن لازم تعرفي بلي مشي فقط طريقة الحفظ لتلعب الدور فقط لانوا عندك العجينة و مثلا جلاصاج عرايش لاخترتيه
2- لحفظ الحلوى المقرمشة مثل البقلاوة ضعيها في طنجرة حديد مع قطع سكر الحجرة حتى تمتص الروطوبة
3- لحفظ الحلوى الطرية مثل العرايش, تشاراك ,عجينة اللوز فرشي اكياس البلستيك الشفافة تاع الخبز لانو صحية في علب البلاستيك لطراوة اكثر او فقط العلب لكن غطيها بغطاء البلاستيك وبعديهم على كليماتيزور
4- را ي من الاحسن تبدي 20 يوم الاخيرة لانو 300 حبة فيها مخاطرة و ابدي 4 ايام مثلا اخدمي مقروط وعسليه وهو سخون في عسيلة باردة ثقيلة وخاليه في 20يوم يحافظ على البنة تاعو ويزيد ثم 4 ايام اخدمي البقلاوة لكن نصيحة في الحشوة ماديريش القرفة لانو مع الوقت القرفة تبدلك الذوق تولي مرة ديري فقط لافاني وثاني طبقات البقلاوة تدهن بالسمن مشى بزبدة مهمة جدا هادي النقطة ثم ديري 4 ايام تشارك وفي اخير كي قرب العرس ديري عجينة اللوز
5- كي تبدي تخملي في القاطو مع الاخير يومين قبل العرس باش ما يبسش عودي اغطسي المقروط في العسيلة دافية مشي سخونة ** وحتي في لكيسات ام البقلاوة حتيها في كيسات وارمي بمغرف فوقها شوية عسيلة لاعطاء اللمعة و تشارك رشي عليه بصفاية سكر الناعم وحتي في لكيسات
6- اما ادا حبيتي حلوى خفيفة نجرب نعطيك لكن حاب نفهم عجينة لوز واش ديري بها
7-عندي ليك راي لوكان ديري في باطة البقلاوة العرايش, تشاراك ,عجينة اللوز ولتاي ديريلو حلوى خفيفة احسن

شكرا لك على نصائحك
و انا البقلاوه جامي نديرلها القرفه ما يعجبنيش مداقها فالبقلاوه
و عجينة اللوز يعني بلت داموند لي تتباع فالحوانت و الداحل نديرلها حشةوه تاع القاطو و الكاوكاو

المشاركة الأصلية كتبت بواسطة *أم كوثر*

السلام عليكم
فكرة المجمد مجربتهاش
لكن انا عملت القاطو ودرت كل نوع في بورت مونجي وغلقتو مليح ودرتو في الفريجيدار من تحت مش الكونجلاتوغ
وموالفة ندير هك وجامي لا فسد ولا تبدل مداقه
حتى المقروط نعرف بلي كل ما طول ما ما احسن لكن مادام في الصيف ديريه في الفريجيدار خير
وربي يسهلك

شكرا على الأقتراح و كنت نستنى فيك أنت بالضبط تفيديني
أنا علاه قلت كونجيلاترو
خاطاش عندنا كونجيلاتور كبير فريجيدار مع الخضره إلح ماكاش بلاصه فيه
كنت جربت من قبل البقلاوه نديرها في بورت مانجي لمدة تفوت 20 يوم بصح على برا ديجا فشهر افريل لي فات
يعني ماتبدلش القو تاعها
ونزيد نكتر لحديث و نسقسيك
بما انك ما شاء الله عليك
قوليلي إقتراحك لحلوة عرسي
ندير لي عولت عليهم ولا كاين مودا لهاد الصيف ونبدل
راني نستنى في جوابك
و ربي يعطيك كل ما تتمناي إن شاء الله