طريقة عمل عجينة التزيين - الصفحة 31

aboayoub · 2013-11-25, 20:46

اقتباس:

المشاركة الأصلية كتبت بواسطة ام اريام

السلام عليكم ,يا أختي شفتي دعواتنا الحمد لله كي تخدم الميكرو,وماعليش راحت تصويرت لكورني ضحينا بيها في سبيل انو تخدم...عجبتني أختنا سما حطتلك لي بياس مونتي ...باينة خفيفة الظل ربي يحفظها,وعلى سلامتو أيوب فطريه الصباح بالعسل الحر مليح يقويلو المناعة نتاعو و بربي إنشاء الله ما يقيسو والو.

وعليكي السلام حبيبتي دركا دعيولي ليا هههههه دعاويكم مستجابة
شفتي سوما شحال مليحة وخفيفة الله يبارك ربي يفرحها بدارها ووليداتها ....الله يسلمك ايوب راهو عشا مليح الحمدو لله .....الله يعطيك الصحة على النصيحة

لميس اميرة · 2013-11-25, 20:48

السلام عليكم اختي

ممكن تعطيني القلاساج لي يعملوه فوق لي زيكلار لي يتباعو عند الباتيسري
نشوف اخوات يعملو شكولا سايحة فقط
انا حابة قلاساج نفسو لانو يجي طري و نوعا ما يتعلق و كانو كبريس مخلطة مع فوندون ممكن تجاوبيني

aboayoub · 2013-11-25, 21:08

اقتباس:

المشاركة الأصلية كتبت بواسطة om mita

راني لقيت قوجة اسئلة
استحمليني برك ضك وش كاين في راسك كامل نفرغولك
البقلاوة بلابات افيلو تجي مليحة بلي تتباع ولا الي تتخدم خير
لي قوفر ممكن طريقة تحضيرهم
الطلية كاين انواع بزاف حارتلي وعجبتني الي تتعجن انت ويناها الي تخدمي بيها
المشكلة تقطعي العجينة وتقطعي الحشوة وتحطي فوق بعظاهم ولا تحطي العجينة ثم الحشو ثم العجينة وتقطعي
كشما نتفكر اني نزيد نجي

مرحبا بالاسئلة ديالك ..ههههههه راسي ملي تزوجت فرغ من ليغوسات بقاو فالكراس

اييييه الوحدة تكون راسها بارد تعمرو غي بالقراية والخدمة وكي دير الدار يولي كلش على راسك
القوفر درك نحطهم....الطلية فيها انواع قوليلي القطوا نعرف الطلية الي جي عليه

المشكلة اذا كانت تع الكاوكاو قطعي العجينة وحدها العقدة تاني العجينة ديريها بطابع شوية اكبر لخاطر الكاوكاو ينتفخ فالطياب باه يوليو قدقد
والعقدة تع اللوز ديري العجينة والعقدة والعجينة وقطعي اللوز ماينتفخش بزاف فالطياب

lina200 · 2013-11-25, 21:15

اقتباس:

المشاركة الأصلية كتبت بواسطة aboayoub

الله يسلمك ....اميييييييييين ويشفي كامل المرضى

درك نمدلك قلب اللوز
الجديد ماشاء الله دوخي سيختو طوابع السيلكون دايرين حالة والكتب تع بن بريم ناجحين ومعظم الكتب تدي الشكل برك
الفوندو تع الميل فاي ساهل ديري سكر التسكار وجريه بالحليب وخليه شوية ثقيل لي الطلية هاذا ساهل
والثاني 300غ سكر+1دل ماء+ملعقة كبيرة عصير القارص الكل على النار هادئة حتى يصبحح عاقد في الاول يبانلك ترونسبارو كي ينشف يبياض

الاول احسن جي البنة كيما الي يتباع

اذا كان عندك وقت ديري الكورني درك نحطهم واذا كنتي مزرزبة ديري تع الديول

ربي يجعلها في ميزان حسناتك يارب و تشوفي ايوب كيما تتمناي ولا أحسن ياااارب
مفهوم تش حاجه في طيلة الميل فاي الخطوط السوداء هي شكولا أو نفس الخليط معاه كاكاو

souma.sousou · 2013-11-25, 21:21

اقتباس:

المشاركة الأصلية كتبت بواسطة aboayoub

وعليكي السلام حبيبتي دركا دعيولي ليا هههههه دعاويكم مستجابة
شفتي سوما شحال مليحة وخفيفة الله يبارك ربي يفرحها بدارها ووليداتها ....الله يسلمك ايوب راهو عشا مليح الحمدو لله .....الله يعطيك الصحة على النصيحة

امين يا رب العالمين.كثريلي من هاد الدعوات........ربي يحفظكم ويخليلكم وليداتكم انتي واختي ام اريام..............ايوب راه كيما وليدي فارس كل وقت ندعيله.........

aboayoub · 2013-11-25, 21:22

اقتباس:

المشاركة الأصلية كتبت بواسطة zawali.dz

السلام عليكم اختي

ممكن تعطيني القلاساج لي يعملوه فوق لي زيكلار لي يتباعو عند الباتيسري
نشوف اخوات يعملو شكولا سايحة فقط
انا حابة قلاساج نفسو لانو يجي طري و نوعا ما يتعلق و كانو كبريس مخلطة مع فوندون ممكن تجاوبيني

وعليكي السلام
القلاساج تع الاكلار كيما تع الميلفاي سكر قلاسي مع الحليب وخليه ثقيل كيما الطلية واذا كان بني زيديلو شيكولة

ام اريام · 2013-11-25, 21:22

أختي العزيزة :رانا مدايرين الصف و نستناو;والأخوات راهم يستناو في الأجوبة;أختنا سوما راهي تتخيل في تزيين الكعكة انشاء الله كل عام وهو بخير;وأنا خذيت رايك في الحلوى لي نعمل ومنها المسيسات قلتي نزيدو 1خميرة في العجينة ولا ما فهمتش,معليش تشرحيلي;الله يجازيك كل خير.

aboayoub · 2013-11-25, 21:33

اقتباس:

المشاركة الأصلية كتبت بواسطة ام اريام

أختي العزيزة :رانا مدايرين الصف و نستناو;والأخوات راهم يستناو في الأجوبة;أختنا سوما راهي تتخيل في تزيين الكعكة انشاء الله كل عام وهو بخير;وأنا خذيت رايك في الحلوى لي نعمل ومنها المسيسات قلتي نزيدو 1خميرة في العجينة ولا ما فهمتش,معليش تشرحيلي;الله يجازيك كل خير.

راهي جات دالتك متتقلقيش راني الي نصيبها فاتحة فالمنتدي ومتابعة نجاوبها ثمثم
وسوما ماتخميش عليها درك نفرحها
المسيسات باكي اذاكان عبر كبير وانتي 50 حبة ديري شوية مغيرفة تع لتاي خميرة واياكي تدلكي العجينة لمي برك وخوذي منها بالشوية او خوذي كويرة قيس باطا فنيليا باة يجيو قدقد وكي ديري العقدة حطيبوشون تع قازوز فالوسط ودوري عليه يجيوك قدقد

aboayoub · 2013-11-25, 21:41

اقتباس:

المشاركة الأصلية كتبت بواسطة souma.sousou

مساء النور ربي يشافيه.......كيما قاتلك الاخت اعطيه مغرف عسل كل صباح او قبل النوم مفيد جدا.....حتى انانعطيه لاولادي هوما تاني فراجيل...........ماتكثريلهش اللباس بزاف يعرق ويبرد عليه العرق يمرض...........نقصي شوفاج .مع البرد راكي زايدتلها حده...........ومايشوف شر ربي يحفضهلك
...انا ولادي نديرلهم السانوج ...حبة البركة...مع العسل وزيت الزيتون مفيد جدا للبرد...........حقا بصحتنا صنعت الميكرو استحفضي عليه راه نتاعنا .......

الله يسلمك واش قلتي صح .....السانوج مشي سخون بزاف ايوب عندو 4 سنين .......الميكرو راه درك كي وليدي ههههههه

aboayoub · 2013-11-25, 21:47

اقتباس:

المشاركة الأصلية كتبت بواسطة souma.sousou

امين يا رب العالمين.كثريلي من هاد الدعوات........ربي يحفظكم ويخليلكم وليداتكم انتي واختي ام اريام..............ايوب راه كيما وليدي فارس كل وقت ندعيله.........

انتي الخير كلو نفرح كي نلقاك ربي يعطيك واش تتمناي وسجيلك اولادك ويحفظهم وينجحهم ويرزقهم الصحة والهنا والخير وطاعة ربي ووالديهم با رب قولي اميييييييييييين
ربي يحفظلك فارس ويفرحك بيه وكل عام وهو بخير ايوب عيد ميلادو ف 5 ديسمبر يدير 4 سنوات

ام اريام · 2013-11-25, 21:48

الله يسترك;وعجبني هذاك نتع حلوة الترك;قلتي نديرو شكلاطة بيضاء وفي الوسط لكرام نقدر ندير كنفتير باش نلصق;كفاش ندير التزيين من فوق حابة نديرو مدور

om mita · 2013-11-25, 21:49

الطلية تاع المخبز في قناة سميرة كل واحد كيفاش يعملها واحد يعجنها واحد شوية من كل حاجة واحد بيض وشربات .......
وانا لما تعلمت قاتلنا بيض لازم طلعيه بيدك مش الباتور لانها تجي يابسة طلعيه بيدك وضيفي سكر
حابة نعرف واحد يجي مليح ساتيني
انا كنت نستعمل قارس وماء زهر وسكر وزيت لاني منحبش البيض
قوليلي ويناها الصح.
وحاجة تاني بنت خالتي خدمت وحد القاطو يشبه للبقلاوة وسمو الافندي اذا تعرفيه قوليلي عليه
والبقلاوة بلبات افيلو الي تتباع خير ولا الي تتخدم
وربي نشاله يجازيك كل خير
اه نسيت اختي قاتلك علا المقروط الي قلتيلي -اناريس-
الحمد لله كي سكت

aboayoub · 2013-11-25, 21:53

اقتباس:

المشاركة الأصلية كتبت بواسطة lina200

ربي يجعلها في ميزان حسناتك يارب و تشوفي ايوب كيما تتمناي ولا أحسن ياااارب
مفهوم تش حاجه في طيلة الميل فاي الخطوط السوداء هي شكولا أو نفس الخليط معاه كاكاو

ان شاء الله ولكي بالمثل ...ان شاء الله كل ام تشوف ابنها كيما تتمنى ...

الحطوط تع الميلفاي تحبي شيكولة ولا تحبي ديري ديري شيكولا ميموزا هي عبارة عن كاكاو + الزيت جي عاقدة كي الطلية

ام اريام · 2013-11-25, 21:56

آني كنت نكتب كي قلتي أيوب عيد ميلادو في ديسمبر كيما فارس وليد سوما يا أختي أعملو كعكة واحدة,كل عام وهوما بخير ربي يعيشهم و يحفظهم هما و وليدات المسلمين إمالا نستناو صورونا الطرطات باش نشوفو

ام اناهيد · 2013-11-25, 22:07

اختي هذه عجينة السكر وليست عجينة اللوز
على كل حال بارك الله فيك