يا خاوتي تعالو فهموني يكاد راسي ينفجر

[سمية بنت الخياط]

المشاركة الأصلية كتبت بواسطة amina alg

اسمعي لي عندو مستوى يكمل يحافظ على مستوآه بأية طريقة،
والعلوم راهي من أسهل الموآد لمن احبها ،

شوفي لابد تتعلمي كيفاش

تديري التحليل لكل انواع الوثائق منحنيات ،جدآول، صور ، نص ؟
التفسير؟
والاستنتاج ؟

هذو اساسياات لابد تتعلميهم من الآن حاولي دايمن ديريهم وحدك واعطي لاي استاذ يصححلك حتى لو لم يكن استاذك،
اما الباقي فهو فهم للدرس إسألي أبحثي متقعديش هكاك ،
تلقاي المعلومات في كل مكــآن
سوآء اساتذة واحدوخرين، ولآ زميلاتك في اقسام اخرى .. الخ

وماتتقلقيش مادامك تحبي المادة رايحة تسهل عليك

ربي يوفقك ان شاء الله

المشاركة الأصلية كتبت بواسطة amina alg

فيما يخص هذا السؤال نسيت شوية لكن أجيبك بما أعلمه

أما ربط المطرقة بالحاسوب فالسبب هو لتسجيل زمن التنبيه ( في رأيك انت كيفاش عرفو بلي كاين زمن ضائع وبكم يقدر ، لابد يسجلو زمن التنبيه و زمن الاستجابة و الفرق هو الزمن الضائع)
أما الإلكترود فلتسجيل استجابة العضلة كما قلتي

اما تساؤلك حول كمون العمل ثنائي الطور فالسبب لا يعود الى عدد العضلآت ،
وإنما إلى وضعية الإلكترودات لاحظي بأنها كلها على سطح العضلة ،
بينما لما تحطي إلكترود داخل العضلة وآخر خارج العضلة رايحة تسجلي كمون عمل أحادي الطور ،
بشكل عام عند وضع الالكترودين على سطح العضلة معا او بداخل العضلة معا تتحصلي على منحنى ثتائي الطور،
اما اذا كان واحد في الداخل والآخر على السطح يعطيك كمون عمل احادي الطور

ههه خليتيني نبحث شوية
ان شاء الله نكون أفدتك

المشاركة الأصلية كتبت بواسطة amina alg

نبدأ نجاوبك على الأسئلة العلمية ممبعد نقولك على المشكلة تاعك

بسم الله

1. ماهو عمل كل من العضلة القابضة والباسطة ؟

العضلتين بين زوج ينقبضو و ينبسطو ،
و عملهم يكون بالتضاد

نبدالك قبل لماذا هذه التسمية ،
التسمية هي على أساس العمل لي يقومو بيه

القابضة سميت بالقابضة لأنها لما تتقلص رايحة تسبب حركة قبض العضو

مثلا العضلة القابضة على مستوى الفخذ سميت قابضة لأنها تقوم بقبض الساق ،
يعني لما تقبضي ساقك شكون لي رايحة تتدخل ؟
" العضلة القابضة " هي لي رايحة تتقلص و تخلي ساقك ينقبض ،
في نفس الوقت العضلة المعاكسة لها ولي سميتوها الباسطة رايحة تتمدد و تساعد على القيام بالحركة

أما الباسطة فسميت بالباسطة لأنها لما تتقلص رايحة تسبب حركة بسط العضو

نفس المثال اذاما بسطتي ساقك شكون لي يدخل ؟
" العضلة الباسطة" رايحة تتقلص و تخلي ساقك ينبسط،
و في نفس الوقت العضلة القابضة رايحة ترتاح و تتمدد

العضلتان تعملان بالتضاد لما واحدة تنقبض الأخرى تتمدد

ربي يخليك اختي الكريمة ربي ينورلك دربك صدقيني لقد احسست بنشوة كبيرة عندما تيسر لي فهم هاذين الاشكاليتين
شرحك كان مفهوما بسيطا ورائعا اعدك امينة اني ساخذ بنصائحك ولن اتخلى عن احب المواد عندي مهما حدث
يارب كما اعانتني في حاجةي فاعنها اللهم في كل حوائجها يارب سهل عليها كل عسر و ابسط لها دروب العلم والمعرفة يا ارحم الراحمين
بارك الله فيك
تقبلي مني خالص االشكر صديقتي واني اعلم انه لم يو ف جزءا بسيطا من جميلك يا امينة

[أيادي الأمل]

المشاركة الأصلية كتبت بواسطة سمية بنت الخياط

ربي يخليك اختي الكريمة ربي ينورلك دربك صدقيني لقد احسست بنشوة كبيرة عندما تيسر لي فهم هاذين الاشكاليتين
شرحك كان مفهوما بسيطا ورائعا اعدك امينة اني ساخذ بنصائحك ولن اتخلى عن احب المواد عندي مهما حدث
يارب كما اعانتني في حاجةي فاعنها اللهم في كل حوائجها يارب سهل عليها كل عسر و ابسط لها دروب العلم والمعرفة يا ارحم الراحمين
بارك الله فيك
تقبلي مني خالص االشكر صديقتي واني اعلم انه لم يو ف جزءا بسيطا من جميلك يا امينة

الحمد لله لي ربي قدرني نعاونك ،
وراني فرحانة من أجلك

والعفو أختي لآ شكر على وآجب،

ربي يجازيك على دعوآتك الجميلة
ربي يوفقك ان شاء الله و يسدد خطــآك

من أعماق قلبي شكرآآآ