الجزء 27 من : واش طيبتي اليوم *** - الصفحة 49

إلهام07 · 2013-09-14, 08:33

اقتباس:

المشاركة الأصلية كتبت بواسطة oum ibrahim

هههه واش ندير يا الهام سخفتوني مع الصباح دخلت لقيت الخير و الخمير
قوليلي القاناش لازم كريم فراش ؟؟؟؟ و القوام نتاعو كيفاه جامد و لا نص نص يعني كي تخليه يبرد في الفريجيدار يجمد و لا يبقى طري ؟؟؟

نعم لازم الكرام فراش باش يجي بنين

والله بحثت البارح في قوقل بزاف عليه ولقيت كاين وصفات بالحليب وتقدري ديريه بالحليب بصح لاكرام فراش مممممممممممممم ياعيني الشكلاطة كي تذوبيها فيها حتى لو كانت شكلاطة نتاع منى رخيصة يرجع ذوقها تقول MIlka

بصح كون يعني تضطري تقدري ديري بالحليب نورمال مايصر والو

هههههههههههه
أما القوام نتاعو أنت اللي تتحكمي فيه تحبيه جامدمليح او نص نص أو جاري
هي العفسة يقولك كي ديريه تحطيه في الثلاجة وتحركي كل شوية راهو في 5-7 د تلقايه جم خلاص ثم ثم
لثمة يبانلك القوام النهائي نتاعو إذا تحبيه جامد أقل عاودي سخنيه وزيدي فيه شوية حليب أو كريمة وعاودي برديه واستعمليه وإذا حاباتو جامد أكثر زيدي فيه شوية سكر رطب
الوصفة نتاع قاناش التزيين من بعد نحطها موضوع صغيرون ههههههههههههه
بصح هاكي الوصفة ضرك :
تحطي كريمة تسخن ( انا استعملت حوالي 20 سل ماعلاباليش بالضبط لاخاطر شريت قارورة كبيرة نستعمل منها ) كي تبدى رايحة تغلي طفي وحطي فيها شكلاطة ( درت 2 علب شكلاطة منى السوداء باش جي لونها غامق ) زخليتها ثواني ومن بد تحركي حتى تذوب الشكلاطة وتزيدي شوية نتاع زبدة أو مارغارين المهم تكون ريحتها مليحة وخلاص ( حوالي 2 ملاعق صغار ) وتحركي كي تذوب تماما تبداي تزيدي في السكر الناعم المغربل بالشوية وتشوفي القوام يبدى يثقال وهنا ديري كيما قتلك برديها وشوفي واش هو القوام اللي تحبي وعدليه على ذوقك بصح ماتنسايش لازم يكون شوية جامد باش كي تزيني بيه يحكم الشكل

والله بنة عظيمة روووووووعة حطيت منو لراجل أختي قاعد غير ينقي فيه بالشوكة من فوق التارت وياكل عجبو هههههههههههههه

اقتباس:

المشاركة الأصلية كتبت بواسطة parfumdor1

صباح الخير والنشاط والتفاؤل

وشراكم ام ابراهيم والهام و ام التوام اتفضلوا باش تفطروا جيبوا معاكم العصير الله غالب ما خلوهش لولاد

صباحك فل ، مابنتش الصورة وععععععععععععععععععععععع واش فيها

عطرالذهب · 2013-09-14, 08:39

صباح النور كنتنا اللي في الصورة طارط التفاح كيفاش ندير باش تخرجلك الصورة

أم محمد تاج · 2013-09-14, 08:41

صباحووو يالغاليات نشالله تكونو كامل بخييير
على قول أم برهوووم واشمن شخاشخ وواشمن مادلان وواشمن تارت واااااااااااي روووعة يالحراير روووووعة
لهووومة فاشيتك كيعاد ماعلقتيش على واحد الحاجة؟؟؟؟؟؟؟؟؟
واش راح طيبووو غدا؟؟؟؟؟

عطرالذهب · 2013-09-14, 08:42

لبنات راني خارجة نروح لدارنا نطل على والديا ندخل لعشيا انشاءالله

عطرالذهب · 2013-09-14, 08:44

صباح النور ام تاج اسمحيلي ماشفتكش

ام الهضاب · 2013-09-14, 08:48

الهام هذوك لي تارت يهبلو اتقولي انحطو هم في الفيترينة يعطيك الصحة الخدمة و الدار و الإبداع

إلهام07 · 2013-09-14, 08:55

اقتباس:

المشاركة الأصلية كتبت بواسطة أم ياسين الزهراء

الهام راح نسقسك كيليلي السنيوة انتاعك اللي درتي فيها كيكة 14 معليش حنونة راح نهبلك وندعيلك
دادو راني دعيتلك وربي يتقبل اللهم امين

مانيش متفكرة بالضبط بصح بالتقريب 27سم على 33 سم طيبتها في صينية شوية كبيرة على مقادير الكيكة صينية نتاع PIREX تعرفي هذو الصواني مايلصقوش

طبعا الأبعاد كبيرة على مقادير التارت نتاع 14 ملعقة باينة
انا ندير ديما هكذا بالذمة ومن بعد نقسم التارت على 2 ونسقي القسمين في زوج وندير كريمة ونحط القسم الأول فوق الثاني ونغطي بالكريم ونزين باش جيني على شكل تارت لاخاطر لو تكون على شكل كيك عادي مايقبلوش ياكلوها صدقيني ولفتهم في لي تارت وندمت

اقتباس:

المشاركة الأصلية كتبت بواسطة parfumdor1

صباح النور كنتنا

اللي في الصورة طارط التفاح كيفاش ندير باش تخرجلك الصورة

ههههههههههه أهلا بسبفتي جينا نفطرو عندك لقينا التارت نتاعك مكودية هههههههههههههه واقيلا الصورة كبيرة على بيها ما ظهرتش

أم ياسين الزهراء · 2013-09-14, 08:55

انا عندي الطن ندير تاع ام كوثر كتجربة ونقليلهم الباقي والفريت والسلايط والديسار كالعاد يلحق منبعد والحمد لله

اهلا ام محمد واش راكي

ام الهضاب · 2013-09-14, 08:56

اقتباس:

المشاركة الأصلية كتبت بواسطة المبتدئة

ياخاه على الهام وحدك والله ضحكتيني على ضياف الغفلة
لهومة لي تارت خرجو هبال والله سخفتيني بيهم المهم قبل ما يهجمو عليهم البقية راني دبت حقي امممممممممممممممممم
قوليلي الزينة واش من جينواز ديرتي واي كرام و مافهمتش حكاية القاناش واقيلا شربتي شوكولاته خاصه بالغلاصاج ?انا ديرت تاع فلة ماطلعتش خلاص بهدلتني

أنا ندير حينواز اتهبل و ساهلة هزيتها من الانترنات هذي مدة
8 بيضات مع 250 غ سكر يتخدموا ملييييييح في البيترا حتان تولي كرام بيضاء ثم تزيديلها 250 غ فرينة مغربلة بالشووووووية لان الخليط رآه طاالع باش مايهبطش و خلطي من تحت الى فوق و سخني الفرن من قبل ثم اضبطيه أعلى 200 درجة و خليها ما اتحليش الفور حتان تصفار من فوق و اتشوفيها طابت و الله خفيفة و سهلة ما فيها والو

إلهام07 · 2013-09-14, 08:57

اقتباس:

المشاركة الأصلية كتبت بواسطة أم محمد تاج

صباحووو يالغاليات نشالله تكونو كامل بخييير
على قول أم برهوووم واشمن شخاشخ وواشمن مادلان وواشمن تارت واااااااااااي روووعة يالحراير روووووعة
لهووومة فاشيتك كيعاد ماعلقتيش على واحد الحاجة؟؟؟؟؟؟؟؟؟
واش راح طيبووو غدا؟؟؟؟؟

تقصدي ماشينة الخياطة ؟ والله ياحبيبتي باركتلك عليها وإلا كتبتلك الرد في المنام ههههههههههههههههه
علاه تشري فيها ؟ ناقصك شغل

؟ ولا رايحة تتعلمي الخياطة من ورانا

اقتباس:

المشاركة الأصلية كتبت بواسطة ام الهضاب

الهام هذوك لي تارت يهبلو اتقولي انحطو هم في الفيترينة يعطيك الصحة الخدمة و الدار و الإبداع

ربي يعيشك حبيبتي هذا من ذوقك مواح ليك

أم محمد تاج · 2013-09-14, 09:01

صباحووو عطر وسالي على الوالدين الغالييين
أم ياسووو ياصبحا الحب والفل والياسمين
لهوووووومة حتى في المنام ماباركتيليش ماوصلني والوووووووووو
والماشينة حبيبتي راني راح نتعلم الخياطة من المنتدى وحابة نخيط غير ليا وفقط أنا نموت على لي مودال ولخياطة مالا باش نتهنى من مصروف الخياطات لازم عليا نتعلم وراني بديت وراح تكونو معايا خطوة بخطوة نشالله

إلهام07 · 2013-09-14, 09:08

أم الهضاب الله يبارك ديري كيك ب8 بيضات لوكان في دارنا ناكلوها في أسبوع ههههههههههههه
انا ندير غير ب4 أو 3 بيضات وتخلاص في يومين هههههههههههههههههههه

هي ممكن الكيكة نتاعك مليحة وخفيفة بصح كاستعمال نتاع كيك بصح الباتيسري ( لي تارت وقطع الباتيسري عموما ) نستعملو فيهم الكيك الاسفنجي يعني هذاك اللي نطلعو الصفار وحدو والبياض وحدو ونخلطو بالملققة وكمية الزيت فيه قليلة والخميرة نحطو كمية تكاد لا تذكر وممكن نستغناو على الخميرة تماما
يجي قوامها كيما الاسفنج وكي تطلع بتقي مستوية السطح ماشي كيما الكيك يجي محدب وكي تسقيها تشرب بسرعة غريبة وكي تحضريه في الدار والله كأنها مشرية من محل أصلا في المحلات يستخدمو هذي الوصفة والأخرى يديرو بيها الكيك هذاك اللي يتباع ب200دج مدهون بلا جولي ومزين بلي سوغيز.

إلهام07 · 2013-09-14, 09:10

ياسو كيكة 14ملعقة راني تفكرت انا طلعت البياض وحدو والصفار وحدو باش جي كيما تارت اللي يتباعو

إلهام07 · 2013-09-14, 09:12

أم محمد تاج ربي يخليك إذا رايحة تتعلمي دروس بالدراهم حطيلنا الدروس باش نتبعو عاك خطوة بخطوة تكسب فينا ثواب أنا واله هبلت حابة نتعلم خياطة وماعنديش وقت نقراها
نحب نلبس حجاب محتشم وفي نفس الوقت حاجة باهية وبسيطة وأنيقة وهذي راهي مهمة مستحيلة
يا تلقاي حوايج لاعلاقة مع الحجاب يا إما نروح نشري من قش العجايز ههههههههههههههه

إلهام07 · 2013-09-14, 09:14

ياسو ربي يعيشك كل مرة نجي نسقسيك وننسى ، قلتي وحد المرة جربتي الوصفة نتاعي نتاع الكاستال وفسدتلك وقلتي باللي أنت اللي درتي الغلطة فهميني واش درتيلي لكاستالي

كل مرة نتلاقى بواحدة من العائلة تقولي حقة درت الكاستال اللي عطيتيني الوصفة وجا يهبل ولا واحدة ماصلحتلهاش غير أنت فهميني واش من جريمة مطبخية درتي ؟