الجزء 27 من : واش طيبتي اليوم *** - الصفحة 48

إلهام07 · 2013-09-14, 00:36

أم كوثر والله ماقصدنا نحكيو المخلوقة قالت كلمة وخلاص شكرتها وهي عبرت عن مشاعرها وخلاص هههههههههه
ماتخافيش والله رانا عاقلين

اقتباس:

المشاركة الأصلية كتبت بواسطة المبتدئة

ياخاه على الهام وحدك والله ضحكتيني على ضياف الغفلة

اقتباس:

المشاركة الأصلية كتبت بواسطة المبتدئة

قوليلي الزينة واش من جينواز ديرتي واي كرام و مافهمتش حكاية القاناش واقيلا شربتي شوكولاته خاصه بالغلاصاج ?انا ديرت تاع فلة ماطلعتش خلاص بهدلتني

الجينواز نتاع امرامي مانبدلهاش مستحيل ( الوصفة نتاع جينواز بالنيستلي هايلة وخفيفة )لان أحسن وصفات الكيك الاسفنجي هي اللي طلعي البياض وحدو والصفار وحدو
لالا ماشي شكلاطة نتاع قلاصاج درت قاناش
القاناش يعني تسخني الكرام فراش ومن بعد طفي النار وتحطي فيها شكلاطة وتحركي حتى تذوب وهذي تحشي بيها تارتولات او تغلفي بيها كايك جي سائلة وبنينة وتلمع روووووووعة بصح باش تستعمليها في التزيين صعب
كي سهرت البارح في عمي قوقل لقيت باللي باش تزيني بيها كاب كيك تشقلي الشكلاطة يعني تزيدي شوية وتزيدي شوية زبدة وكي يذوب كلش يء تبداي تزيدي في السكر الناعم بالشوية حتى تثقال تحطيها في الثلاجة غير شوية تحكم روحا لو طولي رايحة تجمد ويصعب باش تخرج من لابوش
وتزيني بيها والبنة مممممممممممممممممم

لالا ماشي شكلاطة نتاع قلاصاج درت قاناش
عمري لاجربت جينواز فلة بصح تبانلي الفور نتاعك أو درتي غلطة لاخاطر كاين اللي جربوها وعجبتهم

ولا كرام راهي كرام شانتيي ثقلتها شوية وخلاص

إلهام07 · 2013-09-14, 00:53

بقيت وحدي ندور في الكوزينة كي الناموسة تصبحو بخير وهاهو رابط الشاي المثلج حبيبتي أناغيس راني درتو موضوع :
https://www.djelfa.info/vb/showthread.php?p=1054348866#post1054348866

وععععععععععععععععععع واش عاد ينوضني الصباح

ام ندى 87 · 2013-09-14, 00:57

لهومة واله ماخدعتك مازالني معاك سهرانة نستنى فال ايس تي
شكرا على الشرح روحي ترقدي غدوى تخدمي ربي يكون فلعون

أم التوأم · 2013-09-14, 06:50

صباح الخيرات والمسرات على أخواتي العزاز كيف أحوالكم ربي يدومها نعمة ويحفظها من الزوال أطباقكم هايلة ربي يخليكم يا حراير
جبتلكم المادلان ولتارتولات لقهوة الصباح تفضلو

tokio hotel · 2013-09-14, 07:32

صباح الخير اختى ابصحتكم هايلين

oum ibrahim · 2013-09-14, 07:51

صباح الخيرات على الحلوات
ماشاء الله اشي غرايف و اشي تارتات و اشي بقلاوات هههههه بصحتكم كااااااااامل
ام كوثر الف شكر على الطوابع شايفتهم من قبل هاتي نلقاهم ههه
الهااااام تقول راني ندور في باتيسري الله الله عليك يا الفحلة و اختك هاذي ما يهديهاش ربي تتعلم قاعدة غير تتشرط و لا كي بقات وحدها راهي تتدلل ههههه بصحتها يلبقلها كما يقولو السوريين الي عندو اخت كما انت يدلل و يعاود ههههه
منال بصحتكم المفور سخفتيني عندي بزاف ما درتوش
ام التوام المادلين يهوس هههه على قولة الهام و التارتولات رووووووووعة يعطيك الصحة راهم ناقصين 2 حبات ديتهم ما تقوليلهمش شكون داتهم هههه

إلهام07 · 2013-09-14, 07:52

صباح الفل والمسك والعنبر راني نحل في عينيا بصباعي هههههههههه

أم التوأم راني ديت حبة مادلان لانه يبان خفيف يهبل كيفك هههههههههههههه

انا الصباح فطرت من التارت نتاعي راني شبعانة

إلهام07 · 2013-09-14, 08:04

ههههههههههههههه صباح الخير أم إبراهيم واش هذا صبحتي تسرقي في الآيس تي منهيه ومنا التارتولات رايحة تفطري على ظهر الغاشي هههههههههههههه بصحتك حنونة

أختي ضرك كي بقيت غير أنا وهي قاتلي لازم دلليني انا هي الصغيرة اللي في الدار ضرك هههههههههههههههه
كي درت التارت الاولى غلطت درتها فاني وهي طلبت شكلاطة مهما حاولتها قلتلها ضرك نغطيها ونزينها بالشكلاطة والو قالت لازم كلشي شكلاطة تعرفي وليت مانعرفش صلاحي
الأولى سقيتها بالكابوتشينو وبين الطبقات ومن برا قاناش والتزيين شانتيي وقاناش التزيين .

وزدت درت وحدة اخرى على العاقبة بالكاكاو وسقيتها بحليب وشكلاطة ذايبة فيه ودرت بين الطبقات والتغليف قاناش الشكلاطة وزينت بالشانتيي وخدمت قاناش التزيين وزينت بيه التارتات في زوج خلصت على 19.00 ههههههه ماكلاوهاش قاتلي ضرك وقت عشاء ديريلنا بيتزا
يعني راكي روطار جاونا ضياف على 19.00 ماهو وقت عشاء ماهو وقت قهوة حطيت آيس تي و تارت الكابوتشينو وخلاص.

صح أنا البارح والله رجعت من الزعاف الدخان خارج على الوذنين شوية من التارت وشوية من العشاء والضياف بصح ربحت أني جربت القاناش في التزيين واكتشفت حاجة جديدة يهبل يهبل مانزيدش ندير الشانتيي

oum ibrahim · 2013-09-14, 08:09

هههه واش ندير يا الهام سخفتوني مع الصباح دخلت لقيت الخير و الخمير
قوليلي القاناش لازم كريم فراش ؟؟؟؟ و القوام نتاعو كيفاه جامد و لا نص نص يعني كي تخليه يبرد في الفريجيدار يجمد و لا يبقى طري ؟؟؟

عطرالذهب · 2013-09-14, 08:10

صباح الخير والنشاط والتفاؤل وشراكم ام ابراهيم والهام و ام التوام اتفضلوا باش تفطروا جيبوا معاكم العصير الله غالب ما خلوهش لولاد

oum ibrahim · 2013-09-14, 08:19

اممممممممم عطر رووووووعة انا شربت بعد ايس تي عند الهام درك نحاولها تزيدني كاس مع التارت نتاعك هههه

عطرالذهب · 2013-09-14, 08:22

بصحتك ام ابراهيم واش تجي التارت نتاعي حذا ماكولاتك الاكثر من رائعة

أم ياسين الزهراء · 2013-09-14, 08:25

صباح الانوار

عطر التارت اممممممممممممم راهو التفاح مداير حالى عندنا هدا وقتو

الهام زدتي علي التارت البيتزا السوفلي الله يبارك بلعقل علينا

ام اسلام مرقة الشخشوخة ديريلها غير البطاطا والحمص باش تجيك ثقيلة وبنينة وطبعا تقلي الحار للي يحبو

ام كوثر عندي منو حبيت برك تقوليلي طبعي بيه كالصابلي ولا ديري كويرة ودخليها فيه مجرد استفسار باش نعرف الاسهل نهدر على الطابع الابيض كيما انتاعي

أم ياسين الزهراء · 2013-09-14, 08:27

الهام راح نسقسك كيليلي السنيوة انتاعك اللي درتي فيها كيكة 14 معليش حنونة راح نهبلك وندعيلك

دادو راني دعيتلك وربي يتقبل اللهم امين

عطرالذهب · 2013-09-14, 08:27

صباح النور ام ياسين اتفضلي بصحتك التارت و فرحت ياسر كي عجباتك