بصفة ماذا نتهم قيادة الاتحاد?

[طاب جناني]

إذا كنت يا أخي نقابي في الاتحاد راك لازم تعرف بان أغلبية المجالس الولائية صورية ولم تجدد لسنوات و معندهاش الحق في سحب الثقة من المكتب الوطني ولا حتى من عضو في المجلس الوطني .خلونا نكونو واقعيين ونمشو بالاتحاد الى الامام ونقووه لكي يكون محصن من الصدمات . أنا وغيري كثيرون لسنا في خصومة مع أحد نريد نقابة قوية صوتها مسموع مبنية على إشراك الجميع في القرار النقابي بداية من أبسط ملف إلى أعقد ملف لكي تكون المسؤولية جماعية واحد ما يشكك في واحد ولا يتهم واحد ولا يخون واحد ولا يلوم على واحد لا القاعدة ولا ممثلي القاعدة وخلونا من كلمة القيادة راني حساس شوي من حكاية رئيس و مرؤوس .

لي يهدر على تغيير النقابة من القاعدة راه يصارع في طواحين الهواء ويجيب بينا في الوقت لأن القانون الداخلي مخيط على مقاس لي يلحق الأول يبقى في بلاصتو .حنا طرحنا و طلبنا وترجينا والتمسنا وحتا بكينا للمكتب الوطني باش يتبناها لأنه هو الوحيد وعلابالنا الكل بها وهي أنو يبادر في إعلان رسمي لدورة موسعة للمجلس الوطني للمراجعة و كشف الحساب بايجابياته وسلبياته أمام المناضلين وفتح جميع الملفات التنظيمية وخصوصا القانون الداخلي لي اصبح ما يسايرش التحديات الجديدة للنقابة وكذلك تحديد صلاحيات المكتب الوطني وحكاية التفويض الكامل لي راه عندو في التفاوض . الجماعة لي راهي دافع على الاتحاد نقولها لهم بصراحة انتم لي راكم وراء معزة ولو طارت .راكم تقولو التغيير أت وضمن بيت الاتحاد بربكم كيفاش رايحين تغيرو إذا المكتب الوطني والمجلس الوطني يقول رانا لاباس والاتحاد قوي والجماعة راهم لهم نوايا خبيثة ولي يحب الاتحاد ما لازمش يهدر على هذا المسؤول ولا ذاك المسؤول .إذا كانت الهرة والانتقاد غير مسموح وينظر له كخيانة يجيني واحد ويقلي راني رايح نغير المكتب والقانون الداخلي وووووو..............



أنا ديما نقول الهدرة ساهلة لكن الميدان هو الصح نستناو فيكم تغيرونا النظم الداخلية في الاتحاد وعندما تفعلون ذلك نعدكم أننا لن نحتج وسنشارك بايجابية في صنع القرار النقابي بعد ذلك ولن نحاسب أي شخص بل سنحاسب انفسنا فقط وإلى ذلك الحين سنظل نصرخ في وجه من يريد ان يصادر الاتحاد وجعله ملكية خاصة ويفشل المرة تلو المرة في تحقيق مطالب العمال والاساتذة البسطاء لي مايعرفوش العمل النقابي ولي يمشو فقط بالنية والثقة الزايدة .