"نساء آخر زمن"

[وصال الجنة]

أريد أن أسأل الذين يقولون :*أريد تطبيق الشريعة الإسلامية* ... كيف ذلك؟وضحوا لنا من فضلكم.
الشريعة الإسلامية لم تمنع المرأة من العمل وقد وضحت ذلك في ردود سابقة ...بل هي معه .أما إذا كان لكم رأي يخالف الشريعة وهو أن المرأة يجب ان تقعد في بيتها ولاتتعلم ولاتعمل فهذا شيء آخر وهذا اعتراض على ما أحله الله سبحانه وتعالى وأمرنا به ..ارجو من كل الذين يتعارضوا مع عمل المرأة أن يتعقلوا ويرضوا بما قسمه الله لنا.
ولا يحرموا ما أحله الله علينا.ومن قال أن عدم خروج المرأة للعمل سيقلل من التحرش ..إلخ؟.أريد ان أقول له ان الرجل إذا كان إيمانه قويا ومستقيما فلن ينظر إلى المرأة كما يفعل بعض الرجال في المقااهي بل إنه سيخرج لعمله مباشرة وسيكون جادا لايعرف *التمسخير*،وكاينة حاجة أمرنا الله بها وهي غض البصر ،يعني ربي أمرنا بالعمل وكما تخرج لمرا من دارها ورايحة تخدم ولا يخرج الراجل من دارو ورايح يخدم يحطو في بالهم بللي مارايحينش يتمسخرو وبللي عندهم هدف رايحين ليه وهو العمل أو طلب العلم ،الراجل ماكالاه يخزر في المراة بزاف ولازم يغض البصر انتاعو ولمرا بطبيعة الحال مارايحاش تخزر فالراجل لان لمرا ماعندها حاجة فالراجل.وهكذا ماكاين لاتحرش ولاعمار بوالزور.
اتقوا الله يا إخوتي وكونوا متحضرين شوي وعرفو الدين انتاعكم مليح قبل ماتظلمو لمرا وتحرموها من العلم والخدمة اللي ربي حللهم لها..ولازم الراجل ينحي من بالو الفكرة انتاع /لازمني نتزوج مرا باه تخدمني وتطيب لي ..إلخ.لمرا ماهيش آلة وماخلقهاش ربي باه تخدم الراجل برك ،خلقها باه تعيش وتتعلم وتخدم ..يا جماعة حتى الآلة يجي نهار وين تعيا وتفسد وكيفاه حبيتو لمرا ماتتعبش من الخدمة انتاع الدار ؟.حابة نقول للرجالة كون جيتو نسا ،تعرفو واش معناتها مرا وواش راهي تسوفري فالخدمة نتاع الدار وفالاخير تلقى واحد يقولك وعلاه لمرا ماتغسلش لحوايج بيدها وتستعمل الماشينا لافي؟هذا الإنسان اللي يقول هكذا يظهر لي مايحس ماوالو ..حتى وسيلة باه تساعد لمرا مايقبلهاش.سبحان الله.والله العظيم لوكان يجرب الراجل الخدمة انتاع لمرا فالدار والله غير يموت بالتعب ومايقدر يتحرك وهكذا يقدر المجهود انتاع لمرا ويعاونها.بصح الله غالب الرجالة يلقاو كلش واجد على هاذي مايحسوش بلمراوالخدمة انتاعها. المهيم ربي يهدي ما خلق ويكون في عون المرأة.
وكما قلت من قبل هذا الموضوع نورمالمو غير قابل للنقاش لان العلم فريضة على كل مسلم ومسلمة وربي امرنا بالعمل مهما كان جنس الإنسان وهذا واضح في آيته الكريمة.وبعد رأي الله تعالى ورسوله صلى الله عليه وسلم فنحن لانحتاج لرأي الناس الذين يحللون ويحرمون كما تهوى أنفسهم.
دمتم بود
وكما قلت من قبل:الإختــــلاف في الــــرأي لايفســــــد للـــود قضيـــــة