اقتباس:
المشاركة الأصلية كتبت بواسطة sarsora777
نقولك اختي واش ديري شوفي طيبيه كيما قتلك على خاطر كي تحمريه راهي لاصوص تشيح وراكي تحطي في المول الي تحمري فيه كاس برك تاع لاصوص وكي يحمار حطيه في صحن أوفال ومن بعد زينيه بالبطاطا و لاصوص طوماط اخدميها ثوم وملح وفلفل اكحل كيما تعرفيها وفي هاذ الحالة لكان درتي لاصوص طوماط البطاطا اقليها ما طيبيهاش معاه يعني ديري فريت هو الي يخرج مع لاصوص طوماط ومن بعد مثلا حطي الراس في النص وديري بجبهه صوص والجهة الاخرى فريت او مثلا فرشي لاصوص في الصحن كامل وحطي فوقو الراس ودوري عليه البطاطا و حطي القارص من فوق واذا راكم قلال ماتفسديش الراس كامل اقسميه على 2 في الطول يجي ثاني شبااااب نص طيبيه في العيد ونص بعد مدة كي تتوحشوه
ملاحظة لاصوص طوماط الي راني نهدر عليها المقلية ما علاباليش اذا رانا متفاهمين في الكلمة واذا هذي هي الي قصدتيها انت وأي سؤال اني هنا
اني نسيت ما قتلكش كي داويه مع الاول ديري 2 سنان ثوم و 1 بصل .
و من بعد صفي المرقة الي طاب فيها وديري قيمة كاس و لا اقل في المول الي تحمري فيه باه ما يلسقش ويجي بنين في نفس الوقت خير لا ديري الماء
و حاجة ثاني قبل ما تلوحين في الفور ادهنيه بشوي. زبدة باه يحمار مليح
في الكوكوط خليه. يطيب مليح باه يجيك طري ويذوب في الفم و ما تكثر يش الماء بزاااااف باه ما تروحي البنة تاع التوابل
على فكرة راه كي يطيب يصغار شوي
وراني في الخدمة لأي استفسار
|
يعطيك الصحة اختي و الله يخليك راكي كفيتي و وفيتي و طبعا صلصة الطماطم نفسها الي راني نقصدها و حبيت نسقسيك اخر حاجة في هذي الحالة المخ نحيه ؟ و كي ندهنو و ندخلو للفور نحطوا على وجهو ؟ و اسمحيلي اختي عييتك
( تقرير عن مشاركة سيئة )، و الموجودة أسفل كل مشاركة .
2011-10-13, 16:43
العرض الشجري