ارجوا المساعدة

[sarsora777]

المشاركة الأصلية كتبت بواسطة نسمة الربيعm

يعطيك الصحة اختي و ربي يحفضك بصح ما فهمتينيش والله غير غصبني الضحك على روحي ماشي قصدي نحط المخ على وجهوا قصدي الزليف كي نجي نحمرو نحطوا على وجهو ولا نقلبو ولا نحمروا على الجهتين و يا اختي انتي قلتيلي تحمري الزليف يعني الراس كامل ما تقطعيهش في هذه الحالة كيفاش تنحي المخ و قوليلي كي نحمرو كامل بلا ما نقطعو اومبعد كي يتحمر و نجي راحا نقدم فيه يجيني ساهل باش نقسموا و اختي كي نشوطوا على النار كيفاش ولا باش نغسلوا باش يخرجلي ابيض و اسمحيلي بزاف ختي

اختي حمريه على الجهتين ومع الاخير زيدي قلبيه وجهو يجي ملفوق انا ديري برايي اقسميه في النص في الطول يعني نص تاع القدام ونص تاع اللور وحمريهم للاثنين وكي تحبي تحطيه في الصحن ركبيه يعني حطي النص تاع اللور لتحت و وجهو من فوق يولي يبان مجمول هل فهمتي قصدي؟
هكذا راح يجيك أسهل و تستافيدي بالمخ وتقدري تحشيه في النص بالفريت قبل ما تحطي وجهو ولا احشيه بالمخ مقلي مع لبيض او روز طايب في المرقة الي طاب فيها الراس اذا تحبو الروز او شوفي انت واش يخرج عليك
انا يبالي هكذا خير ويطيب خير حمري نص مليح ومن بعد زيدي الثاني واذا عندك مول كبير حطيهم مع بعض وحمريهم على ضربة بصح ماتحطيهمش فوق بعض ساميهم لبعض و حمريهم من الجيهتين ومن بعد كي يحمارو كيما قتلك حطي الوجه من فوق شغل اجمليه واحشيه هكذا حتى القصان يجيك ساهل
يا اختي باه تشوطيه فرشي الجرائد تحت الطابونة باه ما تتوسخلكش الدنيا تقعد نضيفة وكلش يطيح في الجرائد ومن بعد حطيه فوق. الطابونة تكون شاعلة كامل وكي يحترق الشعر نحيه بالموس مقلب منين مش ماضي باه ماتقشريهش وعاودي العملية حتى يروح الشعر كامل ومن بعد جيبي خزم جديد وغسلي الراس حكيه مليح بلومو وقطرة جافيل ومن بعد شلليه ملييييييييييييح ملييييييييييح وحطيه يقطر في كسكاس
واذا حبيتيه يجيك ابيض ما تشوطيهش لوحيه في الماء يغلي ومن بعد اجبديه ونحي الشعر بالموس راح يتنحى وعاودي العملية حتى يتنحى الشعر كامل كيما نريشو الجاج هاذ العملية تعب وكي يبقالك شوي شعر جيبي شفرة حلاقة جديدة ونحي لو الي بقا ومن بعد اغسليه راح يجيك ابيض يهبل ربي يعاونك وأي سؤال في اي حاجة قولولي ماتحشميش اني هنا